ᱫᱤᱯᱤᱠᱟ ᱠᱩᱢᱟᱨᱤ
| ᱫᱤᱯᱤᱠᱟ ᱠᱩᱢᱟᱨᱤ | |
|---|---|
.jpg) ᱫᱤᱯᱤᱠᱟ ᱠᱩᱢᱟᱨᱤ - ᱒᱐᱑᱒ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱓ ᱡᱩᱱ ᱑᱙᱙᱔ ᱨᱟᱺᱪᱤ, ᱡᱷᱟᱨᱠᱷᱚᱸᱰ, ᱥᱤᱧᱚᱛ |
| ᱚᱲᱟᱜ | ᱨᱟᱺᱪᱤ, ᱡᱷᱟᱨᱠᱷᱚᱸᱰ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱩᱥᱩᱞ | 1.61 m (5 ft 3 in) (2010) |
| ᱩᱡᱚᱱ | 56 kg (123 lb) (2010) |
| ᱣᱮᱵᱽᱥᱟᱭᱤᱴ | deepikakumari |
ᱫᱤᱯᱤᱠᱟ ᱠᱩᱢᱟᱨᱤ (ᱡᱚᱱᱚᱢ ᱺ ᱑᱓ ᱡᱩᱱ ᱑᱙᱙᱔) ᱢᱤᱫ ᱥᱤᱧᱚᱛᱤᱭᱟᱹ ᱯᱨᱚᱯᱷᱮᱥᱤᱣᱱᱟᱞ ᱵᱮᱡᱷᱟᱛᱩᱧ ᱠᱩᱲᱤ ᱠᱟᱱᱟᱭ ᱾ ᱱᱤᱛᱚᱜ ᱡᱮᱜᱮᱫ ᱨᱤᱱᱤᱡ ᱱᱚᱢᱵᱚᱨ ᱑ ᱴᱷᱟᱶ ᱨᱮ ᱢᱮᱱᱟᱭᱟ, ᱱᱚᱶᱟ ᱵᱮᱡᱷᱟ ᱛᱩᱧ ᱨᱮᱭᱟᱜ ᱦᱮᱯᱨᱟᱣ ᱨᱮ ᱵᱷᱟᱜᱽ ᱮ ᱦᱟᱛᱟᱣᱟ ᱾[᱒][᱓][᱔] ᱩᱱᱤᱫᱚ ᱒᱐᱑᱐ ᱡᱟᱹᱛᱤᱭᱟᱹᱨᱤ ᱢᱚᱱᱰᱚᱞ ᱮᱱᱮᱡ ᱨᱮ ᱛᱤᱨᱞᱟᱹ ᱮᱠᱷᱞᱟ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨ ᱞᱮᱜᱼᱟ ᱾ ᱩᱱᱤ ᱫᱚ ᱰᱚᱞᱟ ᱵᱚᱱᱟᱨᱡᱤ ᱟᱨ ᱵᱚᱢᱵᱮᱞᱟ ᱫᱮᱵᱤ ᱥᱟᱞᱟᱜ ᱛᱤᱨᱛᱟᱹ ᱫᱚᱞ ᱨᱤᱠᱚᱨᱵᱷ ᱮᱵᱮᱸᱴ ᱨᱮᱦᱚᱸ ᱚᱱᱟ ᱦᱮᱯᱨᱟᱣ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨ ᱠᱮᱜᱼᱟ ᱾[᱕] ᱩᱱᱤ ᱜᱮ ᱡᱮᱜᱮᱛ ᱠᱟᱯ ᱨᱮᱱᱟᱜ ᱯᱮᱭᱟ ᱤᱥᱴᱮᱡᱽ ᱠᱷᱚᱱ ᱫᱚ ᱵᱟᱨᱭᱟ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱟᱹᱣ ᱟᱠᱟᱱᱟ ᱼ ᱢᱤᱫᱴᱟᱹᱝ ᱜᱣᱟᱴᱮᱢᱟᱞᱟ ᱨᱮ ᱟᱨ ᱮᱴᱟᱜᱟᱜ ᱫᱚ ᱯᱮᱨᱤᱥ ᱨᱮ ᱾ ᱱᱤᱭᱟᱹ ᱯᱨᱚᱥᱮᱥ ᱨᱮ ᱩᱱᱤᱫᱚ ᱯᱮᱨᱤᱥ ᱡᱮᱜᱮᱛ ᱠᱟᱯ ᱨᱮ ᱟᱨᱮ ᱥᱮᱨᱢᱟ[᱖] ᱛᱟᱭᱚᱢ ᱱᱚᱢᱵᱚᱨ ᱢᱤᱫ ᱨᱮᱸᱠᱤᱝ ᱦᱚᱸ ᱧᱟᱢ ᱠᱮᱜᱼᱟ ᱾ ᱫᱤᱯᱤᱠᱟ ᱠᱩᱢᱟᱨᱤ ᱫᱚ ᱵᱷᱮᱡᱟ ᱛᱩᱧ ᱡᱮᱜᱮᱛ ᱠᱟᱯ ᱤᱥᱴᱮᱡᱽ ᱑ ᱨᱮ ᱮᱠᱷᱞᱟ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨ ᱠᱮᱜᱼᱟ ᱾[᱗] ᱫᱤᱯᱤᱠᱟ ᱠᱩᱢᱟᱨᱤ ᱜᱮ ᱯᱷᱟᱭᱱᱮᱞ ᱨᱮ ᱢᱮᱠᱥᱤᱠᱚ ᱕-᱑ ᱠᱷᱚᱱ ᱦᱟᱨᱟᱣ ᱠᱟᱛᱮ ᱯᱮᱨᱤᱥ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨ ᱠᱮᱜᱼᱟ ᱾
ᱠᱩᱢᱟᱨᱤ ᱪᱮ ᱞᱚᱱᱰᱚᱱ ᱨᱮ ᱒᱐᱑᱒ ᱥᱟᱞ ᱥᱤᱛᱩᱝ (ᱥᱟᱢᱢᱟᱨ) ᱚᱞᱤᱝᱯᱤᱠ ᱨᱮ ᱠᱣᱟᱞᱤᱯᱷᱟᱭ ᱟᱠᱟᱫᱟ ᱾ ᱡᱟᱦᱟᱸᱭ ᱫᱚ ᱩᱱᱤ ᱛᱤᱨᱛᱟᱹ ᱯᱮᱨᱥᱚᱱᱟᱞ ᱟᱨ ᱛᱤᱨᱛᱟᱹ ᱫᱚᱞ ᱮᱵᱮᱸᱴ ᱨᱮ ᱯᱟᱨᱴᱤᱥᱤᱯᱟᱴᱮᱰ ᱠᱮᱫᱮᱭᱟ ᱠᱚ, ᱟᱨ ᱛᱟᱭᱚᱢ ᱛᱮᱫᱚ ᱘ (ᱤᱨᱟᱹᱞ) ᱴᱷᱟᱶ ᱨᱮ ᱢᱮᱱᱟᱭᱟ ᱾
ᱱᱩᱭ ᱫᱚ ᱒᱐᱑᱒ ᱥᱟᱞ ᱨᱮ ᱥᱤᱧᱚᱛ ᱨᱤᱱᱤᱡ ᱯᱟᱨᱥᱮᱛ (ᱫᱤᱥᱚᱢ ᱜᱚᱢᱠᱮ) ᱯᱨᱚᱬᱚᱵᱽ ᱢᱩᱠᱷᱟᱨᱡᱤ ᱫᱟᱨᱟᱭᱛᱮ ᱚᱨᱡᱩᱱ ᱥᱤᱨᱯᱟᱹ (ᱟᱣᱟᱨᱰ), ᱥᱤᱧᱚᱛ ᱨᱮᱭᱟᱜ ᱮᱴᱟᱜ ᱪᱮᱛᱟᱱ ᱮᱱᱮᱡ ᱟᱣᱟᱨᱰ ᱠᱷᱚᱱ ᱥᱟᱨᱦᱟᱣ ᱪᱟᱞ ᱟᱫᱮᱭᱟ ᱾
ᱠᱟᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱫᱤᱯᱤᱠᱟ ᱫᱚ ᱵᱮᱡᱷᱟᱛᱩᱧ ᱨᱮ ᱯᱩᱭᱞᱩ ᱵᱟᱨ ᱒᱐᱐᱕ ᱨᱮ ᱧᱟᱢ ᱞᱮᱜᱼᱟ ᱛᱚᱵᱮ ᱩᱱᱤ ᱫᱚ ᱯᱩᱭᱞᱩ ᱫᱷᱟᱣ ᱚᱨᱡᱩᱱ ᱵᱮᱡᱷᱟᱛᱩᱧ ᱮᱠᱟᱰᱮᱢᱤ ᱥᱮᱞᱮᱫ ᱮᱱᱟ ᱾ ᱱᱚᱣᱟ ᱮᱠᱟᱰᱮᱢᱤ ᱡᱷᱟᱨᱠᱷᱚᱸᱰ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱟᱨᱡᱩᱱ ᱢᱩᱸᱰᱟᱹ ᱭᱤᱡ ᱜᱟᱛᱮ ᱢᱤᱨᱟ ᱢᱩᱸᱰᱟᱹ ᱪᱮ ᱠᱷᱚᱨᱥᱚᱶᱟ ᱨᱮ ᱮᱛᱚᱦᱚᱵ ᱞᱮᱜᱼᱟ ᱾ ᱵᱮᱡᱷᱟᱛᱩᱧ ᱨᱮ ᱩᱱᱤᱫᱚ ᱯᱨᱚᱯᱷᱮᱥᱱᱟᱞ ᱠᱟᱨᱤᱭᱟᱨ ᱨᱮᱭᱟᱜ ᱮᱛᱚᱦᱚᱵ ᱒᱐᱐᱖ ᱥᱟᱞᱮ ᱦᱩᱭᱮᱱᱟ ᱟᱨ ᱩᱱᱤᱫᱚ ᱴᱟᱴᱟ ᱵᱮᱡᱷᱟᱛᱩᱧ ᱮᱠᱟᱰᱮᱢᱤ ᱥᱮᱞᱮᱫ ᱮᱱᱟ ᱾ ᱩᱱᱤᱫᱚ ᱚᱱᱰᱮ ᱵᱮᱡᱷᱟᱛᱩᱧ ᱨᱮᱭᱟᱜ ᱵᱮᱴᱤᱝ ᱮ ᱪᱮᱫ ᱠᱮᱫᱼᱟ ᱾ ᱱᱚᱣᱟ ᱭᱩᱣᱟ ᱵᱮᱡᱷᱟᱛᱩᱧ ᱫᱚ ᱒᱐᱐᱖ ᱥᱟᱞ ᱨᱮ ᱢᱮᱨᱤᱫᱟ ᱢᱮᱠᱥᱤᱠᱳ ᱨᱮ ᱟᱭᱚᱡᱤᱛ (ᱦᱮᱞᱰ) ᱡᱮᱜᱮᱫ ᱪᱮᱢᱯᱤᱭᱚᱱᱥᱤᱯ ᱨᱮ ᱠᱟᱢᱯᱟᱩᱸᱴ ᱤᱠᱞᱟ ᱦᱮᱯᱨᱟᱣ ᱨᱮ ᱥᱚᱱᱟ (ᱜᱚᱞᱰ) ᱢᱮᱰᱟᱞ ᱦᱟᱥᱤᱞ ᱠᱮᱫᱼᱟ ᱾ ᱩᱱᱤᱫᱚ ᱚᱱᱠᱟ ᱪᱮᱠᱟ ᱠᱟᱛᱮ ᱫᱚᱥᱟᱨ ᱥᱤᱧᱚᱛᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾ ᱱᱚᱰᱮ ᱠᱷᱚᱱ ᱮᱦᱚᱵ ᱦᱩᱭᱮᱱᱟ ᱪᱟᱞᱟᱣ ᱟᱨ ᱩᱱᱤᱫᱚ ᱡᱮᱜᱮᱫ ᱨᱤᱱᱤᱡ ᱱᱚᱢᱵᱚᱨ ᱢᱤᱫ ᱵᱮᱡᱷᱟᱛᱩᱧ ᱨᱮᱭᱟᱜ ᱢᱮᱰᱟᱞ ᱦᱟᱥᱤᱞ ᱠᱮᱫᱼᱟ ᱾ ᱡᱚᱛᱚ ᱮᱦᱚᱵ ᱒᱐᱐᱙ ᱥᱟᱞ ᱨᱮ ᱢᱚᱛᱮ ᱑᱕ ᱥᱟᱞ ᱨᱤᱱᱤᱡ ᱫᱤᱯᱤᱠᱟ ᱫᱚ ᱟᱢᱮᱨᱤᱠᱟ ᱨᱮ ᱦᱩᱭᱮᱱᱟ ᱑᱑ ᱟᱱᱟᱜ ᱭᱩᱛᱷ ᱵᱮᱡᱷᱟᱛᱩᱧ ᱪᱮᱢᱯᱤᱭᱚᱱᱥᱤᱯ ᱡᱤᱛᱠᱟᱹᱨ ᱠᱟᱛᱮ ᱟᱡᱟᱜ ᱟᱴᱮᱱᱰᱮᱸᱠ ᱱᱚᱣᱟ ᱞᱟᱦᱟ ᱠᱮᱫᱼᱟ ᱾ ᱟᱨᱦᱚᱸ ᱒᱐᱑᱐ ᱥᱟᱞ ᱨᱮ ᱮᱥᱤᱭᱟᱱ ᱮᱱᱮᱡ ᱨᱮ ᱯᱮᱣᱴᱟᱨ ᱦᱟᱥᱤᱞ ᱠᱮᱫᱼᱟ ᱾ ᱚᱱᱟ ᱛᱟᱭᱚᱢ ᱱᱚᱣᱟ ᱥᱮᱨᱢᱟ ᱜᱮ ᱠᱚᱢᱚᱱᱣᱮᱞᱛᱷ ᱮᱱᱮᱡ ᱨᱮ ᱛᱤᱨᱞᱟᱹ ᱤᱠᱷᱞᱟ ᱟᱨ ᱫᱚᱞ (ᱴᱤᱢ) ᱥᱟᱞᱟᱜ ᱵᱟᱨᱭᱟ ᱥᱚᱱᱟ ᱦᱟᱥᱤᱞ ᱠᱮᱫᱼᱟ ᱾ ᱠᱚᱢᱚᱱᱣᱮᱞᱛᱷ ᱮᱱᱮᱡ ᱒᱐᱑᱐ ᱥᱟᱞ ᱨᱮ ᱩᱱᱤᱫᱚ ᱢᱚᱛᱮ ᱯᱳᱨᱥᱚᱱᱟᱞ ᱦᱮᱯᱨᱟᱣ ᱨᱮ ᱥᱚᱱᱟ ᱡᱤᱛᱠᱟᱹᱨ, ᱱᱩᱭ ᱛᱤᱨᱞᱟᱹ ᱫᱚ ᱨᱤᱠᱟᱨᱣ ᱴᱤᱢ (ᱫᱚᱞ) ᱦᱚᱸ ᱥᱚᱱᱟ ᱧᱟᱢ ᱠᱮᱫᱼᱟ ᱾ ᱥᱤᱧᱚᱛᱤᱭᱟᱹ ᱛᱮᱨᱟᱝᱫᱟᱡᱤ ᱨᱮᱭᱟᱜ ᱱᱟᱜᱟᱢ ᱨᱮ ᱥᱟᱞ ᱒᱐᱑᱐ ᱨᱮᱭᱟᱜ ᱡᱟᱦᱟᱸ ᱡᱟᱦᱟᱸ ᱪᱟᱨᱪᱟ ᱦᱩᱭᱩᱜ, ᱱᱚᱣᱟ ᱫᱤᱥᱚᱢ ᱨᱮᱭᱟᱜ ᱨᱤᱠᱚᱨᱵᱷ ᱵᱮᱡᱷᱟᱛᱩᱧ ᱫᱤᱯᱤᱠᱟ ᱟᱜ ᱜᱚᱞᱰᱮᱱ ᱯᱮᱥ ᱨᱮᱭᱟᱜ ᱞᱟᱹᱜᱤᱫ ᱪᱮᱫᱚᱜ ᱦᱩᱭᱩᱜᱼᱟ ᱾ ᱟᱨᱦᱚᱸ ᱤᱥᱛᱟᱢᱵᱩᱞ ᱨᱮ ᱒᱐᱑᱑ ᱨᱮ ᱟᱨ ᱴᱚᱠᱭᱚ ᱨᱮ ᱒᱐᱑᱒ ᱨᱮ ᱤᱠᱞᱟ ᱮᱱᱮᱡ ᱨᱮ ᱥᱤᱞᱣᱟᱨ ᱢᱮᱰᱟᱞ ᱡᱤᱛᱠᱮᱨ ᱨᱤᱱᱟ ᱾ ᱚᱱᱟ ᱞᱮᱠᱟ ᱢᱤᱫᱴᱤᱡᱼᱢᱤᱫᱴᱤᱡ ᱠᱟᱛᱮ ᱩᱱᱤ ᱡᱤᱛᱠᱟᱹᱨ ᱨᱮᱭᱟᱜ ᱮ ᱦᱟᱥᱤᱞ ᱠᱮᱫᱼᱟ ᱾ ᱚᱱᱟ ᱞᱟᱹᱜᱤᱫ ᱚᱨᱡᱩᱱ ᱟᱣᱟᱨᱰ ᱮᱢᱟᱫᱮᱭᱟ ᱾ ᱱᱮᱦᱟᱹᱞᱤ ᱜᱮ ᱫᱤᱥᱚᱢ ᱜᱚᱢᱠᱮ ᱯᱨᱚᱬᱚᱵᱽ ᱢᱩᱠᱷᱟᱨᱡᱤ ᱫᱤᱯᱤᱠᱟ ᱠᱮ ᱢᱟᱺᱱ ᱥᱟᱨᱦᱟᱣ ᱮ ᱪᱟᱞ ᱟᱫᱮᱭᱟ ᱾ ᱫᱤᱯᱤᱠᱟ ᱫᱚ ᱒᱐᱐᱖ ᱥᱟᱞᱮ ᱨᱮ ᱴᱟᱴᱟ ᱮᱠᱟᱰᱮᱢᱤ ᱨᱮ ᱤᱱᱩᱝ ᱮ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱟᱨ ᱚᱱᱟ ᱨᱮᱱᱟᱜ ᱯᱮ ᱥᱮᱨᱢᱟ ᱛᱟᱭᱚᱢ ᱭᱩᱛᱷ ᱪᱟᱢᱯᱤᱭᱚᱱ ᱮ ᱡᱤᱛᱟᱠᱹᱟᱨ ᱥᱮᱱ ᱛᱟᱦᱮᱸᱫ ᱾
ᱥᱤᱨᱯᱷᱟᱹ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
| ᱥᱟᱞ | ᱥᱤᱨᱯᱷᱟᱹ | ᱱᱚᱴ |
|---|---|---|
| ᱒᱐᱑᱒ | ᱚᱨᱡᱩᱱ ᱥᱤᱨᱯᱷᱟᱹ | |
| ᱒᱐᱑᱔ | FICCI ᱥᱮᱨᱢᱟ ᱨᱮᱱᱟᱜ ᱠᱷᱮᱞᱚᱱᱰᱤᱭᱟᱹ ᱥᱤᱨᱯᱷᱟᱹ | |
| ᱒᱐᱑᱖ | ᱯᱚᱫᱽᱢᱚ ᱥᱨᱤ | |
| ᱒᱐᱑᱗ | ᱭᱩᱝ ᱵᱮᱡᱷᱟᱛᱩᱧ ᱟᱣᱟᱨᱰ | Felicitated by Vogue[᱘] |
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "India's Deepika Kumari becomes World No. 1 archer". NDTV. 21 June 2012. Archived from the original on 20 July 2013. Retrieved 20 July 2013.
{{cite news}}: Italic or bold markup not allowed in:|publisher=(help) - ↑ "Archer Deepika Kumari becomes world No. 1 after winning gold at World Cup". timesofindia. 28 June 2021. Retrieved 29 June 2021.
- ↑ "India's Deepika Kumari becomes World No. 1 archer". 21 June 2012. Archived from the original on 19 August 2012. Retrieved 21 June 2012.
- ↑ "Published Rankings". Archived from the original on 6 August 2012. Retrieved 22 July 2012.
- ↑ "Athlete of the Week: Deepika KUMARI (IND)". Archived from the original on 11 September 2012. Retrieved 21 December 2011.
- ↑ Singh, Suhani (June 29, 2021). "Why archer Deepika Kumari is a serious medal contender in the Tokyo Games". India Today (in ᱟᱝᱜᱽᱨᱮᱡᱤ). Retrieved 2021-07-25.
- ↑ "Archery World Cup: Star couple Atanu Das and Deepika Kumari win individual recurve gold medals". India Today (in ᱟᱝᱜᱽᱨᱮᱡᱤ). April 26, 2021. Retrieved 2021-07-25.
- ↑ "Mithali Raj, women's cricket captain, archer Deepika Kumari win Vogue awards". www.hindustantimes.com (in ᱟᱝᱜᱽᱨᱮᱡᱤ). 2017-09-26. Retrieved 2017-09-27.