ᱠᱚᱴᱚᱠ
| ᱠᱚᱴᱚᱠ କଟକ | |
|---|---|
| ᱢᱮᱴᱨᱚᱯᱚᱞᱤᱴᱟᱱ ᱥᱤᱴᱤ | |
 ᱜᱷᱩᱲᱤ ᱞᱮᱠᱟᱛᱮ ᱪᱮᱛᱟᱱ ᱞᱮᱸᱜᱟ ᱯᱟᱦᱴᱟ ᱠᱷᱚᱱ ᱪᱚᱸᱰᱤ ᱫᱮᱵᱤᱭᱟᱜ ᱢᱩᱫᱽᱨᱤ, ᱠᱚᱴᱚᱠ, ᱵᱟᱨᱚᱵᱟᱹᱴᱤ ᱠᱤᱞᱟ ᱜᱮᱴ, ᱵᱟᱹᱞᱤᱡᱟᱛᱨᱟ ᱨᱮᱭᱟᱜ ᱥᱟᱹᱜᱩᱱ ᱫᱟᱨᱟᱢ ᱟᱨᱠ, ᱵᱟᱨᱚᱵᱟᱴᱤ ᱥᱴᱟᱰᱤᱭᱚᱢ, ᱵᱟᱵᱟ ᱫᱷᱚᱵᱽᱲᱮᱥᱚᱨ ᱢᱟᱦᱟᱫᱮᱵᱽ ᱢᱩᱫᱽᱨᱤ, ᱢᱟᱦᱟᱱᱚᱫᱤ ᱱᱟᱹᱭ ᱨᱮᱭᱟᱜ ᱡᱚᱵᱽᱨᱟ ᱵᱟᱨᱮᱡᱽ ᱧᱮᱢᱮᱞ, ᱳᱰᱤᱥᱟ ᱩᱱᱩᱥᱩᱞ ᱫᱚᱨᱵᱟᱨᱜᱟᱲ | |
  ᱠᱚᱴᱚᱠ  ᱠᱚᱴᱚᱠ | |
| Coordinates: 20°31′25″N 85°47′17″E / 20.52361°N 85.78806°ECoordinates: 20°31′25″N 85°47′17″E / 20.52361°N 85.78806°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱳᱰᱤᱥᱟ |
| ᱦᱚᱱᱚᱛ | ᱠᱚᱴᱚᱠ |
| ᱛᱷᱟᱯᱚᱱ | 989 CE |
| ᱵᱩᱱᱤᱭᱟᱹᱫᱤᱭᱟᱹ | Markat Keshari of Keshari Dynasty |
| ᱧᱩᱢ ᱟᱠᱟᱱᱟ | Ancient military cantonment of ᱩᱛᱠᱚᱲ |
| ᱥᱚᱨᱠᱟᱨ | |
| • ᱞᱮᱠᱟᱱ | ᱢᱩᱱᱥᱤᱯᱟᱞ ᱠᱚᱨᱯᱚᱨᱮᱥᱚᱱ |
| • ᱪᱟᱪᱞᱟᱣ | ᱠᱚᱴᱚᱠ ᱢᱩᱱᱤᱥᱤᱯᱟᱞ ᱠᱚᱨᱯᱚᱨᱮᱥᱚᱱ (CMC) |
| • ᱯᱟᱨᱞᱤᱭᱟᱢᱮᱴ ᱥᱚᱦᱮᱛ | ᱵᱷᱟᱛᱨᱩᱦᱚᱨᱤ ᱢᱚᱦᱚᱛᱟᱵᱽ, (BJD) |
| • ᱠᱚᱞᱮᱠᱴᱚᱨ ᱟᱨ ᱰᱤᱥᱴᱨᱤᱠᱴ ᱢᱟᱡᱤᱥᱴᱨᱮᱴ | ᱢᱟᱱᱚᱴᱟᱱ ᱵᱷᱚᱵᱟᱱᱤ ᱥᱚᱝᱠᱚᱨ ᱪᱟᱭᱟᱱᱤ |
| • Deputy Commissioner of Police | ᱢᱟᱱᱚᱛᱟᱱ ᱟᱠᱷᱤᱞᱮᱥᱣᱚᱨ ᱥᱤᱝ, IPS |
| ᱮᱨᱤᱭᱟ | |
| • ᱱᱟᱜᱟᱨ | 192.5 ᱠᱤᱢᱤ২ (74.3 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 36 ᱢᱤᱴᱚᱨ (118 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011)[᱑] |
| • ᱢᱮᱴᱨᱚᱯᱚᱞᱤᱴᱟᱱ ᱥᱤᱴᱤ | ᱖᱐᱖,᱐᱐᱗ |
| • ᱫᱷᱟᱹᱲ ᱮᱞ | ᱗᱒ᱟᱱ |
| • ᱰᱮᱱᱥᱤᱴᱤ | 3100/ᱠᱤᱢᱤ2 (8000/ᱜᱟᱺᱴ ᱢᱟᱹᱭᱤᱞ) |
| • ᱢᱟᱦᱟᱱᱟᱜᱟᱨ | ᱖᱖᱖,᱗᱐᱒ |
| Demonym(s) | ᱠᱚᱴᱚᱠᱤ |
| ᱯᱟᱹᱨᱥᱤ | |
| • ᱟᱹᱢᱟᱹᱞᱮᱛ | ᱩᱰᱤᱭᱟᱹ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱗᱕᱓᱐xx/᱗᱕᱔xxx |
| ᱴᱮᱞᱤᱯᱷᱳᱱ ᱠᱳᱰ | ᱐᱖᱗᱑ |
| ᱜᱟᱹᱰᱤ ᱨᱤᱡᱤᱥᱴᱨᱤ | OD-05 |
| UN/LOCODE | IN CUT |
| ᱣᱮᱵᱽᱥᱟᱭᱤᱴ | cmccuttack |
ᱠᱚᱴᱚᱠ ᱫᱚ ᱠᱚᱴᱚᱠ ᱦᱚᱱᱚᱛ ᱨᱮᱭᱟᱜ ᱢᱩᱠᱷᱤᱭᱟᱹ ᱵᱟᱡᱟᱨ ᱠᱟᱱᱟ ᱟᱨ ᱳᱰᱤᱥᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱵᱟᱡᱟᱨ ᱾ ᱠᱚᱴᱚᱠ ᱨᱮᱭᱟᱜ ᱥᱚᱱᱟ, ᱨᱩᱯᱟᱹ ᱟᱨ ᱦᱟᱹᱛᱤᱰᱟᱴᱟ ᱨᱮᱭᱟᱜ ᱠᱟᱹᱴᱩᱡ ᱠᱟᱹᱢᱤ ᱥᱟᱶ ᱱᱚᱣᱟ ᱨᱮᱭᱟᱜ ᱥᱩᱛᱟᱹᱢ ᱟᱨ ᱞᱩᱢᱟᱹᱝ ᱞᱩᱜᱽᱲᱤ ᱠᱟᱹᱢᱤ ᱱᱚᱣᱟ ᱵᱟᱡᱟᱨ ᱫᱚ ᱢᱤᱫ ᱵᱷᱮᱜᱟᱨ ᱜᱮ ᱢᱟᱹᱱ ᱮ ᱟᱢᱮᱴ ᱚᱪᱚ ᱟᱠᱟᱫᱮᱭᱟ ᱾ ᱙᱘᱙ ᱠᱷᱤᱥᱴᱟᱫᱽᱨᱮ ᱵᱮᱱᱟᱣ ᱟᱠᱟᱱ ᱱᱚᱣᱟ ᱵᱟᱡᱟᱨ ᱵᱷᱩᱵᱽᱱᱮᱥᱚᱨ, ᱯᱩᱨᱤ ᱟᱨ ᱠᱚᱬᱟᱨᱠ ᱥᱩᱨ ᱥᱩᱯᱩᱨ ᱨᱮ ᱢᱮᱱᱟᱜ-ᱟ ᱾[᱒][᱓] ᱑᱙᱔᱘ ᱨᱮ ᱵᱷᱩᱵᱽᱱᱮᱥᱚᱨ ᱫᱚ ᱳᱰᱤᱥᱟ ᱨᱮᱭᱟᱜ ᱨᱟᱡᱽᱜᱟᱲ ᱵᱤᱠᱱᱟᱹᱣᱜ ᱢᱟᱬᱟᱝ ᱨᱮ, ᱯᱟᱞᱮ ᱙ ᱥᱚᱛᱟᱵᱽᱫᱷᱤ ᱫᱷᱟᱹᱵᱤᱡ ᱠᱚᱴᱚᱠ ᱫᱚ ᱳᱰᱤᱥᱟ ᱨᱮᱭᱟᱜ ᱨᱟᱡᱽᱜᱟᱲ ᱞᱮᱠᱟᱛᱮ ᱛᱟᱦᱮᱸ ᱦᱮᱡ ᱞᱮᱱᱟ ᱾ ᱠᱚᱴᱚᱠ ᱟᱨ ᱵᱷᱩᱵᱽᱱᱮᱥᱚᱨ ᱫᱚ ᱥᱮᱞᱮᱫ ᱠᱟᱛᱮ ᱳᱰᱤᱥᱟ ᱨᱮᱭᱟᱜ ᱡᱟᱣᱲᱟ ᱵᱟᱡᱟᱨ ᱢᱮᱱᱛᱮ ᱦᱚᱸᱠᱚ ᱢᱮᱛᱟᱜ-ᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱚᱴᱚᱠ ᱨᱮᱭᱟᱜ ᱢᱩᱲ ᱱᱟᱜᱟᱢ ᱫᱚ ᱠᱮᱥᱚᱨᱤ ᱵᱚᱝᱥᱚ ᱥᱟᱞᱟᱜ ᱡᱩᱲᱟᱹᱭ ᱠᱟᱛᱮ ᱢᱮᱱᱟᱜ-ᱟ ᱾ ᱠᱮᱥᱚᱨᱤ ᱵᱚᱝᱥᱚ ᱨᱤᱱᱤᱡ ᱨᱟᱡᱟ ᱱᱨᱩᱯᱚ ᱠᱮᱥᱚᱨᱤ ᱦᱚᱛᱮᱛᱮ ᱙᱘᱙ ᱠᱦᱨᱤᱥᱴᱟᱵᱽᱫᱽ ᱨᱮ ᱢᱤᱫ ᱯᱟᱭᱠᱚ ᱥᱤᱵᱤᱨ ᱞᱮᱠᱟᱛᱮ ᱠᱚᱴᱚᱠ ᱨᱮᱭᱟᱜ ᱛᱷᱟᱯᱚᱱ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱯᱩᱨᱤ ᱡᱚᱜᱚᱱᱱᱟᱛᱷ ᱢᱩᱫᱽᱨᱤ ᱨᱮᱭᱟᱜ ᱢᱟᱫᱚᱲᱟ ᱯᱟᱺᱡᱤ ᱠᱷᱚᱱ ᱱᱚᱣᱟ ᱨᱮᱭᱟᱜ ᱫᱚ ᱯᱚᱨᱢᱟᱬ ᱧᱟᱢᱚᱜ-ᱟ ᱾ ᱥᱟᱞ ᱑᱐᱐᱖ ᱨᱮ ᱨᱟᱡᱟ ᱢᱚᱨᱠᱚᱛ ᱠᱮᱥᱚᱨᱤᱭᱟᱜ ᱥᱟᱥᱚᱱ ᱱᱟᱝᱨᱮ ᱢᱚᱦᱟᱱᱚᱫᱤ ᱪᱮᱛᱟᱱ ᱨᱮ ᱫᱷᱤᱨᱤ ᱵᱟᱸᱫᱽ ᱵᱮᱱᱟᱣ ᱞᱮᱱ ᱛᱟᱦᱮᱸᱫ,[᱔] ᱟᱨ ᱦᱚᱲ ᱠᱚ ᱵᱟᱱ ᱠᱷᱚᱱ ᱵᱟᱧᱪᱟᱣ ᱠᱚ ᱞᱟᱹᱜᱤᱫ ᱱᱚᱣᱟ ᱫᱷᱤᱨᱤ ᱵᱟᱸᱫᱽ ᱵᱮᱱᱟᱣ ᱯᱟᱹᱪᱷᱞᱟᱹ ᱨᱮᱫᱚᱭ ᱴᱟᱦᱮᱸ ᱠᱟᱱᱟ ᱚᱱᱟᱹᱱᱟᱝ ᱨᱤᱱᱤᱡ ᱫᱟᱭᱟᱱ ᱵᱤᱱᱫᱷᱟᱬᱤ ᱵᱟᱭᱫᱷᱚᱨ ᱢᱩᱱᱰᱤ (ᱦᱚᱲ ᱜᱟᱫᱮᱞ ᱨᱮᱫᱚ ᱵᱟᱭᱢᱩᱱᱰᱤ ᱧᱩᱛᱩᱢ ᱛᱮ ᱵᱟᱹᱲᱛᱤ ᱩᱯᱨᱩᱢ ᱢᱮᱱᱟᱜ ᱛᱟᱭᱟ) ᱾
ᱠᱮᱥᱚᱨᱤ ᱵᱚᱝᱥᱚ ᱛᱟᱭᱚᱢ ᱠᱚᱴᱚᱠ ᱫᱚ ᱑᱒᱑᱑ ᱠᱷᱨᱤᱥᱛᱟᱵᱽᱫᱽ ᱨᱮ ᱜᱚᱝᱜᱚ ᱵᱚᱝᱥᱚᱡᱽ ᱚᱱᱚᱝᱜᱚᱵᱷᱤᱢᱫᱮᱵᱽ ᱟᱜ ᱥᱟᱢᱨᱟᱡᱽ ᱨᱮᱭᱟᱜ ᱨᱟᱡᱽᱜᱟᱲ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱜᱚᱝᱜᱚ ᱵᱚᱝᱥᱚ ᱛᱟᱭᱚᱢ ᱠᱷᱮᱢᱛᱟ ᱨᱮ ᱛᱟᱦᱮᱸ ᱠᱟᱱ ᱥᱩᱨᱭᱚᱵᱚᱝᱥᱚᱡᱽ ᱜᱚᱡᱽᱯᱚᱛᱤ ᱨᱟᱡᱟ (᱑᱔᱓᱕-᱑᱕᱔᱑ ᱠᱷᱨᱤ.ᱚ.) ᱠᱚᱦᱚᱸ ᱠᱚᱴᱚᱠ ᱫᱚ ᱱᱤᱡᱚᱨᱟᱜ ᱨᱟᱡᱽᱜᱟᱲ ᱞᱮᱠᱟᱛᱮ ᱠᱚ ᱢᱟᱱᱟᱣ ᱵᱟᱛᱟᱣ ᱞᱮᱫ-ᱟ ᱾ ᱳᱰᱤᱥᱟ ᱨᱤᱱᱤᱡ ᱢᱩᱪᱟᱹᱫ ᱦᱤᱱᱫᱩ ᱨᱟᱡᱟ ᱢᱩᱠᱩᱱᱫᱚᱫᱮᱵᱽ ᱛᱟᱭᱚᱢ ᱫᱚ ᱠᱚᱴᱚᱠ ᱫᱚ ᱢᱩᱥᱞᱤᱢ ᱟᱨ ᱢᱳᱜᱚᱞ ᱠᱚᱣᱟᱜ ᱛᱤ ᱛᱮ ᱦᱮᱡ ᱞᱮᱠᱟ ᱾
ᱜᱮᱨᱟᱹᱞ ᱜᱮᱞᱟᱝ ᱛᱟᱞᱟ ᱥᱮᱫ ᱫᱚ, ᱯᱟᱞᱮ ᱑᱘᱕᱐ ᱚᱠᱛᱚ ᱨᱮ ᱠᱚᱴᱚᱠ ᱫᱚ ᱢᱚᱨᱚᱦᱚᱴᱴᱟ ᱠᱚᱣᱟᱜ ᱜᱚᱵᱚᱞ ᱛᱮ ᱦᱮᱡ ᱮᱱᱟ ᱾ ᱱᱟᱜᱽᱯᱩᱨ ᱨᱤᱱ ᱢᱚᱨᱚᱦᱚᱴᱟ ᱟᱨ ᱠᱚᱞᱠᱟᱛᱟ (ᱩᱱ ᱡᱚᱦᱚᱜ ᱠᱚᱞᱤᱠᱚᱛᱟ) ᱨᱤᱱ ᱤᱝᱨᱮᱡᱽ ᱠᱚ ᱥᱟᱶ ᱦᱮᱡᱥᱮᱱ ᱟᱨ ᱥᱟᱹᱜᱟᱹᱭ ᱞᱟᱹᱜᱤᱫ ᱥᱚᱨᱮᱥ ᱴᱷᱟᱶ ᱨᱮ ᱠᱚᱴᱚᱠ ᱢᱮᱱᱟᱜ ᱠᱷᱟᱹᱛᱤᱨ ᱱᱚᱣᱟ ᱚᱠᱛᱚ ᱨᱮᱭᱟᱜ ᱠᱚᱴᱚᱠ ᱨᱮᱭᱟᱜ ᱵᱟᱹᱱᱤᱡ ᱠᱟᱹᱢᱤ ᱫᱚ ᱜᱚᱴᱟᱯᱟᱲᱟ ᱠᱷᱚᱱ ᱩᱫᱽᱜᱟᱹᱣ ᱮ ᱧᱟᱢ ᱞᱮᱫ-ᱟ ᱾ ᱑᱘᱐᱓ ᱨᱮ ᱤᱝᱨᱮᱡᱽ ᱠᱚ ᱠᱚᱴᱚᱠ ᱠᱚ ᱫᱚᱠᱷᱚᱞ ᱠᱮᱫ-ᱟ ᱟᱨ ᱑᱘᱑᱖ ᱨᱮ ᱱᱚᱣᱟ ᱫᱚ ᱳᱰᱤᱥᱟ ᱰᱤᱵᱷᱤᱡᱚᱱ ᱨᱮᱭᱟᱜ ᱨᱟᱡᱽᱜᱟᱲ ᱢᱮᱱᱛᱮ ᱠᱚ ᱵᱤᱠᱱᱟᱹᱣ ᱠᱮᱫ-ᱟ ᱾ ᱡᱩᱫᱤ ᱦᱚᱸ ᱯᱷᱩᱨᱜᱟᱹᱞ ᱛᱟᱭᱚᱢ ᱱᱟᱝᱨᱮ ᱑᱙᱔᱘ ᱨᱮ ᱵᱷᱩᱵᱽᱱᱮᱥᱚᱨ ᱫᱚ ᱳᱰᱤᱥᱟ ᱨᱮᱭᱟᱜ ᱨᱟᱡᱽᱜᱟᱲ ᱨᱮ ᱯᱷᱮᱨᱟᱣ ᱮᱱᱟ ᱮᱱ ᱦᱚᱸ ᱥᱟᱥᱚᱱᱛᱚᱸᱛᱨᱚ ᱨᱮ ᱱᱤᱛ ᱫᱷᱟᱹᱵᱤᱡ ᱠᱚᱴᱚᱠ ᱫᱚ ᱟᱡᱟᱜ ᱢᱤᱫ ᱯᱷᱩᱨᱜᱟᱹᱞ ᱞᱮᱠᱟᱛᱮ ᱢᱟᱹᱱ ᱮ ᱥᱟᱸᱵᱽᱲᱟᱣ ᱟᱹᱜᱩ ᱟᱠᱟᱫ-ᱟ ᱾
ᱠᱚᱴᱚᱠ ᱱᱟᱜᱟᱢ ᱨᱮᱭᱟᱜ ᱢᱩᱬ ᱥᱟᱹᱠᱷᱤ ᱞᱮᱠᱟ ᱛᱮ ᱫᱚ ᱳᱰᱤᱥᱟ ᱨᱮᱭᱟᱜ ᱢᱟᱨᱮ ᱱᱟᱨᱚᱵᱟᱛᱤ ᱫᱩᱨᱜᱚ ᱱᱤᱛᱚᱜ ᱫᱷᱟᱹᱵᱤᱡ ᱜᱚᱨᱚᱵᱽ ᱥᱟᱶᱛᱮ ᱛᱤᱸᱜᱩ ᱨᱮᱜᱮ ᱢᱮᱱᱟᱭᱟ ᱾ ᱱᱚᱣᱟ ᱫᱩᱨᱜᱚ ᱥᱩᱨ ᱨᱮ ᱟᱹᱰᱤ ᱵᱟᱹᱲᱛᱤ ᱥᱩᱵᱤᱫᱷᱟ ᱥᱩᱡᱚᱜᱽ ᱛᱮ ᱯᱮᱨᱮᱡ ᱟᱠᱟᱱ ᱵᱟᱨᱚᱵᱟᱛᱤ ᱥᱛᱟᱰᱤᱭᱚᱢ ᱢᱮᱱᱟᱜ-ᱟ ᱾ ᱟᱹᱰᱤᱜᱟᱱ ᱡᱟᱹᱛᱤᱭᱟᱹᱨᱤ ᱟᱨᱵᱟᱝ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱢᱮᱪ ᱠᱚ ᱱᱚᱣᱟ ᱥᱴᱟᱰᱤᱭᱚᱢ ᱨᱮ ᱮᱱᱮᱡ ᱦᱩᱭᱩᱜ ᱠᱟᱱᱟ ᱾ ᱦᱚᱲ ᱠᱚᱣᱟᱜ ᱢᱚᱪᱟᱨᱮ ᱠᱚᱴᱚᱠ ᱫᱚ ᱢᱚᱜᱮᱵᱟᱨ ᱵᱟᱡᱟᱨ ᱟᱨ ᱢᱚᱜᱮᱯᱮ ᱜᱩᱲᱤ ᱨᱮᱭᱟᱜ ᱵᱟᱡᱟᱨ ᱞᱮᱠᱟ ᱛᱮᱦᱚᱸ ᱵᱷᱟᱹᱜᱤ ᱩᱯᱨᱩᱢ ᱮ ᱟᱢᱮᱴ ᱟᱠᱟᱫ-ᱟ ᱾
ᱵᱟᱡᱟᱨ ᱠᱷᱚᱱ ᱑᱔ ᱠᱤ.ᱢᱤ. ᱥᱟᱺᱜᱤᱧ ᱨᱮ ᱵᱟᱨᱚᱵᱟᱴᱤ ᱨᱮ ᱢᱮᱱᱟᱜ ᱯᱚᱨᱚᱢᱦᱚᱸᱥᱱᱟᱛᱷ ᱢᱩᱫᱽᱨᱤ ᱠᱚᱴᱚᱠ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱩᱫᱽᱨᱤ ᱠᱟᱱᱟ ᱾ ᱱᱚᱣᱟ ᱪᱷᱟᱰᱟ ᱠᱟᱛᱮ ᱠᱚᱴᱚᱠ ᱨᱮᱭᱟᱜ ᱪᱩᱸᱰᱤ ᱢᱩᱫᱽᱨᱤ ᱟᱨ ᱵᱷᱚᱴᱴᱟᱨᱤᱠᱟ ᱢᱩᱫᱽᱨᱤ ᱦᱚᱸ ᱠᱚᱴᱚᱠ ᱨᱮᱭᱟᱜ ᱥᱚᱵᱷᱟᱭ ᱵᱟᱹᱲᱛᱤ ᱦᱚᱪᱚ ᱮᱫ-ᱟ ᱾
ᱟᱹᱰᱤᱜᱟᱱ ᱫᱷᱚᱨᱚᱢᱛᱷᱟᱱ ᱠᱚᱨᱮ ᱠᱷᱚᱱ ᱫᱚ ᱢᱩᱥᱚᱞᱢᱟᱱ ᱠᱚᱣᱟᱜ 'ᱠᱚᱫᱫᱚᱢ ᱨᱚᱥᱩᱞ' ᱟᱨ ᱥᱤᱠᱷ ᱫᱷᱚᱨᱚᱢ ᱨᱮᱭᱟᱜ ᱜᱩᱨᱩᱫᱣᱟᱨᱟ ᱫᱟᱛᱚᱱ ᱥᱟᱦᱤᱵᱽ ᱟᱹᱰᱤ ᱧᱩᱛᱩᱢᱟᱱᱟᱜ ᱠᱟᱱᱟ ᱾ ᱱᱚᱰᱮ ᱯᱟᱹᱛᱭᱟᱹᱣ ᱢᱮᱱᱟᱜ-ᱟ ᱫᱚ ᱠᱚᱫᱚᱢ ᱨᱚᱥᱩᱞ ᱨᱮᱫᱚ ᱢᱚᱱᱤᱥᱤ ᱢᱚᱦᱚᱢᱚᱫᱽ ᱟᱜ ᱡᱟᱸᱜᱟ ᱪᱤᱱᱦᱟᱹ ᱢᱮᱱᱟᱜ-ᱟ ᱾ ᱚᱱᱠᱟ ᱜᱮ ᱥᱤᱠᱷ ᱠᱚᱣᱟᱜ ᱯᱟᱹᱛᱭᱟᱹᱣ ᱞᱮᱠᱟᱛᱮ ᱥᱤᱠᱷ ᱠᱚᱭᱤᱡ ᱯᱩᱭᱞᱩ ᱫᱷᱚᱨᱚᱢ ᱜᱩᱨᱩ ᱥᱨᱤ ᱜᱩᱨᱩ ᱱᱟᱱᱚᱠ ᱫᱮᱵᱽ ᱟᱡᱟᱜ ᱯᱩᱨᱤ ᱥᱟᱸᱜᱷᱟᱨ ᱚᱠᱛᱚᱨᱮ ᱱᱚᱰᱮ ᱱᱟᱥᱮ ᱚᱠᱛᱚ ᱫᱷᱟᱹᱵᱤᱡ ᱡᱤᱨᱟᱹᱣ ᱮ ᱛᱟᱦᱮᱸ ᱠᱟᱱᱟ ᱟᱨ ᱟᱡ ᱦᱚᱛᱮᱛᱮ ᱫᱟᱹᱛᱟᱹᱱᱤ ᱞᱮᱠᱟᱛᱮ ᱵᱮᱵᱷᱟᱨ ᱮᱱ ᱛᱟᱭᱚᱢ ᱟᱡ ᱦᱚᱛᱮᱛᱮ ᱨᱚᱦᱚᱭ ᱟᱠᱟᱱ ᱢᱤᱫ ᱫᱟᱨᱮ ᱱᱮᱛᱟᱨ ᱦᱚᱸ ᱚᱸᱰᱮ ᱧᱮᱞ ᱞᱟᱹᱜᱤᱫ ᱧᱟᱢᱚᱜ-ᱟ ᱾ ᱫᱟᱹᱛᱟᱹᱱᱤ ᱞᱮᱠᱟᱛᱮ ᱜᱮ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱫᱚ 'ᱜᱩᱨᱩᱫᱣᱟᱨᱟ ᱫᱟᱛᱚᱱ ᱥᱟᱦᱤᱵᱽ' ᱢᱮᱱᱛᱮ ᱪᱷᱟᱹᱴᱭᱟᱹᱨ ᱟᱠᱟᱱᱟ ᱾
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱚᱴᱚᱠ ᱨᱮᱭᱟᱜ ᱚᱛᱱᱮᱛ ᱛᱷᱤᱛᱤ ᱫᱚ ᱦᱩᱭᱩᱜ ᱠᱟᱱᱟ ᱒᱐.᱕ ᱩᱛᱚᱨ ᱟᱨ ᱘᱕.᱘᱓ ᱯᱩᱨᱩᱵᱽ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱱᱚᱣᱟ ᱨᱮᱭᱟᱜ ᱥᱩᱨ ᱥᱩᱯᱩᱨ ᱩᱥᱩᱞ ᱫᱚ ᱓᱗ ᱢᱤᱴᱚᱨ (᱑᱒᱑ ᱯᱷᱩᱴ) ᱾ ᱠᱚᱴᱚᱠ ᱨᱮᱭᱟᱜ ᱩᱛᱚᱨ ᱨᱮᱫᱚ ᱢᱚᱦᱟᱱᱚᱫᱤ ᱟᱨ ᱫᱩᱠᱷᱤᱱ ᱨᱮᱫᱚ ᱠᱟᱴᱷᱚᱡᱳᱰᱤ ᱴᱟᱞᱟᱨᱮ ᱯᱮᱠᱳᱬ ᱚᱛ ᱢᱮᱱᱟᱜ-ᱟ ᱾ ᱠᱚᱴᱚᱠ ᱨᱮᱭᱟᱜ ᱦᱚᱭ ᱦᱤᱥᱤᱫ ᱫᱚ ᱥᱤᱛᱩᱝ ᱫᱤᱱ ᱫᱚ ᱞᱚᱞᱚ ᱟᱨ ᱚᱫᱟ ᱟᱨ ᱨᱟᱵᱟᱝ ᱫᱤᱱ ᱫᱚ ᱨᱮᱭᱟᱲ ᱟᱨ ᱨᱚᱦᱚᱲ ᱾ ᱵᱟᱡᱟᱨ ᱨᱮ ᱟᱹᱭᱠᱟᱹᱣ ᱟᱠᱟᱱ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱞᱚᱞᱚᱥᱚᱝ ᱫᱚ ᱕᱐ ᱥᱮ. ᱦᱩᱭᱩᱜ ᱵᱮᱲᱟᱨᱮ ᱡᱚᱛᱚ ᱠᱷᱚᱱ ᱠᱟᱹᱡ ᱞᱚᱞᱚᱥᱚᱝ ᱫᱚ ᱑᱐ ᱥᱮ. ᱾ ᱥᱤᱛᱩᱝ ᱨᱮᱭᱟᱜ ᱚᱨᱥᱚᱝ ᱫᱚ ᱢᱟᱨᱪ ᱢᱩᱪᱟᱹᱫ ᱠᱷᱚᱱ ᱡᱩᱱ ᱛᱟᱞᱟᱢᱟᱞᱟ ᱫᱷᱟᱹᱵᱤᱡ ᱟᱹᱭᱠᱟᱹᱣᱜ-ᱟ ᱾ ᱡᱩᱱ ᱛᱟᱞᱟᱢᱟᱞᱟ ᱠᱷᱚᱱ ᱡᱟᱹᱯᱩᱫ ᱨᱤᱛᱩ ᱨᱮᱭᱟᱜ ᱮᱛᱚᱦᱚᱵ ᱾ ᱥᱮᱯᱴᱮᱢᱵᱚᱨ ᱠᱷᱚᱱ ᱚᱠᱴᱚᱵᱚᱨ ᱛᱟᱞᱟ ᱫᱷᱟᱹᱵᱤᱡ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱡᱟᱹᱯᱩᱫ ᱦᱩᱭᱩᱜ-ᱟ ᱾ ᱠᱚᱴᱚᱠ ᱨᱮᱭᱟᱜ ᱥᱮᱨᱢᱟᱠᱤᱭᱟᱹ ᱡᱟᱹᱯᱩᱫ ᱫᱚ ᱑᱔᱔.᱓᱙ ᱥᱮ.ᱢᱤ. ᱾
ᱨᱟᱵᱟᱝ ᱨᱤᱛᱩ ᱫᱚ ᱱᱚᱵᱷᱮᱢᱵᱚᱨ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱡᱟᱱᱩᱣᱟᱨᱤ ᱮᱛᱚᱦᱚᱵ ᱫᱷᱟᱹᱵᱤᱡ ᱛᱟᱦᱮᱸᱱᱟ ᱾ ᱱᱤᱭᱟᱹ ᱚᱠᱛᱚ ᱨᱮᱜᱮ ᱨᱟᱵᱟᱝ ᱩᱛᱚᱨᱟ ᱦᱚᱭ ᱮ ᱦᱚᱭ ᱥᱟᱶᱛᱮ ᱟᱹᱰᱤ ᱩᱥᱟᱹᱨᱟ (᱕:᱓᱐ ᱴᱟᱲᱟᱝ) ᱨᱮᱜᱮ ᱟᱹᱭᱩᱵᱚᱜ ᱠᱷᱟᱹᱛᱤᱨ ᱡᱤᱞᱤᱧ ᱟᱨ ᱨᱟᱵᱟᱝ ᱧᱤᱫᱟᱹ ᱞᱮᱠᱟ ᱟᱹᱭᱠᱟᱹᱣᱜ-ᱟ ᱾
ᱡᱟᱱᱩᱣᱟᱨᱤ ᱛᱟᱞᱟ ᱠᱷᱚᱱ ᱢᱟᱨᱪ ᱴᱟᱞᱟᱢᱟᱞᱟ ᱫᱷᱟᱹᱵᱤᱡ ᱱᱤᱨᱚᱱ ᱨᱤᱛᱩ ᱨᱮᱭᱟᱜ ᱚᱨᱥᱚᱝ ᱧᱮᱞᱚᱜ-ᱟ ᱟᱨ ᱞᱚᱞᱚᱥᱚᱝ ᱫᱚ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱓᱓.᱔ ᱥᱮ. ᱠᱷᱚᱱ ᱒᱒.᱒ ᱥᱮ ᱛᱟᱞᱟᱨᱮ ᱛᱟᱦᱮᱸᱱᱟ ᱾ ᱠᱚᱴᱚᱠ ᱫᱟᱬᱟᱱ ᱞᱟᱹᱜᱤᱫ ᱫᱚ ᱱᱚᱣᱟ ᱜᱮ ᱡᱚᱛᱚ ᱠᱷᱚᱱ ᱱᱟᱯᱟᱭ ᱚᱠᱛᱚ ᱾
᱒᱐᱑᱑ ᱦᱚᱲ ᱦᱤᱥᱟᱹᱵᱽ ᱞᱮᱠᱟᱛᱮ ᱠᱚᱴᱚᱠ ᱨᱮ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱖,᱐᱖,᱐᱐᱗ ᱾ ᱠᱚᱴᱚᱠ ᱨᱮᱭᱟᱜ ᱥᱮᱪᱮᱫ ᱫᱚᱨ ᱫᱚ ᱙᱑.᱑᱗% ᱾ [᱕]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Cities having population 1 lakh and above" (PDF). Census of India, Government of India. Retrieved 2 November 2011.
- ↑ "Cuttack". orissa.gov.in. 2002. Retrieved 17 December 2012.
Cuttack (or Kataka) was founded by King Nrupa Keshari in 989 A.D.
- ↑ "::Welcome to amazingorissa". amazingorissa.com. Archived from the original on 23 November 2012. Retrieved 17 December 2012.
Cuttack was founded by King Nrupa Keshari in 989 A.D.
- ↑ "Cuttack". orissa.gov.in. 2002. Retrieved 18 December 2012.
King Marakata Keshari built the stone revetment on the left bank of the Kathajodi in 1006 A.D. to protect the city from the ravages of floods
- ↑ City Census 2011
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Cuttack ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- Cuttack Municipal Corporation Archived ᱒᱐᱑᱑-᱐᱕-᱐᱔ at the Wayback Machine.
- Cuttack Development Authority (CDA)
- Official website of Cuttack district
ᱠᱚᱴᱚᱠ ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ
