ᱯᱚᱵᱚᱱ ᱫᱟᱥ ᱵᱟᱣᱞ

ᱯᱚᱵᱚᱱ ᱫᱟᱥ ᱵᱟᱣᱞ
᱒᱐᱐᱙ ᱥᱮᱨᱢᱟ ᱨᱮ ᱯᱚᱵᱚᱱ ᱫᱟᱥ ᱵᱟᱣᱞ
ᱵᱤᱵᱚᱨᱚᱱ
ᱡᱟᱱᱟᱢ ᱧᱩᱛᱩᱢ	ᱯᱚᱵᱚᱱ ᱫᱟᱥ
ᱡᱟᱱᱟᱢ	1961 (age 62–63) ᱢᱳᱦᱟᱢᱢᱚᱫᱽᱯᱩᱨ, ᱢᱩᱨᱥᱤᱫᱟᱵᱟᱫᱽ ᱦᱚᱱᱚᱛ, ᱯᱟᱹᱪᱷᱤᱢ ᱵᱟᱝᱞᱟ, ᱥᱤᱧᱚᱛ
ᱡᱮᱱᱨᱮᱥ	ᱵᱟᱣᱞ ᱥᱮᱨᱮᱧ, ᱯᱷᱳᱠ-ᱯᱷᱤᱣᱥᱚᱱ
ᱚᱠᱩᱯᱮᱥᱚᱱ	ᱥᱮᱨᱮᱧ ᱵᱟᱰᱚᱦᱤ, ᱠᱚᱢᱯᱳᱥᱟᱨ
ᱵᱟᱡᱽᱱᱟ	ᱰᱩᱜᱽᱰᱩᱜᱤ ᱮᱠᱛᱟᱨᱟ
ᱠᱟᱹᱢᱤ ᱚᱠᱛᱚ	᱑᱙᱗᱐–ᱱᱤᱛ ᱫᱷᱟᱹᱵᱤᱡ
ᱞᱮᱵᱮᱞ	ᱨᱤᱭᱮᱞ ᱚᱣᱟᱨᱞᱰ ᱨᱮᱠᱚᱨᱰᱥ ᱯᱷᱚᱱᱴᱤ ᱢᱤᱣᱥᱤᱠᱮᱞᱤ

ᱯᱚᱵᱚᱱ ᱫᱟᱥ ᱵᱟᱣᱞ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱵᱟᱝᱜᱟᱞᱤ ᱵᱟᱣᱞ ᱜᱟᱭᱱᱟᱦᱟ ᱠᱟᱱᱟᱭ᱾ ᱩᱱᱤ ᱫᱚ ᱮᱠᱛᱟᱨᱟ, ᱫᱳᱛᱟᱨᱟ ᱟᱨ ᱰᱩᱵᱠᱤᱭ ᱨᱩ ᱫᱟᱲᱮᱭᱟᱜᱼᱟ᱾ ᱩᱱᱤ ᱫᱚ ᱡᱮᱜᱮᱛ ᱡᱟᱠᱟᱛ ᱨᱮ ᱵᱟᱣᱞ ᱥᱮᱨᱮᱧ ᱨᱮᱱᱟᱜ ᱩᱯᱨᱩᱢᱮ ᱵᱮᱱᱟᱣ ᱟᱠᱟᱫᱟ ᱟᱨ ᱱᱟᱣᱟ ᱢᱤᱫ ᱫᱷᱟᱨᱟ ᱨᱮᱱᱟᱜ ᱵᱟᱣᱞ ᱥᱮᱨᱮᱧᱮ ᱮᱛᱦᱚᱵ ᱟᱠᱟᱫᱟ᱾

ᱮᱛᱦᱚᱵ ᱡᱤᱭᱚᱱ

ᱯᱚᱵᱚᱱ ᱫᱟᱥ ᱵᱟᱣᱞ ᱫᱚ ᱑᱙᱖᱑ ᱥᱮᱨᱢᱟ ᱨᱮ ᱥᱤᱧᱚᱛ ᱨᱮᱱᱟᱜ ᱯᱟᱹᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱢᱩᱨᱥᱤᱫᱟᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱢᱤᱫᱴᱮᱱ ᱦᱩᱰᱤᱧ ᱟᱛᱚ ᱢᱩᱦᱟᱢᱢᱚᱫᱽᱯᱩᱨ ᱨᱮᱭ ᱡᱟᱱᱟᱢ ᱟᱠᱟᱱᱟ᱾ ᱟᱡ ᱵᱟᱵᱟ ᱜᱮ ᱥᱮᱨᱮᱧ ᱪᱮᱛᱟᱱ ᱩᱱᱤᱨᱮᱱ ᱯᱟᱹᱦᱤᱞ ᱩᱫᱽᱜᱟᱹᱣᱤᱡ ᱮ ᱛᱟᱸᱦᱮᱸᱠᱟᱱᱟ ᱟᱨ ᱚᱱᱟ ᱥᱟᱶᱛᱮ ᱦᱟᱱᱰᱮ ᱱᱟᱸᱰᱮ ᱟᱹᱪᱩᱨᱵᱟᱲᱟᱭᱠᱟᱱ ᱵᱟᱣᱞ ᱫᱚᱞ ᱠᱩ ᱧᱮᱞ ᱠᱟᱛᱮ ᱦᱚᱸ ᱩᱱᱤᱭᱟᱜ ᱢᱚᱱ ᱨᱮ ᱥᱮᱨᱮᱧ ᱨᱮᱱᱟᱜ ᱟᱸᱥ ᱡᱟᱱᱟᱢ ᱞᱮᱱ ᱛᱟᱭᱟ᱾

ᱠᱟᱹᱢᱤ ᱡᱤᱭᱚᱱ

᱑᱙᱘᱘ ᱥᱮᱨᱢᱟ ᱨᱮ ᱯᱚᱵᱚᱱ ᱫᱟᱥ ᱵᱟᱣᱞ ᱥᱮᱢ ᱢᱤᱞᱥ ᱥᱟᱶᱛᱮᱭ ᱡᱚᱲᱟᱣ ᱮᱱᱟ᱾ ᱥᱮᱢ ᱢᱤᱞᱥ ᱫᱚ ᱞᱚᱱᱰᱚᱱ ᱨᱮᱭ ᱡᱟᱱᱟᱢ ᱟᱠᱟᱱ ᱢᱤᱫ ᱜᱤᱴᱟᱨᱤᱥᱴ ᱠᱟᱱᱟᱭ᱾ ᱟᱫᱚ ᱩᱱᱠᱤᱱ ᱵᱟᱱᱟ ᱦᱚᱲ ᱢᱮᱥᱟ ᱠᱟᱛᱮ ᱑᱙᱙᱗ ᱥᱮᱨᱢᱟ ᱨᱮ ᱨᱤᱭᱮᱞ ᱥᱩᱜᱟᱨ ᱧᱩᱛᱩᱢᱛᱮ ᱢᱤᱫ ᱮᱞᱵᱟᱢ ᱠᱤᱱ ᱩᱰᱩᱝ ᱠᱮᱫᱟ ᱡᱟᱸᱦᱟᱸ ᱨᱮᱫᱚ ᱵᱟᱣᱞ ᱟᱨ ᱯᱚᱯ ᱥᱮᱨᱮᱧ ᱢᱮᱥᱟ ᱠᱟᱛᱮ ᱱᱟᱣᱟᱞᱮᱠᱟᱱ ᱢᱤᱫ ᱥᱮᱨᱮᱧ ᱠᱤᱱ ᱩᱰᱩᱝ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱮᱥᱴᱮᱴ ᱚᱵᱽ ᱵᱮᱝᱜᱚᱞ ᱟᱨ ᱥᱩᱥᱤᱞᱟ ᱨᱚᱦᱚᱢᱟᱱ ᱥᱟᱶᱛᱮ ᱦᱚᱭ ᱠᱟᱹᱢᱤᱣᱠᱟᱫᱟ᱾ ᱯᱚᱵᱚᱱ ᱫᱟᱥ ᱵᱟᱣᱞ ᱮᱥᱤᱭᱟ ᱟᱨ ᱤᱣᱨᱳᱯ ᱨᱮᱱᱟᱜ ᱟᱭᱢᱟ ᱫᱤᱥᱟᱹᱢ ᱫᱟᱬᱟ ᱠᱟᱛᱮ ᱵᱟᱣᱞ ᱥᱮᱨᱮᱧ ᱨᱮᱱᱟᱜ ᱱᱟᱣᱟ ᱩᱯᱨᱩᱢ ᱡᱮᱠᱮᱛ ᱡᱟᱠᱟᱛ ᱨᱮᱭ ᱥᱚᱫᱚᱨ ᱟᱠᱟᱫᱟ᱾

ᱜᱷᱟᱸᱨᱚᱡᱽ ᱡᱤᱭᱚᱱ

᱑᱙᱘᱒ ᱥᱮᱨᱢᱟ ᱨᱮ ᱯᱷᱨᱱᱥ ᱨᱮᱱᱟᱜ ᱯᱮᱨᱤᱥ ᱨᱮ ᱢᱤᱫ ᱠᱚᱱᱥᱟᱨᱴ ᱨᱮ ᱯᱚᱵᱚᱱ ᱫᱟᱥ ᱵᱟᱣᱞ ᱥᱟᱶᱛᱮ ᱠᱚᱱᱥᱟᱨᱴ ᱧᱮᱧᱮᱞᱤᱡ ᱢᱤᱢᱞᱩ ᱥᱟᱶ ᱩᱯᱨᱩᱢ ᱦᱩᱭᱞᱮᱱ ᱛᱟᱭᱟ᱾ ᱛᱟᱭᱚᱢ ᱫᱟᱨᱟᱢ ᱛᱮ ᱩᱱᱠᱤᱱ ᱠᱤᱱ ᱵᱟᱯᱞᱟᱭᱱᱟ ᱟᱨ ᱯᱷᱨᱱᱥ ᱨᱮᱜᱮ ᱛᱟᱸᱦᱮᱸᱱ ᱠᱤᱱ ᱫᱷᱩᱨᱟᱹᱣ ᱱᱟ᱾

ᱰᱤᱥᱠᱳᱜᱨᱟᱯᱷᱤ

ᱮᱠᱚᱠ ᱮᱞᱵᱟᱢ

• ᱤᱱᱟᱨ ᱱᱚᱞᱮᱡᱽ (᱑᱙᱙᱗)
• ᱢᱤᱣᱡᱤᱠ ᱚᱵᱽ ᱫᱟ ᱦᱟᱱᱤ ᱜᱮᱫᱟᱨᱟᱨᱥ (᱒᱐᱑᱐)

ᱥᱚᱦᱚᱡᱳᱜᱤ ᱮᱞᱵᱟᱢ

• ᱨᱤᱭᱮᱞ ᱥᱩᱜᱟᱨ (᱑᱙᱙᱗, ᱥᱮᱢ ᱢᱤᱞᱥ ᱥᱟᱶᱛᱮ)
• ᱞᱮ ᱪᱮᱱᱴ ᱫᱮᱥ ᱵᱟᱣᱞᱥ - ᱢᱟᱱᱩᱥ ᱳ ᱨᱚᱛᱚᱱ (᱒᱐᱐᱒, ᱟᱭᱢᱟ ᱥᱮᱨᱮᱧ ᱵᱟᱰᱚᱦᱤ ᱥᱟᱶᱛᱮ)
• ᱴᱟᱱᱟᱴᱟᱱᱤ (᱒᱐᱐᱔, ᱮᱥᱴᱮᱴ ᱚᱵᱽ ᱵᱮᱝᱜᱚᱞ ᱥᱟᱶᱛᱮ)