ᱯᱟᱹᱨᱥᱤ ᱥᱟᱬᱮᱥ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱯᱟᱹᱨᱥᱤ ᱥᱟᱬᱮᱥ ᱫᱚ ᱯᱟᱹᱨᱥᱤ ᱨᱮᱱᱟᱜ ᱯᱟᱲᱷᱟᱣ ᱨᱮᱱᱟᱜ ᱚᱱᱟ ᱰᱟᱹᱨ ᱠᱟᱱᱟ ᱡᱟᱦᱟᱸ ᱯᱟᱹᱨᱥᱤ ᱨᱮᱱᱟᱜ ᱥᱤᱨᱡᱟᱣ, ᱥᱣᱚᱨᱩᱯ, ᱵᱤᱠᱟᱥ ᱮᱢᱟᱱ ᱠᱟᱨᱮᱱᱟᱜ ᱥᱟᱬᱮᱥᱤᱭᱟ ᱟᱨ ᱵᱤᱥᱞᱮᱥᱱᱟᱛᱢᱚᱠ ᱨᱮᱱᱟᱜ ᱯᱟᱲᱷᱟᱣ ᱦᱩᱭᱩᱜ ᱠᱟᱱᱟ᱾ ᱯᱟᱹᱨᱥᱤ ᱥᱟᱬᱮᱥ, ᱯᱟᱹᱨᱥᱤ ᱨᱮᱱᱟᱜ ᱥᱣᱚᱨᱩᱯ, ᱢᱮᱱᱮᱛ ᱟᱨ ᱥᱟᱹᱠᱷᱭᱟᱹᱛ ᱨᱮᱱᱟᱜ ᱵᱤᱥᱞᱮᱥᱱ ᱦᱩᱭᱩᱜ ᱠᱟᱱᱟ᱾[᱑] ᱯᱟᱹᱨᱥᱤ ᱨᱮᱱᱟᱜ ᱫᱟᱥᱛᱟᱣᱮᱡᱤᱠᱟᱨᱚᱱ ᱟᱨ ᱵᱤᱵᱮᱶᱚᱱ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱥᱮᱫᱟᱭ ᱠᱟᱹᱢᱤ ᱖ ᱥᱟᱛᱟᱵᱟᱫᱤ ᱨᱮᱱᱤᱡ ᱢᱟᱦᱟᱱ ᱥᱤᱧᱚᱛᱤᱭᱟ ᱵᱮᱭᱟᱠᱚᱨᱚᱬ ᱯᱟᱬᱤᱱᱤ ᱫᱚ ᱟᱡᱟᱜ ᱯᱟᱥᱱᱟᱣ ᱜᱨᱚᱸᱛᱷ ᱤᱨᱟᱞ ᱯᱟᱲᱦᱟᱱ ᱨᱮ ᱢᱮᱱᱟᱜ ᱛᱟᱭᱟ᱾ ᱯᱟᱹᱨᱥᱤ ᱥᱟᱬᱮᱥ ᱨᱤᱱ ᱯᱟᱲᱦᱟᱣᱟᱱ ᱠᱚ ᱫᱚ ᱯᱟᱹᱨᱥᱤ ᱥᱟᱬᱮᱥᱤᱭᱟ ᱠᱚ ᱢᱮᱛᱟᱠᱚᱣᱟ᱾ ᱯᱟᱹᱨᱥᱤ ᱥᱟᱬᱮᱥ, ᱨᱚᱱᱚᱲ ᱠᱷᱚᱱ ᱡᱩᱫᱟᱹ ᱜᱮᱭᱟ᱾ ᱨᱚᱱᱚᱲ ᱨᱮ ᱡᱟᱦᱟᱱ ᱯᱟᱹᱨᱥᱤ ᱨᱮᱱᱟᱜ ᱠᱟᱹᱢᱤᱭᱟᱹᱱ ᱯᱟᱲᱦᱟᱣᱟᱱ (functional description) ᱜᱮ ᱦᱩᱭᱩᱜ ᱠᱟᱱᱟ᱾ ᱡᱚᱠᱷᱚᱱ ᱯᱟᱹᱨᱥᱤ ᱥᱟᱬᱮᱥᱟᱤᱭᱟ ᱱᱚᱶᱟ ᱠᱷᱚᱱ ᱞᱟᱦᱟ ᱪᱟᱞᱟᱣ ᱠᱟᱛᱮᱜ ᱯᱟᱹᱨᱥᱤ ᱨᱮᱱᱟᱜ ᱟᱹᱰᱤ ᱜᱮ ᱡᱟᱥᱛᱤ ᱯᱟᱲᱷᱟᱣ ᱦᱩᱭᱩᱜ ᱠᱟᱱᱟ᱾ ᱯᱟᱲᱷᱟᱣ ᱨᱮᱱᱟᱜ ᱟᱭᱢᱟ ᱥᱟᱛᱟᱢ ᱠᱚᱨᱮ ᱠᱷᱚᱱ ᱛᱤᱦᱤᱱ ᱜᱟᱯᱟ ᱯᱟᱹᱨᱥᱤ ᱼᱥᱟᱬᱮᱥ ᱨᱮᱱᱟᱜ ᱜᱮ ᱟᱥᱚᱞ ᱢᱟᱹᱱ ᱢᱟᱱᱚᱛ ᱮᱢ ᱤᱫᱤ ᱦᱩᱭᱩᱜ ᱠᱟᱱᱟ᱾[᱒] ᱯᱟᱹᱨᱥᱤ ᱥᱟᱬᱮᱥ ᱯᱟᱹᱨᱥᱤ ᱨᱮᱱᱟᱜ ᱯᱟᱹᱨᱥᱤ ᱜᱮ ᱵᱟᱰᱟᱭ ᱚᱱᱟ ᱨᱮᱱᱟᱜ ᱥᱟᱬᱮᱥᱤᱭᱟ ᱠᱚ ᱯᱟᱲᱦᱟᱣᱟᱱ ᱟᱱᱟ᱾

ᱯᱟᱹᱨᱥᱤ ᱥᱟᱬᱮᱥ ᱨᱮᱱᱟᱜ ᱟᱭᱢᱟ ᱧᱩᱛᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱟᱹᱨᱥᱤ-ᱥᱟᱹᱜᱟᱹᱭ ᱱᱚᱶᱟ ᱠᱷᱚᱱ ᱯᱟᱲᱷᱟᱣ ᱫᱚ ᱭᱩᱨᱚᱯ ᱨᱮ ᱛᱤᱦᱤᱱ ᱦᱟᱹᱵᱤᱡ ᱟᱭᱢᱟ ᱨᱚᱠᱚᱢ ᱧᱩᱛᱩᱢ ᱠᱚ ᱟᱨ ᱧᱩᱛᱩᱢ ᱠᱷᱚᱱ ᱟᱵᱷᱤᱡᱤᱛ ᱤᱫᱤᱜ ᱚᱪᱚᱜ ᱛᱮᱜᱮ ᱢᱮᱱᱟᱜ᱾ ᱥᱟᱱᱟᱢ ᱠᱷᱚᱱ ᱢᱟᱲᱟᱝ ᱱᱚᱶᱟ ᱠᱚ ᱯᱟᱲᱷᱟᱣ ᱫᱚ ᱯᱷᱤᱞᱚᱞᱚᱡᱤ (Philology) ᱟᱹᱲᱟᱹ ᱨᱮᱱᱟᱜ ᱞᱟᱦᱟ ᱠᱟᱱᱣᱟ ᱨᱮᱱᱟᱜ ᱞᱮᱠᱟᱛᱮ ᱢᱤᱫ ᱟᱹᱲᱟᱹ ᱥᱮᱞᱮᱫ ᱦᱩᱭ ᱟᱠᱟᱱᱟ-(Comparative) ᱛᱟᱣᱦᱚᱞᱮ ᱱᱚᱶᱟ "ᱠᱚᱢᱯᱨᱮᱴᱤᱣ ᱯᱷᱤᱞᱚᱞᱚᱡᱤ" (Comparative Philology) ᱢᱮᱱ ᱠᱟᱛᱮᱜ ᱠᱚ ᱨᱚᱲ ᱟᱫᱟ᱾ ᱜᱮᱟᱨᱮ ᱥᱟᱞᱮ ᱥᱮᱨᱢᱟ ᱥᱟᱛᱟᱵᱟᱫᱤ ᱦᱟᱹᱵᱤᱡ ᱨᱚᱱᱚᱲ ᱟᱨ ᱯᱟᱹᱨᱥᱤ-ᱥᱟᱛᱟᱢ ᱯᱟᱲᱷᱟᱣ ᱠᱚ ᱧᱮᱞᱤ ᱢᱤᱫ ᱜᱮ ᱵᱩᱡᱷᱟᱹᱣᱜ ᱠᱟᱱ ᱛᱟᱦᱮᱱᱟ᱾ ᱚᱱᱟᱛᱮ ᱢᱟᱨᱟᱝ ᱵᱤᱫᱣᱚᱱ ᱜᱟᱹᱠᱷᱩᱲᱤᱭᱟ ᱠᱚ ᱠᱚᱢᱯᱨᱮᱴᱤᱣ ᱜᱨᱟᱢᱟᱨ ᱧᱩᱛᱩᱢ ᱦᱚᱸ ᱠᱚ ᱮᱢᱟᱫ ᱟᱫ ᱟ᱾ ᱯᱷᱨᱟᱸᱥ ᱨᱮ ᱱᱚᱶᱟ ᱞᱨᱸᱜᱣᱮᱥᱴᱤᱥ (Linguistique) ᱧᱩᱛᱩᱢ ᱠᱚ ᱮᱢᱟᱫ ᱟ᱾ ᱯᱷᱨᱟᱸᱥ ᱨᱮ ᱯᱟᱹᱨᱥᱤ ᱥᱟᱹᱜᱟᱹᱭ ᱠᱟᱹᱢᱤ ᱡᱟᱥᱛᱤ ᱠᱟᱹᱢᱤ ᱞᱟᱹᱜᱤᱫ ᱦᱩᱭ ᱞᱟᱹᱜᱤᱫ ᱛᱮ ᱜᱮ ᱟᱨᱮ ᱥᱟᱞᱮ ᱨᱮ ᱡᱮᱜᱮᱛ ᱭᱩᱨᱚᱯ ᱨᱮ ᱜᱮ "Linguistique" ᱥᱮ "Linguistics" ᱧᱩᱛᱩᱢ ᱛᱮ ᱯᱟᱥᱱᱟᱣ ᱤᱫᱤ ᱪᱟᱞᱟᱜ ᱛᱮᱜᱮ ᱢᱮᱱᱟᱜ ᱟ᱾ ᱜᱞᱚᱴᱚᱞᱮᱡᱤ (Glottology) ᱮᱢᱟᱱ ᱟᱨᱚ ᱟᱭᱢᱟ ᱧᱩᱛᱩᱢ ᱛᱮᱦᱚᱸ ᱱᱚᱶᱟ ᱥᱟᱛᱟᱢ ᱠᱚ ᱥᱚᱫᱚᱨ ᱞᱟᱹᱜᱤᱫ ᱛᱮ ᱠᱟᱹᱢᱤ ᱨᱮ ᱦᱮᱡ ᱮᱱ᱾ ᱛᱤᱦᱤᱱ ᱚᱱᱟ ᱧᱩᱛᱩᱢ ᱨᱮ ᱞᱤᱸᱜᱣᱤᱥᱴᱤᱥ, ᱯᱷᱤᱞᱚᱞᱚᱡᱤ (Philology) ᱢᱚᱛᱨᱚ ᱨᱮ ᱜᱮ ᱠᱟᱹᱢᱤ ᱨᱮ ᱦᱤᱡᱩᱜ ᱠᱟᱱᱟ᱾ ᱥᱤᱧᱚᱛ ᱵᱷᱟᱹᱨ ᱨᱮ ᱱᱚᱶᱟ ᱠᱚ ᱥᱟᱱᱟᱢ ᱭᱩᱨᱚᱯ ᱠᱚᱨᱮᱱᱟᱜ ᱧᱩᱛᱩᱢ ᱛᱮ ᱮᱴᱟᱜᱟᱜ ᱦᱤᱸᱫᱤ ᱯᱟᱹᱨᱥᱤ ᱛᱮ ᱡᱟᱦᱟᱸ ᱧᱩᱛᱩᱢ ᱨᱮ ᱦᱤᱡᱩᱜ ᱠᱟᱱᱟ ᱚᱱᱟ ᱫᱚ ᱱᱚᱸᱠᱟ ᱢᱮᱱᱟᱜ ᱯᱟᱹᱨᱥᱤ-ᱥᱟᱥᱛᱨᱚ, ᱯᱟᱹᱨᱥᱤ ᱛᱟᱛᱣᱚ, ᱯᱟᱹᱨᱥᱤ ᱥᱟᱬᱮᱥ ᱟᱨ ᱛᱩᱞᱟ ᱡᱚᱠᱷᱟ ᱯᱟᱹᱨᱥᱤ ᱥᱟᱬᱮᱥ ᱮᱢᱟᱱ ᱠᱟᱱᱟ᱾ ᱱᱚᱶᱟ ᱠᱚ ᱥᱟᱱᱟᱢ ᱧᱩᱛᱩᱢ ᱠᱚᱨᱮ ᱠᱷᱚᱱ ᱯᱟᱥᱱᱟᱣ ᱧᱩᱛᱩᱢ ᱯᱟᱹᱨᱥᱤ ᱥᱟᱬᱮᱥ ᱠᱟᱱᱟ᱾ ᱱᱚᱶᱟ ᱠᱚ ᱧᱩᱛᱩᱢ ᱨᱮ ᱥᱮᱫᱟᱭ ᱟᱨ ᱱᱟᱶᱟ ᱥᱟᱱᱟᱢ ᱧᱩᱛᱩᱢ ᱨᱮᱱᱟᱜ ᱥᱚᱢᱟᱦᱟᱨ-ᱥᱟ ᱦᱩᱭ ᱟᱠᱟᱱ ᱵᱟᱰᱟᱭ ᱧᱟᱢᱚᱜ ᱠᱟᱱᱟ᱾ ᱚᱱᱟᱛᱮ ᱱᱚᱶᱟ ᱧᱩᱛᱩᱢ ᱱᱚᱶᱟ ᱥᱟᱥᱛᱨᱚ ᱠᱚ ᱞᱟᱹᱜᱤᱫ ᱥᱟᱨᱣᱚᱛᱷᱟ ᱟᱰᱚᱜ ᱥᱚᱫᱚᱨ ᱧᱮᱞᱚᱜ ᱠᱟᱱᱟ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱥᱚᱞ ᱮᱱᱮᱢ ᱯᱟᱹᱨᱥᱤ ᱥᱟᱬᱮᱥ ᱨᱮᱱᱟᱜ ᱱᱟᱜᱟᱢ ᱟᱯᱱᱟᱨ ᱱᱤᱛᱟᱝ ᱨᱮ ᱯᱟᱹᱨᱥᱤ ᱥᱟᱬᱮᱥ ᱯᱚᱥᱪᱤᱢᱤ ᱵᱤᱫᱣᱚᱱ ᱠᱚᱣᱟᱜ ᱵᱚᱦᱚᱜ ᱨᱮᱱᱟᱜ ᱮᱢ ᱠᱚ ᱢᱮᱛᱟᱣᱟᱜ ᱠᱟᱱᱟ᱾ ᱟᱭᱢᱟ ᱥᱮᱫᱟᱭ ᱱᱟᱝ ᱠᱚᱨᱮ ᱠᱷᱚᱱ ᱜᱮ ᱯᱟᱹᱨᱥᱤ ᱡᱚᱲᱟᱣ ᱯᱟᱲᱷᱟᱣ ᱨᱮᱱᱟᱜ ᱢᱚᱱᱮ ᱟᱹᱨᱤᱪᱟᱹᱞᱤ - ᱥᱟᱶᱦᱮᱫ ᱨᱮ ᱧᱟᱢᱚᱜᱚᱜ ᱠᱟᱱᱟ᱾ ᱥᱮᱪᱮᱫ ᱱᱟᱢᱟᱠ ᱣᱮᱫᱟᱸᱛ ᱨᱮ ᱯᱟᱹᱨᱥᱤ ᱥᱟᱹᱜᱟᱹᱭ ᱨᱮ ᱦᱩᱰᱤᱝ ᱜᱟᱞᱚᱪ ᱢᱮᱱᱟᱜ ᱟᱠᱟᱫᱟ᱾

ᱟᱲᱟᱝ ᱨᱚᱲ ᱨᱮᱱᱟᱜ ᱯᱩᱥᱴᱟᱹᱣ, ᱚᱣᱭᱚᱣ, ᱡᱟᱭᱜᱟ, ᱯᱨᱚᱭᱛᱱᱚ, ᱮᱢᱟᱱ ᱠᱚ ᱨᱮᱱᱟᱜ ᱱᱚᱶᱟ ᱠᱚ ᱜᱽᱨᱟᱸᱛᱷ ᱨᱮ ᱱᱟᱯᱟᱭ ᱥᱟᱺᱦᱤᱡ ᱞᱟᱹᱭ ᱢᱮᱱᱟᱜ-ᱟ ᱾ 'ᱯᱨᱟᱛᱤᱥᱟᱠᱷᱭᱚ' ᱟᱨ ᱱᱤᱨᱩᱠᱛ ᱨᱮ ᱟᱹᱲᱟᱹ ᱨᱮᱱᱟᱜ ᱥᱤᱨᱤᱡ, ᱫᱷᱟᱛᱩ, ᱩᱯᱥᱟᱨᱜᱽ-ᱯᱨᱚᱛᱭᱚᱭ ᱮᱢᱟᱱ ᱥᱟᱛᱟᱢ ᱨᱮ ᱥᱟᱬᱮᱥᱤᱭᱟ ᱵᱤᱥᱞᱮᱥᱚᱱ ᱞᱟᱹᱭ ᱯᱟᱹᱨᱥᱤ ᱨᱮᱱᱟᱜ ᱥᱟᱬᱮᱥᱤᱭᱟ ᱯᱟᱲᱦᱟᱣ ᱠᱚ ᱢᱮᱱ ᱫᱟᱲᱮᱭᱟᱜ-ᱟ ᱾ ᱵᱷᱩᱨᱛᱦᱚᱨᱤ ᱨᱮᱱᱟᱜ ᱜᱽᱨᱟᱸᱛᱷ'ᱣᱟᱠᱭᱚᱯᱚᱫᱤᱭᱚ' ᱨᱮᱱᱟᱜ ᱵᱷᱤᱛᱨᱤ 'ᱟᱹᱲᱟᱹ' ᱨᱮᱱᱟᱜ ᱨᱩᱯ ᱠᱟᱹᱴᱤᱡ, ᱜᱚᱦᱚᱱ ᱟᱨ ᱣᱭᱟᱯᱚᱠ ᱪᱤᱱᱛᱚᱱ ᱢᱮᱱᱟᱜ-ᱟ ᱾ ᱚᱸᱰᱮ ᱟᱹᱲᱟᱹ ᱫᱚ 'ᱵᱽᱨᱚᱦᱚᱢ' ᱨᱮᱱᱟᱜ ᱨᱩᱯ ᱨᱮ ᱯᱚᱨᱤᱠᱚᱞᱯᱤᱛ ᱦᱩᱭ ᱟᱠᱟᱱᱟ ᱟᱨ ᱚᱱᱟ ᱨᱮᱱᱟᱜ 'ᱚᱪᱷᱚᱨ' ᱥᱚᱝᱜᱽᱭᱟ ᱠᱚ ᱢᱮᱛᱟᱣᱟᱜ-ᱟ ᱾ ᱯᱨᱚᱠᱟᱨᱟᱱᱛᱚᱨ ᱠᱷᱚᱱ ᱱᱚᱶᱟ ᱫᱚ ᱢᱤᱫ ᱯᱟᱹᱨᱥᱤ-ᱯᱟᱲᱦᱟᱣ ᱥᱟᱹᱜᱟᱹᱭᱟᱱ ᱜᱽᱨᱟᱸᱛᱷ ᱜᱮ ᱠᱟᱱᱟ ᱾

ᱥᱟᱹᱠᱤᱞ ᱩᱯᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱟᱹᱨᱥᱤ-ᱥᱟᱬᱮᱥ " ᱧᱩᱛᱩᱢ ᱨᱮ ᱵᱟᱨᱭᱟ ᱯᱚᱫᱽ ᱵᱟᱰᱟᱭᱚᱜ ᱠᱟᱱᱟ ᱾ "ᱯᱟᱹᱨᱥᱤ" ᱟᱨ "ᱥᱟᱬᱮᱥ" ᱾ ᱯᱟᱹᱨᱥᱤ - ᱥᱟᱬᱮᱥ ᱠᱚ ᱵᱩᱡᱷᱟᱹᱣ ᱠᱷᱚᱱ ᱢᱟᱲᱟᱝ ᱨᱮ ᱱᱚᱶᱟ ᱠᱤᱱ ᱵᱟᱨᱭᱟ ᱟᱹᱲᱟᱹ ᱵᱟᱰᱟᱭ ᱟᱹᱰᱤ ᱜᱮ ᱞᱟᱹᱠᱛᱤᱭᱟ ᱾

"ᱯᱟᱹᱨᱥᱤ" ᱟᱹᱲᱟᱹ ᱮᱢᱟᱱ ᱮᱴᱟᱜ ᱯᱟᱹᱨᱥᱤ ᱨᱮᱢ ᱯᱟᱲᱦᱟᱣ ᱠᱮᱱᱠᱷᱟᱱ ᱚᱱᱟ ᱨᱮ ᱥᱚᱸᱫᱷᱤ ᱣᱤᱪᱷᱮᱫᱽ ᱟᱛᱮ ᱢᱮᱱᱮᱛ ᱮᱢ ᱵᱩᱡᱷᱟᱹᱣ ᱧᱟᱢᱟ, ᱡᱮᱞᱮᱠᱟ "ᱯᱟᱹᱨᱥᱤ" ᱟᱹᱲᱟᱹ ᱨᱮᱱᱟᱜ ᱦᱤᱱᱫᱤ ᱟᱹᱲᱟᱹ ᱫᱚ "ᱵᱷᱟᱥᱟ" ᱠᱚ ᱢᱮᱛᱟᱣᱟᱜ-ᱟ ᱟᱨ ᱚᱱᱟ ᱵᱷᱟᱥᱟ ᱟᱹᱲᱟᱹ ᱥᱚᱝᱥᱠᱨᱤᱛ ᱨᱮᱱᱟᱜ ``ᱵᱷᱟᱥ`` ᱫᱷᱟᱛᱩ ᱠᱷᱚᱱ ᱚᱰᱚᱜ ᱟᱠᱟᱱᱟ ᱾ ᱡᱟᱦᱟᱸ ᱫᱚ ᱱᱚᱶᱟ ᱨᱮᱱᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ - ᱣᱭᱚᱠᱛ ᱣᱟᱠ (ᱣᱭᱟᱠᱛᱟᱭᱟᱸ ᱣᱟᱪᱤ) ᱾ "ᱥᱟᱬᱮᱥ" ᱟᱹᱲᱟᱹ ᱨᱮ 'ᱣᱤ' ᱩᱯᱥᱟᱨᱜᱽ ᱟᱨ "ᱜᱭᱚ" ᱫᱷᱟᱛᱩ ᱠᱷᱚᱬ 'ᱞᱭᱩᱴ' (ᱟᱹᱱ) ᱯᱨᱚᱛᱭᱚᱭ ᱠᱟᱜᱟᱣ ᱨᱮ ᱵᱟᱱᱟᱜ ᱠᱟᱱᱟ ᱾ ᱥᱟᱹᱠᱤᱠ ᱢᱮᱱᱛᱮ "ᱯᱟᱹᱨᱥᱤ" ᱨᱮᱱᱟᱵ ᱢᱮᱱᱮᱛ ᱫᱚ ᱠᱟᱱᱟ 'ᱨᱚᱲ ᱤᱫᱤ ᱪᱟᱞᱟᱣ ᱯᱟᱹᱨᱥᱤ ᱥᱮ ᱨᱚᱲ ᱨᱚᱲ ᱠᱚ ᱜᱮ' ᱟᱨ 'ᱥᱟᱬᱮᱥ' ᱨᱮᱱᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ 'ᱵᱤᱥᱮᱥ ᱥᱮᱬᱟ', ᱢᱮᱱᱠᱷᱟᱱ 'ᱯᱟᱹᱨᱥᱤ ᱥᱟᱬᱮᱥ' ᱟᱹᱲᱟᱹ ᱨᱮ ᱵᱮᱵᱷᱟᱨ ᱱᱚᱶᱟ ᱵᱟᱱᱟᱨ ᱥᱮᱫ ᱠᱷᱚᱱ ᱯᱚᱫᱽ ᱥᱚᱫᱚᱨ ᱟᱨ ᱥᱟᱴᱤᱠ ᱢᱮᱱᱮᱛ ᱵᱩᱡᱷᱟᱹᱣ ᱞᱮᱱᱠᱷᱟᱱ ᱜᱮ ᱟᱵᱚ ᱱᱚᱶᱟ ᱧᱩᱛᱩᱢ ᱛᱮ ᱥᱟᱨᱜᱽᱨᱵᱷᱤᱛᱟ ᱠᱚ ᱵᱟᱰᱟᱭ ᱞᱟᱦᱟ ᱪᱟᱞᱟᱣ ᱤᱫᱤ ᱫᱟᱲᱮᱭᱟᱜ-ᱟ ᱾ ᱚᱱᱟᱛᱮ ᱟᱵᱚ ᱱᱚᱸᱰᱮ ᱱᱚᱶᱟ ᱵᱟᱨᱭᱟ ᱯᱚᱫᱽ ᱨᱮᱱᱟᱜ ᱱᱟᱯᱟᱭ ᱥᱟᱺᱦᱤᱡ ᱢᱮᱱᱮᱛ ᱥᱚᱫᱚᱨ ᱞᱟᱹᱜᱤᱫ ᱵᱚᱱ ᱨᱤᱠᱟᱹ ᱠᱮᱫ-ᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Halliday, Michael A.K.; Jonathan Webster (2006). On Language and Linguistics. Continuum International Publishing Group. p. vii. ISBN 978-0-8264-8824-4.
  2. Martinet, André (1960). Elements of General Linguistics. Studies in General Linguistics, vol. i. Translated by Elisabeth Palmer Rubbert. London: Faber. p. 15.