ᱜᱩᱣᱟᱦᱟᱴᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱜᱩᱣᱟᱦᱟᱴᱤ ᱵᱟᱡᱟᱨ
ᱠᱟᱢᱟᱠᱷᱭᱟ ᱵᱩᱨᱩ ᱪᱚᱴ ᱠᱷᱚᱱ ᱜᱩᱣᱟᱦᱟᱴᱤ

ᱜᱩᱣᱟᱦᱟᱴᱤ(English : Guwahati,অসমীয়া :গুৱাহাটী) ᱥᱮ ᱞᱟᱦᱟ ᱛᱮᱫᱚ ᱜᱟᱣᱦᱟᱴᱤ ᱫᱚ ᱥᱤᱧᱩᱛ ᱨᱮᱭᱟᱜ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱢᱤᱫᱴᱮᱱ ᱢᱟᱨᱟᱝ ᱱᱟᱝᱜᱽᱨᱟᱦᱟ । ᱱᱚᱣᱟ ᱫᱚ ᱥᱮᱫᱟᱭ ᱯᱨᱟᱜᱽᱡᱚᱛᱤᱥᱯᱩᱨ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱱᱟ। ᱱᱚᱣᱟ ᱜᱮ ᱦᱩᱭᱩᱜ ᱠᱟᱱᱟ ᱩᱛᱛᱟ.ᱨ ᱯᱩᱨᱩᱵᱽ ᱵᱷᱟᱨᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱮᱴᱨᱚᱯᱚᱞᱤᱴᱟᱱ ᱮᱞᱟᱠᱟ। ᱱᱚᱣᱟ ᱫᱚ ᱠᱚ'ᱭᱮ'- ᱥᱟᱢᱟᱝ ᱥᱤᱧᱩᱛ ᱨᱮᱱᱟᱜ ᱵᱚᱞᱚᱱ ᱫᱩᱣᱟ.ᱨ ᱦᱚ ᱠᱚ ᱢᱮᱛᱟᱜ ᱠᱟᱱᱟ। 2011 ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ ᱱᱚᱱᱰᱮ ᱢᱩᱴ 9,62,334 ᱢᱮᱱᱟᱜ ᱠᱚᱣᱟ। ᱥᱮᱫᱟᱭ ᱯᱨᱟᱜᱽᱡᱚᱛᱤᱥ ᱯᱩᱨ ᱛᱟᱦᱮ ᱠᱟᱱᱟ ᱠᱟᱢᱨᱩ ᱫᱤᱥᱚᱢ ᱨᱮᱛᱟᱜ ᱨᱟᱡᱽᱜᱟᱲ।

ᱜᱩᱣᱟᱦᱟᱴᱤ ᱢᱟᱨᱟᱝ ᱱᱚᱝᱜᱽᱨᱟᱦᱟ ᱨᱮᱭᱟᱜ ᱩᱛᱛᱟ.ᱨ ᱨᱮ ᱵᱨᱚᱢᱚᱯᱩᱛᱨᱚ ᱜᱟᱰᱟ , ᱫᱟ.ᱠᱷᱤᱱ ᱨᱮ ᱥᱤᱞᱚᱝ ᱨᱮᱭᱟᱜ ᱵᱩᱨᱩ ᱠᱚ, ᱟᱨ ᱯᱟ.ᱪᱷᱤᱢ ᱨᱮ ᱞᱚᱠ ᱯᱨᱤᱭᱚ ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱤᱱᱴᱟᱨ ᱱᱮᱥᱚᱱᱟᱞ ᱮᱭᱟᱨ ᱯᱚᱨᱴ ᱟᱨ ᱯᱩᱨᱩᱵᱽ ᱨᱮ ᱱᱟᱨᱮᱝᱜᱤ ᱢᱮᱱᱟᱜ-ᱟ। ᱵᱨᱚᱢᱚᱯᱩᱛᱨᱚ ᱩᱛᱛᱟ.ᱨ ᱱᱟᱠᱷᱟ ᱨᱮᱦᱚ ᱩᱛᱛᱟ.ᱨ ᱜᱩᱣᱟᱦᱟᱴᱤ ᱵᱮᱱᱟᱣ ᱪᱟᱞᱟᱜ ᱠᱟᱱᱟ ।

ᱜᱩᱣᱟᱦᱟᱴᱤ ᱩᱛᱛᱟ.ᱨ ᱯᱩᱨᱩᱵᱽ ᱵᱷᱟᱨᱚᱛ ᱨᱮᱭᱟᱜ ᱢᱤᱫᱴᱮᱱ ᱢᱟᱨᱟᱝ ᱵᱮᱯᱟᱨ - ᱵᱟ.ᱱᱤᱡᱽ ᱟᱨ ᱥᱮᱪᱮᱫ ᱛᱟᱞᱢᱟ ᱠᱟᱱᱟ।  

ᱧᱩᱛᱩᱢ ᱚᱢᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱩᱣᱟᱦᱟᱴᱤ ᱧᱩᱛᱩᱢ ᱫᱚ ᱟᱥᱚᱢᱤᱭᱟ ᱜᱩᱣᱟ (ᱛᱟᱢᱩᱞ / ᱥᱩᱯᱟᱨᱤ ) ᱛᱟᱦᱟ ᱥᱟᱱᱛᱟᱞᱤ ᱜᱩᱣᱟ. ᱟᱨ ᱦᱟᱴ ᱛᱟᱦᱟ ᱦᱟ.ᱴᱤᱭᱟ. (ᱵᱟᱡᱟᱨ ) ᱠᱷᱚᱱ ᱚᱢᱚᱱ ᱟᱠᱟᱱᱟ। ᱵᱨᱤᱴᱤᱥ ᱩᱯᱚᱱᱤᱵᱮᱥ ᱱᱟᱝ ᱨᱮ ᱱᱚᱣᱟ ᱧᱩᱛᱩᱢ ᱫᱚ ᱜᱟᱣᱦᱟᱴᱤ ᱠᱚ ᱧᱩᱢᱮᱫ ᱛᱟᱦᱮᱱᱟ ᱟᱨ 1980 ᱫᱚᱥᱚᱠ ᱨᱮᱭᱟᱜ ᱢᱩᱪᱟ.ᱜ ᱨᱮ ᱱᱟᱦᱟᱜ ᱧᱩᱛᱩᱢ ᱨᱮᱭᱟᱜ ᱢᱩᱴᱷᱟ.ᱱ ᱠᱚ ᱮᱢᱟᱣ ᱫᱟᱜ-ᱟ ।  

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱩᱣᱟᱦᱟᱴᱤ ᱨᱮᱭᱟᱜ ᱱᱟᱜᱟᱢ ᱫᱚ ᱛᱤᱱᱟ.ᱜ ᱥᱮᱨᱢᱟ ᱪᱚ ᱢᱟᱨᱮ ᱜᱮᱭᱟ। ᱱᱟᱝᱜᱽᱨᱟᱦᱟ ᱵᱟᱱᱫᱽᱦᱟᱣᱚᱜ ᱨᱮᱭᱟᱜ ᱠᱟᱛᱷᱟ ᱫᱚ ᱵᱟᱝ ᱵᱟᱰᱟᱭ ᱧᱟᱢ ᱟᱠᱟᱱ ᱨᱮᱦᱚ ᱥᱮᱫᱟᱭ ᱥᱚᱥᱛᱚᱨ , ᱯᱩᱨᱟᱱ ᱟᱨ ᱥᱮᱨᱣᱟ ᱱᱟᱜᱟᱢ ᱠᱚᱨᱮ ᱵᱟᱰᱟᱭᱚᱜ ᱠᱟᱱᱟ ᱱᱚᱣᱟ ᱫᱚ ᱮᱥᱤᱭᱟ ᱨᱮᱭᱟᱜ ᱢᱟᱨᱟᱝ ᱱᱟᱝᱜᱽᱨᱟᱦᱟ ᱠᱚ ᱢᱩᱫᱽ ᱨᱮ ᱢᱤᱫᱴᱮᱱ ᱠᱟᱱᱟ |

ᱱᱟᱜᱟᱢ ᱞᱮᱠᱟ ᱛᱮ ᱜᱩᱣᱟᱦᱟᱴᱤ ᱫᱚ ᱥᱮᱫᱟᱭ ᱨᱮᱛᱟᱜ ᱛᱤᱱᱟ.ᱜ ᱨᱟᱡᱚᱥᱴᱷᱤ ᱠᱚ ᱨᱮᱱᱟᱜ ᱨᱟᱡᱽ ᱜᱟᱲ ᱪᱚ ᱛᱟᱦᱮ ᱠᱟᱱᱟ । ᱢᱚᱦᱟ ᱵᱷᱟᱨᱚᱛ ᱞᱮᱠᱟ ᱛᱮ ᱱᱚᱣᱟ ᱫᱚ ᱱᱚᱨᱚᱠᱟᱥᱩᱨ ᱟᱨ ᱵᱷᱚᱜᱽ ᱫᱚᱛᱛᱚ ᱣᱟᱜ ᱨᱟᱡᱽ ᱜᱟᱲ ᱛᱟᱦᱮ ᱠᱟᱱᱟ। ᱱᱤᱞᱟᱪᱚᱞ ᱵᱩᱨᱩ ᱨᱮ ᱢᱮᱱᱟᱜ ᱥᱚᱠᱛᱤ ᱯᱤᱴ ᱠᱟᱢᱟᱠᱷᱟ ᱢᱩᱱᱫᱤᱞ , ᱪᱤᱛᱨᱟᱪᱚᱞ ᱵᱩᱨᱩ ᱨᱮ ᱢᱮᱱᱟᱜ ᱥᱮᱫᱟᱭ ᱡᱚᱛᱤᱥᱪᱚᱨᱪᱟ ᱱᱚᱵᱚᱜᱨᱚᱦᱚ ᱢᱩᱱᱫᱤᱞ | ᱱᱚᱣᱟ ᱧᱮᱞ ᱛᱮᱜᱮ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱱᱚᱣᱟ ᱫᱚ ᱛᱤᱱᱟ.ᱜ ᱢᱟᱨᱤ ᱱᱟᱝᱜᱽᱨᱟᱦᱟ ᱠᱟᱱᱟ |    

ᱪᱟᱞᱟᱣ ᱵᱟᱱᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

 

                ᱜᱩᱣᱟᱦᱟᱴᱤ ᱯᱩᱣᱨᱚ ᱱᱤᱜᱚᱢ ᱧᱩᱛᱩᱢᱟᱱ ᱜᱟᱶᱛᱟ ᱜᱮ ᱜᱩᱣᱟᱦᱟᱴᱤ ᱱᱟᱝᱜᱽᱨᱟᱦᱟ ᱪᱟᱞᱟᱣ ᱵᱟᱱᱟᱣ ᱟᱨ ᱩᱛᱷᱱᱟ.ᱣ ᱨᱮᱭᱟᱜ ᱫᱟᱭᱤᱠᱮ ᱜᱚᱫ ᱟᱠᱟᱫᱟ। ᱱᱚᱣᱟ ᱯᱩᱣᱨᱚ ᱱᱤᱜᱚᱢ ᱫᱚ ᱛᱩᱨᱩᱭ ᱜᱮᱞ ᱜᱚᱴᱟᱝ ᱣᱟᱨᱰ ᱨᱮ ᱦᱟ.ᱴᱤᱧ ᱢᱮᱱᱟᱜ-ᱟ। ᱜᱩᱣᱟᱦᱟᱴᱤ ᱢᱚᱦᱟ ᱱᱚᱜᱚᱨᱱ ᱩᱱᱱᱚᱭᱚᱱ ᱯᱨᱟᱫᱷᱤᱠᱚᱨᱚᱱ (GMDA) ᱧᱩᱛᱩᱢᱟᱱ ᱯᱚᱱᱚᱛᱤᱭᱟ. ᱜᱟᱶᱛᱟ ᱢᱟᱨᱟᱝ ᱜᱩᱣᱟᱦᱟᱴᱤ ᱴᱚᱴᱷᱟ ᱪᱟᱞᱟᱣ ᱵᱟᱱᱟᱣ ᱟᱨ ᱩᱛᱷᱱᱟ.ᱣ ᱨᱮᱭᱟᱜ ᱫᱟᱭᱤᱠᱮ ᱜᱚᱫ ᱟᱠᱟᱫᱟ । ᱜᱚᱴᱟ ᱜᱩᱣᱟᱦᱟᱴᱤ ᱩᱛᱷᱱᱟ.ᱣᱚᱜ ᱞᱟ.ᱜᱤᱫ ᱱᱟᱦᱟᱜ ᱟᱥᱟᱢ ᱥᱚᱨᱠᱟᱨ ᱫᱚ ' ᱜᱩᱣᱟᱦᱟᱴᱤ ᱩᱛᱷᱱᱟ.ᱣ ᱰᱤᱯᱟ.ᱴ' ᱮ ᱛᱮᱭᱟᱨ ᱟᱠᱟᱫᱟ।
                 ᱜᱩᱣᱟᱦᱟᱴᱤ ᱨᱮ ᱯᱚᱱᱭᱟ ᱵᱤᱫᱷᱟᱱ ᱥᱚᱵᱷᱟ ᱥᱚᱢᱚᱥᱴᱷᱤ ᱢᱮᱱᱟᱜ-ᱟ : ᱡᱟᱞᱩᱠᱵᱟᱲᱤ, ᱫᱤᱥᱯᱩᱨ, ᱯᱩᱵᱽ ᱜᱩᱣᱟᱦᱟᱴᱤ, ᱯᱟᱥᱪᱷᱤᱱ ᱜᱩᱣᱟᱦᱟᱴᱤ । ᱱᱚᱣᱟ ᱡᱚᱛᱚ ᱫᱚ ᱜᱩᱣᱟᱦᱟᱴᱤ ᱜᱩᱣᱟᱴᱤ ᱞᱚᱠ ᱥᱚᱵᱷᱟ ᱥᱚᱢᱚᱥᱴᱷᱤ ᱨᱮ ᱯᱟᱲᱟᱜ-ᱟ।

ᱠᱟ.ᱣᱰᱤ ᱟ.ᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  2010 ᱥᱮᱨᱢᱟ ᱨᱮ ᱜᱩᱣᱟᱦᱟᱴᱤ ᱱᱟᱝᱜᱨᱟᱦᱟ ᱨᱮᱭᱟᱜ ᱢᱩᱴ ᱟᱨᱡᱟᱣ ᱢᱤᱫ ᱥᱟᱭᱱᱠᱚᱴᱤ ᱢᱟᱨᱠᱤᱱ ᱰᱚᱞᱟᱨ ᱥᱟᱵ ᱞᱮᱱᱟ। নদী বন্দৰ হিচাপে গুৱাহাটী আগৰেপৰাই এক গুৰুত্বপূৰ্ণ প্ৰশাসনিক আৰু বাণিজ্যিক কেন্দ্ৰ ৰূপে বিবেচিত হৈ আহিছে। ᱱᱟᱝᱜᱨᱟᱦᱟ ᱨᱮᱭᱟᱜ ᱟᱨᱡᱟᱣ ᱦᱤᱥᱟ.ᱯ ᱢᱤᱫ ᱞᱮᱛᱟᱲ ᱫᱚ ᱵᱟᱝ ᱦᱩᱭᱩᱜ ᱛᱮ ᱥᱟᱨᱤ ᱞᱮᱠᱷᱟ ᱫᱚ ᱱᱤᱛ ᱦᱚ ᱵᱟᱝ ᱧᱟᱢ ᱟᱠᱟᱱᱟ। ᱮᱱᱨᱮ ᱦᱚ' ᱠᱟ.ᱢᱤ ᱠᱟ.ᱥᱱᱤ ᱧᱮᱞ ᱛᱮ ᱵᱚᱱ ᱚᱦᱢᱟ ᱫᱟᱲᱮᱭᱟᱜ-ᱟ ᱯᱚᱱᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱵᱟ.ᱲᱛᱤ ᱟᱨᱡᱟᱣ ᱫᱚ ᱚᱱᱰᱮ ᱜᱮ ᱦᱩᱭᱩᱜ ᱠᱟᱱᱟ।   ᱢᱟᱨᱟᱝ ᱠᱟ.ᱣᱰᱤ ᱟ.ᱨᱤ ᱵᱷᱤᱛᱨᱤ ᱨᱮ ᱵᱮᱯᱟᱨ ᱵᱟ.ᱱᱤᱡᱽ, ᱥᱟᱜᱟᱲᱚᱢ ᱵᱮᱵᱚᱥᱛᱷᱟ , ᱪᱟ.ᱠᱨᱤ ᱮᱢᱟᱱ। ᱜᱩᱣᱟᱦᱟᱴᱤ ᱢᱟᱨᱟᱝ ᱱᱟᱝᱜᱨᱟᱦᱟ ᱫᱚ ᱜᱚᱴᱟ ᱩᱛᱛᱟ.ᱨ ᱯᱩᱨᱩᱵᱽ ᱵᱷᱟᱨᱚᱛ ᱨᱮᱱᱟᱜ ᱨᱟᱞᱢᱟ ᱠᱟᱱᱟ।ᱜᱩᱣᱟᱦᱟᱴᱤ ᱪᱟ ᱱᱤᱞᱟᱢ ᱛᱟᱞᱢᱟ(Guwahati Tea Auction Centre) ᱫᱚ ᱫᱷᱟ.ᱨᱛᱤ ᱨᱮᱭᱟᱜ ᱢᱟᱨᱟᱝ ᱩᱛᱟ.ᱨ ᱪᱟ ᱱᱤᱞᱟᱢ ᱛᱟᱞᱢᱟ ᱠᱟᱱᱟ । ᱮᱴᱟᱜ ᱱᱟᱝᱜᱨᱟᱦᱟ ᱞᱮᱠᱟᱵᱜᱮ ᱱᱟᱦᱟᱜ ᱜᱩᱣᱟᱦᱟᱴᱤ ᱨᱮᱭᱟᱜ ᱢᱚᱞ (mall) ᱞᱟᱠᱪᱟᱨ ᱦᱚ' ᱦᱟᱨᱟ ᱵᱩᱨᱩᱜ ᱠᱟᱱᱟ । ᱥᱤᱧᱩᱛ ᱨᱮᱱᱟᱜ ᱮᱴᱟᱜ ᱯᱚᱱᱚᱛ ᱠᱚ ᱞᱮᱠᱟ ᱵᱤᱨᱤᱛ ᱠᱟ.ᱢᱤ ᱨᱮ ᱤᱱᱟ.ᱜ ᱫᱚ ᱵᱟᱝ ᱞᱟᱦᱟᱣᱟ।

ᱥᱟᱜᱟᱲᱚᱢ ᱵᱮᱵᱚᱥᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱩᱣᱟᱦᱟᱴᱤ ᱫᱚ ᱩᱛᱛᱟ.ᱨ ᱯᱩᱨᱩᱵᱽ ᱵᱷᱟᱨᱚᱛ ᱨᱮᱱᱟᱜ "ᱵᱚᱞᱚᱱ ᱫᱩᱣᱟ.ᱨ" ᱠᱟᱱᱟ ৷ ᱩᱛᱛᱟ.ᱨ ᱯᱩᱨᱩᱵᱽ ᱨᱮᱭᱟᱜ ᱮᱴᱟᱜ ᱴᱷᱟ:ᱭ ᱥᱟᱶ ᱜᱩᱣᱟᱦᱟᱴᱤ ᱠᱷᱚᱱ ᱥᱟᱝᱜᱷᱟᱨ ᱫᱚ ᱟ.ᱰᱤ ᱟᱞᱜᱟ ᱜᱮᱭᱟ। ᱩᱛᱛᱟ.ᱨ ᱯᱩᱨᱩᱵᱽ ᱨᱮᱭᱟᱜ ᱡᱚᱛᱚ ᱮᱭᱟᱨ ᱯᱚᱨᱴ ᱥᱟᱶ ᱜᱩᱣᱟᱦᱟᱴᱤ ᱥᱟᱶ ᱡᱚᱲᱟᱣ ᱢᱮᱱᱟᱜ-ᱟ৷ ᱡᱟᱣᱜᱮ ᱩᱰᱟ.ᱱ ᱥᱟᱶ ᱛᱮ ᱴᱮᱠᱥᱤ ᱨᱮᱭᱟᱜ ᱵᱮᱵᱚᱥᱛᱷᱟ ᱦᱚ ᱢᱮᱱᱟᱜ-ᱟ৷

ᱩᱰᱟ.ᱱ ᱥᱟᱜᱟᱲᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  ᱜᱩᱣᱟᱦᱟᱴᱤ ᱵᱚᱨᱡᱷᱽᱨ ᱨᱮ ᱢᱮᱱᱟᱜ-ᱟ ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱤᱱᱴᱟᱨ ᱱᱮᱥᱚᱱᱟᱞ ᱮᱨᱟᱭ ᱯᱚᱨᱴ। ᱱᱚᱣᱟ ᱮᱭᱟᱨ ᱯᱚᱨᱴ ᱫᱚ ᱜᱩᱣᱟᱦᱟᱴᱤ ᱱᱟᱝᱜᱽᱨᱟᱷᱟ ᱠᱷᱚᱱ ᱵᱟᱨ ᱜᱮᱞ ᱠᱤᱞᱚ ᱢᱤᱴᱟᱨ ᱥᱟᱝᱜᱤᱧ ᱨᱮ ᱢᱮᱱᱟᱜ-ᱟ। ᱫᱤᱥᱚᱢ ᱨᱮᱱᱟᱜ ᱰᱚᱢᱮᱥᱴᱤᱠ ᱩᱰᱟ.ᱱ ᱡᱮᱞᱮᱠᱟ ᱵᱷᱤᱥᱴᱟᱨᱟ, ᱥᱯᱟᱭᱥ ᱡᱮᱴ, ᱤᱱᱰᱤᱜᱚ, ᱜᱚ ᱮᱭᱟᱨ, ᱡᱮᱴ ᱮᱭᱟᱨ, ᱮᱭᱟᱨ ᱮᱥᱤᱭᱟ, ᱮᱭᱟᱨ ᱤᱱᱰᱤᱭᱟ, ᱮᱢᱟᱱ ᱩᱰᱟ.ᱱ ᱜᱟᱰᱤ ᱛᱮ ᱥᱟᱝᱜᱷᱟᱨ ᱨᱮᱱᱟᱜ ᱵᱮᱵᱚᱥᱛᱷᱟ ᱢᱮᱱᱟᱜ-ᱟ| ᱤᱱᱴᱟᱨᱱᱮᱥᱚᱱᱟᱞ ᱩᱰᱟ.ᱱ ᱫᱚ ᱮᱢᱦᱟ ᱨᱮ ᱵᱟᱨ ᱫᱷᱟᱣ ᱜᱮ ᱜᱩᱣᱟᱦᱟᱴᱤ ᱠᱷᱚᱱ ᱵᱮᱝᱠᱚᱠ ᱟᱨ ᱛᱷᱤᱢᱯᱩ ᱦᱟ.ᱵᱤᱡ ᱪᱟᱞᱟᱜ-ᱟ ৷

ᱨᱮᱞ ᱥᱟᱜᱟᱲᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱛᱛᱟ.ᱨ ᱯᱩᱨᱩᱵᱽ ᱥᱤᱢᱟ.ᱱᱟ ᱨᱮᱞᱣᱮ ᱨᱮᱭᱟᱜ ᱦᱮᱰ ᱚᱯᱷᱤᱥ ᱫᱚ ᱜᱩᱣᱟᱦᱟᱴᱤ ᱨᱮᱭᱟᱜ ᱢᱟᱞᱤ ᱜᱟᱶ ᱨᱮ ᱢᱮᱱᱟᱜ-ᱟ ।ᱜᱩᱣᱟᱦᱟᱴᱤ ᱵᱟᱨᱭᱟ ᱢᱟᱨᱟᱝ ᱨᱮᱞ ᱥᱴᱮᱥᱚᱱ ᱢᱮᱱᱟᱜ-ᱟ ᱢᱤᱫᱴᱮᱱ ᱫᱚ ᱜᱩᱣᱟᱦᱟᱴᱤ ᱨᱮᱞ ᱥᱴᱮᱥᱚᱱ ᱟᱨ ᱢᱤᱫᱴᱮᱱ ᱫᱚ ᱠᱟᱢᱟᱠᱷᱟ ᱨᱮᱞ ᱥᱴᱮᱥᱚᱱ ᱛᱟᱦᱟ ᱟᱥᱟᱢ ᱥᱟᱶ ᱵᱟᱦᱨᱮ ᱯᱚᱱᱚᱛ ᱨᱮᱭᱟᱜ ᱱᱟᱯᱟᱭ ᱥᱟᱜᱟᱲᱚᱢ ᱵᱮᱵᱚᱥᱛᱷᱟ ᱢᱮᱱᱟᱜ-ᱟ। ᱜᱩᱣᱟᱦᱟᱴᱤ ᱨᱮᱞ ᱥᱴᱮᱥᱚᱱ ᱫᱚ ᱩᱛᱛᱟ.ᱨ ᱯᱩᱨᱩᱵᱽ ᱵᱷᱥᱨᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱨᱮᱞ ᱥᱴᱮᱥᱚᱱ ᱠᱟᱱᱟ।

ᱚᱛ ᱥᱟᱜᱟᱲᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

31 ᱮᱞ ᱟᱱ ᱡᱟ.ᱛᱨᱤᱭᱟ. ᱰᱟᱦᱟᱨ ᱛᱮ ᱜᱩᱣᱟᱦᱟᱴᱤ ᱛᱟᱦᱟ ᱟᱥᱟᱢ ᱛᱩᱞᱩᱡ ᱵᱤᱦᱟᱨ,ᱡᱷᱟᱨᱠᱷᱟᱱᱰ ᱟᱨ ᱵᱟᱥᱪᱷᱤᱢ ᱵᱮᱝᱜᱚᱞ ᱡᱚᱲᱟᱣ ᱢᱮᱱᱟᱜ-ᱟ। ᱱᱷᱚᱛᱮ 37 ᱮᱞ ᱟᱱ ᱡᱟ.ᱛᱨᱤᱭᱟ. ᱰᱟᱦᱟᱨ ᱥᱟᱶ ᱜᱚᱣᱟᱞᱳᱟᱲᱟ ᱯᱚᱧᱪᱚ ᱨᱚᱛᱱᱚ ᱠᱷᱚᱱ ᱮᱦᱚᱵ ᱠᱟᱛᱮ ᱜᱩᱣᱟᱦᱟᱴᱤ ᱛᱟᱞᱟ ᱛᱮ ᱪᱮᱛᱟᱱ ᱟᱥᱟᱢ ᱛᱩᱞᱩᱡ ᱡᱚᱲᱟᱣ ᱢᱮᱱᱟᱜ-ᱟ। ᱜᱚᱲᱪᱩᱠ ᱨᱮ ᱢᱮᱱᱟᱜ ᱤᱱᱴᱟᱨ ᱥᱴᱮᱴ ᱵᱟᱥ ᱥᱴᱮᱱᱰ ᱠᱷᱚᱱ ᱩᱛᱛᱟ.ᱨ ᱯᱩᱨᱩᱵᱽ ᱨᱮᱭᱟᱜ ᱡᱩᱫᱟ. ᱡᱩᱫᱟ. ᱡᱟᱭᱜᱟ ᱫᱟᱲᱟᱱ ᱨᱮᱱᱟᱜ ᱵᱮᱵᱚᱥᱛᱷᱟ ᱢᱮᱱᱟᱜ-ᱟ। ᱜᱩᱣᱟᱦᱟᱴᱤ ᱨᱮᱭᱟᱜ ᱥᱤᱴᱤ ᱵᱟᱥ ᱵᱮᱵᱚᱥᱛᱷᱟ ᱟ.ᱰᱤ ᱥᱩᱵᱷᱤᱛᱟ ᱜᱮᱭᱟ ।

ᱫᱟᱜ ᱥᱟᱜᱟᱲᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  ᱫᱤᱥᱚᱢ ᱦᱟᱯᱟᱴᱤᱧᱚᱜ ᱢᱟᱲᱟᱝ ᱨᱮ ᱵᱨᱚᱢᱚᱯᱩᱛᱨᱚ ᱜᱟᱰᱟ ᱛᱮ ᱜᱩᱣᱟᱷᱟᱴᱤ ᱠᱷᱚᱱ ᱠᱚᱞᱠᱟᱛᱟ ᱦᱟ.ᱵᱤᱡ ᱟᱭᱢᱟ ᱞᱮᱠᱟᱱᱟᱜ ᱡᱤᱱᱤᱥ ᱪᱟᱦ ᱥᱟᱠᱟᱢ , ᱪᱟ ᱠᱟ.ᱢᱭᱟ. ᱦᱚᱲ ᱠᱚ ᱠᱚᱞᱠᱟᱛᱟ ᱠᱷᱚᱱ ᱜᱩᱣᱟᱦᱟᱴᱤ ᱛᱮ ᱠᱚ ᱟ.ᱜᱩᱭᱮᱫ ᱠᱚ ᱛᱟᱦᱮᱱᱟ | ᱤᱱᱟ. ᱵᱮᱜᱚᱨ ᱦᱚ ᱵᱨᱚᱢᱚᱯᱩᱛᱨᱚ ᱜᱟᱰᱟ ᱨᱮ ᱟᱭ ᱜᱷᱟᱴ ᱠᱚ ᱛᱟᱦᱮ ᱠᱟᱱᱟ ᱟᱨ ᱩᱱ ᱚᱠᱛᱚ ᱚᱛ ᱥᱟᱜᱟᱲᱚᱢ ᱱᱟᱯᱟᱭ ᱵᱟᱝ ᱛᱟᱦᱮ ᱠᱟᱱ ᱨᱮ ᱫᱟᱜ ᱛᱮᱜᱮ ᱫᱷᱤᱨ ᱦᱚᱲ ᱠᱚ ᱦᱤᱡᱩᱜ ᱥᱮᱱᱚᱜ ᱠᱟᱱ ᱛᱟᱦᱮᱱᱟ | ᱢᱮᱱ ᱠᱷᱟᱱ ᱫᱤᱥᱚᱢ ᱦᱟᱯᱟᱴᱤᱧ ᱛᱟᱭᱚᱢ ᱫᱚ ᱚᱱᱟ ᱠᱚ ᱡᱚᱛᱚ ᱪᱟᱵᱟᱭᱮᱱᱟ | ᱠᱚᱞᱠᱟᱛᱟ ᱠᱷᱚᱱ ᱜᱩᱣᱟᱦᱟᱴᱤ ᱦᱤᱡᱩᱜ ᱡᱟᱦᱟᱡᱽ ᱦᱚ ᱵᱚᱱᱫᱚ ᱭᱮᱱᱟ |

ᱧᱮᱧᱮᱞ ᱡᱟᱭᱜᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

 

  •  ᱥᱨᱤᱢᱚᱱᱛᱚ ᱥᱚᱝᱠᱚᱨ ᱫᱮᱵᱽ ᱠᱚᱞᱟ ᱠᱷᱮᱛᱨᱚ
  •  ᱫᱤᱜᱷᱚᱞᱤ ᱯᱩᱠᱷᱩᱨᱤ
  •  ᱱᱚᱨᱛᱷᱵᱨᱩᱠ ᱜᱮᱴ
  •  ᱫᱤᱯᱚᱨ ᱵᱤᱞ
  •  ᱮᱠᱚ ᱞᱮᱱᱰ

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]