ᱡᱚᱭᱯᱩᱨ

ᱡᱚᱭᱯᱩᱨ
ᱡᱚᱭᱯᱩᱨ; जयपुर
	ᱨᱟᱡᱽᱜᱟᱲ
	Clockwise from top: ᱡᱟᱞ ᱢᱚᱦᱚᱞ, ᱵᱤᱨᱵᱟᱞ ᱢᱚᱱᱫᱤᱨ, ᱡᱚᱭᱯᱩᱨ, ᱦᱟᱣᱟ ᱢᱚᱦᱚᱞ, ᱡᱚᱱᱛᱚᱨ ᱢᱚᱛᱚᱨ
	ᱮᱴᱟᱜ ᱧᱩᱛᱩᱢ: The pink city
ᱫᱤᱥᱟᱹᱢ	ᱥᱤᱧᱚᱛ
ᱯᱚᱱᱚᱛ	ᱨᱟᱡᱚᱥᱛᱷᱟᱱ
ᱡᱤᱞᱟᱹ	ᱡᱚᱭᱯᱩᱨ
Establishment	᱑᱗᱒᱗
ᱵᱩᱱᱤᱭᱟᱹᱫᱤᱭᱟᱹ	ᱡᱚᱭ ᱥᱤᱧ II
ᱧᱩᱢ ᱟᱠᱟᱱᱟ	ᱡᱚᱭ ᱥᱚᱧ II
ᱥᱚᱨᱠᱟᱨ
• ᱞᱮᱠᱟᱱ	Mayor-council
• Mayor	Visnu Laata
ᱮᱨᱤᱭᱟ
• ᱞᱮᱠᱷᱟᱜᱩᱴ	467 ᱠᱤᱢᱤ২ (180 ᱜᱟᱺᱴ ᱢᱟᱭᱤᱞ)
ᱮᱨᱤᱭᱟ ᱨᱮᱸᱠ	1st in Rajasthan
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(2011)
• ᱞᱮᱠᱷᱟᱜᱩᱴ	᱓,᱐᱔᱖,᱑᱘᱙
• ᱫᱷᱟᱹᱲ ᱮᱞ	10th India
• ᱰᱮᱱᱥᱤᱴᱤ	6500/ᱠᱤᱢᱤ2 (17000/ᱜᱟᱺᱴ ᱢᱟᱹᱭᱤᱞ)
Demonym(s)	ᱡᱚᱭᱯᱩᱨᱤᱛᱮ
ᱯᱟᱹᱨᱥᱤ
• ᱥᱚᱨᱠᱟᱨᱤ	ᱦᱤᱱᱫᱤ
• ᱮᱢᱟᱱ ᱛᱮᱭᱟᱜ	ᱨᱟᱡᱚᱥᱛᱷᱟᱱᱤ ᱯᱟᱹᱨᱥᱤ
	IST (UTC+05:30)
ᱯᱤᱱ ᱠᱳᱰ	3020xx
Area code(s)	+91-141
ᱜᱟᱹᱰᱤ ᱨᱤᱡᱤᱥᱴᱨᱤ	RJ-14 (Jaipur South) ; RJ-45 (Jaipur North) ; RJ-52 (Shahpura) ; RJ-41 (Chomu) ; RJ-47 (Dudu) ; RJ-32 (Kotputli)
ᱣᱮᱵᱽᱥᱟᱭᱤᱴ	jaipurmc.org

ᱡᱚᱭᱯᱩᱨ ᱱᱟᱜᱟᱨ ᱫᱚ ᱥᱤᱧᱚᱛ ᱨᱮᱱᱟᱜ ᱠᱚᱧᱮ-ᱯᱟᱪᱷᱮ ᱥᱮᱦᱮᱫ ᱨᱮ ᱢᱮᱱᱟᱜ-ᱟ ᱾ ᱱᱚᱶᱟ ᱫᱚ ᱨᱟᱡᱚᱥᱛᱷᱟᱱ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱒᱐᱑᱑ ᱥᱟᱞᱮ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱓᱑,᱐᱒,᱘᱐᱘ ᱦᱚᱲ ᱢᱮᱱᱟᱜ ᱠᱚᱣᱟ ᱾ ^[᱔]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱡᱽᱜᱟᱲ ᱱᱟᱶᱟ ᱫᱤᱞᱞᱤ ᱠᱷᱚᱱ ᱒᱖᱐ ᱠᱤᱞᱚᱢᱩᱴᱚᱨ ᱥᱟᱺᱜᱤᱧ ᱨᱮ ᱡᱚᱭᱯᱩᱨ ᱢᱮᱱᱟᱜ-ᱟ ᱟᱨ ᱟᱜᱽᱨᱟ ᱫᱚ ᱒᱔᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱱᱩᱠᱩ ᱯᱮᱭᱟ ᱴᱷᱟᱶ ᱡᱚᱲᱟᱣ ᱠᱟᱛᱮ ᱧᱮᱧᱮᱞᱤᱭᱟᱹ ᱠᱚ ᱞᱟᱹᱜᱤᱫ ᱱᱟᱯᱟ. ᱯᱮ ᱠᱚᱬ ᱠᱚ ᱵᱮᱱᱟᱣ ᱟᱠᱟᱫᱟ ᱾ ᱦᱤᱱᱫᱩ ᱵᱟᱥᱛᱩ ᱥᱟᱥᱛᱨᱚ ᱤᱫᱤ ᱠᱟᱛᱮ ᱱᱚᱶᱟ ᱱᱟᱜᱟᱨ ᱫᱚ ᱠᱚ ᱵᱮᱱᱟᱶ ᱟᱠᱟᱫᱟ ᱾ ᱡᱚᱭᱯᱩᱨ ᱵᱮᱱᱟᱶ ᱟᱠᱟᱛᱮ ᱥᱟᱭ ᱥᱮᱨᱢᱟ ᱯᱟᱨᱚᱢ ᱠᱟᱛᱮ ᱱᱚᱶᱟ ᱫᱚ ᱜᱩᱞᱟᱹᱯᱤ ᱱᱟᱜᱟᱨ ᱢᱮᱱᱛᱮ ᱧᱩᱢ ᱠᱚ ᱮᱢ ᱞᱮᱫᱟ ᱾ᱱᱚᱶᱟ ᱢᱟᱬᱟᱝ ᱨᱮ ᱫᱚ ᱡᱚᱭᱯᱩᱨ ᱢᱮᱱᱛᱮ ᱜᱮ ᱠᱚ ᱵᱟᱰᱟᱭᱟ ᱾ ᱩᱱ ᱚᱠᱛᱚ ᱫᱚ ᱱᱚᱶᱟ ᱱᱟᱜᱟᱨ ᱨᱮᱱᱟᱜ ᱨᱚᱝ ᱫᱚ ᱥᱟᱥᱟᱝ ᱟᱨ ᱯᱩᱸᱰ ᱛᱟᱦᱮᱸ ᱠᱟᱱᱟ ᱾ ᱥᱣᱟᱭᱨᱟᱢ ᱥᱤᱝ ᱟᱜ ᱥᱟᱥᱚᱱ ᱚᱠᱛᱚ ᱨᱮ ᱮᱭᱟ.ᱟᱱᱤᱡ ᱯᱨᱤᱱᱥ ᱮᱰᱣᱟᱨᱰ ᱟᱨ ᱨᱟᱹᱱᱤ ᱵᱷᱤᱠᱴᱚᱨᱤᱭᱟ ᱛᱤᱠᱤᱱ ᱥᱟᱹᱜᱩᱱ ᱫᱟᱨᱟᱢ ᱞᱟᱹᱜᱤᱫ ᱱᱚᱶᱟ ᱱᱟᱜᱟᱨ ᱫᱚ ᱱᱚᱝᱠᱟ ᱠᱚ ᱨᱚᱝ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱱᱟᱜᱟᱨ ᱫᱚ ᱑᱗᱒᱗ ᱥᱟᱞᱮ ᱨᱮ ᱫᱚᱥᱟᱨ ᱥᱣᱟᱭ ᱡᱚᱭᱥᱤᱝ ᱮ ᱛᱮᱭᱟᱨ ᱞᱮᱫ ᱠᱷᱟᱹᱛᱤᱱ ᱱᱚᱶᱟ ᱱᱟᱜᱟᱨ ᱨᱮᱱᱟᱜ ᱧᱛᱩᱢ ᱫᱚ ᱟᱡᱟᱜ ᱧᱩᱛᱩᱢ ᱞᱮᱠᱟᱛᱮ ᱠᱚ ᱫᱚᱦᱚ ᱠᱮᱫᱟ ᱾ ᱡᱟᱣ ᱥᱮᱨᱢᱟ ᱜᱮ ᱱᱚᱵᱷᱮᱢᱵᱚᱨ ᱑᱘ ᱢᱟᱹᱦᱤᱛ ᱫᱚ ᱡᱚᱭᱯᱩᱨ ᱱᱟᱜᱟᱨ ᱵᱮᱨᱮᱫ ᱢᱟᱦᱟᱸ ᱢᱮᱱᱛᱮ ᱟᱹᱰᱤ ᱡᱟᱠᱡᱚᱢᱚᱠ ᱠᱚ ᱢᱟᱱᱟᱶ ᱮᱫᱟ ᱾

ᱧᱮᱞᱡᱚᱝ ᱛᱷᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱱᱛᱚᱨ ᱢᱚᱱᱛᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱨᱮᱱᱟᱜ ᱢᱚᱬᱮ ᱜᱚᱴᱟᱝ ᱟᱥᱴᱨᱚᱱᱚᱢᱤᱠᱟᱞ ᱚᱯᱷ ᱡᱮᱵᱷᱮᱴᱚᱨᱤᱡᱽ ᱢᱩᱸᱫᱽ ᱠᱷᱚᱱ ᱡᱚᱭᱯᱩᱨ ᱨᱮᱱᱟᱜ ᱡᱚᱱᱛᱚᱨ ᱢᱚᱱᱛᱚᱨ ᱫᱚ ᱢᱟᱨᱟᱝ ᱜᱮᱭᱟ ᱾ ᱱᱚᱶᱟ ᱫᱚ ᱭᱩᱱᱮᱥᱠᱚ ᱨᱮᱱᱟᱜ ᱢᱤᱫ ᱪᱷᱟᱯ ᱢᱮᱱᱛᱮ ᱦᱚᱸ ᱢᱚᱱᱮᱜ-ᱟ ᱾

ᱥᱤᱴᱤ ᱯᱟᱞᱮᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱴᱤ ᱯᱟᱞᱮᱥ ᱫᱚ ᱢᱤᱫ ᱧᱩᱛᱩᱢᱟᱱᱟᱜ ᱧᱮᱞᱡᱚᱝᱟᱜ ᱠᱟᱱᱟ ᱾ ᱡᱟᱦᱟᱸ ᱫᱚ ᱱᱟᱜᱟᱨ ᱨᱮᱱᱟᱜ ᱛᱟᱞᱟ ᱨᱮ ᱢᱮᱣᱟᱜ-ᱟ ᱾ ᱱᱚᱶᱟ ᱚᱲᱟᱜ ᱵᱷᱤᱛᱤᱨ ᱨᱮ ᱨᱟᱡᱽᱯᱩᱛ ᱟᱨ ᱢᱚᱜᱚᱞ ᱚᱠᱛᱚ ᱨᱮᱱᱟᱜ ᱪᱷᱟᱯ ᱧᱮᱞ ᱧᱟᱢᱚᱜ-ᱟ ᱾ ᱥᱤᱴᱤ ᱯᱟᱞᱮᱥ ᱛᱟᱹᱨᱤ ᱨᱮ ᱨᱟᱹᱱᱤ ᱯᱟᱞᱮᱥ ᱦᱚᱸ ᱢᱮᱱᱟᱜ-ᱟ ᱾ ᱡᱟᱦᱟᱸ ᱨᱮ ᱨᱟᱡᱟ ᱦᱚᱯᱚᱱᱟᱜ ᱟᱹᱰᱤ ᱢᱟᱨᱮ ᱢᱟᱨᱮ ᱦᱟᱹᱛᱭᱟᱹᱨ ᱠᱚ ᱫᱚᱦᱚ ᱣᱟᱠᱟᱜ-ᱟ ᱾

ᱦᱟᱣᱟ ᱢᱚᱦᱚᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱟᱣᱟ ᱢᱚᱦᱚᱞ ᱫᱚ ᱟᱹᱰᱤ ᱧᱩᱛᱩᱢᱟᱱ ᱢᱚᱦᱚᱞ ᱠᱟᱱᱟ ᱾ ᱡᱟᱦᱟᱸ ᱫᱚ ᱡᱚᱭᱯᱩᱨ ᱨᱟᱡᱟ ᱥᱣᱟᱭ ᱯᱨᱚᱛᱟᱯ ᱥᱤᱝ ᱮ ᱛᱮᱟᱨ ᱞᱮᱫᱟ ᱑᱗᱙᱙ ᱥᱟᱞᱮ ᱨᱮ ᱾ ᱱᱚᱶᱟ ᱢᱚᱦᱚᱞ ᱫᱚ ᱢᱚᱬᱮ ᱢᱚᱦᱞᱟ ᱟᱱᱟᱜ ᱠᱟᱱᱟ, ᱡᱟᱦᱟᱸ ᱫᱚ ᱡᱚᱭᱯᱩᱨ ᱨᱮᱱᱟᱜ ᱡᱚᱦᱨᱤ ᱵᱟᱡᱟᱨ ᱥᱩᱨ ᱨᱮ ᱢᱮᱱᱟᱜ-ᱟ ᱾ ᱱᱚᱶᱟ ᱢᱚᱦᱚᱞ ᱫᱚ ᱜᱚᱞᱟᱯᱤ ᱟᱨ ᱟᱨᱟᱜ ᱨᱚᱝ ᱨᱮᱱᱟᱜ ᱵᱟᱹᱞᱤ ᱫᱷᱤᱨᱤ (sandstone) ᱛᱮ ᱛᱮᱭᱟᱨᱟᱠᱟᱱᱟ ᱾ ᱱᱚᱶᱟ ᱨᱮ ᱙᱕᱐ ᱠᱷᱚᱱ ᱵᱟᱹᱲᱛᱤ ᱡᱷᱩᱨᱠᱟ ᱢᱮᱱᱟᱜ-ᱟ ᱾ ᱱᱚᱶᱟ ᱢᱚᱦᱚᱞ ᱨᱮ ᱥᱚᱱᱟ ᱨᱩᱯᱟᱹ ᱞᱮᱠᱟᱱ ᱫᱟᱢᱟᱱ ᱡᱤᱱᱤᱥ ᱠᱚ ᱥᱟᱢᱴᱟᱣ ᱫᱚᱦᱚ ᱣᱟᱠᱟᱫᱟ ᱾

ᱜᱚᱵᱤᱱᱫᱚ ᱫᱮᱵᱽ ᱡᱤ ᱢᱩᱸᱫᱽᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱢᱩᱸᱫᱽᱨᱤ ᱫᱚ ᱦᱤᱱᱫᱩ ᱫᱷᱚᱨᱚᱢ ᱵᱚᱸᱜᱟ ᱥᱨᱤ ᱠᱨᱩᱥᱱᱚ ᱣᱟᱜ ᱠᱟᱱᱟ ᱾ ᱱᱚᱶᱟ ᱢᱩᱸᱫᱽᱨᱤ ᱫᱚ ᱡᱚᱭᱯᱩᱨ ᱨᱮᱱᱟᱜ ᱡᱚᱭᱚ ᱵᱟᱥᱟ ᱵᱟᱜᱟᱱ ᱨᱮ ᱢᱮᱱᱟᱜ-ᱟ ᱾ ᱱᱚᱶᱟ ᱫᱚ ᱡᱚᱭᱯᱩᱨ ᱨᱮᱱᱟᱜ ᱧᱩᱛᱩᱢᱟᱱ ᱢᱩᱸᱫᱽᱨᱤ ᱠᱷᱚᱱ ᱢᱤᱫ ᱾

ᱡᱚᱞ ᱢᱚᱦᱚᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱞ ᱢᱚᱦᱚᱞ ᱫᱚ ᱨᱟᱡᱚᱥᱛᱷᱟᱱ ᱨᱮᱱᱟᱜ ᱨᱟᱡᱽᱜᱟᱲ ᱡᱚᱭᱯᱩᱨ ᱨᱮᱱᱟᱜ ᱢᱟᱱᱚᱥᱟᱜᱚᱨ ᱛᱚᱢᱵᱟ ᱫᱟᱜ ᱛᱟᱞᱟᱨᱮ ᱢᱮᱱᱟᱜ-ᱟ ᱾ ᱟᱨᱟᱵᱚᱲᱤ ᱵᱩᱨᱩ ᱯᱷᱮᱰ ᱨᱮ ᱢᱮᱱᱟᱜ ᱱᱚᱶᱟ ᱢᱚᱜᱚᱞ ᱫᱚ ᱫᱟᱜ ᱛᱟᱞᱟ ᱨᱮ ᱜᱮ ᱢᱮᱱᱟᱜ-ᱟ, ᱚᱱᱛᱮ ᱱᱚᱶᱟ ᱜᱚ "ᱟᱭ ᱵᱚᱞ" ᱦᱚᱸ ᱠᱮ ᱢᱮᱛᱟᱜᱟᱜ-ᱟ ᱾ ᱟᱨ ᱱᱚᱶᱟ ᱫᱚ ᱨᱚᱢᱟᱱᱴᱤᱠ ᱢᱚᱦᱚᱞ ᱢᱮᱱᱛᱮᱦᱚᱸ ᱵᱟᱰᱟᱭᱚᱜ-ᱟ ᱾