ᱨᱟᱡᱽᱜᱟᱲ
ᱨᱟᱡᱽᱜᱟᱲ ᱥᱮ ᱨᱟᱡᱽᱜᱟᱲ ᱥᱚᱦᱚᱨ ᱢᱤᱫ ᱴᱟᱝ ᱫᱤᱥᱚᱢ, ᱯᱚᱱᱚᱛ ᱥᱮ ᱴᱚᱴᱷᱟ ᱨᱮᱱᱟᱜ ᱛᱟᱞᱢᱟ ᱥᱚᱦᱚᱨ (ᱱᱟᱝᱜᱽᱨᱟᱦᱟ), ᱡᱟᱦᱟᱸ ᱠᱷᱚᱱ ᱫᱤᱥᱚᱢ ᱨᱮᱱᱟᱜ ᱥᱚᱨᱠᱟᱨ ᱪᱟᱪᱞᱟᱣ ᱦᱩᱭᱼᱟ ᱾ ᱨᱟᱡᱽᱜᱟᱲ ᱥᱚᱦᱚᱨ ᱨᱮᱜᱮ ᱥᱚᱨᱠᱟᱨ ᱟᱜ ᱥᱟᱱᱟᱢ ᱞᱮᱠᱟᱱ ᱫᱩᱨᱩᱯᱼᱫᱩᱯᱩᱨᱩᱯ ᱜᱟᱞᱚᱪ ᱮᱢᱟᱱ ᱥᱟᱯᱲᱟᱣ ᱠᱚ ᱦᱩᱭ ᱵᱟᱰᱟᱜᱼᱟ ᱾
ᱨᱟᱡᱽᱜᱟᱲ ᱟᱹᱲᱟᱹ ᱨᱮᱱᱟᱜ ᱤᱝᱞᱤᱥ ᱠᱮᱯᱤᱴᱟᱞ ᱟᱹᱲᱟᱹ ᱫᱚ ᱞᱟᱴᱤᱱ ᱠᱮᱯᱤᱴ ᱠᱷᱚᱱ ᱦᱮᱡ ᱟᱠᱟᱱᱟ ᱡᱟᱦᱟᱸ ᱨᱮᱱᱟᱜ ᱢᱮᱱᱮᱫ ᱫᱚ "ᱢᱩᱬᱩᱛ" ᱾ ᱚᱱᱟ ᱵᱮᱜᱚᱨ ᱦᱚᱸ ᱤᱝᱞᱤᱥ ᱠᱮᱯᱤᱴᱟᱞ ᱟᱹᱲᱟᱹ ᱫᱚ ᱮᱴᱟᱜ ᱢᱮᱱᱮᱫ ᱨᱮ ᱵᱮᱵᱦᱟᱨᱚᱜ ᱜᱮᱭᱟ ᱾ ᱢᱮᱱᱠᱷᱟᱱ ᱥᱟᱱᱛᱟᱲᱤ ᱨᱮ ᱨᱟᱡᱽᱜᱟᱲ ᱢᱮᱱᱛᱮ ᱫᱚ ᱡᱟᱦᱟᱱ ᱫᱤᱥᱚᱢ ᱥᱮ ᱴᱚᱴᱷᱟ ᱨᱮᱱᱟᱜ ᱛᱟᱞᱢᱟ ᱥᱚᱦᱚᱨ ᱜᱮ ᱵᱩᱡᱷᱟᱹᱜᱼᱟ ᱾ ᱨᱟᱡᱽᱜᱟᱲ ᱦᱩᱭ ᱨᱮ ᱚᱱᱟ ᱥᱚᱦᱚᱨ ᱫᱤᱥᱚᱢ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱥᱚᱦᱚᱨ ᱵᱟᱝ ᱦᱩᱭ ᱨᱮᱦᱚᱸ ᱜᱟᱱᱚᱜ ᱜᱮᱭᱟ, ᱢᱮᱱᱠᱷᱟᱱ ᱫᱤᱥᱚᱢ ᱨᱮᱱᱟᱜ ᱥᱟᱱᱟᱢ ᱞᱮᱠᱟᱱ ᱪᱟᱪᱞᱟᱣᱤᱭᱟᱹ ᱠᱟᱹᱢᱤ ᱠᱚ ᱚᱱᱟ ᱥᱚᱦᱚᱨ ᱥᱟᱶ ᱡᱚᱯᱨᱟᱣ ᱛᱟᱦᱮᱱᱟ ᱾
ᱱᱟᱜᱟᱢᱤᱭᱟᱹ ᱞᱮᱠᱟᱛᱮ ᱢᱤᱫ ᱴᱟᱝ ᱫᱤᱥᱚᱢ ᱨᱮᱱᱟᱜ ᱢᱩᱬᱩᱛ ᱠᱟᱹᱣᱰᱤᱟᱹᱨᱤᱭᱟᱹ ᱥᱚᱦᱚᱨ ᱜᱮ ᱚᱱᱟ ᱫᱤᱥᱚᱢ ᱨᱮᱱᱟᱜ ᱨᱟᱡᱽᱜᱟᱲ ᱞᱮᱠᱟᱛᱮ ᱵᱟᱪᱷᱟᱣ ᱦᱩᱭᱩᱜᱼᱟ ᱟᱨ ᱫᱤᱥᱚᱢ ᱨᱮᱱᱟᱜ ᱥᱟᱱᱟᱢ ᱴᱚᱴᱷᱟ ᱜᱮ ᱚᱱᱟ ᱠᱟᱹᱣᱰᱤᱟᱹᱨᱤᱭᱟᱹ ᱞᱮᱠᱟᱛᱮ ᱯᱮᱨᱮᱪ ᱥᱚᱦᱚᱨ ᱪᱮᱛᱟᱱ ᱱᱤᱨᱵᱷᱚᱨ ᱛᱟᱦᱮᱱᱟ ᱾ ᱡᱮᱞᱮᱠᱟ, ᱢᱟᱬᱮ ᱵᱟᱜᱽᱫᱟᱫᱽ, ᱢᱟᱬᱮ ᱮᱛᱷᱮᱱᱥ ᱟᱨ ᱞᱚᱱᱰᱚᱱ ᱥᱚᱦᱚᱨ ᱠᱚ ᱩᱱᱫᱤᱱ ᱨᱮ ᱚᱱᱟ ᱫᱤᱥᱚᱢ ᱨᱮᱱᱟᱜ ᱠᱟᱹᱣᱰᱤᱟᱹᱨᱤ ᱛᱟᱞᱢᱟ ᱛᱟᱦᱮ ᱠᱟᱱᱟ ᱾ ᱚᱱᱟᱛᱮ ᱱᱚᱶᱟ ᱠᱚ ᱥᱚᱦᱚᱨ ᱨᱮᱜᱮ ᱥᱟᱱᱟᱢ ᱞᱮᱠᱟᱱ ᱪᱟᱪᱞᱟᱣᱤᱭᱟᱹ ᱠᱟᱹᱢᱤ ᱠᱚ ᱨᱮᱱᱟᱜ ᱛᱟᱞᱢᱟ ᱛᱟᱦᱮ ᱠᱟᱱᱟ ᱾