ᱯᱚᱞᱤᱢᱟᱨ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
Single Polymer Chains AFM[᱑]

ᱯᱚᱞᱤᱢᱟᱨ ᱥᱮ ᱵᱚᱦᱩᱞᱚᱠ ᱟᱹᱰᱤ ᱵᱟᱬᱛᱤ ᱟᱱᱩ ᱢᱚᱛᱨᱚ ᱟᱱ ᱠᱟᱨᱵᱚᱱᱤᱠ ᱠᱚᱢᱯᱟᱣᱩᱱᱰ ᱠᱟᱱᱟ᱾ ᱱᱚᱶᱟ ᱫᱚ ᱟᱞᱜᱟ ᱟᱱᱩ ᱠᱟᱱᱟ ᱡᱟᱦᱟᱸ ᱫᱚ ᱴᱚᱱᱚᱢᱟᱨ ᱴᱮᱱᱚᱷᱚᱜ ᱟ, ᱟᱹᱰᱤ ᱥᱚᱠᱛᱚ ᱭᱩᱱᱤᱴ ᱨᱮ ᱱᱟᱜ ᱯᱚᱞᱤᱢᱮᱨᱟᱭᱤᱡᱮᱥᱟᱱ ᱨᱮᱱᱟᱜ ᱠᱩᱲᱟᱹᱭ ᱠᱚ ᱵᱟᱱᱟᱜ ᱠᱟᱱᱟ᱾ ᱯᱚᱞᱤᱢᱟᱨ ᱨᱮ ᱟᱹᱰᱤ ᱞᱮᱠᱟᱱ ᱢᱤᱫ ᱞᱮᱠᱟᱱ ᱨᱮᱱᱟᱜ ᱜᱮ ᱟᱣᱟᱨᱛᱤ ᱥᱴᱨᱟᱠᱪᱟᱨ ᱭᱩᱱᱤᱴ ᱢᱮᱱᱫᱚ ᱴᱚᱱᱚᱢᱟᱨ ᱥᱟᱸᱭᱚᱡᱤ ᱵᱟᱱᱫᱷᱟ(ᱠᱚᱣᱮᱞᱮᱱᱴ ᱵᱚᱸᱰ) ᱠᱷᱚᱱ ᱡᱚᱲᱟᱣ ᱟᱠᱟᱱᱟ᱾[᱒][᱓] ᱥᱚᱞᱭᱩᱞᱚᱡ, ᱠᱟᱴ, ᱨᱮᱥᱚᱢ,ᱨᱟᱵᱚᱲ ᱮᱢᱟᱱ ᱡᱟᱣ ᱯᱚᱞᱤᱢᱟᱨ ᱠᱚ ᱠᱟᱱᱟ, ᱱᱚᱶᱟ ᱫᱚ ᱡᱷᱤᱡ ᱟᱵᱚᱥᱛᱟ ᱨᱮ ᱡᱟᱣ ᱨᱮ ᱧᱟᱢ ᱤᱫᱤᱜ ᱠᱟᱱᱟ ᱟᱨ ᱱᱚᱶᱟ ᱫᱚ ᱫᱟᱨᱮ ᱟᱨ ᱡᱤᱭᱟᱞᱤ ᱠᱚᱨᱮ ᱠᱷᱚᱱ ᱧᱟᱢ ᱜᱚᱫᱚᱜ ᱠᱟᱱᱟ᱾ ᱱᱚᱶᱟ ᱨᱮᱱᱟᱜ ᱠᱮᱢᱤᱠᱟᱞ ᱧᱩᱛᱩᱢ ᱟᱱᱟᱜ ᱟᱭᱢᱟ ᱞᱮᱠᱟᱱᱟᱜ ᱡᱮᱞᱮᱠ ᱨᱮ ᱯᱚᱞᱤᱫᱷᱤᱱ, ᱴᱮᱯᱷᱞᱚᱱ, ᱯᱚᱞᱤ ᱣᱤᱱᱟᱭᱤᱞ ᱠᱞᱚᱨᱟᱜᱞᱭᱤᱰ ᱟᱥᱚᱞ ᱟᱜ ᱠᱚ ᱯᱚᱞᱤᱢᱟᱨ ᱠᱟᱱᱟ᱾ ᱵᱟᱱᱟᱣᱟᱜ ᱥᱮ ᱥᱤᱸᱛᱷᱴᱤᱠ ᱯᱚᱞᱤᱢᱟᱨ ᱢᱟᱹᱱᱢᱤ ᱵᱟᱱᱟᱣᱟᱜ ᱜᱮ ᱛᱟᱦᱮᱱ ᱠᱟᱱᱟ᱾ ᱱᱚᱶᱟ ᱫᱚ ᱯᱷᱮᱠᱴᱨᱤ ᱠᱚᱨᱮ ᱩᱛᱯᱚᱫ ᱦᱩᱭ ᱚᱪᱚ ᱫᱟᱲᱮᱭᱟᱜ-ᱟ᱾ ᱯᱞᱟᱥᱴᱤᱠ, ᱯᱟᱭᱤᱯ, ᱵᱚᱛᱚᱞ, ᱯᱟᱞᱴᱤ ᱮᱢᱟᱱ ᱠᱚ ᱵᱟᱱᱟᱣ ᱨᱮ ᱚᱰᱚᱜ ᱦᱩᱭ ᱟᱱ ᱚᱪᱚ ᱞᱟᱹᱜᱤᱫ ᱯᱚᱞᱤᱫᱷᱤᱱ ᱥᱤᱸᱛᱷᱴᱤᱠ ᱯᱚᱞᱤᱢᱟᱨ ᱠᱟᱱᱟ᱾ ᱵᱤᱡᱞᱤ ᱨᱮᱱᱟᱜ ᱛᱟᱨ ᱠᱮᱵᱟᱞ ᱠᱷᱚᱱ ᱪᱮᱛᱟᱱᱨᱮ ᱨᱟᱠᱟᱵ ᱟᱱ ᱯᱞᱟᱥᱴᱤᱠ ᱠᱚᱵᱷᱚᱨ ᱦᱚᱸ ᱥᱤᱸᱛᱷᱴᱤᱠ ᱯᱚᱞᱤᱢᱟᱨ ᱠᱟᱱᱟ᱾ ᱯᱷᱟᱭᱤᱵᱟᱨ, ᱥᱤᱴᱚᱠᱣᱟᱨ, ᱠᱮᱴᱮᱡ ᱯᱟᱭᱤᱯ ᱟᱨ ᱱᱚᱛᱚᱞ ᱠᱚ ᱵᱟᱱᱟᱣ ᱨᱮ ᱟᱰᱚᱜ ᱟᱱ ᱡᱤᱱᱤᱥ ᱫᱚ ᱯᱨᱚᱯᱟᱭᱤᱞᱤᱱ ᱦᱚᱸ ᱥᱤᱸᱛᱷᱮᱴᱤᱠ ᱯᱚᱞᱤᱢᱟᱨ ᱠᱟᱱᱟ᱾ ᱣᱟᱞᱣᱚ ᱥᱤᱞ, ᱯᱷᱤᱞᱴᱟᱨ ᱠᱞᱚᱛᱷ, ᱜᱮᱥ ᱠᱤᱴ ᱮᱢᱟᱱ ᱠᱚ ᱴᱮᱯᱷᱞᱚᱱ ᱠᱷᱚᱱ ᱜᱮ ᱵᱟᱱᱟᱣ ᱦᱩᱭᱩᱜ ᱠᱟᱱᱟ᱾ ᱥᱤᱸᱛᱷᱮᱴᱤᱠ ᱨᱟᱵᱚᱲ ᱦᱚᱸ ᱯᱚᱞᱤᱢᱟᱨ ᱠᱟᱱᱟ ᱡᱟᱦᱟᱸ ᱫᱚ ᱢᱚᱴᱚᱨ ᱜᱟᱹᱰᱤ ᱠᱚᱨᱮᱱᱟᱜ ᱴᱟᱭᱤᱨ ᱵᱟᱱᱟᱣ ᱦᱩᱭᱩᱜ ᱠᱟᱱᱟ᱾ ᱦᱚᱞᱮᱸᱰ ᱨᱤᱱ ᱥᱟᱬᱮᱥᱤᱭᱟ ᱣᱟᱜ ᱞᱮᱠᱟᱛᱮ ᱵᱤᱸᱫᱤᱭᱟᱜ ᱨᱮ ᱢᱮᱱᱟᱜ ᱢᱤᱫ ᱰᱚᱯ ᱱᱟᱢᱟᱠ ᱛᱚᱨᱚᱞ ᱯᱚᱫᱟᱨᱛᱷ ᱚᱱᱤᱭᱟᱜ ᱨᱮᱱᱟᱜ ᱦᱚᱲᱢᱚ ᱠᱷᱚᱱ ᱵᱟᱦᱨᱮ ᱚᱰᱚᱜ ᱥᱟᱶ ᱛᱮᱜᱮ ᱮᱠᱚᱯ ᱯᱨᱚᱴᱤᱱ ᱧᱩᱛᱩᱢ ᱟᱱ ᱯᱚᱞᱤᱢᱟᱨ ᱨᱮᱱᱟᱜ ᱨᱩᱯ ᱨᱮ ᱡᱟᱹᱞᱤ ᱵᱟᱱᱟᱣ ᱮᱫᱟᱭ᱾

ᱯᱚᱞᱤᱢᱟᱨ ᱟᱹᱲᱟᱹ ᱨᱮᱱᱟᱜ ᱯᱩᱭᱞᱩ ᱠᱟᱹᱢᱤ ᱡᱚᱸᱥ ᱵᱟᱨᱡᱤᱞᱤᱭᱟᱥ ᱜᱮ ᱑᱘᱓᱓ ᱨᱮ ᱠᱟᱹᱢᱤ ᱦᱩᱭ ᱚᱪᱚ ᱞᱮᱫᱟ᱾ ᱑᱙᱐᱗ ᱨᱮ ᱞᱤᱭᱚ ᱵᱮᱠᱞᱮᱸᱰ ᱫᱚ ᱯᱩᱭᱞᱩ ᱥᱤᱸᱛᱷᱮᱴᱤᱠ ᱯᱚᱞᱤᱢᱟᱨ, ᱯᱷᱤᱱᱚᱞ ᱟᱨ ᱯᱷᱚᱨᱢ ᱮᱞᱰᱤᱡᱟᱭᱤᱰ ᱨᱮᱱᱟᱜ ᱯᱨᱚᱠᱨᱤᱭᱟ ᱠᱷᱚᱱ ᱵᱟᱱᱟᱣ ᱠᱮᱫ ᱟᱭ᱾ ᱩᱱᱤ ᱫᱚ ᱱᱚᱶᱟ ᱨᱮ ᱵᱮᱠᱮᱞᱟᱭᱤᱴ ᱧᱩᱛᱩᱢ ᱮ ᱮᱢᱟᱫ ᱟᱫ ᱟ᱾ ᱑᱙᱒᱒ ᱨᱮ ᱦᱟᱨᱢᱟᱱ ᱥᱴᱚᱰᱤᱸᱜᱟᱨ ᱫᱚ ᱯᱚᱞᱤᱢᱟᱨ ᱨᱮᱱᱟᱜ ᱱᱟᱶᱟ ᱥᱤᱫᱷᱟᱱᱛ ᱨᱮᱱᱟᱜ ᱯᱨᱚᱛᱤ ᱯᱟᱫᱤᱛ ᱞᱟᱹᱜᱤᱫ ᱛᱮ ᱱᱚᱵᱮᱞ ᱯᱩᱨᱩᱥᱠᱟᱨ ᱨᱮᱱᱟᱜ ᱥᱤᱨᱯᱟᱹ ᱢᱟᱹᱱ ᱮ ᱧᱟᱢ ᱞᱮᱫ ᱛᱟᱦᱮᱱ ᱟ᱾ ᱱᱚᱶᱟ ᱠᱷᱚᱱ ᱢᱟᱲᱟᱝ ᱱᱚᱶᱟ ᱢᱟᱱᱟᱣᱜ ᱠᱟᱱᱟ ᱛᱟᱦᱮᱱᱟ ᱡᱮ ᱠᱟᱹᱴᱤᱡᱽ ᱟᱱᱩ ᱠᱚ ᱨᱮᱱᱟᱜ ᱠᱞᱚᱥᱴᱟᱨ ᱠᱟᱱᱟ, ᱡᱟᱦᱟᱹ ᱫᱚ ᱠᱚᱞᱟᱭᱤᱰᱥ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱱᱟ, ᱡᱟᱦᱟᱸ ᱫᱚ ᱱᱚᱶᱟ ᱨᱮᱱᱟᱜ ᱟᱱᱣᱤᱠ ᱵᱷᱟᱨ ᱩᱱᱟᱹᱜ ᱵᱟᱰᱟᱭ ᱫᱚ ᱵᱟᱹᱱᱩᱜ ᱟ᱾ ᱢᱮᱱᱠᱷᱟᱱ ᱱᱚᱶᱟ ᱥᱤᱫᱷᱟᱱᱛ ᱨᱮ ᱞᱟᱹᱭ ᱟᱠᱟᱱᱟ ᱡᱮ ᱯᱚᱞᱤᱢᱟᱨ ᱢᱮᱱ ᱟᱠᱟᱱᱟ ᱡᱮ ᱯᱚᱞᱤᱢᱟᱨ ᱢᱤᱫ ᱥᱨᱤᱸᱠᱷᱚᱞᱟ ᱨᱮ ᱠᱚᱣᱮᱞᱮᱱᱴ ᱵᱚᱸᱫᱷ ᱛᱮ ᱛᱚᱞ ᱛᱟᱦᱮᱱ ᱠᱟᱱᱟ᱾ ᱯᱚᱞᱤᱢᱟᱨ ᱟᱹᱲᱟᱹ ᱯᱚᱞᱤ(ᱟᱭᱢᱟ) ᱟᱨ ᱢᱮᱨᱚᱥ( ᱴᱩᱠᱨᱟ) ᱠᱷᱚᱱ ᱢᱮᱥᱟ ᱠᱟᱛᱮᱜ ᱵᱟᱱᱟᱜ ᱠᱟᱱᱟ᱾

ᱢᱤᱫ ᱞᱮᱠᱟᱱ ᱜᱮ ᱴᱚᱱᱚᱢᱟᱨ ᱭᱩᱱᱤᱴ ᱠᱷᱚᱱ ᱵᱟᱱᱟᱣ ᱟᱠᱟᱱ ᱱᱚᱦᱩᱞᱚᱠ ᱫᱚ ᱦᱚᱲᱢᱚ ᱯᱚᱞᱤᱢᱟᱨ ᱵᱚ ᱢᱮᱛᱟᱜ ᱠᱟᱱᱟ᱾ ᱡᱮᱞᱮᱟ ᱯᱚᱞᱤᱥᱴᱟᱭᱨᱤᱱ ᱨᱮᱱᱟᱜ ᱢᱤᱫ ᱢᱚᱛᱨᱚ ᱢᱚᱱᱚᱢᱟᱨ ᱥᱴᱟᱭᱨᱤᱱ ᱜᱮ ᱠᱟᱱᱟ᱾ ᱟᱭᱢᱟ ᱞᱮᱠᱟᱱᱟᱜ ᱢᱚᱱᱚᱢᱟᱨ ᱭᱩᱱᱤᱴ ᱠᱷᱚᱱ ᱵᱟᱱᱟᱣ ᱟᱱᱟᱜ ᱱᱚᱦᱩᱞᱚᱠ ᱜᱮ ᱠᱚᱯᱚᱞᱤᱢᱟᱨ ᱠᱚ ᱢᱮᱛᱟᱜ-ᱟ᱾ ᱡᱮᱞᱮᱠᱟ ᱤᱛᱷᱟᱭᱤᱞ - ᱣᱤᱱᱟᱭᱤᱞ- ᱮᱥᱤᱴᱮᱴ ᱟᱭᱢᱟ ᱞᱮᱠᱟᱱᱟᱜ ᱠᱚ ᱴᱚᱱᱚᱢᱟᱨ ᱠᱷᱚᱱ ᱜᱮ ᱵᱟᱱᱟᱜ ᱠᱟᱱᱟ᱾ ᱯᱷᱤᱡᱤᱠᱟᱞ ᱟᱨ ᱠᱮᱢᱤᱠᱟᱞ ᱜᱩᱱ ᱨᱮᱱᱟᱜ ᱟᱫᱷᱟᱨ ᱞᱮᱠᱟᱛᱮ ᱱᱚᱶᱟ ᱫᱚ ᱵᱟᱨᱭᱟ ᱦᱟᱹᱴᱤᱧ ᱨᱮ ᱦᱟᱹᱴᱤᱧ ᱞᱮᱠᱟᱛᱮ ᱦᱩᱭ ᱫᱟᱲᱮᱭᱟᱜ ᱟ᱾

ᱫᱚᱥᱟᱨ ᱟᱜ ᱞᱮᱠᱟᱛᱮ ᱯᱚᱞᱤᱢᱟᱨ ᱨᱮ ᱨᱮᱠᱷᱤᱠ ᱥᱨᱤᱸᱠᱷᱚᱞᱟ ᱦᱚᱸ ᱟᱯᱱᱟᱨ ᱨᱮ ᱠᱮᱢᱤᱠᱟᱞ ᱵᱚᱸᱫᱷ ᱛᱮ ᱡᱚᱲᱟᱣ ᱛᱟᱦᱮᱱ ᱠᱟᱱᱟ, ᱚᱱᱟᱛᱮ ᱱᱚᱶᱟ ᱯᱤᱜᱷᱞᱟᱣ ᱟᱨ ᱣᱤᱪᱷᱮᱯᱤᱛ ᱨᱮᱱᱟᱜ ᱟᱹᱰᱤ ᱟᱸᱴ ᱜᱮ ᱢᱮᱱᱟᱜ ᱟ᱾ ᱥᱟᱶᱛᱮ ᱜᱮ ᱱᱚᱶᱟ ᱵᱟᱬᱛᱤ ᱞᱤᱠᱣᱤᱰ ᱨᱮ ᱟᱵᱤᱞᱮᱭ ᱚᱜ ᱠᱟᱱᱟ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Roiter, Y.; Minko, S. (2005). "AFM Single Molecule Experiments at the Solid-Liquid Interface: In Situ Conformation of Adsorbed Flexible Polyelectrolyte Chains". Journal of the American Chemical Society. 127 (45): 15688–15689. doi:10.1021/ja0558239. PMID 16277495. 
  2. "Polymer – Definition of polymer". The Free Dictionary. Retrieved 23 ᱡᱩᱞᱟᱭ 2013. 
  3. ᱪᱷᱟᱸᱪ:Cite dictionary