Jump to content

ᱥᱩᱨᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱥᱩᱨᱚᱛ
ᱥᱩᱨᱭᱟᱯᱩᱨ
ᱢᱮᱴᱨᱚᱯᱚᱞᱤᱥ
ᱪᱮᱛᱟᱱ ᱠᱷᱚᱱ : ᱥᱣᱟᱢᱤᱱᱟᱨᱟᱭᱟᱬ ᱢᱩᱫᱽᱨᱤ, ᱥᱩᱨᱚᱛ ᱵᱟᱡᱟᱨ ᱥᱠᱟᱭᱞᱟᱭᱤᱱ
ᱮᱴᱟᱜ ᱧᱩᱛᱩᱢ: ᱥᱤᱧᱚᱛ ᱨᱮᱱᱟᱜ ᱰᱟᱭᱢᱚᱸᱰ ᱥᱚᱦᱚᱨ
Coordinates: 21°10′12.864″N 72°49′51.819″E / 21.17024000°N 72.83106083°E / 21.17024000; 72.83106083Coordinates: 21°10′12.864″N 72°49′51.819″E / 21.17024000°N 72.83106083°E / 21.17024000; 72.83106083
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛᱜᱩᱡᱽᱨᱟᱴ
ᱦᱚᱱᱚᱛᱥᱩᱨᱚᱛ
ᱡᱚᱱ᱗
ᱥᱚᱨᱠᱟᱨ
 • ᱞᱮᱠᱟᱱᱢᱮᱭᱚᱨ ᱵᱟᱹᱭᱥᱤ
 • ᱪᱟᱪᱞᱟᱣ
 • ᱢᱮᱭᱚᱨᱰᱨᱹ ᱡᱚᱜᱽᱫᱤᱥ ᱯᱚᱴᱮᱞ (BJP)[᱑]
 • ᱢᱩᱱᱤᱥᱤᱯᱟᱞ ᱠᱚᱢᱤᱥᱚᱱᱚᱨᱢᱟᱱᱚᱛᱟᱱ ᱵᱟᱧᱪᱷᱟᱱᱤᱫᱷᱤ ᱯᱟᱱᱤ, IAS
 • ᱯᱳᱞᱤᱥ ᱠᱚᱢᱤᱥᱚᱱᱚᱨᱥᱚᱛᱤᱥ ᱥᱚᱨᱢᱟ[᱒]
ᱮᱨᱤᱭᱟ [᱓]
 • ᱢᱮᱴᱨᱚᱯᱚᱞᱤᱥ326.515 ᱠᱤᱢᱤ২ (126.068 ᱜᱟᱺᱴ ᱢᱟᱭᱤᱞ)
 • ᱱᱟᱜᱟᱨ326.600 ᱠᱤᱢᱤ২ (126.101 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(᱒᱐᱑᱑)[᱕]
 • ᱢᱮᱴᱨᱚᱯᱚᱞᱤᱥ᱔,᱔᱖᱗,᱗᱙᱗
 • ᱫᱷᱟᱹᱲ ᱮᱞ᱘ ᱟᱱᱟᱜ (ᱥᱤᱧᱚᱛ ᱨᱮ) ᱒ ᱟᱱᱟᱜ (ᱜᱩᱡᱽᱨᱟᱴ ᱯᱚᱱᱚᱛ ᱨᱮ)
 • ᱰᱮᱱᱥᱤᱴᱤ14000/ᱠᱤᱢᱤ2 (35000/ᱜᱟᱺᱴ ᱢᱟᱹᱭᱤᱞ)
 • ᱢᱟᱦᱟᱱᱟᱜᱟᱨ᱕,᱙᱓᱕,᱐᱐᱐[᱔]
 • ᱢᱮᱴᱨᱚ ᱨᱮᱸᱠ᱙ ᱟᱱᱟᱜ
 • Demonymᱥᱩᱨᱚᱛᱤ
IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ᱓᱙᱔ XXX, ᱓᱙᱕ XXX
ᱮᱨᱤᱭᱟ ᱠᱳᱰ(ᱠᱚ)᱙᱑-᱒᱑᱖-XXX-XXXX
ᱜᱟᱹᱰᱤ ᱨᱤᱡᱤᱥᱴᱨᱤGJ-05, GJ-19, GJ-28[᱖]
ᱡᱟᱱᱟᱝ ᱡᱟᱹᱱᱤ᱑.᱒᱗[᱗] ♂/♀
Coastline35 kilometres (22 mi)
ᱥᱮᱪᱮᱫ ᱫᱚᱨ᱘᱖.᱖᱕%[᱘]
ᱯᱟᱹᱨᱥᱤᱜᱩᱡᱽᱨᱟᱛᱤ
ᱣᱮᱵᱽᱥᱟᱭᱤᱴwww.suratmunicipal.gov.in

ᱥᱩᱨᱚᱛ ᱫᱚ ᱜᱩᱡᱽᱨᱟᱴ ᱯᱚᱱᱚᱛ ᱨᱮᱭᱟᱜ ᱢᱤᱫ ᱢᱟᱨᱟᱝ ᱵᱟᱡᱟᱨ ᱠᱟᱱᱟ ᱾ ᱱᱚᱣᱟ ᱵᱟᱡᱟᱨ ᱫᱚ ᱥᱩᱨᱚᱛ ᱦᱚᱱᱚᱛ ᱨᱮᱭᱟᱜ ᱯᱨᱚᱥᱟᱥᱚᱱᱤᱠ ᱢᱩᱠᱷᱤᱭᱟᱹᱥᱟᱲᱟ ᱠᱟᱱᱟ ᱾ ᱛᱟᱯᱤ ᱱᱟᱹᱭ ᱫᱚ ᱥᱩᱨᱚᱛ ᱵᱟᱡᱟᱨ ᱛᱟᱞᱟ ᱥᱮᱫ ᱛᱮ ᱞᱤᱸᱜᱤ ᱯᱟᱨᱚᱢ ᱟᱠᱟᱱᱟ ᱾ ᱥᱩᱨᱚᱛ ᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱞᱩᱜᱽᱲᱤ ᱵᱮᱱᱟᱣ ᱟᱨ ᱦᱤᱨᱟᱹ ᱠᱳᱴᱤᱝ ᱟᱨ ᱯᱚᱞᱤᱥᱤᱝ ᱞᱟᱹᱜᱤᱫ ᱵᱷᱟᱹᱜᱤ ᱩᱯᱨᱩᱢ ᱢᱮᱱᱟᱜᱼᱟ ᱾ ᱚᱱᱟ ᱠᱷᱟᱹᱛᱤᱨ ᱱᱚᱣᱟ ᱵᱟᱡᱟᱨ ᱫᱚ ᱥᱤᱞᱠ ᱥᱤᱴᱤ ᱟᱨᱵᱟᱝ ᱰᱟᱭᱢᱚᱰ ᱥᱤᱴᱤ ᱞᱮᱠᱟᱛᱮ ᱦᱚᱸ ᱵᱷᱟᱹᱜᱤ ᱩᱯᱨᱩᱢ ᱢᱮᱱᱟᱜᱼᱟ ᱾

ᱱᱟᱜᱟᱢ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱝᱠᱟ ᱦᱚᱸ ᱵᱩᱡᱷᱟᱹᱣ ᱢᱮᱱᱟᱜᱼᱟ ᱫᱚ ᱱᱤᱛᱚᱜᱟᱜ ᱥᱩᱨᱚᱛ ᱵᱟᱡᱟᱨ ᱫᱚ ᱜᱮᱢᱚᱬ ᱥᱚᱫᱤ ᱨᱮᱭᱟᱜ ᱢᱩᱪᱟᱹᱫ ᱥᱮᱨᱢᱟ ᱨᱮ ᱛᱷᱟᱯᱚᱱ ᱦᱩᱭ ᱟᱠᱟᱱᱟ ᱾ ᱢᱮᱱ ᱟᱠᱚ ᱫᱚ, ᱑᱕᱑᱖ ᱨᱮ ᱢᱤᱫ ᱦᱤᱱᱫᱩ ᱵᱟᱵᱽᱬᱮ ᱜᱳᱯᱤ ᱜᱮ ᱱᱚᱣᱟ ᱫᱚᱭ ᱵᱮᱱᱟᱣ ᱦᱚᱪᱚ ᱞᱮᱫ ᱛᱟᱦᱮᱸᱫ ᱾ ᱑᱒ ᱟᱱᱟᱜ ᱠᱷᱚᱱ ᱑᱕ ᱟᱱᱟᱜ ᱥᱚᱛᱟᱵᱽᱫᱷᱤ ᱫᱷᱟᱹᱵᱤᱡ ᱱᱚᱣᱟ ᱵᱟᱡᱟᱨ ᱫᱚ ᱢᱩᱥᱞᱤᱢ ᱥᱟᱥᱚᱱᱤᱭᱟᱹ, ᱯᱚᱨᱛᱩᱜᱟᱹᱞᱤᱭᱟᱹ, ᱢᱩᱜᱳᱞ ᱟᱨ ᱢᱚᱨᱟᱴᱷᱟ ᱠᱚᱣᱟᱜ ᱥᱮᱸᱫᱽᱨᱟᱭ ᱥᱟᱢᱟᱝ ᱠᱮᱫᱼᱟ ᱾ ᱑᱕᱑᱔ ᱨᱮ ᱯᱚᱨᱛᱩᱜᱟᱹᱞᱤᱭᱟᱹ ᱡᱟᱹᱛᱨᱤ ᱫᱩᱣᱟᱨᱛᱮ ᱵᱟᱨᱵᱚᱥᱮ ᱫᱚ ᱥᱩᱨᱚᱛ ᱫᱚ ᱢᱤᱫ ᱞᱟᱹᱠᱛᱤ ᱟᱱᱟᱜ ᱯᱚᱨᱴ ᱨᱩᱯ ᱨᱮᱭ ᱵᱤᱠᱱᱟᱹᱣ ᱞᱮᱫ ᱛᱟᱦᱮᱸᱱ ᱾ ᱑᱘ ᱟᱱᱟᱜ ᱥᱚᱛᱟᱵᱽᱫᱷᱤ ᱛᱮᱫᱚ ᱵᱟᱹᱭ ᱵᱟᱹᱭ ᱛᱮ ᱥᱩᱨᱚᱛ ᱫᱚ ᱢᱟᱞᱚᱴᱚᱜ ᱮᱛᱚᱦᱚᱵ ᱞᱮᱱ ᱛᱟᱦᱮᱸᱱ ᱾ ᱤᱱᱟᱹ ᱚᱠᱛᱚᱨᱮ ᱤᱝᱨᱮᱡᱽ ᱟᱨ ᱰᱚᱪ, ᱵᱟᱱᱟᱨ ᱜᱮ ᱥᱩᱨᱚᱛ ᱨᱮ ᱟᱱᱟᱠᱚᱴ ᱞᱟᱹᱜᱤᱫ ᱠᱤᱱ ᱴᱷᱟᱹᱣᱠᱟᱹ ᱠᱮᱫᱼᱟ ᱾ ᱤᱠᱷᱟᱹᱱ ᱑᱘᱐᱐ ᱨᱮ ᱤᱝᱨᱮᱡᱽ ᱠᱚᱣᱟᱜ ᱱᱚᱣᱟ ᱪᱮᱛᱟᱱ ᱨᱮ ᱚᱫᱷᱤᱠᱟᱨ ᱦᱩᱭ ᱞᱮᱱᱟ ᱾

ᱪᱟᱥᱵᱟᱥ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱩᱨ ᱥᱩᱯᱩᱨ ᱮᱞᱟᱠᱟ ᱨᱮ ᱪᱟᱥᱵᱟᱥ ᱦᱩᱭᱩᱜᱼᱟ ᱾ ᱠᱟᱥᱠᱚᱢ, ᱡᱷᱟᱸᱡᱽᱲᱟ, ᱫᱟᱹᱞ, ᱟᱨ ᱦᱳᱲᱳ ᱱᱚᱰᱮᱱᱟᱜ ᱢᱩᱠᱷᱤᱭᱟᱹ ᱟᱨᱡᱟᱣ ᱫᱚ ᱠᱟᱱᱟ ᱾ ᱥᱩᱨᱚᱛ ᱵᱟᱡᱟᱨ ᱨᱮᱜᱮ ᱯᱩᱜᱽᱲᱤ ᱵᱮᱱᱟᱣ ᱛᱟᱞᱢᱟ ᱦᱚᱸ ᱢᱮᱱᱟᱜᱼᱟ ᱾ ᱑᱙᱙᱐ ᱨᱮ ᱟᱺᱠ, ᱟᱺᱜᱩᱨ, ᱟᱨ ᱠᱟᱭᱨᱟ ᱞᱮᱠᱟᱱ ᱠᱤᱨᱥᱤ ᱨᱮᱭᱟᱜ ᱪᱟᱥᱵᱟᱥ ᱮᱛᱚᱦᱚᱵ ᱦᱩᱭ ᱟᱠᱟᱱᱟ ᱾

ᱵᱮᱯᱟᱨ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱚᱨᱛᱩᱜᱟᱹᱞᱤᱭᱟᱹ ᱦᱚᱛᱮᱛᱮ (᱑᱕᱑᱒ ᱟᱨ ᱑᱕᱓᱐) ᱥᱩᱨᱚᱛ ᱠᱚ ᱟᱛᱟᱨᱟᱫ ᱛᱟᱭᱚᱢ ᱱᱚᱣᱟ ᱫᱚ ᱢᱤᱫ ᱢᱟᱨᱟᱝ ᱟᱹᱠᱷᱨᱤᱧ ᱛᱟᱞᱢᱟ ᱵᱮᱱᱟᱣ ᱮᱱᱟ ᱾ ᱡᱟᱦᱟᱸ ᱠᱷᱚᱱ ᱫᱚ ᱞᱩᱜᱽᱲᱤ ᱟᱨ ᱥᱳᱱᱟ ᱪᱟᱞᱟᱱ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾ ᱞᱩᱜᱽᱲᱤ ᱟᱨ ᱡᱟᱦᱟᱡᱽ ᱵᱮᱱᱟᱣ ᱫᱚ ᱱᱚᱰᱮᱱᱟᱜ ᱢᱩᱠᱷᱤᱭᱟᱹ ᱩᱫᱽᱭᱚᱜᱽ ᱛᱟᱦᱮᱸ ᱠᱟᱱᱟ ᱾ ᱤᱝᱨᱮᱡᱽ ᱠᱚᱫᱚ ᱑᱖᱑᱒ ᱨᱮ ᱟᱠᱚᱣᱟᱜ ᱵᱮᱯᱟᱨᱮᱛ ᱴᱷᱟᱺᱭ ᱱᱚᱰᱮ ᱠᱚ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ ᱾ ᱱᱚᱰᱮᱱᱟᱜ ᱥᱩᱛᱟᱹᱢ, ᱞᱩᱢᱟᱹᱝ ᱞᱩᱛᱟᱹᱢ, ᱡᱩᱨᱤ ᱢᱮᱥᱟ ᱞᱩᱜᱽᱲᱤ ᱨᱮᱭᱟᱜ ᱦᱚᱨᱚᱜ ᱵᱟᱸᱫᱮ ᱟᱨ ᱥᱳᱱᱟ ᱟᱨ ᱨᱩᱯᱟᱹ ᱨᱮᱭᱟᱜ ᱡᱟᱭ ᱠᱚ ᱟᱹᱰᱤ ᱜᱮ ᱧᱩᱛᱩᱢ ᱟᱱᱟ ᱾ ᱥᱩᱨᱚᱛ ᱨᱮᱭᱟᱜ ᱦᱤᱨᱟᱹ ᱯᱟᱹᱞᱤᱥ ᱞᱟᱹᱜᱤᱫ ᱵᱟᱥᱟ ᱠᱟᱹᱢᱤ ᱢᱩᱞᱤᱭᱟᱹ ᱠᱚᱫᱚ ᱟᱹᱰᱤ ᱵᱟᱹᱲᱛᱤᱭ ᱢᱩᱦᱤᱛ ᱟᱠᱟᱫ ᱠᱚᱣᱟ ᱾ ᱱᱤᱛᱚᱜ ᱚᱠᱛᱚᱨᱮ ᱥᱩᱨᱚᱛ ᱵᱟᱡᱟᱨ ᱫᱚ ᱞᱩᱜᱽᱲᱤ ᱵᱮᱱᱟᱣ ᱨᱮ ᱯᱩᱭᱞᱩ ᱴᱷᱟᱶ ᱮ ᱟᱢᱮᱴ ᱟᱠᱟᱫᱼᱟ ᱾ ᱱᱚᱰᱮ ᱫᱚ ᱡᱚᱛᱚ ᱞᱮᱠᱟᱱ ᱦᱚᱨᱚᱜ ᱵᱟᱸᱫᱮ ᱥᱟᱹᱲᱤ, ᱫᱚᱛᱚ ᱯᱮᱸᱴ ᱢᱮᱴᱮᱨᱤᱭᱟᱞ ᱟᱨ ᱡᱚᱛᱚ ᱞᱮᱠᱟᱱ ᱵᱮᱱᱟᱣ ᱡᱩᱛ ᱞᱩᱜᱽᱲᱤ ᱨᱮᱭᱟᱜ ᱦᱚᱸ ᱟᱹᱰᱤ ᱵᱟᱹᱲᱛᱤ ᱵᱮᱱᱟᱣ ᱦᱩᱭᱩᱜ ᱠᱟᱱᱟ ᱾ ᱱᱚᱰᱮ ᱫᱚ ᱥᱤᱧᱚᱛ ᱨᱤᱱ ᱥᱩᱨ ᱥᱩᱯᱩᱨ ᱡᱚᱛᱚ ᱯᱚᱱᱚᱛ ᱨᱤᱱ ᱦᱚᱲ ᱜᱮ ᱵᱚᱥᱠᱚᱫ ᱠᱚ ᱛᱟᱦᱮᱸᱱ ᱠᱟᱱᱟ ᱾ ᱚᱱᱟ ᱠᱷᱟᱹᱛᱤᱨ ᱱᱚᱣᱟ ᱫᱚ "ᱦᱩᱰᱤᱧ ᱵᱷᱟᱨᱚᱛ" ᱧᱩᱛᱩᱢ ᱛᱮᱦᱚᱸ ᱟᱹᱰᱤ ᱵᱷᱟᱹᱜᱤ ᱩᱱᱩᱨᱩᱢ ᱢᱮᱱᱟᱜᱼᱟ ᱾

ᱦᱚᱲ ᱮᱞᱮᱞ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱩᱨᱚᱛ ᱨᱮ ᱫᱷᱚᱨᱚᱢ[᱙]
ᱦᱤᱱᱫᱩ ᱫᱷᱚᱨᱚᱢ
 
 ᱘᱕ᱹ᱓᱑%
ᱤᱥᱞᱟᱢ ᱫᱷᱚᱨᱚᱢ
 
 ᱑᱑ᱹ᱖᱓%
ᱡᱮᱭᱱ ᱫᱷᱚᱨᱚᱢ
 
 ᱒ᱹ᱓᱑%
ᱵᱩᱫᱫᱷᱚ ᱫᱷᱚᱨᱚᱢ
 
 ᱐ᱹ᱒᱘%
ᱤᱥᱟᱹᱭ ᱫᱷᱚᱨᱚᱢ
 
 ᱐ᱹ᱒᱕%
Others/not stated♦
 
 0.23%
♦Includes ᱥᱤᱠᱷ ᱫᱷᱚᱨᱚᱢ (0.10%).

ᱥᱤᱧᱚᱛ ᱨᱮ ᱒᱐᱑᱑ ᱥᱟᱞᱮ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱥᱩᱨᱚᱛ ᱵᱟᱡᱟᱨ ᱨᱤᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱔,᱔᱖᱒,᱐᱐᱒ ᱾ ᱥᱩᱨᱚᱛ ᱨᱮᱭᱟᱜ ᱮᱵᱷᱚᱨᱮᱡᱽ ᱥᱤᱠᱷᱱᱟᱹᱛ ᱫᱚᱨ ᱫᱚ ᱘᱙%, ᱠᱚᱲᱟ ᱦᱚᱯᱚᱱ ᱫᱚ ᱙᱓% ᱥᱤᱠᱷᱱᱟᱹᱛ ᱢᱮᱱᱟᱜ ᱠᱚ ᱵᱮᱲᱟᱨᱮ ᱠᱩᱲᱤ ᱦᱚᱯᱚᱱ ᱫᱚ ᱘᱔% ᱥᱤᱠᱷᱱᱟᱹᱛ ᱢᱮᱱᱟᱜ ᱠᱚᱣᱟ ᱾[᱙]

ᱥᱟᱱᱟᱜᱟᱲ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱘᱖᱐ ᱨᱮ ᱵᱮᱱᱟᱣ ᱟᱠᱟᱱ ᱥᱩᱨᱚᱛ ᱨᱮᱞᱣᱮ ᱥᱴᱮᱥᱚᱱ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱭᱟᱜ ᱯᱩᱪᱷᱤᱢ ᱨᱮᱞᱮᱣ ᱴᱚᱴᱷᱟ ᱨᱤᱱ ᱯᱨᱚᱥᱟᱥᱚᱱᱤᱠ ᱠᱚᱱᱴᱨᱚᱞ ᱨᱮ ᱛᱟᱦᱮᱸᱱᱟ ᱾ ᱒᱐᱑᱖ ᱨᱮᱭᱟᱜ ᱮᱛᱚᱦᱚᱵ ᱨᱮ, ᱥᱤᱧᱚᱛᱤᱭᱟᱹ ᱨᱮᱞᱣᱮ ᱠᱮᱴᱨᱤᱝ ᱟᱨ ᱴᱩᱨᱤᱡᱤᱢ ᱠᱚᱨᱯᱚᱨᱮᱥᱚᱱ ᱫᱚ ᱥᱟᱯᱷᱟ ᱥᱟᱹᱯᱷᱤ ᱞᱮᱠᱟᱛᱮ ᱥᱤᱧᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱴᱮᱥᱚᱱ ᱥᱩᱵᱤᱫᱷᱟ ᱨᱮᱭᱟᱜ ᱮ ᱜᱚᱱᱚᱝ ᱟᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. ↑ "Ashmita Shiroya is Surat's New Mayor". tv9gujarati. 12 February 2016. Archived from the original on 25 December 2015. Retrieved 15 December 2015.
  2. ↑ "પોલીસ કમિશનરશ્રીની કચેરી, સુરત". Archived from the original on 5 ᱢᱟᱨᱪ 2016. Retrieved 10 ᱯᱷᱮᱵᱽᱨᱩᱣᱟᱨᱤ 2016.
  3. ↑ "Statistics for Surat Municipal Corporation". Official website of Surat Municipal Corporation. Archived from the original on 15 September 2015. Retrieved 4 June 2015.
  4. ↑ "World urban areas" (PDF). Archived (PDF) from the original on 5 August 2011. Retrieved 21 April 2019.
  5. ↑ "District Census Handbook – Surat" (PDF). Census of India. p. 40. Archived (PDF) from the original on 13 November 2015. Retrieved 10 February 2016.
  6. ↑ "SURAT GETS ADDL GJ-5 & GJ-28 SERIES FOR VEHICLE REGISTRATION". dnaindia.com. Archived from the original on 14 May 2016. Retrieved 12 February 2016.
  7. ↑ "Distribution of Population, Decadal Growth Rate, Sex-Ratio and Population Density". 2011 census of India. Government of India. Archived from the original on 13 November 2011. Retrieved 12 February 2016.
  8. ↑ "Literacy Rates by Sext for State and District". 2011 census of India. Government of India. Archived from the original on 13 November 2011. Retrieved 25 June 2012.
  9. ↑ ᱙.᱐ ᱙.᱑ "Surat City Population Census 2011 – Gujarat". Archived from the original on 29 June 2015. Retrieved 27 July 2015.

ᱵᱟᱦᱨᱮ ᱡᱚᱱᱚᱲ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:ᱥᱩᱨᱚᱛ ᱴᱚᱯᱤᱠᱥ ᱪᱷᱟᱸᱪ:ᱥᱩᱨᱚᱛ ᱦᱚᱱᱚᱛ

"https://sat.wikipedia.org/w/index.php?title=ᱥᱩᱨᱚᱛ&oldid=158991" ᱠᱷᱚᱱ ᱧᱟᱢ ᱟᱹᱜᱩᱭ