ᱜᱤᱨᱤᱥ ᱪᱚᱸᱫᱽᱨᱚ ᱢᱩᱨᱢᱩ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱜᱤᱨᱤᱥ ᱪᱚᱸᱫᱽᱨᱚ ᱢᱩᱨᱢᱩ
The Lieutenant Governor of Jammu and Kashmir, Shri G.C. Murmu.jpg
ᱡᱟᱹᱢᱩ ᱟᱨ ᱠᱟᱥᱢᱤᱨ ᱨᱤᱱᱤᱡ ᱯᱩᱭᱞᱩ ᱡᱚᱜ ᱢᱟᱨᱟᱝ ᱜᱚᱢᱠᱮ
Assumed office
᱓᱑ ᱚᱠᱴᱳᱵᱚᱨ ᱒᱐᱑᱙
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ ᱟᱹᱢᱟᱹᱞᱤ ᱵᱮᱨᱮᱫ ᱮᱱᱟ
ᱥᱤᱧᱚᱛ ᱨᱤᱱᱤᱡᱠᱷᱚᱨᱚᱪ ᱥᱩᱛᱨᱮᱛ
Assumed office
᱑ ᱢᱟᱨᱪ ᱒᱐᱑᱙
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ ᱚᱡᱚᱭ ᱱᱟᱨᱟᱭᱚᱱ ᱡᱷᱟ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ ᱳᱰᱤᱥᱟ ᱢᱚᱭᱩᱨᱵᱷᱚᱸᱡᱽ ᱵᱮᱛᱱᱚᱴᱤ ᱠᱟᱹᱧᱤᱥᱳᱲ
ᱡᱟᱹᱛᱤᱭᱟᱹᱨᱤ ᱥᱤᱧᱚᱛ
Education ᱨᱟᱡᱽᱟᱹᱨᱤ ᱥᱟᱬᱮᱥ ᱨᱮ ᱮᱢ ᱮᱡᱮᱜᱮᱛ ᱵᱤᱨᱫᱟᱹᱜᱟᱲ, ᱮᱢ ᱵᱤ ᱮ, ᱵᱨᱤᱸᱝᱦᱟᱢ ᱨᱮᱱᱟᱜ ᱡᱮᱜᱮᱛ ᱵᱤᱨᱫᱟᱹᱜᱟᱲ
ᱠᱟᱹᱢᱤ ᱥᱤᱧᱚᱛ ᱨᱮᱱᱟᱜ ᱯᱨᱚᱥᱟᱥᱚᱱᱤᱠ ᱥᱮᱵᱟ

ᱜᱤᱨᱤᱥ ᱪᱚᱸᱫᱽᱨᱚ ᱢᱩᱨᱢᱩ (Girish Chandra Murmu) (ᱡᱟᱱᱟᱢ ᱒᱑ ᱱᱚᱵᱷᱮᱢᱵᱚᱨ ᱑᱙᱕᱙) ᱡᱟᱢᱩ ᱠᱟᱥᱢᱤᱨ ᱨᱮᱱᱟᱜ ᱛᱟᱞᱢᱟ ᱥᱚᱨᱠᱟᱨ ᱥᱟᱥᱚᱱ ᱮᱫ ᱴᱚᱴᱷᱟ ᱨᱤᱱᱤᱡ ᱯᱩᱭᱞᱩ ᱡᱚᱜᱽ ᱯᱚᱱᱚᱛ ᱜᱚᱢᱠᱮ ᱞᱮᱠᱟᱛᱮᱠᱚ ᱵᱟᱦᱟᱞ ᱠᱮᱫᱮᱭᱟ ᱿ [᱑] ᱢᱩᱨᱢᱩ ᱜᱚᱢᱠᱮ ᱫᱚ ᱜᱩᱡᱽᱨᱟᱴ ᱠᱷᱚᱱ ᱑᱙᱘᱕ ᱥᱮᱨᱢᱟᱨᱮ Indian Administrative Service ᱨᱮᱭ ᱵᱚᱞᱚ ᱞᱮᱱᱟ ᱾ ᱱᱚᱨᱮᱱᱫᱽᱨᱚ ᱢᱚᱫᱤ ᱜᱩᱡᱽᱨᱟᱴ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱛᱟᱦᱮᱸ ᱠᱟᱱ ᱚᱠᱛᱚ ᱨᱮ ᱢᱩᱲᱩᱛ ᱥᱩᱛᱨᱮᱛ (principal secretary) ᱞᱮᱠᱟᱛᱮ ᱥᱤᱨᱟᱹ ᱢᱚᱛᱨᱤ ᱟᱹᱢᱟᱹᱞᱤ ᱨᱮ ᱛᱟᱸᱦᱮ ᱠᱟᱱᱟᱭ ᱾ [᱒] ᱚᱱᱟ ᱛᱟᱭᱚᱢ ᱫᱚ ᱠᱟᱹᱣᱰᱤ ᱢᱚᱱᱛᱨᱟᱭᱲᱟᱜ (ministry) ᱨᱮ ᱠᱷᱚᱨᱚᱪ ᱥᱩᱛᱨᱮᱛ (Expenditure Secretary) ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱾[᱓] ᱢᱩᱨᱢᱩ ᱜᱚᱢᱠᱮ ᱫᱚ ᱱᱚᱨᱮᱱᱫᱽᱨᱚ ᱢᱳᱫᱤ ᱨᱮᱱ ᱟᱹᱰᱤ ᱥᱩᱨ ᱨᱮᱱ ᱦᱚᱲ ᱠᱟᱱᱟᱭ ᱢᱮᱱᱛᱮᱭ ᱞᱮᱠᱷᱟᱜᱼᱟ ᱟᱨ ᱚᱱᱟ ᱠᱷᱟᱹᱛᱤᱨ ᱜᱩᱡᱽᱨᱟᱴ ᱥᱚᱨᱠᱟᱨ ᱟᱹᱰᱤ ᱞᱟᱹᱴᱩ ᱠᱟᱹᱢᱤᱠᱩ ᱡᱤᱢᱟᱹᱣ ᱠᱟᱫᱤᱭᱟ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱤᱨᱤᱥ ᱪᱚᱸᱫᱽᱨᱚ ᱢᱩᱨᱢᱩ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ (ᱡᱤᱞᱞᱟᱹ) ᱨᱮᱱᱟᱜ ᱵᱮᱛᱱᱚᱴᱤ ᱥᱩᱨ ᱠᱷᱚᱰᱤᱥᱚᱲ ᱯᱚᱧᱪᱟᱭᱚᱛ ᱨᱮᱭᱟᱜ ᱠᱟᱧᱡᱤᱥᱚᱲ (ᱠᱟᱹᱧᱪᱤᱥᱚᱲ) ᱟᱹᱛᱩ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱒᱑ ᱱᱚᱵᱷᱮᱢᱵᱚᱨ ᱑᱙᱕᱙ ᱥᱟᱹᱦᱤᱛ ᱨᱮ ᱾

ᱜᱷᱟᱨᱚᱸᱡᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱩᱨᱢᱩ ᱜᱚᱢᱠᱮᱭᱤᱡ ᱵᱟᱵᱟ ᱵᱚᱝᱜᱟ ᱟᱠᱟᱱ ᱵᱷᱟᱜᱚᱵᱚᱛ ᱢᱩᱨᱢᱩ ᱫᱚ ᱢᱤᱫ ᱚᱱᱚᱞᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾[᱔]ᱩᱱᱤ ᱫᱚ ᱵᱷᱟᱨᱚᱛ ᱨᱮᱞ ᱨᱮ ᱴᱮᱥᱚᱱ ᱢᱮᱱᱮᱡᱚᱨ ᱞᱮᱠᱟᱭ ᱠᱟᱹᱢᱤ ᱛᱟᱦᱮᱸᱫ ᱾ ᱟᱡ ᱟᱭᱚᱣᱟᱜ ᱧᱩᱛᱩᱢ ᱫᱚ ᱯᱟᱨᱵᱚᱛᱤ ᱢᱩᱨᱢᱩ᱾ ᱟᱠᱚ ᱫᱚ ᱡᱚᱛᱚ ᱛᱮ ᱛᱩᱨᱩᱭ ᱵᱚᱭᱦᱟᱜ-ᱟ ᱠᱚ ᱟᱨ ᱵᱟᱨᱭᱟ ᱵᱩᱦᱤᱱ ᱛᱟᱠᱚ ᱾[᱔] ᱜᱤᱨᱤᱥ ᱢᱩᱨᱢᱩ ᱫᱚ ᱡᱚᱛᱚ ᱦᱚᱲ ᱠᱷᱚᱱᱮ ᱢᱟᱨᱟᱝ ᱟ ᱾ ᱜᱤᱡᱤᱨᱟᱴ ᱨᱮ ᱠᱟᱹᱢᱤ ᱡᱚᱠᱷᱮᱡ ᱰᱟᱠᱛᱚᱨ ᱥᱢᱤᱛᱟ ᱥᱩᱠᱲᱟ ᱥᱟᱶ ᱟᱡᱟᱜ ᱵᱟᱯᱞᱟ ᱦᱩᱭ ᱞᱮᱱᱟ ᱾ ᱟᱹᱠᱤᱱ ᱨᱮᱱ ᱢᱤᱫᱴᱟᱝ ᱦᱚᱯᱚᱱ ᱟᱨ ᱢᱤᱫᱴᱟᱝ ᱦᱚᱯᱚᱱ ᱮᱨᱟ ᱢᱮᱱᱟᱭᱟ ᱾ ᱦᱚᱯᱚᱱᱮᱨᱟ ᱨᱩᱪᱤᱠᱟ ᱦᱚᱸ ᱟᱹᱰᱤ ᱞᱟᱥᱮᱨ ᱦᱟᱛᱟᱝ ᱟᱹᱱᱤᱡ ᱠᱟᱱᱟᱭ ᱾ ᱩᱱᱤ ᱫᱤ ᱫᱤᱞᱤ ᱨᱮᱭᱟᱜ ᱰᱤ ᱮ ᱵᱷᱤ ᱤᱥᱠᱩᱞ ᱨᱮ ᱚᱞᱚᱜ ᱠᱟᱱᱟᱭ ᱾ ᱟᱹᱠᱤᱱᱤᱡ ᱦᱚᱯᱚᱱ ᱨᱚᱦᱚᱱ ᱦᱚᱸ ᱢᱮᱴᱨᱤᱠ ᱵᱤᱱᱤᱰ ᱮ ᱮᱢ ᱟᱠᱟᱜ-ᱟ ᱾

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱩᱨᱢᱩ ᱜᱚᱢᱠᱮ ᱮᱛᱚᱦᱚᱵ ᱥᱮᱪᱮᱫ ᱫᱚ ᱟᱹᱛᱩ ᱥᱩᱨ ᱨᱮ ᱢᱮᱱᱟᱜ ᱵᱷᱩᱨᱩᱰᱩᱵᱚᱬᱤ ᱮᱛᱚᱦᱚᱵ ᱟᱥᱲᱟ ᱠᱷᱚᱱ ᱮ ᱮᱦᱚᱵ ᱞᱮᱜ-ᱟ ᱾ ᱚᱱᱟ ᱛᱟᱭᱚᱢ ᱵᱮᱛᱱᱚᱴᱤ ᱥᱚᱨᱚᱛ ᱪᱚᱱᱫᱽᱨᱚ ᱵᱤᱫᱽᱭᱟᱯᱤᱴᱷᱚ ᱟᱨ ᱵᱟᱨᱤᱯᱚᱫᱟ ᱨᱮ ᱢᱮᱱᱟᱜ ᱟᱨ ᱮᱢ ᱯᱤ ᱥᱤ ᱩᱥᱩᱞ ᱟᱥᱲᱟ ᱨᱮ ᱯᱟᱲᱦᱟᱣ ᱥᱟᱹᱛ ᱠᱟᱛᱮ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱵᱷᱩᱵᱽᱱᱮᱥᱚᱨ ᱨᱮ ᱢᱮᱱᱟᱜ ᱩᱛᱠᱚᱲ ᱡᱮᱜᱮᱛ ᱵᱤᱨᱫᱟᱹᱜᱟᱲ (Utkal University) ᱠᱷᱚᱱ ᱨᱟᱡᱽᱟᱹᱨᱤ ᱥᱟᱬᱮᱥ (Political Science) ᱨᱮ ᱮᱢᱹᱮ (MA) ᱥᱟᱹᱛ ᱠᱮᱜ-ᱟ ᱾ ᱚᱱᱟ ᱛᱟᱭᱚᱢ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮ ᱚᱞᱚᱜ ᱥᱟᱶᱛᱮ ᱡᱩᱢᱤᱫ ᱯᱚᱱᱚᱛ (United Kingdom) ᱨᱮᱱᱟᱜ ᱵᱚᱨᱢᱤᱝᱦᱟᱢ ᱡᱮᱜᱮᱛ ᱵᱤᱨᱫᱟᱹᱜᱟᱲ (University of Birmingham) ᱠᱷᱚᱱ ᱫᱤᱥᱩᱣᱟᱹ ᱥᱮᱵᱟ (Public Services) ᱥᱟᱛᱟᱢ ᱨᱮ ᱮᱢᱹᱵᱤᱹᱮ (MBA) ᱯᱟᱲᱦᱟᱣ ᱞᱮᱱ ᱛᱟᱦᱮᱸᱫ ᱾ [᱕]

ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱫᱤᱥᱚᱢ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱨᱟᱢᱱᱟᱛᱷ ᱠᱚᱵᱤᱱᱫᱽ ᱦᱚᱛᱮᱛᱮ ᱢᱩᱨᱢᱩ ᱜᱚᱢᱠᱮ ᱫᱚ ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱨᱤᱱᱤᱡ ᱞᱮᱣᱴᱤᱱᱟᱱᱴ ᱜᱚᱵᱷᱚᱨᱱᱚᱨ (Lieutenant Governor) ᱞᱮᱠᱟᱛᱮ ᱵᱟᱦᱟᱞ ᱠᱮᱫᱮᱭᱟᱭ ᱓᱑ ᱚᱠᱴᱚᱵᱚᱨ ᱒᱐᱑᱙ ᱠᱷᱚᱱ ᱾ [᱖] ᱱᱚᱶᱟ ᱞᱟᱦᱟ ᱛᱮ ᱢᱟᱨᱪ ᱒᱐᱑᱙ ᱠᱷᱚᱱ ᱜᱚᱢᱠᱮ ᱫᱚ ᱠᱟᱹᱣᱰᱤ ᱢᱚᱱᱛᱨᱟᱭᱲᱟᱜ (ministry) ᱨᱮ ᱠᱷᱚᱨᱚᱪ ᱥᱩᱛᱨᱮᱛ (Expenditure Secretary) ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ ᱾[᱗]

ᱵᱟᱨᱦᱮ ᱡᱚᱲᱟᱣᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "GC Murmu appointed as J&K Lt Guv, RK Mathur for Ladakh". Deccan Herald (in ᱟᱝᱜᱽᱨᱮᱡᱤ). 2019-10-25. Retrieved 2019-10-25. 
  2. http://www.persmin.nic.in/ersheet/MultipleERS.asp?HiddenStr=01GJ024700
  3. http://www.business-standard.com/article/pti-stories/g-c-murmu-appointed-as-jt-sec-in-department-of-expenditure-115040200026_1.html
  4. ᱔.᱐ ᱔.᱑ "ᱢᱟᱱ ᱜᱤᱨᱤᱥ ᱪᱚᱸᱫᱽᱨᱚ ᱢᱩᱨᱢᱩ ᱡᱟᱢᱩ ᱠᱟᱥᱢᱤᱨ ᱨᱤᱱᱤᱡ ᱩᱯᱚ ᱨᱟᱡᱭᱚᱯᱟᱲ". ᱯᱷᱟᱹᱜᱩᱱ (ᱪᱟᱸᱫᱚᱠᱤᱭᱟᱹ ᱥᱟᱱᱛᱟᱲᱤ ᱵᱮᱣᱨᱟ ᱥᱟᱠᱟᱢ). ᱑᱒ (᱘). ᱵᱷᱩᱵᱚᱱᱮᱥᱚᱨ. ᱒᱐᱑᱙-᱑᱑-᱒᱔. p. ᱑. 
  5. Desk, Express Web (2019-10-25). "Girish Chandra Murmu, the first Lieutenant Governor of J&K". The Indian Express. Retrieved 2019-10-26. 
  6. "PRESIDENT OF INDIA APPOINTS GOVERNORS/LIEUTENANT GOVERNORS". The President of India. Retrieved 2019-10-26. 
  7. "Meet the Secretary/DEPARTMENT OF Expenditure - GoI". MoF (in Latin). Retrieved 2019-10-26.