ᱯᱟᱨᱵᱚᱛᱤ ᱜᱤᱨᱤ
| ᱯᱟᱨᱵᱚᱛᱤ ᱜᱤᱨᱤ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | 1926 ᱥᱚᱢᱵᱚᱞᱯᱩᱨ, ᱳᱰᱤᱥᱟ |
| ᱜᱩᱨ | 1995 |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
ᱯᱚᱨᱵᱚᱛᱤ ᱜᱤᱨᱤ (19 ᱡᱟᱱᱩᱣᱟᱨᱤ 1926ᱼ17 ᱟᱜᱚᱥᱴ 1995), ᱫᱷᱟᱹᱱᱚᱱᱡᱚᱭ ᱜᱤᱨᱤ ᱨᱮᱱᱤᱡ ᱦᱚᱯᱚᱱ ᱮᱨᱟ ᱾ ᱯᱟᱪᱮ ᱳᱰᱤᱥᱟ ᱨᱤᱱᱤᱡ ᱢᱳᱫᱚᱨ ᱴᱮᱨᱮᱥᱟ ᱧᱩᱛᱩᱢ ᱛᱮ ᱵᱟᱲᱟᱭ ᱠᱟᱹᱫᱮᱭᱟ ᱠᱚ, ᱵᱷᱟᱨᱚᱛ ᱨᱮᱭᱟᱜ ᱳᱰᱤᱥᱟ ᱨᱮᱱ ᱢᱤᱫ ᱧᱩᱛᱩᱢᱟᱱ ᱛᱤᱨᱞᱟᱹ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭᱟᱱ ᱮ ᱛᱟᱦᱮᱸ ᱠᱟᱱᱟᱭ ᱾ ᱳᱰᱤᱥᱟ ᱨᱮᱱ ᱛᱤᱨᱞᱟᱹ ᱯᱷᱩᱨᱜᱟᱹᱞ ᱞᱟᱹᱲᱦᱟᱭᱤᱭᱟᱹ ᱠᱚ ᱵᱷᱟᱨᱚᱛ ᱨᱮᱭᱟᱜ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮ ᱧᱩᱛᱩᱢᱟᱱ ᱮᱱᱮᱢᱮ ᱯᱟᱞᱟᱣ ᱞᱮᱫᱟ ᱾
ᱵᱽᱨᱤᱴᱤᱥ ᱥᱚᱨᱠᱟᱨ ᱵᱤᱨᱩᱫᱷ ᱠᱟᱹᱢᱤ ᱠᱷᱟᱹᱛᱤᱨ, ᱩᱱᱤ ᱫᱚ ᱵᱟᱨ ᱥᱮᱨᱢᱟ ᱞᱟᱹᱜᱤᱫ ᱠᱚ ᱡᱮᱞ ᱞᱮᱫᱮᱭᱟ ᱾ ᱯᱟᱨᱵᱚᱛᱤ ᱜᱤᱨᱤ ᱫᱚ ᱑᱖ ᱵᱚᱪᱷᱚᱨ ᱩᱢᱮᱨ ᱨᱮᱜᱮ ᱩᱱᱤ ᱫᱚ ᱢᱚᱦᱟᱛᱢᱟ ᱜᱟᱱᱫᱷᱤ ᱟᱜ "ᱵᱷᱟᱨᱚᱛ ᱟᱲᱟᱜ" ᱦᱚᱦᱚ ᱨᱮ ᱢᱟᱲᱟᱝ ᱨᱮ ᱛᱟᱦᱮᱸ ᱠᱟᱱᱟᱭ ᱾ ᱫᱤᱥᱚᱢ ᱥᱟᱹᱫᱷᱤᱱ ᱠᱟᱛᱮ ᱟᱡ ᱫᱚ ᱥᱟᱱᱟᱢ ᱦᱚᱲ ᱠᱚ ᱥᱮᱣᱟᱮᱫ ᱠᱚ ᱛᱟᱦᱮᱸᱡ ᱾ ᱩᱱᱤ ᱫᱚ ᱯᱟᱭᱠᱢᱟᱞ ᱟᱹᱛᱩ ᱨᱮ ᱢᱤᱫ ᱟᱭᱳᱼᱵᱟᱵᱟᱼᱵᱟᱹᱱᱩᱜ ᱠᱚ ᱛᱟᱠᱚ ᱚᱲᱟᱜ ᱮ ᱮᱛᱚᱦᱚᱵ ᱞᱮᱫᱟ ᱟᱨ ᱟᱡᱟᱜ ᱡᱤᱭᱚᱱ ᱨᱮᱱᱟᱜ ᱥᱟᱨᱮᱡ ᱚᱠᱛᱚ ᱫᱚ ᱟᱭᱳᱼᱵᱟᱵᱟᱼᱵᱟᱹᱱᱩᱜ ᱜᱤᱫᱽᱨᱟᱹ ᱠᱚᱣᱟᱜ ᱜᱚᱲᱚ ᱞᱟᱹᱜᱤᱫ ᱮ ᱮᱢ ᱞᱮᱫᱟ ᱾
ᱢᱟᱲᱟᱝ ᱡᱤᱣᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱜᱤᱨᱤ ᱫᱚ ᱑᱙ ᱡᱟᱱᱩᱣᱟᱨᱤ ᱑᱙᱒᱖ ᱥᱟᱞᱮ ᱨᱮ ᱱᱤᱛᱚᱜᱟᱜ ᱵᱚᱨᱜᱚᱰ ᱦᱚᱱᱚᱛ ᱟᱨ ᱵᱟᱝ ᱦᱟᱹᱴᱤᱧ ᱟᱠᱟᱱ ᱥᱚᱢᱵᱚᱞᱯᱩᱨ ᱦᱚᱱᱚᱛ ᱨᱮᱱᱟᱜ ᱵᱤᱡᱮᱯᱩᱨ ᱥᱩᱨ ᱥᱚᱢᱞᱟᱭᱯᱚᱫᱟᱨ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟᱭ ᱾
ᱯᱮ ᱪᱟᱱᱚᱪ ᱛᱟᱭᱚᱢ ᱩᱱᱤ ᱫᱚ ᱵᱤᱨᱫᱟᱹᱜᱟᱲ ᱟᱲᱟᱜ ᱠᱮᱫᱟᱭ ᱟᱨ ᱠᱚᱝᱜᱽᱨᱮᱥ ᱯᱨᱚᱪᱟᱨ ᱞᱟᱹᱜᱤᱫ ᱛᱮ ᱟᱹᱛᱩ ᱠᱷᱚᱱ ᱟᱹᱛᱩ ᱪᱟᱞᱟᱣ ᱮᱱᱟᱭ ᱾ ᱑᱙᱓᱘ ᱥᱟᱞᱮ ᱨᱮ, ᱩᱱᱤ ᱫᱚ ᱑᱒ ᱵᱚᱪᱷᱚᱨ ᱩᱢᱮᱨ ᱨᱮ ᱛᱟᱦᱮᱸ ᱠᱟᱱᱟ ᱾ ᱥᱚᱢᱞᱟᱭᱯᱚᱫᱚᱨ ᱨᱮ ᱢᱤᱫ ᱜᱟᱶᱛᱟ ᱨᱮ ᱢᱟᱨᱟᱝ ᱠᱚᱝᱜᱽᱨᱮᱥ ᱟᱭᱩᱨᱤᱭᱟᱹᱠᱚ ᱟᱡ ᱵᱟᱵᱟ ᱫᱚ ᱟᱡ ᱟᱠᱚ ᱞᱟᱹᱜᱤᱫ ᱠᱟᱹᱢᱤᱦᱚᱪᱚ ᱞᱟᱹᱜᱤᱫ ᱠᱚ ᱢᱟᱱᱟᱣ ᱠᱮᱫᱮᱭᱟ ᱾ ᱜᱤᱫᱽᱨᱟ. ᱞᱮᱠᱟᱛᱮ ᱩᱱᱤ ᱫᱚ ᱵᱟᱨᱤ ᱟᱥᱨᱚᱢ ᱥᱮᱱ ᱞᱮᱱᱟᱭ ᱾ ᱯᱟᱨᱵᱚᱛᱤ ᱫᱚ ᱟᱥᱨᱚᱢ ᱨᱮ ᱟᱭᱢᱟ ᱞᱮᱠᱟᱱ ᱠᱟᱛᱷᱟ ᱠᱚᱭ ᱥᱮᱪᱮᱫ ᱞᱮᱫᱼᱟ, ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱦᱟᱛᱟᱝ ᱠᱟᱹᱢᱤ, ᱟᱦᱤᱢᱥᱚ ᱟᱨ ᱱᱤᱡᱱᱤᱨᱵᱷᱚᱨ ᱨᱮᱭᱟᱜ ᱥᱟᱹᱨᱭᱟᱹᱲ ᱾
ᱠᱚᱝᱜᱽᱨᱮᱥ ᱞᱟᱹᱜᱤᱫ ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱡ ᱠᱟᱠᱟ ᱨᱟᱢᱪᱚᱱᱫᱽᱨᱚ ᱜᱤᱨᱤ ᱫᱚ ᱠᱚᱝᱜᱽᱨᱮᱥ ᱨᱤᱱᱤᱡ ᱢᱩᱠᱷᱭᱟᱹ ᱛᱟᱦᱮᱸ ᱠᱟᱱᱟᱭ ᱟᱨ ᱥᱟᱢᱞᱟᱭᱯᱚᱫᱚᱨ ᱟᱹᱛᱩ ᱫᱚ ᱡᱟᱹᱛᱤᱭᱟᱹᱨᱤ ᱠᱚᱣᱟᱜ ᱢᱤᱫ ᱢᱩᱬ ᱡᱟᱭᱜᱟ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱯᱷᱩᱨᱜᱟᱹᱞ ᱞᱟᱹᱰᱷᱟᱹᱭᱤᱡ ᱞᱮᱠᱟᱛᱮ ᱠᱟᱹᱢᱤ ᱞᱟᱹᱜᱤᱫ ᱛᱮ ᱢᱚᱱᱮ ᱮᱫ ᱛᱟᱦᱮᱸᱡ, ᱪᱮᱫᱟᱜ ᱥᱮ ᱩᱱᱤ ᱟᱡ ᱠᱟᱠᱟ ᱥᱟᱶᱛᱮ ᱦᱩᱭ ᱟᱠᱟᱱ ᱜᱟᱶᱛᱟ ᱨᱮᱭ ᱥᱮᱱᱚᱜᱼᱟᱭ ᱟᱨ ᱟᱧᱡᱚᱢ ᱠᱟᱭᱟ ᱾ ᱑᱙᱔᱐ ᱥᱮᱨᱢᱟ ᱨᱮ ᱯᱟᱨᱵᱚᱛᱤ ᱫᱚ ᱵᱚᱨᱜᱚᱰ, ᱥᱚᱢᱵᱚᱞᱯᱩᱨ, ᱯᱚᱫᱚᱢᱯᱩᱨ, ᱯᱟᱱᱤᱢᱟᱨᱟ, ᱜᱷᱮᱱᱥ ᱮᱢᱟᱱ ᱴᱚᱴᱷᱟ ᱠᱚᱨᱮ ᱠᱚᱝᱜᱽᱨᱮᱥ ᱞᱟᱹᱜᱤᱫ ᱛᱮ ᱫᱟᱬᱟᱱ ᱠᱟᱱ ᱛᱟᱦᱮᱸᱡ ᱾ ᱩᱱᱤ ᱫᱚ ᱟᱹᱛᱩ ᱨᱤᱱ ᱦᱚᱲ ᱠᱚ, ᱠᱷᱚᱫᱤ ᱟᱹᱪᱩᱨ ᱟᱨ ᱜᱟᱞᱟᱝ ᱮ ᱪᱮᱫᱟᱫ ᱠᱚᱣᱟᱭ ᱾ ᱑᱙᱔᱒ ᱠᱷᱚᱱ ᱩᱱᱤ ᱫᱚ 'ᱵᱷᱟᱨᱚᱛ ᱟᱲᱟᱜ' ᱞᱟᱲᱟᱣᱱᱟ ᱞᱟᱹᱜᱤᱫ ᱯᱚᱨᱪᱟᱨ ᱞᱮᱫᱟᱭ ᱟᱨ ᱟᱭᱢᱟ ᱫᱷᱟᱣ ᱟᱨᱮᱥᱴ ᱞᱮᱫᱮᱭᱟᱠᱚ, ᱢᱮᱱᱠᱷᱟᱱ ᱩᱱᱤ ᱫᱚ ᱜᱤᱫᱽᱨᱟᱹ ᱠᱷᱟᱹᱛᱤᱨ ᱟᱲᱟᱜ ᱠᱟᱭ ᱠᱟᱱ ᱛᱟᱦᱮᱸᱡ ᱠᱚ ᱾ ᱩᱱᱤ ᱫᱚ ᱵᱚᱨᱜᱚᱰ ᱨᱮᱭᱟᱜ SDO ᱚᱯᱷᱤᱥ ᱨᱮ ᱫᱟᱹᱲᱦᱮᱡ ᱠᱷᱟᱹᱛᱤᱨ ᱛᱮ ᱟᱨᱮᱥᱴ ᱞᱮᱫᱮᱭᱟ ᱠᱚ ᱾ ᱱᱩᱤ ᱫᱚ ᱥᱚᱢᱵᱚᱞᱯᱩᱨ ᱡᱮᱞ ᱨᱮ ᱵᱟᱨ ᱥᱮᱨᱢᱟ ᱞᱚᱜᱟᱛᱟᱨ ᱡᱮᱞ ᱞᱮᱫᱮᱭᱟ ᱠᱚ ᱾ ᱵᱚᱨᱜᱚᱰ ᱠᱚᱨᱴ ᱨᱮ ᱩᱱᱤ ᱫᱚ ᱵᱨᱤᱴᱤᱥ ᱠᱚ ᱵᱤᱨᱩᱫᱷ ᱛᱮ ᱠᱚᱨᱴ ᱵᱚᱭᱚᱠᱳᱴ ᱞᱟᱹᱜᱤᱫ ᱛᱮ ᱵᱚᱨᱜᱚᱰ ᱠᱚᱨᱴ ᱨᱮ ᱣᱚᱠᱤᱞᱠᱚ ᱢᱮᱱ ᱢᱟᱱᱟᱣ ᱥᱚᱫᱚᱨ ᱞᱮᱫ ᱠᱚᱣᱟᱭ ᱾
ᱯᱷᱩᱨᱜᱟᱹᱞ ᱤᱱᱟᱹ ᱛᱟᱭᱚᱢ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱷᱩᱨᱜᱟᱹᱞ ᱛᱟᱭᱚᱢ ᱩᱱᱤ ᱫᱚ 1950 ᱥᱮᱨᱢᱟ ᱨᱮ ᱟᱞᱟᱦᱵᱟᱵᱟᱫ ᱨᱮᱭᱟᱜ ᱯᱨᱚᱭᱟᱜ ᱢᱚᱦᱤᱞᱟ ᱵᱤᱫᱤᱭᱟᱯᱤᱴᱷᱚ ᱨᱮ ᱟᱡᱟᱜ ᱵᱤᱨᱫᱟᱹᱜᱟᱲ ᱨᱮ ᱯᱟᱲᱦᱵᱟᱣ ᱢᱩᱪᱟᱹᱫ ᱞᱮᱫᱟᱭ ᱾ ᱯᱩᱱ ᱥᱮᱨᱢᱟ ᱛᱟᱭᱚᱢ ᱩᱱᱤ ᱨᱚᱢᱟ ᱫᱮᱣᱤ (q.v.) ᱨᱮ ᱜᱚᱲᱚ ᱠᱟᱹᱢᱤ ᱨᱮ ᱥᱮᱞᱮᱫ ᱞᱮᱱᱟ ᱾ 1955 ᱥᱮᱨᱢᱟ ᱨᱮ ᱩᱱᱤ ᱫᱚ ᱥᱚᱢᱵᱚᱞᱯᱩᱨ ᱦᱚᱱᱚᱛ ᱨᱮᱱ ᱦᱚᱲ ᱠᱚᱣᱟᱜ ᱦᱚᱱᱚᱲᱢᱚ ᱟᱨ ᱦᱚᱱᱚᱲᱢᱚᱨᱩᱠᱷᱤᱭᱟᱹ ᱥᱩᱫᱷᱨᱟᱹᱣ ᱞᱟᱹᱜᱤᱫ ᱢᱤᱫᱴᱟᱹᱝ ᱮᱢᱮᱨᱤᱠᱤᱱ ᱯᱟᱱᱛᱷᱟ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱩᱱᱤ ᱫᱚ ᱱᱨᱩᱥᱤᱝᱜᱚᱱᱚᱛ ᱨᱮ ᱠᱟᱥᱛᱩᱨᱵᱟ ᱜᱟᱱᱫᱷᱤ ᱢᱟᱛᱨᱩᱱᱤᱠᱮᱛᱚᱱ ᱧᱩᱛᱩᱢ ᱛᱮ ᱟᱭᱳᱼᱵᱟᱵᱟᱼᱵᱟᱹᱱᱩᱜ ᱟᱥᱲᱟ ᱟᱨ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱢᱤᱫᱴᱟᱹᱝ ᱚᱥᱨᱚᱢ ᱮ ᱮᱛᱚᱦᱚᱵ ᱞᱮᱫᱟ, ᱟᱨ ᱥᱚᱢᱵᱚᱞᱯᱩᱨ ᱦᱚᱱᱚᱛ ᱨᱮᱭᱟᱜ ᱡᱩᱡᱳᱢᱩᱨᱟ ᱵᱞᱚᱠ ᱨᱮᱭᱟᱜ ᱵᱤᱨᱥᱤᱝ ᱜᱟᱨ ᱨᱮ ᱫᱚᱠᱚᱛᱚᱨ ᱥᱚᱱᱛᱨᱚ ᱵᱟᱞ ᱱᱤᱠᱮᱴᱚᱱ ᱧᱩᱛᱩᱢ ᱛᱮ ᱮᱴᱟᱜ ᱢᱤᱫᱴᱟᱝ ᱚᱲᱟᱜ ᱮ ᱮᱛᱚᱦᱚᱵ ᱞᱮᱫᱟ ᱾ ᱩᱱᱤ ᱫᱚ ᱡᱮᱞ ᱨᱮ ᱩᱛᱱᱟᱹᱣ ᱟᱨ ᱞᱮᱯᱨᱳᱥᱤ ᱢᱩᱪᱟᱹᱫ ᱞᱟᱹᱜᱤᱫ ᱠᱟᱹᱢᱤ ᱞᱮᱫᱟᱭ ᱾ 1984 ᱥᱮᱨᱢᱟ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱨᱮᱱ ᱥᱟᱶᱛᱟ ᱩᱛᱱᱟᱹᱣ ᱛᱷᱚᱱᱚᱛ ᱫᱚ ᱩᱱᱤ ᱢᱤᱫᱴᱟᱹᱝ ᱥᱤᱨᱯᱟᱹᱭ ᱮᱢ ᱞᱮᱫᱟᱭ ᱾
ᱱᱟᱢ ᱰᱟᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
1. 1998 ᱥᱮᱨᱢᱟ ᱨᱮ ᱳᱰᱤᱥᱟᱨᱮᱱ ᱯᱚᱱᱚᱛ ᱥᱟᱥᱚᱱᱤᱭᱟᱹ ᱥᱨᱤ ᱥᱤ ᱨᱟᱝᱜᱟᱨᱚᱡᱚᱱ ᱥᱚᱢᱵᱷᱚᱞᱯᱩᱨ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱢᱟᱹᱱ ᱟᱱᱟᱜ ᱰᱚᱠᱴᱳᱨᱮᱴ ᱮ ᱦᱟᱢᱮᱴ ᱞᱮᱫᱟ ᱾
2. ᱯᱟᱨᱵᱚᱛᱤ ᱜᱤᱨᱤ ᱧᱩᱛᱩᱢ ᱛᱮ ᱧᱩᱛᱩᱢᱟᱱ ᱢᱮᱜᱟ ᱞᱤᱯᱷᱴ ᱤᱨᱤᱜᱮᱥᱚᱱ ᱥᱤᱠᱤᱢ ᱼ ᱰᱤᱥᱮᱢᱵᱚᱨ 2016 ᱾