ᱥᱟᱱᱛᱟᱞ
ᱥᱟᱱᱛᱟᱲ | |
|---|---|
 ᱵᱟᱦᱟ ᱯᱚᱨᱚᱵᱽ ᱨᱮ ᱥᱟᱱᱛᱟᱲ ᱠᱚ | |
| ᱜᱩᱴ ᱦᱚᱲ ᱮᱞ | |
| ᱜᱚᱴᱟᱜᱩᱴᱤ 7.4 million | |
| ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ | |
| ᱥᱤᱧᱚᱛ • ᱵᱟᱝᱞᱟᱫᱮᱥ • ᱱᱮᱯᱟᱞ | |
 ᱥᱤᱧᱚᱛᱡᱷᱟᱨᱠᱷᱚᱸᱰ | 2,752,723[᱑] |
| ᱯᱟᱹᱪᱷᱤᱢ ᱵᱟᱝᱞᱟ | ᱒,᱕᱑᱒,᱓᱓᱑[᱑] |
| ᱳᱰᱤᱥᱟ | ᱘᱙᱔,᱗᱖᱔8[᱑] |
| ᱵᱤᱦᱟᱨ | ᱔᱐᱖,᱐᱗᱖[᱑] |
| ᱟᱥᱟᱢ | ᱒᱑᱓,᱑᱒᱙[᱒] |
 ᱵᱟᱝᱞᱟᱫᱮᱥ | ᱓᱐᱐,᱐᱖᱑ (᱒᱐᱐᱑)[᱓] |
 ᱱᱮᱯᱟᱞ | ᱕᱑,᱗᱓᱕[᱔] |
| ᱯᱟᱹᱨᱥᱤ ᱠᱚ | |
| ᱥᱟᱱᱛᱟᱲ | |
| ᱫᱷᱚᱨᱚᱢ | |
Majority ᱦᱤᱱᱫᱩ (15%)[᱕]Minority Folk religions (ᱥᱟᱨᱱᱟ) (80%)  ᱠᱨᱤᱥᱴᱟᱱ (4%), Others (1%)[᱕] | |
| ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ | |
| ᱢᱩᱱᱰᱟᱹ • ᱦᱚ • ᱡᱩᱣᱟᱝ • ᱠᱷᱟᱹᱲᱤᱭᱟ • ᱥᱟᱣᱨᱟ • ] ᱠᱚᱲᱠᱩ • ᱵᱷᱩᱢᱤᱡᱽ | |
ᱥᱟᱱᱛᱟᱲ ᱟᱨ ᱵᱟᱝ ᱥᱟᱱᱛᱟᱞ ᱫᱚ ᱥᱤᱧᱚᱛ, ᱵᱟᱝᱜᱞᱟᱫᱮᱥ ᱟᱨ ᱱᱮᱯᱟᱞ ᱱᱤᱭᱟᱹ ᱯᱮ ᱜᱚᱴᱟᱝ ᱫᱤᱥᱚᱢ ᱨᱮᱜᱮ ᱰᱷᱮᱨ ᱫᱚ ᱢᱮᱱᱟᱜ ᱠᱚᱣᱟ ᱾ ᱟᱫᱚ ᱱᱮᱛᱟᱨ ᱠᱟᱹᱢᱤ ᱵᱟᱠᱷᱨᱟᱛᱮ ᱮᱴᱟᱜ ᱫᱤᱥᱚᱢ ᱨᱮᱸᱦᱚ ᱢᱤᱫᱵᱟᱨ ᱦᱚᱲᱠᱚ ᱪᱟᱞᱟᱣ-ᱟᱠᱟᱱᱟ ᱾ ᱡᱚᱛᱚᱠᱚᱛᱮ ᱫᱚ ᱢᱤᱫ ᱠᱩᱴᱤ ᱞᱮᱠᱟ ᱠᱚ ᱦᱩᱭᱩᱜᱼᱟ ᱾ ᱫᱤᱠᱩ ᱠᱚᱫᱚ ᱥᱟᱱᱛᱟᱲ (ᱤᱜᱽᱨᱮᱡᱤ Santal) (ᱵᱟᱝᱞᱟ সান্তাল), (ᱦᱤᱱᱫᱤ सान्ताड़) ᱮᱢᱟᱱ ᱛᱮᱭᱟᱜ ᱧᱩᱛᱩᱢ ᱛᱮᱠᱚ ᱪᱤᱱᱦᱟᱹᱣ ᱮᱫ ᱠᱚᱣᱟ ᱾ ᱥᱟᱱᱛᱟᱲ ᱫᱚ ᱠᱷᱮᱨᱣᱟᱲ ᱵᱚᱝᱥᱚ ᱨᱤᱱ ᱦᱚᱲ ᱠᱟᱱᱟ ᱠᱚ ᱾
ᱫᱷᱚᱨᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱱᱛᱟᱲ ᱦᱚᱯᱚᱱᱟᱜ ᱫᱷᱚᱨᱚᱢ ᱫᱚ ᱦᱩᱭᱩᱜ ᱠᱟᱱᱟ ᱥᱟᱨᱱᱟ ᱫᱷᱚᱨᱚᱢ ᱾ ᱥᱟᱨᱱᱟ ᱫᱷᱚᱨᱚᱢ ᱨᱤᱱ ᱦᱚᱲ ᱦᱚᱯᱚᱱ ᱫᱚ ᱡᱟᱦᱮᱨ ᱜᱟᱲ ᱨᱮᱠᱚ ᱵᱚᱸᱜᱟ ᱵᱩᱨᱩᱭᱟ ᱾ ᱴᱷᱟᱹᱠᱩᱨᱡᱤᱣ ᱠᱟᱱᱟᱭ ᱥᱤᱥᱤᱨᱡᱟᱹᱣᱤᱡ ᱥᱨᱤᱡᱚᱱᱤᱭᱟᱹ ᱾ ᱟᱨ ᱢᱟᱨᱟᱝ ᱵᱩᱨᱩ ᱫᱚ ᱠᱟᱱᱟᱭ ᱟᱵᱚᱭᱤᱡ ᱢᱟᱨᱟᱝ ᱵᱚᱸᱜᱟ ᱾ ᱚᱲᱟᱜ ᱵᱚᱝᱜᱟ ᱫᱚᱭ ᱦᱩᱭᱩᱜ ᱠᱟᱱᱟ ᱟᱵᱽᱜᱮ ᱵᱚᱸᱜᱟ ᱾ ᱟᱹᱛᱩ ᱵᱚᱸᱜᱟ ᱫᱚᱭ ᱦᱩᱭᱩᱜ ᱠᱟᱱᱟ ᱡᱟᱦᱮᱨ ᱮᱨᱟ ᱾ ᱱᱚᱝᱠᱟᱜᱮ ᱟᱨᱦᱚᱸ ᱵᱚᱸᱜᱟ ᱠᱚ ᱟᱵᱚ ᱨᱤᱱ ᱢᱮᱱᱟᱜ ᱠᱚᱣᱟ ᱾
ᱯᱟᱹᱨᱥᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱱᱛᱟᱲ ᱫᱚ ᱟᱹᱰᱤᱜᱮ ᱥᱚᱨᱮᱥ ᱜᱮᱭᱟ ᱾ ᱥᱟᱱᱛᱟᱲ ᱫᱚ ᱚᱥᱴᱨᱳ-ᱮᱥᱤᱭᱟᱴᱤᱠ-ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱱᱟᱜ ᱯᱟᱹᱨᱥᱤ ᱠᱟᱱᱟ ᱾ ᱑᱙᱒᱕ ᱥᱮᱨᱢᱟᱨᱮ ᱯᱚᱸᱰᱮᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱥᱟᱱᱛᱟᱲᱤ ᱯᱟᱹᱨᱥᱤ ᱚᱞ ᱞᱟᱹᱜᱤᱫ ᱚᱞ ᱪᱤᱠᱤ ᱪᱤᱭᱟᱹᱞᱮᱫᱟ ᱾ ᱱᱮᱛᱟᱨ ᱫᱚ ᱚᱞ ᱪᱤᱠᱤ ᱛᱮᱜᱮ ᱟᱵᱚᱨᱤᱱ ᱟᱹᱰᱤᱜᱟᱱ ᱜᱤᱫᱽᱨᱟᱹ ᱠᱚᱠᱚ ᱚᱞᱚᱜ ᱯᱟᱲᱦᱟᱜᱼᱠᱟᱱᱟ ᱾ ᱱᱚᱣᱟ ᱯᱟᱹᱨᱥᱤ ᱫᱚ ᱥᱤᱧᱚᱛ ᱨᱮᱭᱟᱜ ᱥᱚᱝᱵᱤᱫᱷᱟᱱ ᱨᱮᱭᱟᱜ ᱤᱨᱟᱹᱞᱟᱜ ᱫᱷᱟᱯ ᱨᱮ ᱒᱒ ᱰᱤᱥᱮᱢᱵᱚᱨ ᱒᱐᱐᱓ ᱥᱟᱞᱮ[᱖] ᱨᱮ ᱟᱝᱜᱚᱪ ᱟᱠᱟᱱᱟ ᱾ ᱱᱤᱭᱟᱹ ᱵᱮᱜᱚᱨ ᱦᱚᱸ ᱡᱷᱟᱨᱠᱷᱚᱸᱰ[᱗] ᱟᱨ ᱯᱟᱹᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮ ᱫᱚᱥᱟᱨ ᱨᱟᱡᱽ ᱯᱟᱹᱨᱥᱤ ᱨᱮᱭᱟᱜ ᱴᱷᱟᱶᱮ ᱧᱟᱢ ᱟᱠᱟᱫᱟ[᱘] ᱾
ᱞᱟᱹᱭ ᱞᱟᱠᱪᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱚᱨᱚᱵᱽ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱱᱮᱡ ᱥᱮᱨᱮᱧ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱱᱛᱟᱲ ᱫᱚ ᱟᱹᱰᱤᱛᱮᱫ ᱜᱮ ᱨᱟᱹᱥᱠᱟᱹᱭᱟᱹᱱ ᱡᱟᱹᱛ ᱠᱟᱱᱟ ᱵᱚᱱ ᱾ ᱚᱱᱟᱛᱮᱜᱮ ᱟᱵᱚᱣᱟᱜ ᱥᱟᱶᱛᱟ ᱫᱚ ᱮᱱᱮᱡ ᱥᱮᱨᱮᱧ ᱛᱮ ᱯᱮᱨᱮᱡ ᱜᱮᱭᱟ ᱾ ᱟᱭᱢᱟ ᱞᱮᱠᱟᱱ ᱮᱱᱮᱡ ᱥᱮᱨᱮᱧ ᱠᱚ ᱟᱵᱚ ᱵᱷᱤᱛᱨᱤᱨᱮ ᱢᱮᱱᱟᱜᱼᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱾
ᱵᱟᱦᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱦᱟ ᱯᱚᱨᱚᱵ ᱫᱚ ᱥᱟᱱᱛᱟᱲᱟᱜ ᱫᱚᱥᱟᱨ ᱢᱟᱨᱟᱝ ᱯᱚᱨᱚᱵ ᱠᱟᱱᱟ ᱾ ᱯᱷᱟᱹᱜᱩᱱ ᱪᱟᱸᱫᱚ ᱠᱩᱱᱟᱹᱢᱤ ᱠᱮᱪᱟᱜ ᱦᱤᱞᱚᱜ ᱠᱷᱚᱱ ᱱᱤᱭᱟᱹ ᱯᱚᱨᱚᱵ ᱫᱚ ᱦᱩᱭᱩᱜᱼᱟ ᱾
ᱥᱚᱦᱨᱟᱭ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱚᱦᱚᱨᱟᱭ [᱑] ᱫᱚ ᱥᱟᱱᱛᱟᱲ ᱠᱚᱣᱟᱜ ᱢᱟᱨᱟᱝ ᱢᱤᱫᱴᱟᱹᱝ ᱨᱟᱹᱥᱠᱟᱹ ᱨᱮᱱᱟᱜ ᱯᱟᱨᱟᱵᱽ ᱠᱟᱱᱟ ᱾ ᱠᱩᱲᱤ ᱦᱚᱯᱚᱱ ᱜᱮᱡ ᱜᱩᱨᱤᱡ ᱡᱮᱨᱮᱲ ᱯᱚᱛᱟᱣ ᱠᱟᱛᱮᱫ ᱠᱚ ᱥᱟᱡᱟᱣᱼᱟ, ᱠᱟᱸᱛᱷ ᱠᱚᱨᱮ ᱱᱟᱱᱟ ᱦᱩᱱᱟᱹᱨ ᱪᱤᱛᱟᱹᱨ ᱠᱚᱠᱚ ᱡᱩᱛᱼᱟ ᱾ ᱟᱹᱛᱩ ᱠᱩᱞᱦᱤ ᱵᱷᱤᱛ ᱯᱤᱱᱰᱟᱹ ᱥᱟᱡᱟᱣ ᱛᱮ ᱱᱟᱣᱟ ᱜᱮ ᱧᱮᱞᱚᱜᱼᱟ ᱾ ᱢᱮᱱ ᱟᱠᱚ ᱥᱚᱦᱨᱟᱭ ᱫᱚ ᱦᱟᱹᱛᱤ ᱞᱮᱠᱟᱱ ᱥᱚᱦᱚᱨᱟᱭ ᱯᱟᱨᱟᱵᱽ ᱠᱟᱱᱟ ᱾ ᱱᱚᱣᱟ ᱢᱮᱱ ᱫᱚ ᱱᱚᱣᱟ ᱯᱟᱨᱟᱵᱽ ᱫᱚ ᱥᱟᱱᱛᱟᱲ ᱠᱚᱣᱟᱜ ᱡᱚᱛᱚ ᱠᱷᱚᱱ ᱥᱮᱬᱟ ᱯᱟᱨᱟᱵᱽ ᱠᱟᱱᱟ ᱾ ᱱᱚᱣᱟ ᱯᱟᱨᱟᱵᱽ ᱠᱷᱟᱹᱞᱤ ᱢᱟᱹᱱᱢᱤ ᱠᱚᱣᱟᱜ ᱯᱟᱨᱟᱵᱽ ᱫᱚ ᱵᱟᱝ ᱠᱟᱱᱟ ᱥᱟᱶᱛᱮ ᱰᱟᱺᱜᱽᱨᱤ ᱠᱟᱰᱟ ᱠᱚᱦᱚᱸᱵᱚᱱ ᱯᱟᱨᱟᱵᱽ ᱛᱟᱨᱟᱭᱮᱫ ᱠᱚᱣᱟ ᱾ ᱥᱚᱦᱨᱟᱭ ᱫᱚ ᱢᱚᱬᱮ ᱢᱟᱦᱟᱸ ᱠᱚ ᱢᱟᱱᱟᱣᱟ ᱾
ᱞᱟᱜᱽᱬᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱟᱜᱽᱬᱮ ᱫᱚ ᱡᱚᱛᱚ ᱫᱤᱱ ᱜᱮ ᱮᱱᱮᱡ ᱥᱮᱨᱮᱧ ᱜᱟᱱᱚᱜᱼᱟ ᱾ ᱱᱚᱶᱟ ᱫᱚ ᱞᱟᱸᱜᱟ ᱡᱤᱣᱤ ᱨᱟᱲᱮᱡ ᱞᱟᱹᱜᱤᱫ ᱠᱚ ᱮᱱᱮᱡᱼᱟ ᱾ ᱟᱨ ᱢᱤᱫ ᱞᱮᱠᱟᱛᱮ ᱠᱚᱲᱟ ᱠᱩᱲᱤ ᱦᱟᱜ ᱧᱟᱯᱟᱢ ᱟᱠᱷᱲᱟ ᱦᱚᱸ ᱠᱟᱱᱟ ᱾ ᱫᱤᱱ ᱵᱮᱲᱟ ᱟᱯᱟᱱ ᱟᱹᱯᱤᱱ ᱠᱟᱹᱢᱤ ᱠᱟᱹᱥᱱᱤ ᱨᱮ ᱫᱷᱩᱨᱟᱹᱣ ᱛᱟᱦᱮᱸᱠᱚᱜ ᱵᱮᱲᱟ ᱨᱮ ᱧᱟᱯᱟᱢ ᱨᱚᱯᱚᱲᱚᱜ ᱨᱮᱱᱟᱜ ᱫᱟᱣ ᱵᱟᱝ ᱧᱟᱢᱚᱜ ᱛᱮ ᱥᱤᱸᱜᱟᱹᱲ ᱵᱮᱲᱟ ᱞᱟᱜᱽᱬᱮ ᱮᱱᱮᱡ ᱨᱮ ᱠᱩᱲᱤ ᱠᱚᱲᱟ ᱧᱟᱯᱟᱢ ᱟᱨ ᱵᱷᱟᱵᱽ ᱪᱟᱯᱟᱞ ᱞᱟᱹᱜᱤᱫ ᱠᱚ ᱮᱱᱮᱡᱼᱟ ᱾ ᱛᱚᱵᱮ ᱟᱨ ᱢᱤᱫ ᱚᱡᱮ ᱦᱚᱸ ᱢᱮᱱᱟᱜᱼᱟ ᱚᱱᱟ ᱫᱚ ᱟᱠᱟᱞ ᱠᱚ ᱵᱟᱭ ᱦᱤᱡᱩᱜᱼᱟ ᱟᱨ ᱡᱩᱫᱤ ᱟᱠᱟᱞ ᱜᱚᱫᱟ ᱩᱱ ᱨᱮ ᱯᱮ ᱰᱟᱺᱜᱩᱣᱟᱹ ᱠᱩᱲᱤ ᱯᱮ ᱢᱟᱦᱟᱸ ᱟᱠᱷᱲᱟ ᱠᱚ ᱜᱩᱨᱤᱡ ᱚᱪᱚ ᱠᱟᱛᱮ ᱞᱟᱜᱽᱬᱮ ᱠᱚ ᱮᱱᱮᱡᱼᱟ ᱤᱱᱟᱹᱠᱷᱟᱱ ᱫᱟᱜᱼᱮ ᱡᱟᱹᱲᱤᱭᱟ ᱾ ᱥᱮᱫᱟᱭ ᱫᱚ ᱞᱟᱜᱽᱬᱮ ᱮᱱᱮᱡ ᱵᱚᱸᱜᱟ ᱠᱚᱦᱚᱸ ᱠᱚ ᱦᱤᱡᱩᱜ ᱠᱟᱱ ᱛᱟᱦᱮᱸᱫ ᱾ ᱚᱱᱟᱛᱮ ᱞᱟᱜᱽᱬᱮ ᱮᱱᱮᱡ ᱦᱚᱸ ᱡᱟᱹᱨᱩᱲ ᱠᱟᱱ ᱜᱮᱭᱟ ᱾
ᱫᱚᱝ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱚᱝ ᱥᱮᱨᱮᱧ ᱫᱚ ᱵᱟᱯᱞᱟ ᱡᱚᱦᱚᱜ ᱠᱚ ᱥᱮᱨᱮᱧᱟ ᱾ ᱫᱚᱝ ᱥᱮᱨᱮᱧ ᱫᱚ ᱥᱤᱯᱤᱵᱤᱞ ᱨᱮᱭᱟᱜ ᱵᱟᱝᱠᱷᱟᱱ ᱵᱷᱚᱲᱚᱠ ᱵᱷᱚᱲᱚᱠᱟᱜ ᱦᱚᱸᱠᱚ ᱥᱮᱨᱮᱧᱟ ᱾ ᱫᱚᱝ ᱥᱮᱨᱮᱧ ᱫᱚ ᱟᱹᱰᱤ ᱞᱮᱠᱟᱱᱟᱜ ᱢᱮᱱᱟᱜᱼᱟ ᱾ ᱵᱟᱞᱮ ᱫᱚᱝ, ᱪᱷᱟᱹᱴᱭᱟᱹᱨ ᱫᱚᱝ, ᱵᱟᱹᱦᱩ ᱡᱟᱶᱟᱭ ᱧᱮᱞ ᱫᱚᱝ, ᱵᱟᱯᱞᱟ ᱫᱚᱝ, ᱡᱚᱢ ᱯᱟᱹᱦᱬᱟᱹ ᱫᱚᱝ, ᱯᱷᱩᱞᱩᱜ ᱫᱚᱝ, ᱵᱷᱟᱸᱰᱟᱱ ᱫᱚᱝ, ᱡᱚᱢ ᱥᱤᱢ ᱫᱚᱝ, ᱦᱮᱲᱦᱮᱫ ᱫᱚᱝ, ᱮᱢᱟᱱ ᱫᱚᱝ ᱥᱮᱨᱮᱧ ᱢᱮᱱᱟᱜᱼᱟ ᱾
ᱫᱟᱨᱟᱢᱫᱟᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱰᱟᱱᱴᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱟᱥᱟᱸᱭ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱟᱥᱟᱸᱭ ᱮᱱᱮᱡ ᱥᱮᱨᱮᱧ ᱦᱚᱸ ᱥᱟᱱᱛᱟᱲᱟᱜ ᱥᱮᱨᱣᱟ ᱥᱮ ᱞᱟᱭ ᱞᱟᱠᱪᱟᱨ ᱜᱮ ᱾ ᱢᱮᱱᱠᱷᱟᱱ ᱥᱟᱱᱛᱟᱲ ᱡᱟᱹᱛᱤ ᱠᱷᱮᱨᱣᱟᱲ ᱦᱚᱯᱚᱱᱟᱜ ᱢᱤᱫ ᱫᱩᱠ ᱨᱮᱭᱟᱜ ᱱᱟᱜᱟᱢ ᱫᱚ ᱫᱟᱥᱟᱸᱭ ᱵᱚᱸᱜᱟᱨᱮ ᱫᱟᱥᱟᱸᱭ ᱮᱱᱮᱡ ᱥᱮ ᱫᱟᱥᱟᱸᱭ ᱫᱚᱱ ᱾ ᱱᱤᱭᱟᱹ ᱫᱚ ᱫᱤᱠᱩ ᱟᱜ ᱫᱩᱨᱜᱟᱹ ᱯᱩᱡᱟᱹ ᱚᱠᱛᱮ (ᱥᱚᱯᱛᱚᱢᱤ, ᱚᱥᱴᱚᱢᱤ, ᱱᱚᱵᱚᱢᱤ ᱟᱨ ᱵᱤᱡᱚᱭᱟ) ᱱᱤᱭᱟᱹ ᱯᱳᱱ ᱫᱤᱱ ᱟᱹᱛᱩ ᱟᱹᱛᱩ ᱦᱟᱭ ᱦᱟᱭ ᱟᱲᱟᱝᱛᱮ ᱮᱱᱮᱡ ᱥᱮᱨᱮᱧ ᱛᱟᱞᱟᱛᱮ ᱫᱩᱣᱟᱹᱨ ᱫᱩᱣᱟᱹᱨ ᱠᱚ ᱠᱷᱚᱭ ᱟ ᱾ ᱱᱚᱣᱟ ᱨᱮᱭᱟᱜ ᱟᱭᱢᱟ ᱜᱟᱱ ᱠᱟᱹᱦᱤᱱᱤ ᱢᱮᱱᱟᱜ ᱜᱮᱭᱟ ᱾ ᱚᱠᱚᱭ ᱠᱚ ᱫᱚ ᱠᱚ ᱞᱟᱹᱭᱟ ᱦᱩᱫᱩᱬ ᱫᱩᱨᱜᱟᱹ ᱧᱩᱛᱩᱢᱟᱱ ᱢᱤᱫ ᱵᱤᱨ ᱨᱟᱡᱽ ᱮ ᱛᱟᱦᱮᱸ ᱠᱟᱱᱟ ᱥᱟᱱᱛᱟᱲ ᱡᱟᱹᱛᱤ ᱨᱮᱱ, ᱟᱨᱡᱚ ᱨᱮᱱ ᱫᱮᱵᱽᱨᱟᱡᱽ ᱤᱱᱫᱨᱚ ᱦᱟᱹᱵᱤᱡ ᱚᱠᱚᱭ ᱦᱚᱸ ᱵᱟᱠᱚ ᱫᱟᱲᱮᱜ ᱛᱟᱦᱮᱸᱫ, ᱩᱱᱤ ᱵᱤᱨ ᱨᱟᱡᱽ ᱦᱩᱫᱩᱬ ᱫᱩᱨᱜᱟᱹ ᱥᱟᱶ ᱾ ᱵᱤᱨ ᱨᱟᱡᱽ ᱦᱩᱫᱩᱬ ᱫᱩᱨᱜᱟᱹ ᱠᱩᱲᱤ ᱦᱚᱯᱚᱱ ᱥᱟᱞᱟᱜ ᱵᱟᱭ ᱞᱟᱹᱲᱦᱟᱹᱭ ᱟ ᱱᱚᱣᱟ ᱠᱟᱛᱷᱟ ᱫᱤᱠᱩ ᱨᱮᱱ ᱫᱮᱵᱚᱛᱟ ᱠᱚ ᱵᱟᱰᱟᱭ ᱧᱟᱢ ᱠᱮᱫᱟ ᱟᱨ ᱫᱮᱵᱤ ᱢᱚᱦᱟᱢᱟᱭᱟ ᱥᱟᱞᱟᱜ ᱵᱟᱯᱞᱟ ᱠᱚ ᱴᱷᱟᱹᱠᱭᱟᱹᱞᱮᱫ ᱛᱟᱭᱟ ᱾ ᱟᱨ ᱢᱚᱦᱟᱢᱟᱭᱟ ᱠᱚ ᱢᱮᱛᱟᱫᱮᱭᱟ ᱩᱱᱤᱢ ᱜᱚᱡ ᱞᱮᱠᱷᱟᱱ ᱟᱨᱡᱚ ᱥᱚᱢᱟᱡᱽ ᱨᱮ ᱯᱩᱡᱟᱹᱢ ᱧᱟᱢ ᱟ ᱾ ᱚᱱᱟ ᱛᱟᱭᱚᱢ ᱪᱷᱚᱞᱚᱱᱟ ᱠᱟᱛᱮ ᱵᱟᱯᱞᱟ ᱧᱩᱛᱩᱢ ᱛᱮ ᱮᱠᱞᱟ ᱨᱮ ᱤᱫᱤ ᱠᱟᱛᱮ ᱮ ᱜᱚᱡ ᱠᱮᱫᱮᱭᱟ, ᱥᱟᱱᱛᱟᱲ ᱦᱚᱲ ᱨᱮᱱ ᱵᱤᱨ ᱨᱟᱡᱽ ᱦᱩᱰᱩᱨ ᱫᱩᱨᱜᱟᱹ ᱾ ᱱᱚᱣᱟ ᱠᱟᱛᱷᱟ ᱵᱟᱠᱚ ᱵᱟᱲᱟᱭ ᱛᱟᱦᱮᱸᱫ ᱫᱟᱥᱟᱸᱭ ᱨᱮᱱ ᱜᱮᱞ ᱵᱟᱨ ᱜᱚᱴᱟᱝ ᱜᱩᱨᱩ ᱾ ᱩᱱᱠᱩ ᱜᱩᱨᱩᱣᱟᱜ ᱧᱩᱛᱩᱢ ᱫᱚ
᱑.ᱫᱷᱚᱨᱚᱢ ᱜᱩᱨᱩ
᱒.ᱠᱟᱢᱨᱩ ᱜᱩᱨᱩ
᱓.ᱵᱷᱩᱣᱟᱹᱝ ᱜᱩᱨᱩ
᱔.ᱥᱤᱫᱚ ᱜᱩᱨᱩ
᱕.ᱛᱩᱞᱥᱤ ᱜᱩᱨᱩ
᱖.ᱱᱟᱨᱥᱤᱝ ᱜᱩᱨᱩ
᱗.ᱜᱟᱱᱠᱳ ᱜᱩᱨᱩ
᱘.ᱵᱷᱟᱭᱨᱳ ᱜᱩᱨᱩ
᱙.ᱡᱤᱛᱩ ᱜᱩᱨᱩ
᱑᱐.ᱨᱳᱦᱚᱲ ᱜᱩᱨᱩ
᱑᱑.ᱞᱳᱦᱚᱵᱤᱨ ᱜᱩᱨᱩ, ᱟᱨ
᱑᱒.ᱜᱟᱱᱰᱳ ᱜᱩᱨᱩ ᱾
ᱱᱩᱠᱩ ᱜᱩᱨᱩ ᱜᱮ ᱯᱩᱭᱞᱩ ᱠᱩᱲᱤ ᱦᱚᱯᱚᱱᱟᱜ ᱥᱟᱡ ᱛᱮ ᱥᱟᱡᱟᱣ ᱠᱟᱛᱮ ᱟᱹᱛᱩ ᱟᱹᱛᱩ ᱫᱮᱥ ᱫᱤᱥᱚᱢ ᱵᱷᱩᱣᱟᱹᱝ ᱥᱟᱵ ᱠᱟᱛᱮ ᱦᱟᱭ ᱦᱟᱭ ᱟᱲᱟᱝ ᱛᱮ ᱠᱚ ᱯᱟᱸᱡᱟ ᱞᱮᱫᱮᱭᱟ, ᱟᱨ ᱱᱤᱛ ᱦᱟᱹᱵᱤᱡ ᱛᱮ ᱟᱵᱚ ᱦᱚᱵᱚ ᱯᱟᱸᱡᱟ ᱮ ᱠᱟᱱ ᱜᱮᱭᱟ ᱟᱵᱚ ᱟᱜ ᱫᱟᱥᱟᱸᱭ ᱫᱚᱱ ᱮᱱᱮᱡ ᱥᱮᱨᱮᱧ ᱛᱟᱞᱟ ᱛᱮ ᱾ ᱟᱨ ᱱᱤᱭᱟᱹ ᱜᱮ ᱥᱟᱱᱛᱟᱲ ᱡᱟᱹᱛᱤ ᱠᱷᱮᱨᱣᱟᱲ ᱦᱚᱯᱚᱱ ᱟᱵᱚ ᱟᱜ ᱥᱮᱨᱭᱟ ᱨᱮ ᱢᱮᱱᱟᱜ ᱜᱮᱭᱟ, ᱫᱟᱥᱟᱸᱭ ᱫᱟᱲᱟᱱ ᱥᱮ ᱫᱟᱥᱟᱸᱭ ᱮᱱᱮᱡ ᱾
ᱨᱤᱧᱡᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱨᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱨᱟᱢ/ᱠᱚᱨᱚᱢ ᱱᱚᱶᱟ ᱵᱚᱝᱜᱟ ᱵᱩᱨᱩ ᱯᱟᱨᱟᱵᱽ ᱫᱚ ᱪᱟᱥ ᱠᱷᱮᱛ ᱠᱚ ᱨᱟᱠᱟᱵᱽ ᱫᱮᱞᱟ ᱫᱮᱞᱤ ᱨᱟᱥᱠᱟ ᱛᱮ ᱟᱹᱛᱩ ᱦᱚᱲ ᱠᱚ ᱟᱱᱛᱮ ᱢᱟᱱᱟᱣ ᱦᱩᱭᱩᱜᱼᱟ ᱾ ᱠᱟᱨᱟᱢ ᱯᱟᱨᱟᱵᱽ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱡᱷᱟᱨᱠᱷᱚᱸᱰ, ᱢᱚᱫᱷᱭᱚ ᱯᱨᱚᱫᱮᱥ, ᱪᱷᱚᱛᱛᱤᱥᱜᱚᱰ, ᱟᱥᱟᱢ, ᱳᱰᱤᱥᱟ ᱟᱨ ᱣᱚᱮᱥᱴ ᱵᱮᱸᱜᱚᱞ ᱯᱚᱱᱚᱛ ᱠᱚᱨᱮ ᱵᱟᱹᱲᱛᱤ ᱧᱮᱞ ᱧᱟᱢᱚᱜᱼᱟ ᱾ ᱱᱚᱶᱟ ᱵᱚᱝᱜᱟ ᱵᱩᱨᱩ ᱫᱚ ᱠᱟᱨᱟᱢ ᱵᱚᱝᱜᱟ ᱧᱩᱛᱩᱢ ᱛᱮ ᱵᱚᱝᱜᱟ ᱭᱟᱠᱚ, ᱫᱟᱲᱮ, ᱫᱷᱚᱱ ᱟᱨ ᱱᱟᱭ ᱱᱟᱯᱟᱭ ᱞᱟᱹᱜᱤᱫ ᱾ ᱠᱟᱨᱟᱢ ᱵᱚᱝᱜᱟ ᱫᱚ ᱠᱚᱨᱵᱟ, ᱵᱟᱤᱜᱟ, ᱵᱤᱧᱡᱷᱩᱣᱟᱨᱤ, ᱱᱟᱜᱽᱯᱩᱨᱤ, ᱠᱚᱨᱛᱷᱟ, ᱠᱩᱰᱩᱢᱤ, ᱚᱨᱟᱶ, ᱢᱩᱸᱰᱟᱹ, ᱥᱟᱱᱛᱟᱲ ᱟᱨ ᱟᱹᱰᱤ ᱞᱮᱠᱟᱱ ᱡᱟᱹᱛᱨᱤᱱ ᱦᱚᱲ ᱠᱚ ᱢᱟᱱᱟᱣᱼᱟ ᱾ ᱱᱚᱶᱟ ᱵᱟᱨᱟᱵᱽ ᱫᱚ ᱠᱩᱱᱟᱹᱢᱤ ᱨᱮᱭᱟᱜ ᱜᱮᱞ ᱢᱤᱫ ᱫᱤᱱ ᱨᱮ ᱵᱷᱟᱫᱚᱨ ᱵᱚᱝᱜᱟ ᱨᱮ ᱵᱚᱝᱜᱟᱭᱟ, ᱡᱟᱦᱟ ᱪᱤ ᱤᱸᱜᱨᱟᱡᱤ ᱵᱚᱝᱜᱟ ᱚᱜᱚᱥᱴ ᱟᱨ ᱥᱮᱯᱴᱮᱢᱵᱚᱨ ᱯᱟᱲᱟᱣᱚᱜᱼᱟ ᱾ ᱡᱩᱣᱟᱱ ᱠᱚᱲᱟ ᱠᱩᱲᱤ ᱟᱨ ᱟᱹᱛᱩ ᱦᱚᱲ ᱠᱚ ᱡᱚᱛᱚ ᱵᱤᱨ ᱪᱟᱞᱟᱣ ᱠᱟᱛᱮ ᱥᱟᱦᱟᱱ, ᱡᱚ ᱟᱨ ᱵᱟᱦᱟ ᱠᱚ ᱟᱹᱜᱩᱭᱟ ᱾ ᱱᱚᱶᱟ ᱠᱚᱫᱚ ᱡᱚᱛᱚ ᱵᱚᱝᱜᱟ ᱵᱩᱨᱩ ᱡᱷᱚᱜ ᱫᱚᱨᱠᱟᱨ ᱤᱫᱤ ᱠᱟᱛᱮ ᱞᱟᱜᱟᱣᱜᱼᱟ ᱾ ᱵᱚᱝᱜᱟ ᱵᱩᱨᱩ ᱛᱟᱭᱚᱢ ᱡᱚᱛᱚ ᱢᱮᱥᱟ ᱠᱟᱛᱮ ᱠᱚ ᱠᱟᱨᱟᱢ ᱮᱱᱮᱡ ᱥᱮᱨᱮᱧ ᱡᱚᱝᱟᱠᱚ ᱾ ᱟᱹᱛᱩ ᱡᱟᱠᱟᱛ ᱛᱮᱠᱚ ᱤᱱᱟᱹ ᱦᱤᱞᱚᱜ ᱫᱚ ᱮᱱᱮᱡ ᱥᱮᱨᱮᱧ ᱛᱮᱠᱚ ᱟᱫᱚᱲ ᱠᱟᱜᱼᱟ ᱾
ᱡᱷᱤᱠᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱶᱛᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱹᱛᱩ ᱨᱮᱫᱚ ᱢᱟᱹᱡᱷᱤ, ᱜᱚᱰᱮᱛ, ᱱᱟᱭᱠᱮ, ᱡᱚᱜᱽᱢᱟᱹᱡᱷᱤ, ᱯᱟᱨᱟᱱᱤᱠ, ᱱᱩᱠᱩ ᱜᱮ ᱟᱹᱛᱩ ᱠᱚ ᱪᱟᱞᱟᱣᱟ ᱾ ᱦᱚᱲ ᱦᱚᱯᱚᱱᱟᱜ ᱥᱟᱶᱛᱟ ᱫᱚ ᱢᱟᱺᱡᱦᱤ ᱯᱟᱨᱟᱱᱤᱠ ᱜᱮᱠᱚ ᱪᱟᱞᱟᱣᱟ ᱾
ᱧᱩᱛᱩᱢᱚᱜ ᱞᱮᱠᱟᱱ ᱥᱟᱱᱛᱟᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱥᱭᱟᱢ ᱥᱩᱱᱫᱚᱨ ᱵᱮᱥᱨᱟ, ᱚᱱᱚᱞᱤᱭᱟᱹ ᱾
- ᱵᱤᱨᱵᱟᱦᱟ ᱦᱟᱸᱥᱫᱟᱜ, ᱥᱟᱱᱛᱟᱲᱤ ᱜᱟᱭᱱᱟᱦᱤᱭᱟᱹ ᱟᱨ ᱨᱟᱡᱟᱨᱤᱭᱟᱹ ᱾
- ᱠᱷᱚᱜᱮᱱ ᱢᱩᱨᱢᱩ ᱠᱷᱟᱜᱮᱱ ᱢᱩᱨᱢᱩ ᱾
- ᱵᱟᱹᱵᱩᱞᱟᱞ ᱢᱟᱨᱟᱱᱰᱤ ᱡᱷᱟᱨᱠᱷᱚᱸᱰ ᱨᱮᱱ ᱯᱟᱹᱦᱤᱞ ᱥᱤᱨᱟᱹ ᱢᱚᱱᱛᱨᱤ ᱾
- ᱫᱨᱚᱣᱯᱚᱫᱤ ᱢᱩᱨᱢᱩ ᱡᱷᱟᱨᱠᱷᱚᱸᱰ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱯᱚᱱᱚᱛ ᱜᱚᱢᱠᱮ ᱟᱨ ᱵᱷᱟᱨᱚᱛ ᱨᱮᱱ ᱱᱤᱛᱚᱜᱤᱡ ᱫᱤᱥᱚᱢ ᱜᱚᱢᱠᱮ᱾
- ᱥᱟᱞᱠᱷᱟᱱ ᱢᱩᱨᱢᱩ
- ᱜᱤᱨᱤᱥ ᱪᱚᱸᱫᱽᱨᱚ ᱢᱩᱨᱢᱩ
- ᱥᱤᱫᱚ-ᱠᱟᱹᱱᱦᱩ ᱯᱷᱩᱨᱜᱟᱹᱞ ᱦᱩᱞᱜᱟᱹᱨᱤᱭᱟᱹ
- ᱩᱢᱟ ᱥᱚᱨᱮᱱ ᱨᱟᱡᱟᱨᱤᱭᱟᱹ ᱾
ᱟᱵᱚ ᱥᱟᱱᱛᱟᱞ ᱫᱚ ᱯᱟᱹᱦᱤᱞ ᱡᱟᱱᱟᱢ ᱯᱤᱞᱪᱩ ᱦᱟᱲᱟᱢ ᱯᱤᱞᱪᱩ ᱱᱩᱰᱦᱤ ᱨᱮᱱ ᱛᱩᱨᱩᱭ ᱜᱚᱴᱮᱱ ᱠᱚᱲᱟ ᱟᱨ ᱮᱭᱟᱭ ᱜᱚᱴᱮᱱ ᱠᱩᱲᱤ ᱠᱷᱚᱱ ᱜᱮᱵᱚᱱ ᱥᱟᱸᱜᱮᱭᱟᱠᱟᱱᱟ। ᱟᱨ ᱩᱝᱠᱩ ᱠᱷᱚᱱ ᱜᱮ ᱟᱵᱚ ᱫᱚ ᱜᱮᱞ ᱵᱟᱨ (᱑᱒) ᱯᱟᱹᱨᱤᱥ ᱨᱮᱵᱚᱱ ᱦᱟᱹᱢᱤᱧ ᱡᱚᱝ ᱮᱱᱟ। ᱟᱨ ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ= (᱑)ᱢᱟᱹᱨᱰᱤ (᱒) ᱥᱚᱨᱮᱱ (᱓) ᱠᱤᱥᱠᱩ (᱔) ᱢᱩᱨᱢᱩ (᱕) ᱦᱟᱸᱥᱫᱟ (᱖) ᱴᱩᱰᱩ (᱗) ᱵᱮᱥᱨᱟ (᱘) ᱦᱮᱢᱵᱚᱨᱚᱢ (᱙) ᱵᱟᱥᱠᱮ (᱑᱐) ᱪᱚᱬᱮ (᱑᱑) ᱯᱟᱹᱣᱨᱤᱭᱟ (᱑᱓) ᱵᱮᱫᱤᱭᱟ ᱟᱵᱚᱫᱚ ᱫᱷᱟᱹᱨᱛᱤ ᱥᱤᱨᱡᱟᱹᱱᱤᱭᱟᱹ ᱫᱚ ᱴᱷᱟᱹᱠᱩᱨᱡᱤᱣ ᱟᱨ ᱴᱷᱟᱹᱠᱩᱨᱟᱹᱱ ᱜᱮ ᱵᱚᱱ ᱢᱟᱱᱟᱣᱠᱤᱱᱟᱹ। ᱚᱱᱟ ᱛᱟᱭᱚᱢ,,ᱥᱤᱝᱪᱟᱸᱫᱚ,ᱢᱟᱨᱟᱝᱵᱩᱨᱩ,ᱡᱟᱦᱮᱨ-ᱟᱭᱚ,ᱢᱚᱬᱮ ᱠᱚ- ᱛᱩᱨᱩᱭ ᱠᱚ,ᱟᱨᱦᱚᱸ ᱦᱟᱯᱲᱟᱢ ᱠᱚ। ᱟᱨ ᱯᱚᱨᱚᱵ ᱥᱮ ᱯᱚᱨᱚᱵ ᱠᱚ ᱨᱮᱭᱟᱜ ᱧᱤᱛᱩᱢ ᱦᱩᱭᱩᱜ ᱠᱟᱱᱟ= (᱑) ᱥᱚᱨᱚᱦᱟᱭ (᱒) ᱵᱟᱦᱟ (᱓) ᱮᱨᱚᱜ (᱔) ᱪᱷᱟᱛᱟ (᱕) ᱯᱟᱛᱟ (᱖) ᱫᱟᱸᱥᱟᱸᱭ (᱗) ᱠᱟᱨᱟᱢ (᱘) ᱵᱩᱨᱩ ᱵᱮᱨᱤᱫ (᱙) ᱱᱤᱢᱫᱟᱜ ᱢᱟᱸᱰᱤ (᱑᱐) ᱫᱤᱦᱟᱹᱨᱤ ᱥᱮᱸᱫᱨᱟ (᱑᱑) ᱵᱷᱟᱸᱰᱟᱱ ᱟᱨ ᱨᱟᱹᱥᱠᱟᱹᱟ ᱠᱚ ᱞᱟᱹᱜᱤᱫ ᱫᱚ ᱛᱩᱢᱫᱟᱜ, ᱴᱟᱢᱟᱠ, ᱰᱷᱚᱞ, ᱢᱟᱫᱚᱞ, ᱱᱟᱜᱨᱟ, ᱛᱤᱨᱤᱭᱟᱹ, ᱠᱚᱨᱛᱟᱞ, ᱵᱟᱱᱟᱢ, ᱢᱩᱨᱞᱤ, ᱪᱷᱚᱛᱨᱟ, ᱠᱟᱴ-ᱵᱟᱱᱟᱢ, ᱞᱤᱯᱩᱨ, ᱜᱟᱵᱜᱩᱵᱤ। ᱟᱨ ᱨᱚᱲ ᱫᱚ ᱥᱟᱱᱛᱟᱞᱤ ᱜᱮ, ᱡᱮᱢᱚᱱ= ᱫᱟᱠᱟ, ᱩᱛᱩ, ᱦᱟᱠᱩ, ᱰᱟᱝᱨᱟ, ᱢᱮᱨᱚᱢ, ᱟᱢ, ᱟᱯᱮᱠᱚ।
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ ᱑.᱒ ᱑.᱓ "A-11 Individual Scheduled Tribe Primary Census Abstract Data and its Appendix". www.censusindia.gov.in. Office of the Registrar General & Census Commissioner, India. Retrieved 18 ᱱᱚᱵᱷᱮᱢᱵᱚᱨ 2017.
- ↑ "C-16 Population By Mother Tongue". www.censusindia.gov.in. Office of the Registrar General & Census Commissioner, India. Retrieved 3 ᱱᱚᱵᱷᱮᱢᱵᱚᱨ 2019.
- ↑ Cavallaro, Francesco; Rahman, Tania. "The Santals of Bangladesh" (PDF). ntu.edu.sg. Nayang Technical University. Archived from the original (PDF) on 9 ᱱᱚᱵᱷᱮᱢᱵᱚᱨ 2016. Retrieved 17 ᱱᱚᱵᱷᱮᱢᱵᱚᱨ 2017.
- ↑ "National Population and Housing Census 2011: Social Characteristics Tables" (PDF). Nepal Census. Archived from the original (PDF) on 14 ᱢᱟᱨᱪ 2023. Retrieved 26 ᱥᱮᱯᱴᱮᱢᱵᱚᱨ 2021 – via Government of Nepal.
- ↑ ᱕.᱐ ᱕.᱑ "ST-14 Scheduled Tribe Population By Religious Community - Jharkhand". census.gov.in. Retrieved 3 ᱱᱚᱵᱷᱮᱢᱵᱚᱨ 2019.
- ↑ https://rajbhasha.gov.in/en/languages-included-eighth-schedule-indian-constitution
- ↑ https://www.oneindia.com/2006/11/15/urdu-bangla-santhali-declared-second-official-languages-1163601436.html
- ↑ https://www.indiatoday.in/india/east/story/west-bengal-mamata-banerjee-recognizes-six-non-bengali-languages-134507-2011-05-27