ᱠᱚᱰᱟᱨᱢᱟ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱠᱚᱰᱟᱨᱢᱟ
Jharkhandkodarma.png
ᱠᱚᱰᱟᱨᱢᱟ ᱨᱮᱱᱟᱜ ᱞᱚᱠᱮᱥᱚᱱ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ
ᱯᱚᱱᱚᱛ ᱡᱷᱟᱨᱠᱷᱚᱸᱰ
ᱪᱟᱪᱞᱟᱣ ᱛᱷᱚᱱᱚᱛ ᱮᱛᱚᱢ ᱪᱷᱚᱴᱱᱟᱜᱽᱯᱩᱨ ᱰᱤᱵᱦᱤᱡᱚᱱ
ᱡᱤᱞᱞᱟᱹ ᱠᱟᱹᱢᱤᱭᱟᱹᱢᱮᱞᱟ ᱠᱚᱰᱟᱨᱢᱟ
ᱮᱨᱤᱭᱟ 1,500 km2 (580 sq mi)
ᱦᱚᱲᱮᱞ 717,169 (2011)
ᱰᱮᱱᱥᱤᱴᱤ 427/km2 (1,110/sq mi)
ᱫᱤᱥᱚᱢ ᱫᱚᱨᱵᱟᱨ ᱵᱟᱪᱱᱟᱣ ᱢᱟᱹᱪᱤ ᱠᱚᱰᱟᱨᱢᱟ
ᱯᱚᱱᱚᱛ ᱫᱚᱨᱵᱟᱨ ᱵᱟᱪᱱᱟᱣ ᱢᱟᱹᱪᱤ
ᱣᱮᱵᱽᱥᱟᱭᱤᱴ

ᱠᱚᱰᱟᱨᱢᱟ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ (ᱡᱤᱞᱞᱟᱹ) ᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱨᱮᱢᱟᱜ ᱢᱩᱬᱩᱛ ᱟᱹᱯᱤᱥ (ᱦᱮᱰᱠᱩᱣᱟᱴᱟᱨ) ᱫᱚ ᱠᱚᱰᱟᱨᱢᱟ ᱨᱮ ᱢᱮᱱᱟᱜᱼᱟ ᱾

ᱠᱚᱰᱟᱨᱢᱟ ᱦᱚᱱᱚᱛ ᱫᱚ ᱑᱐ ᱮᱯᱨᱤᱞ ᱑᱙᱙᱔ ᱥᱟᱞᱮ ᱨᱮ ᱵᱮᱨᱮᱫ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱞᱟᱦᱟ ᱛᱮ ᱱᱚᱶᱟ ᱫᱚ ᱦᱟᱡᱟᱨᱤᱵᱟᱜᱽ ᱦᱚᱱᱚᱛ ᱨᱮ ᱛᱟᱦᱮᱸ ᱠᱟᱱᱟ , ᱚᱸᱰᱮ ᱠᱷᱚᱱ ᱜᱮ ᱠᱮᱪᱟᱜ ᱠᱟᱛᱮ ᱠᱚᱰᱟᱨᱢᱟ ᱦᱚᱱᱚᱛ ᱵᱮᱱᱟᱣ ᱟᱠᱟᱱᱟ ᱾ ᱱᱚᱶᱟ ᱫᱚ ᱱᱤᱛ ᱨᱮᱰ ᱠᱚᱨᱤᱰᱚᱨ (Red Corridor) ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾[᱑]

ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱰᱟᱨᱢᱟ ᱫᱚ ᱵᱤᱦᱟᱨ ᱯᱚᱱᱚᱛ ᱨᱮᱱᱟᱜ ᱱᱟᱣᱟᱫᱟ ᱦᱚᱱᱚᱛ, ᱜᱚᱭᱟ ᱦᱚᱱᱚᱛ, ᱡᱷᱟᱨᱠᱷᱚᱸᱰ ᱨᱮᱱᱟᱜ ᱜᱤᱨᱰᱤᱦ ᱦᱚᱱᱚᱛ ᱟᱨ ᱦᱟᱡᱟᱨᱤᱵᱟᱜᱽ ᱛᱮ ᱜᱷᱮᱨᱟᱣ ᱟᱠᱟᱱᱟ ᱾

ᱠᱚᱰᱮᱨᱢᱟ ᱦᱚᱱᱚᱛ ᱫᱚ ᱵᱤᱨᱵᱩᱨᱩ ᱟᱨ ᱟᱭᱢᱟ ᱱᱮᱪᱩᱨᱟᱞ ᱨᱤᱥᱚᱨᱥ (natural resources) ᱛᱮ ᱯᱮᱨᱮᱡ ᱟᱠᱟᱱᱟ ᱾ ᱫᱷᱟᱣᱟᱡᱚᱫᱟᱨᱤ ᱵᱩᱨᱩ ᱫᱚ ᱦᱤᱱᱫᱩ ᱫᱷᱚᱨᱚᱢ ᱵᱚᱝᱜᱟ ᱥᱤᱵᱚ ᱣᱟᱜ ᱛᱷᱟᱱ ᱠᱟᱱᱟ ᱾ ᱥᱤᱵᱨᱟᱛᱨᱤ ᱨᱮ ᱟᱭᱢᱟ ᱦᱚᱲ ᱚᱸᱰᱮ ᱠᱚ ᱡᱟᱣᱨᱟᱜ ᱠᱟᱱᱟ ᱾ ᱵᱟᱨᱥᱚᱛᱤ ᱜᱟᱰᱟ ᱫᱚ ᱱᱚᱶᱟ ᱦᱚᱱᱚᱛ ᱛᱟᱞ ᱛᱮ ᱞᱸᱡᱤᱱ ᱠᱟᱱᱟ ᱾ ᱪᱟᱧᱪᱟᱞ ᱫᱷᱟᱢ ᱫᱚ ᱱᱟᱣᱟᱰᱤ ᱨᱮᱞᱣᱮ ᱥᱴᱮᱥᱚᱱ ᱠᱷᱚᱱ ᱑᱒ ᱠᱤᱞᱚᱢᱤᱴᱚᱨ ᱟᱨ ᱠᱚᱰᱟᱨᱢᱟ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱠᱷᱚᱱ ᱓᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ, ᱱᱚᱸᱰᱮ ᱫᱚ ᱦᱤᱱᱫᱩ ᱫᱷᱚᱨᱚᱢ ᱵᱚᱝᱜᱟ ᱟᱭᱳ ᱪᱟᱧᱪᱟᱞᱱᱤ ᱵᱚᱝᱜᱟ ᱫᱮᱣᱟᱭ ᱧᱟᱢᱟ ᱾ ᱟᱭᱢᱟ ᱦᱚᱲ ᱠᱚ ᱵᱷᱤᱲᱩᱜ ᱠᱟᱱᱟ ᱱᱚᱸᱰᱮ ᱫᱩᱨᱜᱟ ᱯᱩᱡᱟ, ᱨᱟᱢᱱᱚᱵᱚᱢᱤ, ᱟᱠᱷᱨᱤ ᱯᱩᱡᱟ ᱮᱢᱟᱱ ᱞᱮᱠᱟᱱ ᱵᱚᱝᱜᱟ ᱵᱩᱨᱩ ᱨᱮ ᱱᱩᱭ ᱵᱚᱝᱜᱟ ᱫᱮᱣᱟ ᱭᱮ ᱞᱟᱹᱜᱤᱫ ᱾

ᱠᱟᱹᱣᱰᱤ ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱖ ᱥᱟᱞᱮ ᱨᱮ ᱥᱤᱧᱚᱛ ᱥᱚᱨᱠᱟᱨ ᱥᱤᱧᱚᱛ ᱨᱮᱱᱟᱜ ᱖᱔᱐ ᱦᱚᱱᱚᱛ ᱢᱩᱸᱫᱽ ᱠᱷᱚᱱ ᱱᱚᱶᱟ ᱦᱚᱱᱚᱛ ᱫᱚ ᱒᱕᱐ ᱜᱚᱴᱟᱝ ᱨᱮᱸᱜᱮᱡ ᱟᱨ ᱯᱟᱹᱪᱷᱟᱞᱟᱹ ᱦᱟᱠᱟᱱ ᱦᱚᱱᱚᱛ ᱠᱚ ᱥᱟᱶᱛᱮ ᱞᱤᱥᱴᱤ ᱟᱠᱟᱱᱟᱭ ᱾[᱒] ᱱᱚᱶᱟ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱒᱑ ᱜᱚᱴᱟᱝ ᱯᱚᱱᱚᱛ ᱥᱟᱶᱛᱮ ᱱᱚᱶᱟ ᱦᱚᱸ ᱵᱮᱠᱣᱟᱨᱰ ᱨᱤᱡᱚᱱ ᱜᱨᱟᱱᱴ ᱯᱷᱚᱸᱰ ᱯᱨᱚᱜᱨᱟᱢ (BRGF) ᱫᱟᱨᱟᱭ ᱛᱮ ᱯᱷᱚᱸᱰ ᱮ ᱧᱟᱢ ᱮᱫᱟ ᱾[᱒]

ᱦᱮᱥᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱰᱟᱨᱢᱟ ᱡᱚᱸᱠᱥᱚᱱ ᱨᱮᱞᱣᱮ ᱯᱞᱟᱴᱯᱷᱚᱨᱢ

ᱠᱚᱰᱟᱨᱢᱟ ᱦᱚᱱᱚᱛ ᱨᱮ ᱯᱮᱭᱟ ᱢᱟᱨᱟᱝ ᱱᱟᱜᱟᱨ ᱢᱮᱱᱟᱜᱼᱟ - ᱫᱚᱢᱪᱟᱸᱪᱹ ᱡᱷᱩᱢᱨᱤ ᱛᱟᱞᱟᱸᱭᱭᱟ, ᱠᱚᱰᱮᱨᱢᱟ ᱾ ᱠᱚᱰᱟᱨᱢᱟ ᱟᱨ ᱡᱷᱩᱢᱨᱤ ᱛᱟᱞᱟᱸᱭᱭᱟ ᱫᱚ ᱡᱟᱹᱛᱤᱭᱟᱹᱨᱤ ᱡᱤᱞᱤᱧᱦᱚᱨ ᱓᱑ ᱫᱟᱨᱟᱭ ᱛᱮ ᱨᱟᱺᱪᱤ ᱟᱨ ᱯᱟᱴᱱᱟ ᱱᱟᱜᱟᱨ ᱥᱟᱶ ᱡᱚᱲᱟᱣ ᱟᱠᱟᱱᱟ ᱾ ᱠᱚᱰᱟᱨᱢᱟ ᱨᱮᱞᱣᱮ ᱥᱴᱮᱥᱚᱱ ᱫᱚ ᱚᱸᱰᱮᱱᱟᱜ ᱢᱤᱫ ᱢᱟᱴᱨᱟᱝ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ, ᱡᱟᱦᱟᱸ ᱫᱚ ᱠᱚᱞᱠᱟᱛᱟ ᱟᱨ ᱫᱤᱞᱞᱤ ᱥᱟᱶ ᱡᱚᱲᱟᱣ ᱟᱠᱟᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "83 districts under the Security Related Expenditure Scheme". IntelliBriefs. 2009-12-11. Retrieved 2011-09-17. 
  2. ᱒.᱐ ᱒.᱑ Ministry of Panchayati Raj (ᱥᱮᱯᱴᱮᱢᱵᱚᱨ 8, 2009). "A Note on the Backward Regions Grant Fund Programme" (PDF). National Institute of Rural Development. Archived from the original (PDF) on ᱮᱯᱨᱤᱞ 5, 2012. Retrieved ᱥᱮᱯᱴᱮᱢᱵᱚᱨ 27, 2011.