ᱯᱟᱭᱛᱷᱳᱜᱳᱨᱚᱱ ᱛᱷᱤᱭᱚᱨᱚᱢ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱯᱟᱭᱛᱷᱳᱜᱳᱨᱚᱱ ᱛᱷᱤᱭᱚᱨᱚᱢ
The sum of the areas of the two squares on the legs (a and b) equals the area of the square on the hypotenuse (c).

ᱪᱷᱟᱸᱪ:General geometry

ᱯᱟᱭᱛᱷᱳᱜᱳᱨᱚᱱ ᱛᱷᱤᱭᱚᱨᱚᱢ (ᱥᱮ ᱯᱟᱭᱛᱷᱳᱜᱳᱨᱚᱥ ᱯᱨᱚᱢᱮᱭ) ᱥᱮ ᱵᱳᱣᱫᱷᱟᱭᱚᱱ ᱯᱨᱚᱢᱮᱭ ᱮᱢᱟᱱ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱭᱤᱠᱞᱤᱰ ᱡᱤᱭᱳᱢᱮᱴᱨᱤ ᱨᱮ ᱡᱟᱦᱟᱸ ᱥᱮᱢ ᱮᱝᱜᱚᱞ ᱴᱨᱟᱭᱝᱜᱚᱞ ᱨᱮᱱᱟᱜ ᱯᱮᱭᱟ ᱞᱟᱭᱤᱱ ᱠᱚ ᱛᱟᱞᱟ ᱨᱮ ᱢᱤᱫ ᱥᱟᱹᱜᱟᱹᱭ ᱞᱟᱹᱭ ᱟᱱ ᱛᱷᱤᱭᱚᱨᱚᱢ ᱠᱟᱱᱟ᱾ ᱱᱚᱶᱟ ᱛᱷᱤᱭᱚᱨᱚᱢ ᱫᱚ ᱧᱮᱞ ᱞᱮᱠᱟᱛᱮ ᱢᱤᱫ ᱤᱠᱣᱟᱥᱚᱱ ᱨᱮᱱᱟᱜ ᱨᱩᱯ ᱨᱮ ᱚᱞ ᱨᱮᱱᱟᱜ ᱦᱚᱨᱟ ᱛᱮ ᱥᱚᱫᱚᱨ ᱢᱮᱱᱟᱜ ᱟᱠᱟᱫᱟ -

ᱡᱟᱦᱟᱸ ᱫᱚ c ᱥᱮᱢᱠᱚᱬ ᱴᱨᱟᱭᱝᱜᱚᱞ ᱨᱮᱱᱟᱜ ᱦᱮᱭᱯᱳᱴᱮᱱᱚᱥ ᱨᱮᱱᱟᱜ ᱡᱮᱞᱮᱝ ᱢᱮᱱᱟᱜ-ᱟ ᱥᱮ a ᱟᱨ b ᱮᱴᱟᱜ ᱵᱟᱨᱭᱟ ᱞᱟᱭᱤᱱ ᱨᱮᱱᱟᱜ ᱡᱮᱞᱮᱝ ᱢᱮᱱᱟᱜ-ᱟ᱾ ᱯᱟᱭᱛᱷᱳᱜᱳᱨᱚᱥ ᱭᱩᱱᱟᱱ ᱨᱮᱱ ᱮᱞᱠᱷᱟ ᱚᱱᱚᱞᱤᱭᱟᱹᱭ ᱛᱟᱦᱮᱱᱸᱜ ᱠᱟᱱᱟ᱾[᱑] ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱩᱱᱤ ᱜᱮ ᱱᱚᱶᱟ ᱛᱷᱤᱭᱚᱨᱚᱢ ᱨᱮᱱᱟᱜ ᱮ ᱠᱷᱚᱡᱽ ᱨᱮᱱᱟᱜ ᱢᱟᱱ ᱠᱚ ᱮᱢᱟ ᱟᱠᱟᱫᱮ᱾ ᱦᱩᱭᱩᱜ ᱠᱟᱱ ᱱᱚᱶᱟ ᱢᱟᱱᱟᱣ ᱦᱩᱭ ᱟᱠᱟᱱᱟ ᱡᱮ ᱱᱚᱶᱟ ᱛᱷᱤᱭᱚᱨᱚᱢ ᱨᱮᱱᱟᱜ ᱵᱟᱰᱟᱭ ᱚᱱᱟ ᱠᱷᱚᱱ ᱦᱚᱸ ᱟᱹᱰᱤ ᱢᱟᱲᱟᱝ ᱨᱮᱜᱮ ᱵᱟᱰᱟᱭ ᱧᱟᱢ ᱟᱠᱟᱱᱟ᱾ ᱥᱤᱧᱚᱛ ᱨᱮᱱᱟᱜ ᱥᱮᱫᱟᱭ ᱜᱽᱨᱚᱸᱛᱷ ᱵᱳᱣᱫᱷᱟᱭᱚᱱ ᱥᱩᱞᱵᱽᱥᱩᱛᱨᱚ ᱨᱮ ᱱᱚᱶᱟ ᱛᱷᱤᱭᱚᱨᱚᱢ ᱮᱢ ᱦᱩᱭ ᱟᱠᱟᱱᱟ᱾ ᱱᱟᱥᱮ ᱟᱹᱰᱤ ᱯᱨᱤᱵᱽ ᱢᱮᱱᱟᱜ-ᱟ ᱡᱮ ᱵᱮᱵᱤᱞᱳᱱ ᱟᱜ ᱮᱞᱠᱷᱟ ᱚᱱᱚᱞ ᱦᱚᱸ ᱱᱚᱶᱟ ᱥᱤᱫᱷ ᱮ ᱵᱟᱰᱟᱭ ᱠᱟᱱ ᱛᱟᱦᱮᱱ᱾ ᱱᱚᱶᱟ ᱫᱚ ᱟᱨ ᱮᱴᱟᱜ ᱟᱭᱢᱟ ᱮᱢᱟᱱ ᱯᱟᱹᱨᱥᱤ ᱞᱮᱠᱟᱛᱮ 'ᱵᱳᱣᱫᱷᱟᱭᱚᱱ- ᱯᱟᱭᱛᱷᱳᱜᱳᱨᱚᱥ ᱯᱨᱚᱢᱮᱭ' ᱦᱚᱸ ᱠᱚ ᱢᱮᱛᱟᱣᱟᱜ ᱠᱟᱱ ᱜᱮᱭᱟ᱾

ᱥᱩᱛᱨᱚ ᱦᱚᱨᱟ ᱛᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱩᱫᱤ ᱟᱵᱚ ᱦᱮᱭᱯᱳᱴᱮᱱᱚᱥ ᱨᱮᱱᱟᱜ ᱡᱮᱞᱮᱝ ᱫᱚ c ᱟᱨ ᱮᱴᱟᱜ ᱵᱟᱨᱭᱟ ᱞᱟᱭᱤᱱ ᱨᱮᱱᱟᱜ ᱡᱮᱞᱮᱝ ᱫᱚ a ᱟᱨ b ᱦᱟᱛᱟᱣ ᱢᱮ ᱠᱷᱟᱱ ᱯᱨᱚᱢᱮᱭ ᱫᱚ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱤᱠᱣᱟᱥᱚᱱ ᱞᱮᱠᱟᱛᱮ ᱥᱚᱫᱚᱨ ᱦᱩᱭ ᱫᱟᱲᱮᱭᱟᱜ-ᱟ:

ᱥᱮ,

ᱡᱩᱫᱤ c ᱥᱮ ᱢᱤᱫ ᱞᱟᱭᱤᱱ ᱨᱮᱱᱟᱜ ᱢᱟᱱ ᱫᱚ ᱢᱟᱲᱟᱝ ᱠᱷᱚᱱ ᱜᱮ ᱮᱢ ᱦᱩᱭ ᱟᱠᱟᱱ ᱜᱮᱭᱟ ᱟᱨ ᱛᱮᱥᱟᱨ ᱞᱟᱭᱤᱱ ᱨᱮᱱᱟᱜ ᱡᱮᱞᱮᱝ ᱚᱰᱚᱠ ᱨᱮᱱᱟᱜ ᱠᱟᱱᱟ ᱠᱷᱟᱱ, ᱠᱷᱟᱱ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱤᱠᱣᱟᱥᱚᱱ ᱨᱮᱱᱟᱜ ᱠᱟᱹᱢᱤ ᱨᱮ ᱟᱹᱜᱩ ᱦᱩᱭ ᱫᱟᱲᱮᱭᱟᱜ-ᱟ :

ᱥᱮ,

ᱱᱚᱶᱟ ᱤᱠᱣᱟᱥᱚᱱ ᱥᱮᱢᱠᱚᱬ ᱴᱨᱟᱭᱝᱜᱚᱞ ᱨᱮᱱᱟᱜ ᱯᱮᱭᱟ ᱞᱟᱭᱤᱱ ᱠᱚ ᱛᱟᱞᱟ ᱨᱮ ᱢᱤᱫ ᱥᱚᱡᱷᱮ ᱥᱟᱹᱜᱟᱹᱭ ᱧᱮᱞ ᱚᱪᱚ ᱮᱫ ᱟᱭ᱾ ᱱᱚᱶᱟ ᱛᱷᱤᱭᱚᱨᱚᱢ ᱨᱮᱱᱟᱜ ᱡᱮᱱᱨᱚᱞᱥᱴᱤᱠ 'ᱠᱳᱡᱽᱭᱟ ᱦᱚᱨᱟ' (Cousine rule) ᱠᱚ ᱢᱮᱛᱟᱣᱟᱜ ᱠᱟᱱᱟ ᱡᱟᱦᱟᱸ ᱫᱚ ᱱᱚᱶᱟ ᱨᱮᱱᱟᱜ ᱜᱚᱲᱚ ᱛᱮ ᱡᱟᱦᱟᱸ ᱴᱟᱜ ᱜᱮ ᱯᱮᱭᱟ ᱠᱚᱱᱟ ᱨᱮᱱᱟᱜ ᱛᱮᱥᱟᱨ ᱞᱟᱭᱤᱱ ᱨᱮᱱᱟᱜ ᱡᱮᱞᱮᱝ ᱨᱮᱱᱟᱜ ᱞᱮᱠᱷᱟ ᱠᱚ ᱦᱩᱭ ᱫᱟᱲᱮᱭᱟᱜ-ᱟ ᱡᱩᱫᱤ ᱥᱟᱨᱮᱡ ᱵᱟᱨᱭᱟ ᱞᱟᱭᱤᱱ ᱨᱮᱱᱟᱜ ᱡᱮᱞᱮᱝ ᱟᱨ ᱚᱱᱟ ᱠᱚ ᱛᱟᱞᱟ ᱨᱮᱱᱟᱜ ᱠᱚᱱᱟ ᱨᱮᱱᱟᱜ ᱱᱟᱯᱤ ᱮᱢ ᱦᱩᱭ ᱟᱠᱟᱱ᱾

ᱥᱚᱫᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱢᱤᱫ ᱚᱱᱠᱟᱱ ᱛᱷᱤᱭᱚᱨᱚᱢ ᱠᱟᱱᱟ ᱡᱟᱦᱟᱸ ᱫᱚ ᱮᱴᱟᱜ ᱯᱨᱚᱢᱮᱭ (theorem) ᱨᱮᱱᱟᱜ ᱛᱩᱞᱟ ᱡᱚᱠᱷᱟ ᱨᱮ ᱜᱟᱱ ᱞᱮᱠᱟᱛᱮ ᱥᱟᱱᱟᱢ ᱠᱷᱚᱱ ᱵᱟᱹᱲᱛᱤ ᱵᱟᱰᱟᱭ ᱢᱮᱱᱟᱜ-ᱟ ( ᱫᱽᱣᱤᱜᱷᱟᱛᱤ ᱯᱟᱨᱚᱥᱯᱚᱨᱤᱠᱛᱟ ᱨᱮᱱᱟᱜ ᱦᱚᱨᱟ ᱦᱚᱸ ᱱᱚᱶᱟ ᱜᱳᱟᱨᱚᱣ ᱞᱟᱹᱜᱤᱫ ᱛᱮ ᱥᱮᱞᱮᱫ ᱨᱮ ᱛᱟᱦᱮᱸ ᱟᱠᱟᱱ ᱜᱮᱭᱟ)᱾ 'ᱮᱞᱤᱥᱟ ᱞᱩᱢᱤᱥ' ᱦᱚᱛᱮᱛᱮ ᱥᱚᱫᱚᱨ ᱟᱠᱟᱱ 'ᱯᱟᱭᱛᱷᱟᱜᱚᱨᱚᱱ ᱛᱷᱤᱭᱚᱨᱚᱢ' ᱯᱚᱛᱚᱵ ᱨᱮ, ᱓᱖᱗ ᱥᱚᱫᱚᱨ ᱮᱢ ᱢᱮᱱᱟᱜ ᱟᱠᱟᱫᱟ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Thomas, Heath (1921). A History of Greek Mathematics (Vol. 1) (PDF). London: Oxford University Press. p. 144. Archived from the original (PDF) on 25 अक्तूबर 2016. Retrieved 14 जून 2020.  Unknown parameter |url-status= ignored (help); Check date values in: |access-date=, |archive-date= (help)