ᱛᱨᱤᱯᱩᱨᱟ

ᱛᱨᱤᱯᱩᱨᱟ ত্রিপুরা Tripura
ᱯᱚᱱᱚᱛ
ᱥᱤᱞ
ᱥᱤᱧᱚᱛ ᱨᱮ ᱛᱨᱤᱯᱩᱨᱟ ᱨᱮᱭᱟᱜ ᱴᱷᱟᱶ
Coordinates (ᱚᱜᱚᱨᱛᱟᱞᱟ): 23.84°N 91.28°E / 23.84; 91.28
ᱫᱤᱥᱚᱢ	ᱵᱷᱟᱨᱚᱛ
ᱛᱷᱟᱯᱚᱱ	᱒᱑ ᱡᱟᱱᱩᱶᱟᱨᱤ ᱑᱙᱗᱒
ᱨᱟᱡᱽᱜᱟᱲ	ᱚᱜᱚᱨᱛᱟᱞᱟ
ᱢᱟᱨᱟᱝ ᱱᱟᱜᱟᱨ	ᱚᱜᱚᱨᱛᱟᱞᱟ
ᱡᱤᱞᱟᱹ ᱮᱞ	᱔
ᱥᱚᱨᱠᱟᱨ
• ᱨᱟᱡᱽᱭᱚᱯᱟᱞ	ᱰᱤ ᱵᱟᱭ ᱯᱟᱴᱤᱞ
• ᱥᱤᱨᱟᱹ ᱢᱚᱱᱛᱨᱤ	ᱢᱟᱱᱤᱠ ᱥᱚᱨᱠᱟᱨ
• ᱱᱭᱟᱭ ᱯᱟᱞᱤᱠᱟ	ᱢᱤᱫ ᱱᱭᱟᱭ ᱯᱟᱞᱤᱠᱟ (᱖᱐ ᱟᱥᱚᱱ)
ᱮᱨᱤᱭᱟ
• ᱞᱮᱠᱷᱟᱜᱩᱴ	10491.69 ᱠᱤᱢᱤ২ (4050.86 ᱜᱟᱺᱴ ᱢᱟᱭᱤᱞ)
ᱮᱨᱤᱭᱟ ᱨᱮᱸᱠ	᱒᱖ ᱟᱱᱟᱜ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱓᱖,᱗᱑,᱐᱓᱒
• ᱫᱷᱟᱹᱲ ᱮᱞ	᱒᱑ ᱟᱜ
• ᱰᱮᱱᱥᱤᱴᱤ	350/ᱠᱤᱢᱤ2 (910/ᱜᱟᱺᱴ ᱢᱟᱹᱭᱤᱞ)
IST (ᱭᱩᱴᱤᱥᱤ+᱐᱕:᱓᱐)
ᱟᱭ.ᱮᱥ.ᱳ ᱓᱑᱖᱖ ᱠᱳᱰ	IN-TR
HDI	᱐.᱖᱐᱘ (ᱛᱟᱱᱟᱞᱟ)
HDI ᱫᱷᱟᱹᱲ ᱮᱞ	᱒᱓ ᱭᱟᱜ (᱒᱐᱐᱕)
ᱥᱩᱦᱤ ᱦᱟᱨ	᱘᱗.᱗᱕%
ᱥᱚᱨᱠᱟᱨᱤ ᱯᱟᱹᱨᱥᱤ	ᱵᱟᱝᱞᱟ, ᱠᱚᱠᱚᱵᱚᱨᱚᱠᱚ
ᱣᱮᱵᱽᱥᱟᱭᱤᱴ	tripura.nic.in

ᱛᱨᱤᱯᱩᱨᱟ ᱫᱚ ᱥᱟᱢᱟᱝ - ᱠᱚᱧᱮ ᱥᱤᱧᱚᱛ ᱨᱮᱱᱟᱜ ᱢᱤᱫᱴᱟᱹᱝ ᱯᱚᱱᱚᱛ ᱠᱟᱱᱟ | ᱱᱚᱶᱟ ᱫᱚ ᱥᱤᱧᱚᱛ ᱨᱮᱭᱟᱜ ᱦᱩᱰᱤᱧ ᱯᱚᱱᱚᱛ ᱠᱚ ᱵᱷᱤᱛᱨᱤ ᱨᱮ ᱢᱤᱫᱴᱟᱹᱝ ᱠᱟᱱᱟ | ᱵᱤᱨ-ᱵᱩᱨᱩ ᱥᱤᱨᱡᱚᱱ ᱛᱮ ᱥᱟᱡᱟᱣ ᱟᱠᱟᱱ ᱢᱤᱫᱴᱟᱹᱝ ᱟ.ᱰᱤ ᱪᱚᱨᱚᱠ ᱴᱷᱟ.ᱶ ᱠᱟᱱᱟ | ᱛᱨᱤᱯᱩᱨᱟ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱟᱜᱚᱨᱛᱚᱞᱟ ᱠᱟᱱᱟ | ᱛᱨᱤᱯᱩᱨᱟ ᱫᱚ ᱡᱚᱱᱚᱡᱟᱛᱤ ᱜᱤᱨᱟ.ᱵᱟᱥ ᱢᱟᱨᱟᱝ ᱯᱚᱱᱚᱛ ᱟᱠᱟᱱᱟ | ᱢᱮᱱᱠᱷᱟᱱ ᱑᱙᱗᱑ ᱥᱮᱨᱢᱟ ᱨᱮ ᱵᱟᱝᱞᱟ ᱫᱤᱥᱚᱢ ᱯᱷᱩᱨᱜᱟ.ᱞ ᱮᱱ ᱛᱟᱭᱚᱢ, ᱵᱟᱝᱞᱟ ᱫᱤᱥᱚᱢ ᱠᱷᱚᱱ ᱟᱭᱢᱟ ᱵᱟᱦᱨᱮ ᱫᱤᱠᱩ ᱱᱚᱱᱰᱮ ᱠᱚ ᱦᱮᱡ ᱡᱟᱨᱣᱟᱭ ᱮᱱ ᱛᱮ ᱱᱚᱸᱰᱮᱱ ᱠᱚ ᱟᱫᱤᱢ ᱜᱤᱨᱟ.ᱵᱟᱥ ᱟᱠᱟᱱ ᱠᱚᱣᱟ ᱞᱮᱠᱷᱟ ᱫᱚ ᱠᱚᱢᱟᱣ ᱮᱱᱟ | ᱛᱨᱤᱯᱩᱨᱟ ᱨᱮᱱᱟᱜ ᱢᱩᱴ ᱚᱛ ᱦᱟᱥᱟ ᱞᱮᱠᱷᱟ ᱡᱚᱠᱷᱟ ᱫᱚ ᱑᱐,᱔᱙᱑ ᱪᱟ.ᱣᱠᱟ. ᱠᱤᱞᱚᱢᱤᱴᱟᱨ ᱠᱟᱱᱟ |ᱱᱚᱸᱰᱮ ᱱᱟᱜ ᱯᱚᱱᱚᱛ ᱯᱟ.ᱨᱥᱤ ᱫᱚ ᱵᱟᱝᱞᱟ ᱟᱨ ᱥᱚᱦᱚᱫ ᱫᱚ ᱠᱚᱠᱵᱨᱚᱠ ᱠᱟᱱᱟ |

ᱱᱟᱜᱟᱢ

ᱢᱚᱦᱟ ᱵᱷᱟᱨᱚᱛ ᱚᱠᱛᱚ ᱨᱮ ᱟᱥᱩᱨ ᱟᱜ ᱢᱟᱭᱟ ᱠᱟᱹᱨᱤᱜᱚᱞ ᱦᱚᱛᱮᱛᱮ ᱵᱮᱱᱟᱣ ᱞᱮᱱ ᱯᱮᱭᱟ ᱱᱟᱝᱜᱨᱟᱦᱟ ᱛᱨᱤᱯᱩᱨᱟ ᱢᱮᱱ ᱛᱮ ᱥᱚᱫᱚᱨ ᱟᱠᱟᱱᱟ । ᱟᱥᱳᱠ ᱨᱟᱡᱟ ᱨᱟᱡᱚᱜ ᱚᱠᱛᱮ ᱯᱩᱨᱟᱱᱟ ᱟᱨ ᱠᱷᱟᱢ ᱠᱷᱩᱱᱴᱤ ᱠᱚ ᱨᱮ ᱛᱨᱤᱯᱩᱨᱟ ᱧᱩᱛᱩᱢ ᱠᱷᱚᱫᱟᱣ ᱟᱠᱟᱱᱟ । ᱑᱓᱘ ᱥᱮᱨᱢᱟ ᱢᱟᱨᱮ ᱠᱤᱨᱟᱛ ᱫᱤᱥᱚᱢ ᱛᱨᱤᱯᱩᱨᱟ ᱢᱮᱱ ᱛᱮ ᱩᱛᱱᱟ.ᱣᱚᱜ ᱠᱟᱱᱟ ᱟᱨ ᱠᱤᱨᱟᱛ ᱨᱟᱡᱚᱥᱴᱷᱤ ᱨᱮᱭᱟᱜ ᱠᱟᱛᱷᱟ ᱜᱮ ᱵᱩᱠᱷᱟ.ᱣᱚᱜ ᱠᱟᱱᱟ ।

ᱛᱨᱤᱯᱩᱨᱤ ᱨᱟᱡᱟ (ᱵᱩᱵᱟᱜᱨᱟ) ᱠᱚ ᱢᱟᱱᱤᱭᱚ ᱯᱟ.ᱨᱤᱥ ᱦᱟᱛᱟᱣ ᱠᱟᱛᱮ ᱯᱮ ᱜᱮᱥᱟᱭ ᱥᱮᱨᱢᱟ ᱠᱚ ᱨᱟᱡᱽ ᱞᱮᱜᱼᱟ । ᱩᱱᱠᱩ ᱥᱤᱧᱚᱛ ᱥᱟᱶ ᱢᱮᱥᱟᱜ ᱢᱟᱲᱟᱝ ᱦᱟ.ᱵᱤᱡ ᱠᱚ ᱨᱟᱡᱚᱜ ᱠᱟᱱ ᱛᱟᱦᱮᱱᱟ । ᱱᱟᱦᱟᱜ ᱮᱛᱚᱢ ᱛᱨᱤᱯᱩᱨᱟ ᱡᱤᱞᱟ. ᱩᱫᱚᱭᱯᱩᱨ ᱩᱱ ᱚᱠᱛᱮ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ । ᱜᱮ-ᱤᱨᱟ.ᱞ ᱥᱟᱭᱟᱱᱟᱜ ᱚᱠᱛᱮ ᱨᱮ ᱨᱟᱡᱟ ᱠᱨᱤᱥᱱᱚ ᱢᱟᱱᱤᱠᱭᱚ ᱫᱚ ᱨᱟᱡᱽᱜᱟᱲ ᱢᱟᱨᱮ ᱟᱜᱚᱨᱛᱚᱞᱟ ᱛᱮ ᱯᱷᱮᱨᱟᱣ ᱠᱮᱫᱼᱟ । ᱤᱱᱟᱹ ᱛᱟᱭᱚᱢ ᱜᱮ-ᱟᱨᱮ ᱥᱟᱭ ᱟᱱᱟᱜ ᱨᱮ ᱨᱟᱡᱟ ᱵᱤᱨ ᱪᱚᱱᱫᱨᱚ ᱢᱟᱱᱤᱠᱭᱚ ᱵᱟᱦᱟᱫᱩᱨ ᱫᱮᱵᱽᱵᱚᱨᱢᱟ ᱫᱚ "ᱵᱨᱤᱴᱤᱥ ᱤᱱᱰᱤᱭᱟ" ᱟᱜ ᱞᱮᱠᱟ ᱯᱚᱱᱚᱛ ᱨᱮᱭᱟᱜ ᱟᱭᱢᱟ ᱟ.ᱨᱤ ᱠᱚᱭ ᱟ.ᱨᱩ ᱯᱷᱮᱨᱟᱣ ᱞᱮᱫᱼᱟ । ᱩᱱ ᱠᱷᱚᱱ ᱜᱮ ᱱᱟᱦᱟᱜ ᱛᱨᱤᱯᱩᱨᱟ ᱨᱮᱭᱟᱜ ᱮᱛᱚᱦᱚᱵ ᱦᱩᱭ ᱮᱱᱟ ।

ᱚᱛᱱᱚᱛ

ᱛᱨᱤᱯᱩᱨᱟ ᱫᱚ ᱢᱤᱫ ᱦᱩᱰᱤᱧ ᱯᱚᱱᱚᱛ ᱠᱟᱱᱟ, ᱱᱚᱸᱰᱮ ᱫᱚ ᱢᱩᱴ ᱘ (ᱤᱨᱟ.ᱞ) ᱜᱚᱴᱟᱝ ᱡᱤᱞᱟ. ᱠᱚ ᱢᱮᱱᱟᱜᱼᱟ | ᱒᱑ ᱡᱟᱱᱩᱣᱟᱨᱤ ᱑᱙᱗᱒ ᱥᱮᱨᱢᱟ ᱨᱮ ᱢᱤᱫᱴᱟᱹᱝ ᱱᱟᱶᱟ ᱯᱚᱱᱚᱛ ᱢᱮᱱ ᱛᱮ ᱵᱟᱱᱫᱷᱟᱣ ᱞᱮᱱᱟ ᱟᱨ ᱨᱟᱨᱽᱜᱟᱲ ᱫᱚ ᱟᱜᱚᱨᱛᱟᱞᱟ ᱦᱩᱭ ᱮᱱᱟ | ᱛᱨᱤᱯᱩᱨᱟ ᱨᱮᱱᱟᱜ ᱢᱩᱴ ᱦᱟᱥᱟ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱫᱚ ᱑᱐, ᱔᱙᱑ ᱪᱟ.ᱣᱠᱟ. ᱠᱤᱞᱚᱢᱤᱴᱟᱨ ᱠᱟᱱᱟ | ᱛᱨᱤᱯᱩᱨᱟ ᱨᱮᱱᱟᱜ ᱥᱟᱢᱟᱝ ᱱᱟᱠᱷᱟ ᱨᱮᱫᱚ ᱢᱤᱡᱳᱨᱟᱢ ᱯᱚᱱᱚᱛ,ᱯᱟᱪᱷᱮ- ᱮᱛᱚᱢ ᱱᱟᱠᱷᱟ ᱨᱮ ᱫᱚ ᱵᱟᱝᱞᱟ ᱫᱤᱥᱚᱢ ᱟᱨ ᱠᱚᱧᱮ ᱱᱟᱠᱷᱟ ᱨᱮᱫᱚ ᱟᱥᱟᱢ ᱯᱚᱱᱚᱛ ᱢᱮᱱᱟᱜᱼᱟ |

ᱡᱤᱞᱟ.ᱠᱚ

ᱛᱨᱤᱯᱩᱨᱟ ᱫᱚ ᱢᱤᱫᱴᱟᱹᱝ ᱦᱩᱰᱤᱧ ᱯᱚᱱᱚᱛ ᱠᱷᱟᱱᱹᱛᱤᱨ ᱦᱚᱱᱚᱛ ᱦᱚᱸ ᱠᱚᱢ ᱜᱮᱭᱟ | ᱱᱚᱸᱰᱮ ᱢᱩᱴ ᱤᱨᱟ.ᱞ ᱜᱚᱴᱟᱝ ᱦᱚᱱᱚᱛ ᱠᱚ ᱢᱮᱱᱟᱜ-ᱟ | ᱚᱱᱟ ᱠᱚ ᱨᱮᱱᱟᱜ ᱧᱩᱛᱩᱢ ᱠᱚ ᱫᱚ ᱦᱩᱭᱩᱜ ᱠᱟᱱᱟ:

• ᱩᱱᱟᱠᱚᱛᱤ
• ᱱᱚᱨᱛᱷ ᱛᱨᱤᱯᱩᱨᱟ
• ᱥᱟᱣᱩᱛ ᱛᱨᱤᱯᱩᱨᱟ
• ᱣᱮᱥᱴ ᱛᱨᱤᱯᱩᱨᱟ
• ᱜᱩᱢᱟᱛᱤ
• ᱠᱷᱚᱣᱟᱭ
• ᱥᱤᱯᱟᱦᱤᱡᱟᱞᱟ
• ᱫᱷᱟᱞᱟᱭ

ᱯᱟ.ᱨᱥᱤ

ᱢᱩᱬ ᱚᱱᱚᱞ: Languages of Tripura

ᱛᱨᱤᱯᱩᱨᱟ ᱨᱮᱭᱟᱜ ᱯᱟᱹᱨᱥᱤᱠᱚ, ᱒᱐᱑᱑

  ᱵᱟᱝᱞᱟ (65.73%)

  ᱛᱨᱤᱯᱩᱨᱤ (25.9%)

  ᱪᱟᱠᱢᱟ (2.3%)

  ᱦᱤᱱᱫᱤ (1.54%)

  ᱮᱴᱟᱜ (4.53%)

ᱛᱨᱤᱯᱩᱨᱟ ᱨᱮᱭᱟᱜ ᱯᱚᱱᱚᱛᱤᱭᱟᱹ ᱯᱟᱹᱨᱥᱤ ᱫᱚ ᱵᱟᱝᱞᱟ ᱠᱟᱱᱟ ᱟᱨ ᱫᱚᱥᱟᱨ ᱯᱚᱱᱚᱛ ᱯᱟᱹᱨᱥᱤ ᱫᱚ ᱠᱚᱠᱵᱚᱨᱚᱠ ᱠᱟᱱᱟ | ᱪᱮᱫᱟᱜ ᱥᱮ ᱵᱟᱝᱞᱟ ᱛᱟᱭᱚᱢ ᱠᱚᱠᱵᱚᱨᱚᱠ ᱛᱨᱤᱯᱩᱨᱟ ᱨᱮ ᱵᱟᱹᱲᱛᱤ ᱨᱚᱲᱚᱜᱚᱜ ᱠᱟᱱᱟ, ᱚᱱᱟ ᱛᱮ ᱱᱚᱶᱟ ᱫᱚᱥᱟᱨ ᱯᱚᱱᱚᱛ ᱯᱟᱹᱨᱥᱤ ᱨᱮᱭᱟᱜ ᱫᱟᱨᱡᱟᱭ ᱧᱟᱢ ᱟᱠᱟᱫᱼᱟ | ᱱᱤᱭᱟᱹ ᱪᱷᱟᱰᱟ ᱟᱨᱦᱚᱸ ᱛᱨᱤᱯᱩᱨᱟ ᱨᱮ ᱨᱚᱲᱚᱜᱚᱜ ᱯᱟᱹᱨᱥᱤ ᱠᱚ ᱢᱮᱱᱟᱝ-ᱟ, ᱡᱮᱞᱮᱠᱟ: ᱦᱤᱱᱫᱤ, ᱱᱮᱯᱟᱞᱤ, ᱜᱟᱨᱚ, ᱢᱮᱭᱛᱮᱭ, ᱵᱤᱥᱱᱩ ᱯᱨᱤᱭᱟ ᱢᱚᱱᱤᱯᱩᱨᱤ, ᱥᱟᱱᱛᱟᱲᱤ, ᱪᱟᱠᱢᱟ, ᱳᱰᱤᱭᱟᱹ ᱮᱢᱟᱱ ᱯᱟᱹᱨᱥᱤ ᱠᱚ |

ᱦᱚᱲ ᱞᱮᱠᱷᱟ

ᱛᱨᱤᱯᱩᱨᱟ ᱫᱚ ᱥᱚᱸᱭᱮᱸ ᱥᱟᱢᱟᱝ ᱥᱤᱧᱚᱛ ᱨᱮᱭᱟᱜ ᱯᱚᱱᱚᱛ ᱠᱚ ᱢᱩᱫᱽ ᱨᱮ ᱦᱚᱲ ᱞᱮᱠᱦᱟ ᱦᱤᱥᱟᱹᱯ ᱛᱮ ᱟᱥᱟᱢ ᱛᱟᱭᱚᱢ ᱫᱚᱥᱟᱨᱟᱜ ᱴᱷᱟᱶ ᱨᱮ ᱢᱮᱱᱟᱭᱟ᱾ ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱥᱤᱧᱚᱛ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱛᱨᱤᱯᱩᱨᱟ ᱨᱮ ᱫᱚ ᱓,᱖᱗᱑,᱐᱓᱒ ᱡᱚᱱᱟ ᱠᱚ ᱛᱟᱦᱮᱸᱠᱟᱱᱟ᱾ ᱩᱱᱠᱩ ᱢᱩᱫᱽ ᱨᱮ ᱑,᱘᱗᱑,᱘᱖᱗ ᱡᱚᱱᱟ ᱫᱚ ᱦᱮᱨᱮᱞ ᱦᱚᱯᱚᱱ ᱟᱨ ᱑,᱗᱗᱙,᱑᱖᱕ ᱡᱚᱱᱟ ᱫᱚ ᱢᱟᱭᱡᱤᱣ ᱦᱚᱯᱚᱱ ᱠᱚ ᱛᱟᱦᱮᱸᱠᱟᱱᱟ᱾ ᱱᱤᱭᱟᱹ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱦᱚᱲ ᱞᱮᱠᱷᱟ ᱢᱩᱫᱽ ᱨᱮ ᱥᱟᱭ ᱠᱟᱲᱟ ᱐ᱹ᱓ ᱦᱤᱸᱥ ᱜᱮ ᱦᱚᱭᱚᱜ ᱠᱟᱱᱟ᱾ ᱱᱚᱣᱟ ᱯᱚᱱᱚᱛ ᱨᱮ ᱫᱚ ᱡᱟᱣ ᱢᱤᱫ ᱥᱟᱭ ᱦᱮᱨᱮᱞ ᱦᱚᱯᱚᱱ ᱦᱩᱯᱚᱱ ᱢᱩᱫᱽ ᱨᱮ ᱙᱖᱑ ᱢᱟᱭᱡᱤᱣ ᱦᱚᱯᱚᱱ ᱠᱚ ᱢᱮᱱᱟᱜ ᱠᱚᱣᱟ᱾ ᱱᱚᱱᱰᱮ ᱫᱚ ᱡᱟᱣ ᱢᱤᱫ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱵᱷᱤᱛᱨᱤ ᱨᱮ ᱓᱕᱐ ᱡᱚᱱᱟ ᱠᱚ ᱛᱟᱦᱮᱱ ᱠᱟᱱᱟ᱾ ᱒᱐᱑᱑᱑ ᱥᱮᱨᱢᱟ ᱞᱮᱠᱷᱟ ᱞᱮᱠᱟ ᱛᱮ ᱛᱨᱤᱯᱩᱨᱟ ᱨᱮᱭᱟᱜ ᱥᱮᱪᱮᱫ ᱫᱚᱨ ᱫᱚ ᱦᱚᱭᱚᱜ ᱠᱟᱱᱟ ᱘᱗ᱹ᱗᱕ ᱦᱤᱸᱥ᱾

ᱫᱷᱚᱨᱚᱢ

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱦᱤᱱᱫᱩ ᱜᱮ ᱱᱤᱭᱟᱹ ᱯᱚᱱᱚᱛ ᱨᱮᱭᱟᱜ ᱢᱟᱨᱟᱝ ᱫᱷᱚᱨᱚᱢ ᱫᱚ ᱠᱟᱱᱟ, ᱥᱟᱭ ᱠᱟᱲᱟ ᱘᱓ᱹ᱔᱐% ᱦᱤᱸᱥ ᱦᱚᱲ ᱫᱚ ᱦᱤᱱᱫᱩ ᱫᱷᱚᱨᱚᱢ ᱠᱚ ᱯᱟᱧᱡᱟᱭᱟᱭᱮᱫᱟ, ᱘ᱹ᱖᱐% ᱦᱤᱸᱥ ᱦᱚᱲ ᱫᱚ ᱢᱩᱥᱞᱤᱢ ᱫᱷᱚᱨᱚᱢ ᱠᱚ ᱯᱟᱧᱡᱟᱭᱮᱫᱟ, ᱔ᱹ᱓᱕ ᱦᱤᱸᱥ ᱦᱚᱲ ᱫᱚ ᱠᱨᱤᱥᱴᱟᱱ ᱫᱦᱚᱨᱚᱢ ᱠᱚ ᱯᱟᱧᱡᱟᱭᱮᱫᱟ, ᱟᱨ ᱥᱟᱨᱮᱡ ᱓ᱹ᱔᱑% ᱦᱤᱸᱥ ᱦᱚᱲ ᱫᱚ ᱵᱚᱣᱫᱽ ᱫᱷᱚᱯᱨᱚᱢ ᱠᱚ ᱯᱧᱡᱟᱭᱮᱫᱟ᱾

ᱵᱟᱦᱨᱮ ᱡᱚᱱᱚᱲ

ᱥᱚᱨᱠᱟᱨ

• Tripura Government
• Tripura Tourism
• Public Service Commission
• Election Department

General information

• ᱛᱨᱤᱯᱩᱨᱟ ᱮᱱᱥᱟᱭᱠᱞᱳᱯᱤᱰᱤᱭᱟ ᱵᱨᱤᱴᱟᱱᱤᱠᱟ ᱨᱮ
• ᱛᱨᱤᱯᱩᱨᱟ at Curlie
• Geographic data related to ᱛᱨᱤᱯᱩᱨᱟ at OpenStreetMap