ᱯᱟᱯᱩᱢ ᱯᱟᱨᱮ ᱦᱚᱱᱚᱛ
ᱯᱟᱯᱩᱢ ᱯᱟᱨᱮ ᱦᱚᱱᱚᱛ (Pron:/ˌpæpəm ˈpæɹɪ or ˈpɑ:ɹeɪ/) ᱫᱚ ᱠᱚᱭᱮ ᱥᱟᱢᱟᱝ ᱥᱤᱧᱚᱛ ᱨᱮᱭᱟᱜ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱯᱚᱱᱚᱛ ᱨᱮᱭᱟᱜ ᱢᱤᱫ ᱴᱟᱝ ᱦᱚᱱᱚᱛ ᱠᱟᱱᱟ৷ ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱱᱚᱣᱟ ᱯᱟᱯᱩᱢ ᱯᱟᱨᱮ ᱦᱚᱱᱚᱛ ᱫᱚ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱡᱚᱛᱚ ᱠᱷᱚᱱ ᱰᱷᱮᱨ ᱥᱟᱝᱜᱮ ᱩᱛᱟᱹᱨ ᱦᱚᱲ ᱢᱮᱱᱟᱜ ᱠᱚ ᱦᱚᱱᱚᱛ ᱠᱟᱱᱟ৷ ᱱᱚᱣᱟ ᱯᱟᱯᱩᱢ ᱯᱟᱨᱮ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱫᱚ ᱭᱩᱯᱤᱭᱟ ᱨᱮ ᱢᱮᱱᱟᱜᱼᱟ৷ ᱱᱚᱣᱟ ᱦᱚᱱᱚᱛ ᱨᱮ ᱡᱚᱛᱚ ᱥᱟᱝᱜᱮ ᱩᱛᱟᱹᱨ ᱫᱚ ᱱᱤᱥᱤ ᱧᱩᱛᱩᱢᱟᱱ ᱡᱟᱹᱛ ᱨᱮᱱ ᱦᱚᱲ ᱠᱚ ᱢᱮᱱᱟᱜᱼᱟ ᱠᱚᱣᱟ৷[᱑]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱙᱙ ᱥᱮᱨᱢᱟ ᱨᱮ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱟᱫᱚᱢ ᱦᱚᱱᱚᱛ ᱠᱚ ᱟᱹᱨᱩ ᱯᱷᱮᱨᱟᱣ ᱞᱮᱫᱟ, ᱞᱟᱛᱟᱨ ᱥᱚᱣᱟᱱ ᱥᱤᱨᱤ ᱦᱚᱱᱚᱛ ᱨᱮᱭᱟᱜ ᱟᱫᱚᱢ ᱦᱤᱥ ᱠᱷᱚᱱ ᱯᱟᱯᱩᱢ ᱯᱟᱨᱮ ᱦᱚᱱᱚᱛ ᱫᱚ ᱜᱮᱫ ᱵᱮᱜᱟᱨ ᱠᱟᱛᱮ ᱠᱚ ᱥᱤᱨᱡᱟᱹᱣ ᱞᱮᱫᱟ৷[᱒]
ᱚᱛᱱᱚᱛ ᱩᱱᱩᱨᱩᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱯᱩᱢ ᱯᱟᱨᱮ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱫᱚ ᱭᱩᱯᱤᱭᱟ ᱨᱮ ᱢᱮᱱᱟᱜ ᱟᱠᱟᱫᱟ৷ ᱱᱚᱣᱟ ᱯᱟᱯᱩᱢ ᱯᱟᱨᱮ ᱦᱚᱱᱚᱛ ᱫᱚ ᱞᱮᱠᱷᱟ ᱜᱩᱴ ᱒,᱘᱗᱕ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱪᱮᱫ ᱟᱠᱟᱱᱟ৷ ᱟᱨ ᱚᱨᱩᱱᱟᱪᱚᱞ ᱯᱨᱚᱫᱨᱥ ᱨᱮᱭᱟᱜ ᱨᱟᱡᱽ ᱜᱟᱲ ᱤᱴᱟᱱᱚᱜᱚᱨ ᱦᱚᱸ ᱱᱚᱣᱟ ᱯᱟᱯᱩᱢ ᱯᱟᱨᱮ ᱦᱚᱱᱚᱛ ᱨᱮ ᱜᱮ ᱢᱮᱱᱟᱜ ᱟᱠᱟᱫᱟ৷
ᱢᱚᱦᱩᱠᱢᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱯᱩᱢ ᱯᱟᱨᱮ ᱦᱚᱱᱚᱛ ᱫᱚ ᱯᱚᱱ ᱦᱤᱥ ᱨᱮ ᱥᱮ ᱯᱚᱱᱭᱟ ᱢᱚᱦᱩᱠᱢᱟ ᱨᱮ ᱦᱟᱹᱴᱤᱧ ᱟᱠᱟᱱᱟ: ᱵᱟᱞᱤᱡᱟᱱᱚᱢ, ᱫᱩᱭᱢᱩᱠᱷ, ᱠᱤᱢᱤᱱ ᱟᱨ ᱥᱟᱞᱟᱜᱤ (Sagalee)৷ ᱱᱚᱣᱟ ᱵᱮᱜᱚᱨ ᱦᱚᱸ ᱱᱤᱭᱟᱹ ᱦᱚᱱᱚᱛ ᱨᱮ ᱫᱚ ᱜᱮᱞ ᱯᱚᱱ ᱜᱚᱴᱟᱝ ᱥᱟᱥᱚᱱᱤᱭᱟᱹ ᱥᱟᱨᱠᱮᱞ ᱨᱮ ᱦᱟᱹᱴᱤᱧ ᱟᱠᱟᱱᱟ, ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱡᱮᱞᱮᱠᱟᱼ ᱵᱟᱞᱤᱡᱟᱱ (Balijan), ᱤᱴᱟ ᱱᱚᱜᱚᱨ, (Itanagar), ᱱᱟᱦᱚᱨ ᱞᱚᱜᱩᱱ (Naharlagun), ᱫᱚᱭ ᱢᱩᱠᱷ (Doimukh), ᱛᱚᱨᱩ (Toru), ᱥᱟᱞᱟᱜᱤ (Sagalee), ᱞᱮᱯᱚ ᱨᱤᱭᱟᱝ (Leporiang), ᱢᱮᱱᱤᱜᱚ (Mengio), ᱠᱤᱢᱤᱱ (Kimin), ᱵᱟᱱᱫᱚᱨ ᱫᱮᱣᱟ (Banderdewa), ᱛᱟᱨᱟᱥᱚ (Tarasso), ᱠᱟᱠᱚᱭ (Kakoi), ᱜᱩᱢᱛᱚ (Gumto), ᱯᱚᱨᱟᱝ (Parang), ᱟᱨ ᱥᱟᱝᱫᱩ ᱯᱚᱛᱟ (Sangdu pata) ৷
ᱦᱚᱲ ᱞᱮᱠᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱭᱮ ᱯᱟᱯᱩᱢ ᱯᱟᱨᱮ ᱦᱚᱱᱚᱛ ᱨᱮ ᱞᱮᱠᱷᱟ ᱜᱩᱴ ᱑᱗᱖,᱓᱘᱕ ᱡᱚᱱᱟ ᱦᱚᱲ ᱢᱮᱱᱟᱜ ᱠᱚᱣᱟ৷ ᱦᱚᱲ ᱞᱮᱠᱷᱟ ᱨᱮᱭᱟᱜ ᱦᱚᱨᱟ ᱞᱮᱠᱟ ᱛᱮ ᱥᱤᱧᱚᱛ ᱫᱤᱥᱚᱢ ᱨᱮ ᱯᱟᱯᱩᱢ ᱯᱟᱨᱮ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱜᱚᱴᱟ ᱥᱤᱧᱩᱛ ᱞᱮᱠᱷᱟ ᱜᱩᱴ ᱖᱔᱐ ᱜᱚᱴᱟ ᱦᱚᱱᱚᱛ ᱵᱷᱤᱛᱨᱤ ᱨᱮ ᱯᱟᱯᱩᱢ ᱯᱟᱨᱮ ᱫᱚ ᱕᱙᱔ ᱣᱟᱱᱟᱜ ᱞᱮᱠᱷᱟ ᱨᱮ ᱛᱟᱦᱮ ᱠᱟᱱᱟ৷ ᱯᱟᱯᱩᱢ ᱯᱟᱨᱮ ᱦᱚᱱᱚᱛ ᱨᱮ ᱦᱚᱲ ᱠᱚ ᱜᱤᱨᱟᱹ ᱵᱟᱥ ᱟᱠᱟᱱᱟ ᱢᱤᱫ ᱠᱤᱞᱚ ᱢᱤᱴᱟᱨ ᱨᱮ ᱖᱑ ᱡᱚᱱᱟ৷ ᱒᱐᱐᱑ - ᱒᱐᱑᱑ ᱜᱮᱞᱟᱜ ᱥᱮᱨᱢᱟ ᱨᱮ ᱦᱚᱲ ᱞᱮᱠᱷᱟ ᱵᱟᱹᱰᱚᱜ ᱨᱮᱭᱟᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱔᱔.᱕᱗%৷ ᱯᱟᱯᱩᱢ ᱯᱟᱨᱮ ᱨᱮ ᱢᱤᱫ ᱑᱐᱐᱐ ᱡᱚᱱᱟ ᱦᱮᱨᱮᱞ ᱦᱚᱲ ᱵᱚᱫᱚᱞ ᱙᱕᱐ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱟᱨ ᱥᱮᱪᱮᱫ ᱦᱚᱲ ᱠᱚᱣᱟᱜ ᱦᱟᱨ ᱫᱚ ᱘᱒.᱑᱔ ᱠᱟᱱᱟ৷
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "District Census 2011". Census2011.co.in. 2011. Retrieved 2011-09-30.
- ↑ Law, Gwillim (25 September 2011). "Districts of India". Statoids. Retrieved 2011-10-11.