ᱥᱤᱞᱪᱚᱨ

ᱥᱤᱞᱪᱚᱨ
ᱥᱤᱞᱪᱚᱨ
ᱵᱟᱡᱟᱨ
	ᱵᱟᱨᱟᱠ ᱱᱟᱹᱭ ᱨᱮᱭᱟᱜ ᱧᱮᱢᱮᱞ, ᱥᱤᱞᱪᱚᱨ
	ᱮᱴᱟᱜ ᱧᱩᱛᱩᱢ: ᱱᱮᱢᱚᱥ ᱟᱱᱟᱜ ᱰᱷᱤᱯ ᱟᱨ ᱫᱩᱞᱟᱹᱲ ᱨᱮᱭᱟᱜ ᱵᱟᱡᱟᱨ
	ᱥᱤᱞᱪᱚᱨ ᱥᱤᱞᱪᱚᱨLocation in Assam, India
	Coordinates: 24°49′N 92°48′E / 24.82°N 92.8°ECoordinates: 24°49′N 92°48′E / 24.82°N 92.8°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱟᱥᱟᱢ
ᱦᱚᱱᱚᱛ	ᱠᱟᱪᱟᱨ
ᱴᱚᱴᱷᱟ	ᱵᱟᱨᱟᱠ ᱜᱷᱟᱹᱴᱤ
ᱥᱚᱨᱠᱟᱨ
• ᱪᱟᱪᱞᱟᱣ	ᱥᱤᱞᱪᱚᱨ ᱢᱩᱱᱤᱥᱤᱯᱟᱞ ᱵᱚᱨᱰ
• No. of Wards	30
ᱩᱥᱩᱞ	22 ᱢᱤᱴᱚᱨ (72 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(2011)
	IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	788001 to 788032 and 788118
ᱴᱮᱞᱤᱯᱷᱳᱱ ᱠᱳᱰ	+91 (0) 3842
ᱟᱭ.ᱮᱥ.ᱳ ᱓᱑᱖᱖ ᱠᱳᱰ	IN-AS
ᱜᱟᱹᱰᱤ ᱨᱤᱡᱤᱥᱴᱨᱤ	AS-11
ᱟᱹᱢᱟᱹᱞᱮᱛ ᱯᱟᱹᱨᱥᱤ	ᱵᱟᱝᱞᱟ
ᱵᱟᱹᱲᱛᱤ ᱨᱚᱲᱮᱫ ᱯᱟᱹᱨᱥᱤ	ᱵᱟᱝᱞᱟ
ᱣᱮᱵᱽᱥᱟᱭᱤᱴ	www.cachar.nic.in

ᱥᱤᱞᱪᱚᱨ ᱫᱚ ᱟᱥᱟᱢ ᱨᱮᱭᱟᱜ ᱢᱤᱫ ᱢᱟᱨᱟᱝ ᱵᱟᱡᱟᱨ ᱠᱟᱱᱟ ᱾ ᱱᱚᱣᱟ ᱫᱚ ᱟᱥᱟᱢ ᱨᱮᱭᱟᱜ ᱫᱚᱥᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱟᱡᱟᱨ ᱠᱟᱱᱟ ᱾ ᱥᱤᱞᱪᱚᱨ ᱫᱚ ᱠᱟᱪᱟᱨ ᱯᱚᱱᱚᱛ ᱨᱮᱭᱟᱜ ᱠᱟᱱᱟ ᱾

ᱱᱚᱣᱟ ᱫᱚ ᱜᱩᱣᱟᱦᱟᱴᱤ ᱠᱷᱚᱱ ᱖᱒᱐ ᱠᱤᱞᱚ ᱢᱤᱴᱚᱨ (᱒᱔᱑ ᱢᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱢᱤᱡᱚᱨᱟᱢ ᱟᱨ ᱢᱟᱱᱤᱯᱩᱨ ᱨᱮᱭᱟᱜ ᱠᱟᱹᱣᱰᱤᱟᱹᱨᱤᱭᱟᱹᱛ ᱦᱚᱨ ᱠᱟᱱᱟ ᱾ ᱱᱚᱣᱟ ᱵᱟᱡᱟᱨ ᱨᱮᱫᱚ ᱥᱤᱧᱚᱛ ᱨᱮᱭᱟᱜ ᱥᱟᱺᱜᱤᱧ ᱥᱟᱺᱜᱤᱧ ᱴᱚᱴᱷᱟ ᱠᱷᱚᱱ ᱵᱮᱯᱟᱨᱤᱭᱟᱹ ᱦᱚᱲ ᱦᱮᱡ ᱠᱟᱛᱮ ᱵᱟᱥᱟ ᱠᱚ ᱛᱟᱦᱮᱸᱱᱟ ᱾ ᱱᱚᱰᱮ ᱵᱟᱹᱲᱛᱤ ᱨᱚᱲᱚᱜ ᱠᱟᱱ ᱯᱟᱹᱨᱥᱤ ᱫᱚ ᱵᱟᱸᱜᱟᱞᱤ ᱟᱨ ᱥᱤᱞᱮᱴᱤ ᱯᱟᱹᱨᱥᱤ ᱠᱟᱱᱟ ᱾ ᱥᱤᱞᱪᱚᱨ ᱫᱚ ᱵᱟᱨᱟᱠ ᱱᱟᱹᱭ ᱨᱮᱭᱟᱜ ᱞᱮᱸᱜᱟ ᱟᱲᱮ ᱨᱮ ᱢᱮᱱᱟᱜᱼᱟ ᱾ ᱵᱟᱹᱲᱛᱤ ᱡᱟᱹᱯᱩᱫ ᱟᱨ ᱞᱟᱹᱠᱛᱤ ᱠᱷᱚᱱ ᱵᱟᱹᱲᱛᱤ ᱞᱚᱞᱚ ᱠᱷᱟᱹᱛᱤᱨ ᱡᱟᱹᱯᱩᱫ ᱨᱤᱛᱩ ᱨᱮᱦᱚᱸ ᱦᱚᱭ ᱦᱤᱥᱤᱫ ᱫᱚ ᱩᱨᱜᱩᱢ ᱜᱮ ᱛᱟᱦᱮᱸᱱᱟ ᱾ ᱪᱟᱦᱟ, ᱦᱳᱲᱳ ᱟᱨ ᱛᱤᱱᱟᱹᱝ ᱜᱟᱱ ᱵᱤᱨ ᱡᱟᱭ ᱨᱮᱭᱟᱜ ᱱᱚᱣᱟ ᱫᱚ ᱵᱮᱵᱽᱥᱟᱭ ᱛᱟᱞᱢᱟ ᱠᱟᱱᱟ ᱾ ᱡᱟᱦᱟᱸ ᱞᱮᱠᱟ ᱱᱚᱣᱟ ᱡᱟᱭᱜᱟ ᱫᱚ ᱮᱴᱟᱜ ᱴᱚᱴᱷᱟ ᱠᱷᱚᱱ ᱟᱹᱰᱤ ᱥᱟᱹᱱᱛᱤ ᱜᱮᱭᱟ, ᱚᱱᱟᱛᱮ ᱥᱤᱧᱚᱛ ᱨᱤᱱᱤᱡ ᱤᱱᱟᱹ ᱚᱠᱛᱚ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱤᱱᱫᱤᱨᱟ ᱜᱟᱱᱫᱷᱤ ᱱᱚᱣᱟ ᱵᱟᱡᱟᱨ ᱫᱚ "ᱥᱟᱹᱱᱛᱤ ᱟᱱᱟᱜ ᱰᱷᱤᱯ" ᱢᱮᱱᱛᱮᱭ ᱧᱩᱛᱩᱢ ᱞᱮᱫᱼᱟ ᱾

ᱩᱯᱨᱩᱢ

ᱥᱤᱞᱪᱚᱨ ᱫᱚ ᱵᱟᱸᱜᱟᱞᱤ ᱟᱹᱲᱟᱹ ᱠᱷᱚᱱ ᱵᱮᱱᱟᱣ ᱟᱠᱟᱱᱟ 'ᱥᱤᱞ' (ᱢᱤᱫ ᱞᱮᱠᱟᱱ ᱫᱷᱤᱨᱤ) ᱟᱨ 'ᱪᱚᱨ' ᱱᱟᱹᱭ ᱨᱮᱭᱟᱜ ᱠᱟᱛᱟ ᱾ ᱤᱝᱨᱮᱡᱽ ᱠᱚᱣᱟᱜ ᱜᱚᱵᱚᱞᱱᱟᱝ ᱨᱮ ᱡᱟᱦᱟᱡᱽ ᱠᱚᱫᱚ ᱵᱟᱨᱟᱠ ᱱᱟᱹᱭ ᱠᱟᱛᱟ ᱨᱮᱠᱚ ᱫᱚᱦᱚ ᱮᱫ ᱛᱟᱦᱮᱸᱫ ᱾ ᱚᱱᱟ ᱠᱷᱟᱹᱛᱤᱨ ᱱᱟᱹᱭ ᱫᱷᱟᱨᱮ ᱨᱮ ᱢᱤᱫ ᱵᱟᱡᱟᱨ ᱦᱚᱸ ᱛᱤᱸᱜᱩ ᱮᱱᱟ ᱟᱨ ᱠᱟᱹᱣᱰᱤᱟᱹᱨᱤᱭᱟᱹᱛ ᱦᱮᱡ ᱥᱮᱱᱚᱜ ᱨᱮᱭᱟᱜ ᱢᱤᱫ ᱢᱩᱬ ᱴᱚᱴᱷᱟ ᱠᱟᱱᱟ ᱾ ᱵᱟᱨᱟᱠ ᱱᱟᱹᱭ ᱨᱮᱭᱟᱜ ᱠᱟᱛᱟ ᱫᱷᱟᱨᱮ ᱫᱚ ᱫᱷᱤᱨᱤ ᱛᱮ ᱯᱮᱨᱮᱡ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱡᱟᱦᱟᱡᱽ ᱠᱚ ᱴᱟᱨᱦᱟᱣ ᱛᱟᱦᱮᱸᱱ ᱞᱟᱹᱜᱤᱫ ᱟᱹᱰᱤ ᱱᱟᱯᱟᱭ ᱜᱟᱱ ᱞᱮᱱᱟ ᱾ ᱟᱨ ᱵᱟᱡᱟᱨ ᱢᱤᱫ ᱱᱚᱝᱠᱟᱱ ᱡᱟᱭᱜᱟ ᱨᱮ ᱛᱷᱟᱯᱚᱱ ᱦᱩᱭ ᱮᱱᱟ ᱡᱟᱦᱟᱸ ᱨᱮᱫᱚ ᱯᱩᱨᱟᱹᱯᱩᱨᱤ ᱫᱷᱤᱨᱤ ᱛᱮ ᱯᱮᱨᱮᱡ ᱛᱟᱦᱮᱸ ᱠᱟᱱᱟ ᱾ ᱦᱚᱲ ᱱᱚᱣᱟ ᱡᱟᱭᱜᱟ ᱫᱚ 'ᱥᱤᱞᱮᱨ ᱪᱚᱨ' ᱟᱨᱵᱟᱝ ᱫᱷᱤᱨᱤ ᱨᱮᱭᱟᱜ ᱠᱟᱛᱟ ᱢᱮᱢᱮᱱ ᱠᱚ ᱮᱭᱦᱚᱵ ᱠᱮᱫᱼᱟ ᱾ ᱱᱚᱝᱠᱟᱛᱮ ᱥᱤᱞᱮᱨ ᱪᱚᱨ ᱜᱮ ᱵᱮᱱᱟᱣ ᱮᱱᱟ 'ᱥᱤᱞᱪᱚᱨ' ᱾ ᱛᱟᱭᱚᱢ ᱛᱮ ᱤᱝᱨᱮᱡᱽ ᱠᱚ ᱟᱠᱚᱣᱟᱜ ᱥᱚᱨᱠᱟᱨᱤ ᱯᱩᱛᱷᱤ ᱞᱟᱪᱷᱟ ᱨᱮ ᱱᱚᱣᱟ ᱴᱚᱷᱟ ᱫᱚ ᱥᱤᱞᱪᱚᱨ ᱠᱚ ᱢᱮᱱ ᱠᱮᱫᱼᱟ ᱾

ᱥᱩᱨ ᱥᱩᱯᱩᱨ ᱙᱐% ᱥᱤᱞᱪᱚᱨ ᱵᱚᱥᱠᱚᱫᱤᱭᱟᱹ ᱵᱟᱝᱜᱟᱞᱤ ᱠᱟᱱᱟ ᱠᱚ ᱡᱟᱦᱟᱸᱭ ᱫᱚ ᱥᱤᱞᱮᱴᱤ ᱯᱟᱹᱨᱥᱤ ᱠᱚ ᱨᱚᱲᱟ ᱾ ᱟᱨ ᱮᱴᱟᱜ ᱯᱟᱹᱨᱥᱤ ᱠᱚ ᱡᱮᱞᱮᱠᱟ, ᱢᱚᱬᱤᱯᱩᱨᱤ-ᱢᱮᱭᱛᱤ, ᱢᱟᱨᱣᱟᱲᱤ, ᱵᱤᱥᱱᱩᱯᱨᱤᱭᱟ ᱢᱚᱬᱤᱯᱩᱨᱤ ᱨᱚᱲᱮᱫ ᱦᱚᱲ ᱥᱟᱶ ᱥᱟᱶᱛᱮ ᱱᱚᱰᱮ ᱛᱤᱱᱟᱹᱝ ᱜᱟᱱ ᱱᱟᱜᱟ ᱦᱚᱸ ᱵᱟᱥᱟ ᱠᱟᱛᱮ ᱢᱮᱱᱟᱜ ᱠᱚᱣᱟ ᱾ ᱱᱚᱰᱮᱱᱟᱜ ᱯᱩᱭᱞᱩ ᱡᱚᱢᱟᱜ ᱫᱚ ᱫᱟᱠᱟ ᱠᱟᱱᱟ ᱾ ᱦᱟᱹᱠᱩᱣᱟᱜ ᱦᱚᱸ ᱟᱹᱰᱤ ᱜᱮ ᱜᱚᱨᱚᱡᱽ ᱢᱮᱱᱟᱜᱼᱟ ᱾ ᱥᱩᱴᱠᱤ (ᱨᱚᱦᱚᱲ ᱦᱟᱹᱠᱩᱣᱟᱜ ᱧᱩᱛᱩᱢ), ᱥᱤᱫᱳᱞ ᱪᱚᱴᱱᱤ, ᱥᱩᱸᱜᱟᱞ ᱯᱤᱴᱷᱟᱹ ᱱᱚᱰᱮᱣᱟᱜ ᱛᱤᱱᱟᱹᱜ ᱜᱟᱱ ᱡᱚᱢᱟᱜ ᱨᱮᱭᱟᱜ ᱧᱩᱛᱩᱢ ᱾ ᱛᱤᱱᱟᱹᱝ ᱥᱮᱨᱢᱟ ᱨᱮ ᱥᱩᱨ ᱥᱩᱯᱩᱨ ᱨᱮᱭᱟᱜ ᱛᱤᱱᱟᱹᱝ ᱜᱟᱱ ᱴᱚᱴᱷᱟ ᱠᱷᱚᱱ ᱦᱚᱲ ᱦᱮᱡ ᱠᱟᱛᱮ ᱱᱚᱰᱮ ᱵᱚᱥᱠᱚᱫᱚᱜ ᱠᱚ ᱪᱷᱩᱴᱟᱹᱣ ᱟᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱢᱩᱠᱷᱤᱭᱟᱹ ᱮᱛᱮᱫ ᱫᱚ ᱱᱚᱣᱟ ᱵᱟᱡᱟᱨ ᱨᱮᱭᱟᱜ ᱥᱮᱪᱮᱫ ᱟᱨ ᱛᱤᱠᱪᱷᱟ. ᱨᱮᱭᱟᱜ ᱩᱛᱱᱟᱹᱣ ᱥᱟᱶ ᱥᱟᱶᱛᱮ ᱨᱤᱭᱚᱞ ᱮᱥᱴᱮᱴ ᱟᱨᱠᱮᱴ ᱟᱨ ᱮᱴᱟᱜ ᱯᱚᱨᱛᱚᱱ ᱜᱮ ᱱᱚᱣᱟ ᱵᱟᱡᱟᱨ ᱫᱚ ᱵᱟᱹᱲᱛᱤ ᱵᱷᱤᱲ-ᱵᱷᱟᱲ ᱨᱮᱭᱟᱜ ᱮᱞᱟᱠᱟᱭ ᱵᱮᱱᱟᱣ ᱠᱮᱫᱼᱟ ᱾ ᱱᱚᱣᱟ ᱫᱚ ᱯᱚᱱᱚᱛ ᱨᱮᱭᱟᱜ ᱫᱚᱥᱟᱨ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱦᱚᱧ ᱮᱞᱮᱞ ᱟᱱᱟᱜ ᱱᱟᱜᱟᱨ ᱠᱟᱱᱟ ᱾

ᱱᱟᱜᱟᱢ

᱑᱙ ᱟᱱᱟᱜ ᱥᱮᱧᱪᱚᱨᱤ ᱨᱮ ᱱᱚᱰᱮ ᱫᱚ ᱢᱤᱫ 'ᱢᱤᱥᱚᱱᱟᱨᱤ ᱟᱥᱲᱟ' ᱟᱨ 'ᱯᱚᱞᱚ ᱢᱟᱴ' ᱵᱮᱱᱟᱣ ᱮᱱᱟ ᱾ ᱱᱚᱰᱮ ᱟᱹᱰᱤ ᱞᱟᱦᱟᱨᱮ, ᱯᱟᱞᱮ ᱑᱘᱔᱒ ᱠᱚ ᱥᱮᱫ ᱢᱤᱫ ᱢᱟᱨᱮ ᱢᱩᱫᱽᱨᱤ 'ᱱᱚᱨᱚᱥᱤᱝᱦᱚ ᱟᱠᱷᱟᱲᱟ' ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱵᱽᱨᱤᱴᱤᱥ ᱱᱟᱝ ᱨᱮᱦᱚᱸ ᱟᱹᱰᱤᱜᱟᱱ ᱮᱴᱟᱜ ᱟᱠᱷᱟᱲᱟ ᱟᱨ ᱢᱩᱫᱽᱨᱤ ᱠᱚᱦᱚᱸ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾

ᱪᱟᱥᱵᱟᱥ ᱟᱨ ᱠᱷᱚᱬᱤᱡᱽ

ᱥᱤᱞᱪᱚᱨ ᱪᱟᱦᱟ, ᱪᱟᱣᱞᱮ ᱟᱨ ᱫᱩᱥᱨᱟᱹ ᱠᱤᱨᱥᱤ ᱟᱨᱡᱟᱣ ᱨᱮᱭᱟᱜ ᱵᱮᱯᱟᱨ ᱟᱨ ᱵᱟᱹᱱᱤᱡ ᱨᱮᱭᱟᱜ ᱛᱟᱞᱢᱟ ᱦᱚᱸ ᱠᱟᱱᱟ ᱾

ᱵᱮᱯᱟᱨ

ᱥᱤᱞᱪᱚᱨ ᱨᱮᱫᱚ ᱥᱤᱢᱟᱹᱛ ᱤᱱᱰᱚᱥᱴᱨᱤ ᱜᱮ ᱢᱮᱱᱟᱜᱼᱟ ᱟᱨ ᱵᱟᱹᱲᱛᱤ ᱞᱮᱠᱟᱛᱮ ᱚᱸᱰᱮ ᱫᱚ ᱠᱟᱜᱽᱡᱚ ᱟᱨ ᱪᱟᱦᱟ ᱰᱤᱵᱟᱹ ᱵᱮᱱᱟᱣᱜᱼᱟ ᱾

ᱦᱮᱡᱥᱮᱱ ᱟᱨ ᱥᱟᱱᱟᱜᱟᱲ

ᱢᱤᱫ ᱩᱰᱟᱹᱱ ᱟᱰᱟ ᱟᱱᱟᱜ ᱥᱤᱞᱪᱚᱞ ᱢᱤᱡᱚᱨᱟᱢ ᱨᱮᱭᱟᱜ ᱟᱭᱡᱳᱞ ᱟᱨ ᱢᱮᱜᱷᱟᱞᱚᱭ ᱨᱮᱭᱟᱜ ᱨᱟᱡᱽᱜᱟᱲ ᱥᱤᱞᱚᱝ ᱠᱷᱚᱱ ᱥᱚᱲᱚᱠ ᱟᱨ ᱨᱮᱞᱦᱚᱨ ᱦᱚᱸ ᱡᱩᱲᱟ.ᱭ ᱟᱠᱟᱱᱟ ᱾

ᱦᱚᱲ ᱮᱞᱮᱞ

᱒᱐᱐᱑ ᱥᱟᱞᱮ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱥᱤᱞᱪᱚᱨ ᱨᱤᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱒᱑,᱘᱙᱐ ᱢᱮᱱᱟᱜ ᱠᱚᱣᱟ ᱾ ᱚᱱᱠᱟ ᱜᱮ ᱥᱤᱧᱚᱛ ᱨᱮ ᱒᱐᱑᱑ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱥᱤᱞᱪᱚᱨ ᱵᱟᱡᱟᱨ ᱨᱤᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱒,᱒᱘,᱓᱒᱔ ᱢᱮᱱᱟᱜ ᱠᱚᱣᱟ ᱾ ^[᱑] ᱥᱤᱞᱪᱚᱨ ᱨᱮᱭᱟᱜ ᱡᱟᱱᱟᱝ ᱡᱟᱹᱱᱤ ᱫᱚ ᱑᱐᱐᱐ ᱠᱚᱲᱟ ᱦᱚᱯᱚᱱ ᱥᱟᱢᱟᱝ ᱨᱮ ᱠᱩᱲᱤ ᱦᱚᱯᱚᱱ ᱫᱚ ᱙᱘᱘ ᱦᱚᱲ ᱾

ᱥᱮᱪᱮᱫ

ᱥᱤᱞᱪᱚᱨ ᱫᱚ ᱢᱤᱫ ᱥᱮᱱᱴᱨᱟᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱟᱥᱟᱢ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱢᱩᱬ ᱠᱮᱢᱯᱚᱥ ᱨᱮᱭᱟᱜ ᱚᱲᱟᱜ ᱠᱟᱱᱟ ᱾ ᱡᱟᱦᱟᱸᱨᱮ ᱡᱮᱱᱮᱨᱟᱞ ᱥᱟᱶ ᱥᱟᱶᱛᱮ ᱵᱮᱵᱽᱥᱟᱭᱤᱠ ᱵᱟᱱᱟᱨ ᱞᱮᱠᱟᱛᱮᱜᱮ ᱥᱮᱪᱮᱫ ᱮᱢ ᱪᱟᱞᱟᱜ ᱠᱟᱱᱟ ᱾ ᱑᱙᱙᱔ ᱥᱟᱞᱮᱨᱮ ᱛᱷᱟᱯᱚᱱ ᱟᱠᱟᱱ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱑᱗ ᱜᱚᱴᱟᱝ ᱟᱥᱲᱟ ᱟᱨ ᱓᱕ ᱜᱚᱴᱟᱝ ᱯᱳᱥᱴ-ᱜᱽᱨᱟᱡᱩᱣᱮᱴ ᱦᱩᱫᱟᱹ ᱢᱮᱱᱟᱜᱼᱟ ᱾ ᱱᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱛᱟᱹᱨᱤ ᱨᱮᱫᱚ ᱕᱖ ᱮᱯᱷᱤᱞᱤᱭᱟᱴᱮᱰ ᱢᱟᱦᱟ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ ᱾ ^[᱒]^[᱓] ᱥᱤᱞᱪᱚᱨ ᱨᱮᱭᱟᱜ ᱢᱟᱦᱟ ᱵᱤᱨᱫᱟᱹᱜᱟᱲ ᱠᱚᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱟᱥᱟᱢ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱯᱟᱦᱴᱟ ᱠᱷᱚᱱ ᱮᱯᱷᱤᱞᱤᱭᱮᱥᱚᱱ ᱮ ᱧᱟᱢᱟ ᱾

ᱥᱟᱹᱠᱷᱭᱟᱹᱛ

↑ "Census of India". Govt. of India. Government of India. Retrieved 20 February 2014.
↑ "Assam University, Homepage". Assam University. Retrieved 20 February 2014.
↑ "Statistical Data Fact Sheet of AUS" (PDF). Assam University. Assam University. Retrieved 20 February 2014.

ᱵᱟᱦᱨᱮ ᱡᱚᱱᱚᱲ

Silchar ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ
Britannica article on Silchar

[cen-1] "Census of India". Govt. of India. Government of India. Retrieved 20 February 2014.

[aus-2] "Assam University, Homepage". Assam University. Retrieved 20 February 2014.

[aus1-3] "Statistical Data Fact Sheet of AUS" (PDF). Assam University. Assam University. Retrieved 20 February 2014.

[᱑]

[᱒]

[᱓]