ᱥᱟᱱᱛᱟᱲᱤ ᱯᱟᱹᱨᱥᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

Santali
ᱥᱟᱱᱛᱟᱲᱤ
Ol chiki script (writing of santali language ) 2014-05-30 15-21.jpg
ᱚᱞ ᱪᱤᱠᱤ
Native to ᱥᱤᱧᱚᱛ, ᱵᱟᱝᱞᱟᱫᱮᱥ
Ethnicity ᱥᱟᱱᱛᱟᱲ
Native speakers
Expression error: ᱵᱟᱝ ᱧᱮᱞ ᱴᱷᱤᱠᱚᱜᱠᱟᱱ ᱪᱤᱱᱦᱟᱹ ᱠᱚ "᱒".[᱒]
ᱚᱥᱴᱨᱚ-ᱮᱥᱤᱭᱮᱴᱤᱠ
  • ᱢᱩᱱᱰᱟ
    • ᱠᱚᱸᱭᱮᱸ ᱢᱩᱱᱰᱟ
      • ᱠᱷᱮᱨᱣᱟᱲᱤ
        • ᱥᱟᱱᱛᱟᱞᱤ ᱯᱟᱹᱨᱥᱤ
          • Santali
Dialects
  • ᱢᱟᱦᱟᱞᱤ
Ol Chiki script, Devanagari, Bengali-Assamese script[᱓], Roman script, Odia alphabet
Official status
Official language in
 India
Language codes
ISO 639-2 sat
ISO 639-3 Either:
sat – Santali
mjx – Mahali
Glottolog sant1410  ᱥᱟᱱᱛᱟᱞᱤ[᱔]
maha1291  ᱢᱟᱦᱟᱞᱤ[᱕]
ᱣᱤᱠᱤᱟᱲᱟᱝ- ᱠᱩᱲᱤ ᱦᱚᱯᱚᱱ ᱥᱟᱱᱛᱟᱲ ᱛᱮ ᱨᱚᱯᱟᱲ ᱠᱟᱱᱟᱭ


ᱥᱟᱱᱛᱟᱲ ᱠᱚᱫᱚ ᱥᱟᱱᱛᱟᱲᱤ ᱟᱲᱟᱝ ᱛᱮᱠᱚ ᱨᱚᱲᱟ᱾ ᱥᱟᱱᱛᱟᱲᱤ ᱯᱟᱹᱨᱥᱤ ᱫᱚ ᱚᱥᱴᱨᱳ-ᱮᱥᱤᱭᱟᱴᱤᱠ (Astro-Asiatic) ᱜᱩᱥᱴᱤ, ᱢᱩᱸᱰᱟᱹᱨᱤ ᱪᱟᱸᱜᱟ ᱨᱮᱱᱟᱜ ᱯᱟᱹᱨᱥᱤ ᱠᱟᱱᱟ᱾ ᱯᱟᱹᱦᱤᱞ ᱮᱴᱟᱜ ᱡᱟᱹᱛ ᱠᱚᱫᱚ ᱱᱚᱣᱟ ᱯᱟᱹᱨᱥᱤ ᱫᱚ ᱴᱷᱟᱨ ᱮᱢᱟᱱ ᱛᱮᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱠᱟᱱᱟ᱾ ᱢᱮᱱᱠᱷᱟᱱ ᱥᱟᱱᱛᱟᱲᱤ ᱯᱟᱹᱨᱥᱤ ᱫᱚ ᱥᱮᱫᱟᱭ ᱠᱷᱚᱱ ᱜᱮ ᱟᱹᱰᱤ ᱠᱤᱥᱟᱹᱬ ᱟᱨ ᱢᱟᱬᱟᱝ ᱫᱚᱨᱡᱟ ᱨᱮᱱᱟᱜ ᱯᱟᱹᱨᱥᱤ ᱛᱟᱦᱮᱸ ᱠᱟᱱᱟ᱾ ᱢᱤᱫ ᱯᱟᱹᱨᱩᱠᱷᱤᱭᱟᱹ ᱚᱱᱚᱞᱤᱭᱟᱹ "ᱯᱚᱨᱤᱢᱚᱞ ᱪᱚᱸᱫᱽᱨᱚ ᱢᱤᱛᱨᱚ" ᱟᱜ ᱚᱱᱚᱞ ᱯᱩᱛᱷᱤ "Santhali: The base of world Languages" ᱠᱷᱚᱱ ᱵᱟᱰᱟᱭᱚᱜᱼᱟ ᱵᱟᱝ ᱢᱟ ᱥᱟᱱᱛᱟᱲᱤ ᱫᱚ ᱟᱹᱰᱤ ᱢᱟᱨᱮ ᱯᱟᱹᱨᱥᱤ ᱠᱟᱱᱟ ᱢᱮᱱᱛᱮ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱟᱨᱚᱛ ᱫᱤᱥᱚᱢ ᱨᱮᱱᱟᱜ ᱥᱚᱢᱵᱤᱫᱷᱟᱱ ᱨᱮ ᱥᱟᱱᱟᱢ ᱡᱟᱹᱛ ᱠᱚᱣᱟᱜ ᱫᱷᱚᱨᱚᱢ ᱯᱟᱹᱨᱥᱤ ᱨᱮᱭᱟᱜ ᱵᱟᱨᱟᱵᱟᱹᱨᱤ ᱟᱹᱭᱫᱟᱹᱨᱤ ᱨᱮᱱᱟᱜ ᱠᱟᱛᱷᱟ ᱚᱞ ᱢᱮᱱᱟᱜ ᱨᱮᱦᱚᱸ ᱨᱟᱡᱽᱟᱹᱨᱤ ᱨᱮᱭᱟᱜ ᱟᱸᱫᱷᱟᱛᱮ ᱨᱟᱡᱽ ᱟᱹᱨᱤ ᱵᱟᱭᱟᱨ ᱠᱚ ᱱᱚᱣᱟ ᱯᱟᱹᱨᱥᱤ ᱫᱚ ᱛᱟᱭᱚᱢ ᱟᱠᱟᱱ ᱞᱟᱛᱟᱨ ᱜᱟᱸᱛᱟᱠ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱯᱟᱹᱨᱥᱤ ᱢᱮᱱᱛᱮᱠᱚ ᱪᱷᱟᱹᱴᱭᱟᱹᱨ ᱟᱹᱜᱩ ᱮᱫ ᱛᱟᱦᱮᱸᱫ᱾ ᱥᱟᱱᱛᱟᱲ ᱠᱚᱣᱟᱜ ᱟᱹᱰᱤ ᱟᱹᱰᱤ ᱞᱟᱹᱲᱦᱟᱹᱭ ᱛᱟᱭᱚᱢ ᱒᱐᱐᱓ ᱨᱮᱱᱟᱜ ᱒᱒ ᱰᱤᱥᱮᱢᱵᱚᱨ ᱵᱷᱟᱨᱚᱛ ᱫᱤᱥᱚᱢ ᱥᱚᱢᱵᱤᱫᱷᱟᱱ ᱨᱮᱱᱟᱜ ᱘ ᱫᱷᱟᱯ ᱨᱮ ᱥᱮᱞᱮᱫ ᱟᱠᱟᱱᱟ᱾ ᱱᱚᱣᱟ ᱯᱟᱹᱨᱥᱤ ᱘ ᱫᱷᱟᱯ ᱨᱮ ᱥᱮᱞᱮᱫ ᱚᱪᱚᱭ ᱞᱟᱹᱜᱤᱫ ᱯᱩᱭᱞᱩᱛᱮ ᱯᱚᱪᱷᱤᱢ ᱵᱟᱝᱞᱟ ᱵᱤᱫᱷᱟᱱ ᱥᱚᱵᱷᱟ ᱨᱮ ᱥᱚᱨᱵᱚᱫᱚᱞᱤᱭᱚ ᱯᱨᱚᱥᱛᱟᱵ ᱟᱛᱟᱝ ᱞᱮᱱᱟ ᱑ ᱚᱜᱚᱥᱴ ᱒᱐᱐᱐ ᱢᱟᱹᱦᱤᱛ ᱦᱤᱞᱚᱜ᱾

ᱱᱤᱛ ᱫᱷᱟᱹᱨᱛᱤ ᱡᱟᱠᱟᱛ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱨᱚᱲ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱢᱤᱫ ᱠᱳᱴᱤ (᱑,᱐᱐,᱐᱐,᱐᱐᱐) ᱠᱷᱚᱱ ᱦᱚᱸ ᱵᱟᱹᱲᱛᱤ ᱜᱮ᱾ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱨᱚᱲ ᱦᱚᱲ ᱠᱚ ᱳᱰᱤᱥᱟ, ᱟᱥᱟᱢ, ᱡᱷᱟᱨᱠᱷᱚᱸᱰ, ᱯᱚᱪᱷᱤᱢ ᱵᱟᱝᱞᱟ, ᱵᱤᱦᱟᱨ ᱮᱢᱟᱱ ᱯᱚᱱᱚᱛ ᱠᱚᱨᱮ ᱟᱨ ᱵᱷᱟᱨᱚᱛ ᱫᱤᱥᱚᱢ ᱵᱟᱦᱨᱮ ᱵᱟᱝᱞᱟ ᱫᱮᱥ, ᱱᱮᱯᱟᱞ, ᱵᱷᱩᱴᱟᱱ ᱮᱢᱟᱱ ᱠᱚᱨᱮ ᱠᱚ ᱪᱷᱟᱨᱟᱣ ᱟᱠᱟᱱᱟ᱾

ᱯᱟᱹᱦᱤᱞ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱚᱞ ᱞᱟᱹᱜᱤᱫ ᱪᱤᱠᱤ (script) ᱵᱟᱝ ᱛᱟᱦᱮᱸᱠᱟᱱ ᱠᱷᱟᱹᱛᱤᱨ ᱨᱳᱢᱟᱱ, ᱵᱟᱝᱞᱟ, ᱫᱮᱵᱽᱱᱟᱜᱽᱨᱤ, ᱳᱰᱤᱭᱟ... ᱮᱢᱟᱱ ᱪᱤᱠᱤ ᱛᱮ ᱠᱚ ᱚᱞᱮᱫ ᱛᱟᱦᱮᱸᱫ᱾ ᱢᱮᱱᱠᱷᱟᱱ ᱱᱚᱶᱟ ᱠᱚ ᱪᱤᱠᱤ ᱛᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱯᱩᱥᱴᱟᱹᱣ ᱥᱟᱺᱦᱤᱡ ᱚᱞ ᱵᱟᱝ ᱜᱟᱱᱚᱜ ᱠᱟᱱ ᱠᱷᱟᱹᱛᱤᱨ ᱑᱙᱒᱕ ᱥᱟᱞᱮᱨᱮ "ᱯᱚᱸᱰᱮᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ" ‘ᱚᱞ ᱪᱤᱠᱤ' ᱥᱤᱨᱡᱚᱱ ᱞᱮᱫ ᱛᱟᱦᱮᱸᱫ᱾

ᱱᱤᱛ ᱫᱚ "ᱚᱞ ᱪᱤᱠᱤ" ᱭᱩᱱᱤᱠᱳᱰ (Unicode) ᱨᱮᱦᱚᱸ ᱥᱮᱞᱮᱫ ᱟᱠᱟᱱᱟ᱾ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱱᱟᱜ ᱯᱟᱹᱨᱥᱤ ᱠᱳᱰ ᱫᱚ 639-2,ISO 639-3 (Language code iso 639-2, ISO 639-3)

ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱫᱚᱥᱟᱨ ᱨᱟᱡᱽ ᱯᱟᱹᱨᱥᱤ ᱫᱚ ᱥᱟᱱᱛᱟᱲᱤ ᱠᱟᱱᱟ᱾ ᱯᱚᱪᱷᱤᱢ ᱵᱟᱝᱞᱟ ᱯᱟᱵᱞᱤᱠ ᱥᱚᱨᱵᱷᱤᱥ ᱠᱚᱢᱤᱥᱚᱱ (West Bengal Public Service Commission) ᱨᱮᱱᱟᱜ ᱵᱤᱱᱤᱰ ᱨᱮ ᱥᱟᱱᱛᱟᱲᱤ ᱦᱚᱸ ᱢᱩᱞ ᱥᱟᱛᱟᱢ ᱦᱤᱥᱟᱹᱵᱽ ᱛᱮ ᱥᱮᱞᱮᱫ ᱢᱮᱱᱟᱜ ᱟ᱾ ᱥᱟᱶᱛᱮ ᱥᱤᱧᱚᱛ ᱨᱮᱱᱟᱝ UPSC ᱵᱤᱱᱤᱰ ᱨᱮᱦᱚᱸ ᱥᱟᱱᱛᱟᱲᱤ ᱥᱟᱛᱟᱢ ᱤᱫᱤ ᱠᱟᱛᱮ ᱮᱢ ᱜᱟᱱᱚᱜ ᱠᱟᱱ ᱜᱮᱭᱟ᱾

ᱳᱰᱤᱥᱟ ᱨᱮ ᱫᱚ ᱫᱚᱥᱟᱨ ᱨᱟᱡᱽ ᱯᱟᱹᱨᱥᱤ ᱵᱟᱝ ᱦᱩᱭ ᱟᱠᱟᱱ ᱨᱮᱦᱚᱸ, +3,PG ᱯᱟᱲᱦᱟᱣᱜ ᱞᱟᱹᱜᱤᱫ ᱫᱟᱣᱮ ᱮᱢ ᱟᱠᱟᱫ ᱠᱚᱣᱟ᱾ ᱟᱨ ᱚᱱᱟ ᱥᱟᱶ ᱛᱮ ᱚᱠᱟ ᱚᱠᱟ ᱴᱚᱴᱷᱟ ᱠᱚ ᱨᱮ ᱫᱚ ᱞᱟᱛᱟᱨ ᱪᱟᱱᱚᱡ ᱜᱤᱫᱽᱨᱟᱹ ᱦᱚᱸ ᱠᱚ ᱯᱟᱲᱦᱟᱣᱜ ᱠᱟᱱᱟ᱾ ᱚᱱᱠᱟᱛᱮ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱦᱚᱸ ᱠᱤᱪᱷᱩᱜᱟᱱ ᱴᱚᱴᱷᱟ ᱨᱮ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱚᱞ ᱯᱟᱲᱟᱣᱜ ᱨᱮᱭᱟᱜ ᱫᱟᱣ ᱠᱚ ᱧᱟᱢ ᱮᱫᱟ᱾

ᱥᱟᱦᱤᱛᱭᱚ ᱮᱠᱟᱰᱮᱢᱤ, ᱱᱟᱶᱟ ᱫᱤᱞᱞᱤ ᱦᱚᱸ ᱒᱐᱐᱕ ᱥᱟᱞᱮ ᱠᱷᱚᱱ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱱ ᱚᱱᱚᱞᱤᱭᱟᱹ ᱠᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱷᱟᱹᱭ ᱮᱢᱟ ᱠᱚ ᱠᱟᱱᱟ᱾

ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱞ ᱟᱹᱲᱟᱹ
ᱢᱤᱫ
ᱵᱟᱨ
ᱯᱮ
ᱯᱳᱱ
ᱢᱚᱬᱮᱸ
ᱛᱩᱨᱩᱭ
ᱮᱭᱟᱭ
ᱤᱨᱟ.ᱞ
ᱟᱨᱮ
᱑0 ᱜᱮᱞ
᱑᱑ ᱜᱮᱞ ᱢᱤᱫ
᱑᱒ ᱜᱮᱞ ᱵᱟᱨ
᱑᱓ ᱜᱮᱞ ᱯᱮ
᱑᱔ ᱜᱮᱞ ᱯᱳᱱ
᱑᱕ ᱜᱮᱞ ᱢᱚᱬᱮᱸ
᱑᱖ ᱜᱮᱞ ᱛᱩᱨᱩᱭ
᱑᱗ ᱜᱮᱞ ᱮᱭᱟᱭ
᱑8 ᱜᱮᱞ ᱤᱨᱟ.ᱞ
᱑᱙ ᱜᱮᱞ ᱟᱨᱮ
᱒0 ᱵᱟᱨ ᱜᱮᱞ
᱕0 ᱢᱚᱬᱮᱸ ᱜᱮᱞ
᱑00 ᱢᱤᱫ ᱥᱟᱮ
᱑000 ᱢᱤᱫ ᱦᱟᱡᱟᱨ
᱑0,000 ᱜᱮᱞ ᱦᱟᱡᱟᱨ

ᱜᱚᱨᱚᱱ (Person)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱧᱩᱱᱩᱢ ᱯᱟᱹᱨᱤᱥ ᱨᱮᱱ ᱟᱨ ᱩᱧᱩᱢ ᱯᱟᱹᱨᱤᱥ ᱨᱮᱱ ᱡᱤᱣᱤᱭᱟᱱ ᱟᱨ ᱵᱤᱱ ᱡᱤᱣᱤᱭᱟᱱ ᱠᱚ ᱚᱠᱚᱭ ᱟᱨ ᱚᱠᱟ ᱠᱚ ᱛᱤᱱᱟᱹᱜ ᱜᱚᱨ ᱥᱮ ᱜᱚᱨᱚᱡᱽ ᱨᱮᱭᱟᱜ ᱠᱟᱱᱟ ᱚᱱᱟᱠᱚ ᱵᱩᱡᱷᱟᱹᱣ ᱦᱚᱪᱚᱭᱟ ᱚᱱᱟ ᱜᱮ ᱜᱚᱨᱚᱱ ᱥᱮ Person ᱠᱚ ᱢᱮᱛᱟᱜ-ᱟ|

  • ᱢᱟᱲᱟᱝ ᱜᱚᱨᱚᱱ ᱥᱮ First Person- ᱡᱟᱦᱟᱸ ᱜᱚᱨᱚᱱᱮ ᱛᱮ ᱡᱚᱛᱚ ᱠᱷᱚᱱ ᱟᱯᱱᱟᱨ ᱛᱮᱫ-ᱮ ᱵᱩᱡᱷᱟᱹᱣᱚᱜ-ᱟ| ᱢᱮᱱᱮᱠ ᱟᱹᱭᱟᱹᱛ ᱨᱮ ᱡᱟᱦᱟᱸᱭ ᱥᱮ ᱡᱟᱦᱟᱸᱭ ᱠᱚ ᱨᱚᱲ ᱮᱫᱟ ᱩᱱᱤ ᱥᱮ ᱩᱱᱠᱳ ᱜᱮ ᱢᱟᱲᱟᱝ ᱜᱚᱨᱚᱱ ᱫᱚ|

ᱡᱮᱞᱮᱠᱟᱺ-

  1. ᱤᱧ ᱪᱤᱴᱷᱤᱧ ᱚᱞ ᱮᱫᱟ|
  2. ᱟᱞᱮᱞᱮ ᱯᱟᱲᱦᱟᱜ ᱠᱟᱱᱟ|

ᱱᱚᱣᱟ ᱠᱤᱱ ᱤᱧ ᱟᱨ ᱟᱞᱮ ᱫᱚ ᱢᱟᱲᱟᱝ ᱜᱚᱨᱚᱱ ᱥᱮ First Person ᱨᱮᱭᱟᱜ ᱫᱟᱹᱭᱠᱟᱹ ᱠᱟᱱᱟ|

  • ᱥᱟᱢᱟᱝ ᱜᱚᱨᱚᱱ ᱥᱮ Second Person- ᱟᱹᱭᱟᱹᱛ ᱨᱮ ᱨᱚᱨᱚᱲᱤᱡ ᱥᱮ Speaker ᱟᱜ ᱠᱟᱛᱷᱟ ᱡᱟᱦᱟᱸᱭᱮ ᱟᱧᱡᱚᱢᱮᱫᱟ ᱥᱮ ᱡᱟᱦᱟᱸᱭ ᱫᱤᱥᱟᱹ ᱛᱮ Speaker ᱮ ᱨᱚᱲᱮᱫᱟ ᱩᱱᱤ ᱥᱮ ᱩᱱᱠᱩ ᱟᱧᱡᱚᱢ ᱛᱮᱱᱠᱚ ᱥᱮ Hearer ᱥᱮ ᱥᱟᱢᱟᱝ ᱜᱚᱨᱚᱱ ᱥᱮ Second Person ᱵᱚ ᱢᱮᱛᱟᱜ ᱠᱟᱱᱟ|

ᱡᱮᱞᱟᱠᱟᱺ-

  1. ᱟᱢ ᱤᱛᱩᱱ ᱟᱥᱲᱟᱢ ᱪᱟᱞᱟᱜ ᱠᱟᱱᱟ|
  2. ᱟᱯᱮ ᱥᱮᱨᱮᱧ ᱮᱫᱟ ᱯᱮ|

ᱪᱮᱛᱟᱱ ᱨᱮᱭᱟᱜ ᱟᱹᱭᱟᱹᱛ ᱠᱤᱱ ᱨᱮ ᱟᱢ ᱟᱨ ᱟᱯᱮ ᱫᱚ ᱥᱟᱢᱟᱝ ᱜᱚᱨᱚᱱ ᱥᱮ Second Person ᱨᱮᱭᱟᱜ ᱫᱟᱹᱭᱠᱟᱹ ᱠᱟᱱᱟ|

  • ᱥᱟᱹᱝᱜᱤᱧ ᱜᱚᱨᱚᱱ ᱥᱮ Third Person- ᱛᱷᱩᱛᱤ ᱨᱮ ᱡᱟᱦᱟᱸᱭ ᱫᱚ ᱨᱚᱨᱚᱲᱤᱡ ᱥᱮ Speaker ᱦᱟᱸᱭ ᱵᱟᱝ ᱠᱟᱱᱟ ᱟᱨ ᱟᱸᱜ-ᱡᱚᱢᱤᱡ ᱥᱮ Hearer ᱦᱚᱸᱭ ᱵᱟᱝ ᱠᱟᱱᱟ ᱢᱮᱱᱠᱷᱟᱱ ᱮᱴᱟᱜ ᱥᱟᱹᱝᱜᱤᱧ ᱨᱮᱱ ᱡᱟᱦᱟᱸᱭᱟᱜ ᱱᱟᱥᱮ ᱜᱚᱚᱡᱽ ᱢᱮᱱᱟᱜ ᱛᱟᱭᱟ ᱢᱮᱱᱛᱮ ᱵᱩᱡᱷᱟᱹᱣᱚᱜ-ᱟ, ᱚᱱᱠᱟᱱ ᱜᱚᱨᱚᱱ ᱫᱚ ᱥᱟᱹᱝᱜᱤᱧ ᱜᱚᱨᱚᱱ ᱥᱮ Third Person ᱠᱚ ᱢᱮᱛᱟᱜ-ᱟ|

ᱡᱮᱞᱮᱠᱟᱺ-

  • ᱩᱱᱤᱭ ᱤᱥᱤᱱᱫᱟ|
  • ᱩᱱᱤᱭᱮ ᱱᱟᱹᱠᱤᱡᱚᱜ ᱠᱟᱱᱟ|

ᱱᱚᱣᱟ ᱠᱤᱱ ᱟᱹᱭᱟᱹᱛ ᱨᱮ ᱩᱱᱤ ᱟᱨ ᱩᱱᱠᱤᱱ ᱫᱚ ᱥᱟᱹᱝᱜᱤᱧ ᱜᱚᱨᱚᱱ ᱠᱟᱱᱟ|

ᱜᱚᱴᱟᱝ (Number)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱚᱴᱟ ᱜᱚᱴᱟ ᱞᱮᱠᱷᱟ ᱜᱟᱱᱚᱜ ᱦᱩᱱᱰᱟᱹ, ᱵᱩᱡᱷᱟᱹᱣᱚᱜ ᱜᱚᱴᱟᱱ| ᱮᱱᱰᱮ ᱠᱷᱟᱱ ᱜᱚᱴᱟᱱ ᱨᱮᱭᱟᱜ ᱵᱩᱴᱟᱹᱱ ᱥᱮ Definition ᱫᱚ ᱞᱮᱠᱷᱟ ᱛᱮ ᱡᱚᱠᱷᱟ ᱥᱮ ᱦᱩᱱᱰᱟᱹ ᱜᱟᱱᱚᱜ ᱧᱩᱱᱩᱢ ᱯᱟᱹᱨᱥᱤ ᱟᱨ ᱩᱧᱩᱢ ᱯᱟᱹᱨᱤᱥ ᱨᱮᱭᱟᱜ ᱡᱤᱣᱤᱭᱟᱱ ᱟᱨ ᱵᱤᱱ-ᱡᱤᱣᱤᱭᱟᱱ ᱠᱚ ᱚᱠᱟ ᱨᱮ ᱛᱤᱱᱟᱹᱜ ᱜᱚᱴᱟᱝ ᱢᱮᱱᱟᱜ-ᱟ, ᱚᱱᱟᱞᱮᱠᱷᱟ ᱛᱮᱫ ᱵᱩᱡᱷᱟᱹᱣ ᱜᱮ ᱥᱟᱱᱛᱲᱟᱤ ᱨᱚᱱᱚᱲ ᱨᱮ ᱜᱚᱴᱟᱱ ᱠᱚ ᱪᱷᱟᱹᱴᱤᱭᱟᱹᱨ ᱟᱠᱟᱫᱟ| ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮ ᱯᱮᱭᱟ ᱜᱚᱴᱟᱝ ᱢᱮᱱᱟᱜ ᱟᱠᱟᱫᱟ, ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟᱼ ᱢᱤᱫ ᱜᱚᱴᱝ(Singular Number), ᱵᱟᱨ ᱜᱚᱴᱟᱝ (Dual Number) ᱟᱨ ᱥᱟᱝᱜᱮ ᱜᱚᱴᱟᱝ (Plural Number)᱾

  • ᱢᱤᱫ ᱜᱚᱴᱟᱱ(Singular Number)- ᱡᱟᱦᱟᱸ ᱛᱮ ᱞᱮᱠᱷᱟ ᱜᱟᱱᱚᱜ ᱧᱩᱱᱩᱢ ᱟᱨ ᱩᱧᱩᱢ ᱯᱟᱹᱨᱤᱥ ᱨᱮᱱᱟᱜ ᱢᱤᱫᱴᱟᱝ ᱥᱩᱢᱩᱝ ᱜᱮ ᱵᱩᱡᱷᱟᱹᱣᱚᱜ-ᱟ ᱚᱱᱟ ᱜᱮ ᱢᱤᱫ ᱜᱚᱴᱟᱱ ᱥᱮ Singular Number ᱠᱚ ᱢᱮᱛᱟᱣᱟᱜ-ᱟ|

ᱡᱮᱞᱮᱠᱟᱺ-

  1. ᱢᱤᱫ ᱦᱚᱲ ᱜᱮᱭᱮ ᱥᱮᱱ ᱞᱮᱱᱟ|
  2. ᱢᱤᱫ ᱴᱩᱯᱞᱟᱹᱜ ᱡᱚᱱᱰᱨᱟ ᱟᱛᱟᱧ ᱡᱚᱢ ᱪᱟᱵᱟ ᱠᱮᱫᱟ|
  3. ᱠᱷᱟᱹᱪᱞᱟᱹᱜ ᱨᱮ ᱢᱤᱫᱴᱮᱱ ᱩᱞ ᱜᱮ ᱥᱟᱨᱮᱡ ᱟᱠᱟᱱᱟ|
  4. ᱢᱤᱫᱴᱮᱱ ᱮᱢ ᱠᱟᱹᱢᱤᱭᱟ ?

ᱱᱚᱱᱰᱮ ᱢᱤᱫ ᱞᱮᱠᱷᱟ ᱵᱩᱡᱷᱟᱹᱣᱚᱜ ᱫᱚ ᱢᱤᱫ ᱜᱚᱴᱟᱱ ᱥᱮ Singular Number ᱠᱟᱱᱟ|

  • ᱵᱟᱨ ᱜᱚᱴᱟᱝ (Dual Number)- ᱤᱝᱨᱟᱹᱡᱤ, ᱵᱟᱝᱞᱟ, ᱦᱤᱱᱫᱤ ᱮᱢᱟᱱ ᱯᱟᱹᱨᱥᱤ ᱠᱚ ᱨᱮ ᱫᱚ ᱵᱟᱨ ᱜᱚᱴᱟᱱ ᱥᱮ Dual Number ᱫᱚ ᱵᱟᱹᱱᱩᱜ-ᱟ| ᱢᱮᱱᱠᱷᱟᱱ ᱥᱟᱱᱛᱟᱲᱤ, ᱥᱟᱝᱠᱨᱤᱛ ᱟᱨ ᱮᱨᱟᱵᱤᱠ ᱮᱢᱟᱱ ᱜᱚᱱᱚᱲ ᱠᱚ ᱨᱮ ᱫᱚ ᱫᱤ-ᱵᱚᱪᱚᱱ ᱥᱮ ᱵᱟᱨ ᱜᱟᱴᱟᱱ ᱫᱚ ᱢᱮᱱᱟᱜ ᱜᱮᱭᱟ|

Definition-ᱺ ᱞᱮᱠᱷᱟ ᱜᱟᱱᱚᱜ ᱡᱟᱦᱟᱸ ᱧᱩᱱᱩᱢ ᱟᱨ ᱩᱧᱩᱢ ᱯᱟᱹᱨᱤᱥ ᱟᱹᱲᱟᱹ ᱛᱮ ᱵᱟᱨᱭᱟ ᱡᱤᱣᱤᱭᱟᱱ ᱡᱤᱱᱤᱥ ᱠᱤᱱ ᱵᱩᱡᱷᱟᱹᱣᱚᱜ-ᱟ, ᱚᱱᱟ ᱜᱮ ᱨᱚᱱᱚᱲ ᱨᱮ ᱵᱟᱨ ᱜᱚᱴᱟᱱ ᱥᱮ Dual Number ᱠᱚ ᱢᱮᱛᱟᱜ-ᱟ| ᱡᱮᱞᱮᱠᱟᱺ- ᱟᱹᱞᱤᱧ, ᱟᱞᱟᱝ, ᱟᱵᱮᱱ, ᱟᱹᱠᱤᱱ, ᱯᱮᱲᱟᱠᱤᱱ, ᱠᱚᱲᱟ ᱠᱤᱱ, ᱠᱩᱲᱤ ᱠᱤᱱ, ᱦᱚᱲᱠᱤᱱ, ᱜᱟᱹᱭ ᱠᱤᱱ, ᱥᱮᱴᱟ ᱠᱤᱱ, ᱮᱢᱟᱱ|

ᱢᱤᱫ ᱜᱚᱴᱟᱱ
Singular Number
ᱵᱟᱨ ᱜᱚᱴᱟᱱ
Dual Number
ᱥᱟᱝᱜᱮ ᱜᱚᱴᱟᱝ
Plural Number
ᱟᱢ ᱟᱵᱮᱱ ᱟᱯᱮ
ᱤᱧ ᱟᱹᱞᱤᱧ ᱟᱞᱮ
ᱩᱱᱤ ᱩᱱᱠᱤᱱ ᱩᱱᱠᱩ
ᱟᱡ ᱟᱹᱠᱤᱱ ᱟᱠᱚ
ᱥᱤᱢ ᱥᱤᱱᱠᱤᱱ ᱥᱤᱢᱠᱚ
ᱥᱮᱛᱟ ᱥᱮᱛᱟᱠᱤᱱ ᱥᱮᱛᱟᱠᱚ
ᱢᱮᱨᱚᱢ ᱢᱮᱨᱚᱢᱠᱤᱱ ᱢᱮᱨᱚᱢᱠᱚ
ᱦᱚᱲ ᱦᱚᱲᱠᱤᱱ ᱦᱚᱲᱠᱚ
ᱯᱚᱛᱚᱵ ᱯᱚᱛᱚᱵᱠᱤᱱ ᱯᱚᱛᱚᱵᱠᱚ
ᱩᱞ ᱩᱞᱠᱤᱱ ᱩᱞᱠᱚ
ᱰᱟᱝᱜᱽᱨᱟ ᱰᱟᱝᱜᱽᱨᱟᱠᱤᱱ ᱰᱟᱝᱜᱽᱨᱟᱠᱚ
ᱯᱩᱥᱤ ᱯᱩᱥᱤ ᱠᱤᱱ ᱯᱩᱥᱤ ᱠᱚ
ᱪᱮᱬᱮ ᱪᱮᱬᱮᱠᱤᱱ ᱪᱮᱬᱮᱠᱚ
ᱯᱚᱛᱟᱢ ᱯᱚᱛᱟᱢᱠᱤᱱ ᱯᱚᱛᱟᱢᱠᱚ
ᱵᱟᱱᱟ ᱵᱟᱱᱟ ᱠᱤᱱ ᱵᱟᱱᱟᱠᱚ
ᱦᱟᱹᱛᱤ ᱦᱟᱹᱛᱤᱠᱤᱱ ᱦᱟᱹᱛᱤᱠᱚ
ᱠᱩᱞ ᱠᱩᱞᱠᱤᱱ ᱠᱩᱞᱠᱚ
ᱛᱟᱹᱨᱳᱵ ᱛᱟᱹᱨᱳᱵᱠᱤᱱ ᱛᱟᱹᱨᱳᱵᱠᱚ
ᱡᱮᱹᱞ ᱡᱮᱹᱞᱠᱤᱱ ᱡᱮᱹᱞᱠᱚ
ᱰᱮᱜᱽᱨᱟ ᱰᱮᱜᱽᱨᱟᱠᱤᱱ ᱰᱮᱜᱽᱨᱟ ᱠᱚ
ᱠᱟᱴᱠᱚᱢ ᱠᱟᱴᱠᱚᱢ ᱠᱤᱱ ᱠᱟᱴᱠᱚᱢ ᱠᱚ
ᱵᱤᱧ ᱵᱤᱧ ᱠᱤᱱ ᱵᱤᱧ ᱠᱚ

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱮᱵᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:Languages of Bangladesh ᱪᱷᱟᱸᱪ:Languages of India ᱪᱷᱟᱸᱪ:Languages of Nepal ᱪᱷᱟᱸᱪ:Austro-Asiatic languages

  1. "Statement 1: Abstract of speakers' strength of languages and mother tongues – 2011". www.censusindia.gov.in. Office of the Registrar General & Census Commissioner, India. Retrieved 2018-07-07. 
  2. Santali at Ethnologue (21st ed., 2018)
    Mahali at Ethnologue (21st ed., 2018)
  3. http://www.ethnologue.com/21/language/sat/
  4. Hammarström, Harald; Forkel, Robert; Haspelmath, Martin, eds. (2017). "ᱥᱟᱱᱛᱟᱞᱤ". Glottolog 3.0. Jena, Germany: Max Planck Institute for the Science of Human History. 
  5. Hammarström, Harald; Forkel, Robert; Haspelmath, Martin, eds. (2017). "ᱢᱟᱦᱟᱞᱤ". Glottolog 3.0. Jena, Germany: Max Planck Institute for the Science of Human History.