ᱦᱟᱡᱟᱨᱤᱵᱟᱜᱽ

ᱦᱟᱡᱟᱨᱤᱵᱟᱜᱽ
ᱦᱟᱡᱟᱨᱤᱵᱟᱜᱽ
ᱥᱚᱦᱚᱨ
	ᱦᱟᱡᱟᱨᱤᱵᱟᱜᱽ ᱡᱷᱤᱞ ᱞᱮᱠ, ᱧᱤᱫᱟᱹ ᱨᱮ ᱥᱚᱦᱚᱨ, ᱥᱮᱸᱴ ᱡᱮᱵᱤᱭᱟᱨᱥ ᱟᱥᱲᱟ, ᱨᱮᱞᱣᱮ ᱥᱴᱮᱥᱚᱱ, ᱰᱤ.ᱮ.ᱵᱷᱤ. ᱟᱥᱲᱟ, ᱦᱟᱡᱟᱨᱤᱵᱟᱜᱽ ᱱᱚᱜᱚᱨ ᱟᱨ ᱞᱤᱴᱟᱹ ᱟᱜ ᱦᱟᱡᱟᱨᱤᱵᱟᱜᱽ ᱨᱮ
	ᱦᱟᱡᱟᱨᱤᱵᱟᱜᱽ ᱦᱟᱡᱟᱨᱤᱵᱟᱜᱽᱦᱟᱡᱟᱨᱤᱵᱟᱜᱽ ᱨᱮᱱᱟᱜ ᱴᱷᱟᱶ ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ
	Coordinates: 23°59′N 85°21′E / 23.98°N 85.35°ECoordinates: 23°59′N 85°21′E / 23.98°N 85.35°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱡᱷᱟᱨᱠᱷᱚᱸᱰ
ᱦᱚᱱᱚᱛ	ᱦᱟᱡᱟᱨᱤᱵᱟᱜᱽ
ᱮᱨᱤᱭᱟ
• ᱞᱮᱠᱷᱟᱜᱩᱴ	53.94 ᱠᱤᱢᱤ২ (20.83 ᱜᱟᱺᱴ ᱢᱟᱭᱤᱞ)
ᱩᱥᱩᱞ	610 ᱢᱤᱴᱚᱨ (2000 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱑᱙᱗,᱔᱖᱖
• ᱰᱮᱱᱥᱤᱴᱤ	3700/ᱠᱤᱢᱤ2 (9500/ᱜᱟᱺᱴ ᱢᱟᱹᱭᱤᱞ)
ᱯᱟᱹᱨᱥᱤ
• ᱥᱚᱨᱠᱟᱨᱤ ᱯᱟᱹᱨᱥᱤ	ᱦᱤᱱᱫᱤ, ᱥᱟᱱᱛᱟᱲᱤ
	IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	825301
ᱜᱟᱹᱰᱤ ᱨᱤᱡᱤᱥᱴᱨᱤ	JH-02
ᱣᱮᱵᱽᱥᱟᱭᱤᱴ	hazaribag.nic.in

ᱦᱟᱡᱟᱨᱤᱵᱟᱜᱽ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ ᱦᱟᱡᱟᱨᱤᱵᱟᱜᱽ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱟᱨ ᱢᱤᱫ ᱱᱚᱜᱚᱨ ᱱᱤᱜᱟᱢ ᱠᱟᱱᱟ ᱾ ᱱᱚᱣᱟ ᱫᱚ ᱠᱚᱧᱮ ᱪᱷᱚᱴᱟᱱᱟᱜᱽᱯᱩᱨ ᱠᱷᱚᱸᱰ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱱᱚᱣᱟ ᱫᱚ ᱢᱤᱫ ᱦᱮᱞᱛᱷ ᱨᱤᱥᱳᱨᱴ (Health Resort) ᱞᱮᱠᱟᱛᱮ ᱠᱚ ᱢᱟᱱᱟᱣᱟ^[᱑] ᱟᱨ ᱦᱟᱡᱟᱨᱤᱵᱟᱜᱽ ᱵᱤᱨᱡᱤᱭᱟᱹᱞᱤ ᱨᱟᱠᱷᱟᱵᱤᱨ (ᱥᱚᱦᱚᱨ ᱠᱷᱚᱱ ᱑᱗ ᱠᱤᱞᱚᱢᱤᱴᱚᱨ) ᱞᱟᱹᱜᱤᱫ ᱛᱮᱦᱚᱸ ᱯᱷᱮᱢᱚᱥ ᱟᱠᱟᱱᱟ ᱾ ᱱᱚᱣᱟ ᱨᱤᱯᱨᱮᱥᱮᱱᱛᱟᱥᱚᱱ ᱫᱚ ᱥᱤᱧᱚᱛᱤᱭᱟᱹ ᱞᱳᱠᱥᱚᱵᱷᱟ ᱨᱮ ᱱᱩᱭ ᱥᱚᱸᱥᱚᱫᱽ ᱡᱚᱭᱚᱸᱛ ᱥᱤᱝᱦᱟ ᱦᱚᱛᱮᱛᱮ ᱦᱩᱭᱩᱜᱼᱟ ᱾^[᱒]

ᱪᱷᱟᱹᱴᱭᱟᱹᱨ

ᱚᱛᱱᱚᱜ

ᱠᱚᱱᱟᱨ ᱜᱟᱰᱟ, ᱫᱟᱢᱚᱫᱚᱨ ᱜᱟᱰᱟ ᱨᱮᱱᱟᱜ ᱢᱤᱫ ᱜᱚᱲᱚᱜ ᱤᱡ ᱱᱟᱹᱭ, ᱥᱚᱦᱚᱨ ᱨᱮᱱᱟᱜ ᱛᱟᱭᱚᱢ ᱨᱮ ᱚᱸᱰᱚᱠ ᱟᱠᱟᱱᱟ ᱾ ᱦᱟᱡᱟᱨᱤᱵᱟᱜᱽ ᱢᱟᱨᱟᱝ ᱢᱤᱫ ᱡᱷᱩᱨ ᱵᱩᱨᱩ ᱢᱮᱱᱟᱜᱼᱟ ᱟᱨ ᱱᱤᱛᱚᱜ ᱦᱚᱸ ᱵᱩᱨᱩ ᱠᱷᱚᱱ ᱮᱛᱮᱫ ᱟᱠᱟᱱᱟ ᱾

ᱦᱚᱲ ᱮᱞ

ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱦᱟᱡᱟᱨᱤᱵᱟᱜᱽ ᱥᱚᱦᱨᱤ ᱜᱩᱴ ᱨᱤᱱ ᱦᱚᱲ ᱮᱞ ᱫᱚ ᱑᱕᱓,᱕᱙᱙ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱘᱐,᱐᱙᱕ ᱠᱚᱲᱟ ᱟᱨ ᱗᱓,᱕᱐᱔ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾^[᱓] ᱦᱟᱡᱟᱨᱤᱵᱟᱜᱽ ᱥᱚᱦᱨᱤ ᱜᱩᱴ ᱫᱚ ᱦᱟᱡᱟᱨᱤᱵᱟᱜᱽ (ᱱᱚᱜᱚᱨ ᱱᱤᱜᱟᱢ) ᱟᱨ ᱚᱠᱱᱤ (ᱦᱚᱲ ᱞᱮᱠᱷᱟ ᱡᱚᱠᱷᱟ ᱱᱚᱜᱚᱨ) ᱛᱮ ᱵᱮᱱᱟᱣ ᱟᱠᱟᱱᱟ ᱾^[᱔]

ᱦᱚᱭ ᱫᱟᱜ

North Cebuano Riverᱨᱮᱭᱟᱜ ᱦᱚᱭᱼᱦᱤᱥᱤᱫ ᱵᱟᱵᱚᱛ ᱠᱟᱛᱷᱟ
ᱪᱟᱸᱫᱚ	ᱡᱟᱱ	ᱯᱷᱮᱵᱽ	ᱢᱟᱨᱪ	ᱮᱯᱨᱤᱞ	ᱢᱮᱹ	ᱡᱩᱱ	ᱡᱩᱞᱟᱭ	ᱟᱜᱚᱥᱴ	ᱥᱮᱯ	ᱚᱠᱴᱚ	ᱱᱚᱵᱷᱮ	ᱰᱤᱥᱮ	ᱥᱮᱨᱢᱟ
ᱮᱵᱷᱚᱨᱮᱡᱽ ᱪᱮᱛᱟᱱ °ᱥᱮ (°ᱯᱷᱟ)	29 (84)	32 (90)	38 (100)	40 (104)	36 (97)	32 (90)	29 (84)	28 (82)	31 (88)	31 (88)	30 (86)	28 (82)	32 (90)
ᱮᱵᱷᱚᱨᱮᱡᱽ ᱞᱟᱛᱟᱨ °ᱥᱮ (°ᱯᱷᱟ)	20 (68)	22 (72)	25 (77)	26 (79)	27 (81)	22 (72)	19 (66)	20 (68)	18 (64)	19 (66)	18 (64)	19 (66)	21 (70)
ᱮᱵᱷᱚᱨᱮᱡᱽ ᱫᱟᱜᱼᱡᱟᱹᱲᱤ ᱢᱤᱢᱤ (ᱤᱧᱪᱤ)	0 (0)	0 (0)	0 (0)	0 (0)	8 (0.3)	19 (0.7)	84 (3.3)	32 (1.3)	6 (0.2)	1 (0.0)	0 (0)	0 (0)	150 (5.8)
ᱯᱷᱮᱰᱟᱛ: [᱑]

ᱦᱮᱡ ᱥᱮᱱ ᱰᱟᱦᱟᱨ

ᱩᱰᱟᱹᱱ ᱰᱟᱦᱟᱨ

ᱚᱱᱟ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜᱼᱟ ᱵᱤᱨᱥᱟᱹ ᱢᱩᱸᱰᱟᱹ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱨᱟᱡᱽᱜᱟᱲ ᱨᱟᱺᱪᱤ, (᱑᱐᱒ ᱠᱤᱞᱚᱢᱤᱴᱚᱨ); ᱾ ᱨᱟᱺᱪᱤ, ᱱᱟᱶᱟ ᱫᱤᱞᱞᱤ, ᱦᱟᱭᱫᱽᱨᱟᱵᱟᱫᱽ, ᱢᱩᱢᱵᱟᱭ, ᱠᱚᱞᱠᱟᱛᱟ, ᱯᱟᱴᱱᱟ ᱟᱨ ᱞᱚᱠᱷᱱᱚᱣ ᱠᱷᱚᱱ ᱟᱹᱰᱤ ᱜᱟᱱ ᱮᱭᱟᱨ ᱞᱟᱭᱤᱱ ᱨᱮᱱᱟᱜ ᱵᱮᱵᱚᱥᱛᱟ ᱞᱟᱹᱜᱤᱫ ᱛᱮ ᱡᱚᱲᱟᱣ ᱟᱠᱟᱱᱟ ᱾

ᱨᱮᱞ ᱜᱟᱹᱰᱤ

ᱠᱚᱰᱟᱨᱢᱟ ᱠᱷᱚᱱ ᱦᱟᱡᱟᱨᱤᱵᱟᱜᱽ ᱫᱷᱟᱹᱨᱤᱡ ᱢᱤᱫ ᱱᱟᱣᱟ ᱘᱐ ᱠᱤᱞᱚᱢᱤᱴᱚᱨ ᱡᱤᱞᱤᱧ ᱨᱮᱞ ᱞᱟᱭᱤᱱ ᱵᱮᱱᱟᱣ ᱟᱠᱟᱱᱟ ᱟᱨ ᱯᱷᱮᱵᱨᱩᱣᱟᱨᱤ ᱒᱐᱑᱕ ᱨᱮ ᱪᱟᱞᱩ ᱟᱠᱟᱱᱟ ᱾ ᱠᱚᱰᱟᱨᱢᱟ ᱟᱨ ᱦᱟᱡᱟᱨᱤᱵᱟᱜᱽ ᱴᱟᱩᱱ ᱨᱮᱞᱣᱮ ᱥᱴᱮᱥᱚᱱ ᱨᱮᱱᱟᱜ ᱛᱟᱞᱟᱢᱟᱞᱟ ᱥᱮᱱᱚᱜ ᱜᱟᱦ ᱵᱟᱨᱭᱟ ᱴᱨᱮᱱ (ᱦᱟᱡᱟᱨᱤᱵᱟᱜᱽ ᱨᱚᱰ ᱨᱮᱞᱣᱮ ᱥᱴᱮᱥᱚᱱ ᱨᱮᱱᱟᱜ ᱥᱟᱞᱟᱜ ᱯᱟᱨᱮᱥᱚᱱ (Confused) ᱟᱞᱚ ᱦᱩᱭᱩᱜ ᱢᱟ) ᱾ ᱦᱟᱡᱟᱨᱤᱵᱟᱜᱽ ᱠᱷᱚᱱ ᱵᱟᱨᱠᱟᱠᱟᱱᱟ ᱡᱚᱸᱠᱥᱚᱱ ᱫᱷᱟᱹᱨᱤᱡ ᱨᱮᱞᱣᱮ ᱞᱟᱭᱤᱱ ᱯᱩᱨᱟᱹᱣ ᱦᱩᱭ ᱟᱠᱟᱱᱟ ᱟᱨ ᱴᱨᱮᱱ ᱫᱚ ᱦᱟᱡᱟᱨᱤᱵᱟᱜᱽ ᱠᱷᱚᱱ ᱵᱟᱨᱠᱟᱠᱟᱱᱟ ᱫᱷᱟᱹᱨᱤᱡ ᱥᱮᱱᱚᱜ ᱠᱟᱱᱟ ᱾

ᱦᱟᱡᱟᱨᱤᱵᱟᱜᱽ NH33 ᱨᱮ ᱢᱮᱱᱟᱜᱼᱟ ᱟᱨ ᱢᱩᱬ ᱥᱚᱦᱚᱨ ᱨᱮᱱᱟᱜ ᱞᱟᱹᱜᱤᱫ ᱥᱚᱲᱚᱠ ᱨᱮᱱᱟᱜ ᱥᱟᱸᱜᱤᱧ ᱢᱮᱱᱟᱜᱼᱟ: ᱨᱟᱺᱪᱤ ᱙᱑ ᱠᱤᱞᱚᱢᱤᱴᱚᱨ, ᱫᱷᱟᱱᱵᱟᱫᱽ ᱑᱒᱘ ᱠᱤᱞᱚᱢᱤᱴᱚᱨ (ᱡᱤᱴᱤ ᱨᱚᱰ ᱨᱮᱱᱟᱜ ᱛᱟᱞᱢᱟ ᱠᱷᱚᱱ), ᱵᱚᱠᱟᱨᱚ ᱑᱑᱖ ᱠᱤᱞᱚᱢᱤᱴᱚᱨ, (ᱨᱟᱢᱜᱚᱲ ᱨᱮᱱᱟᱜ ᱛᱟᱞᱢᱟ ᱠᱷᱚᱱ), ᱜᱟᱭᱟ ᱑᱓᱐ ᱠᱤᱞᱚᱢᱤᱴᱚᱨ, ᱯᱟᱴᱱᱟ ᱒᱓᱕ ᱠᱤᱞᱚᱢᱤᱴᱚᱨ, ᱰᱟᱞᱴᱮᱱᱜᱚᱸᱡᱽ ᱑᱙᱘ ᱠᱤᱞᱚᱢᱤᱴᱚᱨ, ᱟᱨ ᱠᱚᱞᱠᱟᱛᱟ ᱕᱓᱔ ᱠᱤᱞᱚᱢᱤᱴᱚᱨ,(ᱫᱷᱟᱱᱵᱟᱫᱽᱼᱟᱥᱟᱱᱥᱚᱞᱼᱜᱚᱵᱤᱱᱫᱽᱯᱩᱨᱼᱵᱚᱨᱫᱷᱚᱢᱟᱱ ᱨᱮᱱᱟᱜ ᱛᱟᱞᱢᱟ ᱠᱷᱚᱱ); ᱨᱮᱜᱩᱞᱟᱨ ᱵᱟᱥ ᱵᱮᱵᱚᱥᱛᱟ ᱦᱟᱡᱟᱨᱤᱵᱟᱜᱽ ᱫᱚ ᱱᱚᱣᱟ ᱴᱷᱟᱶ ᱠᱷᱚᱱ ᱡᱚᱲᱟᱣ ᱢᱮᱱᱟᱜᱼᱟ ᱾

ᱱᱟᱜᱟᱢ

ᱯᱷᱩᱨᱜᱟᱹᱞ ᱠᱷᱚᱱ ᱢᱟᱨᱟᱝ ᱦᱟᱡᱟᱨᱤᱵᱟᱜᱽ ᱨᱟᱢᱜᱚᱲ ᱨᱟᱡᱽ ᱟᱜ ᱥᱚᱢᱯᱟᱛᱤ ᱨᱮᱱᱟᱜ ᱮᱞᱟᱠᱟ ᱦᱤᱡᱩᱜᱼᱟ ᱛᱟᱦᱮᱸᱫ ᱾ ᱨᱟᱢᱜᱚᱲ ᱨᱟᱡᱽ ᱨᱮᱱᱟᱜ ᱢᱩᱪᱟᱹᱫ ᱥᱟᱥᱟᱱ ᱨᱟᱡᱟ ᱵᱟᱦᱟᱫᱩᱨ ᱠᱟᱢᱟᱠᱷᱭᱟ ᱱᱟᱨᱟᱭᱚᱱ ᱥᱤᱝ ᱟᱡ ᱵᱚᱭᱦᱟ ᱢᱟᱦᱟᱨᱟᱡᱽᱠᱩᱢᱟᱨ ᱵᱟᱥᱟᱸᱛ ᱱᱟᱨᱟᱭᱚᱱ ᱥᱤᱝ ᱥᱟᱞᱟᱜ ᱛᱟᱦᱮᱸ ᱠᱟᱱᱟ ᱾

ᱠᱟᱹᱣᱰᱤ ᱟᱹᱨᱤ

ᱠᱟᱹᱨᱜᱟᱲ

ᱥᱮᱪᱮᱫ

ᱰᱟᱵᱽᱞᱤᱱ ᱢᱤᱥᱚᱱ ᱨᱮ ᱥᱮᱪᱮᱫ ᱤᱱᱥᱴᱤᱭᱩᱴ (Institute) ᱟᱨ ᱢᱤᱫ ᱛᱤᱨᱞᱟᱹ ᱟᱥᱯᱟᱛᱟᱞ ᱢᱮᱱᱟᱜᱼᱟ ᱾ ᱴᱨᱤᱱᱤᱴᱤ ᱵᱤᱨᱫᱟᱹᱜᱟᱲ, ᱰᱟᱵᱽᱞᱤᱱ, ᱟᱭᱟᱨᱞᱮᱸᱰ ᱨᱮᱱᱟᱜ ᱟᱩᱥᱯᱤᱠᱥ (Auspices) ᱨᱮ ᱑᱘᱙᱙ ᱥᱟᱞᱮ ᱨᱮ ᱦᱟᱡᱟᱨᱤᱵᱟᱜᱽ ᱨᱮ ᱮᱦᱚᱵ ᱞᱮᱱᱟ ᱛᱟᱦᱮᱸᱫ ᱾ ᱥᱮᱸᱴ ᱠᱚᱞᱟᱢᱵᱟ ᱵᱤᱨᱫᱟᱹᱜᱟᱲ ᱫᱚ ᱵᱤᱦᱟᱨ ᱨᱮ ᱟᱹᱰᱤ ᱢᱟᱨᱮ ᱛᱟᱦᱮᱸ ᱠᱟᱱᱟ ᱾ ᱦᱟᱡᱟᱨᱤᱵᱟᱜᱽ ᱨᱮ ᱱᱤᱛᱚᱜ ᱥᱚᱦᱚᱨ ᱨᱮᱱᱟᱜ ᱥᱤᱢᱟᱹ ᱵᱷᱤᱛᱤᱨ ᱨᱮ ᱵᱤᱱᱚᱵᱟ ᱵᱷᱟᱵᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ, ᱡᱟᱦᱟᱸᱭ ᱭᱟᱜ ᱧᱩᱛᱩᱢ ᱥᱮᱸᱴ ᱵᱤᱱᱚᱵᱟ ᱵᱷᱟᱵᱮ ᱟᱜ ᱧᱩᱛᱩᱢ ᱨᱮ ᱫᱚᱦᱚ ᱟᱠᱟᱱᱟ ᱾ ᱱᱚᱣᱟ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱫᱚᱥᱟᱨ ᱟᱹᱰᱤ ᱢᱟᱨᱟᱝ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱟᱱᱟ ᱾ ᱱᱚᱣᱟ ᱯᱨᱟᱵᱷᱮᱴ ᱡᱮᱜᱮᱛ ᱵᱤᱨᱫᱟᱹᱜᱟᱲ AISECT ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱡᱷᱟᱨᱠᱷᱚᱸᱰ ᱨᱮᱱᱟᱜ ᱦᱚᱥᱴᱤᱝ (hosting) ᱦᱚᱸ ᱦᱩᱭᱩᱜᱼᱟ ᱾ ᱥᱮᱸᱴ ᱠᱚᱞᱟᱢᱵᱟ ᱵᱤᱨᱫᱟᱹᱜᱟᱲ, ᱫᱷᱟᱱᱵᱟᱫᱽ ᱨᱮᱱᱟᱜ ᱢᱮᱰᱤᱠᱟᱞ ᱠᱚᱞᱮᱡᱽ ᱟᱨ ᱟᱹᱰᱤ ᱜᱟᱱ ᱤᱱᱡᱤᱱᱤᱭᱟᱨᱤᱝ ᱟᱨ ᱞᱚᱠᱟᱞ ᱠᱚᱞᱮᱡᱽ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱟᱯᱷᱯᱷᱤᱞᱤᱭᱟᱴ (Affiliate) ᱢᱮᱱᱟᱜᱼᱟ ᱾ ᱡᱟᱡᱽᱱᱮᱨᱤ ᱴᱮᱠᱱᱚᱞᱚᱡᱤ ᱤᱱᱥᱴᱤᱭᱩᱴ (Technology Institute), ᱦᱟᱡᱟᱨᱤᱵᱟᱜᱽ ᱯᱚᱞᱤᱴᱮᱠᱱᱤᱠ, ᱢᱮᱱᱮᱡᱽᱢᱮᱱᱴ (Management) ᱟᱨ ᱟᱤ.ᱴᱤ. ᱞᱟᱹᱜᱤᱫ ᱛᱮ ᱢᱤᱫᱴᱟᱹᱝ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ ᱾

ᱯᱷᱩᱨᱜᱟᱹᱞ ᱛᱟᱭᱚᱢ, ᱨᱚᱢᱟᱱ ᱠᱮᱛᱷᱚᱞᱤᱠ ᱫᱚ ᱑᱙᱔᱙ ᱥᱟᱞ ᱨᱮ ᱢᱤᱫ ᱠᱩᱲᱤ ᱭᱟᱜ ᱟᱥᱲᱟ, ᱢᱟᱩᱸᱴ ᱠᱟᱨᱢᱮᱞ ᱟᱥᱲᱟ ᱦᱟᱡᱟᱨᱤᱵᱟᱜᱽ ᱨᱮᱱᱟᱜ ᱮ ᱛᱷᱟᱯᱚᱱ ᱠᱮᱫᱼᱟᱭ ᱾ ᱱᱚᱣᱟ ᱨᱮᱣᱨᱮᱸᱰ ᱯᱷᱟᱫᱟᱨ ᱡᱚᱱ ᱢᱩᱨ ᱨᱮᱱᱟᱜ ᱥᱟᱢᱟᱛᱟᱞ, ᱢᱤᱫ ᱟᱥᱴᱨᱮᱞᱤᱭᱟ ᱡᱮᱥᱩᱭᱤᱴ ᱢᱤᱥᱱᱟᱨᱤ ᱨᱮᱱᱟᱜ ᱴᱷᱟᱯᱚᱱ, ᱥᱮᱸᱴ ᱡᱮᱵᱤᱭᱟᱨ, ᱦᱟᱡᱟᱨᱤᱵᱟᱜᱽ ᱑᱙᱕᱒ ᱨᱮ ᱾ ᱵᱤᱵᱮᱠᱟᱱᱟᱱᱫ ᱛᱟᱞᱢᱟ ᱟᱥᱲᱟ ᱦᱟᱡᱟᱨᱤᱵᱟᱜᱽ ᱥᱤᱵᱤᱮᱥ ᱑᱙᱙᱒ ᱥᱟᱞ ᱨᱮ ᱴᱷᱟᱯᱚᱱ ᱞᱮᱱᱟ ᱾ ᱰᱤᱮᱵᱤ ᱯᱟᱵᱽᱞᱤᱠ ᱟᱥᱲᱟ ᱦᱟᱡᱟᱨᱤᱵᱟᱜᱽ, ᱑᱙᱙᱒ ᱥᱟᱞ ᱨᱮ ᱮᱦᱚᱵ ᱮᱱᱟ ᱟᱨ ᱰᱤᱮᱵᱤ ᱵᱤᱨᱫᱟᱹᱜᱟᱲ ᱢᱮᱱᱮᱡᱽᱢᱮᱱᱴ ᱠᱟᱢᱤᱴᱤ (ᱱᱟᱶᱟ ᱫᱤᱞᱞᱤ) ᱦᱚᱛᱮᱛᱮ ᱪᱟᱪᱞᱟᱜ ᱠᱟᱱᱟ ᱾ ᱡᱟᱹᱛᱤᱭᱟᱹᱨᱤ ᱫᱤᱥᱩᱣᱟᱹ ᱟᱥᱲᱟ, ᱦᱟᱡᱟᱨᱤᱵᱟᱜᱽ, ᱑᱙᱗᱗ ᱥᱟᱞᱮ ᱨᱮ ᱮᱦᱚᱵ ᱞᱮᱱᱟ, ᱱᱤᱛ CBSE ᱠᱷᱚᱱ ᱟᱯᱷᱯᱷᱤᱞᱤᱭᱟᱴ (Affiliate) ᱢᱮᱱᱟᱜᱼᱟ, ᱱᱚᱣᱟ ᱢᱮᱱᱮᱡᱽᱢᱮᱱᱴ L.K.C. ᱢᱮᱢᱚᱨᱤᱭᱟᱞ ᱮᱡᱩᱠᱮᱥᱚᱱ ᱥᱚᱥᱟᱭᱴᱤ ᱦᱚᱛᱮᱛᱮ ᱦᱩᱭᱩᱜᱼᱟ ᱾ ᱢᱚᱸᱴᱯᱷᱚᱨᱴ ᱟᱥᱲᱟ, ᱦᱟᱡᱟᱨᱤᱵᱟᱜᱽ ᱠᱚᱱᱦᱟᱨᱤ ᱵᱩᱨᱩ ᱨᱚᱰ ᱨᱮ ᱢᱮᱱᱟᱜᱼᱟ ᱾ ᱢᱟᱣᱩᱸᱴ ᱞᱤᱴᱮᱨᱟ ᱡᱤ ᱤᱥᱠᱩᱞ ᱟᱨ ᱠᱤᱰᱡᱤ, ᱦᱟᱡᱟᱨᱤᱵᱟᱜᱽ ᱠᱚᱴᱜᱚᱨᱟ ᱟᱹᱛᱩ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱫᱚ ᱜᱩᱞᱤ ᱪᱟᱞᱟᱣ (Firing) ᱨᱮᱸᱡᱽ ᱥᱟᱢᱟᱝ ᱨᱮ ᱢᱮᱱᱟᱜᱼᱟ ᱾ ᱢᱮᱨᱩ ᱦᱟᱡᱟᱨᱤᱵᱟᱜᱽ ᱟᱨ ᱱᱚᱣᱟ ᱥᱚᱦᱚᱨ ᱳᱯᱷᱤᱥ ᱢᱤᱥᱚᱱ ᱟᱥᱯᱟᱛᱟᱞ ᱥᱩᱨ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱡᱤ ᱪᱮᱫᱚᱜ ᱨᱮᱱᱟᱜ ᱱᱮᱴᱣᱟᱨᱠ ᱠᱟᱱᱟ ᱾

ᱦᱟᱡᱟᱨᱤᱵᱟᱜᱽ ᱨᱮ ᱡᱷᱟᱨᱠᱷᱚᱸᱰ ᱡᱟᱠᱟᱛ ᱨᱮᱱᱟᱜ ᱯᱩᱞᱤᱥ ᱥᱮᱪᱮᱫᱚᱜ (Training) ᱛᱟᱞᱢᱟ ᱢᱮᱱᱟᱜᱼᱟ ᱾ ᱥᱤᱢᱟᱹ ᱫᱩᱜᱫᱚᱦᱚ ᱯᱷᱟᱹᱫ (BSF) ᱟᱜ ᱦᱚᱸ ᱢᱟᱨᱟᱝ ᱟᱜ ᱢᱮᱱᱟᱜ ᱟᱠᱟᱫᱟ ᱾ ᱥᱟᱢᱟᱝ ᱥᱤᱧᱚᱛ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱪᱮᱫᱚᱜ (Training) ᱛᱟᱞᱢᱟ ᱱᱚᱸᱰᱮ ᱵᱩᱨᱩ ᱮᱞᱟᱠᱟ ᱥᱟᱞᱟᱜ ᱵᱤᱨ ᱨᱮ ᱢᱮᱱᱟᱜᱼᱟ ᱾ ᱡᱷᱤᱞ ᱴᱷᱮᱱ ᱥᱚᱦᱚᱨ ᱨᱮ ᱥᱤ.ᱟᱨ.ᱯᱤ.ᱮᱯᱷ. (Central Reserve Police Force) ᱦᱚᱸ ᱢᱮᱱᱟᱜ ᱠᱚᱣᱟ ᱾

ᱵᱤ.ᱮᱰ ᱵᱤᱨᱫᱟᱹᱜᱟᱲ

ᱫᱚᱣᱞᱟᱛ ᱢᱟᱦᱛᱚ ᱮᱢ.ᱴᱤ.ᱴᱤ. ᱵᱤᱨᱫᱟᱹᱜᱟᱲ, ᱵᱟᱱᱟᱥᱚ, ᱵᱤᱥᱱᱩᱜᱟᱲ, ᱦᱟᱡᱟᱨᱤᱵᱟᱜᱽ
ᱫᱮᱣ ᱠᱚᱞᱮᱡᱽ ᱳᱯᱷ ᱮᱡᱩᱠᱤᱥᱚᱱ, ᱦᱟᱡᱟᱨᱤᱵᱟᱜᱽ᱙
ᱜᱚᱣᱛᱟᱢ ᱵᱩᱰᱰᱷᱟ ᱴᱤ.ᱴᱤ. ᱵᱤᱨᱫᱟᱹᱜᱟᱲ, ᱦᱟᱡᱟᱨᱤᱵᱟᱜᱽ
ᱢᱟ ᱵᱷᱤᱱᱫᱷᱭᱟᱵᱷᱟᱥᱤᱱᱤ ᱥᱮᱪᱮᱫ ᱵᱤᱨᱫᱟᱹᱜᱟᱲ, ᱦᱟᱡᱟᱨᱤᱵᱟᱜᱽ
ᱮᱥ.ᱵᱤ.ᱮᱢ. ᱴᱤ.ᱴᱤ. ᱵᱤᱨᱫᱟᱹᱜᱟᱲ ᱦᱟᱡᱟᱨᱤᱵᱟᱜᱽ
ᱥᱨᱤ ᱨᱟᱢ ᱠᱨᱤᱥᱱᱟ ᱥᱟᱨᱫᱟ ᱟᱥᱲᱟᱢ, ᱢᱟᱪᱮᱛ ᱪᱮᱫᱚᱜ (Training) ᱵᱤᱨᱫᱟᱹᱜᱟᱲ, ᱨᱟᱵᱤᱱᱫᱽᱨᱚᱯᱟᱛᱷ, ᱦᱟᱡᱟᱨᱤᱵᱟᱜᱽ
ᱥᱣᱟᱢᱤ ᱰᱷᱟᱨᱢᱟᱵᱟᱱᱫᱷᱩ ᱥᱮᱪᱮᱫ ᱵᱤᱨᱫᱟᱹᱜᱟᱲ, ᱦᱟᱡᱟᱨᱤᱵᱟᱜᱽ

ᱢᱮᱰᱤᱠᱟᱞ ᱠᱚᱞᱮᱡᱽ

ᱜᱭᱟᱱ ᱡᱭᱚᱛᱤ ᱯᱟᱨᱟᱢᱮᱰᱤᱠᱟᱞ ᱟᱨ ᱱᱟᱨᱥᱤᱝ ᱵᱤᱨᱫᱟᱹᱜᱟᱲ, ᱦᱟᱡᱟᱨᱤᱵᱟᱜᱽ
ᱦᱟᱡᱟᱨᱤᱵᱟᱜᱽ ᱠᱚᱞᱮᱡᱽ ᱳᱯᱷ ᱰᱮᱱᱴᱟᱞ ᱥᱟᱬᱮᱥ ᱟᱨ ᱦᱚᱥᱯᱤᱴᱟᱞ, ᱦᱟᱡᱟᱨᱤᱵᱟᱜᱽ

ᱥᱟᱠᱤᱞ ᱵᱤᱨᱫᱟᱹᱜᱟᱲ

ᱥᱮᱸᱴ ᱠᱚᱞᱟᱢᱵᱟ ᱵᱤᱨᱫᱟᱹᱜᱟᱲ
ᱟᱱᱱᱟᱰᱟ ᱵᱤᱨᱫᱟᱹᱜᱟᱲ, ᱦᱟᱡᱟᱨᱤᱵᱟᱜᱽ
ᱵᱷᱟᱰᱨᱟᱠᱟᱞᱤ ᱵᱤᱨᱫᱟᱹᱜᱟᱲ, ᱤᱴᱠᱷᱚᱨᱤ
ᱡᱤ.ᱮᱢ. (ᱜᱷᱟᱱᱥᱭᱟᱢ ᱢᱮᱦᱛᱟ) ᱮᱵᱷᱮᱱᱤᱝᱜ ᱵᱤᱨᱫᱟᱹᱜᱟᱲ, ᱤᱪᱟᱠ
ᱠᱟᱨᱱᱯᱩᱨᱟ ᱵᱤᱨᱫᱟᱹᱜᱟᱲ, ᱵᱟᱨᱠᱟᱜᱟᱶ
ᱠᱮ.ᱵᱤ. ᱛᱤᱨᱞᱟᱹ ᱵᱤᱨᱫᱟᱹᱜᱟᱲ
ᱢᱟᱨᱠᱷᱟᱢ ᱠᱚᱢᱢᱟᱨᱥ ᱵᱤᱨᱫᱟᱹᱜᱟᱲ
ᱵᱷᱟᱱᱟᱱᱪᱚᱞ ᱵᱤᱨᱫᱟᱹᱜᱟᱲ, ᱴᱟᱱᱰᱣᱟ

ᱤᱱᱴᱟᱨ ᱠᱚᱞᱮᱡᱽ

ᱜᱤᱛᱟ ᱥᱟᱬᱮᱥ ᱢᱟᱨᱟᱝ ᱵᱤᱨᱫᱟᱹᱜᱟᱲ, ᱦᱟᱡᱟᱨᱤᱵᱟᱜᱽ
ᱜᱩᱞᱢᱚᱦᱟᱨ ᱤᱱᱴᱟᱨ ᱠᱚᱞᱮᱡᱽ ᱤᱱᱴᱟᱨ ᱥᱟᱬᱮᱥ ᱵᱤᱨᱫᱟᱹᱜᱟᱲ, ᱦᱟᱡᱟᱨᱤᱵᱟᱜᱽ
ᱤᱱᱴᱟᱨ ᱥᱟᱬᱮᱥ ᱵᱤᱨᱫᱟᱹᱜᱟᱲ ᱦᱟᱡᱟᱨᱤᱵᱟᱜᱽ, ᱡᱟᱵᱽᱨᱟ ᱰᱟᱦᱟᱨ
ᱪᱷᱚᱴᱟᱱᱚᱜᱯᱩᱨ ᱤᱱᱴᱟᱨ ᱠᱚᱞᱮᱡᱽ ᱵᱮᱨᱚᱠᱟᱞᱟ, ᱦᱟᱡᱟᱨᱤᱵᱟᱜᱽ
ᱜᱷᱟᱱᱥᱭᱟᱢ ᱢᱮᱦᱛᱟ ᱤᱱᱴᱟᱨ ᱠᱚᱞᱮᱡᱽ, ᱤᱪᱟᱠ ᱦᱟᱡᱟᱨᱤᱵᱟᱜᱽ
ᱜᱭᱟᱱ ᱡᱭᱚᱛᱤ ᱤᱱᱴᱟᱨ ᱠᱚᱞᱮᱡᱽ, ᱦᱟᱡᱟᱨᱤᱵᱟᱜᱽ

ᱟᱥᱲᱟ

ᱠᱟᱨᱢᱮᱞ ᱟᱥᱲᱟ ᱦᱟᱡᱟᱨᱤᱵᱟᱜᱽ
ᱫᱮᱞᱦᱤ ᱯᱟᱵᱽᱞᱤᱠ ᱟᱥᱲᱟ ᱦᱟᱡᱟᱨᱤᱵᱟᱜᱽ

ᱵᱷᱤᱵᱷᱮᱠᱟᱱᱱᱟᱰᱟ ᱛᱟᱞᱢᱟ ᱟᱥᱲᱟ, ᱨᱚᱵᱤᱱᱫᱽᱨᱚ ᱯᱟᱛᱷ
ᱥᱮᱸᱴ ᱡᱮᱵᱤᱭᱟᱨ, ᱦᱟᱡᱟᱨᱤᱵᱟᱜᱽ
ᱢᱚᱱᱴᱯᱷᱚᱨᱴ ᱟᱥᱲᱟ, ᱦᱟᱡᱟᱨᱤᱵᱟᱜᱽ
ᱰᱤ.ᱮ.ᱵᱤ. ᱯᱟᱵᱽᱞᱤᱠ ᱟᱥᱲᱟ, ᱠᱟᱱᱟᱨᱤ ᱦᱤᱞ ᱨᱚᱰ
ᱟᱱᱜᱮᱞ ᱩᱱᱩᱥᱩᱞ ᱟᱥᱲᱟ
ᱱᱟᱢᱟᱱ ᱟᱥᱲᱟ
ᱥᱮᱸᱴ ᱥᱴᱮᱯᱷᱮᱱ ᱟᱥᱲᱟ
ᱢᱮᱥᱨᱟ (Sister) ᱱᱤᱵᱮᱫᱤᱛᱟ ᱢᱚᱱᱴᱮᱥᱚᱨᱤ ᱟᱥᱲᱟ
ᱥᱟᱝᱜᱟᱢ ᱯᱟᱵᱽᱞᱤᱠ ᱟᱥᱲᱟ, ᱵᱟᱲᱠᱟᱜᱟᱶ

ᱦᱚᱨ ᱰᱟᱦᱟᱨ

▪ ᱥᱚᱲᱚᱠ ᱰᱟᱦᱟᱨ

ᱦᱟᱡᱟᱨᱤᱵᱟᱜᱽ ᱢᱟᱨᱟᱝ ᱨᱟᱡᱽᱰᱟᱦᱟᱨ ᱨᱮᱱᱟᱜ ᱣᱤᱰᱮᱥᱯᱨᱤᱰ (widespread) ᱱᱮᱴᱣᱟᱨᱠ ᱨᱮᱱᱟᱜ ᱛᱟᱞᱟᱢᱟᱞᱟ ᱠᱷᱚᱱ ᱚᱱᱟ ᱨᱮᱱᱟᱜ ᱥᱩᱨ ᱥᱩᱯᱩᱨ ᱨᱮᱱᱟᱜ ᱥᱚᱦᱚᱨ ᱠᱷᱚᱱ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ, ᱟᱹᱰᱤ ᱢᱚᱡᱽ ᱛᱮ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱓ ᱾ ᱱᱚᱣᱟ ᱥᱟᱨᱟ᱾ᱠᱷᱚᱱ ᱮᱥᱤ ᱵᱟᱥ ᱢᱮᱱᱟᱜᱼᱟ ᱟᱫᱚ ᱢᱩᱬ ᱥᱚᱦᱚᱨ ᱞᱟᱹᱜᱤᱫ ᱥᱮᱱᱚᱜ ᱠᱟᱱᱟ ᱾

▪ ᱵᱟᱥ ᱵᱮᱵᱚᱥᱛᱟ

ᱦᱟᱡᱟᱨᱤᱵᱟᱜᱽ ᱨᱮ ᱢᱤᱫ ᱵᱟᱥ ᱥᱴᱮᱥᱚᱱ ᱢᱮᱱᱟᱜᱼᱟ ᱡᱟᱦᱟᱸ ᱨᱟᱺᱪᱤ, ᱠᱚᱞᱠᱟᱛᱟ, ᱫᱷᱟᱱᱵᱟᱫᱽ, ᱯᱟᱴᱱᱟ, ᱡᱟᱢᱥᱮᱫᱽᱯᱩᱨ, ᱜᱤᱨᱤᱰᱤᱦ, ᱨᱮᱱᱟᱜ ᱞᱟᱹᱜᱤᱫ ᱥᱚᱡᱷᱮ ᱵᱟᱥ ᱢᱮᱱᱟᱜᱼᱟ ᱾ ᱫᱮᱣᱜᱷᱚᱨ, ᱜᱟᱭᱟ, ᱱᱟᱣᱟᱫᱟ, ᱠᱚᱰᱟᱨᱢᱟ, ᱟᱣᱨᱟᱸᱜᱟᱵᱟᱫᱽ ᱤᱱᱟᱹᱜ ᱡᱚᱛᱚ ᱚᱠᱛᱚ ᱜᱮ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾

▪ ᱨᱮᱞ ᱰᱟᱦᱟᱨ

ᱟᱹᱰᱤ ᱥᱩᱨ ᱢᱩᱬ ᱡᱟᱸᱠᱥᱚᱱ ᱠᱚᱰᱟᱨᱢᱟ ᱨᱮᱞᱣᱮ ᱥᱴᱮᱥᱚᱱ ᱢᱮᱱᱟᱜᱼᱟ ᱾

᱒᱐᱑᱔ ᱠᱷᱚᱱ DEMU ᱵᱟᱨᱠᱟᱠᱟᱱᱟ ᱡᱟᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱟᱨ ᱾ ᱠᱚᱨᱰᱟᱨᱢᱟ ᱡᱟᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱠᱷᱚᱱ ᱡᱚᱲᱟᱣ ᱣᱟ ᱴᱨᱮᱱ ᱨᱮᱱᱟᱜ ᱢᱤᱫ ᱱᱟᱣᱟ ᱴᱨᱮᱱ ᱥᱴᱮᱥᱚᱱ ᱦᱟᱡᱟᱨᱤᱵᱟᱜᱽ ᱨᱮ ᱪᱟᱞᱟᱣ ᱠᱟᱱᱟ ᱾

▪ ᱩᱰᱟᱹᱱ ᱰᱟᱦᱟᱨ

ᱵᱤᱨᱥᱟᱹ ᱢᱩᱸᱰᱟᱹ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱨᱮ ᱨᱟᱺᱪᱤ ᱙᱖ ᱠᱤᱞᱚᱢᱤᱴᱚᱨ ᱥᱟᱸᱜᱤᱧ ᱨᱮ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜᱼᱟ ᱾

ᱥᱤᱨᱟᱹ ᱢᱚᱱᱛᱨᱤ ᱨᱟᱹᱜᱷᱩᱵᱚᱨ ᱫᱟᱥ ᱟᱨ ᱯᱚᱱᱚᱛ ᱩᱰᱟᱹᱱ ᱢᱚᱱᱛᱨᱤ ᱡᱚᱭᱚᱸᱛ ᱥᱤᱝᱦᱟ ᱫᱚ, ᱦᱟᱡᱟᱨᱤᱵᱟᱜᱽ ᱩᱰᱟᱹᱱ ᱰᱟᱹᱦᱤ, ᱱᱟᱜᱣᱟᱱ ᱫᱚ ᱱᱚᱣᱟ ᱰᱚᱢᱮᱥᱴᱤᱠ ᱩᱰᱟᱹᱱ ᱰᱟᱦᱤ ᱨᱮ ᱵᱚᱰᱚᱞ ᱨᱮᱱᱟᱜ ᱮ ᱟᱠᱟᱫᱟ ᱾

ᱥᱟᱹᱠᱷᱭᱟᱹᱛ

↑ "Incredible India, Hazaribagh". Incredible India. Retrieved 27 January 2021.
↑ "Archived copy". Archived from the original on 21 May 2014. Retrieved 4 February 2016. {{cite web}}: Unknown parameter |deadurl= ignored (help)CS1 maint: archived copy as title (link)
↑ "Provisional population totals, Census of India 2011" (PDF). Urban Agglomeration – Cities having population 1 lakh and above. Government of India. Retrieved 14 December 2015.
↑ "Provisional population totals, Census of India 2011" (PDF). Constituents of Urban Agglomerations having population 1 lakh and above, Census 2011. Government of India. Retrieved 14 December 2015.

ᱵᱟᱦᱨᱮ ᱡᱚᱱᱚᱲ

Hazaribag district administration
Tales of Hazaribagh Archived ᱒᱐᱒᱐-᱐᱙-᱒᱘ at the Wayback Machine.
Hazaribagh travel guide
Incredible Jharkhand Archived ᱒᱐᱑᱕-᱑᱒-᱐᱘ at the Wayback Machine.
Top IAS coaching centre in hazaribagh Archived ᱒᱐᱑᱙-᱐᱑-᱑᱑ at the Wayback Machine.
Official website of the Hazaribagh Taxi Service. Archived ᱒᱐᱑᱙-᱐᱔-᱑᱘ at the Wayback Machine.

ᱪᱷᱟᱸᱪ:ᱦᱟᱡᱟᱨᱤᱵᱟᱜᱽ ᱦᱚᱱᱚᱛ ᱪᱷᱟᱸᱪ:ᱦᱟᱡᱟᱨᱤᱵᱟᱜᱽ ᱥᱚᱦᱚᱨ

[1] "Incredible India, Hazaribagh". Incredible India. Retrieved 27 January 2021.

[eciresults.nic.in-2] "Archived copy". Archived from the original on 21 May 2014. Retrieved 4 February 2016. {{cite web}}: Unknown parameter |deadurl= ignored (help)CS1 maint: archived copy as title (link)

[census2-2011-3] "Provisional population totals, Census of India 2011" (PDF). Urban Agglomeration – Cities having population 1 lakh and above. Government of India. Retrieved 14 December 2015.

[4] "Provisional population totals, Census of India 2011" (PDF). Constituents of Urban Agglomerations having population 1 lakh and above, Census 2011. Government of India. Retrieved 14 December 2015.

[᱑]

[᱒]

[᱓]

[᱔]