ᱥᱟᱱᱛᱟᱲ ᱯᱟᱨᱜᱟᱱᱟ ᱠᱷᱚᱸᱰ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱡᱷᱟᱨᱠᱷᱚᱸᱰ ᱨᱮ ᱥᱟᱱᱛᱟᱲ ᱯᱟᱨᱜᱟᱱᱟ ᱠᱷᱚᱸᱰ ᱨᱮᱱᱟᱜ ᱴᱷᱟᱶ
᱑᱙᱐᱗-ᱵᱮᱝᱜᱚᱞ-ᱥᱤᱠᱠᱤᱢ᱓

ᱥᱟᱱᱛᱟᱲ ᱯᱟᱨᱜᱟᱱᱟ ᱠᱷᱚᱸᱰ (ᱤᱝᱨᱟ.ᱡᱤ : Santal pargana Division) ᱫᱚ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱢᱚᱬᱮ ᱜᱚᱴᱟᱝ ᱰᱤᱵᱤᱡᱚᱱ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱣᱟ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱥᱟᱢᱟᱝ ᱱᱟᱠᱷᱟ ᱨᱮ ᱢᱮᱱᱟᱜ ᱛᱮ ᱥᱟᱢᱟᱝ ᱡᱷᱟᱨᱠᱷᱚᱸᱰ ᱦᱚᱠᱚ ᱢᱮᱛᱟᱜ ᱜᱮᱭᱟ ᱾ ᱱᱤᱭᱟᱹ ᱮᱥᱠᱟᱨ ᱜᱮ ᱜᱚᱴᱟ ᱫᱷᱟᱹᱨᱛᱤ ᱨᱮᱱ ᱥᱟᱱᱛᱟᱲ ᱠᱚᱣᱟᱜ Homeland ᱠᱟᱱᱟ ᱾ ᱱᱚᱣᱟ ᱦᱚᱢᱞᱮᱱᱰ ᱧᱟᱢ ᱞᱟᱹᱜᱤᱫ ᱛᱤᱱᱟᱹᱜ ᱥᱟᱥᱟᱭ ᱥᱟᱱᱛᱟᱲ ᱪᱚᱝ ᱟᱠᱚᱣᱟᱜ ᱡᱤᱣᱤᱠᱚ ᱟᱞᱟᱭ ᱞᱮᱫᱟ ᱟᱨ ᱩᱝᱠᱚᱣᱟᱜ ᱢᱟᱭᱟᱢ ᱛᱮ ᱠᱤᱨᱤᱧ ᱪᱷᱟᱰᱟᱣ ᱟᱠᱟᱱᱟ ᱾

ᱚᱛᱱᱚᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱲ ᱯᱟᱨᱜᱟᱱᱟ ᱫᱚ ᱜᱚᱴᱟ ᱜᱮ ᱵᱤᱨ ᱵᱩᱨᱩ ᱛᱮ ᱥᱟᱡᱟᱣ ᱟᱠᱟᱱᱟ ᱾ ᱱᱚᱣᱟ ᱫᱚ ᱛᱩᱨᱩᱭ ᱜᱚᱴᱮᱱ ᱦᱚᱱᱚᱛ ᱨᱮ ᱦᱟᱹᱴᱤᱧ ᱟᱠᱟᱱᱟ ᱾ ᱡᱮᱞᱮᱠᱟ : ᱫᱩᱢᱠᱟᱹ, ᱜᱚᱰᱰᱟ, ᱯᱟᱠᱩᱲ, ᱥᱟᱦᱮᱵᱽᱜᱚᱸᱡᱽ, ᱫᱮᱣᱜᱷᱟᱨ ᱟᱨ ᱡᱟᱢᱛᱟᱲᱟ ᱾ ᱥᱟᱱᱛᱟᱲ ᱯᱟᱨᱜᱟᱱᱟ ᱨᱮᱭᱟᱜ ᱥᱟᱢᱟᱝ ᱨᱮᱫᱚ ᱯᱟᱥᱪᱷᱤᱢ ᱵᱟᱝᱜᱟᱞ ᱯᱚᱵᱴᱱᱚᱛ, ᱠᱚᱧᱮ ᱨᱮᱫᱚ ᱵᱤᱦᱟᱨ ᱯᱚᱱᱚᱛ, ᱯᱟᱪᱮ ᱱᱟᱠᱷᱟ ᱨᱮᱫᱚ ᱵᱤᱦᱟᱨ ᱟᱨ ᱜᱤᱨᱤᱰᱤ ᱦᱚᱱᱚᱛ ᱟᱨ ᱮᱛᱚᱢ ᱱᱟᱠᱷᱟ ᱨᱮᱫᱚ ᱫᱷᱟᱱᱵᱟᱫᱽ ᱦᱚᱱᱚᱛ ᱠᱚ ᱢᱮᱱᱟᱜᱼᱟ ᱾ ᱡᱮᱞᱮᱧ ᱫᱚ ᱠᱚᱧᱮ ᱯᱟᱪᱮ ᱛᱮ ᱢᱮᱱᱟᱜᱼᱟ ᱾ ᱥᱟᱱᱛᱟᱲ ᱯᱟᱨᱜᱟᱱᱟ ᱚᱛ ᱦᱟᱥᱟ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱫᱚ ᱑᱔᱐᱙᱖ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱠᱟᱱᱟ ᱾        

ᱧᱩᱛᱩᱢ ᱚᱢᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱲ ᱯᱟᱨᱜᱟᱱᱟ ᱫᱚ ᱵᱟᱨᱭᱟ ᱟᱹᱲᱟᱹ ᱢᱤᱞᱟᱹᱣ ᱠᱟᱛᱮ ᱧᱩᱛᱩᱢ ᱟᱠᱟᱱᱟ ᱾ ᱥᱟᱱᱛᱟᱲ ᱟᱨ ᱯᱟᱨᱜᱟᱱᱟ, ᱱᱚᱣᱟ ᱴᱚᱴᱷᱟ ᱨᱤᱱ ᱰᱷᱮᱨ ᱞᱮᱠᱷᱟᱜ ᱡᱟᱹᱛ ᱫᱚ ᱠᱚ ᱥᱟᱱᱛᱟᱲ ᱠᱟᱱᱟ ᱛᱟᱦᱟ ᱥᱟᱱᱛᱟᱲ ᱦᱩᱞ ᱛᱟᱭᱚᱢ ᱵᱨᱤᱴᱤᱥ ᱥᱚᱨᱠᱟᱨ ᱫᱚ ᱥᱟᱱᱛᱟᱲ ᱠᱚ ᱢᱟᱱᱚᱛ ᱮᱢᱟ ᱠᱚ ᱞᱟᱹᱜᱤᱫ ᱥᱟᱱᱛᱟᱲ ᱧᱩᱛᱩᱢᱮ ᱡᱚᱲᱟᱣ ᱠᱮᱫᱟ ᱾ ᱟᱨ ᱢᱤᱫᱴᱟᱹᱝ ᱫᱚ ᱦᱩᱭᱩᱜ ᱠᱟᱱᱟ ᱯᱟᱨᱜᱟᱱᱟ, ᱯᱟᱨᱜᱟᱱᱟ ᱫᱚ ᱥᱟᱱᱛᱟᱲ ᱥᱟᱶᱛᱟ ᱨᱮᱭᱟᱜ ᱢᱤᱫ ᱦᱩᱫᱟᱹ ᱠᱟᱱᱟ ᱾ ᱦᱩᱞ ᱛᱟᱭᱚᱢ ᱯᱟᱨᱜᱟᱱᱟ ᱠᱚ ᱢᱟᱱᱚᱛ ᱮᱢᱟ ᱠᱚ ᱞᱟᱹᱜᱤᱫ ᱱᱚᱣᱟ ᱫᱤᱥᱚᱢ ᱨᱮᱭᱟᱜ ᱧᱩᱛᱩᱢ ᱦᱚ ᱥᱟᱱᱛᱟᱲ ᱟᱹᱲᱟᱹ ᱥᱟᱶᱛᱮ ᱯᱟᱨᱜᱟᱱᱟᱭ ᱡᱚᱲᱟᱣ ᱠᱮᱫᱟ ᱾ ᱚᱱᱠᱟ ᱜᱮ ᱩᱨᱫᱩ ᱨᱟᱦᱟ ᱤᱨᱟᱱᱤ ᱯᱟᱹᱨᱥᱤ ᱛᱮ ᱯᱟᱨᱜᱟᱱᱟ ᱨᱮᱭᱟᱜ ᱢᱟᱱᱮ ᱫᱚ ᱦᱚᱱᱚᱛ ᱛᱟᱦᱟ ᱯᱚᱱᱚᱛ ᱦᱚᱸ ᱦᱩᱭᱩᱜ ᱠᱟᱱᱟ ᱾       

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱞ ᱦᱩᱞ ᱛᱟᱭᱚᱢ ᱵᱨᱤᱴᱤᱥ ᱥᱚᱨᱠᱟᱨ ᱫᱚ ᱦᱩᱞ ᱨᱮᱭᱟᱜ ᱚᱡᱮ ᱯᱟᱧᱡᱟ ᱧᱟᱢ ᱠᱮᱫᱟ ᱟᱨ ᱚᱱᱟ ᱞᱟᱹᱜᱤᱫ ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ ᱠᱷᱚᱱ ᱵᱤᱨᱵᱷᱩᱢ ᱟᱨ ᱵᱷᱟᱜᱚᱞᱯᱩᱨ ᱦᱚᱱᱚᱛ ᱨᱮᱭᱟᱜ ᱟᱫᱚᱢ ᱦᱤ'ᱥ ᱜᱮᱫ ᱵᱮᱜᱟᱨ ᱠᱟᱛᱮ ᱥᱟᱱᱛᱟᱲ ᱯᱟᱨᱜᱟᱱᱟ ᱦᱚᱱᱚᱛ ᱠᱚ ᱥᱤᱨᱡᱟᱹᱣ ᱠᱮᱫᱟ ᱾ ᱫᱩᱢᱠᱟᱹ ᱫᱚ ᱥᱟᱱᱛᱟᱲ ᱯᱟᱨᱜᱟᱱᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱚ ᱵᱮᱱᱟᱣ ᱠᱮᱫᱟ ᱾

ᱥᱟᱱᱛᱟᱲ ᱦᱩᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱲ ᱯᱟᱨᱜᱟᱱᱟ ᱫᱚ ᱥᱟᱱᱛᱟᱲ ᱦᱩᱞ ᱧᱩᱛᱩᱢ ᱛᱮ ᱰᱟᱢᱰᱟᱦᱮ ᱜᱮᱭᱟ ᱾ ᱓᱐ ᱡᱩᱱ ᱑᱘᱕᱕ ᱥᱮᱨᱢᱟ ᱨᱮ ᱵᱷᱚᱜᱽᱱᱟ ᱰᱤᱦ ᱟᱛᱩ ᱨᱮᱱ ᱪᱩᱱᱩ ᱢᱩᱨᱢᱩ ᱦᱚᱯᱚᱱ ᱟᱨ ᱦᱚᱯᱚᱱ ᱮᱨᱟ ᱥᱤᱫᱚ ᱢᱩᱨᱢᱩ, ᱠᱟᱹᱱᱦᱩ ᱢᱩᱨᱢᱩ, ᱪᱟᱱᱫᱽ ᱢᱩᱨᱢᱩ, ᱵᱷᱟᱭᱨᱚ ᱢᱩᱨᱢᱩ ᱟᱨ ᱡᱷᱟᱱᱚ ᱢᱩᱨᱢᱩ, ᱯᱷᱩᱞᱚ ᱢᱩᱨᱢᱩ ᱥᱟᱶ ᱛᱮ ᱜᱮᱞ ᱥᱟᱥᱟᱭ ᱫᱤᱥᱚᱢ ᱦᱚᱲ ᱠᱚ ᱵᱨᱤᱴᱤᱥ ᱥᱚᱨᱠᱟᱨ ᱟᱨ ᱥᱩᱫᱽ ᱮᱢᱚᱜ ᱢᱟᱦᱟᱡᱚᱱ ᱠᱚ ᱵᱤᱨᱩᱫᱽ ᱨᱮ ᱦᱩᱞ ᱞᱟᱹᱜᱤᱫ ᱠᱤᱨᱭᱟᱹ ᱦᱟᱛᱟᱣ ᱞᱮᱫᱟ᱾ᱚᱱᱟ ᱦᱩᱞ ᱨᱮ ᱟᱢᱫᱟᱡᱽ ᱯᱮ ᱥᱟᱥᱟᱭ ᱠᱷᱚᱱ ᱦᱚ ᱵᱟᱹᱲᱛᱤ ᱠᱚ ᱜᱚᱡ ᱚᱪᱚ ᱞᱮᱱᱟ ᱾ ᱟᱨ ᱟᱭᱢᱟ ᱥᱟᱱᱛᱟᱲ ᱟᱹᱛᱩ ᱠᱚᱠᱚ ᱟᱛᱟᱨ ᱜᱤᱰᱤ ᱞᱮᱫᱟ ᱾ ᱟᱭᱢᱟ ᱦᱚᱲ ᱵᱨᱤᱴᱤᱥ ᱠᱚᱣᱟᱜ ᱨᱚᱰᱚᱡ ᱠᱚᱪᱞᱚᱱ ᱵᱟᱠᱚ ᱥᱟᱦᱟᱣ ᱞᱮᱫ ᱛᱮ ᱠᱚᱧᱮ ᱵᱮᱝᱜᱚᱞ, ᱥᱟᱢᱟᱝ ᱵᱮᱝᱜᱚᱞ (ᱱᱟᱦᱟᱜ ᱵᱟᱝᱞᱟᱫᱤᱥᱚᱢ), ᱱᱮᱯᱟᱞ, ᱟᱥᱟᱢ ᱮᱢᱟᱱ ᱛᱮ ᱠᱚ ᱧᱤᱨ ᱯᱷᱟᱨᱟᱠ ᱠᱚᱧᱮ ᱮᱱᱟ ᱾ 

ᱯᱟᱹᱨᱥᱤ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱨᱮᱱᱟᱜ ᱞᱮᱠᱷᱟᱡᱚᱠᱷᱟ ᱞᱮᱠᱟᱛᱮ ᱥᱟᱱᱛᱟᱲ ᱯᱟᱨᱜᱟᱱᱟ ᱨᱮᱱᱟᱜ ᱯᱟᱹᱨᱥᱤ ᱠᱚ

  ᱢᱚᱭᱛᱷᱤᱞᱤ ᱟᱨ ᱠᱚᱨᱴᱷᱟ ᱢᱚᱭᱛᱷᱤᱞᱤ (29.22%)
  ᱥᱟᱱᱛᱟᱲᱤ (25.13%)
  ᱦᱤᱱᱫᱤ (21.43%)
  ᱵᱟᱝᱞᱟ (16.11%)
  ᱩᱨᱫᱩ (5.06%)
  ᱮᱴᱟᱜᱟᱜ (3.05%)

ᱥᱟᱱᱛᱟᱲ ᱯᱟᱨᱜᱟᱱᱟ ᱨᱮᱭᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱫᱚ ᱦᱤᱱᱫᱤ ᱠᱟᱱ ᱨᱮᱦᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱜᱮ ᱵᱟᱹᱲᱛᱤ ᱵᱮᱵᱚᱦᱟᱨᱚᱜ ᱠᱟᱱᱟ ᱾ ᱱᱚᱣᱟ ᱪᱷᱟᱰᱟ ᱠᱟᱛᱮ ᱦᱚ ᱢᱟᱭᱛᱷᱟᱞᱤ, ᱵᱟᱝᱞᱟ, ᱵᱷᱳᱡᱽᱯᱩᱨᱤ, ᱠᱚᱨᱛᱷᱟ, ᱩᱨᱫᱩ, ᱠᱩᱲᱢᱟᱞᱤ ᱮᱱᱟᱢ ᱯᱟᱹᱨᱥᱤ ᱠᱚ ᱨᱚᱲᱚᱜᱚᱜ ᱠᱟᱱᱟ ᱾ ᱯᱟᱹᱦᱤᱞ ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ ᱨᱮᱭᱟᱜ ᱢᱤᱫ ᱦᱚᱱᱚᱛ ᱛᱟᱦᱮᱸ ᱠᱟᱱ ᱛᱮ ᱵᱟᱝᱞᱟ ᱯᱟᱹᱨᱥᱤ ᱱᱚᱸᱰᱮ ᱠᱟᱡᱟᱠ ᱪᱟᱞᱟᱜ ᱠᱟᱱ ᱛᱟᱦᱮᱸᱱᱟ ᱾ ᱤᱱᱟᱹ ᱛᱟᱭᱚᱢ ᱵᱤᱦᱟᱨ ᱨᱮᱭᱟᱜ ᱦᱤᱥ ᱦᱩᱭᱮᱱ ᱛᱮ ᱵᱤᱦᱟᱨᱤ ᱠᱚᱣᱟᱜ ᱯᱟᱨᱥᱤ ᱵᱷᱳᱡᱽᱯᱩᱨᱤ ᱠᱟᱡᱟᱠ ᱛᱟᱞᱟᱜ ᱠᱟᱱ ᱛᱟᱦᱮᱸᱱᱟ ᱾

ᱵᱷᱮᱜᱟᱨ ᱦᱚᱱᱚᱛ ᱠᱚᱨᱮ ᱥᱟᱱᱛᱟᱲᱤ ᱨᱮᱭᱟᱜ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:Coord missing

ᱪᱷᱟᱸᱪ:Santhal Pargana Division topics ᱪᱷᱟᱸᱪ:ᱥᱟᱱᱛᱟᱲ ᱯᱟᱨᱜᱟᱱᱟ ᱠᱷᱚᱸᱰ


ᱪᱷᱟᱸᱪ:Jharkhand-geo-stub