ᱡᱷᱟᱨᱠᱷᱚᱸᱰ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱡᱷᱟᱨᱠᱷᱚᱸᱰ
ᱯᱚᱱᱚᱛ
ᱥᱤᱠᱷᱟᱨ ᱯᱟᱨᱟᱥᱱᱟᱛᱷ ᱵᱩᱨᱩ
ᱥᱤᱧᱚᱛ ᱨᱮ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱴᱷᱟᱶ
ᱥᱤᱧᱚᱛ ᱨᱮ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱴᱷᱟᱶ
Coordinates (ᱨᱟᱺᱪᱤ): 23°50′N 91°17′E / 23.84°N 91.28°E / 23.84; 91.28Coordinates: 23°50′N 91°17′E / 23.84°N 91.28°E / 23.84; 91.28
ᱫᱤᱥᱚᱢ  ᱥᱤᱧᱚᱛ
ᱛᱷᱟᱯᱚᱱ ᱑᱕ ᱱᱚᱵᱷᱮᱢᱵᱚᱨ ᱒᱐᱐᱐
ᱨᱟᱡᱽᱜᱟᱲ ᱨᱟᱺᱪᱤ
ᱢᱟᱨᱟᱝ ᱱᱟᱜᱟᱨ ᱡᱟᱢᱥᱮᱫᱽᱯᱩᱨ
ᱡᱤᱞᱟᱹ ᱮᱞ ᱒᱔
ᱥᱚᱨᱠᱟᱨ
 • ᱨᱟᱡᱽᱭᱚᱯᱟᱞ ᱫᱨᱚᱣᱯᱚᱫᱤ ᱢᱩᱨᱢᱩ
 • ᱥᱤᱨᱟᱹ ᱢᱚᱱᱛᱨᱤ ᱨᱟᱹᱜᱷᱩᱵᱚᱨ ᱫᱟᱥ ᱥᱚᱨᱠᱟᱨ
 • ᱱᱭᱟᱭ ᱯᱟᱞᱤᱠᱟ ᱢᱤᱫ ᱱᱭᱟᱭ ᱯᱟᱞᱤᱠᱟ (᱘᱑ ᱢᱟᱹᱪᱤ)
 • ᱯᱚᱱᱚᱛ ᱫᱚᱨᱵᱟᱨ ᱵᱟᱪᱱᱟᱣ ᱢᱟᱹᱪᱤ (᱖ ᱢᱟᱹᱪᱤ)
 • ᱫᱤᱥᱚᱢ ᱫᱚᱨᱵᱟᱨ ᱵᱟᱪᱱᱟᱣ ᱢᱟᱹᱪᱤ (᱑᱔ ᱢᱟᱹᱪᱤ)
ᱮᱨᱤᱭᱟ
 • ᱞᱮᱠᱷᱟᱜᱩᱴ 79714 ᱠᱤᱢᱤ (30778 ᱜᱟᱺᱴ ᱢᱟᱭᱤᱞ)
ᱟᱨᱤᱭᱟ ᱨᱮᱸᱠ ᱑᱕ ᱟᱱᱟᱜ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱙)
 • ᱞᱮᱠᱷᱟᱜᱩᱴ ᱓᱙,᱒᱘᱐,᱘᱑᱒
 • ᱫᱷᱟᱹᱲ ᱮᱞ ᱑᱓ ᱟᱜ
 • ᱰᱮᱱᱥᱤᱴᱤ 490/ᱠᱤᱢᱤ2 (1300/ᱜᱟᱺᱴ ᱢᱟᱹᱭᱤᱞ)
IST (UTC+᱐᱕:᱓᱐)
ISO 3166 code IN-JH
HDI increase ᱐.᱕᱗᱘ (ᱛᱟᱱᱟᱞᱟ)
HDI ᱫᱷᱟᱹᱲ ᱮᱞ ᱓᱓ ᱭᱟᱜ
ᱥᱩᱦᱤ ᱦᱟᱨ ᱖᱗.᱖%
ᱥᱚᱨᱠᱟᱨᱤ ᱯᱟᱹᱨᱥᱤ ᱦᱤᱱᱫᱤ, ᱥᱟᱱᱛᱟᱲᱤ
ᱣᱮᱵᱽᱥᱟᱭᱤᱴ jharkhand.nic.in
Symbols of ᱥᱟᱱᱛᱟᱲᱤ
Flag  ᱥᱤᱧᱚᱛ
Language
Santali written in Ol Chiki script.svg
ᱥᱟᱱᱛᱟᱲᱤ
Animal Elephas maximus (Bandipur).jpg ᱦᱟᱹᱛᱤ
Bird Asian koel.jpg ᱠᱩᱭᱞᱤ
Flower STS 001 Butea monosperma.jpg ᱢᱩᱨᱩᱫ ᱵᱟᱦᱟ
Tree Sal (Shorea robusta)- flowering canopy W Picture 117.jpg ᱥᱟᱨᱡᱚᱢ ᱫᱟᱨᱮ

ᱡᱷᱟᱨᱠᱷᱚᱸᱰ ᱫᱚ ᱥᱤᱧᱚᱛ ᱨᱮᱱᱟᱜ ᱢᱤᱫ ᱧᱩᱛᱩᱢᱟᱱ ᱯᱚᱱᱚᱛ ᱠᱟᱱᱟ ᱾ ᱨᱟᱺᱪᱤ ᱱᱚᱣᱟ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱥᱤᱢᱟᱹ ᱫᱚ ᱠᱚᱸᱭᱮ ᱨᱮ ᱵᱤᱦᱟᱨ, ᱯᱟᱪᱮ ᱨᱮ ᱩᱛᱚᱨ ᱯᱨᱚᱫᱮᱥ ᱟᱨ ᱪᱷᱚᱛᱤᱥᱜᱚᱰ, ᱮᱛᱚᱢ ᱨᱮ ᱳᱰᱤᱥᱟ ᱟᱨ ᱥᱟᱢᱟᱝ ᱨᱮ ᱫᱚ ᱯᱚᱪᱷᱤᱢ ᱵᱟᱸᱜᱽᱞᱟ ᱢᱮᱱᱟᱜᱼᱟ ᱾ ᱥᱩᱨ ᱥᱩᱯᱩᱨ ᱯᱩᱨᱟᱹ ᱯᱚᱱᱚᱛ ᱪᱷᱚᱴᱟᱱᱚᱜᱯᱩᱨ ᱨᱮᱱᱟᱜ ᱩᱥᱩᱞ ᱴᱷᱟᱶ ᱨᱮ ᱢᱮᱱᱟᱜᱼᱟ ᱾ ᱵᱤᱦᱟᱨ ᱨᱮᱱᱟᱜ ᱮᱛᱚᱢ ᱴᱷᱟᱶ ᱠᱷᱚᱱ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱫᱚ ᱥᱤᱨᱡᱚᱱ ᱞᱮᱱᱟ ᱾ ᱱᱚᱰᱮᱱᱟᱜ ᱮᱴᱟᱜ ᱢᱟᱨᱟᱝ ᱱᱟᱜᱟᱨ ᱠᱚ ᱢᱩᱸᱫᱽ ᱨᱮ ᱡᱟᱢᱥᱮᱫᱽᱯᱩᱨ, ᱫᱷᱟᱱᱵᱟᱫᱽ, ᱵᱚᱠᱟᱨᱚ ᱮᱢᱟᱱ ᱢᱮᱱᱟᱜᱼᱟ ᱾ ᱦᱤᱱᱫᱤ ᱟᱨ ᱥᱟᱱᱛᱟᱲᱤ ᱯᱟᱹᱨᱥᱤ ᱵᱟᱹᱲᱛᱤ ᱠᱟᱛᱮ ᱠᱚ ᱨᱚᱲ ᱠᱟᱱᱟ ᱱᱚᱶᱟ ᱯᱚᱱᱚᱛ ᱨᱮ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱨᱮ ᱡᱩᱜᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱟᱨᱠᱷᱚᱸᱰ ᱨᱮᱱᱟᱜ ᱦᱟᱡᱟᱨᱤᱵᱟᱜᱽ ᱦᱚᱱᱚᱛ ᱨᱮ ᱕᱐᱐᱐ ᱥᱮᱨᱢᱟ ᱢᱟᱨᱮ ᱜᱚᱝᱜᱷᱚᱨ ᱪᱤᱛᱟᱹᱨ ᱧᱟᱢ ᱟᱠᱟᱱᱟ ᱾ ᱱᱚᱶᱟ ᱯᱚᱱᱚᱛ ᱨᱮ ᱑᱔᱐᱐ ᱤᱥᱟᱹᱭ ᱥᱮᱨᱢᱟ ᱞᱟᱦᱟ ᱨᱮᱱᱟᱜ ᱢᱮᱬᱦᱮᱫ ᱦᱟᱹᱛᱭᱟᱹᱨ ᱟᱨ ᱦᱟᱥᱟ ᱨᱮᱱᱟᱜ ᱥᱟᱯᱟᱵ ᱨᱮᱱᱟᱜ ᱢᱮᱥᱨᱮᱡ (ᱢᱮᱴᱟᱣ ᱥᱟᱨᱮᱡ) ᱧᱟᱢ ᱟᱠᱟᱱᱟ ᱾ ᱓᱒᱕ ᱤᱥᱟᱹᱭ ᱥᱮᱨᱢᱟ ᱞᱟᱦᱟ ᱫᱚ ᱡᱷᱟᱨᱠᱷᱚᱸᱰ ᱢᱚᱜᱽᱫᱷᱚ ᱠᱷᱚᱱ ᱥᱤᱨᱤᱡᱽ ᱟᱠᱟᱱ ᱢᱚᱨᱭᱚ ᱥᱟᱢᱨᱟᱡᱽ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱠᱟᱬᱤ ᱢᱩᱠᱩᱴ ᱨᱟᱭ ᱫᱚ ᱪᱷᱚᱴᱱᱟᱜᱽᱯᱩᱨ ᱨᱮ ᱱᱟᱜᱽᱵᱚᱝᱥᱚ ᱨᱮᱱᱟᱜ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ ᱾

ᱛᱟᱞᱟᱢᱟᱞᱟ ᱡᱩᱜᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱟᱞᱟᱢᱟᱞᱟ ᱡᱩᱜᱽ ᱨᱮ ᱱᱚᱣᱟ ᱮᱨᱤᱭᱟ ᱨᱮ ᱪᱮᱨᱚ ᱨᱟᱡᱽᱵᱚᱝᱥᱚ ᱟᱨ ᱱᱟᱜ ᱵᱚᱝᱥᱚ ᱨᱟᱡᱟ ᱟᱜ ᱥᱟᱥᱚᱱ ᱛᱟᱦᱮᱸ ᱠᱟᱱᱟ ᱾ ᱢᱩᱜᱚᱞ ᱯᱨᱚᱵᱷᱟᱣ ᱱᱚᱣᱟ ᱮᱨᱤᱭᱟ ᱨᱮ ᱥᱟᱢᱨᱟᱡᱽ ᱟᱠᱵᱚᱨ ᱟᱜ ᱥᱟᱥᱚᱱᱡᱩᱜᱽ ᱨᱮᱭᱟᱜ ᱚᱠᱛᱚ ᱥᱮᱴᱮᱨ ᱨᱮᱱᱟ ᱩᱱᱡᱷᱚ ᱑᱕᱗᱔ ᱥᱟᱞᱮ ᱨᱮ ᱨᱟᱡᱟ ᱢᱟᱱᱥᱤᱝ ᱫᱚ ᱱᱚᱰᱮ ᱫᱚ ᱞᱟᱜᱟ ᱠᱮᱫ ᱠᱚᱣᱟ ᱾ ᱵᱟᱲᱤᱜ ᱦᱚᱲ ᱥᱟᱞᱮ ᱨᱮ ᱛᱟᱞᱟᱢᱟᱞᱟ ᱡᱩᱜᱽ ᱨᱮ ᱪᱷᱚᱴᱟᱱᱚᱜᱯᱩᱨ ᱢᱟᱦᱟ ᱱᱟᱜᱵᱚᱝᱥᱚ ᱨᱟᱡᱟ ᱛᱟᱦᱮᱸ ᱠᱟᱱᱟ, ᱩᱱᱤᱭᱟᱜ ᱥᱟᱥᱚᱱ ᱡᱩᱜᱽ ᱨᱮ ᱢᱩᱜᱚᱞ ᱥᱟᱥᱚᱠ ᱡᱟᱦᱟᱸᱜᱤᱨ ᱟᱜ ᱢᱤᱫ ᱚᱠᱛᱚ ᱡᱷᱚ ᱨᱮ ᱥᱮᱱᱟᱯᱚᱛᱤ ᱫᱚ ᱱᱚᱣᱟ ᱮᱨᱤᱭᱟ ᱨᱮ ᱞᱟᱜᱟ ᱠᱮᱫ ᱠᱚᱣᱟ ᱾ ᱨᱟᱡᱟ ᱢᱮᱫᱱᱤ ᱨᱟᱭ ᱫᱚ, ᱑᱖᱕᱘ ᱠᱷᱚᱱ ᱑᱖᱗᱔ ᱰᱷᱟᱵᱤᱡ ᱯᱟᱞᱟᱢᱩ ᱮᱨᱤᱭᱟ ᱨᱮ ᱥᱟᱥᱚᱱ ᱠᱮᱫᱼᱟ ᱾ ᱪᱮᱨᱚ ᱨᱟᱡᱽᱵᱚᱝᱥᱚ ᱟᱜ ᱞᱚᱡᱚᱨᱤ ᱠᱟᱛᱮ ᱫᱚ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱟᱜ ᱱᱚᱣᱟ ᱮᱨᱤᱭᱟ ᱨᱮ ᱫᱚᱠᱷᱚᱞ ᱠᱮᱫᱼᱟ ᱾ ᱵᱨᱤᱴᱤᱥ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱫᱚ ᱪᱮᱨᱚ ᱟᱜ ᱯᱟᱞᱟᱢᱩ ᱠᱤᱞᱮ ᱨᱮ ᱫᱚᱠᱷᱚᱞ ᱠᱮᱫᱼᱟ ᱾

ᱱᱟᱣᱟ ᱡᱩᱜᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱗᱖᱕ ᱥᱟᱞ ᱛᱟᱭᱚᱢ ᱱᱚᱰᱮ ᱵᱨᱤᱴᱤᱥ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱟᱜ ᱜᱟᱥᱮᱨ ᱠᱮᱫ ᱠᱚᱣᱟ ᱾ ᱤᱝᱜᱽᱨᱟᱹᱡᱽᱼ ᱢᱟᱨᱟᱴᱷᱟ ᱞᱟᱹᱲᱟᱹᱭ ᱛᱟᱭᱚᱢ ᱪᱷᱚᱴᱟᱱᱚᱜᱯᱩᱨ ᱥᱟᱦᱟᱛᱟ ᱨᱮᱱᱟᱜ ᱟᱰᱤ ᱞᱮᱠᱟᱱ ᱯᱚᱱᱚᱛ ᱵᱨᱤᱴᱤᱥ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱟᱜ

  • ᱑᱗᱖᱙-᱑᱘᱐᱕: ᱪᱩᱣᱟᱲ ᱞᱟᱲᱦᱟᱹᱭ ᱨᱟᱹᱜᱷᱩᱱᱟᱛᱷ ᱢᱟᱦᱛᱚ ᱟᱜ ᱟᱭᱩᱨᱛᱮ
  • ᱑᱗᱗᱒-᱑᱗᱘᱐: ᱯᱟᱦᱟᱲᱤᱭᱟ ᱞᱟᱲᱦᱟᱹᱭ
  • ᱑᱗᱘᱐-᱑᱗᱘᱕: ᱛᱤᱞᱠᱟᱹ ᱢᱟᱡᱷᱤ ᱟᱜ ᱞᱟᱲᱦᱟᱹᱭ ᱨᱮ ᱢᱟᱡᱷᱤ ᱞᱟᱲᱦᱟᱹᱭ ᱡᱚᱠᱷᱚᱱ ᱵᱷᱟᱜᱚᱞᱯᱩᱨ ᱨᱮ ᱑᱗᱘᱕ ᱥᱟᱞᱮ ᱨᱮ ᱛᱤᱞᱠᱟᱹ ᱢᱟᱡᱷᱤ ᱫᱚ ᱯᱟᱥᱤ ᱠᱚ ᱮᱢᱟᱫ ᱫᱮᱭᱟ ᱠᱚ ᱾
  • ᱑᱗᱙᱕-᱑᱘᱒᱑: ᱛᱟᱢᱟᱲ ᱞᱟᱲᱦᱟᱹᱭ
  • ᱑᱗᱙᱓-᱑᱗᱙᱖: ᱢᱩᱸᱰᱟᱹ ᱞᱟᱲᱦᱟᱹᱭ ᱨᱟᱢᱥᱟᱦᱤ ᱟᱜ ᱟᱭᱩᱨᱛᱮ ᱛᱮ
  • ᱑᱘᱐᱐-᱑᱘᱐᱒: ᱢᱩᱸᱰᱟᱹ ᱞᱟᱲᱦᱟᱹᱭ
  • ᱑᱘᱑᱒: ᱵᱟᱠᱷᱛᱟᱨ ᱥᱟᱭ ᱟᱨ ᱢᱩᱸᱰᱟᱞ ᱥᱤᱝ ᱟᱜ ᱞᱟᱲᱦᱟᱹᱭ ᱨᱮ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱟᱜ ᱵᱤᱵᱷᱮᱫ ᱞᱟᱲᱦᱟᱹᱭ
  • ᱑᱗᱗᱐-᱑᱗᱗᱑: ᱪᱮᱨᱚ ᱞᱟᱲᱦᱟᱹᱭ ᱯᱟᱞᱟᱢᱩᱹ ᱨᱤᱱᱤᱡ ᱡᱟᱭᱱᱟᱛᱷ ᱥᱤᱝ ᱟᱜ ᱟᱭᱩᱨᱛᱮ
  • ᱑᱘᱓᱒-᱑᱘᱓᱓: ᱠᱷᱚᱣᱟᱨ ᱞᱟᱲᱦᱟᱹᱭ ᱵᱷᱟᱜᱤᱨᱟᱛᱷ, ᱫᱩᱵᱟᱭ ᱜᱚᱥᱟᱭ, ᱟᱨ ᱯᱟᱴᱮᱞ ᱥᱤᱝ ᱟᱜ ᱟᱭᱩᱨᱛᱮ ᱛᱮ
  • ᱑᱘᱓᱓-᱑᱘᱓᱔: ᱵᱷᱩᱢᱤᱡ ᱞᱟᱲᱦᱟᱹᱭ ᱵᱤᱨᱵᱷᱩᱢ ᱨᱮᱱᱟᱜ ᱜᱟᱸᱜᱟ ᱱᱟᱨᱟᱭᱚᱱ ᱟᱜ ᱟᱭᱩᱨᱛᱮ ᱛᱮ
  • ᱑᱘᱕᱕: ᱞᱚᱨᱰ ᱠᱟᱨᱱᱵᱟᱞᱤᱥ ᱟᱜ ᱠᱷᱟᱛᱤᱨ ᱛᱮ ᱥᱟᱱᱛᱟᱲᱟᱜ ᱟᱜ ᱞᱟᱲᱦᱟᱹᱭ
  • ᱑᱘᱕᱕-᱑᱘᱖᱐: ᱥᱤᱫᱚ ᱠᱟᱱᱦᱩ ᱟᱜ ᱟᱭᱩᱨᱛᱮ ᱥᱟᱱᱛᱟᱲᱟᱜ ᱟᱜ ᱞᱟᱲᱦᱟᱹᱭ
  • ᱑᱘᱕᱗: ᱱᱤᱞᱟᱢᱵᱚᱨ-ᱯᱤᱛᱟᱢᱵᱚᱨ ᱟᱜ ᱯᱟᱞᱟᱢᱩ ᱨᱮ
  • ᱑᱘᱕᱗: ᱥᱟᱦᱤᱫᱞᱟᱞ, ᱨᱟᱭ ᱟᱨ ᱵᱩᱫᱷᱩ ᱵᱤᱨ ᱟᱜ ᱥᱤᱯᱟᱹᱦᱤ ᱞᱟᱲᱦᱟᱹᱭ ᱟᱜ ᱟᱸᱫᱳᱲ
  • ᱑᱘᱗᱔: ᱠᱷᱮᱨᱚᱣᱟᱲ ᱟᱱᱫᱚᱞᱟᱱ ᱵᱷᱟᱜᱤᱨᱟᱛᱷ ᱢᱟᱡᱷᱤ ᱟᱜ ᱟᱭᱩᱨᱛᱮ
  • ᱑᱘᱘᱐: ᱠᱷᱟᱲᱤᱭᱟ ᱞᱟᱲᱦᱟᱹᱭ ᱛᱮᱞᱟᱝᱜᱟ ᱠᱷᱟᱲᱤᱭᱟ ᱟᱜ ᱟᱭᱩᱨᱛᱮ ᱛᱮ
  • ᱑᱘᱙᱕-᱑᱙᱐᱐: ᱵᱤᱨᱥᱟ ᱢᱩᱸᱰᱟᱹ ᱟᱜ ᱟᱭᱩᱨᱛᱮ ᱢᱩᱸᱰᱟᱹ ᱞᱟᱲᱦᱟᱹᱭ

ᱱᱩᱠᱩ ᱡᱚᱛᱚ ᱛᱩᱯᱩᱫ ᱨᱮᱭᱟᱜ ᱤᱱᱰᱤᱭᱟ ᱵᱨᱤᱴᱤᱥ ᱥᱤᱯᱟᱹᱦᱤ ᱟᱛᱮᱫ ᱯᱷᱚᱡᱚᱸ ᱟᱜ ᱟᱰᱤ ᱩᱰᱤᱜᱟᱱ ᱠᱷᱚᱱ ᱵᱮᱠᱟᱨ ᱠᱮᱫᱼᱟ ᱠᱚ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱑᱙᱑᱔ ᱥᱟᱞᱮ ᱨᱮ ᱡᱟᱛᱨᱟ ᱵᱷᱟᱜᱟᱛ ᱟᱜ ᱟᱱᱟᱭᱩᱨ ᱨᱮ ᱵᱟᱨᱜᱮᱞ ᱛᱩᱨᱩᱭ ᱦᱟᱡᱟᱨ (᱒᱖᱐᱐᱐) ᱜᱟᱱ ᱟᱫᱤᱵᱟᱥᱤ ᱫᱚ ᱟᱨᱦᱚᱸ ᱵᱨᱤᱴᱤᱥ ᱟᱜ ᱨᱩᱞ ᱟᱫᱚᱞ ᱞᱟᱲᱦᱟᱹᱭ ᱞᱮᱱᱟ ᱠᱚ ᱾ ᱡᱟᱦᱟᱸ ᱥᱟᱜ ᱚᱨᱥᱚᱧ ᱠᱟᱛᱮ ᱢᱚᱦᱟᱛᱟᱢᱟ ᱜᱟᱱᱫᱷᱤ ᱫᱚ ᱯᱷᱩᱨᱜᱟᱹᱞ ᱞᱟᱜᱤᱫ ᱮ ᱱᱮᱦᱚᱨ ᱞᱮᱫᱼᱟ ᱟᱨ ᱟᱸᱫᱳᱲ ᱮᱛᱚᱦᱚᱵ ᱞᱮᱫᱼᱟ ᱾

ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱠᱚᱭ ᱨᱮᱭᱟᱜ ᱱᱟᱜᱟᱢ ᱢᱤᱫᱥᱟᱭ ᱥᱟᱞ ᱠᱷᱚᱱ ᱦᱚᱸ ᱢᱟᱨᱮ ᱜᱮᱭᱟ ᱡᱚᱠᱷᱚᱱ ᱑᱙᱓᱘ ᱥᱟᱞᱮ ᱤᱥᱤ ᱚᱱᱟ ᱥᱩᱨᱥᱩᱯᱩᱨ ᱨᱮ ᱡᱚᱭᱯᱟᱞ ᱥᱤᱝ ᱥᱤᱧᱚᱛᱤᱭᱟᱹ ᱦᱚᱠᱤ ᱠᱷᱮᱞᱚᱸᱰᱤᱭᱟᱹ ᱛᱟᱦᱮᱸ ᱠᱟᱱᱟ ᱟᱨ ᱩᱱᱠᱤᱱ ᱠᱷᱮᱞᱚᱹᱰ ᱨᱮ ᱥᱤᱧᱚᱛᱤᱭᱟᱹ ᱦᱚᱠᱤ ᱫᱚᱞ ᱨᱤᱱᱤᱡ ᱢᱩᱲᱛᱮᱱ ᱞᱮᱠᱟ ᱵᱟᱪᱱᱟᱣ ᱞᱮᱱᱟ ᱾ ᱟᱫᱚ ᱢᱟᱲᱟᱝ ᱮᱛᱚᱦᱚᱵ ᱵᱤᱦᱟᱨ ᱨᱮᱱᱟᱜ ᱠᱚᱧᱮ ᱥᱟᱦᱛᱟ ᱦᱚᱱᱚᱛ ᱠᱚ ᱢᱮᱥᱟ ᱠᱟᱛᱮ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱵᱮᱱᱟᱣ ᱨᱮᱱᱟᱜ ᱠᱤᱱ ᱨᱤᱠᱟᱹ ᱞᱮᱫᱼᱟ ᱾ ᱱᱚᱣᱟ ᱠᱩᱠᱢᱩ ᱒ ᱚᱜᱚᱥᱴ ᱒᱐᱐᱐ ᱥᱟᱞᱮ ᱨᱮ ᱯᱩᱨᱟᱣ ᱮᱱᱟ ᱾ ᱡᱚᱠᱷᱚᱱ ᱥᱚᱸᱥᱚᱫ ᱨᱮ ᱱᱚᱣᱟ ᱠᱟᱛᱷᱟ ᱠᱚ ᱯᱷᱮᱴᱟᱹᱞ ᱠᱮᱫᱼᱟ ᱾ ᱯᱚᱱᱚᱛ ᱨᱮᱱᱟᱜ ᱮᱞᱟᱝ ᱢᱩᱲ ᱨᱩᱯ ᱠᱷᱚᱱ ᱨᱟᱡᱽᱜᱟᱲ ᱨᱟᱺᱪᱤ ᱟᱨ ᱡᱟᱢᱥᱮᱫᱽᱯᱩᱨ, ᱫᱷᱟᱱᱵᱟᱫᱽ, ᱵᱚᱠᱟᱨᱚ ᱞᱮᱠᱟᱱ ᱩᱫᱭᱚᱜᱤᱠ ᱛᱟᱞᱢᱟ ᱠᱷᱚᱱ ᱰᱮᱦᱮᱨ ᱛᱮᱫ ᱚᱨᱥᱚᱝ ᱦᱩᱭᱩᱜ ᱠᱟᱱᱟ ᱾ ᱥᱟᱞ ᱒᱐᱐᱐, ᱑᱕ ᱱᱚᱵᱷᱮᱢᱵᱚᱨ ᱨᱮ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱫᱚ ᱛᱮᱛᱮᱫ ᱨᱩᱯ ᱛᱮ ᱫᱷᱟᱨᱚᱱ ᱠᱮᱫᱼᱟ ᱟᱨ ᱥᱤᱧᱚᱛ ᱨᱮᱱᱟᱜ ᱒᱘ ᱟᱱᱟᱜ ᱯᱚᱱᱚᱛ ᱨᱮᱱᱟᱜ ᱨᱩᱯ ᱨᱮ ᱧᱩᱢ ᱦᱤᱛᱤᱨ ᱠᱮᱫᱼᱟ ᱾

ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱟᱨᱠᱷᱚᱸᱰ ᱫᱚ ᱢᱤᱫ ᱯᱚᱱᱚᱛ ᱠᱟᱱᱟ, ᱱᱚᱱᱰᱮ ᱫᱚ ᱢᱩᱴ ᱒᱔ (ᱵᱟᱜᱮᱞᱯᱩᱱ) ᱜᱚᱴᱟᱝ ᱡᱤᱞᱟ. ᱠᱚ ᱢᱮᱱᱟᱜ-ᱟ ᱾ ᱑᱕ ᱱᱚᱵᱷᱮᱢᱵᱚᱨ ᱒᱐᱐᱐ ᱥᱮᱨᱢᱟ ᱨᱮ ᱢᱤᱫᱴᱮᱱ ᱱᱟᱣᱟ ᱯᱚᱱᱚᱛ ᱢᱮᱱ ᱛᱮ ᱵᱟᱱᱫᱷᱟᱣ ᱞᱮᱱᱮ ᱟᱨ ᱨᱟᱡᱽᱜᱟᱲ ᱫᱚ ᱨᱟᱺᱪᱤ ᱾ ᱡᱷᱟᱨᱠᱟᱸᱰ ᱨᱮᱱᱟᱜ ᱢᱩᱴ ᱦᱟᱥᱟ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱫᱚ ᱖᱙,᱗᱑᱔ ᱪᱟ.ᱣᱠᱟ. ᱠᱤᱞᱚᱢᱤᱴᱟᱨ ᱠᱟᱱᱟ ᱾ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱥᱟᱢᱟᱝ ᱱᱟᱠᱷᱟ ᱨᱮᱫᱚ ᱵᱮᱸᱜᱟᱞ ᱯᱚᱱᱚᱛ, ᱯᱟᱪᱷᱮ ᱱᱟᱠᱷᱟ ᱨᱮᱫᱚ ᱪᱷᱟᱛᱛᱤᱥᱜᱚᱲ, ᱮᱛᱚᱢ ᱱᱟᱠᱷᱟ ᱨᱮᱫᱚ ᱵᱤᱦᱟᱨ, ᱯᱟᱪᱷᱮ ᱼ ᱮᱛᱚᱢ ᱱᱟᱠᱷᱟ ᱨᱮᱫᱚ ᱩᱛᱛᱚᱨ ᱯᱨᱚᱫᱮᱥ ᱟᱨ ᱠᱚᱧᱮ ᱱᱟᱠᱷᱟ ᱨᱮᱫᱚ ᱳᱰᱤᱥᱟ ᱯᱚᱱᱚᱛ ᱢᱮᱱᱟᱜ-ᱟ ᱾


ᱡᱷᱟᱨᱠᱷᱚᱸᱰ ᱨᱤᱱᱤᱡ ᱫᱚᱞᱢᱟ ᱵᱩᱨᱩ ᱡᱤᱣ ᱟᱵᱷᱭᱟᱨᱚᱱᱭᱚ ᱦᱟᱛᱤ ᱠᱟᱱᱟ

ᱦᱚᱭᱫᱟᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱟᱨᱠᱷᱚᱸᱰ ᱨᱮᱱᱟᱜ ᱦᱚᱭᱫᱟᱜ ᱠᱚᱧᱮ ᱨᱮ

ᱰᱮᱢᱚᱜᱨᱟᱯᱷᱤᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱤᱧᱚᱛ ᱨᱮᱱᱟᱜ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱦᱚᱲ ᱮᱞ ᱓᱒.᱙᱖ ᱢᱤᱞᱤᱭᱟᱱ ᱢᱮᱱᱟᱜ ᱠᱚᱣᱟ, ᱡᱚᱠᱷᱚᱱ ᱑᱖.᱙᱓ ᱢᱤᱞᱤᱭᱟᱱ ᱠᱚᱲᱟ ᱟᱨ ᱑᱖.᱐᱓ ᱢᱤᱞᱤᱭᱟᱱ ᱛᱤᱨᱞᱟᱹ ᱢᱮᱱᱟᱜ ᱠᱚᱣᱟ ᱾[᱑] ᱡᱟᱱᱟᱝ ᱡᱟᱹᱱᱤ ᱫᱚ ᱙᱔᱗ ᱠᱩᱲᱤ ᱨᱮ ᱑᱐᱐᱐ ᱠᱚᱲᱟ ᱢᱮᱱᱟᱜ ᱠᱚᱣᱟ ᱾[᱑]ᱜᱨᱟᱢᱤᱱ ᱯᱟᱠᱩᱲ ᱦᱚᱱᱚᱛ ᱨᱮᱱᱟᱜ ᱛᱩᱞᱟ ᱠᱷᱟᱱᱮᱢ ᱯᱚᱱᱚᱛ ᱨᱮᱱᱟᱜ ᱥᱮᱪᱮᱫ ᱫᱚᱨ ᱖᱗.᱖᱓% ᱛᱟᱦᱮᱸ ᱠᱟᱱᱟ ᱨᱟᱺᱪᱤ ᱦᱚᱱᱚᱛ, ᱟᱫᱚ ᱗᱗.᱑᱓% ᱛᱟᱦᱮᱸ ᱠᱟᱱᱟ, ᱠᱚᱢ ᱠᱷᱚᱱ ᱠᱚᱢ ᱕᱐.᱑᱗% ᱛᱟᱦᱮᱸ ᱠᱟᱱᱟ [᱑]

ᱠᱟᱹᱣᱰᱤ ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Open-cast Coal Mining in ᱫᱷᱟᱱᱵᱟᱫᱽ

ᱡᱷᱟᱨᱠᱷᱚᱸᱰ ᱨᱮᱭᱟᱜ ᱠᱟᱹᱣᱰᱤᱟᱹᱨᱤ ᱢᱩᱬ ᱨᱩᱯ ᱠᱷᱚᱱ ᱠᱷᱟᱱᱤᱡᱽ ᱟᱨ ᱵᱤᱨ ᱥᱚᱢᱯᱚᱛᱤ ᱠᱷᱚᱱ ᱫᱤᱥᱟ ᱠᱟᱱᱟ ᱾

ᱢᱮᱬᱦᱮᱫ, ᱠᱚᱭᱞᱟ, ᱢᱟᱭᱠᱟ, ᱵᱚᱠᱥᱟᱭᱤᱴ, ᱯᱷᱟᱭᱟᱨ-ᱠᱞᱮ, ᱜᱨᱮᱯᱷᱟᱭᱤᱴ, ᱠᱟᱭᱱᱟᱭᱤᱴ, ᱥᱮᱞᱤᱢᱟᱭᱤᱴ, ᱪᱩᱱᱟᱹ ᱫᱷᱤᱨᱤ, ᱭᱩᱨᱮᱱᱤᱭᱚᱢ 

ᱤᱱᱰᱤᱥᱴᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱟᱨᱠᱷᱚᱸᱰ ᱨᱮ ᱟᱰᱤ ᱞᱮᱠᱟᱱ ᱟᱩᱫᱭᱚᱜᱤᱠᱨᱤᱛ ᱴᱷᱟᱶ ᱠᱟᱱᱟ - ᱡᱟᱢᱥᱮᱫᱽᱯᱩᱨ, ᱨᱟᱺᱪᱤ, ᱵᱚᱠᱟᱨᱚ ᱟᱨ ᱫᱷᱟᱱᱵᱟᱫᱽ ᱤᱱᱟᱹ ᱢᱮᱱᱟᱜᱼᱟ ᱾ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱩᱫᱭᱚᱜᱚᱸ ᱨᱮ ᱟᱨᱦᱚᱸ ᱢᱮᱱᱟᱜᱼᱟ :

ᱦᱚᱨ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

National Highway 33 near Ramgarh Cantonment
State Highway 2 in the Mountainous ᱯᱟᱛᱨᱟᱛᱩ ᱜᱷᱟᱴᱤ

ᱩᱰᱟᱹᱱ ᱰᱟᱹᱦᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱤᱨᱥᱟᱹ ᱢᱩᱸᱰᱟᱹ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱯᱚᱱᱚᱛ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜᱼᱟ, ᱟᱫᱚ ᱫᱤᱞᱞᱤ, ᱠᱚᱞᱠᱟᱛᱟ, ᱵᱮᱝᱜᱟᱞᱩᱨᱩ, ᱢᱩᱢᱵᱟᱭ, ᱦᱟᱭᱫᱨᱟᱵᱟᱫᱽ, ᱪᱮᱱᱱᱟᱭ ᱮᱢᱟᱱ ᱢᱩᱬ ᱥᱤᱧᱚᱛᱤᱭᱟᱹ ᱥᱚᱦᱚᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱥᱟᱞᱟᱜ ᱡᱚᱲᱟᱣ ᱢᱮᱱᱟᱜᱼᱟ ᱾ [᱒] ᱯᱚᱱᱚᱛ ᱨᱮ ᱢᱮᱱᱟᱜᱼᱟ ᱩᱰᱟᱹᱱ ᱰᱟᱹᱦᱤ ᱵᱚᱠᱟᱨᱚ ᱩᱰᱟᱹᱱ ᱰᱟᱹᱦᱤ, ᱡᱟᱢᱥᱮᱫᱽᱯᱩᱨ ᱩᱰᱟᱹᱱ ᱰᱟᱹᱦᱤ, ᱪᱟᱠᱩᱞᱤᱭᱟ ᱩᱰᱟᱹᱱ ᱰᱟᱹᱦᱤ, ᱫᱩᱢᱠᱟᱹ ᱩᱰᱟᱹᱱ ᱰᱟᱹᱦᱤ ᱟᱨ ᱫᱷᱟᱱᱵᱟᱫᱽ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜᱼᱟ, ᱟᱫᱚ ᱰᱮᱦᱮᱨ ᱛᱮᱫ ᱯᱨᱟᱵᱷᱮᱴ ᱟᱨ ᱪᱟᱨᱴᱟᱨ ᱩᱰᱟᱹᱣᱚᱜ ᱥᱮᱱᱚᱜ ᱟ ᱾[᱓]

ᱥᱚᱲᱚᱠ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱟᱨᱠᱷᱚᱸᱰ ᱨᱮ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ (ᱥᱤᱧᱚᱛ) ᱟᱨ ᱥᱤᱧᱚᱛ ᱨᱮ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱨᱮᱱᱟᱜ ᱠᱚᱢᱯᱨᱮᱦᱮᱱᱥᱤᱵᱷ ᱱᱮᱴᱣᱟᱨᱠ ᱢᱮᱱᱟᱜᱼᱟ ᱾ [᱔]

ᱡᱟᱦᱟᱡᱽ ᱜᱷᱟᱴ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ ᱞᱟᱸᱰᱥᱞᱟᱤᱰ (Landslide) ᱢᱮᱱᱟᱜᱼᱟ, ᱟᱫᱚ ᱟᱭᱢᱟ ᱱᱟᱹᱭ ᱟᱨ ᱫᱟᱦᱰᱟᱦᱟᱨ ᱢᱮᱱᱟᱜᱼᱟ ᱾[᱕] ᱥᱟᱦᱮᱵᱽᱜᱚᱸᱡᱽ ᱢᱟᱞᱴᱤᱼᱢᱚᱰᱟᱞ ᱯᱚᱨᱴ ᱨᱮ ᱭᱚᱡᱱᱟ (plan) ᱵᱮᱱᱟᱣ ᱟᱠᱟᱱᱟ ᱥᱟᱦᱮᱵᱽᱜᱚᱸᱡᱽ ᱡᱟᱦᱟᱸ ᱜᱟᱰᱟ ᱜᱟᱝ ᱨᱮ ᱚᱸᱰᱚᱠ ᱟᱠᱟᱱᱟ ᱾ [᱖] ᱱᱚᱣᱟ ᱯᱟᱨᱤᱭᱚᱡᱱᱟ ᱨᱮᱱᱟᱜ ᱞᱟᱜᱟᱣ INR 6,500 ᱠᱟᱨᱚᱲ ᱴᱟᱠᱟ ᱢᱮᱱᱟᱜᱼᱟ ᱟᱨ ᱠᱷᱚᱸᱰ (Step) - 2019 ᱛᱟᱨᱤᱡ ᱯᱩᱨᱮ ᱨᱮᱱᱟᱜ ᱟᱱᱩᱢᱟᱱ ᱢᱮᱱᱟᱜᱼᱟ ᱾ᱟᱨᱚᱨᱟ, ᱨᱟᱡᱟᱛ (19 ᱚᱠᱴᱚᱵᱚᱨ 2016). "ᱥᱟᱦᱮᱵᱽᱜᱚᱸᱡᱽ ᱢᱟᱞᱴᱤ ᱢᱚᱰᱟᱞ ᱴᱨᱟᱝᱥᱯᱚᱨᱴᱮᱥᱚᱱ ᱴᱟᱨᱢᱤᱱᱟᱞ ᱵᱮᱱᱟᱣ ᱞᱟᱹᱜᱤᱫ ᱮᱞ ᱮᱱᱰ ᱴᱤ ᱾". ᱫᱟ ᱤᱠᱚᱱᱚᱢᱤᱠ ᱴᱟᱤᱢᱥ. Archived from the original on 29 ᱡᱩᱱ 2017. Retrieved 17 ᱡᱩᱱ 2017. </ref>

ᱨᱮᱞ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱟᱨᱠᱷᱚᱸᱰ ᱨᱮᱞ ᱤᱫᱤ ᱛᱮ ᱟᱹᱰᱤ ᱱᱟᱯᱟᱭ ᱡᱚᱲᱟᱣ ᱟᱠᱟᱱᱟ ᱟᱨ ᱱᱚᱸᱰᱮ ᱟᱹᱰᱤ ᱜᱟᱱ ᱡᱷᱟᱨᱠᱷᱚᱸᱰ ᱨᱮ ᱨᱮᱞ ᱜᱟᱰᱤ ᱥᱴᱮᱥᱚᱱ ᱢᱮᱱᱟᱜᱼᱟ ᱾[᱗]

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱥᱚᱨᱠᱟᱨ ᱤᱫᱤ ᱛᱮ ᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱯᱚᱱᱚᱛ ᱨᱮ ᱞᱟᱹᱜᱤᱫ ᱟᱹᱢᱟᱹᱞᱮᱛ ᱥᱮᱪᱮᱫ ᱫᱚᱨ ᱖᱗.᱖᱓% ᱛᱟᱦᱮᱸ ᱠᱟᱱᱟ (ᱠᱚᱲᱟ: ᱗᱘.᱔᱕%; ᱛᱤᱨᱞᱟᱹ: ᱕᱖.᱒᱑%) ᱥᱮᱪᱮᱫ ᱫᱚᱨ ᱠᱷᱚᱱ ᱪᱮᱛᱟᱱ ᱨᱮᱱᱟᱜ ᱟᱨᱮ ᱦᱚᱱᱚᱛ ᱨᱮᱱᱟᱜ ᱥᱟᱶᱛᱮ:[᱘][᱙]

ᱱᱟᱣᱟ ᱯᱚᱱᱚᱛ ᱨᱮᱱᱟᱜ ᱴᱷᱟᱯᱚᱱ ᱛᱟᱭᱚᱢ ᱠᱷᱚᱱ, ᱡᱷᱟᱨᱠᱷᱚᱸᱰ ᱥᱮᱪᱮᱫ ᱯᱟᱨᱤᱭᱚᱡᱟᱱᱟ (JEPC) ᱥᱮᱪᱮᱫ ᱨᱮᱱᱟᱜ ᱯᱟᱥᱱᱟᱣ ᱞᱟᱹᱜᱤᱫ ᱯᱩᱱ ᱯᱨᱚᱡᱮᱠᱴ ᱫᱚ ᱞᱟᱜᱩ ᱠᱟᱱᱟ: ᱰᱤᱯᱤᱤᱯᱤ, ᱮᱥᱮᱥᱮ, ᱱᱯᱤᱤᱡᱤᱤᱮᱞ, ᱟᱨ ᱠᱮᱡᱤᱵᱤᱣᱤ ᱾[᱑᱐]

ᱠᱷᱮᱞᱚᱸᱰ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱟᱨᱠᱷᱚᱸᱰ ᱨᱮ ᱠᱨᱤᱠᱮᱴ, ᱦᱚᱠᱤ ᱟᱨ ᱪᱤᱸᱰᱩ ᱮᱱᱮᱡ ᱢᱮᱱᱟᱜᱼᱟ ᱾ ᱥᱤᱧᱚᱛᱤᱭᱟᱹ ᱦᱚᱠᱤ ᱫᱚᱞ ᱨᱤᱱᱤᱡ ᱢᱟᱲᱟᱝ ᱢᱩᱬᱛᱮᱱ ᱟᱨ ᱚᱞᱟᱸᱯᱤᱭᱟᱱ ᱟᱨ ᱢᱟᱱᱚᱦᱟᱨ ᱴᱚᱯᱱᱚ ᱞᱮᱠᱟᱱ ᱠᱷᱮᱞᱚᱸᱰᱤᱭᱟᱹ ᱱᱤᱛᱚᱜ ᱢᱮᱱᱟᱭᱟ ᱥᱤᱧᱚᱛᱤᱭᱟᱹ ᱦᱚᱠᱤ ᱫᱚᱞ ᱨᱮ ᱮᱱᱮᱡ ᱠᱟᱱᱟ ᱾ ᱡᱚᱭᱯᱟᱞ ᱥᱤᱝ ᱱᱚᱣᱟ ᱦᱚᱠᱤ ᱫᱚᱞ ᱨᱤᱱᱤᱡ ᱢᱩᱬᱛᱮᱱ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸᱭ ᱑᱙᱒᱘ ᱨᱮ ᱮᱢᱥᱴᱟᱨᱰᱟᱢ ᱨᱮ ᱥᱤᱛᱩᱝ ᱨᱤᱛᱩ ᱚᱞᱟᱸᱯᱤᱠ ᱨᱮ ᱥᱤᱧᱚᱛ ᱨᱮ ᱞᱟᱹᱜᱤᱫ ᱯᱩᱭᱞᱩ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨ ᱞᱮᱱᱟ ᱾ ᱢᱚᱦᱮᱱᱫᱨᱚ ᱥᱤᱝ ᱫᱷᱚᱱᱤ, ᱥᱤᱧᱚᱛᱤᱭᱟᱹ ᱠᱨᱤᱠᱮᱴ ᱫᱚᱞ ᱨᱤᱱᱤᱡ ᱢᱩᱬᱛᱮᱱ ᱛᱟᱦᱮᱸ ᱠᱟᱱᱟ ᱟᱨ ᱒ ᱟᱯᱨᱮᱞ ᱒᱐᱑᱑ ᱫᱚ ICC ᱠᱨᱤᱠᱮᱴ ᱡᱮᱜᱮᱫ ᱠᱟᱯ ᱨᱮ ᱱᱟᱯᱟᱭ ᱛᱮ ᱥᱤᱧᱚᱛᱤᱭᱟᱹ ᱠᱨᱤᱠᱮᱴ ᱫᱚᱞ ᱨᱮᱱᱟᱜ ᱞᱤᱰᱟᱹᱨᱥᱤᱯ ᱠᱮᱫᱼᱟ, ᱑᱙᱘᱓ ᱨᱮ ᱞᱚᱨᱰᱥ ᱤᱝᱜᱞᱮᱸᱰ ᱨᱮ ᱢᱟᱲᱟᱝ ᱥᱤᱧᱚᱛᱤᱭᱟᱹ ᱢᱩᱬᱛᱮᱱ ᱠᱟᱯᱤᱞ ᱫᱮᱣ ᱤᱫᱤ ᱛᱮ ᱦᱟᱥᱤᱞ ᱠᱮᱫᱼᱟ ᱯᱷᱤᱛ (Feat) ᱫᱚ ᱫᱚᱦᱨᱟ ᱞᱟᱹᱜᱤᱫ ᱒᱘ ᱥᱟᱞ ᱨᱮᱱᱟᱜ ᱛᱟᱸᱜᱤ ᱪᱟᱵᱟ ᱠᱮᱫᱼᱟ ᱾[᱑᱑]

ᱡᱟᱢᱥᱮᱫᱽᱯᱩᱨ ᱨᱮ ᱡᱮᱟᱨᱰᱤ ᱴᱟᱴᱟ ᱥᱯᱚᱨᱴᱥ ᱠᱚᱢᱯᱞᱮᱠᱥ ᱟᱨ ᱠᱤᱱᱟᱱ ᱴᱟᱸᱰᱤ ᱨᱮᱱᱟᱜ ᱩᱰᱟᱹᱱ ᱧᱮᱞ

ᱢᱩᱬ ᱧᱮᱧᱮᱞ ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱩᱬ ᱴᱷᱟᱶ ᱼ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱢᱩᱬ ᱧᱮᱧᱮᱞ ᱴᱷᱟᱶ

ᱡᱷᱟᱨᱠᱷᱚᱸᱰ ᱨᱤᱱ ᱯᱷᱮᱢᱚᱥ ᱦᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱤᱞᱟᱹᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱟᱨᱠᱷᱚᱸᱰ ᱫᱚ ᱢᱤᱫᱴᱟᱝ ᱯᱚᱱᱚᱛ ᱠᱟᱱᱟ ᱾ ᱱᱚᱱᱰᱮ ᱢᱩᱴ ᱵᱟᱨᱜᱮᱞᱯᱩᱱ ᱜᱚᱴᱟᱝ ᱡᱤᱞᱟ.ᱠᱚ ᱢᱮᱱᱟᱜ-ᱟ ᱾ ᱚᱱᱟ ᱠᱚ ᱨᱮᱱᱟᱜ ᱧᱩᱛᱩᱢ ᱠᱚ ᱫᱚ ᱦᱩᱭᱩᱜ ᱠᱟᱱᱟ :-

  • ᱨᱟᱺᱪᱤ
  • ᱦᱟᱡᱟᱨᱤᱵᱟᱜᱽ
  • ᱞᱚᱦᱟᱨᱫᱟᱜᱟ
  • ᱜᱩᱢᱞᱟ
  • ᱠᱚᱰᱟᱨᱢᱟ
  • ᱪᱟᱛᱨᱟ
  • ᱵᱚᱠᱟᱨᱚ
  • ᱫᱷᱟᱱᱵᱟᱫᱽ
  • ᱜᱤᱨᱤᱰᱤᱦ
  • ᱞᱟᱛᱮᱦᱟᱨ
  • ᱜᱟᱲᱣᱟ
  • ᱰᱟᱞᱴᱮᱱᱜᱚᱸᱡᱽ
  • ᱠᱷᱩᱸᱴᱤ
  • ᱥᱤᱢᱰᱮᱜᱟ
  • ᱨᱟᱢᱜᱚᱲ
  • ᱫᱩᱢᱠᱟ
  • ᱯᱟᱠᱩᱲ
  • ᱡᱟᱢᱛᱟᱲᱟ
  • ᱜᱚᱰᱰᱟ
  • ᱥᱟᱦᱮᱵᱽᱜᱚᱸᱡᱽ
  • ᱥᱟᱹᱨᱟᱹᱭᱠᱮᱞᱟ-ᱠᱷᱚᱨᱥᱚᱶᱟ
  • ᱫᱮᱣᱜᱷᱚᱨ
  • ᱥᱟᱢᱟᱝ ᱥᱤᱝᱵᱷᱩᱢ
  • ᱯᱟᱪᱮ ᱥᱤᱝᱵᱷᱩᱢ

ᱯᱟᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱟᱨᱠᱷᱚᱸᱰ ᱨᱮᱭᱟᱜ ᱯᱚᱱᱚᱛᱤᱭᱟ. ᱯᱟ.ᱨᱥᱤ ᱫᱚ ᱦᱤᱱᱫᱤ ᱠᱟᱱᱟ ᱟᱨ ᱫᱚᱥᱟᱨ ᱯᱚᱱᱚᱛ ᱯᱟ.ᱨᱥᱤ ᱫᱚ ᱥᱟᱱᱛᱟᱲᱤ ᱠᱟᱱᱟ ᱾ ᱪᱮᱫᱟᱜ ᱥᱮ ᱦᱤᱱᱫᱤ ᱛᱟᱭᱚᱢ ᱥᱟᱱᱛᱟᱲᱤ ᱡᱷᱟᱨᱠᱷᱚᱸᱰ ᱨᱮ ᱵᱟ.ᱲᱛᱤ ᱛᱚᱲᱚᱜᱚᱜ ᱠᱟᱱᱟ, ᱚᱱᱟ ᱛᱮ ᱱᱚᱣᱟ ᱫᱚᱥᱟᱨ ᱯᱚᱱᱚᱛ ᱯᱟ.ᱨᱥᱤ ᱨᱮᱭᱟᱜ ᱫᱟᱨᱡᱟᱭ ᱧᱟᱢ ᱟᱠᱟᱫᱟ ᱾ ᱱᱤᱭᱟ. ᱪᱷᱟᱰᱟ ᱟᱨᱦᱚ ᱡᱷᱟᱨᱠᱷᱚᱸᱰ ᱨᱮ ᱨᱚᱲᱚᱜᱚᱜ ᱯᱟ.ᱨᱥᱤ ᱠᱚ ᱢᱮᱱᱟᱝ-ᱟ, ᱡᱮᱞᱮᱠᱟ : ᱩᱨᱫᱩ, ᱵᱟᱸᱜᱟᱞᱤ, ᱢᱩᱸᱰᱟ, ᱩᱨᱟᱝ ᱮᱢᱟᱱ ᱯᱟ.ᱨᱥᱤ ᱠᱚ ᱾

ᱪᱤᱛᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ ᱑.᱒ "Jharkhand Provisional Result-Census 2011-Data Sheet" (PDF). Office of the Registrar General & Census Commissioner, India. Ministry of Home Affairs, Government of India. Archived (PDF) from the original on 17 ᱢᱮ 2017. Retrieved 13 ᱡᱩᱞᱟᱭ 2017. 
  2. "Ranchi Airport crosses one million mark of passengers. PASSENGERS". Pioneer. www.dailypioneer.com. Archived from the original on 30 ᱡᱩᱞᱟᱭ 2017. Retrieved 6 ᱮᱯᱨᱤᱞ 2017. 
  3. "Dhanbad, Dumka on chartered flight path". The Telegraph. 14 ᱟᱜᱚᱥᱴ 2011. Archived from the original on 30 ᱰᱤᱥᱮᱢᱵᱚᱨ 2013. Retrieved 29 ᱰᱤᱥᱮᱢᱵᱚᱨ 2013. 
  4. "National highways in Jharkhand". pib.nic.in. Press Information Bureau, Government of India. Archived from the original on 13 ᱰᱤᱥᱮᱢᱵᱚᱨ 2017. Retrieved 6 ᱰᱤᱥᱮᱢᱵᱚᱨ 2017. 
  5. "Multi-model port to come up at Sahibganj: Gadkari". The Pioneer. 28 ᱡᱟᱱᱩᱣᱟᱨᱤ 2016. Archived from the original on 22 ᱟᱜᱚᱥᱴ 2017. Retrieved 17 ᱡᱩᱱ 2017. 
  6. "Sahibganj to be exim hub with a multimodal plan: Nitin Gadkari". Business Standard. 13 ᱚᱠᱴᱚᱵᱚᱨ 2016. Archived from the original on 22 ᱟᱜᱚᱥᱴ 2017. Retrieved 17 ᱡᱩᱱ 2017. 
  7. Rail funds up this time Archived ᱓᱐ ᱢᱟᱨᱪ ᱒᱐᱑᱘ at the Wayback Machine. The Telegraph 7 February 2018
  8. Dr. Arun C. Mehta. "District-specific Literates and Literacy Rates, 2001". Educationforallinindia.com. Archived from the original on 14 ᱮᱯᱨᱤᱞ 2010. Retrieved 12 ᱱᱚᱵᱷᱮᱢᱵᱚᱨ 2011. 
  9. "National Family Health Survey, 1998–99: Fact Sheet, Jharkhand, Section: Basic Socio-Demographic Features of Jharkhand" (PDF). p. 3. Archived from the original (PDF) on 3 ᱚᱠᱴᱚᱵᱚᱨ 2007. Retrieved 21 ᱟᱜᱚᱥᱴ 2009. 
  10. Sanjay Pandey (16 ᱚᱠᱴᱚᱵᱚᱨ 2007). "The poor state of girl child education in Jharkhand State". MyNews.in. template[permanent dead link]
  11. "Dhoni's world cup bat sold for Rs. 72 lakhs". Ndtv.com. 19 ᱡᱩᱞᱟᱭ 2011. Archived from the original on 7 ᱚᱠᱴᱚᱵᱚᱨ 2012. Retrieved 9 ᱢᱮ 2012.