ᱯᱟᱱᱱᱟ ᱫᱷᱟᱹᱭ
 | ᱱᱚᱣᱟ ᱚᱱᱚᱞ ᱯᱷᱮᱢᱤᱱᱤᱡᱤᱢ ᱮᱱᱰᱽ ᱯᱷᱳᱞᱠᱞᱳᱨ ᱒᱐᱒᱒ ᱚᱱ ᱟᱞᱭᱤᱱ ᱚᱱᱚᱞ ᱥᱟᱯᱲᱟᱣ ᱦᱮᱯᱨᱟᱣ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱞᱮᱠᱟᱛᱮ ᱵᱮᱱᱟᱣ/ᱟᱹᱨᱩ ᱟᱠᱟᱱᱟ ᱾ |  |
| ᱯᱟᱱᱱᱟ ᱫᱷᱟᱹᱭ Panna Dai | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱖ ᱥᱟᱭᱥᱮᱨᱢᱟ ᱪᱤᱛᱛᱳᱨ, ᱢᱮᱣᱟᱲ |
| ᱠᱟᱹᱢᱤ | ᱨᱟᱱᱤ ᱠᱚᱨᱱᱟᱵᱚᱛᱤ ᱨᱮᱱ ᱠᱟᱹᱢᱤᱭᱤᱡ |
| ᱡᱩᱜᱽ | ᱛᱟᱞᱢᱟ ᱡᱩᱜᱽ ᱥᱤᱧᱚᱛ |
| ᱧᱩᱢᱱᱟᱢ | ᱵᱟᱹᱭᱨᱤ ᱠᱷᱚᱱ ᱨᱟᱡᱟ ᱨᱮᱱ ᱜᱤᱫᱽᱨᱟᱹ ᱵᱟᱧᱪᱟᱣ ᱞᱟᱹᱜᱤᱫ ᱟᱡ ᱨᱮᱱ ᱜᱤᱫᱽᱨᱟᱹ ᱟᱞᱟᱭ᱾ |
| ᱦᱚᱯᱚᱱ | ᱑ |
ᱯᱟᱱᱱᱟ ᱫᱷᱟᱹᱭ ᱫᱚ ᱑᱖ᱟᱱ ᱥᱚᱛᱚᱠ ᱨᱮᱱ ᱢᱚᱦᱟᱨᱟᱱᱟ ᱥᱚᱝᱜᱽᱨᱟᱢ ᱥᱤᱝ ᱨᱮᱱ ᱯᱩᱱᱟᱱᱟᱝ ᱠᱚᱲᱟ ᱫᱚᱥᱟᱨ ᱩᱫᱚᱭ ᱥᱤᱝᱨᱮᱱ ᱫᱷᱟᱹᱭ ᱜᱚᱜᱚᱭ ᱛᱟᱦᱮ ᱠᱟᱱᱟ᱾ ᱩᱱᱤ ᱫᱚ ᱠᱷᱤᱝᱪᱤ ᱪᱚᱶᱦᱟᱱ ᱮ ᱛᱟᱦᱮ ᱠᱟᱱᱟ᱾[᱑] ᱑᱕᱒᱒ ᱥᱮᱨᱢᱟ ᱨᱮ ᱯᱟᱱᱱᱟ ᱫᱷᱟᱹᱭ ᱫᱚ ᱟᱡ ᱨᱮᱱ ᱜᱤᱫᱽᱨᱟᱹ ᱫᱚᱱᱫᱚᱱ ᱥᱟᱶ ᱥᱟᱶᱛᱮ ᱩᱫᱚᱭ ᱥᱤᱝ ᱟᱜ ᱡᱟᱱᱟᱢ ᱛᱟᱭᱚᱢ,ᱱᱩᱫᱚᱭ ᱦᱚᱸ ᱟᱡᱟᱜ ᱠᱚᱲᱟᱢ ᱨᱮᱭᱟᱜ ᱛᱚᱣᱟ ᱧᱩ ᱦᱟᱨᱟ ᱨᱮᱭᱟᱜ ᱟᱸᱜᱷᱤᱵᱷᱟᱨ ᱠᱚ ᱮᱢ ᱞᱮᱫᱮᱭᱟ᱾ ᱥᱚᱝᱜᱽᱨᱟᱢ ᱥᱤᱝ ᱨᱮᱱ ᱵᱚᱭᱦᱟ ᱢᱮᱱᱫᱚ ᱩᱫᱚᱭ ᱨᱮᱱ ᱦᱚᱯᱚᱱ ᱵᱟ ᱵᱟᱱᱵᱤᱨ ᱡᱚᱠᱷᱚᱱ ᱩᱫᱚᱭ ᱪᱮᱛᱟᱱ ᱮ ᱦᱟᱢᱞᱟ ᱞᱮᱫᱟ, ᱩᱱᱫᱚ ᱯᱟᱱᱱᱟ ᱫᱷᱟᱹᱭ ᱩᱫᱚᱭᱟᱜ ᱡᱤᱣᱚᱱ ᱵᱟᱧᱪᱟᱣ ᱠᱷᱟᱹᱛᱤᱨ ᱟᱡ ᱨᱮᱱ ᱜᱤᱫᱽᱨᱟᱹ ᱟᱜ ᱡᱤᱣᱤᱭ ᱟᱞᱟᱭ ᱞᱮᱫᱟ᱾[᱒]
ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱟᱱᱱᱟ ᱫᱚ ᱫᱷᱟᱹᱭ ᱫᱚ ᱢᱚᱦᱟᱨᱟᱡᱟ ᱥᱚᱝᱜᱽᱨᱟᱢ ᱥᱤᱝᱜᱷ ᱨᱮᱱ ᱮᱨᱟ ᱨᱟᱱᱤ ᱠᱚᱨᱱᱟᱵᱚᱛᱤ ᱨᱮᱱ ᱱᱟᱨᱥ ᱮ ᱛᱟᱦᱮ ᱠᱟᱱᱟ᱾ ᱩᱱᱤ ᱫᱚ ᱨᱟᱡᱽᱟᱹᱨᱤ ᱵᱟᱵᱚᱛ ᱨᱮ ᱠᱚᱨᱱᱟᱵᱚᱛᱤ ᱮ ᱜᱚᱲᱚ ᱞᱮᱫᱮᱭᱟ ᱟᱨ ᱟᱡ ᱨᱮᱱ ᱜᱤᱫᱽᱨᱟᱹ ᱫᱚᱱᱫᱚᱱ ᱥᱟᱶ ᱥᱟᱶᱛᱮ ᱜᱤᱫᱽᱨᱟᱹ ᱨᱟᱡᱽ ᱠᱩᱢᱟᱨ ᱩᱫᱚᱭ ᱥᱤᱝ ᱮ ᱦᱟᱨᱟ ᱞᱮᱫᱮᱭᱟ᱾[᱓][᱔]
᱑᱖ ᱟᱱ ᱥᱟᱭᱥᱮᱨᱢᱟ ᱨᱮᱭᱟᱜ ᱮᱛᱚᱦᱚᱵ ᱨᱮ, ᱵᱤᱠᱨᱚᱢᱟᱫᱤᱫᱽᱭᱚ ᱟᱡ ᱵᱚᱭᱦᱟ ᱨᱟᱱᱟ ᱨᱚᱛᱚᱱ ᱥᱤᱝ ᱫᱚᱥᱟᱨ ᱴᱷᱮᱱ ᱠᱷᱚᱱ ᱨᱟᱡᱽ ᱢᱟᱹᱪᱤ ᱨᱮᱭ ᱫᱩᱲᱩᱵ ᱞᱮᱱᱟ᱾ ᱑᱔ ᱥᱮᱨᱢᱟ ᱮ ᱛᱟᱦᱮ ᱠᱟᱱᱟ ᱟᱨ ᱩᱱᱤ ᱫᱚ ᱟᱹᱰᱤ ᱦᱤᱥᱟᱹ ᱥᱩᱭᱟᱹ ᱜᱮᱭ ᱛᱟᱦᱮ ᱠᱟᱱᱟ ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱᱟ᱾ ᱑᱕᱓᱕ ᱥᱮᱨᱢᱟ ᱨᱮ, ᱵᱟᱦᱟᱫᱩᱨ ᱥᱟᱦ ᱪᱤᱛᱛᱳᱨ ᱨᱮᱭ ᱦᱟᱢᱞᱟ ᱞᱮᱫᱟ, ᱡᱟᱦᱟ ᱠᱷᱟᱹᱛᱤᱨ ᱠᱚᱨᱱᱚᱵᱚᱛᱤ ᱯᱩᱨᱥᱤ ᱥᱟᱥᱚᱱᱤᱭᱟᱹ ᱠᱚ ᱴᱷᱮᱱᱠᱷᱚᱱ ᱜᱚᱲᱚ ᱮ ᱠᱷᱚᱡ ᱞᱮᱱᱟ᱾[᱕] ᱵᱤᱠᱨᱚᱢᱟᱫᱤᱫᱽᱭᱚ ᱟᱡ ᱨᱮᱱ ᱯᱷᱟᱹᱫᱽ ᱠᱚ ᱥᱟᱶᱛᱮ ᱵᱩᱨᱩ ᱪᱮᱛᱟᱱ ᱮ ᱥᱮᱱ ᱞᱮᱱᱟ, ᱟᱨ ᱚᱱᱛᱮ ᱩᱫᱚᱭ ᱫᱚ ᱯᱟᱱᱱᱟ ᱥᱟᱶ ᱵᱩᱱᱰᱤ ᱠᱚ ᱤᱫᱤ ᱞᱮᱫᱮᱭᱟ᱾
ᱩᱭᱦᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱔ ᱥᱮᱨᱢᱟ ᱨᱮ, ᱩᱱᱚᱠᱛᱚ ᱨᱟᱡᱚᱥᱛᱷᱟᱱ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱵᱚᱥᱩᱱᱫᱷᱚᱨᱟ ᱨᱟᱡᱮ, ᱥᱚᱦᱤᱫᱽ ᱥᱢᱟᱨᱚᱠ ᱟᱨ ᱯᱟᱱᱱᱟ ᱫᱷᱟᱹᱭ ᱢᱤᱣᱡᱤᱭᱟᱢ ᱥᱟᱶ ᱥᱟᱶᱛᱮ ᱜᱳᱵᱟᱨᱫᱷᱚᱱ ᱥᱟᱜᱚᱨ ᱞᱮᱠ ᱨᱮ ᱢᱤᱫ ᱞᱟᱹᱣᱠᱟᱹ ᱟᱠᱟᱨ ᱨᱮᱭᱟᱜ ᱢᱤᱫ ᱢᱤᱣᱡᱤᱭᱟᱢ ᱮ ᱩᱰᱟᱹᱣ ᱥᱟᱹᱜᱩᱱ ᱞᱮᱫᱟ᱾ ᱚᱱᱟ ᱢᱤᱣᱡᱤᱭᱟᱢ ᱫᱚ ᱯᱟᱱᱱᱟ ᱫᱷᱟᱹᱭ ᱟᱨ ᱢᱮᱣᱟᱲ ᱞᱟᱹᱜᱤᱫ ᱩᱱᱤᱭᱟᱜ ᱮᱱᱮᱢ ᱞᱟᱹᱜᱤᱫ ᱵᱮᱱᱟᱣ ᱟᱠᱟᱱᱟ᱾ ᱚᱲᱟᱜ ᱨᱮ ᱟᱡᱟᱜ ᱡᱤᱭᱚᱱ ᱪᱤᱛᱟᱹᱨ ᱩᱫᱩᱜ ᱦᱩᱭ ᱟᱠᱟᱱᱟ; ᱡᱟᱦᱟ ᱨᱮ ᱧᱮᱧᱮᱞᱤᱭᱟᱹ ᱠᱚ ᱫᱤᱥᱟᱹ ᱠᱟᱛᱮ ᱩᱱᱤᱭᱟᱜ ᱢᱤᱫ 3D ᱪᱚᱞᱚᱱᱪᱤᱛᱟᱹᱨ ᱩᱫᱩᱜ ᱦᱩᱭᱩᱜᱼᱟ᱾
ᱢᱤᱫ ᱡᱟᱹᱛᱤᱭᱟᱹᱨᱤ ᱥᱤᱨᱯᱷᱟᱹ, ᱥᱟᱶᱛᱮ ᱯᱟᱪᱮ ᱩᱫᱚᱭᱯᱩᱨ ᱨᱮ ᱩᱱᱤ ᱧᱩᱛᱩᱢ ᱛᱮ ᱢᱤᱫ ᱱᱟᱨᱥᱤᱝ ᱠᱚᱞᱮᱡᱽ ᱧᱩᱛᱩᱢ ᱟᱠᱟᱱᱟ᱾ ᱥᱚᱪᱤᱱ ᱥᱮᱱ ᱜᱩᱯᱛᱚ 'ᱯᱟᱱᱱᱟ ᱫᱷᱟᱹᱭ' ᱧᱩᱛᱩᱢ ᱛᱮ ᱩᱱᱤᱭᱟᱜ ᱡᱤᱭᱚᱱ ᱵᱟᱵᱚᱛ ᱢᱤᱫ ᱯᱩᱛᱷᱤ ᱦᱚᱸᱭ ᱯᱟᱨᱥᱟᱞ ᱟᱠᱟᱫᱟ᱾[᱖] ᱢᱤᱨᱟᱴ ᱥᱚᱦᱚᱨ ᱨᱮᱭᱟᱜ ᱵᱟᱨᱦᱮ ᱨᱮ, ᱥᱣᱟᱢᱤ ᱵᱤᱵᱮᱠᱟᱱᱚᱱᱫᱚ ᱥᱤᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱠᱮᱢᱯᱟᱥ ᱨᱮ ᱩᱱᱤᱭᱟᱜ ᱧᱩᱛᱩᱢ ᱛᱮ ᱟᱨᱢᱤᱫ ᱠᱚᱞᱮᱡᱽ ᱯᱟᱱᱱᱟ ᱫᱷᱟᱹᱭ ᱢᱟ ᱥᱩᱵᱷᱟᱨᱚᱛᱤ ᱱᱟᱨᱥᱤᱝ ᱠᱚᱞᱮᱡᱽ ᱧᱩᱛᱩᱢ ᱟᱠᱟᱱᱟ᱾[᱗]
ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱹᱠᱷᱟᱹᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ Hukum Singh Bhati, Pratap Shodh Pratishthan, Vidya Pracharini Sabha, Udaipur, 1994, Mewar : Rawal Ranaji Ri Baat, p.57
- ↑ "पन्ना धाय तुम कैसी माँ थी - ज्योति चावला". कविता कोश. Archived from the original on 15 March 2015. Retrieved 20 June 2014.
- ↑ "DailyOh! On Midwives Day, the story of Panna Dai, who sacrificed her son to save Udai Singh Mewar". www.dailyo.in. Retrieved 2020-08-22.
- ↑ "हिंदी खबर, Latest News in Hindi, हिंदी समाचार, ताजा खबर". Patrika News (in hindi). Retrieved 2020-08-22.
{{cite web}}: CS1 maint: unrecognized language (link) - ↑ Hooja, Rima (2006). A History of Rajasthan, Section:The State of Mewar, AD 1500- AD 1600. Rupa & Company. pp. 457–560. ISBN 9788129108906. Retrieved 2020-09-15.
- ↑ Senagupta, Śacīndranātha (2009). Pannā dhāya : Śacīna Senaguptā ke Bāṅglā nāṭaka kā Nemicandra Jaina dvārā kiyā gayā Hindī anuvāda (in Hindi). Nayī Dilli: Bhāratīya Jñānapīṭha. ISBN 9788126318230. Archived from the original on 2015-12-08. Retrieved 2022-02-14.
{{cite book}}: CS1 maint: unrecognized language (link) - ↑ Panna Dhai Maa Subharti Nursing College.