ᱮᱛᱚᱢ ᱛᱨᱤᱯᱩᱨᱟ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱮᱛᱚᱢ ᱛᱨᱤᱯᱩᱨ ᱦᱚᱱᱚᱛ (ᱱᱟᱝᱜᱽᱞᱟ: দক্ষিণ ত্রিপুরা জেলা) ᱫᱚ ᱠᱚᱭᱮ ᱥᱟᱢᱟᱝ ᱥᱤᱧᱚᱛ ᱛᱨᱤᱯᱩᱨᱟ ᱯᱚᱱᱚᱛ ᱨᱮᱭᱟᱜ ᱤᱨᱟ.ᱞ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱛᱮ ᱢᱤᱫᱴᱟᱝ ᱦᱚᱱᱚᱛ ᱠᱟᱱᱟ᱾ ᱱᱤᱭᱟ. ᱦᱚᱱᱚᱛ ᱫᱚ ᱛᱨᱤᱯᱩᱨᱟ ᱯᱚᱱᱚᱛ ᱨᱮᱭᱟᱜ ᱮᱛᱚᱢ ᱩᱛᱟ.ᱨ ᱢᱮᱱᱟᱜ ᱟᱠᱟᱫᱟ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱭᱟ. ᱦᱚᱱᱚᱛ ᱫᱚ ᱛᱨᱤᱯᱩᱨᱟ ᱯᱚᱱᱚᱛ ᱥᱤᱨᱡᱟ.ᱣ ᱚᱠᱛᱮ ᱜᱮ ᱵᱟᱱᱫᱷᱟᱣ ᱞᱮᱱᱟ, ᱱᱤᱭᱟ.ᱦᱚᱱᱚᱛ ᱥᱟᱶ ᱟᱨ ᱵᱟᱨᱭᱟ ᱦᱚᱱᱚᱛ ᱦᱚ ᱥᱟ' ᱛᱮ ᱠᱚ ᱵᱮᱱᱟᱣ ᱛᱚᱨᱟ ᱞᱮᱫᱟ, ᱑᱙᱗᱐ ᱥᱮᱨᱢᱟ ᱨᱮᱭᱟᱜ ᱑ ᱥᱮᱯᱴᱮᱵᱚᱨ ᱢᱟ.ᱦᱤᱛ ᱦᱤᱞᱚᱜ ᱨᱮ᱾

ᱚᱛᱱᱚᱛ ᱩᱱᱩᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱭᱟ. ᱦᱚᱱᱚᱛ ᱞᱮᱠᱷᱟ ᱜᱩᱢ ᱒,᱑᱕᱒ ᱪᱟ.ᱣᱠᱟ. ᱠᱤᱞᱚ ᱢᱤᱴᱥᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ᱾ ᱱᱤᱭᱟ. ᱦᱚᱱᱚᱛ ᱨᱮᱭᱟᱜ ᱫᱚ ᱵᱷᱟ.ᱴᱤᱭᱟ. ᱴᱷᱟ.ᱭ ᱫᱚ ᱦᱩᱭᱩᱜ ᱠᱟᱱᱟ ᱵᱮᱞᱚᱱᱤᱭᱟ᱾

ᱦᱟᱯᱟᱴᱤᱧ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱭᱟ. ᱦᱚᱱᱚᱛ ᱫᱚ ᱯᱮᱭᱟ ᱢᱚᱦᱩᱠᱢᱟ ᱨᱮ ᱦᱟ.ᱴᱤᱧ ᱵᱮᱜᱟᱨ ᱟᱠᱟᱫᱟ᱾ ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ- ᱵᱮᱞᱚᱱᱤᱭᱟ ᱢᱚᱦᱩᱠᱢᱟ, ᱥᱟᱵᱽᱨᱩᱢ ᱢᱚᱦᱩᱠᱢᱟ ᱟᱨ ᱥᱟᱱᱛᱤ ᱵᱟᱡᱟᱨ ᱢᱚᱦᱩᱠᱢᱟ᱾

ᱱᱤᱭᱟ. ᱦᱚᱱᱚᱛ ᱨᱮᱱ ᱦᱚᱲ ᱠᱚ ᱫᱚ ᱵᱟᱨᱭᱟ ᱞᱚᱠ ᱥᱚᱵᱷᱟ ᱴᱚᱴᱷᱟ ᱨᱮ ᱵᱷᱚᱴ ᱠᱚ ᱮᱢᱟ᱾ ᱟᱫᱚᱢ ᱠᱚ ᱫᱚ ᱯᱟᱪᱷᱮ ᱛᱨᱤᱯᱩᱨᱟ ᱞᱚᱠ ᱥᱚᱠ ᱥᱚᱵᱷᱟ ᱴᱚᱴᱷᱟ ᱨᱮ ᱥᱟᱶ ᱛᱮ ᱟᱨ ᱟᱫᱚᱢ ᱠᱚ ᱫᱚ ᱥᱟᱢᱟᱝ ᱛᱨᱤᱯᱩᱨᱟ ᱞᱚᱠ ᱥᱚᱵᱷᱟ ᱴᱚᱴᱷᱟ ᱨᱮᱱ ᱥᱟᱶ ᱛᱮ᱾

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ ᱮᱛᱚᱢ ᱛᱨᱤᱯᱩᱨᱟ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱘᱗᱕,᱖᱔᱔ ᱡᱚᱱᱟ, ᱟᱢᱫᱟᱡᱽ ᱦᱚᱲ ᱞᱮᱠᱷᱟ ᱦᱤᱥᱟ.ᱵᱽ ᱛᱮ ᱯᱷᱤᱡᱤ ᱫᱤᱥᱚᱢ ᱥᱚᱢᱟᱱ ᱦᱩᱭᱩᱜ-ᱟ ᱟᱨᱵᱟᱝ ᱟᱢᱮᱨᱤᱠᱟ ᱫᱤᱥᱚᱢ ᱨᱮᱭᱟᱜ ᱰᱮᱞᱤ ᱣᱟᱭᱟᱨ ᱯᱚᱱᱚᱛ ᱩᱱᱟ.ᱜ ᱥᱚᱢᱟᱱ ᱦᱩᱭᱩᱜ-ᱟ᱾ ᱱᱤᱭᱟ. ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱔᱖᱑ ᱮᱞᱟᱱ ᱦᱚᱱᱚᱛ ᱯᱟᱲᱟᱜ ᱠᱟᱱᱟ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟ.ᱣᱠᱟ. ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱨᱮ ᱒᱘᱖ ᱡᱚᱱᱟ ᱦᱚᱲ ᱠᱚ ᱜᱩᱨᱟ.ᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ᱾ ᱯᱟᱨᱚᱢᱮᱱ ᱜᱮ-ᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟ.ᱵᱤᱡ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱵᱟ.ᱰᱚᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱑᱔.᱐᱓ %᱾ ᱮᱛᱚᱢ ᱛᱨᱤᱯᱩᱨᱟ ᱦᱚᱱᱚᱛ ᱨᱮ ᱢᱤᱫ ᱜᱮ- ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱙᱗᱕ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱘᱔.᱔᱑%᱾

ᱵᱤᱨ ᱡᱤᱭᱟ.ᱞᱤ ᱨᱟᱠᱷᱟ ᱫᱚᱦᱚ ᱵᱟᱜᱽᱣᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱘᱗ ᱥᱮᱨᱢᱟ ᱨᱮ ᱮᱛᱚᱢ ᱛᱨᱤᱯᱩᱨᱟ ᱦᱚᱱᱚᱛ ᱨᱮ ᱢᱤᱫ ᱴᱟᱝ ᱵᱤᱨ ᱡᱤᱭᱟ.ᱞᱤ ᱨᱟᱠᱷᱟ ᱫᱚᱦᱚ ᱵᱟᱜᱽᱣᱟᱱ ᱠᱚ ᱛᱮᱭᱟᱨ ᱞᱮᱫᱟ, ᱚᱱᱟ ᱵᱤᱨ ᱡᱤᱭᱟ.ᱞᱤ ᱨᱟᱠᱷᱟ ᱫᱚᱦᱚ ᱵᱟᱜᱽᱣᱟᱱ ᱨᱮᱭᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱛᱨᱤᱥᱱᱟ ᱵᱩᱨ ᱡᱤᱭᱟ.ᱞᱤ ᱨᱟᱠᱷᱟ ᱫᱚᱦᱚ ᱵᱟᱜᱽᱣᱟᱱ᱾ ᱚᱱᱟ ᱵᱟᱜᱽᱣᱟᱱ ᱨᱮᱭᱟᱜ ᱚᱛ ᱦᱟᱥᱟ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱫᱚ ᱦᱩᱭᱩᱜ ᱠᱟᱱᱟ ᱑᱙᱕ ᱪᱟ.ᱣᱠᱟ. ᱠᱤᱞᱚ ᱢᱤᱴᱟᱨ ᱥᱮ ᱗᱕ ᱪᱟ.ᱣᱠᱟ. ᱢᱟᱭᱤᱞ᱾ ᱱᱤᱭᱟ. ᱦᱚᱱᱚᱛ ᱨᱮ ᱟᱨ ᱢᱤᱫ ᱴᱟᱝ ᱵᱤᱨ ᱡᱤᱭᱟ.ᱞᱤ ᱨᱟᱠᱷᱟ ᱫᱚᱦᱟ ᱵᱟᱜᱽᱣᱟᱱ ᱢᱮᱱᱟᱜ ᱟᱠᱟᱫᱟ, ᱚᱱᱟ ᱨᱮᱭᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ- ᱜᱩᱢᱛᱤ ᱵᱤᱨ ᱡᱤᱭᱟ.ᱞᱤ ᱨᱟᱠᱷᱟ ᱫᱚᱦᱚ ᱵᱟᱜᱽᱣᱟᱱ, ᱚᱠᱟ ᱫᱚ ᱑᱙᱘᱘ ᱥᱮᱨᱢᱟ ᱨᱮ ᱠᱚ ᱵᱟᱱᱫᱷᱟᱣ ᱞᱮᱫ᱾ ᱱᱤᱭᱟ. ᱵᱟᱜᱽᱣᱟᱱ ᱨᱮᱭᱟᱜ ᱚᱛ ᱦᱟᱫᱟ ᱞᱮᱠᱷᱟ ᱡᱚᱠᱷᱟ ᱫᱚ ᱦᱩᱭᱩᱜ ᱠᱟᱱᱟ ᱓᱙᱐ ᱪᱟ.ᱣᱠᱟ. ᱠᱤᱞᱚ ᱢᱤᱴᱟᱨ ᱥᱮ ᱑᱕᱐ ᱪᱟ.ᱣᱠᱟ. ᱢᱟᱭᱤᱞ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]