ᱥᱟᱨᱱᱟ ᱫᱷᱚᱨᱚᱢ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱥᱟᱨᱱᱟ ᱫᱷᱚᱨᱚᱢ ᱩᱯᱨᱩᱢ ᱪᱤᱱᱦᱟᱹ
  • ᱦᱚᱲ ᱦᱚᱯᱚᱱ ᱥᱟᱱᱛᱟᱲ ᱠᱚᱣᱟᱜ ᱫᱷᱚᱨᱚᱢ ᱫᱚ ᱥᱟᱨᱱᱟ ᱠᱟᱱᱟ ᱾ ᱥᱟᱱᱛᱟᱲ, ᱞᱟᱲᱠᱟ, ᱢᱟᱦᱞᱮ, ᱢᱩᱱᱰᱟᱹ ᱢᱮᱱᱢᱮ ᱡᱟᱦᱟᱸᱭ ᱠᱚ ᱡᱟᱦᱮᱨ ᱜᱟᱲ ᱫᱷᱤᱨᱤ ᱜᱟᱲ ᱨᱮᱠᱚ ᱵᱚᱝᱜᱟᱜ ᱠᱟᱱᱟ ᱢᱮᱱᱫᱚ ᱵᱤᱨ ᱵᱩᱨᱩ ᱫᱷᱤᱨᱤ ᱫᱟᱨᱮ ᱥᱩᱨ ᱨᱮ ᱛᱟᱦᱮᱱ ᱥᱟᱱᱟᱢ ᱟᱹᱫᱤᱵᱟᱹᱥᱤ ᱠᱷᱮᱨᱣᱟᱲ, ᱩᱱᱠᱩᱣᱟᱜ ᱫᱷᱚᱨᱚᱢ ᱜᱮ ᱥᱟᱨᱱᱟ ᱫᱷᱚᱨᱚᱢ ᱫᱚ ᱾ ᱥᱟᱨᱱᱟ ᱫᱷᱚᱨᱚᱢ ᱦᱚᱲ ᱫᱚ ᱥᱤᱨᱤᱡ ᱵᱚᱸᱜᱟᱦᱟᱜ ᱦᱚᱲ ᱠᱟᱱᱟ ᱠᱚ, ᱢᱩᱸᱴᱷᱟᱹᱱ ᱵᱚᱸᱜᱟ ᱦᱚᱲ ᱫᱚᱠᱚ ᱵᱟᱝ ᱠᱟᱱᱟ ᱾

ᱛᱚᱵᱮ ᱠᱤᱪᱷᱩᱜᱟᱱ ᱥᱟᱱᱛᱟᱲ ᱫᱚ ᱥᱟᱨᱤ ᱫᱷᱚᱨᱚᱢ ᱫᱷᱚᱨᱚᱢ ᱠᱚ ᱢᱟᱱᱟᱣ ᱟᱜᱩᱭᱮᱫᱟ ।

ᱥᱟᱨᱱᱟ ᱫᱷᱚᱨᱚᱢ ᱨᱮᱱᱟᱜ ᱡᱟᱭᱛᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱥᱟᱨ ᱫᱚ ᱥᱮᱸᱫᱽᱨᱟ ᱞᱟᱹᱜᱤᱫ ᱚᱸᱰᱚᱠ ᱟᱠᱟᱱ ᱠᱚᱲᱟ ᱦᱚᱯᱚᱱ ᱠᱚ ᱛᱩᱧ ᱞᱟᱜᱼᱟ ᱠᱚ ᱾ ᱚᱱᱟ ᱥᱩᱨ ᱧᱮᱞᱛᱮ ᱠᱩᱲᱤ ᱦᱚᱯᱚᱱ ᱫᱚ "ᱥᱟᱨ-ᱱᱟ, ᱥᱟᱨ-ᱱᱟ" ᱠᱚ ᱢᱮᱱ ᱠᱮᱜᱼᱟ ᱾ ᱚᱱᱟᱛᱮ ᱟᱵᱚᱣᱟᱜ ᱫᱷᱚᱨᱚᱢ ᱫᱚ "ᱥᱟᱨᱱᱟ ᱫᱷᱚᱨᱚᱢ" ᱠᱚ ᱢᱮᱛᱟᱜᱼᱟ ᱾
  • ᱦᱤᱦᱤᱲᱤ ᱵᱮᱲᱦᱟᱭ ᱨᱮ ᱯᱤᱯᱤᱲᱤ ᱫᱚᱢᱮᱞ ᱨᱮᱱᱟᱜ ᱥᱟᱨᱟᱣᱱᱟ ᱵᱤᱨ ᱨᱮ ᱥᱟᱨᱛᱮ ᱥᱟᱹᱜᱩᱱ ᱟᱠᱟᱫ ᱥᱟᱨᱡᱚᱢ ᱵᱩᱴᱟᱹ ᱫᱷᱤᱨᱤ ᱜᱟᱲ ᱫᱷᱚᱨᱚᱢ ᱜᱮ "ᱥᱟᱨᱱᱟ" ᱫᱷᱚᱨᱚᱢ ᱾
  • ᱥᱟᱨᱟᱣᱱᱟ ᱨᱮᱱᱟᱜ ᱠᱷᱟᱴᱚ ᱨᱟᱣᱟᱞ ᱨᱚᱲᱜᱮ "ᱥᱟᱨᱱᱟ" ᱫᱚ

ᱚᱱᱟᱛᱮ ᱦᱟᱯᱲᱟᱢ ᱠᱚᱠᱚ ᱥᱮᱨᱮᱧ ᱟᱠᱟᱫᱼᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱵᱚ ᱟᱹᱫᱤᱵᱟᱹᱥᱤ ᱥᱟᱱᱟᱢ, ᱠᱷᱮᱨᱣᱟᱲ ᱡᱟᱹᱛᱤ, ᱞᱟᱥᱟᱬ ᱦᱮᱫ ᱜᱮ ᱛᱟᱵᱚ, ᱡᱟᱦᱮᱨ ᱜᱟᱲ ᱫᱚ ᱾ ᱥᱟᱨᱛᱮ ᱥᱟᱹᱜᱩᱱ ᱥᱟᱨᱱᱟ ᱫᱷᱚᱨᱚᱢ ᱛᱷᱩᱢᱛᱮ ᱚᱱᱟ, ᱞᱟᱥᱟᱬᱦᱮᱫ ᱜᱮ ᱛᱟᱵᱚᱱ, ᱥᱟᱨᱱᱟ ᱫᱷᱚᱨᱚᱢ ᱾

ᱵᱚᱸᱜᱟ ᱧᱩᱛᱩᱢ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱫᱷᱚᱨᱚᱢ ᱨᱤᱱ ᱱᱤᱡᱽ ᱵᱚᱸᱜᱟ ᱵᱩᱨᱩ ᱠᱚᱣᱟᱜ ᱧᱩᱛᱩᱢ ᱠᱚᱫᱚ ᱢᱟᱨᱟᱝ ᱵᱩᱨᱩ, ᱞᱤᱴᱟᱹ ᱜᱚᱥᱟᱸᱭ, ᱡᱟᱦᱮᱨ ᱟᱭᱳ, ᱢᱚᱬᱮ ᱠᱚ, ᱛᱩᱨᱩᱭ ᱠᱚ, ᱟᱵᱽᱜᱮ ᱵᱚᱸᱜᱟ, ᱜᱚᱲᱟ ᱵᱚᱸᱜᱟ, ᱚᱲᱟᱜ ᱵᱚᱸᱜᱟ, ᱠᱟᱨᱟᱢ ᱵᱚᱸᱜᱟ, ᱡᱚᱢᱥᱤᱢ ᱵᱚᱸᱜᱟ ᱮᱢᱟᱱ ᱾ ᱢᱟᱨᱟᱝ ᱵᱩᱨᱩ ᱜᱮ ᱞᱤᱴᱟᱹ ᱜᱚᱥᱟᱸᱭ ᱧᱩᱛᱩᱢ ᱛᱮ ᱠᱚ ᱯᱮᱨᱮᱡ ᱩᱢᱟᱺᱬᱮᱭᱟ, ᱢᱟᱨᱟᱝ ᱵᱩᱨᱩ ᱡᱟᱦᱟᱸᱭ ᱞᱤᱴᱟᱹ ᱜᱚᱥᱟᱸᱭ ᱦᱚᱸ ᱩᱱᱤ ᱜᱮ ᱾ ᱪᱟᱸᱫᱚ, ᱨᱤᱛᱩ ᱟᱨ ᱥᱮᱨᱢᱟ ᱡᱟᱹᱱᱤᱡ ᱧᱩᱛᱩᱢ ᱟᱹᱨᱩᱜ ᱛᱟᱭᱟ ᱾

ᱵᱚᱸᱜᱟ ᱵᱩᱨᱩ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱫᱷᱚᱨᱚᱢ ᱦᱚᱲ ᱠᱚᱨᱤᱱ ᱢᱟᱱᱟᱶ ᱵᱚᱸᱜᱟ ᱵᱩᱨᱩ ᱨᱮᱭᱟᱜ ᱧᱩᱛᱩᱢ ᱠᱚᱫᱚ- ᱢᱟᱜᱽ, ᱯᱷᱟᱹᱜᱩᱱ, ᱪᱟᱹᱛ, ᱵᱟᱹᱭᱥᱟᱹᱠ, ᱡᱷᱮᱸᱴ, ᱟᱥᱟᱲ, ᱥᱟᱱ, ᱵᱷᱟᱫᱚᱨ, ᱫᱟᱸᱥᱟᱭ, ᱥᱚᱦᱨᱟᱭ, ᱟᱜᱷᱟᱬ, ᱯᱩᱥ ᱮᱢᱟᱱ ᱾

ᱫᱷᱚᱨᱚᱢ ᱯᱩᱛᱷᱤ ᱟᱨ ᱛᱷᱩᱛᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱨᱱᱟ ᱫᱷᱚᱨᱚᱢ ᱨᱮᱭᱟᱜ ᱫᱷᱚᱨᱚᱢ ᱯᱩᱛᱷᱤ ᱨᱮᱭᱟᱜ ᱧᱩᱛᱩᱢ ᱠᱚᱫᱚ ᱦᱤᱛᱟᱹᱞ, ᱵᱟᱠᱷᱮᱬ, ᱠᱷᱮᱨᱣᱟᱲ ᱵᱚᱝᱥᱚ ᱫᱷᱚᱨᱚᱢ ᱯᱩᱛᱷᱤ, ᱦᱚᱲ ᱥᱮᱨᱮᱧ, ᱞᱤᱴᱟᱹ ᱜᱚᱰᱮᱛ, ᱡᱚᱢ ᱥᱤᱢ ᱵᱤᱱᱛᱤ, ᱠᱟᱨᱟᱢ ᱵᱤᱱᱛᱤ, ᱵᱟᱯᱞᱟ ᱵᱤᱱᱛᱤ, ᱵᱷᱟᱸᱰᱟᱱ ᱵᱤᱱᱛᱤ ᱮᱢᱟᱱ ᱾

ᱫᱷᱚᱨᱚᱢ ᱜᱩᱨᱩ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱨᱱᱟ ᱫᱷᱚᱨᱚᱢ ᱜᱩᱨᱩ ᱫᱚ ᱢᱟᱨᱟᱝ ᱵᱩᱨᱩ ᱠᱟᱱᱟᱭ ᱾ ᱢᱟᱨᱟᱝ ᱵᱩᱨᱩ ᱣᱟᱜ ᱞᱟᱹᱭᱛᱮ, ᱟᱹᱭᱩᱨᱛᱮ ᱟᱨ ᱛᱟᱹᱨᱤᱨᱮ ᱢᱮᱱᱟᱜ ᱫᱷᱚᱨᱚᱢ ᱜᱮ ᱥᱟᱨᱱᱟ ᱫᱷᱚᱨᱚᱢ ᱫᱚ ᱾

ᱥᱟᱨᱱᱟ ᱫᱷᱚᱨᱚᱢ ᱦᱚᱲ ᱛᱟᱦᱮᱸᱱ ᱫᱤᱥᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱨᱱᱟ ᱫᱷᱚᱨᱚᱢ ᱦᱚᱲ ᱫᱚ ᱡᱮᱜᱮᱛ ᱨᱮᱱᱟᱜ ᱟᱹᱰᱤᱜᱟᱱ ᱫᱤᱥᱚᱢ ᱨᱮ ᱢᱮᱱᱟᱜ ᱠᱚᱣᱟ ᱾ ᱚᱱᱟ ᱫᱤᱥᱚᱢ ᱠᱚᱫᱚ ᱦᱩᱭᱩᱜ ᱠᱟᱱᱟ - ᱥᱤᱧᱚᱛ, ᱱᱮᱯᱟᱞ, ᱵᱟᱝᱞᱟᱫᱮᱥ ᱮᱢᱟᱱ ᱫᱤᱥᱚᱢ ᱠᱚᱨᱮ ᱢᱮᱱᱟᱜ ᱠᱚᱣᱟ ᱾

ᱥᱟᱨᱱᱟ ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱥᱟᱨᱡᱚᱢ ᱫᱟᱨᱮ ᱵᱩᱴᱟᱹ ᱨᱮᱵᱚ ᱵᱚᱝᱜᱟᱜᱼᱟ ᱾
  • ᱥᱤᱸᱜᱤ, ᱧᱤᱫᱟᱹ [ᱧᱩᱛ], ᱫᱟᱜ, ᱦᱚᱭ, ᱦᱟᱥᱟ, ᱨᱮᱱᱟᱜ ᱫᱟᱲᱮ ᱠᱚ ᱯᱟᱹᱛᱭᱟᱹᱣᱟᱜᱼᱟ ᱾
  • ᱥᱤᱧ ᱪᱟᱸᱫᱚ ᱨᱟᱠᱟᱵ ᱥᱮᱫ ᱥᱟᱢᱟᱝ ᱠᱟᱛᱮ ᱠᱚ ᱵᱚᱝᱜᱟᱭᱟ ᱾

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱲ ᱫᱤᱥᱚᱢ ᱣᱮᱵᱥᱟᱭᱤᱴ ᱨᱮ ᱥᱟᱨᱱᱟ ᱫᱷᱚᱨᱚᱢ [ᱛᱷᱩᱛᱤ , ᱵᱤᱱᱛᱤ , ᱜᱟᱢ , ᱥᱮᱨᱮᱧ , ᱵᱟᱠᱷᱮᱬ ,ᱢᱟᱱᱛᱟᱨ , ᱡᱷᱟᱹᱨᱱᱤ ᱮᱢᱟᱱ ᱠᱚᱨᱮᱠᱷᱚᱱ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]