ᱯᱟᱭᱨᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱯᱟᱭᱨᱟ

ᱯᱟᱭᱨᱟ ᱫᱚ ᱫᱟᱜ ᱨᱮ ᱛᱤ ᱟᱨ ᱡᱟᱸᱜᱟ ᱛᱮᱭᱟᱜ ᱢᱤᱫ ᱞᱟᱲᱟᱣᱱᱟ ᱠᱟᱱᱟ ᱾ ᱵᱟᱹᱲᱛᱤ ᱠᱟᱛᱟ ᱡᱟᱦᱟᱸᱱ ᱥᱟᱢᱟᱱ ᱠᱚ ᱫᱚ ᱵᱟᱝ ᱵᱮᱵᱷᱟᱨᱚᱜ ᱠᱟᱱ ᱯᱟᱭᱨᱟ ᱞᱟᱹᱜᱤᱫ ᱫᱚ ᱾ ᱦᱚᱲ ᱫᱚ ᱮᱠᱥᱚᱨᱥᱟᱭᱤᱡᱽ (exercise), ᱨᱟᱹᱥᱠᱟᱹᱡᱚᱝ[1] ᱟᱨ ᱦᱮᱯᱨᱟᱣᱜ ᱞᱟᱹᱜᱤᱫ ᱠᱚ ᱯᱟᱭᱨᱟᱜᱼᱟ ᱾

ᱢᱟᱹᱱᱢᱤ ᱫᱚ ᱟᱠᱚᱣᱟᱜ ᱛᱤ ᱟᱨ ᱡᱟᱸᱜᱟ ᱨᱮᱱᱟᱜ ᱫᱟᱲᱮ ᱛᱮ ᱠᱚ ᱯᱟᱭᱨᱟᱜᱼᱟ ᱾ ᱯᱟᱭᱨᱟ ᱨᱮ ᱛᱤᱢᱤᱱ ᱜᱟᱱ ᱥᱴᱨᱚᱠ ᱠᱚ ᱢᱮᱱᱟᱜᱼᱟ, ᱡᱮᱢᱚᱱ ᱵᱨᱮᱥᱴ ᱥᱴᱨᱚᱠ, ᱯᱷᱨᱤᱥᱴᱟᱭᱤᱞ, ᱵᱮᱠᱥᱴᱚᱠ ᱮᱢᱟᱱ ᱠᱚ ᱾ ᱯᱷᱨᱤᱥᱴᱟᱭᱤᱞ ᱜᱮ ᱢᱩᱬ ᱥᱴᱨᱚᱠ ᱫᱚ ᱠᱚ ᱢᱮᱛᱟᱜ ᱠᱟᱱᱟ, ᱢᱮᱱᱠᱷᱟᱱ ᱦᱚᱲ ᱠᱚ ᱵᱨᱮᱥᱴ ᱥᱴᱨᱚᱠ ᱦᱚᱸᱠᱚ ᱠᱚᱨᱟᱣ ᱜᱮᱭᱟ ᱪᱮᱫᱟᱜ ᱥᱮ ᱱᱚᱶᱟ ᱫᱚ ᱞᱟᱝᱜᱟᱭ ᱠᱚᱢᱟ ᱾

ᱯᱟᱭᱨᱟ ᱫᱚ ᱦᱮᱯᱨᱟᱶ ᱮᱱᱮᱡ ᱞᱟᱹᱜᱤᱫ ᱦᱚᱸ ᱠᱚ ᱠᱚᱨᱟᱣ ᱜᱮᱭᱟ ᱾ ᱟᱭᱢᱟ ᱟᱥᱲᱟ ᱢᱮᱱᱟᱜ ᱡᱟᱦᱸ ᱨᱮ ᱯᱟᱭᱨᱟ ᱵᱟᱵᱚᱫ ᱛᱮ ᱠᱚ ᱥᱮᱪᱮᱫ ᱠᱚᱣᱟ ᱟᱨ ᱯᱚᱱᱚᱛ, ᱡᱟᱹᱛᱤᱭᱟᱹᱨᱤ ᱟᱨ ᱡᱮᱡᱟᱹᱛᱤᱭᱟᱹᱨᱤ ᱛᱷᱚᱠ ᱨᱮ ᱦᱩᱭᱩᱜ ᱠᱟᱱ ᱯᱟᱭᱨᱟ ᱦᱮᱯᱨᱟᱣ ᱮᱱᱮᱡ ᱫᱟᱣ ᱠᱚ ᱟᱢᱮᱴᱮᱫᱼᱟ ᱾

ᱦᱚᱲ ᱠᱚ ᱥᱟᱹᱢᱩᱸᱫᱽ, ᱜᱟᱰᱟ, ᱯᱩᱠᱷᱨᱤ ᱟᱨ ᱥᱩᱭᱢᱤᱝᱯᱩᱞ ᱨᱮ ᱠᱚ ᱯᱟᱭᱨᱟᱜᱼᱟ ᱾ ᱯᱟᱭᱨᱟ ᱦᱮᱯᱨᱟᱣ ᱫᱚ ᱵᱟᱹᱲᱛᱤ ᱠᱟᱛᱮ ᱥᱩᱭᱢᱤᱝ ᱯᱩᱞ ᱨᱮᱜᱮ ᱠᱚ ᱠᱚᱨᱟᱣᱟ ᱾

ᱞᱟᱵᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱟᱭᱨᱟ ᱫᱚ ᱢᱟᱹᱱᱢᱤ ᱞᱟᱹᱜᱤᱫ ᱟᱹᱰᱤ ᱜᱮ ᱞᱟᱹᱠᱛᱤᱭᱟᱱᱟ ᱾ ᱯᱟᱭᱨᱟ ᱨᱮᱱᱟᱜ ᱟᱹᱰᱤᱜᱟᱱ ᱞᱟᱵᱽ ᱢᱮᱱᱟᱜᱼᱟ, ᱡᱮᱞᱮᱠᱟ ᱺ-

  • ᱟᱵᱚ ᱟᱯᱱᱟᱨ ᱵᱟᱝᱠᱷᱟᱱ ᱡᱟᱦᱟᱸᱭ ᱜᱮ ᱩᱱᱩᱢᱚᱜ ᱠᱷᱚᱱ ᱵᱚᱱ ᱵᱟᱧᱪᱟᱣ ᱫᱟᱲᱮᱭᱟᱭᱟ ᱾
  • ᱟᱵᱚ ᱟᱯᱱᱟᱨᱟᱜ ᱦᱚᱲᱢᱚ ᱱᱟᱯᱟᱭ ᱵᱚᱱ ᱫᱚᱦᱚ ᱫᱟᱲᱮᱭᱟᱜᱼᱟ ᱾
  • ᱡᱩᱫᱤ ᱟᱢ ᱵᱷᱟᱹᱜᱤᱢ ᱯᱟᱭᱨᱟᱜᱼᱟ, ᱮᱱᱠᱷᱟᱱ ᱯᱟᱭᱨᱟ ᱦᱮᱯᱨᱟᱣ ᱠᱚ ᱨᱮ ᱦᱚᱸ ᱫᱟᱣ ᱮᱢ ᱦᱟᱛᱟᱣ ᱫᱟᱲᱮᱭᱟᱜᱼᱟ, ᱡᱮᱞᱮᱠᱟ ᱺ- ᱣᱟᱴᱚᱨ ᱯᱳᱞᱳ, ᱚᱯᱚᱱ ᱣᱟᱴᱚᱨ ᱥᱩᱭᱢᱤᱝ ᱮᱢᱟᱱ ᱮᱢᱟᱱ ᱾

ᱨᱩᱯ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱟᱭᱨᱟᱜ ᱨᱮ ᱛᱤᱢᱤᱱ ᱜᱟᱱ ᱨᱩᱯ ᱢᱮᱱᱫᱚ ᱥᱴᱟᱭᱤᱞ ᱢᱮᱱᱟᱜᱼᱟ, ᱚᱱᱟ ᱠᱚ ᱢᱩᱸᱫ ᱠᱷᱚᱱ ᱛᱤᱢᱤᱱ ᱜᱟᱱ ᱫᱚ ᱦᱩᱭᱩᱜ ᱠᱟᱱᱟ ᱾

  • ᱠᱚᱲᱟᱢ ᱫᱟᱲᱮᱛᱮ ᱯᱟᱭᱨᱟ (Breaststroke): ᱱᱚᱶᱟ ᱫᱚ ᱡᱚᱛᱚ ᱠᱷᱚᱱ ᱟᱞᱜᱟ ᱟᱱᱟᱜ ᱯᱟᱭᱨᱟ ᱠᱟᱱᱟ ᱪᱮᱫᱚᱜ ᱦᱚᱲ ᱠᱚ ᱞᱟᱹᱜᱤᱫ ᱾ ᱦᱮᱯᱨᱟᱶᱤᱭᱟᱹ ᱠᱚ ᱞᱟᱹᱜᱤᱫ ᱫᱚ ᱱᱟᱥᱮ ᱟᱸᱴ ᱜᱮᱭᱟ ᱪᱮᱫᱟᱜ ᱥᱮ ᱟᱹᱰᱤ ᱜᱟᱱ ᱫᱟᱲᱮ ᱞᱟᱹᱠᱛᱤᱜᱼᱟ ᱱᱚᱶᱟ ᱨᱮ ᱾
  • ᱡᱤᱭᱟᱹᱝ ᱯᱟᱭᱨᱟ (Backstroke)ᱺ ᱱᱚ ᱫᱚ ᱯᱟᱭᱨᱟ ᱮᱱᱮᱡ ᱡᱚᱝ ᱞᱟᱹᱜᱤᱰ ᱟᱹᱰᱤ ᱟᱞᱜᱟ ᱜᱮᱭᱟ, ᱪᱮᱫᱟᱜ ᱥᱮ ᱱᱚᱶᱟ ᱫᱚ ᱡᱤᱨᱟᱹᱣ ᱡᱤᱨᱟᱹᱣ ᱫᱦᱟᱨᱟ ᱯᱟᱭᱨᱟ ᱜᱟᱱᱚᱜᱼᱟ, ᱢᱮᱱᱠᱷᱟᱱ ᱦᱚᱨᱚᱵᱚᱨᱚ ᱯᱟᱭᱨᱟ ᱫᱚ ᱟᱸᱴ ᱜᱮᱭᱟ ᱾
  • ᱯᱷᱨᱤᱥᱴᱟᱭᱤᱞ ᱺ ᱫᱚ ᱟᱹᱰᱤ ᱩᱥᱟᱹᱨᱟ ᱟᱨ ᱵᱷᱟᱹᱜᱤ ᱦᱚᱨᱟ ᱠᱟᱱᱟ ᱯᱟᱭᱨᱟ ᱨᱮᱱᱟᱜ ᱾
  • ᱯᱤᱯᱤᱲᱤᱭᱟᱹᱝ(Butterfly)ᱺ ᱱᱚᱶᱟ ᱫᱚ ᱫᱟᱲᱮᱯᱮᱨᱮᱡ (Powerful) ᱟᱨ ᱩᱥᱟᱹᱨᱟ ᱯᱟᱭᱨᱟ ᱦᱚᱨᱟ ᱠᱟᱱᱟ ᱾ ᱱᱚᱶᱟ ᱦᱚᱨᱟ ᱨᱮ ᱫᱚ ᱰᱚᱞᱯᱷᱤᱱ ᱛᱷᱟᱹᱭᱟᱹ ᱵᱮᱵᱷᱟᱨᱚᱜ ᱠᱟᱱᱟ ᱾ ᱱᱚᱶᱟ ᱫᱳ ᱟᱸᱴ ᱟᱨ ᱠᱚᱢ ᱵᱟᱰᱟᱭᱟᱱ ᱯᱟᱭᱨᱟ ᱠᱟᱱᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. cite web|title=Healthy Swimming/Recreational Water|url=https://www.cdc.gov/healthywater/swimming/health_benefits_water_exercise.html