ᱚᱢᱨᱟᱵᱚᱛᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱚᱢᱨᱟᱵᱚᱛᱤ
ᱥᱚᱦᱚᱨ
ᱚᱢᱨᱟᱵᱚᱛᱤ ᱨᱮᱞᱣᱮ ᱥᱴᱮᱥᱚᱱ
ᱚᱢᱨᱟᱵᱚᱛᱤ ᱨᱮᱞᱣᱮ ᱥᱴᱮᱥᱚᱱ
ᱮᱴᱟᱜ ᱧᱩᱛᱩᱢ: ᱚᱢᱨᱟᱵᱚᱛᱤ ᱠᱷᱚᱸᱰ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ
ᱚᱢᱨᱟᱵᱚᱛᱤ is located in India
ᱚᱢᱨᱟᱵᱚᱛᱤ
ᱚᱢᱨᱟᱵᱚᱛᱤ
Coordinates: 20°55′33″N 77°45′53″E / 20.92583°N 77.76472°E / 20.92583; 77.76472Coordinates: 20°55′33″N 77°45′53″E / 20.92583°N 77.76472°E / 20.92583; 77.76472
ᱫᱤᱥᱚᱢ  ᱥᱤᱧᱚᱛ
ᱯᱚᱱᱚᱛ ᱢᱚᱦᱟᱨᱟᱥᱴᱨᱚ
ᱦᱚᱱᱚᱛ ᱚᱢᱨᱟᱵᱚᱛᱤ
ᱥᱚᱨᱠᱟᱨ
 • ᱞᱮᱠᱟᱱ ᱱᱚᱜᱚᱨ ᱱᱤᱜᱟᱢ
 • ᱪᱟᱪᱞᱟᱣ ᱚᱢᱨᱟᱵᱚᱛᱤ ᱱᱚᱜᱚᱨ ᱱᱤᱜᱟᱢ
 • ᱱᱚᱜᱚᱨ ᱠᱚᱢᱤᱥᱚᱱᱟᱨ ᱯᱨᱚᱵᱷᱤᱱ ᱚᱥᱴᱤᱠᱟᱨ[᱑]
ᱮᱨᱤᱭᱟ
 • ᱞᱮᱠᱷᱟᱜᱩᱴ 183.5 ᱠᱤᱢᱤ (70.8 ᱜᱟᱺᱴ ᱢᱟᱭᱤᱞ)
ᱩᱥᱩᱞ 343 ᱢᱤᱴᱚᱨ (1125 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (2011)[᱒]
 • ᱞᱮᱠᱷᱟᱜᱩᱴ ᱖᱔᱖,᱘᱐᱑
 • ᱫᱷᱟᱹᱲ ᱮᱞ ᱥᱤᱧᱚᱛ: ᱗᱐ ᱟᱱᱟᱜ
ᱢᱚᱦᱟᱨᱟᱥᱴᱨᱚ: ᱘ ᱟᱱᱟᱜ
ᱵᱤᱫᱚᱨᱵᱷᱟ: ᱫᱚᱥᱟᱨ
 • ᱰᱮᱱᱥᱤᱴᱤ 3524/ᱠᱤᱢᱤ2 (9130/ᱜᱟᱺᱴ ᱢᱟᱹᱭᱤᱞ)
Demonym(s) ᱚᱢᱨᱟᱵᱚᱛᱤᱠᱟᱨ
ᱯᱟᱹᱨᱥᱤ
 • ᱟᱹᱢᱟᱹᱞᱮᱛ ᱢᱟᱨᱟᱴᱷᱤ
IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ ᱔᱔᱔ ᱖᱐᱑ - ᱔᱔᱔ ᱖᱐᱗, ᱔᱔᱔᱗᱐᱑, ᱔᱔᱔᱙᱐᱑
ᱴᱮᱞᱤᱯᱷᱚᱱ ᱠᱳᱰ +᱙᱑-᱗᱒᱑
ᱜᱟᱹᱰᱤ ᱨᱤᱡᱤᱥᱴᱨᱤ MH 27 (ᱯᱩᱨᱟᱹ ᱚᱢᱨᱟᱵᱚᱛᱤ ᱦᱚᱱᱚᱛ ᱞᱟᱹᱜᱤᱫ ᱛᱮ)
ᱱᱟᱜᱽᱯᱩᱨ ᱠᱷᱚᱱ ᱥᱟᱺᱜᱤᱧᱟ 152 kilometres (94 mi) (ᱚᱛ)
ᱢᱩᱢᱵᱟᱭ ᱠᱷᱚᱱ ᱥᱟᱺᱜᱤᱧᱟ 663 kilometres (412 mi) (ᱚᱛ)
ᱥᱮᱪᱮᱫ ᱫᱚᱨ ᱙᱓.᱐᱓%
HDI Medium[᱓]
ᱣᱮᱵᱽᱥᱟᱭᱤᱴ amravati.gov.in

ᱚᱢᱨᱟᱵᱚᱛᱤ ᱫᱚ ᱵᱤᱫᱚᱨᱵᱷ ᱴᱚᱴᱷᱟ ᱨᱮᱱᱟᱜ ᱫᱚᱥᱟᱨ ᱟᱹᱰᱤ ᱢᱟᱨᱟᱝ ᱥᱚᱦᱚᱨ ᱟᱨ ᱥᱤᱧᱚᱛ ᱨᱮᱱᱟᱜ ᱢᱚᱦᱟᱨᱟᱥᱴᱨᱚ ᱨᱮ ᱤᱨᱟᱹᱞᱟᱜ ᱟᱹᱰᱤ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱫᱚ ᱚᱢᱨᱟᱵᱚᱛᱤ ᱦᱚᱱᱚᱛ ᱟᱨ ᱚᱢᱨᱟᱵᱚᱛᱤ ᱠᱷᱚᱸᱰ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱡᱟᱦᱟᱸ ᱨᱮ ᱚᱠᱳᱞᱟ, ᱵᱩᱞᱰᱷᱟᱬᱟ, ᱣᱟᱥᱤᱢ ᱟᱨ ᱭᱚᱵᱚᱛᱢᱟᱞ ᱦᱚᱱᱚᱛ ᱥᱮᱞᱮᱫ ᱟᱠᱟᱱᱟ ᱾

ᱚᱢᱨᱟᱵᱚᱛᱤ ᱫᱚ ᱱᱟᱜᱽᱯᱩᱨ ᱛᱟᱭᱚᱢ ᱵᱤᱫᱚᱨᱵᱷ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱢᱩᱢᱵᱟᱭ ᱠᱷᱚᱱ ᱖᱖᱓ ᱠᱤᱞᱚᱢᱤᱴᱚᱨ (᱔᱑᱒ ᱢᱤᱞ) ᱥᱟᱢᱟᱝ ᱨᱮ ᱟᱨ ᱱᱟᱜᱽᱯᱩᱨ ᱠᱷᱚᱱ ᱑᱕᱒ ᱠᱤᱞᱚᱢᱤᱴᱚᱨ (᱙᱔ ᱢᱤᱞ) ᱯᱟᱪᱮ ᱨᱮ ᱢᱮᱱᱟᱜᱼᱟ ᱾

ᱦᱚᱲ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱟᱞ ᱨᱮ ᱚᱢᱨᱟᱵᱚᱛᱤ ᱥᱚᱦᱚᱨ ᱨᱤᱱ ᱦᱚᱲ ᱮᱞ ᱫᱚ ᱖᱔᱖,᱘᱐᱑ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ; ᱚᱸᱰᱮ ᱠᱷᱚᱱ ᱠᱚᱲᱟ ᱫᱚ ᱓᱓᱐,᱕᱔᱔ ᱢᱮᱱᱟᱜ ᱠᱚᱣᱟ ᱟᱨ ᱛᱤᱨᱞᱟᱹ ᱫᱚ ᱓᱑᱖,᱒᱕᱗ ᱢᱮᱱᱟᱜ ᱠᱚᱣᱟ ᱾ ᱚᱢᱨᱟᱵᱚᱛᱤ ᱥᱚᱦᱚᱨ ᱨᱮᱱᱟᱜ ᱡᱟᱱᱟᱝ ᱡᱟᱹᱱᱤ ᱫᱚ ᱙᱕᱗ ᱜᱚᱴᱟ ᱑᱐᱐᱐ ᱠᱚᱲᱟ ᱢᱮᱱᱟᱜ ᱠᱚᱣᱟ ᱾ ᱐-᱖ ᱵᱚᱪᱷᱚᱨ ᱩᱢᱚᱨ ᱥᱤᱢᱟᱹ ᱨᱮ ᱦᱚᱲ ᱮᱞ ᱫᱚ ᱖᱒,᱔᱙᱗ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱥᱮᱪᱮᱫ ᱫᱚᱨ ᱫᱚ (᱗ ᱵᱚᱪᱷᱚᱨ ᱠᱷᱚᱱ ᱰᱮᱦᱮᱨ ᱩᱢᱚᱨ ᱠᱚᱣᱟᱜ ᱦᱚᱲ ᱮᱞ) ᱙᱓.᱐᱓% ᱛᱟᱦᱮᱸ ᱠᱟᱱᱟ ᱾[᱒]

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱢᱨᱟᱵᱚᱛᱤ 20°56′N 77°45′E / 20.93°N 77.75°E / 20.93; 77.75 ᱨᱮ ᱢᱮᱱᱟᱜᱼᱟ ᱾[᱕] ᱱᱚᱣᱟ ᱨᱮᱱᱟᱜ ᱩᱥᱩᱞ ᱫᱚ ᱓᱔᱓ ᱢᱤᱴᱚᱨ (᱑᱑᱒᱕ ᱯᱷᱤᱴ) ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱱᱟᱜᱽᱯᱩᱨ ᱠᱷᱚᱱ ᱑᱕᱖ ᱠᱤᱞᱚᱢᱤᱴᱚᱨ (᱙᱗ ᱢᱤᱞ) ᱯᱟᱪᱮ ᱨᱮ ᱢᱮᱱᱟᱜᱼᱟ ᱟᱨ ᱚᱢᱨᱟᱵᱚᱛᱤ ᱦᱚᱱᱚᱛ ᱟᱨ ᱚᱢᱨᱟᱵᱚᱛᱤ ᱠᱷᱚᱸᱰ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱛᱟᱞᱢᱟ ᱞᱮᱠᱟᱛᱮ ᱠᱟᱹᱢᱤᱭᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱵᱩᱨᱩ ᱛᱟᱞᱟ ᱠᱷᱚᱱ ᱥᱮᱱᱚᱜᱟᱜ ᱰᱟᱦᱟᱨ ᱴᱷᱮᱱ ᱢᱮᱱᱟᱜᱼᱟ ᱾ ᱪᱤᱠᱷᱚᱞᱫᱚᱨᱟ ᱫᱚ ᱚᱢᱨᱟᱵᱚᱛᱤ ᱥᱚᱦᱚᱨ ᱠᱷᱚᱱ ᱘᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧᱟ ᱱᱚᱣᱟ ᱵᱤᱫᱚᱨᱵᱷ ᱴᱚᱴᱷᱟ ᱨᱮᱱᱟᱜ ᱢᱤᱫᱴᱟᱹᱝ ᱵᱩᱨᱩ ᱮᱞᱟᱠᱟ ᱢᱮᱱᱟᱜᱼᱟ ᱾ ᱥᱚᱦᱚᱨ ᱨᱮᱱᱟᱜ ᱚᱛ ᱴᱚᱴᱷᱟ ᱫᱚ ᱑᱘᱓.᱕ ᱜᱟᱺᱴ ᱠᱤᱞᱚᱢᱤᱴᱚᱨ (᱗᱐.᱘ ᱜᱟᱺᱴ ᱢᱤᱞ) ᱢᱮᱱᱟᱜᱼᱟ ᱾

ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱢᱨᱟᱵᱚᱛᱤ ᱨᱮ ᱫᱷᱚᱨᱚᱢ (᱒᱐᱑᱑)[᱖]

  ᱦᱤᱱᱫᱩ (62.69%)
  ᱤᱥᱞᱟᱢ (21.75%)
  ᱵᱩᱫᱫᱷᱚ (14.15%)
  ᱡᱮᱭᱱ (0.74%)
  ᱤᱥᱟᱹᱭ (0.34%)
  ᱥᱤᱠᱷ (0.13%)
  ᱮᱴᱟᱜᱟᱜ (0.04%)

ᱦᱮᱡ ᱥᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱲᱚᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱥᱚᱲᱚᱠ ᱥᱟᱜᱟᱲᱚᱢ ᱱᱤᱜᱟᱢ (MSRTC) ᱫᱚ ᱤᱱᱴᱟᱨᱥᱤᱴᱤ ᱟᱨ ᱤᱱᱴᱟᱨᱥᱴᱮᱴ ᱥᱮᱱᱚᱜ ᱞᱟᱹᱜᱤᱫ ᱛᱮ ᱥᱟᱜᱟᱲᱚᱢ ᱥᱮᱵᱟ ᱧᱟᱢᱚᱜᱼᱟ ᱾ ᱟᱹᱰᱤ ᱜᱟᱱ ᱯᱨᱟᱵᱷᱮᱴ ᱚᱯᱨᱮᱴᱟᱨ ᱦᱚᱸ ᱟᱹᱰᱤ ᱜᱟᱱ ᱥᱮᱱᱚᱜ ᱠᱚ ᱚᱢᱨᱟᱵᱚᱛᱤᱼᱯᱩᱱᱮ ᱟᱨ ᱚᱢᱨᱟᱵᱤᱛᱤᱼᱤᱱᱫᱚᱨ ᱰᱟᱦᱟᱨ ᱨᱮ ᱪᱟᱞᱟᱜᱼᱟ ᱾ ᱱᱟᱜᱽᱯᱩᱨ, ᱭᱚᱵᱚᱛᱢᱟᱞ, ᱵᱷᱚᱯᱟᱞ, ᱦᱚᱨᱫᱟ, ᱤᱱᱫᱚᱨ, ᱨᱟᱭᱯᱩᱨ, ᱡᱟᱵᱟᱞᱯᱩᱨ, ᱢᱩᱢᱵᱟᱭ, ᱯᱩᱱᱮ, ᱚᱠᱳᱞᱟ, ᱫᱷᱚᱨᱱᱤ, ᱱᱟᱱᱫᱮᱲ, ᱚᱣᱨᱚᱝᱜᱟᱵᱟᱫᱽ, ᱡᱟᱞᱱᱟ, ᱵᱩᱨᱦᱟᱱᱯᱩᱨ, ᱯᱚᱨᱵᱷᱚᱱᱤ, ᱥᱚᱞᱟᱯᱩᱨ, ᱠᱷᱚᱸᱰᱣᱟ, ᱜᱚᱸᱫᱤᱭᱟ, ᱥᱤᱨᱰᱤ, ᱦᱟᱭᱫᱽᱨᱟᱵᱟᱫᱽ, ᱯᱚᱨᱚᱛᱣᱟᱲᱟ (ᱚᱪᱚᱞᱯᱩᱨ) ᱞᱮᱠᱟᱱ ᱥᱚᱦᱚᱨ ᱠᱚ ᱞᱟᱹᱜᱤᱫ ᱛᱮ ᱵᱟᱥ ᱥᱮᱵᱟ ᱟᱨ ᱠᱚᱞᱦᱟᱯᱩᱨ ᱦᱚᱸ ᱢᱮᱱᱟᱜᱼᱟ ᱾

ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱖ (ᱢᱟᱨᱮ ᱱᱚᱢᱵᱚᱨ), ᱱᱚᱣᱟ ᱫᱚ ᱦᱚᱡᱤᱨᱟ (ᱥᱩᱨᱚᱛ) ᱠᱷᱚᱱ ᱠᱚᱞᱠᱟᱛᱟ ᱫᱷᱟᱹᱨᱤᱡ ᱥᱮᱱᱚᱜᱼᱟ, ᱚᱢᱨᱟᱵᱚᱛᱤ ᱞᱮᱠᱟᱛᱮ ᱥᱮᱱᱚᱜᱼᱟ ᱾

ᱨᱮᱞᱣᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱢᱨᱟᱵᱚᱛᱤ ᱨᱮ ᱯᱮᱭᱟ ᱨᱮᱞᱣᱮ ᱥᱴᱮᱥᱚᱱ ᱢᱮᱱᱟᱜᱼᱟ :

  • ᱥᱚᱦᱚᱨ ᱛᱟᱞᱟ ᱨᱮ ᱢᱮᱱᱟᱜ ᱚᱢᱨᱟᱵᱚᱛᱤ ᱨᱮᱞᱣᱮ ᱥᱴᱮᱥᱚᱱ ᱫᱚ ᱢᱤᱫ ᱴᱚᱨᱢᱤᱱᱟᱞ ᱠᱟᱱᱟ ᱾ ᱨᱮᱞᱣᱮ ᱞᱟᱭᱤᱱ ᱫᱚ ᱱᱚᱣᱟ ᱠᱷᱚᱱ ᱢᱟᱬᱟᱝ ᱵᱟᱭ ᱵᱟᱲᱦᱟᱣ ᱞᱮᱱᱟ ᱾ ᱚᱱᱟ ᱞᱟᱹᱜᱤᱫ ᱛᱮ, ᱱᱟᱜᱽᱯᱩᱨ ᱼᱤᱴᱟᱨᱥᱤ ᱢᱩᱬ ᱨᱮᱞᱣᱮ ᱞᱟᱭᱤᱱ ᱨᱮ ᱵᱚᱰᱱᱮᱨᱟ ᱡᱚᱸᱠᱥᱚᱱ ᱫᱚ ᱱᱚᱨᱠᱷᱮᱲ ᱠᱷᱚᱱ ᱡᱚᱲᱟᱣ ᱞᱟᱹᱜᱤᱫ ᱛᱮ ᱢᱤᱫ ᱱᱟᱣᱟ ᱨᱮᱞᱣᱮ ᱞᱟᱭᱤᱱ ᱵᱟᱹᱭᱥᱟᱹᱣ ᱠᱟᱛᱮ ᱫᱚ ᱥᱚᱦᱚᱨ ᱠᱷᱚᱱ ᱵᱟᱦᱨᱮ ᱨᱮ ᱢᱤᱫ ᱱᱟᱣᱟ ᱥᱴᱮᱥᱚᱱ ᱵᱮᱱᱟᱣ ᱞᱮᱱᱟ ᱛᱟᱦᱮᱸᱫ ᱾ ᱚᱢᱨᱟᱵᱚᱛᱤ ᱨᱮᱞᱣᱮ ᱥᱴᱮᱥᱚᱱ ᱫᱚ ᱛᱟᱞᱢᱟ ᱨᱮᱞᱣᱮ ᱞᱟᱭᱤᱱ ᱨᱮᱱᱟᱜ ᱦᱟᱵᱽᱲᱟ-ᱱᱟᱜᱽᱯᱩᱨᱼᱢᱩᱢᱵᱟᱭ ᱞᱟᱭᱤᱱ ᱨᱮᱱᱟᱜ ᱱᱟᱜᱽᱯᱩᱨ-ᱵᱷᱩᱥᱟᱵᱚᱞ ᱠᱷᱚᱸᱰ ᱨᱮ ᱵᱚᱰᱱᱮᱨᱟ ᱠᱷᱚᱱ ᱪᱟᱸᱜᱟ ᱞᱟᱭᱤᱱ ᱨᱮ ᱢᱮᱱᱟᱜᱼᱟ ᱾
  • ᱑᱐ ᱰᱤᱥᱮᱢᱵᱚᱨ ᱒᱐᱑᱑ ᱥᱟᱞ ᱱᱟᱣᱟ ᱚᱢᱨᱟᱵᱚᱛᱤ ᱨᱮᱞᱣᱮ ᱥᱴᱮᱥᱚᱱ ᱨᱮᱱᱟᱜ ᱵᱤᱞᱰᱤᱝ ᱡᱷᱤᱡ ᱥᱟᱹᱜᱩᱱ ᱮᱱᱟ ᱾ ᱚᱢᱨᱟᱵᱚᱛᱤ ᱨᱮᱞᱣᱮ ᱥᱴᱮᱥᱚᱱ ᱫᱚ ᱜᱚᱴᱟ ᱫᱤᱱ ᱵᱚᱰᱱᱮᱨᱟ ᱞᱟᱹᱜᱤᱫ ᱟᱹᱰᱤ ᱜᱟᱱ shuttle ᱥᱮᱵᱟ ᱧᱟᱢᱚᱜᱼᱟ ᱾
  • ᱵᱚᱰᱱᱮᱨᱟ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱫᱚ ᱚᱢᱨᱟᱵᱚᱛᱤ ᱨᱮ ᱵᱚᱰᱱᱮᱨᱟ ᱴᱚᱴᱷᱟ ᱨᱮ ᱠᱟᱹᱢᱤᱭᱟ ᱾ ᱱᱚᱣᱟ ᱦᱟᱵᱽᱲᱟᱼᱱᱟᱜᱽᱯᱩᱨᱼᱢᱩᱢᱵᱟᱭ ᱞᱟᱭᱤᱱ ᱨᱮ ᱢᱤᱫ ᱡᱚᱸᱠᱥᱚᱱ ᱥᱴᱮᱥᱚᱱ ᱢᱮᱱᱟᱜᱼᱟ ᱾ ᱱᱚᱨᱠᱷᱮᱲ ᱞᱟᱹᱜᱤᱫ ᱛᱮ ᱵᱨᱚᱰ ᱜᱮᱡᱽ ᱞᱟᱭᱤᱱ ᱢᱮᱱᱟᱜᱼᱟ ᱾

ᱩᱰᱟᱹᱱ ᱰᱟᱹᱦᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱨ.ᱯᱚᱸᱡᱟᱵᱽᱨᱟᱣ ᱫᱮᱥᱢᱩᱠᱷ ᱩᱰᱟᱹᱱ ᱰᱟᱹᱦᱤ ᱚᱢᱨᱟᱵᱚᱛᱤ, ᱵᱮᱞᱳᱨᱟ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱖ ᱠᱷᱚᱱ ᱣᱚᱵᱚᱛᱢᱟᱞ ᱥᱮᱫ ᱠᱷᱚᱱ ᱫᱚ ᱑᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱫᱚ ᱢᱚᱦᱟᱨᱟᱥᱴᱨᱚ ᱩᱰᱟᱹᱱ ᱰᱟᱹᱦᱤ ᱩᱛᱱᱟᱹᱣ ᱠᱚᱢᱯᱟᱹᱱᱤ (MADC) ᱦᱚᱛᱮᱛᱮ ᱪᱟᱪᱞᱟᱣ ᱠᱟᱱᱟ ᱾ ᱱᱚᱸᱰᱮ ᱦᱮᱞᱤᱯᱮᱰ ᱨᱮᱱᱟᱜ ᱵᱮᱵᱚᱥᱛᱟ ᱦᱚᱸ ᱢᱮᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Who's Who | Amravati District". amravati.gov.in. District Administration, Amravati. Retrieved 3 ᱥᱮᱯᱴᱮᱢᱵᱚᱨ 2018. 
  2. ᱒.᱐ ᱒.᱑ "Cities having population 1 lakh and above, Census 2011" (PDF). census.gov.in. Retrieved 30 ᱚᱠᱴᱚᱵᱚᱨ 2020. 
  3. "Economic Survey of Maharashtra 2014-15" (PDF). maharashtra.gov.in. Retrieved 27 ᱰᱤᱥᱮᱢᱵᱚᱨ 2020. 
  4. "Amravati District Collector Office". Amravati.nic.in. Archived from the original on 1 ᱰᱤᱥᱮᱢᱵᱚᱨ 2011. Retrieved 6 ᱰᱤᱥᱮᱢᱵᱚᱨ 2011.  Unknown parameter |url-status= ignored (help)
  5. "Falling Rain Genomics, Inc – Amravati". Fallingrain.com. Retrieved 7 ᱥᱮᱯᱴᱮᱢᱵᱚᱨ 2010. 
  6. "C-1 Population By Religious Community - Maharahstra". Census. Retrieved 29 ᱰᱤᱥᱮᱢᱵᱚᱨ 2019. 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]