ᱠᱮᱱᱫᱨᱟᱯᱚᱰᱟ ᱡᱤᱞᱞᱟᱹ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱠᱮᱸᱫᱨᱟᱯᱚᱰᱟ
ᱛᱩᱲᱚᱥᱤᱠᱷᱮᱛᱨᱚ
ᱵᱟᱡᱟᱨ
ᱠᱮᱸᱫᱨᱟᱯᱚᱰᱟ is located in Odisha
ᱠᱮᱸᱫᱨᱟᱯᱚᱰᱟ
ᱠᱮᱸᱫᱨᱟᱯᱚᱰᱟ
ᱠᱮᱸᱫᱨᱟᱯᱚᱰᱟ is located in ᱥᱤᱧᱚᱛ
ᱠᱮᱸᱫᱨᱟᱯᱚᱰᱟ
ᱠᱮᱸᱫᱨᱟᱯᱚᱰᱟ
Location in Odisha, India
Coordinates: 20°30′N 86°25′E / 20.50°N 86.42°E / 20.50; 86.42Coordinates: 20°30′N 86°25′E / 20.50°N 86.42°E / 20.50; 86.42
ᱫᱤᱥᱚᱢ  ᱥᱤᱧᱚᱛ
ᱯᱚᱱᱚᱛ ᱳᱰᱤᱥᱟ
ᱦᱚᱱᱚᱛ ᱠᱮᱸᱫᱨᱟᱯᱚᱰᱟ
ᱥᱚᱨᱠᱟᱨ
 • ᱞᱮᱠᱟᱱ ᱢᱩᱱᱤᱥᱤᱯᱟᱞᱤᱴᱤ
 • ᱪᱟᱪᱞᱟᱣ ᱠᱮᱸᱫᱨᱟᱯᱚᱰᱟ ᱢᱩᱱᱤᱥᱤᱯᱟᱞᱤᱴᱤ
ᱩᱥᱩᱞ 13 ᱢᱤᱴᱚᱨ (43 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (2001)
 • ᱞᱮᱠᱷᱟᱜᱩᱴ ᱔᱑,᱔᱐᱔
ᱯᱟ.ᱨᱥᱤ
 • ᱟ.ᱢᱟ.ᱞᱮᱛ ᱳᱰᱤᱭᱟ, ᱤᱝᱞᱤᱥ
IST (UTC+5:30)
ᱯᱤᱱ ᱠᱳᱰ 754211
Telephone code 91-6727
ᱣᱮᱵᱽᱥᱟᱭᱤᱴ kendrapara.nic.in

ᱠᱮᱸᱫᱨᱟᱯᱚᱰᱟ(Kendrapara, କେନ୍ଦ୍ରାପଡ଼ା) ᱥᱤᱧᱚᱛ ᱨᱮ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱠᱮᱸᱫᱨᱟᱯᱚᱰᱟ ᱦᱚᱱᱚᱛ ᱨᱮ ᱢᱮᱱᱟᱜ ᱢᱤᱫ ᱱᱟᱜᱟᱨ ᱠᱟᱱᱟ, ᱡᱟᱦᱟᱸ ᱫᱚ ᱚᱱᱟ ᱦᱚᱱᱚᱛ ᱨᱮᱭᱟᱜ ᱦᱮᱰᱠᱣᱟᱴᱚᱨ ᱦᱚᱸ ᱠᱟᱱᱟ ᱾ ᱯᱚᱱᱚᱛ ᱨᱮᱭᱟᱜ ᱛᱩᱲᱚᱥᱤᱠᱷᱮᱛᱨᱚ ᱧᱩᱛᱩᱢ ᱛᱮ ᱯᱷᱮᱢᱚᱥ ᱠᱮᱸᱫᱨᱟᱯᱚᱰᱟ ᱫᱚ ᱪᱟᱨᱠᱷᱟ ᱢᱤᱞ ᱠᱷᱟ.ᱛᱤᱨ ᱩᱯᱨᱩᱢ ᱢᱮᱱᱟᱜᱼᱟ ᱾ ᱞᱟ.ᱭ ᱟᱠᱚ ᱚᱛᱮ ᱵᱷᱚᱜᱚᱵᱟᱱ ᱵᱚᱲᱚᱨᱟᱢ ᱫᱚ ᱠᱮᱸᱫᱨᱚᱥᱩᱨ ᱜᱚᱡ ᱠᱟᱛᱮ ᱩᱱᱤᱭᱤᱡ ᱦᱚᱯᱚᱱ ᱮᱨᱟᱭ ᱵᱟᱯᱞᱟ ᱮᱱᱟ ᱟᱨ ᱱᱚᱰᱮ ᱜᱮᱭ ᱵᱟᱥᱟ ᱛᱟᱦᱮᱸ ᱮᱱᱟ ᱾ ᱳᱰᱤᱥᱟ ᱨᱮᱭᱟᱜ ᱱᱚᱣᱟ ᱢᱟᱨᱮ ᱦᱚᱱᱚᱛ ᱨᱮ ᱢᱟᱱᱟᱣᱜ ᱠᱟᱱ ᱥᱮᱨᱢᱟᱠᱤᱭᱟ. ᱯᱟᱨᱟᱵᱽ ᱟ.ᱰᱤ ᱥᱟᱸᱜᱮ ᱦᱚᱲ ᱮ ᱢᱩᱦᱤᱛ ᱠᱚᱣᱟ ᱾ ᱜᱳᱵᱽᱨᱤ ᱱᱟ.ᱭ ᱫᱚ ᱱᱚᱰᱮ ᱠᱷᱚᱱ ᱞᱤᱸᱜᱤᱱ ᱠᱟᱱ ᱢᱩᱠᱷᱤᱭᱟ. ᱱᱟ.ᱭ ᱠᱟᱱᱟ ᱾ ᱒᱕᱔᱖ ᱥᱠᱚᱭᱟᱨ ᱠᱤᱞᱚᱢᱤᱴᱚᱨ ᱮᱨᱤᱭᱟ ᱨᱮ ᱯᱟᱥᱱᱟᱣ ᱟᱠᱟᱱ ᱱᱚᱣᱟ ᱦᱚᱱᱚᱛ ᱫᱚ ᱚᱣᱩᱞ, ᱵᱷᱤᱛᱚᱨᱚ ᱠᱚᱱᱤᱠᱟ, ᱵᱤᱨᱡᱤᱵᱽ ᱚᱵᱷᱚᱭᱟᱨᱚᱱᱭᱚ, ᱰᱟᱸᱜᱟᱢᱚᱞ ᱟᱨ ᱛᱟᱢᱚᱞ ᱥᱟᱥᱚᱱ ᱮᱢᱟᱱ ᱧᱮᱢᱮᱞ ᱴᱚᱴᱷᱟ ᱞᱮᱠᱟᱛᱮ ᱩᱯᱨᱩᱢ ᱢᱮᱱᱟᱜᱼᱟ ᱾ [᱑][᱒][᱓]

ᱢᱩᱬᱩᱛ ᱢᱩᱦᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱱᱤᱠᱤ ᱢᱚᱦᱚᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱢᱚᱦᱚᱞ ᱫᱚ ᱠᱮᱸᱫᱽᱨᱟᱯᱚᱰᱟ ᱨᱮᱭᱟᱜ ᱦᱟᱦᱟᱲᱟ ᱜᱮ ᱱᱟᱜᱟᱢ ᱨᱮᱭᱟᱜ ᱪᱤᱱᱦᱟ. ᱠᱟᱱᱟ ᱾ ᱨᱟᱡᱟ ᱨᱟᱡᱮᱱᱫᱨᱚ ᱱᱟᱨᱟᱭᱚᱬ ᱵᱷᱚᱸᱡᱽ ᱫᱮᱵᱽ ᱫᱚ ᱱᱚᱣᱟ ᱢᱚᱦᱚᱞ ᱨᱮᱭᱟᱜ ᱵᱩᱱᱤᱭᱟ.ᱫᱽ ᱫᱚ ᱙ ᱡᱩᱱ ᱑᱙᱐᱙ ᱥᱟᱞᱮ ᱨᱮᱭ ᱜᱤᱰᱤ ᱞᱮᱫ ᱛᱟᱦᱮᱸᱫ ᱾ ᱱᱚᱣᱟ ᱢᱚᱦᱚᱞ ᱨᱮᱭᱟᱜ ᱵᱮᱱᱟᱣ ᱠᱟ.ᱢᱤ ᱫᱚ ᱜᱮᱞ ᱥᱮᱨᱢᱟ ᱵᱷᱤᱛᱨᱤ ᱨᱮ ᱥᱟ.ᱛ ᱞᱮᱱᱟ ᱾ ᱢᱚᱦᱚᱞ ᱨᱮ ᱛᱮᱦᱮᱧ ᱫᱷᱟ.ᱵᱤᱡ ᱦᱚᱸ ᱯᱟ.ᱦᱤᱞ ᱱᱟᱝ ᱨᱮᱭᱟᱜ ᱡᱷᱚᱞᱚᱠ ᱵᱚᱱ ᱧᱮᱞ ᱫᱟᱲᱮᱭᱟᱜᱼᱟ ᱾

ᱠᱮᱸᱫᱨᱟᱯᱚᱰᱟ ᱨᱮᱭᱟᱜ ᱨᱟᱡᱽᱠᱚᱱᱤᱠᱟ ᱢᱚᱦᱚᱞ

ᱵᱷᱤᱛᱚᱨᱚ ᱠᱚᱱᱤᱠᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱤᱛᱟ.ᱨ ᱠᱚᱱᱤᱠᱟ ᱫᱚ ᱑᱙᱗᱕ ᱥᱟᱞᱮᱨᱮ ᱚᱵᱷᱚᱭᱟᱨᱚᱬᱭᱚ ᱢᱮᱱᱛᱮ ᱵᱤᱠᱱᱟ.ᱣ ᱦᱩᱭ ᱟᱠᱟᱱ ᱛᱟᱦᱮᱸᱫ ᱾ ᱱᱚᱣᱟ ᱚᱵᱷᱚᱭᱟᱨᱚᱬᱭᱚ ᱨᱮ ᱧᱟᱢᱚᱜ ᱵᱤᱨ ᱫᱟᱨᱮ ᱫᱚ ᱵᱚᱝᱜᱟᱞ ᱨᱮ ᱢᱮᱱᱟᱜ ᱥᱩᱱᱫᱚᱨ ᱵᱚᱱ ᱥᱟᱶ ᱟ.ᱰᱤ ᱜᱮ ᱢᱮᱥᱟᱜᱼᱟ ᱾ ᱱᱚᱰᱮ ᱫᱚ ᱛᱟ.ᱨᱩᱵ ᱥᱟᱶ ᱥᱟᱶᱛᱮ ᱟ.ᱰᱤ ᱞᱮᱠᱟᱱ ᱵᱤᱨ ᱡᱟᱱᱣᱟ ᱠᱚ ᱧᱟᱢᱚᱜᱼᱟ ᱾ ᱚᱵᱷᱚᱭᱟᱨᱚᱬᱭᱚ ᱨᱮ ᱠᱚᱪᱷ ᱵᱤᱨ ᱫᱟᱨᱮ ᱫᱚ ᱥᱩᱯᱩᱨ ᱖᱐᱐ ᱞᱮᱠᱟᱱᱟᱜ ᱧᱮᱞ ᱨᱮ ᱧᱟᱢᱚᱜᱼᱟ ᱾ ᱠᱮᱸᱫᱽᱨᱟᱯᱚᱰᱟ ᱨᱮᱭᱟᱜ ᱫᱚᱨᱮᱭᱟ ᱥᱩᱨ ᱮᱞᱟᱠᱟ ᱨᱮ ᱱᱚᱣᱟ ᱚᱵᱷᱚᱭᱟᱨᱚᱬᱭᱚ ᱖᱕᱐ ᱥᱠᱚᱭᱟᱨ ᱠᱤᱞᱚᱢᱤᱴᱚᱨ ᱨᱮ ᱯᱟᱥᱱᱟᱣ ᱠᱟᱛᱮ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱭᱟᱜ ᱯᱟᱱᱟᱥᱱᱟᱣ ᱫᱚ ᱵᱷᱚᱫᱨᱚᱠ ᱟᱨ ᱡᱚᱜᱚᱛᱥᱤᱝᱯᱩᱨ ᱦᱚᱱᱚᱛ ᱫᱷᱟ.ᱵᱤᱡ ᱢᱮᱱᱟᱜᱼᱟ ᱾ ᱪᱮᱬᱮ ᱫᱩᱞᱟ.ᱲᱤᱭᱟ. ᱠᱚ ᱞᱟ.ᱜᱤᱫ ᱦᱚᱸ ᱱᱚᱰᱮ ᱟ.ᱰᱤ ᱞᱮᱠᱟᱱ ᱪᱮᱬᱮ ᱧᱮᱞ ᱡᱚᱝ ᱨᱮᱠᱚ ᱧᱟᱢᱚᱜᱼᱟ ᱾ ᱚᱠᱴᱚᱵᱚᱨ ᱠᱷᱚᱱ ᱢᱟᱨᱪ ᱚᱠᱛᱚ ᱨᱮ ᱱᱚᱰᱮ ᱦᱟ.ᱡᱩᱜ ᱞᱟ.ᱜᱤᱫ ᱫᱚ ᱡᱚᱛᱚ ᱠᱷᱚᱱ ᱱᱟᱯᱟᱭ ᱚᱠᱛᱚ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾

ᱵᱚᱲᱚᱫᱮᱵᱽ ᱡᱤ ᱢᱩᱫᱽᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱮᱸᱫᱨᱟᱯᱚᱰᱟ ᱨᱮᱭᱟᱜ ᱵᱚᱲᱚᱫᱮᱵᱽᱡᱤ ᱢᱩᱫᱽᱨᱤ

ᱠᱮᱸᱫᱽᱨᱟᱯᱚᱰᱟ ᱨᱮᱭᱟᱜ ᱱᱚᱣᱟ ᱢᱩᱫᱽᱨᱤ ᱫᱚ ᱨᱟᱡᱽᱜᱟᱲ ᱵᱷᱩᱵᱽᱱᱮᱥᱣᱚᱨ ᱠᱷᱚᱱ ᱙᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱵᱷᱚᱜᱚᱵᱟᱱ ᱵᱚᱞᱫᱮᱵᱟᱜ ᱨᱟᱛ ᱥᱟᱸᱜᱷᱟᱨ ᱫᱚ ᱯᱩᱨᱤ ᱨᱮᱭᱟᱜ ᱠᱟᱨ ᱯᱟᱨᱟᱵᱽ ᱞᱮᱠᱟᱜᱮ ᱟ.ᱰᱤ ᱢᱚᱱ ᱢᱩᱦᱤᱛ ᱟᱱᱟ ᱾ ᱟᱨ ᱟ.ᱰᱤ ᱦᱚᱲ ᱠᱚ ᱠᱩᱥᱤᱭᱟᱜᱼᱟ ᱾

ᱰᱟᱸᱜᱟᱞᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱟᱭᱟᱱ ᱞᱟ.ᱜᱤᱫ ᱧᱩᱛᱩᱢ ᱮ ᱟᱢᱮᱴ ᱟᱠᱟᱫ ᱰᱟᱸᱜᱟᱞᱚᱢ ᱨᱮᱫᱚ ᱟ.ᱰᱤ ᱵᱟ.ᱲᱛᱤ ᱛᱟᱭᱟᱱ ᱧᱮᱞ ᱡᱚᱝ ᱞᱟ.ᱜᱤᱫ ᱛᱟᱠ ᱧᱟᱢᱚᱜᱼᱟ ᱾ ᱵᱷᱤᱛᱚᱨᱚ ᱠᱚᱱᱤᱠᱟ ᱵᱤᱨ ᱡᱤᱵᱽ ᱵᱟᱲᱜᱮ ᱨᱮ ᱢᱮᱱᱟᱜ ᱱᱚᱣᱟ ᱯᱚᱨᱛᱚᱱᱮᱛ ᱨᱮᱭᱟᱜ ᱮᱛᱚᱦᱚᱵ ᱫᱚ ᱑᱙᱗᱕ ᱥᱟᱞᱮᱨᱮ ᱢᱟᱞᱚᱴᱚᱜ ᱠᱟᱱ ᱛᱟᱭᱟᱱ ᱠᱚ ᱵᱟᱧᱪᱟᱣ ᱠᱚ ᱞᱟ.ᱜᱤᱫ ᱵᱮᱱᱟᱣ ᱟᱠᱟᱱᱟ ᱾ ᱰᱟᱸᱜᱟᱞᱚᱢ ᱨᱮ ᱛᱟᱦᱮᱸᱱ ᱞᱟ.ᱜᱤᱫ ᱯᱷᱳᱨᱮᱥᱴ ᱜᱮᱥᱴ ᱦᱟᱣᱩᱥ ᱨᱮᱭᱟᱜ ᱦᱚᱸ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾

ᱢᱩᱠᱷᱤᱭᱟ. ᱱᱟ.ᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱦᱟᱱᱚᱫᱤ ᱨᱮᱭᱟᱜ ᱢᱤᱫ ᱪᱟᱸᱜᱟ ᱱᱟ.ᱭ ᱵᱩᱞᱩᱝ ᱜᱟᱰᱟ, ᱜᱳᱵᱽᱨᱮ ᱜᱟᱰᱟ ᱠᱮᱸᱫᱽᱨᱟᱯᱚᱰᱟ ᱥᱮᱫᱛᱮ ᱞᱤᱸᱜᱤᱱ ᱠᱟᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚᱨᱮ ᱑᱐ ᱢᱟᱨᱪ ᱑᱘᱖᱙ ᱨᱮ ᱠᱮᱸᱫᱽᱨᱟᱯᱚᱰᱟ ᱫᱚ ᱢᱩᱱᱤᱥᱤᱯᱟᱞᱤᱴᱤ ᱞᱮᱠᱟᱛᱮ ᱠᱚ ᱛᱷᱟᱯᱚᱱ ᱞᱮᱫᱼᱟ ᱾ [᱔]

ᱱᱟᱜᱟᱢ ᱼ ᱠᱮᱸᱫᱽᱨᱟᱯᱚᱰᱟ ᱦᱚᱱᱚᱛ

ᱱᱟᱜᱟᱢ ᱛᱮ ᱥᱟᱡᱟᱣ ᱟᱠᱟᱱ ᱠᱮᱸᱫᱽᱨᱟᱯᱚᱰᱟ ᱦᱚᱱᱚᱛ ᱟᱨᱵᱟᱝ ᱯᱟ.ᱦᱤᱞ ᱛᱩᱨᱥᱤ ᱴᱚᱴᱷᱟ ᱨᱮᱭᱟᱜ ᱱᱟᱜᱟᱢ ᱡᱟᱦᱟᱸ ᱞᱮᱠᱟ ᱜᱷᱚᱴᱚᱱ ᱯᱮᱨᱮᱡ ᱚᱱᱠᱟ ᱜᱮ ᱟ.ᱰᱤ ᱢᱟᱨᱟᱝ ᱛᱮ ᱟᱴᱮᱫ ᱦᱚᱸ ᱢᱮᱱᱟᱜᱼᱟ ᱾ ᱱᱚᱣᱟ ᱦᱟᱥᱟ ᱨᱮᱱᱤᱡ ᱡᱚᱛᱚ ᱠᱷᱚᱱ ᱢᱟᱱᱟᱣ ᱵᱟᱛᱟᱣ ᱫᱮᱵᱽᱛᱟ ᱫᱚ ᱵᱚᱲᱚᱫᱮᱵᱟᱜ ᱠᱚᱸᱫᱚᱨᱟᱥᱩᱨ ᱟᱜ ᱧᱩᱛᱩᱢ ᱛᱮ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱫᱚ ᱠᱮᱸᱫᱽᱨᱟᱯᱚᱰᱟ ᱦᱩᱭ ᱟᱠᱟᱱ ᱨᱮᱭᱟᱜ ᱢᱟᱨᱮ ᱠᱟᱛᱷᱟ ᱵᱟᱫᱽ ᱞᱮᱠᱷᱟᱱ ᱟ.ᱰᱤᱜᱟᱱ ᱯᱚᱞᱞᱤ ᱟᱨᱵᱟᱝ ᱟ.ᱛᱩ ᱴᱚᱞᱟ ᱨᱮᱭᱟᱜ ᱛᱟᱞᱢᱟ ᱚᱛ ᱞᱮᱠᱟᱛᱮ ᱱᱚᱣᱟ ᱫᱚ ᱯᱩᱭᱞᱩ ᱫᱚ "ᱠᱮᱸᱫᱽᱨᱚᱯᱚᱞᱞᱤ" ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱢᱮᱱᱛᱮ ᱱᱟᱜᱟᱢᱮᱛ ᱯᱚᱨᱢᱟᱬ ᱞᱮᱠᱟᱛᱮ ᱱᱚᱣᱟ ᱫᱚ ᱠᱮᱸᱫᱽᱨᱟᱯᱚᱰᱟ ᱠᱚ ᱢᱮᱛᱟᱜᱼᱟ ᱢᱮᱱᱛᱮ ᱱᱟᱜᱟᱢᱤᱭᱟ. ᱟᱨ ᱠᱷᱚᱸᱫᱽᱨᱚᱸᱫᱤᱭᱟ. ᱠᱚ ᱢᱚᱱᱚᱛ ᱠᱚ ᱩᱫᱩᱜ ᱥᱚᱫᱚᱨ ᱟᱠᱟᱫᱼᱟ ᱾

ᱦᱮᱡᱥᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱭ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱩᱵᱽᱱᱮᱥᱚᱨ ᱨᱮᱭᱟᱜ ᱩᱰᱟ.ᱱ ᱟᱰᱟ ᱱᱚᱰᱮ ᱠᱷᱚᱱ ᱫᱚ ᱡᱚᱛᱚ ᱠᱷᱚᱱ ᱥᱩᱨ ᱟᱜ ᱩᱰᱟ.ᱱ ᱟᱰᱟ ᱠᱟᱱᱟ ᱡᱟᱦᱟᱸ ᱨᱮᱫᱚ ᱫᱤᱥᱚᱢ ᱨᱮᱭᱟᱜ ᱟ.ᱰᱤᱜᱟᱱ ᱢᱟᱨᱟᱝ ᱵᱟᱡᱟᱨ ᱠᱷᱚᱱ ᱦᱚᱭ ᱦᱚᱨ ᱡᱩᱲᱟ.ᱭ ᱠᱟᱛᱮ ᱢᱮᱱᱟᱜᱼᱟ ᱾

ᱨᱮᱞ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱚᱫᱽᱨᱚᱠ ᱨᱮᱞ ᱥᱴᱮᱥᱚᱱ ᱫᱚ ᱠᱮᱸᱫᱽᱨᱟᱯᱚᱰᱟ ᱨᱮᱭᱟᱜ ᱥᱩᱨ ᱥᱴᱮᱥᱚᱱ ᱠᱟᱱᱟ ᱾ ᱠᱚᱴᱚᱠ ᱨᱮᱞ ᱥᱴᱮᱥᱚᱱ ᱠᱷᱚᱱ ᱦᱚᱸ ᱟᱞᱜᱟ ᱛᱮ ᱠᱮᱸᱫᱽᱨᱟᱯᱚᱰᱟ ᱥᱮᱴᱮᱨ ᱦᱩᱭ ᱫᱟᱲᱮᱭᱟᱜᱼᱟ ᱾ ᱵᱷᱚᱫᱽᱨᱚᱠ ᱟᱨ ᱠᱚᱴᱚᱠ ᱠᱷᱚᱱ ᱵᱚᱥ ᱟᱨ ᱟᱯᱚᱱ ᱥᱟᱜᱟᱲ ᱛᱮ ᱦᱚᱸ ᱟᱞᱜᱟ ᱛᱮ ᱠᱮᱸᱫᱽᱨᱟᱯᱚᱰᱟ ᱥᱮᱴᱮᱨ ᱦᱩᱭ ᱜᱟᱱᱚᱜᱼᱟ ᱾

ᱥᱚᱲᱚᱠ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱮᱸᱫᱽᱨᱟᱯᱚᱰᱟ ᱫᱚ ᱳᱰᱤᱥᱟ ᱟᱨ ᱮᱴᱟᱜ ᱥᱩᱨ ᱯᱚᱱᱚᱛ ᱨᱮᱭᱟᱜ ᱦᱚᱨ ᱦᱚᱛᱮᱛᱮ ᱡᱩᱲᱟ.ᱭ ᱟᱠᱟᱱᱟ ᱾ ᱟ.ᱰᱤᱜᱟᱱ ᱵᱟᱡᱟᱨ ᱠᱷᱚᱱ ᱱᱚᱰᱮ ᱞᱟ.ᱜᱤᱫ ᱫᱤᱱᱟ.ᱢ ᱦᱤᱞᱚᱜᱟᱜ ᱵᱚᱥ ᱦᱮᱡ ᱥᱮᱱ ᱟᱠᱟ ᱢᱮᱱᱟᱜᱼᱟ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Orissa reference: glimpses of Orissa," Sambit Prakash Dash, TechnoCAD Systems, 2001
  2. "The Orissa Gazette," Orissa (India), 1964
  3. "Lonely Planet India," Abigail Blasi et al, Lonely Planet, 2017, ISBN 9781787011991
  4. "ᱢᱟᱨᱮᱱᱟᱜ ᱢᱩᱱᱥᱤᱯᱟᱞᱴᱤ ᱛᱷᱤᱛᱤ ᱫᱟᱭᱟᱜᱮ". ᱫᱷᱚᱨᱤᱛᱨᱤ. Retrieved 8 ᱢᱟᱨᱪ 2017. 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]