ᱵᱟᱦᱟ ᱯᱚᱨᱚᱵᱽ
ᱵᱟᱦᱟ ᱯᱚᱨᱚᱵᱽ ᱫᱚ ᱦᱚᱲ ᱦᱚᱯᱚᱱᱟᱜ ᱫᱚᱥᱟᱨ ᱢᱟᱨᱟᱝ ᱯᱚᱨᱚᱵᱽ ᱠᱟᱱᱟ ᱾ ᱯᱷᱟᱹᱜᱩᱱ ᱵᱚᱸᱜᱟ ᱢᱩᱞᱩᱜ ᱢᱚᱬᱮ ᱢᱟᱦᱟᱸ ᱦᱤᱞᱚᱜ ᱠᱷᱚᱱ ᱱᱤᱭᱟᱹ ᱯᱚᱨᱚᱵᱽ ᱫᱚ ᱦᱩᱭᱩᱜᱼᱟ ᱾[᱑]
ᱵᱟᱦᱟ ᱯᱚᱨᱚᱵᱽ ᱨᱮᱱᱟᱜ ᱱᱤᱭᱟᱹᱢ ᱟᱹᱱᱟᱹᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱡᱟᱦᱮᱨ ᱛᱷᱟᱱ ᱨᱮ ᱵᱟᱦᱟ ᱵᱚᱸᱜᱟ ᱫᱚ ᱦᱩᱭᱩᱜᱼᱟ; ᱵᱟᱦᱟ ᱯᱚᱨᱚᱵᱽ ᱨᱮᱱᱟᱜ ᱫᱤᱱ ᱫᱚ ᱦᱩᱭᱩᱜ ᱠᱟᱱᱟ ᱯᱷᱟᱹᱜᱩᱱ ᱵᱚᱸᱜᱟ ᱨᱮᱭᱟᱜ ᱢᱩᱞᱩᱜ ᱢᱚᱬᱮ ᱢᱟᱦᱟᱸ ᱦᱤᱞᱚᱜ ᱵᱟᱦᱟ ᱯᱚᱨᱚᱵᱽ ᱫᱚ ᱯᱮ ᱫᱤᱱ ᱦᱩᱭᱩᱜᱼᱟ ᱾ ᱯᱟᱹᱦᱤᱞ ᱫᱤᱱ ᱫᱚᱠᱚ ᱢᱮᱛᱟᱜᱼᱟ ᱩᱢ ᱢᱟᱦᱟ, ᱫᱚᱥᱟᱨ ᱫᱤᱱ ᱫᱚᱠᱚ ᱢᱮᱛᱟᱜᱼᱟ ᱵᱟᱦᱟ ᱥᱟᱹᱨᱫᱤ ᱢᱟᱦᱟᱸ ᱛᱮᱥᱟᱨ ᱢᱟᱦᱟ ᱫᱚ ᱦᱩᱭᱩᱜ ᱠᱟᱱᱟ ᱵᱟᱦᱟ ᱡᱟᱞᱮ ᱾
ᱩᱢ ᱢᱟᱦᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱹᱛᱩ ᱨᱤᱱᱤᱡ ᱱᱟᱭᱠᱮ ᱵᱟᱵᱟ ᱩᱢ ᱢᱟᱦᱟᱸ ᱦᱤᱞᱚᱜ ᱱᱟᱣᱟ ᱠᱤᱪᱨᱤᱫ ᱢᱮᱱᱮᱠ ᱯᱩᱸᱰ ᱫᱷᱩᱛᱤ ᱦᱚᱨᱚᱜ ᱠᱟᱛᱮᱫ ᱡᱟᱦᱮᱨ ᱛᱷᱟᱱ ᱨᱮᱭ ᱵᱚᱸᱜᱟᱭᱟ ᱾ ᱠᱟᱸᱥᱟ ᱛᱷᱟᱹᱨᱤ ᱛᱮ ᱜᱩᱨᱤᱡ, ᱥᱤᱸᱫᱩᱨ,ᱯᱷᱟᱹᱜᱩᱱ ᱨᱮᱱᱟᱜ ᱱᱟᱣᱟ ᱵᱟᱦᱟ ᱠᱚ ᱥᱟᱡᱟᱣ ᱠᱟᱛᱮᱫ ᱡᱟᱦᱮᱨ ᱛᱷᱟᱱ ᱨᱮᱭ ᱵᱚᱸᱜᱟᱭᱟ ᱾ ᱵᱚᱸᱜᱟᱭᱟ ᱞᱟᱦᱟ ᱨᱮ ᱜᱩᱨᱤᱡ ᱛᱮ ᱡᱟᱦᱮᱨ ᱛᱷᱟᱱᱮ ᱜᱩᱨᱤᱡ ᱞᱟᱦᱟᱭᱟ ᱾ ᱚᱱᱟ ᱛᱟᱭᱚᱢ ᱵᱚᱸᱜᱟ ᱵᱟᱲᱟ ᱠᱟᱛᱮ ᱟᱹᱛᱩ ᱛᱮᱭ ᱨᱩᱭᱟᱹᱲᱚᱜᱼᱟ ᱾
ᱱᱟᱭᱠᱮ ᱟᱹᱛᱩ ᱨᱮ ᱨᱩᱣᱟᱹᱲ ᱠᱟᱛᱮᱫ ᱠᱚᱲᱟ ᱜᱤᱫᱽᱨᱟᱹ ᱠᱚ ᱥᱮᱸᱫᱽᱨᱟ ᱠᱚ ᱪᱟᱞᱟᱜᱼᱟ ᱾ ᱧᱩᱦᱩᱢ ᱞᱟᱦᱟᱨᱮ ᱥᱮᱸᱫᱽᱨᱟ ᱠᱷᱚᱱ ᱨᱩᱣᱟᱹᱲ ᱠᱟᱛᱮᱫ ᱡᱚᱛᱚ ᱠᱚᱜᱮ ᱱᱟᱭᱠᱮ ᱭᱟᱜ ᱚᱲᱟᱜ ᱠᱚ ᱪᱟᱞᱟᱜᱼᱟ ᱾ ᱟᱫᱚ ᱮᱱᱮᱡ ᱥᱮᱨᱮᱧ ᱮᱦᱚᱵᱼᱮᱱ ᱠᱷᱟᱱ ᱡᱟᱦᱮᱨ ᱮᱨᱟ, ᱢᱟᱨᱟᱝ ᱵᱩᱨᱩ ᱟᱨ ᱯᱟᱨᱜᱟᱱᱟ ᱵᱚᱸᱜᱟ ᱯᱮᱭᱟ ᱠᱚᱲᱟ ᱴᱷᱮᱱ ᱠᱚ ᱨᱩᱢᱩᱜᱼᱟ ᱾ ᱟᱫᱚ ᱡᱟᱦᱮᱨ ᱮᱨᱟ ᱱᱟᱭᱠᱮ ᱴᱷᱮᱱ ᱥᱟᱠᱚᱢ, ᱢᱟᱨᱟᱝ ᱵᱩᱨᱩ ᱟᱜ ᱥᱟᱨ ᱟᱨ ᱯᱟᱨᱜᱟᱱᱟ ᱵᱚᱝᱜᱟ ᱰᱟᱹᱞᱤᱡ ᱪᱮ ᱫᱟᱹᱣᱲᱟ ᱟᱨ ᱡᱚᱱᱚᱜᱼᱮ ᱠᱷᱚᱡᱚᱜᱼᱟ ᱾ ᱤᱱᱟᱹ ᱛᱟᱭᱚᱢ ᱡᱚᱛᱚ ᱠᱚᱜᱮ ᱡᱟᱦᱮᱨ ᱴᱟᱺᱰᱤ ᱨᱮᱠᱚ ᱪᱟᱞᱟᱜᱼᱟ ᱾ ᱯᱟᱨᱜᱟᱱᱟ ᱵᱚᱸᱜᱟ ᱡᱚᱜ ᱯᱷᱩᱨᱪᱟᱹᱭᱟ, ᱡᱟᱦᱮᱨ ᱮᱨᱟ ᱜᱮᱡ ᱜᱩᱨᱤᱡᱟᱭ ᱟᱨ ᱢᱟᱨᱟᱝ ᱵᱩᱨᱩ ᱫᱚ ᱟᱜᱼᱥᱟᱨ ᱱᱤᱭᱟᱹᱛᱮ ᱯᱟᱨᱦᱟᱭᱟᱭ ᱾ ᱠᱟᱹᱢᱤ ᱢᱩᱪᱟᱹᱫ ᱠᱟᱛᱮᱫ ᱟᱹᱛᱩ ᱨᱮ ᱨᱩᱣᱟᱹᱲ ᱠᱟᱛᱮᱫ ᱡᱟᱹᱲᱠᱚ ᱞᱟᱹᱭ ᱠᱚᱣᱟ ᱾ ᱱᱟᱭᱠᱮ ᱵᱟᱵᱟ ᱯᱮᱭᱟ ᱵᱚᱸᱜᱟᱭᱟ ᱠᱩᱞᱤ ᱠᱚᱣᱟ ᱱᱤᱭᱟ ᱥᱮᱨᱢᱟ ᱨᱩᱣᱟᱹ ᱦᱟᱥᱩ, ᱫᱟᱜ ᱡᱟᱹᱯᱩᱫ, ᱟᱵᱟᱫᱽ ᱥᱩᱵᱟᱫ ᱪᱮᱫ ᱞᱮᱠᱟ ᱦᱩᱭᱩᱜᱼᱟ ᱾ ᱟᱫᱚ ᱩᱱᱠᱩ ᱚᱱᱟ ᱡᱚᱛᱚ ᱠᱩᱠᱞᱤ ᱨᱮᱭᱟᱜ ᱛᱮᱞᱟᱠᱚ ᱨᱩᱣᱟᱹᱲᱟ ᱟᱨ ᱛᱟᱭᱚᱢ ᱫᱟᱨᱟᱢ ᱪᱮᱫ ᱞᱮᱠᱟ ᱪᱟᱞᱟᱜ ᱦᱩᱭᱩᱜᱼᱟ ᱚᱱᱟ ᱠᱚᱠᱚ ᱞᱟᱹᱭ ᱥᱚᱫᱚᱨᱟ ᱾ ᱤᱱᱟ ᱛᱟᱭᱚᱢ ᱥᱟᱨᱟ ᱧᱤᱫᱟᱹ ᱮᱱᱮᱡ ᱥᱮᱨᱮᱧ ᱞᱮᱛᱟᱲᱚᱜᱼᱟ ᱿
ᱵᱟᱦᱟ ᱥᱮᱨᱮᱧ ᱠᱚ ᱥᱮᱨᱮᱧᱟ ᱱᱚᱝᱠᱟ :
ᱵᱟᱦᱟ ᱵᱚᱸᱜᱟ ᱯᱤᱨᱤᱞ ᱯᱤᱨᱤᱞᱪᱟᱸᱫᱚᱭ ᱢᱩᱞᱩᱜᱼᱮᱱ
ᱵᱟᱦᱟ ᱡᱚᱛᱮ ᱯᱚᱨᱚᱭ ᱯᱚᱨᱚᱭ
ᱫᱤᱥᱚᱢ ᱯᱩᱞᱩᱜᱼᱮᱱ᱾
ᱦᱟᱞᱟᱭ ᱫᱟᱞᱟᱭ ᱵᱟᱦᱟᱭᱮᱱᱟ
ᱥᱟᱹᱨᱤ ᱥᱟᱨᱡᱚᱢ
ᱫᱟᱨᱮ ᱯᱮᱨᱮᱡ ᱜᱮᱞᱮᱭᱮᱱᱟ
ᱠᱷᱚᱫᱮ ᱢᱟᱛᱠᱚᱢ᱿
ᱥᱟᱹᱨᱫᱤ ᱢᱟᱦᱟᱸ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱨᱫᱤ ᱢᱟᱦᱟᱸ ᱦᱤᱞᱚᱜ ᱫᱚ ᱥᱮᱛᱟᱜ ᱨᱮ ᱱᱟᱭᱠᱮ ᱮᱨᱟ ᱛᱩᱯᱩ ᱯᱷᱟᱨᱪᱟ ᱠᱟᱛᱮ ᱵᱚᱸᱜᱟ ᱵᱩᱨᱩ ᱵᱟᱠᱷᱨᱟ ᱩᱠᱷᱩᱲ ᱨᱮ ᱦᱚᱞᱚᱝ ᱮ ᱦᱩᱲᱩᱝ-ᱟ ᱾ ᱟᱨ ᱱᱟᱭᱠᱮ ᱦᱚᱸ ᱡᱟᱦᱮᱨ ᱛᱮ ᱪᱟᱞᱟᱜ ᱞᱟᱹᱜᱤᱫ ᱮ ᱥᱟᱯᱲᱟᱣᱚᱜᱼᱟ᱾ ᱟᱹᱛᱩ ᱥᱟᱱᱟᱢ ᱦᱚᱲ ᱠᱚ ᱮᱱᱮᱡᱟ ᱠᱟᱛᱮ ᱠᱚ ᱤᱫᱤᱭᱮᱟ ᱾ ᱵᱚᱸᱜᱟ ᱥᱟᱢᱟᱱ ᱠᱚ ᱢᱤᱫᱴᱟᱹᱝ ᱱᱟᱣᱟ ᱦᱟᱴᱟᱜ ᱨᱮ ᱞᱮᱸᱜᱟ ᱛᱤ ᱛᱮ ᱦᱮᱨᱢᱮᱫ ᱠᱟᱛᱮ,ᱡᱚᱡᱚᱢ ᱛᱤ ᱛᱮ ᱢᱤᱫ ᱞᱚᱴᱟ ᱫᱟᱜ ᱛᱮᱣᱮᱧ ᱠᱟᱛᱮᱛᱭ ᱩᱰᱩᱠ ᱪᱟᱞᱟᱜᱼᱟ᱾ ᱢᱤᱫᱴᱟᱹᱝ ᱰᱟᱹᱝᱣᱟᱹ ᱠᱚᱲᱟ ᱜᱤᱫᱽᱨᱟᱹ ᱥᱟᱹᱜᱩᱱ ᱥᱩᱯᱟᱹᱲᱤ ᱠᱚ ᱜᱚᱜ ᱦᱚᱪᱚᱭᱮᱭᱟ (ᱟᱹᱣᱨᱤ ᱪᱷᱟᱹᱴᱤᱭᱟᱹᱨ ᱠᱚᱫᱚ ᱵᱟᱝᱠᱚ ᱜᱚᱜ ᱦᱚᱪᱚ ᱠᱚᱣᱟ) ᱟᱨ ᱫᱟᱬᱮ ᱠᱚᱠᱚ ᱥᱟᱶ ᱛᱚᱨᱟ ᱠᱚᱣᱟ᱾ ᱡᱟᱦᱮᱨ ᱨᱮ ᱵᱚᱞᱚᱱᱟ ᱚᱠᱛᱚ ᱢᱟᱹᱡᱷᱤ ᱛᱷᱟᱱ ᱴᱷᱮᱱ ᱯᱮ ᱫᱷᱟᱣ ᱱᱟᱭᱠᱮ ᱫᱚ ᱟ.ᱪᱩᱨᱚᱜ ᱟᱭ, ᱚᱱᱟ ᱥᱟᱶᱛᱮ ᱮᱱᱮᱡ ᱠᱚᱦᱚᱸ ᱠᱚ ᱟ.ᱪᱩᱨᱚᱜᱼᱟ᱾ ᱚᱸᱰᱮ ᱠᱷᱚᱱ ᱠᱚ ᱞᱟᱦᱟ ᱪᱟᱞᱟᱜᱼᱟ ᱜᱳᱸᱥᱟᱲᱮᱭᱟᱜ ᱛᱷᱟᱱ ᱥᱮᱫ᱾ ᱚᱸᱰᱮᱦᱚᱸ ᱚᱱᱠᱟ ᱜᱮᱠᱚ ᱟᱹᱪᱩᱨᱚᱜ ᱛᱮ ᱟᱫᱚ ᱡᱟᱦᱮᱨ ᱛᱷᱟᱱ ᱴᱷᱮᱱ ᱠᱚ ᱥᱮᱴᱮᱨᱚᱜᱼᱟ᱾ ᱥᱮᱴᱮᱨ ᱠᱟᱛᱮ ᱚᱱᱟ ᱡᱟᱦᱮᱨ ᱛᱷᱟᱱ ᱨᱮᱦᱚᱸ ᱯᱮ ᱫᱷᱟᱣ ᱠᱚ ᱟᱹᱪᱩᱨᱚᱜᱼᱟ᱾ ᱚᱱᱟ ᱛᱟᱭᱚᱢ ᱱᱟᱭᱠᱮ ᱫᱚ ᱯᱩᱵᱽ ᱥᱮᱫ ᱥᱟᱢᱟᱝ ᱠᱟᱛᱮ ᱵᱚᱸᱜᱟᱜ ᱟᱫᱚᱭ ᱫᱩᱲᱩᱵᱼᱟ᱾ ᱮᱱᱮᱡ ᱠᱚ ᱟᱨ ᱫᱚᱚᱚᱱ ᱠᱚᱲᱟ ᱠᱚᱫᱚ ᱵᱚᱸᱜᱟ ᱠᱚᱠᱚ ᱚᱬᱦᱮᱸ ᱥᱮᱴᱮᱨ ᱠᱚᱣᱟ᱾ ᱱᱟᱭᱠᱮ ᱫᱚ ᱩᱱᱨᱮ ᱟᱫᱚ ᱵᱚᱸᱜᱟ ᱛᱷᱟᱱ ᱠᱚ ᱜᱩᱨᱤᱡᱽ ᱮ ᱮᱛᱚᱦᱚᱵᱚᱜᱼᱟ᱾
ᱥᱮᱨᱮᱧ
(ᱨᱟᱦᱟ ᱫᱚ ᱵᱟᱦᱟ)
ᱪᱮᱛᱮ ᱠᱷᱟᱹᱛᱤᱨ ᱮᱱᱟ ᱪᱷᱤᱛᱟᱹᱢ ᱛᱟᱭᱚᱢ ᱮᱱᱟ, ᱪᱮᱛᱮ ᱠᱷᱟᱹᱛᱤᱨ ᱮᱱᱟ ᱪᱷᱤᱛᱟᱹᱢ ᱵᱤᱞᱚᱢ ᱮᱱᱟ--? ᱜᱮᱡ ᱜᱩᱨᱤᱡ ᱛᱮᱜᱮ ᱜᱚᱸᱥᱟᱭ ᱤᱧ ᱛᱟᱭᱚᱢ ᱮᱱᱟ, ᱞᱟᱲ ᱞᱟᱢᱟᱜ ᱛᱮᱜᱮ ᱜᱚᱸᱥᱟᱭ ᱤᱧᱫᱩᱧ ᱵᱤᱞᱚᱢ ᱮᱱᱟ, ᱪᱮᱛᱮ ᱛᱮᱫᱚ ᱮᱱᱟ ᱪᱷᱤᱛᱟᱹᱢ ᱜᱩ ᱜᱩᱨᱤᱡ ᱠᱟᱱᱟ, ᱪᱮᱛᱮ ᱛᱮᱫᱚ ᱮᱱᱟ ᱪᱷᱤᱛᱟᱹᱢ ᱞᱟᱲᱮ ᱞᱟᱢᱟᱜ ᱮᱫ? ᱛᱳᱣᱟ ᱛᱮᱜᱮ ᱤᱧ ᱫᱚ ᱜᱚᱸᱥᱟᱭ ᱤᱧ ᱜᱩᱼᱜᱩᱨᱤᱡ ᱠᱟᱱ ᱫᱟᱦᱮ ᱛᱮᱜᱮ ᱤᱧ ᱫᱚ ᱜᱚᱸᱥᱟᱭ ᱤᱧ ᱞᱟᱲᱮ ᱞᱟᱢᱟᱜ ᱮᱫ ᱾
ᱵᱟᱥᱠᱮᱹ ᱢᱟᱦᱟᱸ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱥᱠᱮ ᱢᱟᱦᱟᱸ ᱫᱚ ᱵᱟᱦᱟᱸ ᱵᱟᱥᱠᱮ,ᱟᱜ ᱨᱟᱲᱟ ᱫᱤᱱ ᱟᱨ ᱥᱮᱸᱫᱽᱨᱟ ᱢᱟᱦᱟᱸ ᱦᱚᱸᱠᱚ ᱢᱮᱛᱟᱜ ᱟ ᱾ ᱵᱟᱥᱠᱮ ᱢᱟᱦᱟᱸ ᱦᱤᱡᱩᱜ ᱫᱚ ᱟᱡᱟᱫᱤᱭᱟᱹ ᱵᱳᱨᱳ ᱥᱮᱸᱫᱽᱨᱟ ᱠᱚ ᱪᱟᱞᱟᱜ ᱟ ᱾ ᱥᱮᱸᱫᱽᱨᱟ ᱩᱱᱠᱩ ᱠᱚᱲᱟ ᱠᱚ ᱪᱟᱞᱟᱜ ᱟ ᱡᱟᱦᱟᱸᱭ ᱠᱚᱣᱟᱜ ᱛᱳᱣᱟ ᱰᱟᱴᱟ ᱧᱩᱨ ᱠᱚᱜ ᱛᱟᱠᱚᱣᱟ ᱟᱨ ᱵᱚᱦᱚᱜ ᱥᱚᱲᱮ ᱡᱚᱢ ᱠᱚ ᱜᱟᱱᱚᱜᱟ ᱟ ᱩᱱᱠᱩ ᱜᱮ ᱥᱮᱸᱫᱽᱨᱟ ᱫᱚᱠᱚ ᱪᱟᱞᱟᱜ ᱟ᱾ ᱵᱟᱹᱦᱩᱟᱱ ᱠᱚᱲᱟ ᱠᱚᱫᱚ ᱟᱠᱚ ᱥᱟᱶᱛᱮ ᱟᱠᱚ ᱨᱤᱱ ᱵᱟᱹᱦᱩᱣᱟᱜ ᱢᱮᱬᱦᱮᱫ ᱥᱟᱠᱚᱢ ᱠᱚ ᱤᱫᱤᱛᱟᱨᱟᱭᱟ ᱠᱚ ᱾ᱥᱮᱸᱫᱽᱨᱟ ᱚᱠᱛᱚ ᱨᱮ ᱟᱹᱭᱩᱵ ᱵᱮᱲᱟ ᱫᱚ ᱥᱩᱛᱟᱹᱱ ᱴᱟᱺᱰᱤ ᱨᱮ ᱠᱚ ᱡᱤᱨᱟᱹᱣ ᱠᱚᱜᱼᱟ᱾ ᱥᱩᱛᱟᱹᱱ ᱴᱟᱺᱰᱤ ᱫᱚ ᱡᱟᱦᱟᱸ ᱨᱮᱠᱚ ᱡᱤᱨᱟᱹᱣᱜᱼᱟ ᱥᱮ ᱜᱤᱯᱤᱛᱤᱡᱽ ᱦᱟᱹᱴᱤᱧ ᱜᱮ ᱥᱩᱛᱟᱹᱱ ᱴᱟᱺᱰᱤ ᱫᱚ ᱠᱚ ᱢᱮᱛᱟᱜ ᱟ ᱾ ᱥᱮᱸᱫᱽᱨᱟ ᱦᱤᱞᱚᱜ ᱜᱮ ᱠᱟᱹᱞᱠᱟᱹ ᱫᱚᱠᱚ ᱩᱴᱷᱟᱹᱣᱟ᱾ ᱠᱟᱹᱞᱠᱟᱹ ᱫᱚ ᱚᱱᱟ ᱠᱷᱟᱹᱛᱤᱨ ᱠᱚ ᱩᱷᱟᱹᱣᱟ ᱡᱮ ᱢᱤᱫᱴᱟᱹᱝ ᱡᱤᱭᱟᱹᱞᱤ ᱵᱟᱡᱟᱣ ᱟᱠᱟᱫᱮ ᱨᱮᱭᱟᱜ ᱟᱹᱰᱤ ᱦᱚᱲ ᱦᱚᱠ ᱠᱚ ᱡᱟᱹᱨᱤᱭᱟ ᱤᱱᱟ. ᱚᱠᱛᱚ ᱨᱮ ᱥᱟᱹᱨᱤ ᱠᱟᱛᱷᱟ ᱵᱟᱰᱟᱭ ᱞᱟᱹᱜᱤᱫ ᱛᱮ ᱫᱷᱚᱨᱚᱢ ᱧᱩᱛᱩᱢ ᱛᱮ ᱜᱩᱨᱤᱡᱽ ᱠᱟᱛᱮ ᱫᱷᱚᱨᱚᱢ ᱧᱩᱛᱩᱢ ᱛᱮ ᱯᱮ ᱴᱤᱰᱟᱹᱜ ᱥᱤᱸᱫᱩᱨ ᱠᱚ ᱴᱤᱰᱟᱹᱜ ᱼᱟ ᱾ ᱵᱮᱲᱟ ᱨᱟᱠᱟᱱ ᱥᱮᱫ ᱥᱟᱢᱟᱝ ᱠᱟᱛᱮ ᱢᱟᱬᱟᱝ ᱥᱮᱫ ᱨᱮᱫᱚ ᱟᱜ ᱥᱟᱨ ᱟᱨ ᱠᱷᱟᱹᱰᱭᱟᱹᱜ ᱠᱚ ᱫᱚᱦᱚᱭᱟ ᱚᱱᱟ ᱛᱟᱭᱚᱢ ᱩᱱᱤ ᱡᱤᱭᱟᱹᱞᱤᱭᱟᱜ ᱤᱧᱵᱚᱨᱚ ᱚᱰᱚᱠ ᱠᱟᱛᱮ ᱛᱤᱱᱟᱹᱜ ᱦᱚᱲ ᱠᱚ ᱦᱚᱠ ᱡᱟᱹᱨᱤᱮᱫᱼ ᱟ ᱩᱱ ᱴᱷᱮᱱ ᱚᱱᱟ ᱤᱧᱵᱚᱨᱚ ᱠᱚ ᱫᱚᱦᱚᱭᱟ᱾ ᱚᱱᱟ ᱛᱟᱭᱚᱢ ᱠᱚ ᱵᱟᱠᱷᱮᱬᱟ᱾
ᱠᱟᱹᱞᱠᱟᱹ ᱩᱴᱷᱟᱹᱣ ᱵᱟᱠᱷᱮᱬᱺ-
ᱢᱟ ᱮᱱᱠᱷᱟᱱ ᱫᱷᱚᱨᱚᱢ ᱜᱚᱥᱟᱸᱭ ᱛᱮᱦᱮᱸᱧ ᱫᱚ
ᱱᱚᱣᱟ ᱨᱮᱱᱟᱝ ᱵᱟᱝ ᱞᱮ ᱥᱟᱞᱟᱜ ᱜᱚᱴᱟ ᱫᱟᱲᱮᱭᱟᱜ ᱠᱷᱟᱹᱛᱤᱨ
ᱟᱢ ᱧᱩᱛᱩᱢ ᱠᱟᱛᱮ ᱫᱷᱚᱨᱚᱢ ᱠᱟᱹᱞᱠᱟᱹ ᱞᱮ ᱩᱴᱷᱟᱹᱣᱮᱫ ᱠᱟᱱᱟ
ᱜᱚᱥᱟᱸᱭ ᱾
ᱛᱮᱦᱮᱸᱧ ᱫᱚ ᱟᱢ ᱜᱮ ᱱᱚᱣᱟ ᱥᱩᱛᱟᱹᱱ ᱴᱟᱺᱰᱤ ᱥᱟᱹᱠᱷᱤ ᱫᱚᱦᱚ
ᱠᱟᱛᱮ
ᱥᱟᱹᱨᱤ ᱟᱨ ᱮᱲᱮ ᱞᱮ ᱯᱟᱸᱡᱟᱭᱮᱫ ᱠᱟᱱ ᱵᱟᱪᱷᱟᱣ ᱮᱫ ᱠᱟᱱ
ᱜᱚᱥᱟᱸᱭ ᱾
ᱢᱟ ᱮᱱᱠᱷᱟᱱ ᱥᱟᱹᱨᱤ ᱫᱚ ᱡᱟᱭ ᱡᱩᱜ ᱥᱟᱹᱨᱤ ᱠᱚᱜ ᱵᱟᱲᱮ
ᱜᱚᱥᱟᱸᱭ ᱾
ᱛᱮᱦᱮᱸᱧ ᱱᱩᱠᱩ ᱠᱚ ᱢᱩᱫ ᱨᱮ ᱡᱟᱦᱟᱸᱭ ᱮᱲᱮ ᱠᱟᱛᱷᱟ ᱞᱟᱹᱭ
ᱥᱟᱹᱨᱤ ᱞᱮᱵᱮᱫ ᱞᱚᱴᱚᱢᱮᱫ ᱟᱭ
ᱩᱱᱤ ᱫᱚ ᱮᱠᱟᱞ ᱜᱮ ᱵᱟᱲᱮ ᱟᱞᱚᱢ ᱤᱠᱟᱹᱭᱮᱭᱟ ᱜᱚᱥᱟᱸᱭ ᱾
ᱥᱟᱹᱨᱤ ᱫᱚ ᱡᱤᱭᱟᱹᱲ ᱫᱚᱦᱚ ᱠᱟᱛᱮ
ᱮᱲᱮ ᱠᱟᱛᱷᱟ ᱞᱟᱹᱭ ᱤᱡ ᱫᱚ ᱥᱟᱥᱮᱛ ᱮᱢᱟᱭ ᱢᱮ ᱵᱟᱲᱮ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Islam, Mazharul (1985). Folklore, the Pulse of the People: In the Context of Indic Folklore (in ᱟᱝᱜᱽᱨᱮᱡᱤ). Concept Publishing Company.