ᱠᱳᱰᱟᱨᱢᱟ

ᱠᱳᱰᱟᱨᱢᱟ
ᱠᱳᱰᱟᱨᱢᱟ
ᱥᱚᱦᱚᱨ
	ᱠᱳᱰᱟᱨᱢᱟ ᱠᱳᱰᱟᱨᱢᱟᱠᱳᱰᱟᱨᱢᱟ ᱨᱮᱱᱟᱜ ᱴᱷᱟᱶ ᱡᱷᱟᱨᱠᱷᱚᱸᱰ ᱨᱮ
	Coordinates: 24°28′N 85°36′E / 24.47°N 85.6°ECoordinates: 24°28′N 85°36′E / 24.47°N 85.6°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱡᱷᱟᱨᱠᱷᱚᱸᱰ
ᱦᱚᱱᱚᱛ	ᱠᱳᱰᱟᱨᱢᱟ
ᱧᱩᱢ ᱟᱠᱟᱱᱟ	ᱠᱟᱰᱨᱟᱢ ᱨᱤᱥᱤ
ᱩᱥᱩᱞ	397 ᱢᱤᱴᱚᱨ (1302 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(2011)
• ᱞᱮᱠᱷᱟᱜᱩᱴ	᱒᱔,᱖᱓᱓
ᱯᱟᱹᱨᱥᱤ
• ᱥᱚᱨᱠᱟᱨᱤ ᱯᱟᱹᱨᱥᱤ	ᱦᱤᱱᱫᱤ, ᱥᱟᱱᱛᱟᱲᱤ
	IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	᱘᱒᱕᱔᱑᱐
ᱴᱮᱞᱤᱯᱷᱚᱱ ᱠᱳᱰ	0᱖᱕᱓᱔
ᱜᱟᱹᱰᱤ ᱨᱤᱡᱤᱥᱴᱨᱤ	JH-12
ᱣᱮᱵᱽᱥᱟᱭᱤᱴ	koderma.nic.in

ᱠᱳᱰᱟᱨᱢᱟ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱡᱷᱟᱨᱠᱷᱚᱸᱰ ᱨᱮ ᱢᱤᱫ ᱥᱚᱦᱚᱨ ᱟᱨ ᱠᱳᱰᱟᱨᱢᱟ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾

ᱚᱛᱱᱚᱜ

ᱦᱚᱲ ᱮᱞ

᱒᱐᱑᱑ ᱥᱟᱞ ᱨᱮᱱᱟᱜ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱠᱳᱰᱟᱨᱢᱟ ᱱᱚᱜᱚᱨ ᱵᱟᱹᱭᱥᱤ ᱨᱤᱱ ᱜᱩᱴ ᱦᱚᱲ ᱮᱞ ᱫᱤ ᱒᱔,᱖᱓᱓ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱚᱸᱰᱮ ᱠᱷᱚᱱ ᱑᱒,᱙᱔᱑ ᱠᱚᱲᱟ ᱟᱨ ᱑᱑,᱖᱙᱒ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱜᱮᱨ ᱟᱹᱫᱤᱵᱟᱹᱥᱤ ᱭᱟᱜ ᱮᱞ ᱫᱚ ᱑,᱖᱙᱑ ᱟᱨ ᱟᱹᱫᱤᱵᱟᱹᱥᱤ ᱭᱟᱜ ᱮᱞ ᱫᱚ ᱑᱕᱓ ᱾^[᱑] ᱒᱐᱐᱑ ᱥᱟᱞ ᱨᱮᱱᱟᱜ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,^[᱒] ᱠᱳᱰᱟᱨᱢᱟ ᱨᱤᱱ ᱦᱚᱲ ᱮᱞ ᱫᱚ ᱑᱗,᱑᱖᱐ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱠᱚᱣᱟᱜ ᱦᱚᱲ ᱮᱞ ᱕᱓% ᱟᱨ ᱛᱤᱨᱞᱟᱹ ᱠᱚᱣᱟᱜ ᱦᱚᱲ ᱮᱞ ᱔᱗% ᱢᱮᱱᱟᱜᱼᱟ ᱾ ᱠᱳᱰᱟᱨᱢᱟ ᱨᱮᱱᱟᱜ ᱥᱮᱪᱮᱫ ᱫᱚᱨ ᱫᱚ ᱖᱓% ᱢᱮᱱᱟᱜᱼᱟ, ᱱᱚᱣᱟ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱫᱚ ᱕᱙.᱕% ᱠᱷᱚᱱ ᱫᱚ ᱰᱮᱦᱮᱨ ᱜᱮᱭᱟ: ᱠᱚᱲᱟ ᱠᱚᱣᱟᱜ ᱥᱮᱪᱮᱫ ᱫᱚ ᱗᱑% ᱢᱮᱱᱟᱜᱼᱟ, ᱟᱨ ᱛᱤᱨᱞᱟᱹ ᱠᱚᱣᱟᱜ ᱥᱮᱪᱮᱫ ᱫᱚ ᱕᱓% ᱢᱮᱱᱟᱜᱼᱟ ᱾ ᱠᱳᱰᱟᱨᱢᱟ ᱨᱮ, ᱑᱗% ᱦᱚᱲ ᱮᱞ ᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾

ᱥᱮᱪᱮᱫ

᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ ᱞᱮᱠᱟᱛᱮ ᱱᱚᱜᱚᱨ ᱵᱟᱹᱭᱥᱤ ᱨᱮ ᱜᱩᱴ ᱥᱟᱶᱦᱮᱫ ᱨᱮᱱᱟᱜ ᱮᱞᱮᱞ ᱑᱖,᱖᱔᱕ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱙,᱖᱔᱗ ᱠᱚᱲᱟ ᱟᱨ ᱖,᱙᱙᱘ ᱛᱤᱨᱞᱟᱹ ᱠᱚ ᱛᱤᱨᱞᱟᱹ ᱠᱟᱱᱟ ᱾^[᱑] ᱠᱳᱰᱟᱨᱢᱟ ᱨᱮ ᱮᱢᱟᱱ ᱟᱥᱲᱟ ᱟᱨ ᱰᱤᱜᱽᱨᱤ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ:

PVSS DAV ᱯᱟᱵᱽᱞᱤᱠ ᱟᱥᱲᱟ
ᱠᱳᱰᱟᱨᱢᱟ ᱤᱱᱰᱩᱥᱴᱨᱤᱭᱟᱞ ᱪᱮᱫᱚᱜ ᱛᱟᱞᱢᱟ, ᱠᱳᱰᱟᱨᱢᱟ
ᱠᱳᱰᱟᱨᱢᱟ ᱩᱱᱩᱥᱩᱞ ᱟᱥᱲᱟ
ᱯᱨᱚᱡᱮᱠ ᱛᱤᱨᱞᱟᱹ ᱩᱱᱩᱥᱩᱞ ᱟᱥᱲᱟ, ᱠᱳᱰᱟᱨᱢᱟ
ᱛᱤᱨᱞᱟᱹ ᱵᱤᱨᱫᱟᱹᱜᱟᱲ, ᱠᱳᱰᱟᱨᱢᱟ

ᱦᱚᱨ ᱰᱟᱦᱟᱨ

ᱥᱚᱲᱚᱠ

ᱠᱳᱰᱟᱨᱢᱟ ᱫᱚ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓᱑ (NH 31) ᱥᱟᱶᱛᱮ ᱢᱮᱱᱟᱜᱼᱟ ᱱᱚᱣᱟ ᱨᱟᱺᱪᱤ ᱟᱨ ᱯᱟᱴᱱᱟ ᱟᱨ ᱠᱳᱰᱟᱨᱢᱟ ᱜᱤᱨᱤᱰᱤᱦ ᱫᱚ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱛᱮ ᱡᱚᱲᱟᱣ ᱟᱠᱟᱱᱟ ᱾

ᱨᱮᱞ

ᱠᱳᱰᱟᱨᱢᱟ ᱨᱮᱞ ᱥᱴᱮᱥᱚᱱ ᱫᱚ ᱥᱟᱢᱟᱝ ᱛᱟᱞᱢᱟ ᱨᱮᱞ ᱨᱮᱱᱟᱜ ᱜᱨᱮᱸᱰ ᱠᱚᱨᱰ ᱨᱮᱞ ᱞᱟᱭᱤᱱ ᱨᱮ ᱢᱮᱱᱟᱜᱼᱟ ᱱᱚᱣᱟ ᱠᱚᱞᱠᱟᱛᱟ ᱟᱨ ᱫᱤᱞᱞᱤ ᱫᱚ ᱫᱷᱟᱱᱵᱟᱫᱽ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱨᱮᱞ ᱥᱴᱮᱥᱚᱱ ᱮᱠᱪᱩᱟᱞᱤ (actually) ᱨᱮ ᱚᱱᱟ ᱥᱩᱨ ᱡᱷᱩᱢᱨᱤ ᱛᱤᱞᱮᱭᱟ ᱥᱚᱦᱚᱨ ᱨᱮ ᱢᱮᱱᱟᱜᱼᱟ ᱵᱟᱝᱢᱟ ᱠᱚᱰᱟᱨᱢᱟ ᱥᱚᱦᱚᱨ ᱨᱮ (ᱠᱟᱹᱡ ᱥᱟᱸᱜᱤᱧ ᱨᱮ) (᱙ ᱠᱤᱞᱚᱢᱤᱴᱚᱨ) ᱾

ᱠᱳᱰᱟᱨᱢᱟ ᱨᱮᱞ ᱥᱴᱮᱥᱚᱱ ᱠᱷᱚᱱ ᱯᱮᱭᱟ ᱵᱷᱮᱡᱟᱨᱼᱵᱷᱮᱡᱟᱨ ᱫᱤᱥᱟᱹ ᱨᱮ ᱯᱮᱭᱟ ᱱᱟᱣᱟ ᱨᱮᱞ ᱞᱟᱭᱤᱱ ᱠᱚ ᱵᱟᱹᱭᱥᱟᱹᱣ ᱮᱫᱟ ᱠᱚ :

ᱠᱳᱰᱟᱨᱢᱟ-ᱜᱤᱨᱤᱰᱤᱦ ᱑᱑᱑ ᱠᱤᱞᱚᱢᱤᱴᱚᱨ ᱡᱤᱞᱤᱧ
ᱠᱳᱰᱟᱨᱢᱟ-ᱦᱟᱡᱟᱨᱤᱵᱟᱜᱽ ᱗᱙ ᱠᱤᱞᱚᱢᱤᱴᱚᱨ ᱡᱤᱞᱤᱧ (ᱨᱟᱺᱪᱤ ᱨᱮᱞᱣᱮ ᱡᱚᱸᱠᱥᱚᱱ, ᱠᱳᱰᱟᱨᱢᱟ ᱠᱷᱚᱱ ᱒᱐᱐ ᱠᱤᱞᱚᱢᱤᱴᱚᱨ ᱥᱟᱸᱜᱤᱧ ᱵᱟᱨᱠᱟᱠᱟᱱᱟ ᱡᱚᱸᱠᱥᱚᱱ)
ᱠᱳᱰᱟᱨᱢᱟ-ᱛᱤᱞᱮᱭᱟ (ᱵᱤᱦᱟᱨ)

ᱠᱳᱰᱟᱨᱢᱟ ᱠᱷᱚᱱ ᱠᱟᱣᱟᱲ ᱥᱮᱫ ᱜᱤᱨᱤᱰᱤᱦ ᱥᱮᱫᱛᱮ ᱥᱮᱱᱚᱜ ᱜᱟᱦ ᱘᱕ ᱠᱤᱞᱚᱢᱤᱴᱚᱨ ᱡᱤᱞᱤᱧ ᱨᱮᱞ ᱞᱟᱭᱤᱱ ᱫᱚ ᱚᱜᱚᱥᱴ ᱒᱐᱑᱕ ᱨᱮ ᱪᱟᱞᱩ ᱟᱠᱟᱱᱟ ᱟᱨ ᱱᱚᱣᱟ ᱘᱖ ᱠᱤᱞᱚᱢᱤᱴᱚᱨ ᱨᱮᱱᱟᱜ ᱠᱷᱚᱸᱰ ᱨᱮ ᱢᱤᱫ DMU ᱯᱟᱥᱮᱸᱡᱚᱨ ᱴᱨᱮᱱ ᱥᱮᱱᱚᱜ ᱟ ᱾ ᱱᱚᱣᱟ ᱫᱚ ᱠᱳᱰᱟᱨᱢᱟ ᱫᱚ ᱢᱤᱫ ᱨᱮᱞ ᱡᱟᱸᱠᱥᱚᱱ ᱵᱮᱱᱟᱣ ᱟᱠᱟᱱᱟ ᱾ ᱒᱐᱑᱓ ᱨᱮ ᱠᱳᱰᱟᱨᱢᱟ ᱦᱚᱱᱚᱛ ᱨᱮᱱᱟᱜ ᱱᱟᱣᱟᱰᱤᱦ ᱥᱴᱮᱥᱚᱱ ᱫᱚ ᱪᱟᱠᱩ ᱞᱮᱱᱟ ᱛᱟᱦᱮᱫ ᱾

ᱦᱟᱡᱟᱨᱤᱵᱟᱜᱽ ᱫᱷᱟᱹᱨᱤᱡ ᱨᱮᱞ ᱞᱟᱭᱤᱱ ᱵᱟᱹᱭᱥᱟᱹᱣ ᱟᱠᱟᱱᱟ ᱾ ᱱᱚᱣᱟ ᱫᱚ ᱒᱐ ᱯᱷᱮᱵᱨᱩᱣᱟᱨᱤ ᱒᱐᱑᱕ ᱠᱷᱚᱱ ᱵᱮᱱᱟᱣ ᱮᱦᱚᱵ ᱞᱮᱱᱟ ᱾ ᱢᱤᱫᱴᱟᱹᱝ ᱯᱟᱥᱮᱱᱡᱚᱨ ᱴᱨᱮᱱ ᱦᱟᱡᱟᱨᱤᱵᱟᱜᱽ ᱱᱚᱜᱚᱨ ᱠᱷᱚᱱ ᱠᱳᱰᱟᱨᱢᱟ ᱥᱴᱮᱥᱚᱱ ᱫᱷᱟᱹᱨᱤᱡ ᱥᱮᱱᱚᱜ ᱠᱟᱱᱟ ᱾ ᱱᱤᱛᱚᱜ ᱱᱚᱣᱟ ᱴᱨᱮᱱ ᱫᱚ ᱟᱯᱜᱨᱮᱰ ᱦᱩᱭ ᱮᱱᱟ ᱟᱨ ᱠᱳᱰᱟᱨᱢᱟ ᱡᱟᱸᱠᱥᱚᱱ ᱠᱷᱚᱱ ᱵᱟᱨᱠᱟᱠᱟᱱᱟ ᱡᱟᱸᱠᱥᱚᱱ ᱞᱮᱠᱟᱛᱮ ᱥᱮᱱᱚᱜᱼᱟ ᱾

ᱟᱥᱯᱟᱛᱟᱞ

ᱥᱟᱫᱟᱨ ᱟᱥᱯᱟᱛᱟᱞ ᱥᱚᱦᱚᱨ ᱨᱮ ᱥᱚᱨᱠᱟᱨᱤ ᱢᱟᱹᱞᱤᱠ ᱫᱤᱥᱣᱟᱹ ᱟᱥᱯᱟᱛᱟᱞ ᱠᱟᱱᱟ ᱾^[᱓]

ᱵᱮᱸᱠ

ᱠᱳᱰᱟᱨᱢᱟ ᱦᱚᱱᱚᱛ ᱨᱮ ᱪᱟᱸᱜᱟ ᱥᱟᱞᱟᱜ ᱛᱮ ᱑᱘ ᱠᱷᱚᱱ ᱰᱮᱦᱮᱨ ᱵᱮᱸᱠ ᱢᱮᱱᱟᱜᱼᱟ ᱾ ᱟᱨ ᱵᱮᱸᱠ ᱢᱮᱱᱟᱜᱼᱟ ᱥᱤᱧᱚᱛᱤᱭᱟᱹ ᱤᱥᱴᱮᱴ ᱵᱮᱸᱠ, ᱵᱮᱸᱠ ᱳᱯᱷ ᱤᱱᱰᱤᱭᱟ, ᱮᱪᱰᱤᱮᱯᱷᱥᱤ ᱵᱮᱸᱠ, ᱟᱭᱤᱥᱤᱟᱭᱤᱥᱤᱟᱭᱤ ᱵᱮᱸᱠ, ᱟᱭᱤᱰᱤᱵᱤᱟᱭᱤ ᱵᱮᱸᱠ, ᱮᱠᱥᱤᱥ ᱵᱮᱸᱠ, ᱮᱞᱟᱦᱟᱵᱟᱫᱽ ᱵᱮᱸᱠ ᱾^[᱔]

ᱫᱷᱚᱨᱚᱢ

ᱠᱳᱰᱟᱨᱢᱟ ᱨᱮ ᱮᱢᱟᱱ ᱢᱚᱱᱫᱤᱨ ᱢᱮᱱᱟᱜᱼᱟ

ᱥᱨᱤ ᱥᱟᱸᱠᱟᱛ ᱢᱚᱪᱟᱱ ᱴᱨᱟᱥᱴ ᱢᱚᱱᱫᱤᱨ, ᱞᱟᱞ ᱠᱷᱟᱴᱩᱵᱟᱞᱟ ᱤᱫᱤ ᱵᱮᱱᱟᱣ ᱟᱠᱟᱱᱟ^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}
ᱠᱟᱞᱤ ᱢᱚᱱᱫᱤᱨ,ᱥᱟᱢᱟᱸᱛᱟ ᱜᱷᱟᱨᱚᱸᱡᱽ ᱤᱫᱤ ᱵᱮᱱᱟᱣ ᱟᱠᱟᱱᱟ
ᱫᱣᱟᱡᱟᱫᱷᱟᱨᱤ ᱯᱟᱦᱟᱲᱤ ᱢᱚᱱᱫᱤᱨ
ᱵᱟᱞᱟᱡᱤ ᱢᱚᱱᱫᱤᱨ, ᱥᱴᱮᱥᱚᱱ ᱰᱟᱦᱟᱨ

ᱠᱚᱢᱟᱨᱥᱤᱭᱟᱞ ᱴᱷᱟᱶ

ᱢᱩᱬ ᱠᱚᱢᱟᱨᱥᱤᱭᱟᱞ ᱛᱟᱞᱢᱟ ᱵᱟᱝᱢᱟ ᱚᱱᱟ ᱴᱷᱟᱶ ᱡᱟᱦᱟᱸ ᱰᱮᱦᱮᱨ ᱛᱮᱫ ᱵᱮᱯᱟᱨ ᱦᱩᱭᱩᱜᱼᱟ, ᱥᱴᱮᱥᱚᱱ ᱰᱟᱦᱟᱨ ᱟᱨ ᱡᱷᱟᱱᱰᱟ ᱪᱷᱚᱠ ᱴᱚᱴᱷᱟ ᱠᱟᱱᱟ ᱾ ᱥᱚᱦᱚᱨ ᱵᱟᱲᱦᱟᱣ ᱤᱫᱤ ᱠᱟᱱᱟ ᱟᱨ ᱢᱟᱲᱟᱝ ᱢᱳᱞ ᱴᱟᱭᱤᱯ ᱨᱮᱱᱟᱜ ᱯᱨᱤᱢᱤᱭᱟᱢ ᱠᱚᱢᱟᱨᱥᱤᱭᱟᱞ ᱚᱲᱟᱜ ᱠᱷᱚᱱ ᱫᱚ ᱢᱤᱫᱴᱟᱹᱝ ᱦᱤᱡᱩᱜ ᱠᱟᱱᱟ ᱾

ᱱᱚᱸᱰᱮ ᱦᱚᱸ ᱧᱮᱞᱢᱮ

ᱠᱳᱰᱟᱨᱢᱟ ᱦᱚᱱᱚᱛ

ᱥᱟᱹᱠᱷᱭᱟᱹᱛ

↑ ^᱑.᱐ ^᱑.᱑ "2011 Census – Primary Census Abstract Data Tables". Jharkhand – District-wise. Registrar General and Census Commissioner, India. Retrieved 16 December 2015.
↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.
↑ Ray, Dhritiman (23 September 2018). "Modi lays foundations of two 300 bed medical colleges in Jharkhand". The Times of India (in ᱟᱝᱜᱽᱨᱮᱡᱤ). Retrieved 17 May 2019.
↑ "Banks in Kodarma". bankifsccodes.co.in. Archived from the original on 2014-07-27. Retrieved 2014-05-04.

[census3-2011-1] ᱑.᱐ ^᱑.᱑ "2011 Census – Primary Census Abstract Data Tables". Jharkhand – District-wise. Registrar General and Census Commissioner, India. Retrieved 16 December 2015.

[2] "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.

[3] Ray, Dhritiman (23 September 2018). "Modi lays foundations of two 300 bed medical colleges in Jharkhand". The Times of India (in ᱟᱝᱜᱽᱨᱮᱡᱤ). Retrieved 17 May 2019.

[4] "Banks in Kodarma". bankifsccodes.co.in. Archived from the original on 2014-07-27. Retrieved 2014-05-04.

[᱑]

[᱒]

[᱓]

[᱔]