ᱫᱽᱨᱚᱣᱯᱚᱫᱤ ᱢᱩᱨᱢᱩ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
(ᱫᱨᱚᱣᱯᱚᱫᱤ ᱢᱩᱨᱢᱩ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)
ᱫᱽᱨᱚᱣᱯᱚᱫᱤ ᱢᱩᱨᱢᱩ
Smt. Droupadi Murmu official portrait (1).jpg
ᱟᱹᱢᱟᱹᱞᱮᱛ ᱯᱚᱨᱴᱨᱮᱴ, ᱒᱐᱒᱒
᱑᱕ ᱟᱱᱤᱡ ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ
Taking office
᱒᱕ ᱡᱩᱞᱟᱭ ᱒‌0᱒᱒
ᱢᱟᱨᱟᱝ ᱢᱱᱛᱨᱤᱱᱚᱨᱮᱱᱫᱽᱨᱚ ᱢᱳᱫᱤ
Vice Presidentᱵᱷᱮᱱᱠᱟᱭᱟ ᱱᱟᱭᱰᱩ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹᱨᱟᱢ ᱱᱟᱛᱷ ᱠᱚᱵᱤᱱᱫᱽ
ᱡᱷᱟᱨᱠᱷᱚᱸᱰ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ
ᱟᱹᱢᱟᱹᱞᱤ ᱨᱮ
᱑᱘ ᱢᱮ ᱒᱐᱑᱕ – ᱖ ᱡᱩᱞᱟᱭ ᱒᱐᱒᱑
ᱥᱤᱨᱟᱹ ᱢᱚᱱᱛᱨᱤᱨᱟᱹᱜᱷᱩᱵᱚᱨ ᱫᱟᱥ
ᱦᱮᱢᱚᱱᱛ ᱥᱚᱨᱮᱱ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹᱥᱮᱭᱟᱫᱽ ᱟᱦᱢᱟᱫᱽ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹᱨᱚᱢᱮᱥ ᱵᱟᱭᱥ
Assembly Member
for ᱨᱟᱭᱨᱚᱝᱯᱩᱨ
ᱟᱹᱢᱟᱹᱞᱤ ᱨᱮ
᱒᱐᱐᱙ – ᱑᱘ ᱢᱮ ᱒᱐᱑᱕
ᱥᱟᱫᱽᱥᱭᱟ, ᱳᱰᱤᱥᱟ ᱯᱚᱱᱚᱛ ᱫᱚᱨᱵᱟᱨ ᱯᱚᱨᱤᱥᱚᱫᱽ
ᱟᱹᱢᱟᱹᱞᱤ ᱨᱮ
᱒᱐᱐᱐ – ᱒᱐᱐᱙
ᱢᱟᱬᱟᱝ ᱟᱹᱢᱟᱹᱞᱤᱭᱟᱹᱞᱟᱥᱢᱟᱱ ᱢᱟᱡᱷᱤ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹᱥᱭᱚᱢ ᱪᱚᱨᱚᱱ ᱦᱟᱸᱥᱫᱟᱜ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ᱒᱐ ᱡᱩᱱ ᱑᱙᱕᱘ (1958-06-20) (᱖᱔ ᱥᱮᱨᱢᱟ)
ᱢᱚᱭᱩᱨᱵᱷᱚᱸᱡᱽ, ᱳᱰᱤᱥᱟ, ᱥᱤᱧᱚᱛ
ᱨᱟᱡᱽᱟᱹᱨᱤ ᱫᱚᱞᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ
ᱡᱤᱭᱚᱱ ᱥᱚᱦᱮᱫᱥᱭᱟᱢ ᱪᱚᱨᱚᱱ ᱢᱩᱨᱢᱩ
ᱦᱚᱯᱚᱱ
ᱥᱮᱪᱮᱫ ᱟᱠᱷᱲᱟᱨᱟᱢᱟ ᱫᱮᱵᱤ ᱛᱤᱨᱞᱟᱹ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱵᱷᱩᱵᱽᱱᱮᱥᱚᱨ
ᱠᱟᱹᱢᱤᱨᱟᱡᱽᱟᱹᱨᱤ

ᱫᱽᱨᱚᱣᱯᱚᱫᱤ ᱢᱩᱨᱢᱩ ᱫᱚ (ᱡᱟᱱᱟᱢ ᱒᱐ ᱡᱩᱱ ᱑᱙᱕᱘) ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽ ᱟᱹᱨᱤ ᱠᱟᱱᱟᱭ, ᱱᱩᱭ ᱫᱚ ᱒᱕ ᱡᱩᱞᱟᱭ ᱒᱐᱒᱒ ᱠᱷᱚᱱ ᱥᱤᱧᱚᱛ ᱨᱤᱱᱤᱡ ᱑᱕ ᱟᱱᱤᱡ ᱟᱨ ᱱᱤᱛᱚᱜ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱠᱟᱹᱢᱤ ᱮᱫᱟᱭ ᱾ ᱱᱩᱭ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱤᱱᱤᱡ ᱥᱚᱦᱮᱫ ᱠᱟᱱᱟᱭ ᱾[᱑] ᱱᱩᱭ ᱫᱚ ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱵᱟᱪᱷᱱᱟᱣ ᱭᱤᱡ ᱟᱹᱫᱤᱵᱟᱹᱥᱤ ᱜᱩᱴ ᱥᱟᱶ ᱡᱚᱲᱟᱣ ᱟᱠᱟᱱ ᱯᱩᱭᱞᱩ ᱦᱚᱲ ᱠᱟᱱᱟᱭ ᱾[᱒] ᱢᱩᱨᱢᱩ ᱫᱚ ᱯᱨᱚᱛᱤᱵᱷᱟ ᱯᱟᱴᱤᱞ ᱛᱟᱭᱚᱢ ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱥᱮᱵᱟ ᱭᱤᱡ ᱢᱤᱫᱴᱟᱹᱝ ᱫᱚᱥᱟᱨ ᱛᱤᱨᱞᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱱᱚᱣᱟ ᱯᱚᱫᱽ ᱫᱷᱟᱨᱚᱬ ᱨᱤᱡ ᱳᱰᱤᱥᱟ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱠᱟᱱᱟᱭ ᱟᱨ ᱫᱤᱥᱚᱢ ᱨᱤᱱᱤᱡ ᱟᱹᱰᱤ ᱠᱚᱢ ᱩᱢᱚᱨᱤᱡ ᱫᱤᱥᱚᱢ ᱜᱚᱢᱠᱮ ᱠᱟᱱᱟᱭ ᱟᱨ ᱥᱤᱧᱚᱛ ᱨᱤᱱᱤᱡ ᱯᱷᱩᱨᱜᱟᱹᱞ ᱛᱟᱭᱚᱢ ᱡᱟᱱᱟᱢ ᱟᱠᱟᱱ ᱯᱩᱭᱞᱩ ᱦᱚᱲ ᱠᱟᱱᱟᱭ ᱾[᱓] ᱩᱱᱤᱫᱚ ᱯᱩᱭᱞᱩ ᱒᱐᱑᱕ ᱠᱷᱚᱱ ᱒᱐᱒᱑ ᱥᱟᱞ ᱫᱷᱟᱹᱵᱤᱡ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱤᱱᱤᱡ ᱟᱨᱮ ᱟᱱᱤᱡ ᱯᱚᱱᱚᱛ ᱜᱚᱢᱠᱮ (ᱨᱟᱡᱽᱭᱚᱯᱟᱞ) ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱼᱟᱭ ᱾ ᱱᱩᱭ ᱫᱚ ᱢᱚᱬᱮ ᱥᱮᱨᱢᱟ ᱠᱟᱹᱢᱤ ᱯᱩᱨᱟᱹᱣ ᱤᱡ ᱡᱷᱟᱨᱠᱷᱚᱸᱰ ᱨᱤᱱᱤᱡ ᱯᱩᱭᱞᱩ ᱯᱚᱱᱚᱛ ᱜᱚᱢᱠᱮ ᱠᱟᱱᱟᱭ, ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱠᱷᱚᱱᱟᱜ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮᱭᱟᱜ ᱨᱟᱭᱨᱚᱝᱯᱩᱨ ᱠᱷᱚᱱ ᱵᱟᱨ ᱫᱷᱟᱣ (᱒᱐᱐᱐ ᱟᱨ ᱒᱐᱐᱔) ᱳᱰᱤᱥᱟ ᱵᱤᱫᱷᱟᱱ ᱥᱚᱵᱷᱟ ᱛᱮ ᱵᱟᱪᱷᱚᱱ ᱞᱮᱱᱟᱭ ᱾ [᱔] [᱕][᱖] ᱩᱱᱤ ᱫᱚ ᱳᱰᱤᱥᱟ ᱯᱚᱱᱚᱛ ᱠᱷᱚᱱᱟᱜ ᱯᱩᱭᱞᱩ ᱛᱤᱨᱞᱟᱹ, ᱥᱤᱧᱚᱛ ᱠᱷᱚᱱᱟᱜ ᱯᱩᱭᱞᱩ ᱥᱟᱱᱛᱟᱲ ᱨᱟᱡᱽᱭᱚᱯᱟᱞ ᱠᱟᱱᱟᱭ ᱾ [᱗][᱘] ᱵᱤᱡᱩ ᱡᱚᱱᱛᱟ ᱫᱚᱞ ᱟᱨ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱥᱚᱧᱚᱛ ᱥᱚᱨᱠᱟᱨ ᱚᱠᱛᱮ "ᱵᱟᱹᱱᱤᱡ ᱟᱨ ᱜᱚᱢᱱᱟᱜᱚᱢᱚᱱ" ᱢᱚᱱᱛᱨᱤ ᱞᱮᱠᱟᱛᱮ ᱖ ᱢᱟᱨᱪ ᱒000 ᱠᱷᱚᱱᱟᱜ ᱖ ᱚᱜᱚᱥᱴ ᱒᱐᱐᱒ ᱦᱟᱹᱵᱤᱡ ᱮ ᱠᱟᱹᱢᱤ ᱞᱮᱜᱼᱟ ᱾ ᱖ ᱚᱜᱚᱥᱴ ᱒᱐᱐᱒ ᱠᱷᱚᱱ ᱑᱖ ᱢᱮ ᱒᱐᱐᱔ ᱦᱟᱹᱵᱤᱡ ᱫᱚ "ᱦᱟᱹᱠᱩ ᱟᱨ ᱯᱚᱥᱣᱟᱸ ᱥᱮᱛᱮᱫ" ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟᱭ ᱾[᱙]

ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱽᱨᱚᱣᱯᱚᱫᱤ ᱢᱩᱨᱢᱩ ᱫᱚ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱟᱭᱨᱚᱝᱯᱩᱨ ᱥᱩᱨ ᱵᱚᱭᱫᱟᱯᱳᱥᱤ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱫᱚ ᱵᱤᱨᱚᱱᱪᱤ ᱱᱟᱨᱟᱭᱚᱱ ᱴᱩᱰᱩ ᱾

ᱱᱤᱡᱚᱨ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱽᱨᱚᱣᱯᱚᱫᱤ ᱢᱩᱨᱢᱩ ᱫᱚ ᱥᱭᱟᱢ ᱪᱚᱨᱚᱱ ᱢᱩᱨᱢᱩ ᱥᱟᱶᱮ ᱵᱟᱯᱞᱟ ᱟᱠᱟᱱᱟ ᱾ ᱟᱹᱠᱤᱱ ᱨᱤᱱ ᱫᱚ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱟᱨ ᱢᱤᱫᱴᱟᱹᱝ ᱫᱚ ᱠᱩᱲᱤ ᱜᱤᱫᱽᱨᱟᱹ ᱠᱟᱱᱟᱭ ᱾ ᱢᱩᱨᱢᱩ ᱜᱚᱢᱠᱮ ᱛᱤᱠᱤᱱᱟᱹᱜ ᱡᱤᱭᱚᱱ ᱫᱚ ᱟᱹᱰᱤ ᱫᱩᱠᱷ ᱵᱷᱟᱵᱽᱱᱟ ᱜᱷᱚᱴᱚᱱ ᱥᱟᱶᱛᱮ ᱯᱟᱨᱚᱢ ᱟᱠᱟᱱᱟ, ᱟᱡᱟᱜ ᱢᱮᱫ ᱛᱮᱜᱮ ᱡᱤᱛᱟᱹ ᱟᱨ ᱵᱟᱨᱭᱟ ᱦᱚᱯᱚᱱ ᱠᱤᱱᱟᱹᱜ ᱵᱚᱸᱜᱟ ᱛᱟᱞᱟᱜ ᱧᱮᱞ ᱟᱠᱟᱫᱟᱠᱤᱱ ᱾ ᱨᱳᱢᱟᱫᱮᱵᱤ ᱣᱳᱢᱮᱱᱥ (ᱚᱴᱚᱱᱳᱢᱳᱥ) ᱠᱮᱞᱮᱡᱽ, ᱵᱷᱩᱵᱽᱱᱮᱥᱚᱨ ᱠᱷᱚᱱ ᱥᱚᱱᱮᱨ (BA) ᱦᱟᱹᱵᱤᱡ ᱯᱚᱲᱦᱚᱱ ᱠᱤᱱ ᱥᱟᱹᱛ ᱟᱠᱟᱫᱟ ᱾

ᱠᱟᱹᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱳᱰᱤᱥᱟ ᱥᱚᱨᱠᱟᱨ ᱛᱟᱹᱨᱤ ᱨᱮ "ᱫᱟᱜ ᱯᱟᱴᱟᱱ ᱟᱨ ᱵᱤᱡᱽᱞᱤ ᱵᱤᱵᱷᱟᱜᱽ" ᱨᱮ ᱠᱟᱹᱢᱤ ᱟᱠᱟᱫᱟᱭ ᱾ ᱚᱱᱟ ᱛᱟᱭᱚᱢ ᱨᱟᱭᱨᱚᱝᱯᱩᱨ ᱨᱮ ᱢᱮᱱᱟᱜ "ᱥᱨᱤ ᱚᱨᱚᱵᱤᱱᱫᱚ ᱤᱱᱴᱤᱜᱽᱨᱟᱞ ᱮᱡᱩᱠᱮᱥᱚᱱ ᱨᱮ" ᱢᱟᱪᱮᱛᱟᱹᱱᱤ ᱞᱮᱠᱟᱭ ᱠᱟᱹᱢᱤ ᱟᱠᱟᱫᱟ ᱾

ᱨᱟᱡᱽ ᱟᱹᱨᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱙᱗ ᱥᱟᱞ ᱨᱮ ᱨᱟᱡᱽ ᱟᱹᱨᱤ ᱛᱮ ᱵᱚᱞᱚ ᱞᱮᱱᱟᱭ ᱫᱨᱚᱣᱯᱚᱫᱤ ᱢᱩᱨᱢᱩ ᱾ ᱑᱙᱙᱗ ᱨᱮ ᱣᱟᱨᱰ ᱥᱚᱦᱮᱫ ᱞᱮᱠᱟᱛᱮ ᱵᱟᱪᱷᱱᱮᱱ ᱛᱟᱭᱚᱢ ᱨᱟᱭᱨᱚᱝᱯᱩᱨ ᱢᱟᱨᱮ ᱯᱟᱨᱥᱮᱛ ᱞᱮᱠᱟᱭ ᱠᱟᱹᱢᱤ ᱞᱮᱜᱼᱟ ᱾ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱠᱷᱚᱱᱟᱜ ᱛᱤᱸᱜᱩ ᱠᱟᱛᱮ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮᱭᱟᱜ ᱨᱟᱭᱨᱚᱝᱯᱩᱨ ᱠᱷᱚᱱ ᱒᱐᱐᱐ ᱟᱨ ᱒᱐᱐᱔ ᱨᱮ ᱳᱰᱤᱥᱟ ᱵᱤᱫᱷᱟᱱ ᱥᱚᱵᱷᱟ ᱛᱮ ᱵᱟᱪᱷᱚᱱ ᱞᱮᱱᱟᱭ ᱾ ᱵᱤᱡᱩ ᱡᱚᱱᱛᱟ ᱫᱚᱞ ᱟᱨ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱥᱮᱞᱮᱫ ᱥᱚᱨᱠᱟᱨ ᱚᱠᱛᱮ ᱵᱟᱨ ᱠᱷᱮᱯ ᱨᱮ ᱵᱟᱨᱭᱟ ᱵᱤᱵᱷᱟᱜᱽ ᱨᱮᱭᱟᱜ ᱢᱚᱱᱛᱨᱤ ᱯᱚᱫᱽ ᱮ ᱥᱟᱢᱵᱽᱲᱟᱣ ᱞᱮᱫᱼᱟ ᱾ ᱑᱙᱙᱗ ᱥᱟᱞ ᱠᱷᱚᱱᱟᱜ ᱩᱱᱤ ᱵᱤᱹᱡᱮᱹᱯᱤᱹ ᱟᱹᱫᱤᱵᱟᱹᱥᱤ ᱢᱚᱨᱪᱟ ᱥᱟᱶ ᱡᱚᱲᱟᱣ ᱢᱮᱱᱟᱭᱟ ᱾ ᱒᱐᱑᱓ ᱮᱯᱨᱤᱞ ᱑᱐ ᱠᱷᱚᱱ ᱒᱐᱑᱕ ᱦᱟᱹᱰᱤᱡᱽ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ (ᱥᱟᱢᱟᱝ ᱱᱟᱠᱷᱟ) ᱦᱚᱱᱚᱛ ᱯᱟᱨᱥᱮᱛ ᱥᱟᱶᱛᱮ ᱱᱚᱣᱟ ᱯᱟᱨᱴᱤ ᱨᱤᱱᱤᱡ ᱜᱮ ᱟᱹᱫᱤᱵᱟᱹᱥᱤ ᱢᱳᱨᱪᱟ ᱨᱤᱱᱤᱡ ᱡᱟᱹᱛᱤᱭᱟᱹᱨᱤ ᱥᱚᱦᱮᱫ ᱦᱚᱸᱠᱤᱱ ᱛᱟᱦᱮᱸ ᱠᱟᱱᱟ ᱾

ᱯᱚᱱᱚᱛ ᱜᱚᱢᱠᱮ ᱯᱚᱫᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱩᱭ ᱫᱚ ᱡᱷᱟᱨᱠᱷᱚᱸᱰ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱯᱚᱱᱚᱛ ᱜᱚᱢᱠᱮᱭ ᱛᱟᱦᱮᱸ ᱠᱟᱱᱟᱭ ᱾[᱑᱐][᱘] ᱱᱚᱣᱟ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱨᱮ ᱯᱚᱱᱚᱛ ᱜᱚᱢᱠᱮ ᱞᱮᱠᱟᱛᱮ ᱵᱟᱦᱟᱞᱤᱡ ᱳᱰᱤᱥᱟ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱟᱹᱫᱤᱵᱟᱹᱥᱤ ᱨᱟᱡᱽᱟᱹᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾

ᱵᱤᱫᱷᱟᱭᱚᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱐ ᱠᱷᱚᱱ ᱒᱐᱐᱔ - ᱨᱟᱭᱨᱚᱝᱯᱩᱨ

᱒᱐᱐᱔ ᱠᱷᱚᱱ ᱒᱐᱐᱙ - ᱨᱟᱭᱨᱚᱝᱯᱩᱨ

ᱢᱟᱹᱱ ᱥᱚᱢᱢᱟᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱳᱰᱤᱥᱟ ᱵᱤᱫᱷᱟᱱ ᱥᱚᱵᱷᱟ ᱫᱟᱨᱟᱭ ᱛᱮ ᱒᱐᱐᱗ ᱥᱮᱨᱢᱟ ᱞᱟᱹᱜᱤᱫ ᱥᱚᱨᱮᱥ ᱵᱤᱫᱷᱟᱭᱚᱠ ᱞᱮᱠᱟᱛᱮ ᱱᱤᱞᱠᱚᱱᱴᱷᱚ ᱥᱚᱢᱢᱟᱱ ᱛᱮᱠᱚ ᱢᱟᱹᱱ ᱟᱠᱟᱫᱮᱭᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Droupadi Murmu, Former Jharkhand Governor, Is BJP's Choice For President". NDTV.com. Retrieved 2022-06-21.
  2. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named Deutsche Welle
  3. "Droupadi Murmu: India's Youngest President and First to be Born After Independence". MSN (in Indian English). Retrieved 2022-07-21.
  4. Cite web|url=http://ibnlive.in.com/news/narendra-modi-government-appoints-four-governors/545256-37.html%7Ctitle=Narendra Modi government appoints four Governors|accessdate=2015-05-12|publisher=IBN Live
  5. cite web |url= http://eci.nic.in/eci_main/electionanalysis/AE/S18/partycomp04.htm |title=State Elections 2004 - Partywise Comparision for 4-Rairangpur Constituency of ORISSA |work=eci.nic.in |year=2006 |quote=List Of Winning Candidates |accessdate=29 May 2013
  6. http://orissa.gov.in/e-magazine/orissaannualreference/ORA-2011/pdf/453-501.pdf
  7. http://www.odishatv.in/droupadi-murmu-from-odisha-appointed-as-jharkhand-guv/
  8. ᱘.᱐ ᱘.᱑ Cite web|url=http://timesofindia.indiatimes.com/india/Modi-government-names-new-governors-for-Jharkhand-five-NE-states/articleshow/47253194.cms?%7Ctitle=Modi government names new governors for Jharkhand, five NE states|accessdate=2015-05-12|publisher=The Times of India ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; name "myref1" defined multiple times with different content
  9. Cite web|url=http://www.newindianexpress.com/states/odisha/Draupadi-Murmu-Jharkhand-Guv/2015/05/13/article2811852.ece%7Ctitle=Draupadi Murmu Jharkhand Guv|accessdate=2015-05-13|publisher=New Indian Express
  10. "ᱫᱽᱨᱚᱣᱯᱚᱫᱤ ᱢᱩᱨᱢᱩ ᱯᱩᱭᱞᱩ ᱛᱤᱨᱞᱟᱹ ᱟᱨ ᱟᱹᱫᱤᱵᱟᱹᱥᱤ ᱡᱷᱟᱨᱠᱷᱚᱸᱰ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ ᱵᱟᱰᱟᱭᱚᱜ ᱠᱟᱱᱟᱭ". IBN Live. 18 May 2015. Retrieved 18 May 2015.

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:Commons cat

ᱪᱷᱟᱸᱪ:ᱡᱷᱟᱨᱠᱷᱚᱸᱰ ᱯᱚᱱᱚᱛ ᱜᱚᱢᱠᱮ ᱪᱷᱟᱸᱪ:ᱵᱷᱟᱨᱚᱛᱤᱭᱟ ᱡᱚᱱᱚᱛᱟ ᱯᱟᱨᱴᱤ ᱛᱤᱨᱞᱟᱹ:ᱛᱤᱨᱞᱟᱹ ᱫᱤᱥᱚᱢ ᱜᱚᱢᱠᱮ

ᱪᱷᱟᱸᱪ:Odisha-BJP-politician-stub