ᱢᱮᱜᱷᱟᱞᱚᱭ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱢᱮᱜᱷᱟᱞᱚᱭ
Meghalaya
ᱯᱚᱱᱚᱛ
ᱚᱯᱷᱤᱥᱤᱭᱟᱞ ᱢᱟᱨᱠᱷᱟ ᱢᱮᱜᱷᱟᱞᱚᱭ
ᱥᱤᱞ
ᱥᱤᱧᱚᱴ ᱨᱮ ᱢᱮᱜᱷᱟᱞᱚᱭ ᱨᱮᱱᱟᱜ ᱫᱚᱱᱚᱬᱚᱢ
ᱥᱤᱧᱚᱴ ᱨᱮ ᱢᱮᱜᱷᱟᱞᱚᱭ ᱨᱮᱱᱟᱜ ᱫᱚᱱᱚᱬᱚᱢ
ᱢᱮᱜᱷᱟᱞᱚᱭ ᱨᱮᱱᱟᱜ ᱱᱚᱠᱥᱟ
ᱢᱮᱜᱷᱟᱞᱚᱭ ᱨᱮᱱᱟᱜ ᱱᱚᱠᱥᱟ
Coordinates (ᱥᱤᱞᱚᱝ): 25°34′N 91°53′E / 25.57°N 91.88°E / 25.57; 91.88Coordinates: 25°34′N 91°53′E / 25.57°N 91.88°E / 25.57; 91.88
ᱫᱤᱥᱚᱢ  ᱥᱤᱧᱚᱛ
ᱛᱷᱟᱯᱚᱱ ᱒᱑ ᱡᱟᱱᱩᱣᱟᱨᱤ ᱑᱙᱗᱒
ᱨᱟᱡᱽᱜᱟᱲ ᱥᱤᱞᱚᱝ
ᱢᱟᱨᱟᱝ ᱱᱟᱜᱟᱨ ᱥᱤᱞᱚᱝ
ᱯᱚᱱᱚᱛ ᱮᱞ
ᱥᱚᱨᱠᱟᱨ
 • ᱨᱟᱡᱽᱯᱟᱞ ᱨᱚᱧᱡᱤᱛ ᱥᱮᱠᱷᱚᱨ ᱢᱩᱥᱟᱦᱟᱤ
 • ᱥᱤᱨᱟᱹ ᱢᱚᱱᱛᱨᱤ ᱢᱩᱠᱩᱞ ᱥᱟᱝᱜᱽᱢᱟ
 • ᱱᱟᱭᱯᱟᱲᱤᱠᱟ ᱢᱤᱫ ᱱᱟᱭᱯᱟᱲᱤᱠᱟ (᱖᱐ ᱢᱟᱹᱪᱤ)
 • ᱫᱚᱨᱵᱟᱨᱤᱭᱟᱹ ᱒ (ᱫᱤᱥᱚᱢ ᱫᱚᱨᱵᱟᱨ)
ᱮᱨᱤᱭᱟ
 • ᱞᱮᱠᱷᱟᱜᱩᱴ 22720 ᱠᱤᱢᱤ (8770 ᱜᱟᱺᱴ ᱢᱟᱭᱤᱞ)
ᱟᱨᱤᱭᱟ ᱨᱮᱸᱠ ᱒᱒
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱑)
 • ᱞᱮᱠᱷᱟᱜᱩᱴ ᱒᱙,᱖᱔,᱐᱐᱗
 • ᱫᱷᱟᱹᱲ ᱮᱞ ᱒᱒
 • ᱰᱮᱱᱥᱤᱴᱤ 130/ᱠᱤᱢᱤ2 (340/ᱜᱟᱺᱴ ᱢᱟᱹᱭᱤᱞ)
IST (UTC+᱐᱕:᱓᱐)
ISO 3166 code IN-ML
HDI increase᱐.᱘᱕᱘ (ᱛᱟᱞᱟᱢᱟᱞᱟ)
HDI ᱫᱷᱟᱹᱲ ᱮᱞ ᱑᱙ (᱒᱐᱐᱕)
ᱥᱮᱢᱮᱪᱮᱫ ᱗᱒ᱹ᱑%
ᱥᱚᱨᱠᱟᱨᱤ ᱯᱟᱹᱨᱥᱤ ᱠᱷᱟᱥᱤ, ᱱᱟᱨᱚ, ᱜᱟᱨᱚ, ᱦᱤᱱᱫᱤ
ᱣᱮᱵᱽᱥᱟᱭᱤᱴ meghalaya.nic.in

ᱢᱮᱜᱷᱟᱞᱚᱭ (ᱤᱝᱨᱟ.ᱡᱤ: Meghalaya, (ᱦᱤᱫᱽᱫᱤ: मेघालय) ᱫᱚ ᱦᱩᱭᱩᱜ ᱠᱟᱱᱟ ᱥᱤᱧᱩᱛ ᱫᱤᱥᱚᱢ ᱨᱮᱭᱟᱜ ᱥᱟᱢᱟᱝ - ᱠᱚ'ᱭᱮ' ᱴᱚᱴᱷᱟ ᱨᱮᱭᱟᱜ ᱢᱤᱫᱴᱮᱱ ᱯᱚᱱᱚᱛ। ᱥᱚᱝᱥᱠᱨᱤᱛ ᱯᱟ.ᱨᱥᱤ "ᱢᱮᱜᱷᱟᱞᱟᱭᱟ" ᱟ.ᱲᱟ. ᱢᱤᱨᱤᱞ ᱨᱮᱭᱟᱜ ᱵᱟᱠᱷᱟᱞ ᱠᱷᱚᱱ ᱦᱮᱡ ᱟᱠᱟᱱᱟ (Abode of Clouds)। ᱥᱟᱢᱟᱝ - ᱯᱟᱪᱷᱮ ᱛᱮ ᱟᱢᱫᱟᱡᱽ ᱓᱐᱐ ᱠᱤᱞᱚᱢᱤᱴᱟᱨ ᱡᱮᱞᱮᱧ ᱟᱨ ᱚᱥᱟᱨ ᱟᱢᱫᱟᱡᱽ ᱑᱐᱐ ᱠᱤᱞᱚᱢᱤᱴᱟᱨ ᱢᱮᱱᱟᱜ-ᱟ ।ᱢᱮᱜᱷᱟᱞᱚᱭ ᱨᱮᱭᱟᱜ ᱨᱟᱡᱽ ᱜᱟᱲ ᱫᱚ ᱥᱤᱞᱚᱝ ᱠᱟᱱᱟ ᱾ ᱱᱚᱱᱰᱮᱱᱟᱜ ᱢᱩᱴ ᱚᱛ ᱦᱟᱥᱟ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱫᱚ ᱒᱒,᱗᱒᱐ ᱪᱟ.ᱣᱠᱟ. ᱠᱤᱞᱚᱢᱤᱴᱟᱨ ᱠᱟᱱᱟ᱾ ᱢᱮᱜᱷᱟᱞᱚᱭ ᱨᱮᱱᱟᱜ ᱥᱮᱬᱟ ᱯᱟ.ᱨᱥᱤ ᱠᱚ ᱫᱚ ᱦᱩᱭᱩᱜ ᱠᱟᱱᱟ - ᱠᱷᱟᱥᱤ, ᱜᱟᱨᱚ ᱟᱨ ᱡᱚᱭᱮᱱᱛᱤᱭᱟ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱗᱒ ᱥᱮᱨᱢᱟ ᱨᱮᱭᱟᱜ ᱒᱑ ᱡᱟᱱᱩᱣᱟᱨᱤ ᱦᱤᱞᱚᱜ ᱩᱱ ᱚᱠᱛᱮ ᱟᱥᱟᱢ ᱨᱮᱭᱟᱜ ᱠᱷᱟᱥᱤ ᱦᱤᱞᱥ ᱟᱨ ᱡᱚᱭᱮᱱᱛᱤᱭᱟ ᱦᱤᱞᱥ ᱟᱨ ᱜᱟᱨᱚ ᱦᱤᱞᱥ ᱱᱚᱣᱟ ᱵᱟᱨᱭᱟ ᱡᱤᱞᱟ. ᱢᱤᱞᱟ.ᱣ ᱠᱟᱛᱮ ᱢᱮᱜᱷᱟᱞᱚᱭ ᱯᱚᱱᱚᱛ ᱵᱮᱱᱟᱣ ᱟᱠᱟᱱᱟ। ᱯᱩᱨᱟ ᱯᱚᱱᱚᱛ ᱨᱮᱭᱟᱜ ᱢᱟᱱᱚᱛ ᱧᱟᱢ ᱢᱟᱲᱟᱝ ᱑᱙᱗᱐ ᱥᱮᱨᱢᱟ ᱨᱮ ᱢᱮᱜᱷᱟᱞᱚᱭ ᱥᱣᱟᱭᱚᱛᱚ ᱥᱟᱥᱤᱛ ᱴᱚᱴᱷᱟ ᱛᱟᱦᱮ ᱠᱟᱱᱟ᱾

᱑᱙ ᱥᱟᱭᱱᱟᱜ ᱨᱮ ᱵᱨᱤᱴᱤᱥ ᱥᱟᱥᱚᱱ ᱛᱟᱵᱮ ᱨᱮ ᱦᱤᱡᱩᱜ ᱢᱟᱲᱟᱝ ᱜᱟᱨᱚ, ᱠᱷᱟᱥᱤ ᱟᱨ ᱡᱚᱭᱮᱱᱛᱤᱭᱟ ᱡᱟ.ᱛᱤ ᱠᱚᱣᱟᱜ ᱵᱮᱜᱟᱨ ᱵᱮᱜᱟᱨ ᱨᱟᱡᱚᱥᱴᱷᱤ ᱛᱟᱦᱮ ᱠᱟᱱᱟ। ᱑᱘᱓᱕ ᱥᱮᱨᱢᱟ ᱨᱮ ᱵᱨᱤᱴᱤᱥ ᱠᱚ ᱢᱮᱜᱷᱟᱞᱚᱭ ᱟᱥᱟᱢ ᱥᱚᱝᱜᱮ ᱠᱚ ᱢᱤᱞᱟ.ᱣ ᱞᱮᱫᱟ। ᱵᱨᱤᱴᱤᱥ ᱛᱟᱵᱮ ᱨᱮ ᱛᱟᱦᱮ ᱚᱠᱛᱮ ᱦᱚ ᱢᱮᱜᱷᱟᱞᱚᱭ ᱛᱟᱨᱟ- ᱯᱚᱱᱚᱛ ᱨᱮᱭᱟᱜ ᱢᱟᱱ ᱛᱟᱦᱮ ᱠᱟᱱᱟ।

᱑᱙᱐᱕ ᱥᱮᱨᱢᱟ ᱨᱮᱭᱟᱜ ᱑᱖ ᱚᱠᱴᱚᱵᱚᱨ ᱦᱤᱞᱚᱜ ᱞᱚᱨᱰ ᱠᱟᱨᱡᱚᱱ ᱛᱤᱱ ᱨᱮ ᱵᱚᱝᱜᱚ ᱵᱷᱚᱝᱜᱚ ᱞᱮᱫᱟ ᱠᱚ, ᱩᱱ ᱚᱠᱛᱮ ᱢᱮᱜᱷᱟᱞᱚᱭ ᱥᱟᱢᱟᱝ- ᱵᱟᱝᱞᱟ ᱟᱨ ᱟᱥᱟᱢ ᱯᱚᱱᱚᱛ (Eastern Bengal and Assam) ᱨᱮ ᱞᱮᱠᱷᱟ ᱢᱤᱫ ᱞᱮᱱᱟ। ᱑᱙᱑᱒ ᱥᱮᱨᱢᱟ ᱨᱮ ᱯᱚᱱᱚᱛ ᱨᱮᱱᱟᱜ ᱴᱚᱴᱷᱟ ᱠᱚ ᱟ.ᱨᱩ ᱯᱷᱮᱨᱟᱣ ᱞᱮᱱᱟ, ᱩᱱ ᱚᱠᱛᱮ ᱢᱮᱜᱷᱟᱞᱚᱭ ᱟᱥᱟᱢ ᱯᱚᱱᱚᱛ ᱨᱮ ᱞᱟᱜᱟ ᱢᱤᱫ ᱞᱮᱱᱟ।

᱑᱙᱔᱗ ᱥᱮᱨᱢᱟ ᱨᱮ ᱥᱤᱧᱩᱛ ᱯᱷᱩᱨᱜᱟ.ᱞ ᱦᱩᱭᱩᱜ ᱚᱠᱛᱮ ᱨᱮ, ᱱᱟᱦᱟᱜ ᱚᱠᱛᱮ ᱨᱮᱭᱟᱜ ᱢᱮᱜᱷᱟᱞᱚᱭ ᱟᱥᱟᱢ ᱨᱮᱭᱟᱜ ᱵᱟᱨᱭᱟ ᱡᱤᱞᱟ. ᱛᱟᱦᱮ ᱠᱟᱱᱟ। ᱩᱱ ᱚᱠᱛᱮ ᱟᱥᱟᱢ ᱵᱷᱤᱛᱨᱤ ᱨᱮ ᱛᱟᱨᱟ - ᱯᱚᱱᱚᱛ ᱨᱮᱭᱟᱜ ᱢᱟᱱᱚᱛᱮ ᱧᱟᱢ ᱞᱮᱫ ᱛᱟᱦᱮᱱᱟ। ᱑᱙᱗᱐ ᱥᱮᱨᱢᱟ ᱨᱮᱛᱟᱜ ᱒ ᱮᱯᱨᱤᱞ ᱦᱤᱞᱚᱜ ᱟᱥᱟᱢ ᱵᱷᱤᱛᱨᱤ ᱨᱮ ᱥᱣᱟᱭᱚᱛᱚ ᱥᱟᱥᱤᱛ ᱯᱚᱱᱚᱛ ᱢᱮᱱ ᱛᱮ ᱠᱚ ᱞᱟ.ᱭ ᱡᱟ.ᱦᱤᱨ ᱠᱮᱫᱟ ᱟᱨ ᱓᱗ ᱢᱟ.ᱪᱤ ᱭᱟᱱ ᱛᱮ ᱟᱠᱚ ᱞᱟ.ᱜᱤᱫ ᱵᱤᱫᱷᱟᱱ ᱥᱚᱵᱷᱟ ᱠᱚ ᱵᱮᱱᱟᱣ ᱞᱮᱫᱟ।

᱑᱙᱗᱑ ᱥᱮᱨᱢᱟ ᱨᱮ ᱥᱚᱝᱥᱚᱫᱽ ᱨᱮ "North-Eastern Areas (Reorganization) Act, 1971" ᱟᱭᱤᱱ ᱟᱝᱜᱚᱪ ᱮᱱᱟ । ᱚᱱᱟ ᱞᱮᱠᱟ ᱛᱮ ᱑᱙᱗᱒ ᱥᱮᱨᱢᱟ ᱨᱮᱱᱟᱜ ᱒᱑ ᱡᱟᱱᱩᱣᱟᱨᱤ ᱦᱤᱞᱚᱜ ᱢᱮᱜᱷᱟᱞᱚᱭ ᱯᱩᱨᱟ. ᱯᱚᱱᱚᱛ ᱢᱮᱬᱴᱱ ᱛᱮᱠᱚ ᱞᱟ.ᱭ ᱡᱟ.ᱦᱤᱨ ᱠᱮᱫᱟ ᱟᱨ ᱱᱤᱡᱟ.ᱨ ᱯᱚᱱᱚᱛ ᱠᱚ ᱵᱟᱱᱫᱷᱟᱣ ᱞᱮᱫᱟ ।

ᱚᱛᱱᱚᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱮᱜᱷᱟᱞᱚᱭ ᱫᱚ ᱢᱤᱫ ᱦᱩᱰᱤᱧ ᱯᱚᱱᱚᱛ ᱠᱟᱱᱟ᱾ ᱱᱚᱱᱰᱮ ᱫᱚ ᱯᱮᱭᱟ ᱢᱟᱨᱟᱝ ᱡᱚᱱᱚᱡᱟᱛᱤ ᱠᱚ ᱢᱮᱱᱟ ᱠᱚᱣᱟ ᱟᱨ ᱩᱱᱠᱚ ᱞᱟ.ᱜᱤᱫ ᱥᱣᱟᱭᱚᱛᱚ ᱥᱟᱥᱤᱛ ᱡᱤᱞᱟ. ᱯᱚᱨᱤᱥᱚᱫᱽ ᱢᱮᱱᱟᱜ-ᱟ᱾ ᱢᱮᱜᱷᱟᱞᱚᱭ ᱨᱮᱱᱟᱜ ᱥᱮᱨᱟᱝᱯᱳᱧᱡᱤ ᱴᱚᱨᱤᱥᱴ ᱠᱚ ᱟ.ᱰᱤ ᱱᱟᱢ ᱰᱟᱠ ᱜᱮᱭᱟ᱾ ᱨᱟᱡᱽᱜᱟᱲ ᱥᱤᱞᱚᱝ ᱫᱚ ᱦᱚᱲᱢᱚ ᱱᱟᱯᱟᱭ ᱛᱟᱦᱮᱱ ᱞᱟᱜᱤᱫ ᱟ.ᱰᱤ ᱵᱷᱟᱜᱮ ᱡᱟᱭᱜᱟ ᱠᱟᱱᱟ, ᱚᱱᱟ ᱛᱮ ᱵᱨᱤᱴᱤᱥ ᱠᱚ ᱱᱚᱣᱟ ᱡᱟᱭᱜᱟ ᱟ.ᱰᱤ ᱠᱞ ᱠᱩᱥᱤᱭᱟᱫ ᱛᱮ ᱯᱟ.ᱦᱤᱥ ᱟᱥᱟᱢ ᱨᱮᱱᱟᱜ ᱨᱟᱡᱽᱜᱟᱲ ᱠᱚ ᱵᱮᱱᱟᱣ ᱞᱮᱫᱟ᱾ ᱢᱮᱜᱷᱟᱞᱚᱭ ᱨᱮᱱᱟᱜ ᱢᱩᱴ ᱦᱟᱥᱟ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱫᱚ ᱒᱒,᱗᱒᱐ ᱪᱟ.ᱣᱠᱟ. ᱠᱤᱞᱚᱢᱤᱴᱟᱨ ᱠᱟᱱᱟ᱾ ᱢᱮᱜᱷᱟᱞᱚᱭ ᱨᱮᱱᱟᱜ ᱥᱟᱢᱟᱝ - ᱠᱚ'ᱭᱮ' ᱱᱟᱠᱷᱟ ᱨᱮᱫᱚ ᱟᱥᱟᱢ ᱯᱚᱱᱚᱛ, ᱯᱟᱪᱷᱮ ᱱᱟᱠᱷᱟ ᱨᱮᱫᱚ ᱪᱟᱪᱷᱮ ᱵᱮᱝᱜᱚᱞ , ᱮᱛᱚᱢ ᱱᱟᱠᱷᱟ ᱨᱮᱫᱚ ᱵᱟᱝᱞᱟᱫᱮᱥᱚᱢ ᱢᱮᱱᱟᱜ-ᱟ᱾

ᱯᱟ.ᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱷᱟ.ᱥᱤ ᱯᱟ.ᱨᱥᱤ ᱢᱮᱜᱷᱟᱞᱚᱭᱱᱨᱮᱭᱟᱜ ᱢᱟᱨᱟᱝ ᱯᱟ.ᱨᱥᱤᱠᱟᱱᱟ᱾ ᱯᱚᱱᱚᱛ ᱨᱮ ᱟᱢᱫᱟᱡᱽ ᱙᱐᱐,᱐᱐ ᱦᱚᱲ ᱠᱷᱟ.ᱥᱤ ᱯᱟ.ᱨᱥᱤ ᱛᱮᱠᱚ ᱨᱚᱲᱮᱫ ᱠᱟᱱᱟ᱾ ᱠᱷᱟ.ᱥᱤ ᱯᱥ.ᱨᱥᱤ ᱨᱮ ᱟᱭᱢᱟ ᱤᱱᱰᱳ-ᱟᱨᱡᱚ ᱟ.ᱲᱟ. ᱡᱮ ᱞᱮᱠᱟ - ᱱᱮᱯᱟᱞᱤ, ᱵᱟᱝᱞᱟ ᱟᱨ ᱟᱥᱟᱢᱤᱭᱟ ᱨᱮ ᱵᱚᱞᱚ ᱟᱠᱟᱵᱟ᱾ᱠᱷᱟ.ᱥᱤ ᱯᱟᱨᱥᱤ ᱨᱮᱱᱟᱜ ᱡᱟᱦᱟᱱ ᱞᱤᱯᱤ ᱵᱟᱱᱩᱜ-ᱟ᱾ ᱱᱤᱛᱚᱜ ᱵᱮᱵᱚᱦᱟᱨᱚᱜ ᱠᱟᱱ Mon–Khmer ᱯᱟ.ᱨᱥᱤ ᱢᱩᱫᱽ ᱨᱮ ᱠᱷᱟ.ᱥᱤ ᱦᱚ ᱢᱤᱫᱴᱮᱱ ᱯᱟ.ᱨᱥᱤ ᱠᱟᱱᱟ᱾

ᱜᱟᱨᱚ ᱯᱟ.ᱨᱥᱤ ᱠᱚᱪ ᱟᱨ ᱵᱚᱰᱚ ᱵᱟᱱᱟᱨ ᱯᱟ.ᱨᱥᱤ ᱛᱩᱞᱩᱡ ᱢᱤᱞᱟ.ᱣ ᱜᱮᱭᱟ᱾ ᱟᱭᱢᱟ ᱦᱚᱲ ᱜᱟᱨᱚ ᱯᱟ.ᱨᱥᱤ ᱨᱮ ᱟᱭᱢᱟ ᱦᱩᱰᱤᱧ ᱳᱟ.ᱨᱥᱤ (ᱡᱮ ᱞᱮᱠᱟ: Abeng ᱥᱮ Ambeng, Atong, Akawe (ᱥᱮ Awe), Matchi Dual, Chibok, Chisak Megam ᱥᱮ Lyngngam, Ruga, Gara-Ganching ᱟᱨ Matabeng ) ᱞᱮᱠᱟ ᱛᱮ ᱠᱚ ᱞᱟᱲ ᱪᱟᱲᱮᱫ ᱠᱟᱱᱟ᱾

ᱟᱨ ᱢᱤᱫᱴᱮᱱ ᱧᱩᱢ ᱛᱚᱨᱟᱭ ᱯᱟ.ᱨᱥᱤ ᱫᱚ ᱦᱩᱭᱭᱜ ᱠᱟᱱᱟ ᱡᱚᱭᱮᱱᱛᱤᱭᱟ ᱦᱤᱞᱥ ᱨᱮᱱ ᱦᱚᱲ ᱠᱚᱣᱟᱜ ᱯᱟ.ᱨᱥᱤ᱾ ᱱᱚᱣᱟ ᱯᱟ.ᱨᱥᱤ ᱫᱚ ᱠᱷᱟ.ᱥᱤ ᱯᱟ.ᱨᱥᱤ ᱛᱩᱞᱩᱡ ᱟ.ᱰᱤ ᱢᱤᱞᱟ.ᱣ ᱜᱮᱭᱟ᱾ Khynriam, Bhoi, Pnar ᱟᱨ War ᱡᱚᱱᱚᱡᱟ.ᱛᱤ ᱦᱚᱲ ᱠᱚᱦᱚ ᱡᱚᱭᱮᱱᱛᱤᱭᱟ.ᱯᱟ.ᱨᱥᱤ ᱥᱟᱶᱛᱮ ᱠᱷᱟ.ᱥᱤ ᱯᱟ.ᱨᱥᱤ ᱦᱚ'ᱠᱚ ᱵᱮᱵᱚᱦᱟᱨᱮᱫ ᱠᱟᱱᱟ᱾

ᱱᱤᱭᱟ. ᱪᱷᱟᱰᱟ ᱯᱚᱱᱚᱛ ᱨᱮᱭᱟᱜ ᱟᱭᱢᱟ ᱴᱚᱴᱷᱟ ᱨᱮ ᱱᱮᱯᱟᱞᱤ ᱯᱟ.ᱨᱥᱤ ᱦᱚ' ᱵᱮᱵᱚᱦᱟᱨᱚᱜ ᱠᱟᱱᱟ᱾