ᱠᱚᱴᱚᱠ ᱡᱤᱞᱞᱟᱹ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱠᱚᱴᱚᱠ ᱡᱤᱞᱟᱹ
Cuttack District
ᱦᱚᱱᱚᱛ
ᱜᱷᱩᱲᱤ ᱞᱮᱠᱟᱛᱮ ᱪᱮᱛᱟᱱ ᱞᱮᱸᱜᱟ ᱯᱟᱦᱴᱟ ᱠᱷᱚᱱ ᱠᱚᱴᱚᱠ ᱨᱤᱱᱤᱡ ᱫᱮᱵᱤ ᱪᱚᱱᱰᱤ ᱢᱩᱫᱽᱨᱤ, ᱵᱟᱨᱚᱵᱟᱴᱤ ᱠᱤᱞᱞᱚ ᱫᱩᱣᱟᱹᱨ, ᱵᱟᱹᱞᱤ ᱡᱟᱛᱨᱟ ᱨᱮᱭᱟᱜ ᱥᱟᱹᱜᱩᱱ ᱫᱟᱨᱟᱢ ᱦᱚᱨ, ᱵᱟᱨᱚᱵᱟᱴᱤ ᱥᱴᱟᱰᱤᱭᱚᱢ, ᱵᱟᱵᱟ ᱫᱷᱚᱵᱽᱲᱮᱥᱣᱚᱨ ᱢᱚᱦᱟᱫᱮᱵᱽ ᱢᱩᱫᱽᱨᱤ, ᱢᱚᱦᱟᱱᱚᱫᱤ ᱱᱟᱹᱭᱨᱮ ᱡᱚᱵᱽᱨᱟ ᱜᱮᱨᱮᱡᱽ ᱨᱮᱭᱟᱜ ᱢᱤᱫ ᱪᱤᱛᱟᱹᱨ, ᱳᱰᱤᱥᱟ ᱩᱱᱩᱥᱩᱞ ᱫᱚᱨᱵᱟᱨᱥᱟᱲᱟ ᱾
ᱜᱷᱩᱲᱤ ᱞᱮᱠᱟᱛᱮ ᱪᱮᱛᱟᱱ ᱞᱮᱸᱜᱟ ᱯᱟᱦᱴᱟ ᱠᱷᱚᱱ ᱠᱚᱴᱚᱠ ᱨᱤᱱᱤᱡ ᱫᱮᱵᱤ ᱪᱚᱱᱰᱤ ᱢᱩᱫᱽᱨᱤ, ᱵᱟᱨᱚᱵᱟᱴᱤ ᱠᱤᱞᱞᱚ ᱫᱩᱣᱟᱹᱨ, ᱵᱟᱹᱞᱤ ᱡᱟᱛᱨᱟ ᱨᱮᱭᱟᱜ ᱥᱟᱹᱜᱩᱱ ᱫᱟᱨᱟᱢ ᱦᱚᱨ, ᱵᱟᱨᱚᱵᱟᱴᱤ ᱥᱴᱟᱰᱤᱭᱚᱢ, ᱵᱟᱵᱟ ᱫᱷᱚᱵᱽᱲᱮᱥᱣᱚᱨ ᱢᱚᱦᱟᱫᱮᱵᱽ ᱢᱩᱫᱽᱨᱤ, ᱢᱚᱦᱟᱱᱚᱫᱤ ᱱᱟᱹᱭᱨᱮ ᱡᱚᱵᱽᱨᱟ ᱜᱮᱨᱮᱡᱽ ᱨᱮᱭᱟᱜ ᱢᱤᱫ ᱪᱤᱛᱟᱹᱨ, ᱳᱰᱤᱥᱟ ᱩᱱᱩᱥᱩᱞ ᱫᱚᱨᱵᱟᱨᱥᱟᱲᱟ ᱾
ᱠᱚᱴᱚᱠ ᱡᱤᱞᱟᱹ is located in Odisha
ᱠᱚᱴᱚᱠ ᱡᱤᱞᱟᱹ
ᱠᱚᱴᱚᱠ ᱡᱤᱞᱟᱹ
ᱠᱚᱴᱚᱠ ᱡᱤᱞᱟᱹ is located in India
ᱠᱚᱴᱚᱠ ᱡᱤᱞᱟᱹ
ᱠᱚᱴᱚᱠ ᱡᱤᱞᱟᱹ
Location in Odisha, India
Coordinates: 20°31′25″N 85°47′17″E / 20.52361°N 85.78806°E / 20.52361; 85.78806Coordinates: 20°31′25″N 85°47′17″E / 20.52361°N 85.78806°E / 20.52361; 85.78806
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛᱳᱰᱤᱥᱟ
ᱦᱮᱰᱠᱩᱣᱟᱴᱚᱨᱠᱚᱴᱚᱠ
ᱛᱷᱟᱯᱚᱱ᱙᱘᱙ CE
ᱵᱩᱱᱤᱭᱟᱹᱫᱤᱭᱟᱹᱠᱤᱝ ᱢᱟᱨᱠᱚᱛᱚ ᱠᱮᱥᱚᱨᱤ
ᱧᱩᱢ ᱟᱠᱟᱱᱟAncient military cantonment of ᱩᱛᱠᱚᱲ
ᱥᱚᱨᱠᱟᱨ
 • ᱞᱮᱠᱟᱱᱢᱩᱱᱤᱥᱤᱯᱟᱞ ᱠᱚᱨᱯᱳᱨᱮᱥᱳᱱ
 • ᱪᱟᱪᱞᱟᱣᱠᱚᱴᱚᱠ ᱢᱩᱱᱤᱥᱤᱯᱟᱞ ᱠᱚᱨᱯᱚᱨᱮᱥᱚᱱ (CMC)
 • ᱯᱟᱨᱞᱤᱭᱟᱢᱮᱴ ᱥᱚᱦᱮᱛᱵᱷᱟᱨᱛᱨᱩᱦᱚᱨᱤ ᱢᱚᱦᱚᱛᱟᱵᱽ, (BJD)
 • ᱠᱚᱞᱮᱠᱴᱚᱨ ᱟᱨ ᱰᱤᱥᱴᱨᱤᱠᱴ ᱢᱟᱡᱤᱥᱴᱨᱮᱴᱢᱟᱹᱱ ᱚᱨᱚᱵᱤᱸᱫᱽ ᱚᱜᱨᱚᱣᱟᱞ, IAS
 • ᱰᱮᱯᱭᱩᱴᱤ ᱠᱚᱢᱤᱥᱚᱱᱚᱨ ᱳᱯᱷ ᱯᱳᱞᱤᱥᱢᱟᱹᱱ ᱟᱠᱷᱤᱞᱮᱥᱣᱚᱨ ᱥᱤᱝ, IPS
ᱮᱨᱤᱭᱟ
 • ᱱᱟᱜᱟᱨ3932 ᱠᱤᱢᱤ (1518 ᱜᱟᱺᱴ ᱢᱟᱭᱤᱞ)
ᱩᱥᱩᱞ36 ᱢᱤᱴᱚᱨ (118 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(2011)[᱑]
 • ᱦᱚᱱᱚᱛ᱒,᱖᱒᱔,᱔᱗᱐
 • ᱰᱮᱱᱥᱤᱴᱤ666/ᱠᱤᱢᱤ2 (1720/ᱜᱟᱺᱴ ᱢᱟᱹᱭᱤᱞ)
Demonym(s)Kataki
ᱯᱟᱹᱨᱥᱤ
 • ᱟᱹᱢᱟᱹᱞᱮᱛᱳᱰᱤᱭᱟᱹ
IST (ᱭᱩᱴᱤᱥᱤ+5:30)
ᱯᱤᱱ ᱠᱳᱰ7530xx/754xxx
Telephone code0671
ᱜᱟᱹᱰᱤ ᱨᱤᱡᱤᱥᱴᱨᱤOD-05
UN/LOCODEIN CUT
ᱣᱮᱵᱽᱥᱟᱭᱤᱴcmccuttack.gov.in

ᱠᱚᱴᱚᱠ ᱥᱤᱧᱚᱛ ᱨᱮᱭᱟᱜ ᱳᱰᱤᱥᱟ ᱯᱚᱱᱚᱛ ᱨᱮ ᱢᱤᱫ ᱱᱟᱜᱟᱨ ᱠᱟᱱᱟ ᱾ ᱱᱚᱣᱟ ᱫᱚ ᱠᱚᱴᱚᱠ ᱦᱚᱱᱚᱛ ᱛᱟᱞᱟᱨᱮ ᱦᱟᱹᱡᱩᱜᱼᱟ ᱾ ᱠᱚᱴᱚᱠ ᱫᱚ ᱳᱰᱤᱥᱟ ᱨᱮᱭᱟᱜ ᱢᱤᱫ ᱢᱟᱨᱮ ᱱᱟᱜᱟᱨ ᱠᱟᱱᱟ ᱾ ᱡᱟᱦᱟᱸ ᱫᱚ ᱨᱩᱯᱟᱹ ᱱᱟᱜᱟᱨ (Silver City) ᱧᱩᱛᱩᱢ ᱛᱮᱦᱚᱸ ᱩᱯᱨᱩᱢ ᱛᱟᱭ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱭᱟᱜ ᱱᱟᱜᱟᱢ ᱫᱚ ᱢᱤᱫ ᱜᱮᱥᱟᱭ ᱥᱮᱨᱢᱟ ᱠᱷᱚᱱ ᱦᱚᱸ ᱵᱟᱹᱲᱛᱤ ᱢᱟᱨᱮ ᱜᱮᱭᱟ ᱾ ᱥᱩᱯᱩᱨ ᱟᱨᱮ ᱥᱚᱛᱟᱵᱽᱫᱷᱤ ᱫᱷᱟᱹᱵᱤᱡ ᱠᱚᱴᱚᱠ ᱫᱚ ᱳᱰᱤᱥᱟ ᱨᱮᱭᱟᱜ ᱨᱟᱡᱽᱜᱟᱲ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱟᱨ ᱛᱮᱦᱮᱧ ᱫᱚ ᱚᱸᱰᱮᱱᱟᱜ ᱵᱮᱯᱟᱨᱤ ᱨᱟᱡᱽᱜᱟᱲ ᱞᱮᱠᱟᱛᱮ ᱵᱟᱱᱟᱰᱟᱭ ᱢᱮᱱᱟᱜᱼᱟ ᱾ ᱠᱮᱥᱚᱨᱤ ᱵᱚᱝᱥᱚ ᱚᱠᱛᱚ ᱨᱮ ᱱᱚᱰᱮ ᱵᱮᱱᱟᱣ ᱮᱱ ᱥᱚᱭᱱᱤᱠ ᱥᱤᱵᱤᱨ ᱠᱚᱴᱚᱠ ᱟᱜ ᱧᱩᱛᱩᱢ ᱞᱮᱠᱟᱛᱮ ᱱᱚᱣᱟ ᱱᱟᱜᱟᱨ ᱨᱮᱭᱟᱜ ᱧᱩᱛᱩᱢ ᱫᱚ ᱫᱚᱦᱚ ᱞᱮᱱᱟ ᱾ ᱱᱚᱰᱮᱱᱟᱜ ᱠᱤᱞᱟ, ᱢᱩᱫᱽᱨᱤ ᱟᱨ ᱥᱟᱧᱪᱟᱣᱥᱟᱲᱟ ᱴᱩᱨᱤᱥᱴ ᱠᱚᱭ ᱢᱩᱦᱤᱛ ᱠᱚᱣᱟ ᱾ ᱠᱚᱴᱚᱠ ᱫᱚ ᱱᱤᱛᱚᱜᱟᱜ ᱳᱰᱤᱥᱟ ᱨᱮᱭᱟᱜ ᱛᱟᱞᱟᱡᱩᱜᱤᱭᱟᱹ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱯᱚᱫᱽᱢᱟᱵᱚᱛᱤ ᱢᱮᱱᱛᱮ ᱦᱚᱸᱠᱚ ᱢᱮᱛᱟᱦᱟᱜ ᱛᱟᱦᱮᱸᱫ ᱾ ᱱᱚᱣᱟ ᱱᱟᱜᱟᱨ ᱫᱚ ᱢᱟᱦᱟᱱᱚᱫᱤ ᱟᱨ ᱚᱱᱟ ᱨᱮᱭᱟᱜ ᱥᱚᱦᱚᱫ ᱱᱟᱺᱭ ᱠᱟᱛᱷᱳᱡᱚᱰᱤ ᱨᱮᱭᱟᱜ ᱧᱟᱯᱟᱢ ᱴᱚᱴᱷᱟᱨᱮ ᱵᱮᱱᱟᱣ ᱟᱠᱟᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱴᱚᱠ ᱱᱟᱜᱟᱨ ᱨᱮᱭᱟᱜ ᱛᱷᱟᱯᱚᱱ ᱫᱚ ᱠᱮᱥᱨᱤ ᱨᱟᱡᱽᱵᱚᱝᱥᱚ ᱨᱤᱱᱤᱡ ᱥᱚᱢᱨᱟᱴ ᱱᱨᱩᱯ ᱠᱮᱥᱨᱤ ᱜᱮ ᱥᱟᱞ ᱙᱘᱙ ᱤ. ᱨᱮᱭ ᱛᱷᱟᱯᱚᱱ ᱞᱮᱫᱼᱟ ᱾ ᱥᱟᱞ ᱑᱐᱐᱒ ᱨᱮ ᱥᱚᱢᱨᱟᱴ ᱢᱚᱨᱠᱚᱴ ᱠᱮᱥᱨᱤ ᱫᱚ ᱱᱟᱜᱟᱨ ᱵᱟᱱ ᱠᱷᱚᱱ ᱮ ᱵᱟᱧᱪᱟᱣ ᱞᱟᱹᱜᱤᱫ ᱫᱷᱤᱨᱤ ᱨᱮᱭᱟᱜ ᱠᱟᱸᱛ ᱮ ᱵᱮᱱᱟᱣ ᱞᱮᱫᱼᱟ ᱾ ᱥᱩᱯᱩᱨ ᱑᱐᱐᱐ ᱥᱮᱨᱢᱟ ᱫᱷᱟᱹᱵᱤᱡ ᱠᱚᱴᱚᱠ ᱫᱚ ᱳᱰᱤᱥᱟ ᱨᱮᱭᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱾ ᱜᱚᱝ ᱵᱚᱝᱥᱤ ᱥᱟᱶᱛᱮ ᱥᱩᱨᱭᱟ ᱵᱚᱝᱥᱤ ᱥᱟᱢᱨᱟᱡᱚ ᱨᱮᱭᱟᱜ ᱨᱟᱡᱽᱜᱟᱲ ᱦᱚᱸ ᱠᱚᱴᱚᱠ ᱜᱮ ᱛᱟᱦᱮᱸ ᱠᱟᱱᱟ ᱾ ᱳᱰᱤᱥᱟ ᱨᱤᱱᱤᱡ ᱢᱩᱪᱟᱹᱫ ᱦᱤᱱᱫᱩ ᱨᱟᱡᱟ ᱢᱩᱠᱩᱸᱫᱽᱫᱮᱵᱽ ᱛᱟᱭᱚᱢ ᱫᱚ ᱠᱚᱴᱚᱠ ᱱᱟᱜᱟᱨ ᱯᱩᱭᱞᱩ ᱫᱚ ᱤᱥᱞᱟᱢᱤᱭᱟᱹ ᱟᱨ ᱛᱟᱭᱚᱢ ᱛᱮᱫᱚ ᱥᱟᱦᱡᱟᱦᱟᱸᱱᱟᱜ ᱥᱟᱥᱚᱱ ᱱᱟᱝ ᱨᱮ ᱢᱩᱜᱚᱞ ᱥᱚᱞᱛᱚᱱᱚᱛ ᱟᱜ ᱜᱚᱵᱚᱞ ᱨᱮ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱨᱮᱫᱚ ᱱᱚᱣᱟ ᱢᱤᱫ ᱞᱟᱯᱷᱟᱝ ᱴᱷᱟᱶ ᱨᱮᱭᱟᱜ ᱢᱟᱱᱟᱣ ᱵᱟᱛᱟᱣ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱑᱗᱕᱐ ᱫᱷᱟᱹᱵᱤᱡ ᱳᱰᱤᱥᱟ ᱫᱚ ᱢᱚᱨᱟᱴᱷᱟ ᱠᱚᱣᱟᱨ ᱜᱚᱵᱚᱞ ᱨᱮ ᱦᱮᱡ ᱮᱱ ᱥᱟᱶ ᱥᱟᱶ ᱛᱮ ᱠᱚᱴᱚᱠ ᱦᱚᱸ ᱩᱱᱠᱩᱣᱟᱜ ᱜᱚᱵᱚᱞ ᱨᱮ ᱦᱮᱡ ᱮᱱᱟ ᱾ ᱤᱱᱟᱹ ᱛᱟᱭᱚᱢ ᱥᱟᱞ ᱑᱘᱐᱓ ᱤ. ᱨᱮ ᱠᱚᱴᱚᱠ ᱫᱚ ᱤᱸᱜᱽᱨᱟᱹᱡᱽ ᱠᱚᱣᱟᱜ ᱜᱚᱵᱚᱞ ᱨᱮ ᱦᱮᱡ ᱮᱱᱟ ᱾ ᱑᱘᱒᱖ ᱥᱟᱞᱮᱨᱮ ᱱᱚᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱵᱮᱱᱟᱣ ᱮᱱᱟ ᱾ ᱫᱤᱥᱚᱢ ᱯᱷᱩᱨᱜᱟᱹᱞ ᱮᱱ ᱛᱟᱭᱚᱢ ᱑᱙᱔᱘ ᱥᱟᱞᱮᱨᱮ ᱳᱰᱤᱥᱟ ᱨᱮᱭᱟᱜ ᱨᱟᱡᱽᱜᱟᱲ ᱫᱚ ᱠᱚᱴᱚᱠ ᱠᱷᱚᱱ ᱵᱷᱩᱵᱽᱱᱮᱥᱣᱚᱨ ᱠᱚ ᱩᱪᱟᱹᱲ ᱤᱫᱤ ᱠᱮᱫᱼᱟ ᱾

ᱢᱩᱬᱩᱛ ᱧᱮᱢᱮᱞ ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱵᱟᱴᱤ ᱠᱤᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱫᱚ ᱠᱚᱴᱚᱠ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱟᱸᱜᱷᱟᱨᱮᱛ ᱴᱚᱴᱷᱟ ᱠᱟᱱᱟ ᱾ ᱢᱟᱦᱟᱱᱚᱫᱤ ᱠᱟᱛᱟ ᱨᱮ ᱵᱮᱱᱟᱣ ᱟᱠᱟᱱ ᱱᱚᱣᱟ ᱠᱤᱞᱟ ᱫᱚ ᱟᱹᱰᱤ ᱱᱟᱯᱟᱭ ᱛᱮ ᱥᱟᱡᱟᱣ ᱟᱠᱟᱱ ᱫᱩᱣᱟᱹᱨ ᱟᱨ ᱟᱨᱮ ᱛᱟᱞᱟ ᱫᱚᱞᱟᱱ ᱞᱟᱹᱜᱤᱫ ᱧᱩᱛᱩᱢ ᱵᱟᱹᱲᱛᱤᱭᱟ ᱾ ᱱᱚᱣᱟ ᱫᱚ ᱜᱚᱝ ᱵᱚᱝᱥᱚ ᱑᱔ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮᱭ ᱵᱮᱱᱟᱣ ᱚᱪᱚ ᱞᱮᱫᱼᱟ ᱾ ᱞᱟᱹᱰᱷᱟᱹᱭ ᱚᱠᱛᱚ ᱨᱮ ᱜᱟᱰᱟ ᱨᱮᱭᱟᱜ ᱵᱟᱱᱟᱨ ᱠᱟᱛᱟᱨᱮ ᱵᱮᱱᱟᱣ ᱟᱠᱟᱱ ᱵᱟᱱᱟᱨ ᱠᱤᱞᱟ ᱱᱚᱣᱟ ᱠᱤᱞᱟᱭ ᱨᱩᱠᱷᱤᱭᱟᱹ ᱮᱫ ᱛᱟᱦᱮᱸᱫ ᱾ ᱱᱤᱛᱚᱜ ᱫᱚ ᱱᱚᱣᱚ ᱠᱤᱞᱟ ᱥᱟᱶ ᱢᱤᱫ ᱡᱮᱜᱮᱛᱟᱹᱨᱤᱭᱟᱹ ᱥᱴᱟᱰᱤᱭᱚᱢ ᱢᱮᱱᱟᱜᱼᱟ ᱾ ᱕ ᱮᱠᱚᱨ ᱨᱮ ᱯᱟᱥᱱᱟᱣ ᱟᱠᱟᱱ ᱱᱚᱣᱟ ᱥᱴᱟᱰᱤᱭᱚᱢ ᱨᱮ ᱓᱐᱐᱐᱐ ᱠᱷᱚᱱ ᱦᱚᱸ ᱵᱟᱹᱲᱛᱤ ᱦᱚᱲ ᱠᱚ ᱫᱩᱲᱩᱵ ᱫᱟᱲᱮᱭᱟᱜᱼᱟ ᱾ ᱱᱚᱰᱮ ᱠᱷᱮᱞ ᱦᱮᱯᱨᱟᱣ ᱟᱨ ᱞᱟᱠᱪᱟᱨ ᱠᱟᱹᱢᱤᱦᱚᱨᱟ ᱥᱟᱯᱲᱟᱣ ᱟᱠᱟ ᱜᱮ ᱛᱟᱦᱮᱸᱱ ᱠᱟᱱᱟ ᱾

ᱯᱚᱨᱚᱢᱦᱚᱝᱥᱱᱟᱛᱷ ᱢᱩᱫᱽᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱚᱜᱚᱵᱟᱱ ᱥᱤᱵᱽ ᱮ ᱟᱞᱟᱭ ᱟᱠᱟᱱ ᱱᱚᱣᱟ ᱢᱩᱫᱽᱨᱤ ᱠᱚᱴᱚᱠ ᱨᱮᱭᱟᱜ ᱵᱟᱦᱨᱮ ᱯᱟᱦᱴᱟ ᱨᱮ ᱢᱮᱱᱟᱜᱼᱟ ᱾ ᱚᱸᱰᱮ ᱫᱚ ᱢᱤᱫ ᱟᱹᱰᱤ ᱢᱟᱨᱟᱝ ᱵᱷᱩᱜᱟᱹᱜ ᱢᱮᱱᱟᱜᱼᱟ ᱡᱟᱦᱟᱸ ᱠᱷᱚᱱ ᱫᱚ ᱟᱡ ᱛᱮᱜᱮ ᱫᱟᱜ ᱞᱤᱸᱜᱤᱱ ᱠᱟᱱᱟ ᱾ ᱱᱚᱣᱟ ᱢᱟᱨᱟᱝ ᱵᱷᱩᱜᱟᱹᱜ ᱫᱚ ᱱᱚᱣᱟ ᱢᱩᱫᱽᱨᱤ ᱨᱮᱭᱟᱜ ᱢᱤᱫ ᱟᱞᱟᱫᱟ ᱨᱩᱯ ᱠᱟᱱᱟ ᱾ ᱱᱚᱣᱟ ᱫᱚ ᱟᱹᱰᱤ ᱢᱟᱨᱟᱝ ᱜᱚᱨᱚᱵᱽ ᱨᱮᱭᱟᱜ ᱠᱟᱛᱷᱟ ᱢᱮᱱᱛᱮ ᱠᱚ ᱞᱟᱹᱭᱟ ᱾

ᱫᱷᱚᱣᱞᱮᱥᱣᱚᱨ ᱢᱩᱫᱽᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱦᱟᱱᱚᱫᱤ ᱨᱮᱭᱟᱜ ᱢᱤᱫ ᱰᱷᱤᱯ ᱨᱮ ᱢᱮᱱᱟᱜ ᱫᱷᱚᱣᱞᱮᱥᱣᱚᱨ ᱢᱩᱫᱽᱨᱤ ᱵᱷᱚᱜᱚᱵᱟᱱ ᱥᱤᱵᱽ ᱵᱚᱸᱜᱟ ᱟᱭ ᱞᱟᱹᱜᱤᱫ ᱧᱩᱛᱩᱢ ᱟᱱᱟᱜᱼᱟ ᱾ ᱱᱚᱣᱟ ᱢᱩᱫᱽᱨᱤ ᱫᱚ ᱴᱩᱨᱤᱥᱴ ᱢᱩᱦᱤᱛ ᱦᱚᱸ ᱠᱟᱱᱟ ᱾

ᱢᱤᱣᱡᱤᱭᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱦᱟᱱᱚᱫᱤ ᱫᱷᱟᱨᱮ ᱨᱮ ᱳᱰᱤᱥᱟ ᱨᱮᱭᱟᱜ ᱯᱟᱹᱦᱤᱞ ᱵᱤᱨᱟᱥᱚᱛ ᱮ ᱥᱚᱫᱚᱨ ᱮᱫ ᱢᱤᱣᱡᱤᱭᱚᱢ ᱠᱚᱴᱚᱠ ᱨᱮᱭᱟᱜ ᱫᱚ ᱢᱤᱫ ᱧᱩᱛᱩᱢᱟᱱ ᱴᱩᱨᱤᱥᱴ ᱛᱟᱞᱢᱟ ᱠᱟᱱᱟ ᱾ ᱵᱟᱹᱞᱤᱡᱟᱛᱨᱟ ᱢᱟᱴ ᱥᱩᱨ ᱨᱮ ᱵᱮᱱᱟᱣ ᱟᱠᱟᱱ ᱱᱚᱣᱟ ᱢᱤᱣᱡᱤᱭᱚᱢ ᱧᱮᱞ ᱞᱟᱹᱜᱤᱫ ᱛᱮ ᱟᱹᱰᱤ ᱦᱚᱲᱟᱜ ᱵᱷᱤᱲ ᱛᱟᱦᱮᱸᱱᱟ ᱾ ᱱᱚᱰᱮ ᱥᱨᱤᱞᱚᱝᱠᱟ, ᱤᱱᱰᱚᱱᱮᱥᱤᱭᱟ ᱮᱢᱟᱱ ᱫᱤᱥᱚᱢ ᱥᱟᱶ ᱳᱰᱤᱥᱟ (ᱠᱚᱲᱤᱝᱜᱚ) ᱨᱮᱭᱟᱜ ᱫᱚᱨᱮᱭᱟ ᱥᱟᱶ ᱢᱟᱨᱮ ᱥᱟᱹᱜᱟᱹᱭ ᱨᱮᱭᱟᱜ ᱪᱚᱨᱚᱠ ᱵᱮᱣᱨᱟ ᱧᱮᱞ ᱧᱟᱢᱚᱜᱼᱟ ᱾

ᱱᱮᱛᱟᱡᱤᱭᱟᱜ ᱡᱟᱱᱟᱢᱛᱷᱟᱱ ᱢᱤᱣᱡᱤᱭᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱮᱛᱟᱡᱤ ᱥᱩᱵᱟᱥ ᱪᱚᱸᱫᱽᱨᱚ ᱵᱳᱥ ᱟᱜ ᱡᱟᱱᱟᱢ ᱛᱷᱟᱱ ᱨᱮ ᱩᱱᱤᱭᱟᱜ ᱱᱟᱜᱟᱢ ᱟᱨ ᱩᱱᱤᱭᱟᱜ ᱵᱤᱨᱟᱥᱚᱛ ᱠᱚ ᱧᱮᱞᱚᱜ ᱠᱟᱱ ᱢᱤᱫ ᱱᱟᱯᱟᱭ ᱪᱚᱨᱚᱠ ᱢᱤᱣᱡᱤᱭᱚᱢ ᱵᱮᱱᱟᱣ ᱟᱠᱟᱱᱟ, ᱡᱟᱦᱟᱸ ᱫᱚ ᱥᱩᱵᱟᱥ ᱟᱜ ᱱᱮᱛᱟᱡᱤ ᱵᱮᱱᱟᱣᱜ ᱫᱷᱟᱹᱵᱤᱡᱟᱜ ᱥᱟᱸᱜᱷᱟᱨ ᱮ ᱩᱫᱩᱜ ᱥᱚᱫᱚᱨᱟ ᱾

ᱟᱱᱚᱸᱫᱽ ᱵᱷᱚᱵᱚᱱ ᱢᱤᱣᱡᱤᱭᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱳᱰᱤᱥᱟ ᱨᱤᱱᱤᱡ ᱵᱤᱨᱦᱚᱯᱚᱱ ᱵᱤᱡᱩ ᱯᱚᱴᱱᱟᱭᱚᱠ ᱟᱜ ᱡᱟᱱᱟᱢ ᱛᱷᱟᱱ ᱟᱱᱚᱸᱫᱽ ᱵᱷᱚᱵᱚᱱ ᱫᱚ ᱱᱤᱛᱚᱜ ᱢᱤᱫ ᱢᱤᱣᱡᱤᱭᱚᱢ ᱨᱮ ᱟᱨᱩ ᱦᱩᱭ ᱟᱠᱟᱱᱟ ᱾ ᱵᱟᱨᱵᱟᱴᱤ ᱫᱤᱨᱜᱽ ᱥᱩᱨ ᱨᱮ ᱢᱮᱱᱟᱜ ᱱᱚᱣᱟ ᱢᱤᱣᱡᱤᱭᱚᱢ ᱫᱚ ᱵᱤᱡᱩ ᱯᱚᱴᱱᱟᱭᱚᱠ ᱟᱜ ᱡᱩᱞᱩᱜ ᱯᱚᱨᱥᱳᱱᱟᱞᱤᱴᱤᱭ ᱥᱚᱫᱚᱨᱟ ᱾

ᱱᱟᱹᱭ ᱫᱷᱟᱨᱮ ᱨᱮ ᱠᱟᱸᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱑ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮ ᱨᱟᱡᱟ ᱢᱚᱨᱟᱠᱟᱛ ᱠᱮᱥᱨᱤ ᱫᱚ ᱱᱟᱹᱭ ᱨᱮ ᱫᱷᱤᱨᱤ ᱨᱮᱭᱟᱜ ᱠᱟᱸᱛ ᱮ ᱵᱮᱱᱟᱣ ᱚᱪᱚ ᱞᱮᱫᱼᱟ ᱾ ᱚᱱᱟ ᱠᱟᱸᱛ ᱠᱷᱟᱹᱛᱤᱨ ᱜᱮ ᱱᱚᱣᱟ ᱱᱟᱜᱟᱨ ᱫᱚ ᱵᱟᱱ ᱨᱮᱭᱟᱜ ᱢᱩᱦᱤᱢ ᱠᱷᱚᱱ ᱵᱟᱧᱪᱟᱣ ᱫᱚᱲᱮ ᱟᱠᱟᱱᱟ ᱾ ᱚᱱᱟ ᱠᱷᱟᱹᱛᱤᱨ ᱜᱮ ᱱᱚᱣᱟ ᱱᱟᱜᱟᱨ ᱫᱚ ᱨᱟᱡᱽᱜᱟᱲ ᱠᱚ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱱᱚᱣᱟᱭ ᱥᱚᱫᱚᱨᱟ ᱫᱚ ᱱᱚᱣᱟ ᱜᱮ ᱚᱱᱟ ᱚᱠᱛᱚ ᱨᱮᱭᱟᱜ ᱢᱤᱫ ᱟᱹᱰᱤ ᱥᱚᱨᱮᱥ ᱩᱛᱱᱟᱹᱣ ᱠᱟᱱᱟ ᱾

ᱞᱟᱞᱵᱟᱜᱽ ᱢᱚᱦᱚᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱟᱛᱷᱚᱡᱚᱰᱤ ᱫᱷᱟᱨᱮ ᱨᱮ ᱵᱮᱱᱟᱣ ᱟᱠᱟᱱ ᱱᱚᱣᱟ ᱢᱚᱦᱚᱞ ᱫᱚ ᱠᱚᱴᱚᱠ ᱨᱮᱭᱟᱜ ᱢᱤᱫ ᱜᱚᱨᱚᱵᱽ ᱟᱱᱟᱜ ᱥᱟᱹᱠᱷᱤ ᱞᱮᱠᱟᱛᱮ ᱛᱟᱦᱮᱸ ᱟᱠᱟᱱᱟ ᱾ ᱵᱟᱨᱵᱟᱴᱤ ᱫᱩᱨᱜᱽ ᱛᱟᱭᱚᱢ ᱫᱚ ᱱᱚᱣᱟ ᱜᱮ ᱥᱟᱥᱚᱱ ᱨᱮᱭᱟᱜ ᱢᱤᱫ ᱧᱩᱛᱩᱢᱟᱱ ᱛᱟᱞᱢᱟ ᱛᱟᱦᱮᱸ ᱟᱠᱟᱱᱟ ᱾ ᱑᱗ ᱟᱱᱟᱜ ᱥᱚᱫᱤ ᱨᱮ ᱵᱮᱱᱟᱣ ᱟᱠᱟᱱ ᱱᱚᱣᱟ ᱢᱚᱦᱚᱞ ᱫᱚ ᱟᱹᱰᱤ᱾ᱞᱮᱠᱟᱱ ᱧᱩᱛᱩᱢᱟᱱ ᱨᱟᱡᱟ ᱠᱚᱣᱟᱜ ᱵᱟᱥᱟ ᱞᱮᱠᱟᱛᱮ ᱛᱟᱦᱮᱸ ᱟᱠᱟᱱᱟ ᱾ ᱑᱙᱔᱒ ᱠᱷᱚᱱ ᱑᱙᱖᱐ ᱫᱷᱟᱹᱵᱤᱡ ᱱᱚᱣᱟ ᱫᱚ ᱳᱰᱤᱥᱟ ᱨᱤᱱᱤᱡ ᱨᱚᱡᱽᱯᱟᱞ ᱟᱜ ᱵᱟᱥᱟ ᱛᱟᱦᱮᱸ ᱠᱟᱱᱟ ᱾

ᱨᱮᱵᱷᱮᱱᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱮᱵᱷᱮᱱᱥᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱫᱚ ᱳᱰᱤᱥᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱥᱮᱪᱮᱫ ᱴᱷᱟᱶ ᱠᱟᱱᱟ ᱾ ᱥᱟᱞ ᱑᱘᱖᱘ ᱨᱮ ᱵᱮᱱᱟᱣ ᱟᱠᱟᱱ ᱱᱚᱣᱟ ᱵᱤᱨᱫᱟᱹᱜᱟᱲ ᱫᱚ ᱒᱐᱐᱖ ᱥᱟᱞᱮᱨᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱢᱟᱱᱟᱣ ᱵᱟᱛᱟᱣ ᱫᱚᱭ ᱧᱟᱢ ᱠᱮᱫᱼᱟ ᱾

ᱱᱚᱣᱟ ᱠᱚ ᱥᱟᱶ ᱥᱟᱶᱛᱮ ᱪᱚᱰᱚᱜᱚᱝᱜᱚ ᱫᱩᱨᱜᱽ, ᱢᱚᱫᱷᱩᱥᱩᱫᱚᱱ ᱢᱤᱣᱡᱤᱭᱚᱢ, ᱥᱚᱣᱨᱟᱡᱽᱡᱚ ᱟᱥᱨᱚᱢ, ᱠᱚᱱᱤᱠᱟ ᱨᱟᱡᱚᱵᱟᱴᱤ ᱟᱹᱰᱤ ᱞᱮᱠᱟᱱᱟᱜ ᱱᱚᱰᱮᱱᱟᱜ ᱢᱚᱦᱚᱛ ᱟᱱᱟᱜ ᱴᱩᱨᱤᱥᱴ ᱴᱚᱴᱷᱟ ᱠᱟᱱᱟ ᱾

ᱯᱟᱨᱟᱵᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱹᱞᱤᱡᱟᱛᱨᱟ ᱫᱚ ᱠᱚᱴᱚᱠ ᱨᱮᱭᱟᱜ ᱟᱹᱰᱤ ᱢᱟᱨᱮ ᱟᱨ ᱧᱩᱛᱩᱢᱟᱱ ᱯᱟᱨᱟᱵᱽ ᱠᱟᱱᱟ ᱾ ᱢᱟᱨᱮ ᱞᱟᱹᱣᱠᱟ ᱵᱟᱹᱱᱤᱡ ᱨᱤᱛ ᱩᱫᱩᱜ ᱥᱚᱫᱚᱨ ᱞᱟᱹᱜᱤᱫ ᱱᱚᱣᱟ ᱯᱟᱨᱟᱵᱽ ᱫᱚ ᱘ ᱢᱟᱦᱟᱸ ᱫᱷᱟᱹᱵᱤᱡ ᱪᱟᱞᱟᱜᱼᱟ, ᱡᱟᱦᱟᱸᱨᱮ ᱫᱤᱱᱟᱹᱢ ᱦᱤᱞᱚᱜ ᱞᱟᱠᱷ ᱦᱚᱲᱟᱜ ᱵᱷᱤᱲ ᱯᱮᱨᱮᱡ ᱛᱟᱦᱮᱸᱱᱟ ᱾ ᱱᱚᱣᱟ ᱫᱚ ᱠᱚᱴᱚᱠ ᱨᱮᱭᱟᱜ ᱡᱚᱛᱚ ᱠᱷᱚᱱ ᱩᱯᱨᱩᱢ ᱯᱟᱨᱟᱵᱽ ᱠᱟᱱᱟ ᱾ ᱱᱚᱣᱟ ᱥᱟᱶ ᱥᱟᱶᱛᱮ ᱫᱩᱨᱜᱟᱯᱩᱡᱟ, ᱫᱤᱯᱟᱵᱚᱞᱤ, ᱦᱚᱞᱤ, ᱨᱚᱢᱡᱟᱱ, ᱤᱫᱽ ᱮᱢᱟᱱ ᱟᱹᱰᱤ ᱞᱮᱠᱟᱱ ᱯᱟᱨᱟᱵᱽ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾ ᱠᱚᱴᱚᱠ ᱨᱮᱭᱟᱜ ᱯᱟᱨᱟᱵᱽ ᱨᱮᱭᱟᱜ ᱢᱤᱫ ᱥᱚᱨᱮᱡ ᱡᱤᱱᱤᱥ ᱫᱚ ᱱᱚᱣᱟ ᱠᱟᱱᱟ ᱚᱸᱰᱮᱱᱟᱜ ᱞᱟᱠᱪᱟᱨ ᱫᱚ ᱢᱤᱫ ᱜᱮᱭᱟ ᱾ ᱫᱷᱚᱨᱚᱢ ᱨᱮᱱᱟᱜ ᱛᱚᱱᱚᱞ ᱠᱷᱚᱱ ᱥᱟᱺᱜᱤᱧ ᱨᱮ ᱡᱚᱛᱚ ᱦᱚᱲ ᱢᱤᱫ ᱯᱟᱨᱟᱵᱽ ᱢᱟᱱᱟᱣ ᱨᱮᱠᱚ ᱨᱚᱝ ᱠᱚᱜᱼᱟ ᱾

ᱦᱮᱡᱥᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱭ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱨᱮᱭᱟᱜ ᱥᱩᱨ ᱩᱰᱟᱹᱱ ᱟᱰᱟ ᱫᱚ ᱵᱷᱩᱵᱽᱱᱮᱥᱣᱚᱨ ᱨᱮᱭᱟᱜ ᱵᱤᱡᱩ ᱯᱚᱴᱱᱟᱭᱮᱠ ᱩᱰᱟᱹᱱ ᱟᱰᱟ (᱓᱐ ᱠᱤᱞᱳ ᱢᱤᱴᱚᱨ) ᱠᱟᱱᱟ ᱾

ᱨᱮᱞ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱴᱚᱠ ᱫᱤᱞᱞᱤ, ᱢᱩᱢᱵᱟᱹᱭ, ᱠᱚᱞᱠᱟᱛᱟ ᱥᱟᱶᱛᱮ ᱡᱮᱛᱮ ᱢᱟᱨᱟᱝ ᱱᱟᱜᱟᱨ ᱥᱟᱶ ᱡᱩᱲᱟᱹᱣ ᱨᱮ ᱢᱮᱱᱟᱭᱟ ᱾ ᱫᱤᱥᱚᱢ ᱨᱮᱭᱟᱜ ᱞᱮᱠᱟᱱ ᱴᱚᱴᱷᱟ ᱠᱷᱚᱱ ᱱᱚᱰᱮ ᱞᱟᱹᱜᱤᱫ ᱫᱤᱱᱟᱹᱢ ᱦᱤᱞᱚᱜ ᱨᱮᱞ ᱜᱟᱹᱰᱤ ᱪᱟᱞᱟᱜ ᱠᱟᱱᱟ ᱾

ᱥᱚᱲᱚᱠ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱴᱚᱠ ᱵᱷᱩᱵᱽᱱᱮᱥᱣᱚᱨ, ᱠᱚᱬᱟᱨᱠ, ᱯᱩᱨᱤ, ᱠᱚᱞᱠᱟᱛᱟ, ᱟᱨ ᱫᱤᱥᱚᱢ ᱨᱮᱭᱟᱜ ᱮᱴᱟᱜ ᱴᱚᱴᱷᱟ ᱥᱟᱶ ᱦᱚᱸ ᱥᱚᱲᱚᱠ ᱦᱚᱛᱮᱛᱮ ᱡᱩᱲᱟᱹᱭ ᱢᱮᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Cities having population 1 lakh and above" (PDF). Census of India, Government of India. Retrieved 2 November 2011.

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]