ᱪᱚᱸᱫᱽᱨᱚᱯᱩᱨ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱪᱚᱸᱫᱽᱨᱚᱯᱩᱨ ᱦᱚᱱᱚᱛ
ᱢᱚᱦᱟᱨᱟᱥᱴᱨᱚ ᱨᱮᱭᱟᱜ ᱦᱚᱱᱚᱛ
ᱢᱚᱦᱟᱨᱟᱥᱴᱨᱚ ᱨᱮ ᱪᱚᱸᱫᱽᱨᱚᱯᱩᱨ ᱦᱚᱱᱚᱛ ᱨᱮᱭᱟᱜ ᱴᱷᱟᱶ
ᱢᱚᱦᱟᱨᱟᱥᱴᱨᱚ ᱨᱮ ᱪᱚᱸᱫᱽᱨᱚᱯᱩᱨ ᱦᱚᱱᱚᱛ ᱨᱮᱭᱟᱜ ᱴᱷᱟᱶ
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛ ᱢᱚᱦᱟᱨᱟᱥᱴᱨᱚ
ᱠᱷᱚᱸᱰ ᱱᱟᱜᱽᱯᱩᱨ
ᱢᱟᱹᱪᱤ ᱜᱚᱸᱫᱤᱭᱟ
ᱮᱨᱤᱭᱟ
 • ᱡᱚᱛᱚ ᱛᱮ 11443 ᱠᱤᱢᱤ (4418 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱑)
 • ᱡᱚᱛᱚ ᱛᱮ ᱒,᱒᱐᱔,᱓᱐᱗
 • ᱰᱮᱱᱥᱤᱴᱤ 190/ᱠᱤᱢᱤ2 (500/ᱜᱟᱺᱴ ᱢᱟᱹᱭᱤᱞ)
ᱦᱚᱲ ᱮᱞᱮᱞ
 • ᱥᱤᱠᱷᱱᱟᱹᱛ ᱥᱟᱭᱠᱚᱲᱟ
IST (ᱭᱩᱴᱤᱥᱤ+᱐᱕:᱓᱐)
ᱣᱮᱵᱽᱥᱟᱭᱤᱴ chanda.nic.in

ᱪᱚᱸᱫᱽᱨᱚᱯᱩᱨ ᱦᱚᱱᱚᱛ ᱫᱚ ᱯᱟᱪᱮ ᱥᱤᱧᱚᱛ ᱨᱮᱭᱟᱜ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱭᱟᱜ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟ ᱴᱷᱟᱺᱭ ᱫᱚ ᱪᱚᱸᱫᱽᱨᱚᱯᱩᱨ ᱠᱟᱱ ᱜᱮᱭᱟ ᱾ ᱱᱤᱭᱟᱹ ᱦᱚᱱᱚᱛ ᱱᱟᱜᱽᱯᱩᱨ ᱠᱷᱚᱸᱰ ᱨᱮᱭᱟᱜ ᱢᱤᱫ ᱦᱤᱸᱥ ᱠᱟᱱᱟ ᱾ ᱦᱤᱝᱱᱟᱝᱜᱷᱟᱴ ᱾ ᱚᱛᱼᱦᱟᱥᱟ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱞᱮᱠᱟ ᱛᱮ ᱑᱑, ᱔᱔᱓ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ ᱾ ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱱᱤᱭᱟᱹ ᱦᱚᱱᱚᱛ ᱨᱮ ᱒,᱒᱐᱓,᱓᱐᱗ ᱡᱚᱱᱟ ᱦᱚᱲ ᱠᱚ ᱛᱟᱸᱦᱮᱸ ᱠᱟᱱᱟ ᱾

᱑᱙᱘᱑ ᱥᱮᱨᱢᱟ ᱢᱟᱬᱟᱝ ᱪᱚᱸᱫᱽᱨᱚᱯᱩᱨ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱩᱛᱟᱹᱨ ᱦᱚᱱᱚᱛ ᱛᱟᱦᱮᱸ ᱠᱟᱱᱟ, ᱢᱮᱱ ᱠᱷᱟᱱ ᱜᱟᱰ ᱪᱤᱨᱚᱞᱚ ᱛᱟᱦᱥᱤᱞ ᱟᱨ ᱥᱤᱨᱚᱱᱪᱟ ᱛᱟᱦᱥᱤᱞ ᱜᱮᱫ ᱵᱮᱜᱟᱨ ᱠᱟᱛᱮ ᱡᱩᱫᱟᱹ ᱡᱩᱫᱟᱹ ᱦᱚᱱᱚᱛ ᱠᱚ ᱛᱮᱭᱟᱨ ᱠᱮᱫ ᱛᱮ ᱱᱤᱭᱟᱹ ᱥᱤᱧᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱦᱚᱱᱚᱛ ᱠᱷᱚᱱ ᱫᱚ ᱞᱟᱛᱟᱨ ᱮᱱᱟ ᱾

ᱪᱚᱸᱫᱽᱨᱚᱯᱩᱨ ᱦᱚᱱᱚᱛ ᱫᱚ ᱱᱚᱱᱰᱮᱱᱟᱜ ᱥᱩᱯᱟᱨ ᱛᱷᱟᱨᱢᱮᱞ ᱯᱟᱣᱟᱨ ᱥᱴᱮᱥᱚᱱ ᱟᱨ ᱣᱟᱨᱫᱷᱟ ᱵᱮᱰᱟ ᱨᱮᱭᱟᱜ ᱚᱥᱟᱨ ᱠᱚᱭᱞᱟ ᱠᱷᱟᱫᱟᱱ ᱨᱟᱠᱷᱟ ᱫᱚᱦᱚ ᱡᱟᱭᱜᱟ ᱵᱟᱠᱷᱨᱟ ᱛᱮ ᱱᱟᱢᱰᱟᱠ ᱜᱮᱭᱟ ᱾ ᱪᱚᱸᱫᱽᱨᱚᱯᱩᱨ ᱦᱚᱱᱚᱛ ᱨᱮ ᱟᱨᱦᱚᱸ ᱟᱹᱰᱤ ᱢᱟᱨᱟᱝ ᱪᱩᱱ ᱫᱷᱤᱨᱤ ᱨᱮᱭᱟᱜ ᱵᱷᱟᱱᱰᱟᱨ ᱢᱮᱱᱟᱜ ᱟᱠᱟᱫᱟ, ᱚᱠᱟ ᱫᱚ ᱥᱤᱢᱮᱱᱴ ᱵᱮᱱᱟᱣ ᱞᱟᱹᱫᱤᱜ ᱵᱮᱨᱮᱞ ᱡᱤᱱᱤᱥ ᱠᱟᱱ ᱾

ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱵᱟᱨᱼᱜᱮᱞᱼᱤᱨᱟᱹᱞ ᱜᱚᱴᱟᱝ ᱰᱮᱜᱽᱨᱟ ᱨᱟᱠᱷᱟ ᱫᱚᱦᱚ ᱡᱟᱭᱜᱟ ᱢᱩᱫᱽ ᱨᱮ ᱱᱚᱣᱟ ᱦᱚᱱᱚᱛ ᱨᱮ ᱦᱚᱸ ᱛᱟᱫᱚᱵᱟ ᱡᱟᱹᱛᱤᱭᱟᱹᱨᱤ ᱵᱟᱜᱽᱣᱟᱱ ᱢᱨᱱᱟᱜ ᱟᱠᱟᱫᱟ᱾ ᱒᱐᱑᱕ ᱥᱮᱨᱢᱟ ᱨᱮᱭᱟᱜ ᱰᱮᱜᱽᱮᱟ ᱞᱮᱠᱷᱟ ᱡᱚᱠᱷᱟ ᱨᱮ ᱢᱚᱦᱟᱨᱟᱥᱴᱨᱚ ᱨᱮᱱ ᱑᱗᱐ ᱜᱚᱴᱟᱝ ᱰᱮᱜᱽᱨᱟ ᱠᱚ ᱢᱩᱫᱽ ᱨᱮ ᱑᱒᱐ ᱜᱚᱴᱟᱝ ᱰᱮᱜᱽᱨᱟ ᱜᱮ ᱪᱚᱸᱫᱽᱨᱚᱯᱩᱨ ᱦᱚᱱᱚᱛ ᱨᱮ ᱢᱮᱱᱟᱜ ᱟᱠᱟᱫ ᱠᱚᱣᱟ ᱾

ᱠᱟᱹᱣᱰᱤ ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱲ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱪᱚᱸᱫᱽᱨᱚᱯᱩᱨ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱒,᱒᱐᱔,᱓᱐᱗ ᱡᱚᱱᱟ, ᱚᱠᱟ ᱫᱚ ᱜᱚᱴᱟ ᱢᱤᱨᱟᱥᱴᱨᱚ ᱨᱮᱭᱟᱜ ᱦᱚᱲ ᱞᱮᱠᱷᱟ ᱦᱤᱥᱟᱹᱵᱽ ᱛᱮ ᱑ᱹ᱙᱖% ᱦᱤᱸᱥ ᱠᱟᱱ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱨᱮ ᱑᱙᱓ ᱡᱚᱱᱟ ᱦᱚᱲ ᱠᱚ ᱜᱤᱨᱟᱹᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ᱾ ᱯᱟᱨᱚᱢᱮᱱ ᱜᱮᱼᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟᱹᱵᱤᱡ ᱱᱚᱣᱟ ᱣᱟᱨᱫᱟ ᱦᱚᱱᱚᱛ ᱨᱮᱭᱟᱜ ᱵᱟᱹᱰᱚᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱔.᱖᱓% ᱾ ᱪᱚᱸᱫᱽᱨᱚᱯᱩᱨ ᱦᱚᱱᱚᱛ ᱨᱮ ᱢᱤᱫ ᱜᱮᱼ ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱙᱖᱑ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱘᱐ᱹ᱐᱑% ᱾

ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ, ᱱᱤᱭᱟᱹ ᱦᱚᱱᱚᱛ ᱨᱮ ᱥᱟᱭ ᱠᱟᱲᱟ ᱘᱓ᱹ᱖᱓% ᱦᱤᱸᱥ ᱦᱚᱲ ᱜᱮ ᱢᱟᱨᱟᱴᱷᱤ ᱯᱥᱹᱨᱥᱤ ᱠᱚ ᱞᱟᱲᱪᱟᱲᱼᱮᱫ ᱠᱟᱱᱟ, ᱥᱟᱭ ᱠᱟᱲᱟ ᱘ᱹ᱖᱖% ᱦᱤᱸᱥ ᱦᱚᱲ ᱫᱚ ᱦᱤᱱᱫᱤ ᱯᱟᱹᱨᱥᱤ ᱠᱚ ᱞᱟᱲᱪᱟᱰᱼᱮᱫ ᱠᱟᱱᱟ, ᱥᱟᱭ ᱠᱟᱲᱟ ᱒.᱘᱕% ᱦᱤᱹᱥ ᱦᱚᱲ ᱫᱚ ᱛᱮᱞᱮᱜᱩ ᱯᱟᱹᱨᱥᱤ ᱠᱚ ᱞᱟᱲᱪᱟᱲᱼᱮᱫ ᱠᱟᱱᱟ, ᱥᱟᱭ ᱠᱟᱲᱟ ᱑.᱕᱙% ᱦᱤᱸᱥ ᱦᱚᱲ ᱜᱚᱱᱰᱤ ᱯᱟᱹᱨᱥᱤ ᱠᱚ ᱠᱟᱲᱟᱪᱟᱲᱼᱮᱫ ᱠᱟᱱᱟ,ᱥᱟᱭ ᱠᱟᱲᱟ ᱐.᱙᱘% ᱦᱤᱥ ᱦᱚᱲ ᱫᱚ ᱩᱲᱫᱩ ᱯᱟ.ᱨᱥᱤ ᱠᱚ ᱞᱟᱲᱪᱟᱲᱼᱮᱫ ᱠᱟᱱᱟ ᱟᱨ ᱥᱟᱨᱮᱡ ᱐ᱹ᱗᱘% ᱦᱤᱸᱥ ᱦᱚᱲ ᱫᱚ ᱵᱟᱝᱜᱽᱞᱟ ᱯᱟᱹᱨᱥᱤ ᱠᱚ ᱞᱟᱲᱪᱟᱲᱼᱮᱫ ᱠᱟᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]