ᱯᱟᱨᱟᱵᱽ
ᱯᱟᱨᱟᱵᱽ ᱫᱚ ᱢᱟᱹᱢᱤᱭᱟᱜ ᱟᱹᱰᱤ ᱢᱟᱨᱟᱝ ᱞᱟᱠᱪᱟᱨ ᱠᱟᱱᱟ ᱾ ᱢᱟᱹᱱᱢᱤᱭᱟᱜ ᱡᱚᱥ ᱟᱸᱥ ᱯᱮᱨᱮᱡ ᱜᱚᱴᱟᱭ ᱨᱮᱱᱟᱜ ᱠᱟᱹᱢᱤ ᱦᱚᱨᱟ ᱜᱮ ᱯᱟᱨᱟᱵᱽ ᱫᱚ ᱾ ᱱᱚᱶᱟ ᱫᱚ ᱦᱚᱲ ᱡᱟᱹᱱᱤᱡ,ᱟᱹᱨᱤᱥ ᱡᱟᱹᱱᱤᱡ,ᱯᱟᱹᱨᱤᱥ ᱡᱟᱹᱱᱤᱡ,ᱡᱟᱹᱛᱤ ᱡᱟᱹᱱᱤᱡ,ᱫᱷᱚᱨᱚᱢ ᱡᱟᱹᱱᱤᱡ,ᱫᱤᱥᱚᱢ ᱡᱟᱹᱱᱤᱡ ᱡᱩᱫᱟᱹ ᱡᱩᱫᱟᱹ ᱜᱮᱭᱟ ᱾ ᱚᱱᱟ ᱞᱮᱠᱟᱛᱮ ᱱᱚᱰᱮ ᱫᱚ ᱥᱟᱱᱛᱟᱲ ᱡᱟᱹᱛᱤ ᱥᱟᱨᱱᱟ ᱫᱷᱚᱨᱚᱢ ᱦᱚᱲ ᱠᱚᱣᱟᱜ ᱯᱟᱨᱟᱵᱽ ᱠᱟᱛᱷᱟ ᱠᱚᱜᱮ ᱱᱟᱥᱮ ᱵᱤᱞᱤᱫ ᱮᱢᱚᱜ ᱠᱟᱱᱟ ᱾ ᱟᱵᱚ ᱫᱚ ᱥᱟᱹᱨᱤᱭᱟᱜ ᱥᱤᱨᱡᱚᱱ ᱨᱮ ᱯᱟᱹᱛᱭᱟᱣᱜ ᱦᱚᱲ ᱠᱟᱱᱟ ᱵᱚ ᱾ ᱚᱱᱟᱛᱮ ᱚᱠᱛᱚ ᱡᱟᱹᱱᱤᱡ ᱥᱤᱨᱡᱚᱱ ᱨᱮᱱᱟᱜ ᱚᱨᱥᱚᱝ ᱟᱹᱨᱩ ᱥᱟᱞᱟᱜ ᱡᱩᱲᱩᱱᱚᱜ ᱜᱮ ᱯᱟᱨᱟᱵᱽ ᱢᱟᱱᱟᱶ ᱨᱮᱱᱟᱜ ᱡᱚᱥ ᱫᱚ ᱾ ᱢᱚᱬᱮ ᱠᱚᱣᱟᱜ ᱫᱟᱲᱮ ᱮᱞᱟᱝ , ᱫᱟᱜᱚᱝ , ᱦᱚᱭᱚᱝ , ᱦᱟᱥᱟᱝ , ᱧᱩᱛᱚᱝ ᱟᱨ ᱛᱩᱨᱩᱭ ᱠᱚᱣᱟᱜ ᱫᱟᱲᱮ ᱨᱟᱵᱟᱝ , ᱱᱤᱨᱚᱝ , ᱥᱤᱛᱩᱝ , ᱡᱟᱹᱯᱩᱫᱚᱝ , ᱦᱮᱢᱟᱞᱚᱝ ,ᱦᱟᱣᱮᱫᱚᱝ ᱠᱚ ᱵᱷᱩᱸᱡᱟᱣ ᱪᱮᱫᱚᱜ ᱫᱟᱲᱮ ᱟᱨᱡᱟᱣ ᱜᱮ ᱯᱟᱨᱟᱵᱽ ᱫᱚ ᱾ ᱱᱚᱶᱟ ᱠᱚᱨᱮ ᱛᱤᱱᱟᱹᱜ ᱜᱟᱱ ᱟᱹᱲᱟᱹ ᱨᱮ "ᱝ" ᱛᱚᱝᱜᱮ ᱟᱠᱟᱱᱟ ᱾ ᱝ ᱫᱚ ᱥᱤᱨᱡᱚᱱᱤᱡᱟᱜ ᱫᱟᱲᱮ ᱠᱟᱱᱟ ᱾ ᱱᱚᱶᱟ ᱠᱚ ᱛᱤᱱᱟᱹᱜ ᱟᱹᱲᱟᱹ ᱱᱟᱥᱮ ᱟᱹᱨᱩ ᱟᱠᱟᱱᱟ ᱾