ᱯᱚᱪᱷᱤᱢ ᱵᱟᱝᱞᱟ ᱯᱟᱛᱷᱟᱢ
ᱯᱚᱪᱷᱤᱢ ᱵᱟᱝᱞᱟ
ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱢᱤᱫ ᱧᱩᱢᱟᱱ ᱯᱟᱛᱷᱟᱢ ᱫᱚ ᱠᱟᱱᱟ ᱯᱚᱪᱷᱤᱢ ᱵᱟᱝᱞᱟ ᱾ ᱱᱚᱶᱟ ᱯᱟᱛᱷᱟᱢ ᱫᱚ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱫᱟᱨᱟᱭᱛᱮ ᱑᱙᱕᱕ ᱥᱟᱞ ᱠᱷᱚᱱᱟᱜ ᱠᱳᱞᱠᱟᱛᱟ ᱨᱮᱭᱟᱜ ᱨᱟᱭᱴᱟᱨᱥ ᱵᱤᱞᱰᱤᱝ ᱠᱷᱚᱱ ᱯᱟᱨᱥᱟᱞ ᱮᱛᱚᱦᱚᱵ ᱞᱮᱱᱟ ᱾ ᱮᱛᱚᱦᱚᱵ ᱨᱮ ᱱᱚᱶᱟ ᱯᱟᱛᱷᱟᱢ ᱫᱚ ᱜᱟᱞᱢᱟᱨᱟᱣ ᱧᱩᱛᱩᱢ ᱛᱮ ᱯᱟᱨᱥᱟᱞ ᱮᱛᱚᱦᱚᱵ ᱞᱮᱱᱟ ᱛᱟᱭᱚᱢ ᱫᱟᱨᱟᱢ ᱱᱚᱶᱟ ᱯᱟᱛᱷᱟᱢ ᱨᱮᱭᱟᱜ ᱜᱮ ᱧᱩᱛᱩᱢ ᱟᱨᱩᱯᱷᱮᱨᱟᱣ ᱠᱟᱛᱮ ᱯᱚᱪᱷᱤᱢ ᱵᱟᱝᱞᱟ ᱧᱩᱛᱩᱢ ᱛᱮ ᱯᱟᱨᱥᱟᱞ ᱞᱮᱱᱟ ᱾ ᱱᱚᱶᱟ ᱯᱟᱛᱷᱟᱢ ᱨᱮᱱ ᱥᱟᱯᱲᱟᱣᱤᱭᱟᱹ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ, ᱠᱷᱚᱸᱫᱽᱨᱚᱱᱤᱭᱟᱹ ᱫᱷᱤᱨᱮᱱᱫᱨᱚ ᱱᱟᱛᱷ ᱵᱟᱥᱠᱮ ᱾ ᱯᱚᱪᱷᱤᱢ ᱵᱟᱝᱞᱟ ᱯᱟᱛᱷᱟᱢ ᱛᱟᱞᱟᱛᱮ ᱡᱟᱦᱟᱸᱞᱮᱠᱟ ᱟᱭᱢᱟ ᱠᱷᱚᱵᱚᱨ ᱠᱚ ᱪᱷᱟᱯᱟ ᱥᱚᱫᱚᱨᱚᱜ ᱠᱟᱱ ᱛᱟᱦᱮᱫ ᱚᱱᱠᱟᱜᱮ ᱱᱚᱶᱟ ᱯᱟᱛᱷᱟᱢ ᱨᱮᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱦᱚᱸ ᱪᱟᱨᱪᱟᱣ ᱫᱚ ᱦᱳᱭᱳᱜ ᱠᱟᱱ ᱛᱟᱦᱮᱫ ᱾ ᱱᱚᱶᱟ ᱯᱟᱛᱷᱟᱢ ᱨᱮ ᱟᱭᱢᱟ ᱜᱟᱠᱷᱩᱲᱤᱭᱟᱹ ᱚᱱᱚᱞᱤᱭᱟᱹ ᱠᱚᱣᱟᱜ ᱚᱞᱵᱮᱹᱞ ᱠᱚᱜᱮ ᱩᱪᱷᱟᱹᱱᱚᱜ ᱠᱟᱱ ᱛᱟᱦᱮᱫ ᱾ ᱱᱚᱶᱟ ᱪᱷᱟᱰᱟ ᱯᱟᱛᱷᱟᱢ ᱛᱟᱞᱟᱛᱮ ᱥᱮᱹᱨᱮᱹᱧ, ᱚᱱᱚᱬᱦᱮ, ᱟᱨ ᱚᱱᱚᱞ ᱠᱚᱦᱚᱸ ᱯᱟᱨᱥᱟᱞᱚᱜ ᱠᱟᱱ ᱛᱟᱦᱮᱫ ᱾ ᱱᱚᱶᱟ ᱯᱟᱛᱷᱟᱢ ᱨᱮᱱ ᱥᱟᱯᱲᱟᱣᱤᱭᱟᱹ ᱫᱷᱤᱨᱮᱱᱫᱨᱚ ᱱᱟᱛᱷ ᱵᱟᱥᱠᱮᱹ ᱡᱤᱨᱟᱹᱣ ᱛᱟᱭᱚᱢ ᱯᱟᱛᱷᱟᱢ ᱥᱟᱯᱲᱟᱣ ᱨᱮᱭᱟᱜ ᱟᱸᱜᱤᱵᱷᱟᱨ ᱫᱚ ᱠᱨᱤᱥᱱᱚᱞᱟᱞ ᱦᱮᱢᱵᱨᱚᱢ ᱮ ᱜᱚᱜ ᱞᱮᱫᱟ ᱟᱨ ᱡᱚᱜᱽ ᱥᱟᱯᱲᱟᱣᱤᱭᱟᱹ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱚᱡᱤᱛ ᱠᱤᱥᱠᱩ ᱾ ᱱᱤᱛ ᱱᱚᱶᱟ ᱯᱟᱛᱷᱟᱢ ᱫᱚ ᱡᱟᱦᱟᱛᱤᱥ ᱠᱚᱨᱮ ᱯᱟᱨᱥᱟᱞ ᱵᱟᱲᱟᱜᱼᱟ ᱮᱱᱛᱮ ᱨᱮᱦᱚᱸ ᱱᱚᱶᱟ ᱯᱟᱛᱷᱟᱢ ᱨᱮᱭᱟᱜ ᱮᱱᱮᱢ ᱫᱚ ᱟᱰᱤᱛᱮᱫ ᱜᱮ ᱰᱷᱮᱨᱟ ᱾