ᱞᱳᱠᱥᱚᱵᱷᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱞᱳᱠᱥᱚᱵᱷᱟ ᱫᱚ ᱦᱩᱭᱩᱜ ᱠᱟᱱᱟ ᱥᱚᱝᱥᱚᱫᱽ ᱨᱮᱭᱟᱜ ᱞᱟᱛᱟᱨ ᱥᱚᱫᱚᱱ ᱥᱮ ᱞᱟᱛᱟᱨ ᱠᱟᱱᱫᱟᱦᱟ। ᱞᱳᱠᱥᱚᱵᱷᱟ ᱨᱮᱱ ᱥᱚᱦᱮᱫ ᱠᱚ ᱫᱚ ᱥᱤᱧᱚᱛᱤᱭᱟ. ᱫᱤᱥᱣᱟ. ᱦᱚᱛᱮ ᱛᱮ ᱠᱚ ᱵᱟᱪᱷᱱᱟᱣ ᱚᱪᱚᱜ-ᱟ। ᱥᱤᱧᱚᱛᱤᱭᱟ. ᱥᱚᱝᱵᱤᱫᱷᱟᱱ ᱞᱮᱠᱟᱛᱮ ᱞᱳᱠᱥᱚᱵᱷᱟ ᱨᱮ ᱵᱟ.ᱲᱛᱤ ᱕᱕᱒ ᱡᱚᱱᱟ ᱥᱚᱦᱮᱫ ᱠᱚ ᱛᱟ'ᱦᱮ ᱫᱟᱲᱮᱭᱟᱜ-ᱟ। ᱱᱩᱠᱩ ᱢᱩᱫᱽ ᱨᱮ ᱕᱓0 ᱡᱚᱱᱟ ᱫᱚ ᱥᱤᱧᱚᱛ ᱨᱮᱱᱟᱜ ᱯᱚᱱᱚᱛ ᱠᱚ ᱨᱮᱱ ᱵᱷᱚᱴᱟᱨ ᱦᱚᱛᱮ ᱛᱮ ᱟᱨ ᱒0 ᱡᱚᱱᱟ ᱫᱚ ᱛᱟᱞᱢᱟ ᱥᱟᱥᱚᱱ ᱴᱚᱴᱟ ᱨᱮᱱ ᱵᱷᱚᱴᱟᱨ ᱦᱚᱛᱮ ᱛᱮ ᱠᱚ ᱵᱟᱪᱱᱟᱣ ᱚᱪᱚᱜ-ᱟ, ᱟᱨ ᱵᱟᱨ ᱦᱚᱲ ᱫᱚ ᱥᱤᱧᱚᱛ ᱨᱮᱱ ᱫᱤᱥᱚᱢ ᱜᱚᱢᱠᱮᱭᱮ ᱵᱟᱪᱷᱟᱣ ᱠᱤᱱᱟ., ᱱᱩᱠᱤᱱ ᱵᱟᱱᱟᱦᱚᱲ ᱜᱮ ᱮᱝᱞᱚ - ᱤᱱᱰᱤᱭᱟᱱ ᱢᱩᱞ ᱨᱮᱱ ᱦᱩᱭᱩᱜ ᱡᱟ.ᱨᱩᱲᱟ। ᱢᱤᱢᱤᱫ ᱜᱚᱴᱮᱡ ᱞᱳᱠᱥᱚᱵᱷᱟ ᱥᱚᱦᱮᱫ ᱜᱮ ᱟᱠᱚᱣᱟᱜ ᱥᱚᱢᱚᱥᱴᱤ ᱠᱷᱚᱱ ᱠᱚ ᱵᱟᱪᱷᱟᱣ ᱚᱪᱚᱜ-ᱟ। ᱡᱚᱛᱚ ᱞᱳᱠᱥᱚᱵᱷᱟ ᱨᱮᱭᱟᱜ ᱠᱟ.ᱢᱤᱱᱟᱝ ᱜᱮ ᱢᱚᱬᱮ ᱥᱮᱨᱢᱟ ᱠᱟᱱᱟ। ᱱᱟᱦᱟᱜ ᱞᱳᱠᱥᱚᱵᱷᱟ ᱨᱮ ᱕᱔᱕ ᱡᱚᱱᱟ ᱥᱚᱦᱮᱫ ᱢᱮᱱᱟᱜ ᱠᱚᱣᱟ। ᱒0᱑᱙ ᱥᱮᱨᱢᱟ ᱦᱟ.ᱵᱤᱡ ᱥᱤᱧᱚᱛ ᱨᱮ ᱞᱮᱠᱷᱟ ᱜᱩᱴ ᱑᱖ ᱜᱚᱴᱟᱝ ᱞᱳᱠᱥᱚᱵᱷᱟ ᱵᱟᱱᱫᱷᱟᱣ ᱟᱠᱟᱱᱟ।

ᱞᱮᱠᱢᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱝᱵᱤᱫᱷᱟᱱ ᱨᱮᱭᱟᱜ ᱘᱓ ᱮᱞ ᱩᱱᱩᱫᱩᱜ ᱨᱮ ᱥᱚᱝᱥᱚᱫᱽ ᱨᱮᱱ ᱵᱟᱱᱟᱨ ᱠᱟᱱᱫᱷᱟ ᱨᱮᱱ ᱥᱚᱦᱮᱫ ᱦᱩᱭᱩᱜ ᱨᱮᱭᱟᱜ ᱞᱮᱠᱢᱟᱱ ᱠᱚ ᱥᱚᱫᱚᱨ ᱟᱠᱟᱱᱟ। ᱞᱳᱠᱥᱚᱵᱷᱟ ᱨᱮᱱ ᱥᱚᱦᱮᱫ ᱠᱚ ᱥᱤᱧᱛᱤᱭᱟ. ᱫᱤᱥᱣᱟ. ᱦᱩᱭᱩᱜ ᱡᱟ.ᱨᱩᱲᱟ - ᱚᱠᱚᱭ ᱟᱜ ᱩᱢᱮᱨ ᱒᱕ ᱥᱮᱨᱢᱟ ᱠᱷᱚᱱ ᱵᱟᱝ ᱠᱚᱢᱟ ᱟᱨ ᱥᱚᱝᱜᱮᱛᱮ ᱚᱠᱟ ᱞᱮᱠᱟᱱ ᱯᱷᱚᱣᱡᱟᱫᱟᱨᱤ ᱢᱟᱢᱞᱟ ᱨᱮ ᱵᱟ.ᱱᱩᱭ ᱾ ᱵᱮ-ᱱᱟᱜᱟᱨᱤᱭᱟ. , ᱟᱫᱟᱞᱚᱛ ᱦᱚᱛᱮ ᱛᱮ ᱵᱚᱦᱚᱜ ᱵᱟ.ᱲᱤᱡ ᱥᱮ ᱠᱚᱝᱠᱟ ᱥᱟ.ᱵᱤᱛ ᱦᱚᱲ ᱥᱮ ᱯᱚᱱᱚᱛ ᱟᱨ ᱛᱟᱞᱢᱟ ᱥᱚᱨᱠᱟᱨ ᱟᱜ ᱡᱟᱦᱟᱱ ᱯᱚᱲᱛᱟᱣᱟᱱᱟᱜ ᱦᱩᱫᱟ. ᱨᱮ ᱢᱮᱱᱟᱭ ᱦᱚᱲ ᱞᱳᱠᱥᱚᱵᱷᱟ ᱨᱮ ᱵᱟᱭ ᱛᱤᱝᱜᱩ ᱫᱟᱲᱮᱭᱟᱜ-ᱟ।