ᱢᱟᱱᱤᱯᱩᱨ

ᱢᱟᱱᱤᱯᱩᱨ ꯃꯅꯤꯄꯨꯔ
ᱯᱚᱱᱚᱛ
ᱚᱯᱷᱤᱥᱤᱭᱟᱞ ᱢᱟᱨᱠᱷᱟ ᱢᱟᱱᱤᱯᱩᱨ ᱥᱤᱞ
ᱥᱤᱧᱚᱛ ᱨᱮ ᱢᱚᱱᱤᱯᱩᱨ ᱨᱮᱭᱟᱜ ᱴᱷᱟᱶ
ᱢᱚᱱᱤᱯᱩᱨ ᱢᱟᱱᱪᱤᱛᱟᱹᱨ
Coordinates (ᱤᱢᱯᱷᱟᱞ): 24.817°N 93.95°E / 24.817; 93.95
ᱫᱤᱥᱚᱢ	ᱥᱤᱧᱚᱛ
ᱛᱷᱟᱯᱚᱱ	᱒᱑ ᱡᱟᱱᱶᱟᱨᱤ ᱑᱙᱗᱒
ᱨᱟᱡᱽᱜᱟᱲ	ᱤᱢᱯᱷᱟᱞ
ᱢᱟᱨᱟᱝ ᱱᱟᱜᱟᱨ	ᱤᱢᱯᱷᱟᱞ
ᱡᱤᱞᱟᱹ ᱮᱞ	᱙
ᱥᱚᱨᱠᱟᱨ
• ᱨᱟᱡᱽᱭᱚᱯᱟᱞ	ᱱᱚᱡᱽᱢᱟ ᱦᱮᱯᱛᱩᱞᱞᱟ
• ᱥᱤᱨᱟᱹ ᱢᱚᱱᱛᱨᱤ	ᱮᱱᱹ ᱵᱤᱨᱮᱱ ᱥᱤᱝ
• ᱱᱭᱟᱭ ᱯᱟᱞᱤᱠᱟ	ᱢᱤᱫ ᱱᱭᱟᱭ ᱯᱟᱞᱤᱠᱟ (᱖᱐ ᱟᱥᱚᱱ)
• ᱥᱟᱝᱥᱚᱫᱽ	᱒ (ᱞᱚᱠ ᱥᱚᱵᱷᱟ)
ᱮᱨᱤᱭᱟ
• ᱞᱮᱠᱷᱟᱜᱩᱴ	22347 ᱠᱤᱢᱤ২ (8628 ᱜᱟᱺᱴ ᱢᱟᱭᱤᱞ)
ᱮᱨᱤᱭᱟ ᱨᱮᱸᱠ	᱒᱓ ᱟᱱᱟᱜ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱒᱗,᱒᱑,᱗᱕᱖
• ᱫᱷᱟᱹᱲ ᱮᱞ	᱒᱓ ᱟᱱᱟᱜ
• ᱰᱮᱱᱥᱤᱴᱤ	120/ᱠᱤᱢᱤ2 (320/ᱜᱟᱺᱴ ᱢᱟᱹᱭᱤᱞ)
IST (ᱭᱩᱴᱤᱥᱤ+᱐᱕:᱓᱐)
ᱟᱭ.ᱮᱥ.ᱳ ᱓᱑᱖᱖ ᱠᱳᱰ	IN-MN
HDI	᱐.᱗᱐᱗ (ᱛᱟᱱᱟᱞᱟ)
HDI ᱛᱷᱟᱨ ᱮᱞ	᱕ᱭᱟᱜ (᱒᱐᱐᱕)
ᱥᱮᱪᱮᱫ ᱦᱟᱨ	᱗᱙.᱘᱕%
ᱥᱚᱨᱠᱟᱨᱤ ᱯᱟᱹᱨᱥᱤ	ᱢᱮᱭᱛᱮᱭ
ᱣᱮᱵᱽᱥᱟᱭᱤᱴ	Manipur Official Website

ᱢᱟᱱᱤᱯᱩᱨ ᱥᱮ ᱢᱚᱱᱤᱯᱩᱨ ᱫᱚ ᱥᱟᱢᱟᱝ ᱠᱚᱧᱮ ᱥᱤᱧᱚᱛ ᱨᱮᱱᱟᱜ ᱯᱚᱱᱚᱛ ᱠᱟᱱᱟ ᱾ ᱱᱚᱣᱟ ᱥᱤᱧᱚᱛ ᱨᱮᱭᱟᱜ ᱦᱩᱰᱤᱧ ᱯᱚᱱᱚᱛ ᱠᱚ ᱵᱷᱤᱛᱨᱤ ᱨᱮ ᱢᱤᱫᱴᱮᱱ ᱯᱚᱱᱚᱛ ᱠᱟᱱᱟ ᱾ ᱵᱤᱨ-ᱵᱩᱨᱩ ᱥᱤᱨᱡᱚᱱ ᱛᱮ ᱥᱟᱡᱟᱣ ᱟᱠᱟᱱ ᱢᱤᱫᱴᱟᱹᱝ ᱟᱹᱰᱤ ᱪᱚᱨᱚᱠ ᱴᱷᱟᱹᱭ ᱠᱟᱱᱟ ᱾

ᱱᱟᱜᱟᱢ

ᱯᱟᱹᱦᱤᱞ ᱢᱟᱱᱤᱯᱩᱨ ᱫᱚ ᱢᱤᱫᱴᱮᱱ ᱯᱷᱩᱨᱜᱟᱹᱞ ᱫᱤᱥᱚᱢ ᱛᱟᱦᱮ ᱠᱟᱱᱟ᱾ ᱵᱚᱨᱢᱩᱥ ᱠᱚ ᱟᱥᱟᱢ ᱟᱠᱨᱚᱢᱚᱱ ᱚᱠᱛᱮ ᱢᱟᱱᱤᱯᱩᱨ ᱦᱚᱠᱚ ᱫᱚᱠᱷᱚᱞ ᱛᱚᱨᱟ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱵᱨᱤᱴᱤᱥ ᱦᱚᱛᱮ ᱛᱮ ᱤᱭᱟᱱᱰᱟᱵᱩ ᱪᱩᱠᱛᱤ ᱛᱟᱞᱟ ᱛᱮ ᱢᱟᱱᱤᱯᱩᱨ ᱟᱨ ᱟᱥᱟᱢ ᱫᱚ ᱵᱨᱤᱴᱤᱥ ᱟᱜ ᱛᱟᱵᱮ ᱨᱮ ᱦᱮᱡ ᱮᱱᱟ᱾ ᱩᱱᱟᱹ ᱛᱟᱭᱯᱢ ᱥᱤᱧᱩᱛ ᱯᱷᱩᱨᱜᱟᱹᱞ ᱚᱠᱛᱮ ᱨᱟᱡᱽ ᱥᱟᱥᱚᱱ ᱯᱚᱱᱚᱛ ᱠᱚ ᱢᱚᱱᱮ ᱞᱮᱠᱷᱟᱱ ᱠᱚ ᱥᱤᱧᱩᱛ ᱟᱨ ᱵᱟᱝ ᱠᱷᱟᱱ ᱯᱟᱠᱤᱥᱛᱟᱱ ᱥᱟᱶ ᱠᱚ ᱛᱟᱦᱮ ᱫᱟᱲᱮᱭᱟᱜᱼᱟ ᱟᱨ ᱵᱟᱝ ᱠᱷᱟᱱ ᱟᱠᱚ ᱱᱤᱡᱽ ᱱᱤᱡᱽ ᱨᱟᱡᱚᱥᱴᱷᱤ ᱵᱮᱜᱟᱨ ᱜᱮ ᱠᱚ ᱫᱚᱦᱚ ᱫᱟᱲᱮᱭᱟᱜᱼᱟ᱾ ᱢᱟᱱᱤᱯᱩᱨ ᱦᱚ ᱯᱟᱹᱦᱤᱞ ᱫᱚ ᱵᱮᱜᱟᱨ ᱜᱮ ᱨᱟᱦᱮ ᱨᱮᱱᱟᱜᱼᱮ ᱨᱤᱠᱟᱹ ᱞᱮᱫᱟ᱾ ᱢᱮᱠᱷᱟᱱ ᱑᱙᱔᱘ ᱥᱮᱨᱢᱟ ᱨᱮ ᱵᱚᱨᱢᱤᱥ ᱠᱚᱣᱟ ᱟᱠᱨᱚᱢᱚᱱ ᱠᱷᱚᱱ ᱵᱟᱧᱪᱟᱣᱚᱭ ᱞᱟᱹᱜᱤᱫ ᱥᱤᱞᱚᱝ ᱦᱮᱡ ᱡᱟᱛᱮ ᱡᱩᱢᱤᱫ ᱥᱤᱧᱩᱛ ᱨᱮᱭᱟᱜ ᱟᱥᱟᱢ ᱯᱚᱱᱚᱛ ᱥᱟᱶᱮ ᱢᱮᱥᱟ ᱥᱟᱹᱨᱤᱭᱮᱱᱟ᱾ ᱤᱱᱟᱹ ᱛᱟᱭᱚᱢ ᱵᱷᱟᱨᱚᱛ ᱥᱚᱨᱠᱟᱨ ᱦᱚᱛᱮ ᱛᱮ ᱒᱑ ᱡᱟᱱᱩᱣᱟᱨᱤ ᱑᱙᱗᱒ ᱨᱮ ᱟᱥᱟᱢ ᱠᱷᱚᱱ ᱜᱮᱫ ᱵᱮᱜᱟᱨ ᱠᱟᱛᱮ ᱢᱤᱫ ᱱᱟᱣᱽ ᱯᱚᱱᱚᱛ ᱠᱚ ᱵᱮᱱᱟᱣ ᱠᱮᱫᱟ᱾ ᱢᱮᱱᱠᱷᱟᱱ ᱱᱤᱛ ᱦᱚ ᱟᱫᱚᱢ ᱦᱟᱰᱨᱟᱯᱤᱭᱟᱹ ᱠᱚ ᱫᱚ ᱢᱟᱱᱤᱯᱩᱨ ᱯᱷᱩᱨᱜᱟᱹᱞ ᱫᱤᱥᱚᱢ ᱵᱮᱱᱟᱣ ᱞᱟᱹᱜᱤᱫ ᱦᱟᱹᱛᱭᱟᱹᱨ ᱥᱟᱵ ᱟᱠᱟᱭ ᱜᱮ ᱢᱮᱱᱟᱜ ᱠᱚᱣᱟ᱾

ᱚᱛᱱᱚᱛ

ᱢᱟᱱᱤᱯᱩᱨ ᱦᱩᱰᱤᱧ ᱯᱚᱱᱚᱛ ᱠᱟᱱ ᱨᱮᱦᱚ ᱱᱚᱱᱰᱮ ᱢᱩᱴ ᱑᱖ (ᱜᱮᱞ ᱛᱩᱨᱩᱭ ᱚᱴᱟᱝ) ᱡᱤᱞᱟᱹ ᱢᱮᱱᱟᱜᱼᱟ᱾ ᱥᱟᱢᱟᱝ ᱱᱟᱡᱷᱽ ᱨᱮ ᱢᱭᱟᱱᱢᱟᱨ ᱫᱤᱥᱚᱢ,ᱯᱟᱪᱷᱮ ᱱᱟᱠᱷᱟ ᱨᱮ ᱟᱥᱟᱢ ᱯᱚᱱᱚᱛ, ᱮᱛᱚᱢ ᱱᱟᱠᱷᱟ ᱨᱮ ᱢᱩᱡᱚᱨᱟᱢ ᱯᱚᱱᱚᱛ ᱟᱨ ᱢ ᱭᱟᱱᱢᱟᱨ ᱫᱤᱥᱚᱢ ᱟᱨ ᱠᱚᱭᱮᱸ ᱱᱟᱠᱷᱟ ᱨᱮ ᱱᱟᱜᱟᱞᱮᱱᱰ ᱯᱚᱱᱚᱛ ᱢᱮᱱᱟᱜᱼᱟ᱾ ᱢᱟᱱᱤᱯᱩᱨ ᱨᱮᱱᱟᱜ ᱢᱩᱴ ᱚᱛ ᱦᱟᱥᱟ ᱞᱮᱠᱷᱟ ᱡᱚᱠᱷᱟ ᱫᱚ ᱒᱒,᱓᱒᱗ ᱪᱟᱹᱣᱠᱟᱹ ᱡᱤᱞᱚ ᱢᱤᱴᱟᱨ ᱠᱟᱱᱟ᱾

ᱦᱚᱲ ᱞᱮᱠᱷᱟ

ᱢᱟᱱᱤᱯᱩᱨ ᱢᱤᱫ ᱦᱩᱰᱤᱧ ᱯᱚᱱᱚᱛ ᱠᱟᱱᱟ᱾ ᱱᱚᱱᱰᱮ ᱱᱟᱜ ᱞᱮᱠᱷᱟ ᱮᱴᱟᱜ ᱯᱚᱱᱚᱛ ᱡᱚᱠᱷᱟ ᱛᱮ ᱠᱚᱱ ᱜᱮ.ᱟ᱾ ᱥᱤᱧᱩᱛ ᱨᱮᱭᱟᱜ ᱒᱐᱐᱑ ᱥᱮᱨᱢᱟ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱢᱟᱱᱤᱯᱩᱨ ᱮᱭᱟᱜ ᱢᱩᱴ ᱦᱚᱲ ᱞᱮᱠᱷᱟ ᱫᱚ ᱒,᱓᱘᱘,᱖᱓᱔ ᱡᱚᱱᱟ᱾

ᱯᱟᱹᱨᱥᱤ

ᱢᱟᱱᱤᱯᱩᱨ ᱨᱮᱱᱟᱜ ᱥᱮᱬᱟ ᱯᱟᱹᱨᱥᱤ ᱫᱚ ᱢᱮᱭᱛᱮᱭ ᱥᱮ ᱢᱟᱱᱤᱯᱩᱨᱤ ᱠᱟᱱᱟ᱾ ᱢᱟᱱᱤᱯᱩᱨ ᱨᱮ ᱟᱭᱢᱟ ᱞᱮᱠᱟᱱ ᱦᱩᱰᱤᱧ ᱯᱟᱹᱨᱥᱤ ᱨᱚᱨᱚᱲ ᱦᱚᱲ ᱢᱮᱱᱟᱜ ᱠᱚ ᱨᱮᱦᱚ ᱢᱮᱭᱛᱮᱭ ᱜᱮ ᱱᱤᱡᱽ ᱯᱟᱹᱨᱥᱤ ᱢᱮᱱ ᱛᱮ ᱠᱚ ᱟᱝᱜᱚᱪᱮᱫ ᱠᱟᱱᱟ᱾ ᱠᱟᱛᱷᱟ ᱦᱩᱭᱩᱜ ᱠᱟᱱᱟ ᱵᱨᱤᱴᱤᱥ ᱢᱟᱱᱤᱯᱩᱨ ᱟᱠᱚᱣᱟᱜ ᱜᱚᱵᱚᱞ ᱨᱮ ᱟᱹᱜᱩᱭ ᱢᱟᱲᱟᱝ ᱟᱭᱢᱟ ᱞᱮᱠᱟᱱᱟᱜ ᱯᱟᱹᱨᱥᱤ ᱠᱚ ᱨᱚᱲᱚᱜᱚᱜ ᱠᱟᱱ ᱛᱟᱦᱮᱱᱟ᱾ ᱛᱤᱱ ᱨᱮ ᱵᱨᱤᱴᱤᱥ ᱠᱚ ᱚᱱᱟ ᱴᱷᱟᱹᱭ ᱠᱚ ᱦᱟᱢᱮᱴ ᱠᱮᱫᱟ ᱛᱚᱵᱮ ᱠᱚᱨᱴ-ᱠᱟᱪᱟᱷᱟᱨᱤ ᱢᱮᱭᱛᱮᱭ ᱯᱟᱹᱨᱥᱤ ᱠᱚ ᱪᱟᱪᱚ-ᱪᱷᱟᱹᱭᱟᱹᱨ ᱡᱮᱫᱟ᱾ ᱪᱮᱫᱟᱜ ᱥᱮ ᱢᱟᱱᱤᱯᱩᱨ ᱨᱮ ᱡᱚᱛᱚ ᱵᱟᱹᱲᱛᱤ ᱨᱚᱜᱨᱚᱲ ᱠᱚᱫᱚ ᱢᱮᱭᱛᱮᱭ ᱛᱷᱚᱠ ᱨᱮᱱ ᱜᱮᱠᱚ ᱛᱟᱦᱮ ᱠᱟᱱᱟ᱾ ᱛᱟᱭᱚᱢ ᱛᱮ ᱵᱟᱹᱭ ᱵᱟᱹᱭ ᱛᱮ ᱢᱮᱭᱛᱮᱭ ᱢᱟᱹᱱᱤᱯᱩᱨ ᱨᱮᱱᱟᱜ ᱮᱴᱟᱜ ᱯᱟᱹᱨᱥᱤ ᱠᱚᱭ ᱮᱞᱟᱝ ᱚᱨᱥᱚᱝ ᱠᱮᱫᱟ᱾ ᱱᱤᱛ ᱢᱮᱭᱛᱮᱭ ᱥᱩᱢᱩᱝ ᱫᱚ ᱵᱤᱪᱠᱚᱢ ᱜᱚᱴᱟ ᱢᱟᱱᱤᱯᱩᱨ ᱨᱮᱭᱟᱜ ᱯᱚᱱᱚᱛᱩᱛᱟᱹ ᱯᱟᱹᱨᱥᱤ ᱞᱮᱠᱟ ᱛᱮ ᱵᱤᱠᱟᱹᱣ ᱥᱮ ᱡᱚᱛᱚ ᱛᱷᱚᱠ ᱨᱮᱱ ᱢᱟᱱᱟᱣ ᱵᱟᱛᱟᱣᱮᱫ ᱠᱟᱱᱟ᱾ ᱱᱤᱭᱟᱹ ᱪᱷᱟᱰᱟ ᱦᱚ ᱢᱟᱱᱤᱯᱩᱨ ᱨᱮ ᱟᱭᱢᱟ ᱦᱩᱰᱤᱧ ᱦᱩᱰᱤᱧ ᱯᱟᱹᱨᱥᱤ ᱠᱚ ᱢᱮᱱᱟᱜᱼᱟ ᱡᱮᱞᱮᱡᱟ : ᱠᱩᱠᱤ, ᱱᱟᱜᱟ ᱮᱢᱟᱱ᱾

ᱵᱟᱦᱨᱮ ᱡᱚᱱᱚᱲ

ᱥᱚᱨᱠᱟᱨ

• [http:// ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ]
• Official Tourism Site of Manipur

General information

• ᱢᱟᱱᱤᱯᱩᱨ ᱮᱱᱥᱟᱭᱠᱞᱳᱯᱤᱰᱤᱭᱟ ᱵᱨᱤᱴᱟᱱᱤᱠᱟ ᱨᱮ
• Manipur at Curlie
• Geographic data related to ᱢᱟᱱᱤᱯᱩᱨ at OpenStreetMap