ᱢᱩᱢᱵᱟᱭ

ᱢᱩᱢᱵᱟᱭ

ᱢᱩᱢᱵᱟᱭ ᱫᱚ ᱥᱤᱧᱚᱛ ᱨᱮᱱᱟᱜ ᱯᱟᱪᱮ ᱥᱮᱦᱮᱫ ᱫᱷᱟᱨᱮ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱢᱩᱢᱵᱟᱭ ᱨᱮᱱᱟᱜ ᱢᱟᱨᱮ ᱧᱩᱛᱩᱢ ᱫᱚ ᱵᱚᱢᱵᱮ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱢᱮᱱᱟᱜ ᱠᱚ ᱦᱚᱲ ᱠᱚᱣᱟᱜ ᱮᱞ ᱥᱩᱨᱥᱩᱯᱩᱨ ᱓ ᱠᱳᱴᱤ ᱒᱑ ᱞᱚᱠᱷᱭᱚ ᱡᱟᱦᱟᱸ ᱫᱚ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱢᱤᱫ ᱱᱟᱜᱟᱨ ᱠᱟᱱᱟ ᱾ ᱢᱩᱢᱵᱟᱭ ᱫᱚ ᱥᱤᱧᱚᱛ ᱨᱮᱱᱟᱜ ᱢᱟᱨᱟᱝ ᱫᱟᱜ ᱰᱟᱦᱟᱨ ᱠᱟᱱᱟ ᱾ ᱤᱭᱩᱨᱚᱯ, ᱟᱯᱷᱨᱤᱠᱟ, ᱟᱢᱮᱨᱤᱠᱟ ᱮᱢᱟᱱ ᱵᱟᱨᱦᱮ ᱫᱤᱥᱚᱢ ᱠᱷᱚᱱ ᱦᱚᱲ ᱫᱚ ᱫᱟᱜ ᱦᱚᱨ ᱟᱨ ᱵᱟᱝ ᱩᱰᱟᱹᱱ ᱯᱩᱭᱞᱩ ᱫᱚ ᱢᱩᱢᱵᱟᱭ ᱨᱮ ᱠᱚ ᱥᱮᱴᱮᱨᱚᱜ ᱠᱟᱱᱟ, ᱚᱱᱟᱛᱮ ᱥᱤᱧᱚᱛ ᱨᱮᱱᱟᱜ ᱵᱚᱞᱚᱱ ᱫᱩᱣᱟᱹᱨ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾ ᱢᱩᱢᱵᱟᱭ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱮᱯᱟᱨ ᱛᱟᱞᱢᱟ ᱠᱟᱱᱟ ᱾ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱵᱮᱸᱠ ᱫᱚ ᱱᱚᱸᱰᱮ ᱜᱮ ᱢᱮᱱᱟᱜᱼᱟ, ᱚᱱᱟᱛᱮ ᱱᱚᱸᱰᱮ ᱫᱚ ᱠᱟᱹᱣᱰᱤ ᱠᱷᱟᱫᱟᱱ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱱᱟᱜᱟᱨ ᱨᱮ ᱥᱤᱱᱮᱢᱟ ᱵᱮᱱᱟᱶ ᱜᱟᱲ ᱦᱚᱸ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱵᱚᱞᱤᱣᱩᱰ ᱠᱚ ᱢᱮᱛᱟᱜ ᱠᱟᱱᱟ ᱾

ᱚᱛᱱᱚᱜ

ᱢᱩᱢᱵᱟᱭ ᱥᱚᱦᱚᱨ ᱫᱚ ᱥᱤᱧᱚᱛ ᱨᱮᱱᱟᱜ ᱯᱟᱪᱮ ᱥᱮᱦᱮᱫ ᱠᱚᱝᱠᱚᱬ ᱵᱷᱤᱲᱟᱹᱣ ᱩᱞᱞᱟᱥ ᱜᱟᱰᱟ ᱥᱟᱢᱟᱝ ᱨᱮ ᱢᱮᱱᱟᱜᱼᱟ ᱾ ᱱᱚᱸᱰᱮ ᱥᱮᱞᱥᱮᱴ ᱫᱤᱯᱚ ᱨᱮᱱᱟᱜ ᱛᱤᱢᱤᱱ ᱜᱟᱱ ᱦᱟᱹᱴᱤᱧ ᱢᱮᱱᱟᱜᱼᱟ ᱟᱨ ᱵᱟᱹᱠᱤ ᱫᱚ ᱴᱷᱟᱬᱮ ᱡᱤᱞᱞᱟᱹ ᱨᱮ ᱢᱮᱱᱟᱜᱼᱟ ᱾ ᱵᱟᱹᱲᱛᱤ ᱠᱟᱛᱮ ᱱᱚᱸᱰᱮ ᱱᱟᱜ ᱱᱟᱜᱟᱨ ᱫᱚ ᱥᱟᱹᱢᱩᱸᱫᱽ ᱛᱩᱲᱩᱝ ᱠᱷᱚᱱ ᱱᱟᱥᱮ ᱩᱥᱩᱞ ᱨᱮ ᱢᱮᱱᱟᱜ-ᱟ, ᱡᱟᱦᱟᱸ ᱨᱮᱱᱟᱜ ᱩᱥᱩᱞ ᱫᱚ ᱑᱐ ᱢᱤᱴᱚᱨ ᱠᱷᱚ ᱑᱕ ᱢᱤᱴᱚᱨ ᱾ ᱢᱩᱢᱵᱟᱭ ᱨᱮᱱᱟᱜ ᱠᱚᱧᱮ ᱥᱮᱦᱮᱫ ᱫᱚ ᱵᱩᱨᱩ ᱜᱮᱭᱟ, ᱡᱟᱦᱟᱸ ᱨᱮᱭᱟᱜ ᱡᱚᱛᱚ ᱠᱷᱚᱱ ᱰᱮᱦᱮᱨ ᱩᱥᱩᱞ ᱫᱚ ᱔᱕᱐ ᱢᱤᱴᱚᱨ ᱾ ᱱᱟᱜᱟᱨ ᱨᱮᱱᱟᱜ ᱚᱥᱟᱨᱵᱤᱥᱟᱹᱨ ᱫᱚ ᱖᱐᱓ ᱵᱚᱨᱜᱚ ᱠᱤᱞᱚᱢᱤᱴᱚᱨ ᱾ ᱥᱚᱧᱡᱚᱭ ᱜᱟᱱᱫᱷᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱱᱟᱜᱟᱨ ᱥᱩᱨ ᱨᱮᱜᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱱᱟᱜᱟᱨ ᱨᱮᱱᱟᱜ ᱛᱩᱨᱩᱭ ᱦᱟᱹᱴᱤᱧ ᱜᱟᱱ ᱞᱮᱠᱟ ᱟᱴᱮᱫ ᱟᱠᱟᱱᱟ ᱾ ᱱᱚᱶᱟ ᱵᱤᱨ ᱨᱮ ᱪᱷᱟᱯ ᱛᱟᱹᱨᱩᱵ ᱞᱮᱠᱟᱱ ᱡᱤᱭᱟᱹᱞᱤ ᱠᱚ ᱢᱮᱱᱟᱜ ᱠᱚᱣᱟ ᱾ ᱢᱮᱱᱠᱷᱟᱱ ᱦᱚᱲ ᱠᱚ ᱥᱟᱝᱜᱮ ᱤᱫᱤᱜ ᱠᱟᱱ ᱛᱮ ᱱᱩᱠᱩᱣᱟᱜ ᱮᱞ ᱦᱚᱸ ᱠᱚᱢ ᱤᱫᱤᱜ ᱠᱟᱱᱟ ᱾

ᱱᱟᱜᱟᱢ

ᱠᱚᱧᱮ ᱢᱩᱢᱵᱟᱭ ᱨᱮᱱᱟᱜ ᱠᱟᱱᱫᱤᱵᱚᱞᱤ ᱠᱷᱚᱱ ᱧᱟᱢ ᱟᱠᱟᱱ ᱥᱮᱭᱟᱥᱟᱨᱮᱡ ᱠᱷᱚᱱ ᱵᱟᱰᱟᱭᱚᱜᱼᱟ ᱵᱟᱝ ᱢᱟ ᱱᱚᱶᱟ ᱴᱷᱟᱶ ᱨᱮ ᱟᱹᱰᱤ ᱟᱭᱢᱟ ᱥᱮᱫᱟᱭ ᱠᱷᱚᱱ ᱦᱚᱲ ᱠᱚ ᱛᱟᱦᱮᱸ ᱟᱹᱜᱩᱣᱟᱠᱟᱱᱟ ᱾ ᱠᱷᱨᱤᱥᱴᱚ ᱯᱩᱨᱵᱚ ᱛᱮᱥᱟᱨ ᱥᱟᱭ ᱥᱮᱨᱢᱟ ᱨᱮ ᱱᱚᱶᱟ ᱢᱚᱣᱨᱡᱚ ᱥᱟᱢᱨᱟᱡᱽᱭᱚ ᱨᱮᱱᱟᱜ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ ᱟᱨ ᱱᱚᱸᱰᱮᱱᱤᱡ ᱥᱟᱥᱮᱛᱤᱭᱟᱹ ᱥᱚᱢᱨᱟᱴ ᱚᱥᱚᱠ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱙᱕ ᱥᱟᱞᱮ ᱨᱮ ᱵᱚᱢᱵᱮ ᱧᱩᱛᱩᱢ ᱫᱚ ᱟᱹᱨᱩ ᱠᱟᱛᱮ ᱢᱩᱢᱵᱟᱭ ᱠᱚ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾

ᱦᱚᱭᱫᱟᱜ

ᱢᱩᱢᱵᱟᱭ ᱫᱚ ᱟᱨᱚᱵᱽ ᱥᱟᱜᱚᱨ ᱥᱩᱨ ᱨᱮ ᱢᱮᱱᱟᱜ ᱠᱷᱟᱹᱛᱤᱨ ᱱᱚᱸᱰᱮ ᱫᱚ ᱵᱟᱨ ᱞᱮᱠᱟᱱ ᱨᱤᱛᱩ ᱵᱩᱨᱦᱟᱹᱣ ᱧᱟᱢᱚᱜᱼᱟ ᱾ ᱚᱱᱟ ᱫᱚ ᱨᱟᱵᱟᱝ ᱨᱤᱛᱩ ᱟᱨ ᱦᱮᱢᱟᱞ ᱨᱤᱛᱩ ᱾ ᱦᱮᱢᱟᱞ ᱫᱚ ᱢᱟᱨᱪ ᱪᱟᱸᱫᱚ ᱠᱷᱚᱱ ᱚᱠᱴᱚᱵᱚᱨ ᱦᱟᱹᱦᱤᱡ ᱵᱩᱡᱷᱟᱹᱣᱼᱟ ᱾ ᱡᱩᱱ ᱠᱷᱚᱱ ᱥᱮᱯᱴᱮᱢᱵᱚᱨ ᱫᱚ ᱫᱟᱜ ᱡᱟᱹᱲᱤ ᱛᱮ ᱱᱟᱜᱟᱨᱮ ᱞᱚᱦᱚᱫᱟ, ᱡᱟᱦᱟᱸ ᱤᱫᱤ ᱠᱟᱛᱮ ᱢᱩᱢᱵᱟᱭ ᱨᱮᱱᱟᱜ ᱥᱮᱨᱢᱟᱠᱤᱭᱟᱹ ᱫᱟᱜ ᱫᱚ ᱒᱒᱐᱐ ᱢᱤᱞᱤᱢᱤᱴᱚᱨ ᱾ ᱱᱤᱛᱚᱜ ᱦᱟᱹᱵᱤᱡ ᱧᱮᱞ ᱞᱮᱠᱷᱟᱱ ᱑᱙᱙᱕ ᱥᱟᱞᱮ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤᱭ ᱫᱟᱜ ᱞᱮᱜᱼᱟ, ᱡᱟᱦᱟᱸ ᱫᱚ ᱓᱔᱕᱒ ᱢᱤᱞᱤᱢᱤᱴᱚᱨ ᱾ ᱢᱩᱢᱵᱟᱭ ᱨᱮᱱᱟᱜ ᱡᱚᱛᱚ ᱠᱷᱚᱱ ᱰᱮᱦᱮᱨ ᱞᱚᱞᱥᱚᱝ ᱫᱚ ᱓᱘^o ᱥᱮᱞᱥᱤᱭᱚᱥ ᱾

ᱪᱤᱛᱟᱹᱨ

• 
  ᱢᱩᱢᱵᱟᱭ ᱩᱥᱩᱞ ᱱᱟᱭ ᱟᱠᱷᱲᱟ
• 
• 
  ᱢᱩᱢᱵᱟᱭ ᱥᱴᱚᱠ ᱮᱠᱥᱪᱮᱸᱡᱽ ᱮᱥᱤᱭᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱥᱴᱚᱠ ᱮᱠᱥᱪᱮᱸᱡᱽ
• 
  ᱵᱟᱸᱫᱽᱨᱟ-ᱵᱚᱨᱞᱤ ᱯᱚᱞ
• 
  ᱵᱨᱟᱵᱚᱬ ᱠᱷᱮᱞᱚᱸᱰ ᱰᱟᱹᱦᱤ

ᱯᱷᱮᱰᱟᱛ

• Official website of the Municipal Corporation of Greater Mumbai
• Official City Report Archived ᱒᱐᱐᱙-᱐᱓-᱑᱐ at the Wayback Machine.

ᱵᱟᱦᱨᱮ ᱡᱚᱱᱚᱲ

•  Chisholm, Hugh, ed. (1911). "Bombay City" . Encyclopædia Britannica (11th ed.). Cambridge University Press. {{cite encyclopedia}}: Cite has empty unknown parameters: |HIDE_PARAMETER13=, |HIDE_PARAMETER14c=, |HIDE_PARAMETER14ab=, |HIDE_PARAMETER3=, |HIDE_PARAMETER1=, |HIDE_PARAMETER4=, |HIDE_PARAMETER2=, |separator=, |HIDE_PARAMETER8=, |HIDE_PARAMETER14bb=, |HIDE_PARAMETER20=, |HIDE_PARAMETER5=, |HIDE_PARAMETER14b=, |HIDE_PARAMETER14cb=, |HIDE_PARAMETER14a=, |HIDE_PARAMETER10=, |HIDE_PARAMETER9=, |HIDE_PARAMETER15chapter=, |HIDE_PARAMETER6=, |HIDE_PARAMETER7=, |HIDE_PARAMETER11=, and |HIDE_PARAMETER12= (help)
• Official website of the Municipal Corporation of Greater Mumbai Archived ᱒᱘ ᱚᱠᱴᱚᱵᱚᱨ ᱒᱐᱑᱗ at the Wayback Machine.
• ᱢᱩᱢᱵᱟᱭ at Curlie
• ᱢᱩᱢᱵᱟᱭ ᱮᱱᱥᱟᱭᱠᱞᱳᱯᱤᱰᱤᱭᱟ ᱵᱨᱤᱴᱟᱱᱤᱠᱟ ᱨᱮ