ᱯᱟᱹᱣᱩᱞ ᱡᱩᱡᱷᱟᱹᱨ
ᱯᱟᱹᱣᱩᱞ ᱡᱩᱡᱷᱟᱹᱨ
ᱥᱟᱱᱛᱟᱲᱤ ᱥᱟᱶᱦᱮᱫ ᱚᱱᱚᱬᱦᱮ ᱨᱮᱭᱟᱜ ᱱᱟᱜᱟᱢ ᱨᱮ ᱟᱹᱰᱤ ᱢᱟᱹᱱᱟᱱ ᱚᱱᱚᱬᱦᱤᱭᱟᱹ ᱟᱨ ᱡᱚᱛᱚ ᱠᱷᱚᱱ ᱯᱩᱭᱞᱩ ᱚᱱᱚᱬᱦᱤᱭᱟᱹ ᱫᱚ ᱯᱟᱹᱣᱩᱞ ᱡᱩᱡᱷᱟᱹᱨ ᱥᱚᱨᱮᱱ ᱜᱮ ᱾ ᱚᱱᱟᱛᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱚᱱᱚᱬᱦᱮ ᱨᱮᱭᱟᱜ ᱱᱟᱜᱟᱢ ᱨᱮᱫᱚ ᱯᱟᱹᱣᱩᱞ ᱡᱩᱡᱷᱟᱹᱨ ᱡᱩᱜᱽ ᱡᱤᱣᱤᱫ ᱮ ᱛᱟᱦᱮᱸᱱᱟ ᱾
ᱜᱤᱫᱽᱨᱟ. ᱚᱠᱛᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱱᱚᱛᱟᱱ ᱯᱟᱹᱣᱩᱞ ᱡᱩᱡᱷᱟᱹᱨ ᱥᱚᱨᱮᱱ ᱫᱚ ᱒᱑ ᱰᱤᱥᱮᱢᱵᱚᱨ ᱑᱘᱙᱒ ᱥᱟᱞᱮ ᱨᱮ ᱥᱟᱦᱮᱵᱽᱜᱚᱸᱡᱽ (ᱥᱟᱱᱛᱟᱲ ᱯᱟᱨᱜᱟᱱᱟ) ᱡᱤᱞᱞᱟ ᱨᱮᱭᱟᱜ ᱯᱟᱹᱠᱩᱲᱤᱭᱟᱹ ᱛᱷᱟᱱᱟ ᱪᱩᱱ ᱯᱟᱲᱟ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡᱤᱡ ᱡᱟᱱᱟᱢ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱢᱩᱱᱥᱤ ᱯᱟᱺᱰᱩ ᱥᱚᱨᱮᱱ ᱟᱨ ᱜᱚᱲᱚᱢ ᱦᱟᱲᱟᱢᱟᱜ ᱧᱩᱛᱩᱢ ᱫᱚ ᱯᱮᱠᱳ ᱥᱚᱨᱮᱱ ᱾ ᱢᱟᱹᱱ ᱯᱟᱺᱰᱩ ᱥᱚᱨᱮᱱ ᱫᱚ ᱟᱹᱛᱩ ᱟᱥᱲᱟ ᱨᱤᱱᱤᱡ ᱢᱟᱪᱮᱛ ᱮ ᱛᱟᱦᱮᱸ ᱠᱟᱱᱟ ᱾
ᱟᱹᱛᱩ ᱟᱥᱲᱟ ᱨᱮᱜᱮ ᱚᱞ ᱯᱟᱲᱦᱟᱣ ᱫᱚᱭ ᱮᱛᱚᱦᱚᱵ ᱞᱮᱜᱼᱟ ᱾ ᱤᱱᱟᱹ ᱛᱟᱭᱚᱢ ᱫᱚ ᱰᱩᱢᱠᱟᱹ ᱡᱤᱞᱞᱟᱹ ᱠᱷᱚᱱ ᱩᱱᱩᱥᱩᱞ ᱟᱥᱲᱟ ᱫᱚᱭ ᱥᱟᱹᱛ ᱞᱮᱜᱼᱟ ᱾ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱥᱚᱱᱛᱚ ᱯᱟᱣᱩᱞ ᱵᱤᱨᱫᱟᱹᱜᱟᱲ ᱠᱷᱚᱱ ᱪᱮᱛᱟᱱ ᱛᱟᱱᱟᱱᱟ ᱫᱚᱭ ᱥᱟᱹᱛ ᱞᱮᱜᱼᱟ ᱾
ᱚᱞ-ᱵᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱹᱣᱩᱞ ᱡᱩᱡᱷᱟᱨ ᱥᱚᱨᱮᱱ ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫᱤᱭᱟᱹ ᱠᱚ ᱛᱟᱞᱟᱨᱮ ᱢᱤᱫ ᱧᱩᱛᱩᱢᱟᱱ ᱚᱱᱚᱬᱦᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱟᱹᱰᱤ ᱜᱚᱱᱚᱝ ᱟᱱ ᱚᱞ ᱚᱱᱚᱬᱦᱮ ᱯᱩᱛᱷᱤ ᱵᱟᱦᱟ ᱰᱷᱟᱹᱞᱣᱟᱹᱜ ᱜᱮ ᱯᱩᱭᱞᱩ ᱚᱱᱚᱬᱦᱮ ᱯᱩᱛᱷᱤ ᱛᱟᱭ ᱫᱚ ᱾ ᱱᱚᱶᱟ ᱫᱚ ᱑᱙᱔᱓ ᱥᱟᱞᱮᱨᱮ ᱟᱨ ᱦᱚᱸ ᱛᱤᱱᱟᱹᱝ ᱜᱟᱱ ᱚᱱᱚᱬᱦᱮ ᱚᱞ ᱥᱟᱞᱟᱜ ᱠᱟᱛᱮ ᱱᱟᱶᱟ ᱞᱮᱠᱟᱛᱮᱭ ᱩᱪᱷᱟᱹᱱ ᱞᱮᱜᱼᱟ ᱾ ᱚᱱᱚᱬᱦᱤᱭᱟᱹ ᱯᱟᱹᱣᱩᱞ ᱡᱩᱡᱷᱟᱹᱨ ᱥᱚᱨᱮᱱ ᱫᱚ ᱚᱱᱚᱬᱦᱮ ᱠᱚ ᱢᱟᱭ ᱚᱞ ᱞᱮᱫ ᱜᱮᱭᱟ, ᱤᱠᱷᱟᱹᱱ ᱚᱱᱟ ᱠᱚᱫᱚ ᱠᱟᱹᱣᱰᱤ ᱟᱱᱟᱴ ᱠᱷᱟᱹᱛᱤᱨ ᱵᱟᱭ ᱪᱷᱟᱯᱟ ᱥᱚᱫᱚᱨ ᱫᱟᱲᱮᱭᱟᱫᱼᱟ ᱾ ᱟᱨ ᱫᱚᱦᱚ ᱨᱮᱜᱮ ᱛᱟᱦᱮᱸ ᱫᱚᱦᱚ ᱮᱱ ᱛᱟᱭᱟ ᱾ ᱚᱱᱚᱬᱦᱤᱭᱟᱹ ᱯᱟᱹᱣᱩᱞ ᱡᱩᱡᱷᱟᱹᱨ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱥᱟᱶᱦᱮᱫ ᱞᱟᱹᱜᱤᱫ ᱟᱹᱰᱤ ᱡᱩᱨ ᱜᱮᱭ ᱠᱩᱨᱩᱢᱩᱴᱩ ᱞᱮᱜᱼᱟ ᱾ ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨBold text ᱥᱟᱶᱦᱮᱫ ᱨᱮ ᱟᱹᱰᱤ ᱵᱟᱹᱲᱛᱤ ᱫᱩᱞᱟᱹᱲ ᱛᱟᱦᱮᱸ ᱠᱟᱱ ᱛᱟᱭᱟ ᱾
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱶᱛᱟ ᱨᱮ ᱦᱚᱲ ᱢᱟ ᱟᱹᱰᱤ ᱰᱷᱮᱨ ᱜᱮ ᱾ ᱤᱠᱷᱟᱹᱱ ᱯᱟᱹᱣᱩᱞ ᱡᱩᱡᱷᱟᱹᱨ ᱥᱚᱨᱮᱱ ᱜᱮ ᱢᱤᱫ ᱱᱚᱝᱠᱟᱱ ᱦᱚᱲ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱮᱴᱟᱜ ᱡᱟᱹᱛᱤ ᱠᱚ ᱧᱮᱞ ᱠᱟᱛᱮ ᱟᱡ ᱦᱚᱸ ᱥᱟᱱᱛᱟᱲ ᱥᱟᱶᱛᱟ ᱨᱮᱭᱟᱜ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱵᱟᱧᱪᱟᱣ ᱫᱚᱦᱚ ᱥᱟᱱᱟ ᱞᱮᱫᱮᱭᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱥᱟᱱᱛᱟᱲᱤ ᱯᱟᱹᱨᱥᱤ ᱞᱟᱹᱜᱤᱫ ᱫᱚ ᱟᱡ ᱜᱮ ᱡᱚᱛᱚ ᱠᱷᱚᱱ ᱯᱩᱭᱞᱩ ᱨᱮ ᱚᱱᱚᱬᱦᱮᱭ ᱜᱟᱞᱟᱝ ᱜᱟᱵᱟᱱ ᱞᱮᱜᱼᱟ ᱾ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮ ᱱᱩᱱᱟᱹᱝ ᱫᱩᱞᱟᱹᱲ ᱛᱟᱦᱮᱸᱱ ᱢᱟᱹᱱ ᱯᱟᱹᱣᱩᱞ ᱡᱩᱡᱷᱟᱹᱨ ᱥᱚᱨᱮᱱ ᱜᱚᱢᱠᱮ ᱫᱚ ᱑᱙ ᱯᱷᱮᱵᱨᱩᱣᱟᱨᱤ ᱑᱙᱕᱔ ᱥᱟᱞᱮᱨᱮ ᱱᱚᱶᱟ ᱫᱷᱩᱲᱤ ᱫᱷᱟᱹᱨᱛᱤ ᱠᱷᱚᱱ ᱫᱚ ᱡᱟᱭᱡᱩᱜᱽ ᱞᱟᱹᱜᱤᱫ ᱵᱤᱫᱟᱹᱭ ᱮ ᱦᱟᱛᱟᱣ ᱥᱟᱹᱨᱤ ᱞᱮᱜᱼᱟ ᱾ ᱤᱠᱷᱟᱹᱱ ᱵᱤᱫᱟᱹᱭ ᱮ ᱦᱟᱛᱟᱣ ᱟᱠᱟᱫ ᱨᱮᱦᱚᱸ ᱟᱡᱟᱜ ᱚᱞᱼᱵᱮᱞ ᱠᱟᱹᱢᱤ ᱠᱟᱹᱨᱫᱷᱟᱹᱱᱤ ᱦᱚᱛᱮᱛᱮ ᱟᱵᱚ ᱠᱚ ᱛᱟᱞᱟᱨᱮ ᱡᱟᱭᱡᱩᱜᱽ ᱡᱤᱭᱟᱹᱛ ᱠᱤᱱ ᱛᱟᱦᱮᱸ ᱫᱚᱦᱚ ᱮᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]paul jujhar soren