ᱯᱚᱞᱞᱤ ᱥᱚᱝᱜᱚᱴᱷᱚᱱ ᱵᱤᱵᱷᱟᱜᱽ
| ᱯᱚᱞᱞᱤ ᱥᱚᱝᱜᱚᱴᱷᱚᱱ ᱵᱤᱵᱷᱟᱜᱽ | |
|---|---|
| ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ | |
 ᱥᱨᱤᱱᱤᱠᱮᱛᱚᱱ ᱨᱮ ᱟᱹᱛᱩ ᱵᱮᱱᱟᱣ ᱨᱟᱠᱟᱵ ᱨᱮᱭᱟᱜ ᱛᱷᱟᱹᱯᱱᱤᱛ | |
| ᱴᱷᱟᱶ | ᱥᱨᱤᱱᱤᱠᱮᱛᱚᱱ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱚᱛᱱᱚᱜ ᱴᱷᱟᱶ | 23°40′02″N 87°39′42″E / 23.6671°N 87.6617°ECoordinates: 23°40′02″N 87°39′42″E / 23.6671°N 87.6617°E |
| ᱛᱷᱟᱯᱚᱱᱤᱡ | ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ |
| ᱛᱷᱟᱯᱚᱱ | ᱑᱙᱒᱒ |
| ᱯᱩᱨᱠᱷᱟᱹ (ᱯᱨᱤᱱᱥᱤᱯᱟᱞ) | ᱯᱨᱚᱯᱷ. ᱚᱢᱤᱛ ᱠᱩᱢᱟᱨ ᱦᱟᱡᱽᱨᱟ |
| ᱣᱮᱵᱽᱥᱟᱭᱤᱴ | ᱯᱚᱞᱞᱤ ᱥᱚᱝᱜᱚᱴᱷᱚᱱ ᱵᱤᱵᱷᱟᱜᱽ |
ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱯᱚᱞᱞᱤ ᱥᱚᱝᱜᱚᱴᱷᱚᱱ ᱵᱤᱵᱷᱟᱜᱽ (Institute of Rural Reconstruction), ᱑᱙᱒᱒ ᱨᱮ ᱱᱳᱵᱮᱞ ᱥᱤᱨᱯᱷᱟᱹ ᱡᱤᱛᱠᱟᱹᱨᱤᱭᱟᱹ ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ ᱦᱚᱛᱮᱛᱮ ᱥᱨᱤᱱᱤᱠᱮᱛᱚᱱ ᱨᱮ ᱵᱮᱱᱟᱣ ᱞᱮᱱᱟ ᱛᱟᱦᱮᱸᱫ᱾ ᱞᱤᱭᱚᱱᱟᱨᱰ ᱱᱟᱭᱤᱴ ᱮᱞᱢᱦᱟᱨᱥᱴ ᱫᱚ ᱱᱚᱶᱟ ᱨᱮᱱᱟᱜ ᱯᱩᱭᱞᱩ ᱰᱤᱨᱮᱠᱴᱚᱨ ᱠᱟᱱᱟᱭ᱾
ᱢᱤᱫ ᱧᱮᱱᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱚᱵᱤᱱᱫᱽᱨᱚᱱᱟᱛᱷ ᱫᱚ ᱑᱘᱙᱐ ᱥᱟᱞᱮ ᱨᱮ ᱥᱤᱞᱟᱭᱫᱚᱦᱚ ᱟᱨ ᱯᱟᱛᱤᱥᱟᱨ ᱨᱮ ᱟᱡᱟᱜ ᱜᱷᱟᱨᱚᱸᱡᱽ ᱮᱥᱴᱮᱴ ᱨᱮ ᱟᱡᱟᱜ ᱡᱟᱢᱤᱱᱫᱟᱨᱤ ᱠᱟᱹᱢᱤ ᱨᱮᱭ ᱠᱟᱹᱢᱤ ᱠᱟᱱ ᱛᱟᱦᱮᱸᱫ᱾ ᱑᱙᱓᱙ ᱥᱮᱨᱢᱟ ᱨᱮ ᱥᱨᱤᱱᱤᱠᱮᱛᱚᱱ ᱨᱮᱱ ᱠᱟᱹᱢᱤᱭᱟᱹ ᱠᱚ ᱥᱟᱞᱟᱜ ᱢᱤᱫᱴᱮᱱ ᱨᱚᱲ ᱨᱮ ᱩᱱᱤ ᱫᱚᱭ ᱢᱮᱱ ᱠᱮᱫᱟ, "ᱵᱟᱹᱭ ᱵᱟᱹᱭ ᱛᱮ ᱟᱹᱛᱩ ᱦᱚᱲ ᱠᱚᱣᱟᱜ ᱨᱮᱸᱜᱮᱡ ᱱᱟᱪᱟᱨ ᱦᱟᱞᱚᱛ ᱤᱧ ᱴᱷᱮᱱ ᱯᱩᱥᱴᱟᱹᱣ ᱮᱱᱟ, ᱟᱨ ᱤᱧ ᱱᱚᱶᱟ ᱵᱟᱵᱚᱛ ᱛᱮ ᱠᱟᱹᱢᱤ ᱞᱟᱹᱜᱤᱫ ᱤᱧ ᱩᱛᱟᱹᱦᱩᱞᱤ ᱮᱱᱟ... ᱩᱱᱠᱷᱚᱱ ᱤᱧ ᱫᱚ ᱟᱹᱛᱩ ᱦᱚᱲ ᱠᱚᱣᱟᱜ ᱢᱚᱱᱮ ᱪᱮᱫ ᱞᱮᱠᱟᱛᱮ ᱪᱮᱸᱜᱷᱟᱣ ᱚᱪᱚ ᱫᱟᱲᱮᱭᱟᱜ ᱟᱹᱧ, ᱚᱱᱟᱛᱮ ᱩᱱᱠᱩ ᱟᱠᱚᱣᱟᱜ ᱡᱤᱣᱤ ᱞᱟᱹᱜᱤᱫ ᱛᱮ ᱟᱠᱚᱣᱟᱜ ᱫᱟᱹᱭᱵᱷᱟᱨ ᱠᱚ ᱧᱟᱢ ᱫᱟᱲᱮᱭᱟᱜᱼᱟ᱾" ᱴᱷᱟᱠᱩᱨ ᱫᱚᱭ ᱚᱞ ᱟᱠᱟᱫᱟ, "ᱟᱹᱛᱩ ᱨᱮᱭᱟᱜ ᱡᱤᱭᱚᱱ ᱫᱚ ᱟᱨᱦᱚᱸ ᱱᱟᱯᱟᱭ ᱦᱩᱭᱩᱜ ᱞᱟᱹᱠᱛᱤ, ᱠᱟᱹᱢᱤ ᱟᱨ ᱨᱟᱹᱥᱠᱟᱹ ᱫᱚ ᱡᱩᱲᱟᱹᱣᱜ ᱞᱟᱹᱠᱛᱤ ᱟᱨ ᱢᱤᱫ ᱱᱟᱯᱟᱭ ᱟᱹᱭᱠᱟᱹᱣ ᱩᱛᱱᱟᱹᱣ ᱦᱩᱭᱩᱜ ᱞᱟᱹᱠᱛᱤ᱾"[᱑]
ᱥᱨᱤᱱᱤᱠᱮᱛᱚᱱ ᱨᱮ ᱟᱹᱛᱩ ᱠᱟᱹᱢᱤ ᱠᱚ ᱟᱭᱢᱟ ᱞᱮᱠᱟᱱᱟᱜ ᱛᱟᱦᱮᱸ ᱠᱟᱱᱟ᱾ "ᱥᱤᱠᱷᱟ-ᱥᱚᱛᱨᱚ ᱟᱨ ᱥᱤᱠᱠᱷᱟ-ᱪᱟᱨᱪᱟ-ᱵᱷᱚᱵᱚᱱ ᱨᱮ, ᱥᱟᱱᱟᱢ ᱞᱮᱠᱟᱱ ᱡᱟᱹᱛᱤ ᱨᱮᱱ ᱟᱹᱛᱩ ᱠᱚᱲᱟ ᱠᱚ ᱥᱮᱨᱮᱧ, ᱪᱟᱥ, ᱦᱟᱭᱡᱤᱱ ᱟᱨ ᱥᱮᱱᱤᱴᱮᱥᱟᱱ ᱟᱨ ᱟᱹᱛᱩ ᱠᱟᱹᱢᱤ ᱨᱮ ᱥᱮᱪᱮᱫ ᱠᱚ ᱧᱟᱢᱟ᱾ ᱪᱟᱥ ᱵᱤᱵᱷᱟᱜᱽ ᱨᱮ ᱴᱚᱴᱷᱟ ᱞᱟᱹᱜᱤᱫ ᱵᱷᱟᱜᱮ ᱦᱩᱭ ᱫᱟᱲᱮᱜ ᱱᱚᱝᱠᱟᱱ ᱱᱟᱣᱟ ᱱᱟᱣᱟ ᱟᱵᱟᱫᱽ ᱠᱚ ᱵᱤᱰᱟᱹᱣ ᱧᱮᱞ ᱦᱩᱭ ᱟᱠᱟᱱᱟ᱾ ᱟᱹᱛᱩ ᱨᱤᱱ ᱦᱚᱲ ᱠᱚᱣᱟᱜ ᱠᱟᱹᱣᱰᱤᱭᱟᱹᱨᱤ ᱠᱮᱴᱮᱡ ᱞᱟᱹᱜᱤᱫ ᱛᱚᱣᱟ ᱟᱨ ᱡᱟᱱᱣᱟᱨᱤ ᱪᱟᱥ ᱨᱮ ᱥᱟᱬᱮᱥᱤᱭᱟᱹ ᱵᱤᱰᱟᱹᱣ ᱠᱚ ᱦᱩᱭ ᱞᱮᱱᱟ᱾ ᱥᱤᱞᱯᱟ ᱵᱷᱚᱵᱚᱱ ᱨᱮ ᱠᱟᱹᱢᱤ ᱨᱮᱱᱟᱜ ᱢᱩᱬᱩᱛ ᱟᱹᱭᱫᱟᱹᱨ ᱫᱚ ᱛᱟᱦᱮᱸ ᱠᱟᱱᱟ ᱛᱤ ᱛᱮ ᱵᱮᱱᱟᱣ ᱠᱟᱹᱨᱤ ᱡᱤᱣᱮᱫ ᱨᱩᱣᱟᱹᱲ ᱟᱨ ᱱᱟᱣᱟ ᱠᱚ ᱥᱟᱢᱟᱝ ᱥᱚᱫᱚᱨ᱾ ᱱᱚᱝᱠᱟ ᱛᱮ, ᱟᱹᱛᱩ ᱨᱮᱭᱟᱜ ᱥᱤᱞᱯᱚ ᱫᱟᱨᱟᱭ ᱛᱮ ᱪᱟᱥ ᱨᱮᱦᱚᱸ ᱠᱟᱹᱣᱰᱤ ᱜᱚᱲᱚ ᱧᱟᱢᱚᱜᱼᱟ᱾ ᱰᱟᱦᱟᱨ ᱡᱩᱛ ᱨᱩᱣᱟᱹᱲ, ᱴᱮᱝᱠ ᱥᱟᱯᱷᱟ ᱟᱨ ᱪᱟᱞᱟᱣᱚᱜ ᱞᱟᱭᱵᱨᱮᱨᱤ ᱫᱚᱦᱚ ᱞᱮᱠᱟᱱ ᱱᱮᱼᱦᱚᱲ ᱵᱷᱟᱹᱞᱟᱹᱭ ᱠᱟᱹᱢᱤ ᱞᱟᱹᱜᱤᱫ ᱟᱹᱛᱩ ᱵᱷᱟᱹᱞᱟᱹᱭ ᱵᱤᱵᱷᱟᱜᱽ ᱦᱚᱛᱮᱛᱮ ᱠᱟᱹᱢᱤ᱾ ᱵᱨᱚᱛᱤ ᱵᱟᱞᱚᱠ ᱥᱮ ᱵᱚᱭ ᱥᱠᱚᱣᱴᱥ ᱜᱚᱱᱚᱴᱷᱚᱱ ᱟᱨ ᱜᱚᱜᱚ ᱟᱨ ᱜᱤᱫᱽᱨᱟᱹ ᱵᱷᱟᱹᱞᱟᱹᱭ ᱵᱤᱵᱷᱟᱜᱽ ᱫᱚ ᱑᱙᱔᱐ ᱨᱮ ᱵᱮᱱᱟᱣ ᱞᱮᱱᱟ᱾ ᱟᱹᱰᱤ ᱜᱟᱱ ᱜᱚᱯᱚᱲᱚ ᱥᱟᱶᱟᱨ ᱜᱟᱶᱛᱟ ᱫᱚ ᱟᱹᱛᱩ ᱨᱤᱱ ᱦᱚᱲ ᱠᱚ ᱞᱟᱹᱜᱤᱫ ᱠᱚᱢ ᱫᱟᱢ ᱛᱮ ᱥᱟᱶᱟᱨ ᱥᱮᱵᱟᱭ ᱮᱢᱟ ᱠᱚᱣᱟ"...[᱑]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱒᱑ ᱥᱮᱨᱢᱟ ᱨᱮ ᱨᱚᱵᱤᱱᱫᱽᱨᱚᱱᱟᱛᱷ ᱫᱚ ᱨᱟᱭᱯᱩᱨ ᱨᱤᱱ ᱥᱤᱝᱦᱟ ᱠᱷᱚᱱ ᱥᱟᱱᱛᱤᱱᱤᱠᱮᱛᱚᱱ ᱠᱷᱚᱱ ᱓ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱥᱩᱨᱩᱞ ᱨᱮ ᱢᱤᱫ ᱢᱟᱨᱟᱝ ᱠᱷᱟᱹᱨᱟᱹᱭ ᱚᱲᱟᱜ ᱟᱨ ᱚᱱᱟ ᱥᱩᱨ ᱨᱮ ᱢᱮᱱᱟᱜ ᱡᱟᱭᱜᱟ ᱠᱚᱭ ᱦᱟᱛᱟᱣ ᱞᱮᱫᱟ᱾ ᱑᱙᱒᱒ ᱥᱟᱞᱮᱨᱮ ᱞᱤᱭᱚᱱᱚᱨᱰ ᱱᱟᱭᱤᱴ ᱮᱞᱢᱦᱟᱨᱥᱴ (Leonard Knight Elmhirst) ᱫᱚ ᱯᱩᱭᱞᱩ ᱰᱟᱭᱨᱮᱠᱴᱚᱨ ᱞᱮᱠᱟᱛᱮ ᱠᱷᱟᱹᱨᱟᱹᱭ ᱚᱲᱟᱜ ᱨᱮ ᱨᱩᱞᱚᱨ ᱨᱤᱠᱟᱱᱥᱴᱨᱚᱠᱥᱚᱱ ᱤᱱᱥᱴᱤᱴᱭᱩᱴ (Institute of Rural Reconstruction) ᱮ ᱵᱮᱱᱟᱣ ᱞᱮᱫᱼᱟ᱾ ᱨᱚᱛᱤᱱᱫᱨᱚᱱᱟᱛᱷ ᱴᱷᱟᱠᱩᱨ, ᱥᱟᱱᱛᱳᱥ ᱪᱚᱱᱫᱽᱨᱚ ᱢᱚᱡᱩᱢᱫᱟᱨ, ᱜᱩᱨᱜᱳᱯᱟᱞ ᱜᱷᱳᱥ, ᱠᱟᱞᱤᱢᱳᱦᱚᱱ ᱜᱷᱳᱥ ᱟᱨ ᱠᱤᱢ ᱛᱟᱨᱳ ᱠᱟᱥᱟᱦᱟᱨᱟ ᱮᱞᱢᱦᱤᱨᱥᱴ ᱠᱚ ᱜᱚᱲᱚ ᱟᱫᱮ ᱛᱟᱦᱮᱸᱱ᱾[᱒]
᱑᱙᱒᱓ ᱥᱮᱨᱢᱟ ᱨᱮ ᱵᱤᱥᱥᱚ-ᱵᱷᱟᱨᱚᱛᱤ ᱨᱮᱭᱟᱜ ᱫᱚᱥᱟᱨ ᱠᱮᱢᱯᱟᱥ ᱫᱚ ᱱᱚᱶᱟ ᱴᱚᱴᱷᱟ ᱨᱮᱜᱮ ᱵᱮᱱᱟᱣ ᱞᱮᱱᱟ ᱟᱨ ᱱᱚᱶᱟ ᱫᱚ ᱥᱨᱤᱱᱤᱠᱮᱛᱚᱱ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟ᱾ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱥᱤᱞᱯᱚ ᱵᱷᱚᱵᱚᱱ ᱫᱚ ᱛᱤ-ᱠᱟᱹᱨᱤ ᱠᱟᱹᱢᱤ ᱨᱮ ᱥᱮᱪᱮᱫ ᱮ ᱮᱛᱚᱦᱚᱵ ᱟᱠᱟᱫ ᱛᱟᱦᱮᱸᱫ᱾ ᱥᱨᱤᱱᱤᱠᱮᱛᱚᱱ ᱫᱚ ᱱᱚᱶᱟ ᱠᱟᱹᱢᱤ ᱦᱚᱨᱟ ᱫᱚᱭ ᱦᱟᱛᱟᱣ ᱠᱮᱫᱼᱟ ᱡᱮ ᱱᱚᱶᱟ ᱨᱮᱱᱟᱜ ᱥᱩᱨ ᱥᱩᱯᱩᱨ ᱟᱹᱛᱩ ᱠᱚᱨᱮ ᱡᱤᱣᱤ ᱨᱩᱣᱟᱹᱲ ᱦᱚᱪᱚ ᱟᱨ ᱵᱟᱦᱨᱮ ᱠᱷᱚᱱ ᱞᱟᱫᱮ ᱟᱠᱚ ᱥᱚᱞᱦᱮ ᱠᱚ ᱵᱟᱫᱽ ᱠᱟᱛᱮ ᱟᱠᱚᱣᱟᱜ ᱮᱴᱠᱮᱴᱚᱬᱮ ᱨᱮᱭᱟᱜ ᱥᱚᱞᱦᱮ ᱟᱠᱚ ᱛᱮ ᱧᱟᱢ ᱨᱮ ᱜᱚᱲᱚ ᱠᱚ ᱧᱟᱢ ᱟᱠᱟᱫᱟ᱾ ᱥᱚᱞᱦᱮ ᱨᱮᱭᱟᱜ ᱨᱤᱠᱟᱹ ᱢᱟᱲᱟᱝ ᱟᱹᱛᱩ ᱨᱮᱭᱟᱜ ᱮᱴᱠᱮᱴᱚᱬᱮ ᱨᱮᱭᱟᱜ ᱥᱟᱬᱮᱥᱤᱭᱟᱹ ᱵᱤᱰᱟᱹᱣ ᱪᱮᱛᱟᱱ ᱡᱳᱨ ᱨᱮᱢ ᱦᱩᱭ ᱞᱮᱱᱟ᱾[᱒]
ᱛᱷᱟᱹᱯᱱᱤᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱨᱤᱱᱤᱠᱮᱛᱚᱱ ᱢᱚᱰᱮᱞ: ᱛᱩᱱᱠᱷᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ Chattopadhyay, Dr. Madhumita. "Rabindranath Tagore's Model of Rural Reconstruction: A review" (PDF). IJRAR, October-December 2018. Retrieved 12 September 2019.
- ↑ ᱒.᱐ ᱒.᱑ Basak, Tapan Kumar, Rabindranath-Santiniketan-Sriniketan, An Introduction, pp. 6–8, BB Publication