ᱮᱱ. ᱠᱤᱨᱟᱱ ᱠᱩᱢᱟᱨ ᱨᱮᱰᱰᱤ
| ᱮᱱ. ᱠᱤᱨᱟᱱ ᱠᱩᱢᱟᱨ ᱨᱮᱰᱰᱤ | |
|---|---|
 | |
| ᱑᱖ ᱟᱹᱱᱤᱡ ᱟᱱᱫᱷᱨᱚ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱒᱕ ᱱᱮᱵᱷᱮᱢᱵᱚᱨ ᱒᱐᱑᱐ – ᱑ ᱢᱟᱨᱪ ᱒᱐᱑᱔ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱠᱮ. ᱨᱳᱥᱮᱭᱤᱭᱟᱜ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱫᱤᱥᱚᱢ ᱜᱚᱢᱠᱮ ᱥᱟᱥᱚᱥ |
| Speaker of the Andhra Pradesh Legislative Assembly | |
| ᱟᱹᱢᱟᱹᱞᱤ ᱨᱮ ᱡᱩᱱ ᱒᱐᱐᱙ – ᱱᱚᱵᱷᱮᱢᱵᱚᱨ ᱒᱐᱑᱐ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱠᱮ. ᱟᱨ. ᱥᱩᱨᱮᱥ ᱨᱮᱰᱰᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱱᱚᱫᱮᱸᱫᱽᱞᱟ ᱢᱚᱱᱳᱦᱚᱨ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱓ ᱥᱮᱯᱴᱮᱢᱵᱚᱨ ᱑᱙᱖᱐ ᱦᱟᱭᱫᱨᱵᱟᱫᱽ, ᱟᱱᱫᱷᱨᱚ ᱯᱨᱚᱫᱮᱥ, ᱥᱤᱧᱚᱛ (ᱱᱤᱛᱚᱜ ᱫᱚ ᱛᱮᱞᱮᱝᱜᱟᱱᱟ, ᱥᱤᱧᱚᱛ) |
| ᱨᱟᱡᱽᱟᱹᱨᱤ ᱫᱚᱞ | Indian National Congress |
| ᱥᱩᱦᱤ | ᱨᱮᱫ:Signature Of Kiran Kumar Reddy.png |
ᱱᱚᱞᱞᱟᱨᱤ ᱠᱤᱨᱟᱱ ᱠᱩᱢᱟᱨ ᱨᱮᱰᱰᱤ (ᱡᱟᱱᱟᱢ: ᱑᱓ ᱥᱮᱯᱴᱮᱢᱵᱚᱨ ᱑᱙᱖᱐, ᱦᱟᱭᱫᱨᱟᱵᱟᱫᱽ ᱨᱮ) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱭᱤᱛ ᱱᱮᱛᱟ ᱠᱟᱱᱟᱭ ᱾ ᱟᱨ ᱟᱱᱫᱷᱨᱚ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱼᱟ ᱾ ᱱᱩᱭ ᱫᱚ ᱯᱩᱱ ᱫᱷᱟᱣ ᱟᱱᱫᱷᱨᱚ ᱯᱨᱚᱫᱮᱥ ᱵᱤᱫᱷᱟᱱ ᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱟᱠᱟᱱᱟ ᱾ ᱯᱷᱮᱵᱽᱨᱩᱣᱟᱨᱤ ᱒᱐᱑᱔ ᱨᱮ ᱛᱮᱞᱮᱝᱜᱟᱱᱟ ᱯᱚᱱᱚᱛ ᱩᱫᱩᱜ ᱥᱚᱫᱚᱨ ᱮᱱ ᱛᱟᱭᱚᱢ ᱩᱱᱤ ᱫᱚ ᱠᱚᱸᱜᱽᱨᱮᱥ ᱠᱷᱚᱱ ᱤᱥᱛᱤᱯᱷᱟᱭ ᱦᱟᱛᱟᱣ ᱠᱮᱫᱼᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱤᱨᱚᱬ ᱠᱩᱢᱟᱨ ᱨᱮᱰᱰᱤ ᱨᱤᱱ ᱟᱭᱳ ᱵᱟᱵᱟ ᱫᱚ ᱥᱚᱨᱳᱡᱚᱢᱢᱟ ᱟᱨ ᱮᱱ. ᱚᱢᱚᱨᱱᱟᱛᱷ ᱢᱮᱱᱛᱮ ᱧᱩᱛᱩᱢ ᱟᱹᱠᱤᱱᱟ ᱾ ᱚᱢᱚᱨᱱᱟᱛᱷ ᱨᱮᱰᱰᱤ ᱦᱚᱸ ᱠᱚᱸᱜᱽᱨᱮᱥ ᱯᱟᱴᱤ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱟᱠᱟᱱᱟ ᱾ ᱟᱨ ᱯᱤ. ᱵᱷᱤ. ᱱᱚᱨᱚᱥᱤᱢᱦᱟ ᱨᱟᱣ ᱟᱜ ᱠᱟᱹᱢᱤᱠᱛᱚ ᱨᱮ ᱠᱮᱵᱤᱱᱮᱴ ᱢᱚᱱᱛᱨᱤ ᱦᱚᱸᱭ ᱛᱟᱦᱮᱸ ᱦᱩᱭ ᱟᱠᱟᱱᱟ ᱾ ᱚᱢᱚᱨᱱᱟᱛᱷ ᱨᱮᱰᱰᱤ ᱫᱚ ᱤᱱᱫᱤᱨᱟ ᱜᱟᱱᱫᱷᱤ ᱟᱨ ᱯᱤ ᱵᱷᱤ ᱱᱚᱨᱥᱤᱢᱦᱟ ᱨᱟᱣ ᱛᱤᱠᱤᱱ ᱤᱡ ᱟᱹᱰᱤ ᱥᱩᱯᱩᱨ ᱯᱟᱹᱛᱟᱹᱛᱤᱭᱟᱹ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ ᱛᱟᱭᱟ ᱾ ᱱᱩᱭ ᱨᱤᱱ ᱜᱷᱟᱨᱚᱸᱡᱽ ᱫᱚ ᱪᱤᱛᱛᱩᱨ ᱦᱚᱱᱚᱛ ᱨᱮᱱᱟᱜ ᱠᱚᱞᱤᱠᱤᱨᱤ ᱥᱩᱨ ᱨᱮ ᱢᱮᱱᱟᱜ ᱱᱚᱜᱚᱨᱤᱯᱚᱞᱞᱮ ᱟᱹᱛᱩ ᱠᱷᱚᱱ ᱠᱟᱱᱟ ᱠᱚ ᱾ [᱑] ᱠᱤᱨᱚᱬ ᱟᱜ ᱯᱟᱲᱦᱟᱣ ᱫᱚ ᱦᱟᱭᱫᱽᱨᱟᱵᱟᱽ ᱯᱚᱵᱽᱞᱤᱠ ᱟᱥᱲᱟ ᱠᱷᱚᱱ ᱦᱩᱭ ᱞᱮᱱ ᱛᱟᱦᱮᱸᱫ ᱟᱨ ᱯᱨᱤᱭᱩᱱᱤᱵᱷᱚᱨᱥᱤᱴᱤ (ᱤᱱᱴᱚᱨ) ᱫᱚ ᱥᱮᱸᱴ ᱡᱚᱱᱥ ᱡᱩᱱᱤᱭᱚᱨ ᱵᱤᱨᱫᱟᱹᱜᱟᱲ, ᱦᱟᱭᱫᱽᱨᱟᱵᱟᱫᱽ ᱠᱷᱚᱱ ᱾[᱒] ᱱᱤᱡᱟᱢ ᱵᱤᱨᱫᱟᱹᱜᱟᱲ ᱠᱷᱚᱱ ᱵᱤ. ᱠᱚᱢ ᱮ ᱥᱟᱹᱛ ᱠᱮᱫᱼᱟ ᱟᱨ ᱚᱥᱢᱟᱱᱤᱭᱟᱹ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱞᱚ ᱠᱚᱞᱮᱡᱽ ᱠᱷᱚᱱ ᱮᱞᱮᱞᱵᱤ ᱠᱚᱨᱟᱣ ᱠᱮᱫ ᱟᱭ ᱾ ᱱᱩᱭ ᱫᱚ ᱦᱟᱭᱫᱽᱨᱟᱵᱟᱫᱽ ᱨᱮᱱᱟᱜ ᱟᱱᱰᱚᱨ - ᱒᱒ ᱥᱟᱣᱩᱛᱷ ᱡᱳᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱟᱨ ᱚᱥᱢᱟᱱᱤᱭᱟᱹ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱠᱨᱤᱠᱮᱴ ᱴᱤᱢ ᱢᱩᱛᱟᱹᱱ ᱦᱚᱸᱭ ᱛᱟᱦᱮᱸ ᱦᱩᱭ ᱟᱠᱟᱱᱟ ᱾ [᱓][᱔] ᱱᱩᱭ ᱛᱤᱱᱟᱹᱝ ᱫᱤᱱ ᱞᱟᱹᱜᱤᱫ ᱫᱚ ᱪᱚᱱᱱᱮ ᱨᱮ ᱱᱮᱱᱟᱜ ᱵᱮᱥᱟᱸᱛ ᱛᱷᱤᱣᱚᱥᱚᱯᱷᱤᱠᱚᱞ ᱟᱥᱲᱟ ᱨᱮ ᱦᱚᱸᱭ ᱯᱟᱲᱦᱟᱣ ᱟᱠᱟᱱᱟ ᱾
ᱨᱟᱹᱡᱽᱟᱹᱨᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱤᱨᱚᱬ ᱨᱮᱰᱰᱤ ᱫᱚ ᱯᱩᱭᱞᱩ ᱫᱷᱟᱣ ᱑᱙᱘᱙ ᱢᱮ ᱨᱮ ᱟᱡ ᱵᱟᱵᱟ ᱦᱟᱜ ᱜᱩᱨ ᱛᱟᱭᱚᱢ, ᱟᱱᱫᱷᱨᱚ ᱯᱨᱚᱫᱮᱥ ᱵᱤᱫᱷᱟᱱ ᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱᱟ ᱾ [᱕] ᱑᱙᱘᱙, ᱑᱙᱙᱙ ᱟᱨ ᱒᱐᱐᱔ ᱨᱮ ᱵᱚᱭᱮᱞᱯᱟᱰᱩ ᱠᱷᱚᱱ ᱮ ᱡᱤᱛᱠᱟᱹᱨ ᱞᱮᱱ ᱛᱟᱦᱮᱸᱫ ᱾ ᱑᱙᱙᱔ ᱨᱮ ᱛᱤᱱ ᱡᱚᱦᱚᱜ ᱠᱚᱸᱜᱽᱨᱮᱥ ᱪᱤᱛᱛᱩᱨ ᱦᱚᱱᱚᱛ ᱨᱮ ᱧᱩᱛᱩᱢ ᱦᱚᱸ ᱵᱟᱝ ᱛᱟᱦᱮᱸ ᱞᱮᱱᱟ, ᱱᱩᱭ ᱮ ᱦᱟᱨᱟᱣ ᱮᱱᱟ ᱾ ᱒᱐᱐᱙ ᱨᱮ ᱯᱤᱞᱮᱨᱩ ᱠᱷᱚᱱ ᱵᱟᱪᱷᱱᱟᱣ ᱮ ᱡᱤᱛᱠᱟᱹᱨ ᱮᱱᱟ ᱾ ᱱᱩᱭ ᱫᱚ ᱣᱟᱭ. ᱮᱥ. ᱨᱟᱡᱽᱥᱮᱠᱷᱚᱨ ᱨᱮᱰᱰᱤ ᱭᱤᱡ ᱯᱟᱸᱡᱟᱭᱤᱭᱟᱹ ᱢᱮᱱᱛᱮ ᱵᱷᱟᱹᱜᱤ ᱩᱯᱨᱩᱢ ᱢᱮᱱᱟᱜ ᱛᱟᱭᱟ ᱾ ᱒᱐᱐᱔ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱕ ᱥᱮᱨᱢᱟ ᱞᱟᱹᱜᱤᱫ ᱱᱩᱭ ᱫᱚ ᱪᱤᱯ ᱣᱟᱭᱤᱯ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ [᱖] ᱤᱱᱟᱹ ᱛᱟᱭᱚᱢ ᱱᱩᱭ ᱫᱚ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱥᱚᱵᱷᱟᱯᱚᱛᱤᱭ ᱵᱮᱱᱟᱣ ᱮᱱᱟ ᱾
ᱵᱤᱫᱷᱟᱱᱥᱚᱵᱷᱟ ᱥᱚᱵᱷᱟᱯᱚᱛᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱱᱫᱷᱨᱚ ᱯᱨᱚᱫᱮᱥ ᱟᱥᱮᱢᱵᱽᱞᱤ ᱨᱤᱱᱤᱡ ᱑᱓ ᱟᱱᱟᱜ ᱥᱮᱥᱳᱱ ᱨᱤᱱᱤᱡ ᱥᱚᱵᱷᱟᱯᱚᱛᱤ ᱞᱮᱠᱟᱛᱮ ᱠᱤᱨᱚᱬ ᱠᱩᱢᱟᱨ ᱨᱮᱰᱰᱤ ᱫᱚ ᱡᱩᱱ ᱒᱐᱐᱙ ᱨᱮᱭ ᱵᱟᱪᱷᱚᱱ ᱮᱱᱟ ᱾ ᱱᱩᱭᱟᱜ ᱵᱟᱪᱷᱱᱟᱣ ᱨᱮᱱᱟᱜ ᱥᱚᱢᱚᱨᱛᱷᱚᱱ ᱫᱚ ᱣᱟᱭ. ᱮᱥ. ᱨᱟᱡᱽᱥᱮᱠᱷᱚᱨ ᱨᱮᱰᱰᱤ, ᱯᱨᱚᱡᱟ ᱨᱟᱡᱽᱡᱚᱢ ᱯᱟᱴᱤ ᱨᱤᱱᱤᱡ ᱪᱤᱨᱚᱧᱡᱤᱵᱤ, AAMAM ᱨᱤᱱᱤᱡ ᱱᱮᱛᱟ ᱚᱠᱚᱵᱽᱨᱩᱫᱽᱫᱷᱤᱱ ᱳᱣᱮᱥᱤ ᱟᱨ ᱚᱥᱚᱫᱩᱫᱽᱫᱷᱤᱱ ᱳᱣᱮᱥᱤ ᱟᱛᱮᱛᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Andhra CM Rosaiah resigns citing personal reasons", Business Standard, 24 November 2010.
- ↑ "Cong mulling a Reddy CM to stop Jaganaut?" Archived ᱒᱐᱑᱒-᱑᱑-᱐᱔ at the Wayback Machine., The Times of India, 9 July 2010.
- ↑ "Highlight people's problems, Speaker tells parties " Archived ᱒᱐᱑᱐-᱐᱘-᱒᱓ at the Wayback Machine., The HINDU, 17 Aug 2010.
- ↑ Career statistics of Reddy from Cricketarchive
- ↑ The Hindu : Front Page : Kiran Kumar to take over as Speaker Archived ᱒᱐᱑᱐-᱑᱑-᱒᱗ at the Wayback Machine.. Hinduonnet.com (2009-05-26). Retrieved on 23 December 2010.
- ↑ Andhra Pradesh / Hyderabad News : Chief Whip denies encroachment charge Archived ᱒᱐᱐᱗-᱑᱐-᱒᱙ at the Wayback Machine.. The Hindu (2006-11-06). Retrieved on 23 December 2010.