ᱵᱷᱩᱵᱽᱱᱮᱥᱚᱨ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱵᱷᱩᱵᱽᱱᱮᱥᱚᱨ
Bhuvaneswara
Ekamra Khetra
ᱨᱟᱡᱽᱜᱟᱲ
ᱵᱷᱩᱵᱽᱱᱮᱥᱚᱨ is located in ᱥᱤᱧᱚᱛ
ᱵᱷᱩᱵᱽᱱᱮᱥᱚᱨ
ᱵᱷᱩᱵᱽᱱᱮᱥᱚᱨ
ᱵᱷᱩᱵᱽᱱᱮᱥᱚᱨ is located in Odisha
ᱵᱷᱩᱵᱽᱱᱮᱥᱚᱨ
ᱵᱷᱩᱵᱽᱱᱮᱥᱚᱨ
Bhubaneswar, Odisha
Coordinates: 20°16′N 85°50′E / 20.27°N 85.84°E / 20.27; 85.84Coordinates: 20°16′N 85°50′E / 20.27°N 85.84°E / 20.27; 85.84
ᱫᱤᱥᱚᱢ  ᱥᱤᱧᱚᱛ
ᱯᱚᱱᱚᱛ ᱳᱰᱤᱥᱟ
ᱧᱩᱢ ᱟᱠᱟᱱᱟ Lord Shiva's name: Bhubaneswar
ᱥᱚᱨᱠᱟᱨ
 • ᱞᱮᱠᱟᱱ Municipal Corporation
 • ᱪᱟᱪᱞᱟᱣ Bhubaneswar Municipal Corporation (BMC)
 • Mayor ᱟᱱᱱᱟᱛ ᱱᱟᱨᱟᱭᱟᱱᱟ ᱡᱮᱱᱟ (BJD)
 • Municipal Commissioner ᱰᱨ. ᱠᱨᱤᱥᱟᱱ ᱠᱩᱢᱟᱨ, IAS
 • Commissioner of Police Satyajit Mohanty, IPS
ᱮᱨᱤᱭᱟ
 • ᱨᱟᱡᱽᱜᱟᱲ 422 ᱠᱤᱢᱤ (163 ᱜᱟᱺᱴ ᱢᱟᱭᱤᱞ)
ᱩᱥᱩᱞ 58 ᱢᱤᱴᱚᱨ (190 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (2011)[᱑]
 • ᱨᱟᱡᱽᱜᱟᱲ ᱘᱓᱗,᱓᱒᱑
 • ᱫᱷᱟᱹᱲ ᱮᱞ 60
 • ᱰᱮᱱᱥᱤᱴᱤ 2131.37/ᱠᱤᱢᱤ2 (5520.2/ᱜᱟᱺᱴ ᱢᱟᱹᱭᱤᱞ)
 • ᱢᱟᱦᱟᱱᱟᱜᱟᱨ ᱘᱘᱑,᱙᱘᱘
Demonym(s) ᱵᱷᱩᱵᱽᱱᱮᱥᱚᱨᱤᱛᱮᱡ
ᱯᱟᱨᱥᱤ
 • ᱥᱚᱨᱠᱟᱨᱤ ᱯᱟᱨᱥᱤ ᱩᱰᱤᱭᱟ, ᱤᱝᱜᱽᱞᱤᱥ
IST (UTC+5:30)
ᱯᱤᱱ ᱠᱳᱰ 751xxx
Telephone code 0674
ᱜᱟᱹᱰᱤ ᱨᱤᱡᱤᱥᱴᱨᱤ OD-02 (South Bhubaneswar)
OD-33 (North Bhubaneswar)
UN/LOCODE IN BBI
ᱣᱮᱵᱽᱥᱟᱭᱤᱴ www.bhubaneswar.me

ᱵᱷᱩᱵᱽᱱᱮᱥᱚᱨ ᱫᱚ ᱳᱰᱤᱥᱟ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱱᱚᱶᱟ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ (ᱪᱟᱸᱫᱚ ᱨᱟᱠᱟᱵ ᱱᱟᱠᱷᱟ) ᱨᱮ ᱢᱮᱱᱟᱜ-ᱟ ᱾ ᱵᱷᱩᱵᱽᱱᱮᱥᱚᱨ ᱑᱙᱔᱘ ᱥᱟᱞᱮᱨᱮ ᱳᱰᱤᱥᱟ ᱨᱮᱱᱟᱜ ᱨᱟᱡᱽᱜᱟᱲ ᱞᱮᱠᱟᱛᱮ ᱠᱚ ᱵᱮᱨᱮᱫ ᱠᱮᱫᱟ ᱾ ᱱᱚᱶᱟ ᱱᱟᱜᱟᱨ ᱫᱚ ᱥᱩᱨᱥᱩᱯᱩᱨ ᱓᱐᱐᱐ ᱥᱮᱨᱢᱟ ᱢᱟᱨᱮ ᱜᱮᱭᱟ ᱾ ᱵᱷᱩᱵᱽᱱᱮᱥᱚᱨ ᱨᱮ ᱫᱚ ᱟᱭᱢᱟ ᱡᱩᱜᱽ ᱠᱚᱨᱮᱱᱟᱜ ᱖᱐᱐ ᱜᱟᱱ ᱢᱩᱸᱫᱽᱨᱤ ᱢᱮᱱᱟᱜ-ᱟ ᱾[᱓] ᱚᱱᱟᱛᱮ ᱵᱷᱩᱵᱽᱱᱮᱥᱚᱨ ᱫᱚ ᱢᱩᱸᱫᱽᱨᱤ ᱢᱟᱲᱤᱱᱤ ᱱᱟᱜᱟᱨ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱢᱩᱸᱫᱽᱨᱤ ᱠᱚ ᱢᱩᱸᱫᱽ ᱨᱮ ᱞᱤᱝᱜᱚᱨᱟᱡᱽ ᱢᱩᱸᱫᱽᱨᱤ, ᱨᱟᱡᱽᱨᱟᱹᱱᱤ ᱢᱩᱸᱫᱽᱨᱤ, ᱢᱩᱠᱛᱮᱥᱚᱨ ᱫᱮᱣᱲᱚ ᱮᱢᱟᱱ ᱠᱚ ᱫᱚ ᱫᱮᱥᱵᱤᱫᱮᱥ ᱨᱮ ᱟᱭᱢᱟ ᱵᱟᱰᱟᱭᱟᱱᱟ ᱾ ᱢᱩᱸᱫᱽᱨᱤ ᱠᱚ ᱫᱚ ᱠᱚᱲᱤᱝᱜᱚ ᱜᱚᱲᱦᱚᱱ ᱨᱩᱯ ᱞᱮᱠᱟ ᱵᱮᱱᱟᱣ ᱟᱠᱟᱱᱟ ᱾ ᱥᱟᱢᱟᱝ ᱥᱤᱧᱚᱛ ᱨᱮ ᱫᱚ ᱯᱩᱨᱤ, ᱠᱚᱬᱟᱨᱠᱚ ᱟᱨ ᱵᱷᱩᱵᱽᱱᱮᱥᱚᱨ ᱫᱚ ᱥᱚᱱᱟ ᱯᱮᱠᱚᱬ ᱠᱚ ᱢᱮᱛᱟᱜ ᱠᱟᱱᱟ, ᱡᱟᱦᱟᱸ ᱫᱚ ᱧᱮᱧᱮᱞᱤᱭᱟᱹ ᱠᱚ ᱞᱟᱹᱜᱩᱫ ᱟᱹᱰᱤ ᱜᱚᱨᱚᱡᱟᱱ ᱦᱩᱭ ᱟᱠᱟᱱᱟ ᱾ [᱔]

ᱵᱷᱩᱵᱽᱱᱮᱥᱚᱨ ᱧᱩᱛᱩᱢ ᱫᱚ ᱥᱤᱵᱚ ᱵᱚᱝᱜᱟ ᱦᱟᱜ ᱟᱨᱢᱤᱫ ᱧᱩᱛᱩᱢ ᱛᱨᱤᱵᱷᱩᱵᱚᱱᱮᱥᱚᱨ ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱵᱷᱩᱵᱽᱱᱮᱥᱚᱨ ᱫᱚ ᱓᱐᱐᱐ ᱥᱮᱨᱢᱟ ᱢᱟᱬᱟᱝ ᱢᱚᱦᱟᱢᱮᱜᱷ ᱵᱟᱦᱚᱱ ᱪᱮᱫᱤᱵᱚᱝᱥᱚ ᱫᱟᱨᱟᱭ ᱛᱮ ᱮᱦᱚᱵ ᱞᱮᱱ ᱛᱟᱦᱮᱸᱫ ᱾ ᱡᱟᱦᱟᱸᱭ ᱠᱚᱣᱟᱜ ᱨᱟᱡᱽᱜᱟᱲ ᱫᱚ ᱵᱷᱩᱵᱽᱱᱮᱥᱚᱨ ᱥᱩᱨ ᱥᱤᱥᱩᱯᱟᱲᱜᱚᱰ ᱨᱮ ᱛᱟᱦᱮᱸ ᱠᱟᱱᱟ ᱾ ᱵᱷᱩᱵᱽᱱᱮᱥᱚᱨ ᱫᱚ ᱛᱚᱥᱟᱲᱤ, ᱠᱚᱲᱤᱝᱜᱚ ᱱᱚᱜᱚᱨᱤ, ᱱᱚᱜᱚᱨ ᱠᱚᱲᱤᱝᱜᱚ, ᱮᱠᱟᱢᱨᱚ ᱠᱟᱱᱚᱱ , ᱮᱠᱟᱢᱨᱚ ᱠᱷᱮᱛᱨᱚ ᱟᱨ ᱢᱩᱸᱫᱽᱨᱤ ᱢᱟᱲᱤᱱᱤ ᱱᱟᱜᱟᱨ ᱞᱮᱠᱟᱛᱮ ᱦᱚᱸ ᱵᱟᱰᱟᱭᱚᱜ-ᱟ ᱾ ᱫᱤᱥᱚᱢ ᱯᱷᱩᱨᱜᱟᱹᱞ ᱨᱮᱱᱟᱜ ᱢᱤᱫ ᱥᱮᱨᱢᱟ ᱛᱟᱭᱚᱢ ᱳᱰᱤᱥᱟ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱠᱚᱴᱚᱠ ᱠᱷᱚᱱ ᱵᱷᱩᱵᱽᱱᱮᱥᱚᱨ ᱛᱮ ᱠᱚ ᱩᱪᱟᱹᱲᱠᱮᱫᱟ ᱾ ᱱᱮᱛᱟᱨᱟᱜ ᱱᱟᱜᱟᱨ ᱰᱷᱚᱝ ᱫᱚ ᱡᱚᱨᱢᱟᱱᱤ ᱨᱮᱱᱤᱡ ᱳᱴᱚ ᱠᱚᱱᱤᱥᱵᱚᱨᱜᱽᱟᱜ ᱫᱟᱨᱟᱭ ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱩᱱᱤ ᱫᱚ ᱡᱟᱢᱥᱮᱫᱽᱯᱩᱨ ᱟᱨ ᱪᱚᱱᱰᱤᱜᱚᱰ ᱨᱮᱱᱟᱜ ᱱᱚᱠᱥᱟ ᱦᱚᱸᱭ ᱵᱮᱱᱟᱱ ᱞᱮᱫ ᱛᱟᱦᱮᱸᱫ ᱾ ᱵᱷᱩᱵᱽᱱᱮᱥᱚᱨ ᱟᱨ ᱠᱚᱴᱚᱠ ᱫᱚ ᱵᱷᱤᱲᱟᱹᱣ ᱠᱟᱛᱮ ᱳᱰᱤᱥᱟ ᱨᱮᱱᱟᱜ ᱴᱣᱤᱱ ᱥᱤᱴᱤ (Twin city) ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱱᱟᱜᱟᱨ ᱨᱮ ᱒᱐᱑᱑ ᱞᱮᱠᱷᱟ ᱦᱚᱲ ᱞᱮᱠᱷᱟ ᱡᱚᱠᱷᱟ ᱛᱮ ᱵᱟᱰᱟᱭᱟᱠᱟᱟ ᱵᱟᱝ ᱢᱟ ᱘᱘᱑,᱙᱘᱘ ᱞᱟᱠ ᱦᱚᱲ ᱢᱮᱱᱟᱜ ᱠᱚᱣᱟ ᱾

ᱜᱟᱲ ᱵᱮᱨᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱔᱖ ᱥᱟᱞᱮᱨᱮ ᱵᱷᱩᱵᱽᱱᱮᱥᱚᱨ ᱫᱚ ᱥᱚᱨᱮᱥ ᱱᱟᱜᱟᱨ ᱛᱮᱭᱟᱨ ᱞᱟᱹᱜᱤᱫ ᱡᱚᱨᱢᱟᱱᱤ ᱨᱤᱱᱤᱡ ᱵᱤᱱᱟᱣᱤᱭᱟᱹ ᱟᱨ ᱫᱤᱥᱟᱹᱫᱩᱜᱤᱡ ᱚᱴᱚ ᱠᱚᱭᱮᱥᱵᱚᱨᱜᱽ ᱱᱚᱠᱥᱟᱭ ᱛᱮᱭᱟᱨ ᱞᱮᱫᱟ ᱾ ᱑᱙᱔᱘ ᱥᱟᱞᱮ ᱮᱯᱨᱤᱞ ᱪᱟᱸᱫᱚ ᱑᱓ ᱢᱟᱹᱦᱤᱛ ᱨᱮ ᱵᱷᱩᱵᱽᱱᱮᱥᱚᱨ ᱱᱟᱶᱟ ᱨᱟᱡᱽᱜᱟᱲ ᱵᱮᱨᱮᱫ ᱞᱟᱹᱟᱜᱤᱫ ᱩᱱ ᱚᱠᱛᱚ ᱨᱤᱱᱤᱡ ᱫᱤᱥᱚᱢ ᱯᱟᱨᱥᱮᱛ ᱜᱚᱢᱠᱮ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱭᱟᱜ ᱛᱤ ᱛᱮ ᱩᱰᱷᱟᱹᱣ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱩᱰᱷᱟᱹᱣ ᱠᱟᱸᱛ ᱫᱚ ᱱᱤᱛᱚᱜ ᱵᱤᱫᱷᱟᱱ ᱥᱚᱵᱷᱟ ᱥᱩᱨ ᱨᱮᱱᱟᱜ ᱮᱴᱮᱫ ᱨᱮ ᱢᱮᱱᱟᱜ-ᱟ ᱾ ᱑᱙᱔᱘ ᱥᱟᱞᱮ ᱠᱷᱚᱱ ᱡᱟᱣ ᱥᱮᱨᱢᱟ ᱜᱮ ᱮᱯᱨᱤᱞ ᱑᱓ ᱢᱟᱹᱦᱤᱛ ᱫᱚ ᱵᱷᱩᱵᱽᱱᱮᱥᱚᱨ ᱵᱮᱨᱮᱫ ᱢᱟᱦᱟᱸ ᱢᱮᱱᱛᱮ ᱠᱚ ᱢᱟᱱᱟᱣᱮᱜ-ᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱩᱵᱽᱱᱮᱥᱚᱨ ᱱᱟᱜᱟᱨ ᱨᱮᱱᱟᱜ ᱫᱚ ᱵᱟᱱᱟᱨ ᱢᱟᱨᱮ ᱟᱨ ᱱᱟᱶᱟ ᱱᱟᱜᱟᱢ ᱛᱚᱞ ᱫᱚᱦᱚᱣᱟᱠᱟᱱᱟ ᱾ ᱢᱟᱨᱮ ᱱᱟᱜᱟᱢ ᱫᱚ ᱓᱐᱐᱐ ᱥᱮᱨᱢᱟ ᱢᱟᱬᱟᱝ ᱟᱨ ᱱᱟᱶᱟ ᱱᱟᱜᱟᱨ ᱫᱚ ᱑᱙᱔᱘ ᱥᱟᱞᱮ ᱠᱷᱚᱱ ᱮᱦᱚᱵ ᱮᱱᱟ ᱾ ᱥᱟᱥᱟᱭ ᱥᱮᱨᱢᱟ ᱨᱮᱱᱟᱜ ᱱᱟᱜᱟᱢᱟᱱᱟᱜ ᱴᱷᱟᱶ ᱠᱚᱴᱚᱠ ᱨᱮᱱᱟᱜ ᱩᱱᱩᱭᱦᱟᱹᱨ ᱟᱹᱰᱤ ᱵᱟᱹᱲᱛᱤᱭᱮᱱ ᱠᱷᱟᱹᱛᱤᱨ ᱨᱟᱡᱽᱜᱟᱲ ᱫᱚ ᱚᱸᱰᱮ ᱠᱷᱚᱱ ᱩᱪᱟᱹᱲ ᱠᱟᱛᱮ ᱮᱨᱟᱢᱨᱚ ᱠᱷᱮᱛᱨᱚ, ᱵᱷᱩᱵᱽᱱᱮᱥᱚᱨ ᱠᱚ ᱤᱫᱤ ᱠᱮᱜ-ᱟ ᱾ ᱢᱟᱨᱮ ᱚᱠᱛᱚ ᱠᱷᱚᱱ ᱜᱮ ᱮᱠᱟᱢᱨᱚ ᱠᱷᱮᱛᱨᱚ ᱫᱚ ᱥᱟᱶᱦᱮᱫ, ᱞᱟᱠᱪᱟᱨ, ᱥᱮᱪᱮᱫ, ᱱᱟᱜᱟᱢ ᱮᱢᱟᱱ ᱠᱚᱭ ᱛᱚᱞ ᱫᱚᱦᱚᱣᱟᱠᱫ ᱜᱮᱭᱟ ᱾

ᱚᱛᱱᱚᱜ ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱩᱵᱽᱱᱮᱥᱚᱨ ᱫᱚ ᱠᱷᱚᱨᱫᱟ ᱡᱤᱞᱞᱟᱹ ᱨᱮ ᱢᱮᱱᱟᱜ-ᱟ ᱾ ᱱᱚᱶᱟ ᱫᱚ ᱥᱤᱧᱚᱛ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ (ᱯᱩᱨᱩᱵᱽ ᱱᱟᱠᱷᱟ) ᱨᱮ ᱢᱮᱱᱟᱜ-ᱟ ᱾ ᱱᱚᱶᱟ ᱫᱚ ᱥᱟᱹᱢᱩᱸᱫ ᱟᱴᱮᱫ ᱠᱷᱚᱱ ᱔᱕ ᱢᱤᱴᱚᱨ (᱑᱔᱘ ᱯᱷᱩᱴ) ᱩᱥᱩᱞ ᱨᱮ ᱢᱮᱱᱟᱜ-ᱟ ᱾ ᱱᱚᱶᱟ ᱱᱟᱜᱟᱨ ᱫᱚ ᱫᱚᱭᱟ ᱜᱟᱰᱟ ᱟᱨ ᱠᱩᱣᱟᱠᱷᱟᱭ ᱜᱟᱰᱟ ᱛᱟᱞᱟ ᱨᱮ ᱢᱮᱱᱟᱜ-ᱟ ᱾

ᱦᱚᱲ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱵᱷᱩᱵᱽᱱᱮᱥᱚᱨ ᱨᱮ ᱢᱮᱱᱟᱜ ᱠᱚ ᱦᱚᱲ ᱠᱚᱣᱟᱜ ᱮᱞ ᱫᱚ ᱘,᱓᱗,᱗᱓᱗ ᱟᱨ ᱱᱟᱜᱟᱨᱟᱧᱪᱚᱞ ᱦᱚᱲ ᱫᱚ ᱘,᱘᱑,᱙᱘᱘ ᱜᱟᱱ ᱢᱮᱱᱟᱜ ᱠᱚᱣᱟ ᱾ [᱕]

ᱦᱚᱨᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱲᱚᱠ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱚᱭᱫᱮᱵᱽ ᱵᱤᱦᱟᱨ

ᱳᱰᱤᱥᱟ ᱯᱚᱱᱚᱛ ᱥᱚᱲᱚᱠ ᱯᱚᱨᱤᱵᱚᱦᱚᱱ ᱱᱤᱜᱚᱢ ᱥᱟᱢᱵᱽᱲᱟᱣ ᱛᱟᱞᱢᱟ ᱫᱚ ᱵᱷᱩᱵᱽᱱᱮᱥᱚᱨ ᱨᱮ ᱢᱮᱱᱟᱜ-ᱟ ᱾ ᱵᱷᱩᱵᱽᱱᱮᱥᱚᱨ ᱵᱚᱥᱴᱟᱸᱰ ᱫᱚ ᱵᱷᱩᱵᱽᱱᱮᱥᱚᱨ ᱨᱮᱱᱟᱜ ᱛᱟᱞᱟ ᱠᱷᱚᱱ ᱘ ᱠᱤᱞᱚᱢᱤᱴᱚ ᱥᱟᱺᱜᱤᱧ ᱨᱮ ᱵᱚᱨᱢᱩᱸᱰᱟ ᱧᱩᱛᱩᱢᱟᱱ ᱴᱷᱟᱶ ᱨᱮ ᱢᱮᱱᱟᱜ-ᱟ ᱾ ᱵᱷᱩᱵᱽᱱᱮᱥᱚᱨ ᱫᱚ ᱫᱤᱥᱚᱢ ᱨᱮᱱᱟᱜ ᱮᱴᱟᱜ ᱱᱟᱜᱟᱨ ᱠᱚ ᱦᱤᱡᱩᱜ ᱥᱮᱱᱚᱜ ᱞᱟᱰᱜᱤᱫ ᱡᱟᱹᱛᱤᱭᱟᱹᱨᱤ ᱨᱟᱡᱽᱦᱚᱨ ᱕ ᱟᱨ ᱨᱟᱡᱽᱦᱚᱨ ᱒᱐᱓ ᱫᱟᱨᱟᱭ ᱛᱮ ᱡᱚᱲᱟᱣᱟᱠᱟᱱᱟ ᱾ ᱵᱷᱩᱵᱽᱱᱮᱥᱚᱨ ᱨᱮᱱᱟᱜ ᱴᱷᱟᱶ ᱠᱚ ᱫᱟᱬᱟᱱ ᱞᱟᱹᱜᱤᱫ ᱥᱤᱴᱤ ᱵᱚᱥ ᱟᱨ ᱚᱴᱚ ᱨᱤᱠᱥᱟ ᱨᱮᱱᱟᱜ ᱥᱩᱵᱤᱫᱷᱟ ᱢᱮᱱᱟᱜ-ᱟ ᱾ ᱦᱚᱨ ᱛᱚᱯᱚᱞ ᱥᱟᱢᱵᱽᱲᱟᱣ ᱞᱟᱹᱜᱩᱫ ᱴᱨᱟᱯᱷᱤᱠ ᱠᱚᱱᱴᱨᱚᱞ ᱢᱮᱱᱟᱜ-ᱟ ᱾

ᱨᱮᱞ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱢᱟᱝ ᱥᱮᱦᱮᱫ ᱨᱮᱞ ᱨᱮᱱᱟᱜ ᱥᱟᱢᱵᱽᱲᱟᱣ ᱛᱟᱞᱢᱟ ᱫᱚ ᱵᱷᱩᱵᱽᱱᱮᱥᱚᱨ ᱨᱮ ᱢᱮᱱᱟᱜ-ᱟ ᱾ ᱵᱷᱩᱵᱽᱱᱮᱥᱚᱨ ᱨᱮᱱᱟᱜ ᱢᱩᱬ ᱥᱴᱮᱞᱚᱱ ᱫᱚ ᱛᱟᱞᱟᱨᱮ ᱢᱮᱱᱟᱜ-ᱟ ᱾ ᱱᱚᱸᱰᱮ ᱠᱷᱚᱱ ᱜᱚᱴᱟ ᱯᱟᱲᱟ ᱜᱮ ᱦᱚᱨ ᱛᱚᱯᱚᱞ ᱟᱠᱟᱱᱟ ᱾ ᱱᱚᱶᱟ ᱱᱟᱜᱟᱨ ᱛᱟᱞᱟ ᱨᱮ ᱕ ᱜᱚᱴᱟᱝ ᱨᱮᱞ ᱥᱴᱮᱥᱚᱱ ᱢᱮᱱᱟᱜ-ᱟ ᱾

ᱚᱱᱟ ᱠᱚ ᱫᱚ :-
  • ᱯᱚᱴᱤᱭᱟ ᱨᱮᱞ ᱥᱴᱮᱥᱚᱱ
  • ᱢᱟᱧᱪᱮᱥᱚᱨ ᱨᱮᱞ ᱥᱴᱮᱥᱚᱱ
  • ᱵᱟᱬᱤᱵᱤᱦᱟᱨ ᱨᱮᱞ ᱥᱴᱮᱥᱚᱱ
  • ᱵᱷᱩᱵᱽᱱᱮᱥᱚᱨ ᱨᱮᱞ ᱥᱴᱮᱥᱚᱱ
  • ᱞᱤᱝᱜᱚᱨᱟᱡᱽ ᱢᱩᱸᱫᱽᱨᱤ ᱨᱳᱰ ᱨᱮᱞ ᱥᱴᱮᱥᱚᱱ

ᱩᱰᱟᱹᱱ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱤᱡᱩ ᱯᱚᱴᱱᱟᱭᱮᱠ ᱩᱰᱟᱹᱱ ᱰᱟᱹᱦᱤ

ᱵᱤᱡᱩ ᱯᱚᱴᱱᱟᱭᱚᱠ ᱩᱰᱟᱹᱱ ᱰᱟᱹᱦᱤ ᱫᱚ ᱳᱰᱤᱥᱟ ᱨᱮᱱᱟᱜ ᱢᱤᱫᱴᱟᱝ ᱜᱮ ᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱾ ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱵᱷᱩᱵᱽᱱᱮᱥᱚᱨ ᱛᱟᱞᱟ ᱠᱷᱚᱱ ᱓ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱛᱤᱢᱤᱱ ᱫᱤᱱ ᱦᱩᱭᱩᱜ ᱠᱟᱱᱟ ᱱᱚᱶᱟ ᱫᱚ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱞᱮᱠᱟᱛᱮ ᱢᱟᱱᱚᱛᱮ ᱧᱟᱢ ᱠᱮᱜ-ᱟ ᱾ [᱖][᱗][᱘]

ᱥᱮᱪᱮᱫ ᱵᱮᱵᱚᱥᱛᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱩᱵᱽᱱᱮᱥᱚᱨ ᱫᱚ ᱥᱟᱢᱟᱝ ᱥᱮᱦᱮᱫ ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱮᱪᱮᱫ ᱴᱷᱟᱶ ᱞᱮᱠᱟᱛᱮ ᱢᱮᱱᱟᱭᱟ ᱾ ᱱᱚᱸᱰᱮ ᱡᱚᱛᱚ ᱞᱮᱠᱟᱱ ᱚᱞ ᱯᱟᱲᱦᱟᱣ ᱥᱮᱪᱮᱫᱚᱜ ᱞᱟᱹᱜᱤᱫ ᱟᱥᱲᱟ ᱥᱚᱨᱠᱟᱨᱤ ᱟᱨ ᱵᱮᱥᱚᱨᱠᱟᱨᱤ ᱛᱷᱚᱠ ᱨᱮ ᱢᱮᱱᱟᱜ-ᱟ ᱾ ᱱᱚᱶᱟ ᱠᱚ ᱢᱩᱸᱫᱽ ᱨᱮ ᱟᱭᱤ.ᱟᱭᱤ.ᱴᱤ, ᱟᱭᱤ.ᱟᱭᱤ.ᱟᱭᱤ.ᱴᱤ, ᱟᱭᱤ.ᱟᱭᱤ.ᱮᱢ, ᱱᱟᱭᱡᱚᱨ, ᱮᱢᱥ, ᱮᱱ.ᱟᱭᱤ.ᱮᱯᱷ.ᱴᱤ ᱮᱢᱟᱱ ᱮᱢᱟᱱᱟᱜ ᱠᱚ ᱢᱮᱱᱟᱜ-ᱟ ᱾

ᱪᱤᱛᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱹᱲᱛᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Cities having population 1 lakh and above" (PDF). Census of India, Government of India. Retrieved 2 ᱱᱚᱵᱷᱮᱢᱵᱚᱨ 2011. 
  2. http://www.thestartupjournal.com/bhubaneswar-startup-hub/
  3. Jon T. Lang. A concise history of modern architecture in India. Page 38.
  4. Ramesh Prasad Mohapatra, Archaeology in Orissa, Vol I, Page 47, B. R. Publishing Corporation, Delhi, 1986, ISBN 81-7018-346-4
  5. Bhubaneswar (Bhubaneswar Town) City
  6. http://www.orissalinks.com/orissagrowth/archives/671
  7. http://www.bhubaneswarairport.com/php/showNews.php?newsid=374&linkid=1052
  8. http://www.constructionupdate.com/News.aspx?nId=7ns+hLinJBtJyr9sda3NMA==