ᱮᱱᱹ ᱵᱤᱨᱮᱱ ᱥᱤᱝ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱮᱱᱹ ᱵᱤᱨᱮᱱ ᱥᱤᱝ
The Chief Minister of Manipur, Shri Biren Singh calling on the Vice President, Shri M. Venkaiah Naidu, in New Delhi on September 06, 2017 (cropped).jpg
ᱢᱟᱱᱤᱯᱩᱨ ᱨᱤᱱᱤᱡ ᱢᱩᱠᱷᱭᱟᱹ ᱢᱚᱱᱛᱨᱤ
Assumed office
᱑᱕ ᱢᱟᱨᱪ ᱒᱐᱑᱗
ᱯᱚᱱᱚᱛᱤᱭᱟᱹ ᱱᱟᱡᱽᱢᱟ ᱦᱟᱯᱛᱩᱞᱞᱟ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ ᱚᱠᱨᱟᱢ ᱤᱵᱚᱵᱤ ᱥᱤᱝ
ᱵᱟᱪᱱᱟᱣ ᱮᱞᱮᱠᱟ ᱦᱮᱭᱜᱚᱝ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ ᱑ ᱡᱟᱱᱩᱣᱟᱨᱤ ᱑᱙᱖᱑ (1961-01-01) (᱕᱙ ᱥᱮᱨᱢᱟ)
ᱤᱢᱯᱷᱚᱞ, ᱢᱟᱱᱤᱯᱩᱨ, ᱥᱤᱧᱚᱛ
ᱨᱟᱡᱽᱟᱹᱨᱤ ᱫᱚᱞ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ
ᱡᱤᱭᱚᱱ ᱥᱚᱦᱮᱫ ᱦᱤᱭᱟᱱᱩ ᱫᱮᱵᱤ
ᱦᱚᱯᱚᱱ
ᱚᱲᱟᱜ ᱤᱢᱯᱷᱚᱞ

ᱱᱚᱝᱛᱷᱚᱢᱵᱟᱢ ᱵᱤᱨᱮᱱ ᱥᱤᱝ(ᱡᱟᱱᱟᱢᱺ ᱑ ᱡᱟᱱᱩᱣᱟᱨᱤ ᱑᱙᱖᱑) ᱫᱚ ᱢᱤᱫᱴᱮᱱ ᱥᱤᱧᱚᱛ ᱫᱤᱥᱚᱢ ᱨᱮᱱ ᱨᱟᱡᱟᱨᱤᱭᱟᱹ ᱠᱟᱱᱟᱭ ᱟᱨ ᱢᱟᱨᱮ ᱯᱷᱩᱴᱵᱚᱞ ᱠᱷᱤᱞᱚᱱᱰᱤᱭᱟᱹ ᱟᱨ ᱠᱷᱚᱵᱚᱨᱤᱭᱟᱹ| ᱟᱨ ᱱᱟᱦᱟᱜ ᱫᱚ ᱢᱟᱱᱤᱯᱩᱨ ᱨᱮᱱ ᱢᱩᱠᱷᱭᱟᱹ ᱢᱚᱱᱛᱨᱤ|

ᱩᱱᱤ ᱫᱚ ᱟᱡᱟᱜ ᱠᱮᱨᱤᱭᱟᱨ ᱢᱤᱫᱴᱮᱱ ᱵᱷᱩᱴᱵᱚᱞᱟᱨ ᱞᱮᱠᱟ ᱛᱮ ᱮᱦᱚᱵ ᱠᱮᱫᱟ ᱟᱨ ᱵᱚᱰᱟᱨ ᱥᱤᱠᱩᱨᱤᱴᱤ ᱯᱷᱚᱨᱥ ᱨᱮ ᱯᱷᱩᱴᱵᱚᱞ ᱮᱱᱮᱡ ᱨᱮᱭᱟᱜ ᱫᱟᱶᱮ ᱧᱟᱢ ᱠᱮᱫᱟ| ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱵᱤᱹᱮᱥᱹᱮᱯᱷᱹ ᱮ ᱵᱟᱜᱤ ᱠᱮᱫᱟ ᱟᱨ ᱠᱷᱚᱵᱚᱨᱤᱭᱟᱹ ᱨᱮ ᱥᱮᱞᱮᱫ ᱮᱱᱟ| ᱟᱥᱲᱟ ᱠᱚ ᱨᱮ ᱡᱟᱦᱟᱱ ᱥᱮᱪᱮᱫ ᱵᱟᱭ ᱦᱟᱛᱟᱣ ᱞᱮᱫ ᱨᱮᱸᱦᱚᱸ, ᱰᱤᱱᱟᱹᱢ ᱱᱟᱦᱟᱨᱚᱞᱜᱤ ᱴᱷᱟᱣᱰᱟᱜ ᱨᱮ ᱥᱟᱥᱟᱯᱟᱲᱟᱣᱤᱡ ᱞᱮᱠᱟ ᱛᱮ ᱑᱙᱙᱒ ᱥᱮᱨᱢᱟ ᱒᱐᱐᱑ ᱥᱮᱨᱢᱟ ᱦᱟᱹᱵᱤᱡ-ᱮ ᱠᱟᱹᱢᱤ ᱠᱮᱫᱟ|

᱒᱐᱐᱒ ᱥᱮᱨᱢᱟ ᱨᱮ ᱩᱱᱤ ᱫᱚ ᱨᱟᱡᱟᱨᱤ ᱨᱮ ᱟᱡᱟᱜ ᱡᱟᱝᱜᱟᱭ ᱫᱚᱦᱚ ᱠᱮᱫᱟ, ᱦᱮᱭᱜᱚᱝ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱠᱷᱚᱱ ᱰᱮᱢᱚᱠᱨᱮᱴᱤᱠ ᱨᱤᱵᱷᱚᱞᱩᱥᱚᱱᱟᱨᱤ ᱯᱤᱯᱚᱞᱥ ᱯᱟᱨᱴᱤ ᱠᱷᱚᱱᱮ ᱡᱤᱛᱠᱟᱹᱨ ᱮᱱᱟ| ᱩᱱᱤ ᱫᱚ ᱟᱨᱦᱚᱸ ᱒᱐᱐᱗ ᱥᱮᱨᱢᱟ ᱨᱮ ᱤᱱᱰᱤᱭᱟᱱ ᱱᱮᱥᱚᱱᱟᱞ ᱠᱚᱝᱜᱽᱨᱮᱥ ᱨᱮᱭᱟᱜ ᱴᱤᱠᱟᱴ ᱠᱦᱚᱱᱮ ᱡᱤᱛᱠᱟᱹᱨ ᱮᱱᱟ| ᱟᱨ ᱭᱩᱛ ᱮᱯᱷᱟᱭᱟᱨ ᱟᱨ ᱠᱷᱤᱞᱚᱱᱰ ᱢᱚᱱᱛᱨᱤ ᱞᱮᱠᱟ ᱛᱮᱭᱮ ᱵᱟᱦᱟᱞ ᱚᱪᱚ ᱭᱮᱱᱟ, ᱩᱱᱤ ᱯᱟᱨᱴᱤ ᱵᱟᱹᱜᱤ ᱭᱟᱫᱟ ᱒᱐᱑᱖ ᱥᱮᱨᱢᱟ ᱨᱮ ᱟᱨ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱮ ᱥᱮᱞᱮᱰ ᱮᱱᱟᱭ| ᱟᱨᱦᱚᱸ ᱦᱮᱭᱜᱚᱝ ᱠᱷᱚᱱ ᱜᱮ ᱵᱟᱪᱷᱱᱟᱣ ᱨᱮᱭᱮ ᱫᱟᱲᱮ ᱭᱮᱸᱟ ᱟᱨ ᱢᱟᱱᱤᱯᱩᱨ ᱨᱮᱱ ᱢᱩᱠᱷᱭᱟᱹ ᱢᱚᱱᱛᱨᱤ ᱞᱮᱠᱟ ᱛᱮᱭᱮ ᱚᱡᱚᱜ ᱵᱟᱦᱟᱞ ᱚᱪᱚᱭᱮᱱᱟ|

ᱨᱟᱡᱟᱨᱤ ᱠᱮᱨᱤᱭᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱒ ᱥᱮᱨᱢᱟ ᱨᱮ ᱩᱱᱤ ᱫᱚ ᱢᱟᱱᱤᱯᱩᱨ ᱵᱤᱫᱷᱟᱱ ᱥᱚᱵᱷᱟ ᱛᱮᱭᱮ ᱵᱟᱪᱦᱱᱟᱣ ᱚᱪᱚ ᱭᱮᱱᱟ, ᱦᱮᱭᱜᱚᱝ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱠᱷᱚᱱ ᱱᱮᱥᱚᱱᱟᱞ ᱨᱤᱵᱷᱚᱞᱩᱥᱚᱱᱟᱨᱤ ᱯᱟᱨᱴᱤ ᱨᱮᱭᱟᱜ ᱴᱤᱠᱟᱹᱴ ᱛᱮ|ᱴᱟᱭᱚᱢ ᱛᱮ ᱩᱱᱤ ᱫᱚ ᱤᱱᱰᱤᱭᱟᱱ ᱱᱮᱥᱚᱱᱟᱞ ᱠᱚᱝᱜᱽᱨᱮᱥ ᱫᱚᱞ ᱨᱮᱭᱮ ᱥᱮᱞᱮᱫ ᱞᱮᱱᱟ|

᱒᱐᱐᱓ᱥᱮᱨᱢᱟ ᱨᱮ ᱩᱱᱤ ᱫᱚ ᱢᱟᱱᱤᱯᱩᱨ ᱨᱮᱱ ᱟᱣᱫᱷᱟᱱ ᱢᱚᱱᱛᱨᱤ ᱞᱮᱠᱟ ᱴᱮᱭᱮ ᱵᱟᱪᱷᱟᱣ ᱵᱟᱦᱟᱞ ᱚᱪᱚ ᱭᱮᱱᱟ|

᱒᱐᱐᱗ ᱥᱮᱨᱢᱟ ᱨᱮ ᱟᱨᱦᱚᱸ ᱩᱱᱤ ᱫᱚ ᱤᱱᱰᱤᱭᱟᱱ ᱱᱮᱥᱚᱱᱟᱞ ᱠᱚᱝᱜᱽᱨᱮᱥ ᱨᱮᱭᱟᱜ ᱴᱤᱠᱟᱹᱴ ᱠᱷᱚᱱᱮ ᱡᱤᱛᱠᱟᱹᱨ ᱮᱱᱟ| ᱤᱱᱟᱹ ᱫᱷᱟᱣ ᱫᱟᱜ ᱮᱢ, ᱡᱚᱢᱟᱜ, ᱡᱩᱣᱟᱹᱱ ᱯᱚᱨᱤᱠᱨᱚᱢᱟ ᱟᱨ ᱠᱷᱤᱞᱚᱱᱰ ᱢᱚᱱᱛᱨᱤ ᱞᱮᱠᱟ ᱛᱮᱭᱮ ᱚᱡᱚᱜ ᱵᱟᱦᱟᱞ ᱚᱪᱚ ᱞᱮᱱᱟ| ᱛᱮᱥᱟᱨ ᱫᱷᱟᱣ ᱞᱟᱹᱜᱤᱛ ᱒᱐᱑᱒ ᱥᱮᱨᱢᱟ ᱨᱮ ᱟᱨᱦᱚᱸ ᱵᱟᱪᱷᱱᱟᱣ ᱨᱮ ᱫᱟᱲᱮᱭᱮᱱᱟ|

᱒᱒᱐᱑᱕ ᱥᱮᱨᱢᱟ ᱨᱮ, ᱵᱤᱨᱮᱱ ᱥᱤᱝᱮ ᱢᱮᱱ ᱠᱮᱫᱟ ᱦᱟᱞᱮ ᱜᱮ ᱯᱟᱥ ᱟᱠᱟᱱ ᱴᱨᱟᱭᱵᱮᱞ ᱫᱩᱜ ᱫᱟᱨᱟᱢ ᱵᱤᱞ ᱢᱟᱱᱤᱯᱩᱨ ᱵᱤᱫᱷᱟᱱ ᱥᱳᱵᱷᱟ ᱨᱮ, ᱚᱠᱚᱭ ᱮᱴᱟᱜ ᱮᱴᱟᱜ ᱡᱟᱹᱛ ᱠᱚ ᱵᱟᱝ ᱠᱚ ᱜᱷᱟᱹᱞ ᱚᱪᱚᱜ-ᱟ|

ᱥᱤᱝ ᱜᱷᱟᱨᱚᱧᱡᱽ ᱨᱮᱱ ᱠᱚ ᱑᱗ ᱚᱠᱴᱚᱵᱚᱴ ᱒᱐᱑᱗ ᱢᱟᱹᱦᱤᱛ ᱨᱮ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱮ ᱠᱚ ᱵᱚᱞᱚ ᱭᱮᱱᱟ, ᱒᱐᱑᱗ ᱥᱮᱨᱢᱟᱟ ᱨᱮᱭᱟᱜ ᱢᱟᱱᱤᱯᱩᱨ ᱥᱟᱫᱷᱟᱨᱚᱱ ᱵᱟᱪᱦᱱᱟᱣ ᱨᱮ ᱵᱤᱹᱡᱮᱹᱯᱤᱹ ᱨᱮᱭᱟᱜ ᱴᱤᱠᱟᱹᱴ ᱛᱮ ᱢᱟᱱᱤᱯᱩᱨ ᱨᱮᱱ ᱢᱩᱠᱷᱭᱟᱹ ᱢᱚᱱᱛᱨᱤ ᱠᱮᱱᱰᱤᱰᱮᱴ ᱞᱮᱠᱟ ᱛᱮ ᱛᱤᱝᱜᱩ ᱞᱮᱱᱟᱭ ᱟᱨ ᱥᱟᱝᱜᱮ ᱢᱟᱹᱪᱤ ᱠᱚ ᱧᱟᱢ ᱠᱮᱰᱟ| ᱯᱚᱱᱚᱛ ᱜᱚᱢᱠᱮ ᱭᱟᱜ ᱷᱟ,\ᱹᱡᱤᱨ ᱨᱮ ᱑᱕ ᱢᱟᱨᱪ ᱒᱐᱑᱗ ᱢᱟᱹᱦᱤᱛ ᱦᱤᱞᱚᱜ ᱢᱟᱱᱤᱯᱩᱨ ᱯᱚᱱᱚᱛ ᱨᱮᱮᱱ ᱱᱟᱣᱟ ᱢᱩᱠᱷᱭᱟᱹ ᱢᱚᱱᱛᱨᱤ ᱞᱮᱠᱟ ᱛᱮ ᱠᱚ ᱚᱡᱚᱜ ᱵᱟᱦᱟᱞ ᱠᱮᱫᱮᱭᱟ|

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]