ᱯᱟ.ᱨᱟ.ᱱᱤᱠ
ᱯᱟ.ᱨᱟ.ᱱᱤᱠ ᱫᱚ ᱟᱛᱳ ᱦᱚᱲᱛᱮ ᱥᱟᱵ ᱛᱟᱞᱟ ᱦᱚᱲ ᱠᱟᱱᱟᱭ ᱾ ᱱᱩᱭᱟᱜ ᱛᱟᱦᱮᱱ ᱵᱟᱝ ᱛᱟᱦᱮᱱ ᱦᱚᱸ ᱟᱛᱳ ᱦᱚᱲᱜᱮ ᱵᱚᱪᱷᱚᱨ ᱫᱤᱱ ᱨᱮ ᱢᱟᱜᱽ ᱵᱚᱸᱜᱟ ᱴᱷᱮᱱ ᱵᱟᱪᱷᱚᱱ ᱦᱩᱭᱩᱜ-ᱟ ᱾ ᱱᱩᱭᱟᱜ ᱦᱚᱸ ᱠᱩᱲᱟ.ᱭ ᱥᱮ ᱫᱟ.ᱦᱱᱟ. ᱫᱚ ᱵᱟ.ᱱᱩᱜ ᱟᱱᱟ ᱾ ᱢᱮᱱᱠᱷᱟᱱ ᱢᱟ.ᱱ ᱵᱮᱵᱷᱟᱨ ᱟᱨ ᱡᱚᱢ ᱧᱩ ᱜᱮ ᱢᱟᱨᱟᱝ ᱠᱩᱲᱟᱭ ᱫᱚ ᱾ ᱯᱟ.ᱨᱟ.ᱱᱤᱠ ᱫᱚ ᱢᱟᱺᱡᱷᱤ ᱥᱟᱶᱨᱮ ᱞᱮᱛᱟᱲ ᱛᱟᱦᱮᱸ ᱟᱠᱟᱱ ᱦᱚᱲ ᱠᱟᱱᱟᱭ ᱾ ᱯᱟ.ᱨᱟ.ᱱᱤᱠ ᱫᱚ ᱢᱟᱺᱡᱷᱤ ᱵᱟᱝᱨᱮ ᱢᱟᱺᱡᱷᱤᱭᱟᱜ ᱠᱟ.ᱢᱤ ᱛᱚᱨᱟᱣ ᱦᱚᱲ ᱠᱟᱱᱟᱭ ᱾ ᱱᱩᱭᱟᱜ ᱦᱚᱸ ᱢᱟᱱᱟᱣ, ᱵᱟᱛᱟᱣ, ᱥᱟᱦᱟᱣ ᱫᱟᱲᱮᱭᱟᱜ ᱦᱚᱲ ᱞᱟ.ᱠᱛᱤ ᱠᱟᱱᱟᱭ ᱾ ᱫᱤᱞᱫᱟᱨ ᱛᱟᱦᱮᱱ ᱦᱚᱸ ᱞᱟ.ᱠᱛᱤ ᱠᱟᱱᱟ ᱾ ᱟᱛᱳ ᱟᱨ ᱫᱤᱥᱚᱢ ᱦᱚᱲ ᱥᱟᱶ ᱢᱮᱥᱟᱜ ᱞᱟ.ᱠᱛᱤ ᱠᱟᱱᱟ ᱾ ᱱᱩᱭᱟᱜ ᱠᱟᱛᱷᱟ ᱦᱚᱸ ᱟ.ᱴ ᱟᱛᱳ ᱨᱮ ᱞᱟᱜᱟᱣ ᱟᱨ ᱵᱟᱡᱟᱣᱚᱜ ᱜᱮᱭᱟ ᱾ ᱚᱱᱟ ᱢᱮᱱ ᱛᱮ ᱯᱟ.ᱨᱟ.ᱱᱤᱠ ᱮᱨᱟ ᱦᱚᱸ ᱢᱟᱺᱡᱷᱤ ᱦᱟᱲᱟᱢ ᱟᱨ ᱢᱟᱺᱡᱷᱤ ᱵᱩᱰᱷᱤ ᱛᱤᱠᱤᱱ ᱞᱮᱠᱟ ᱜᱮ ᱟ.ᱛᱩ ᱨᱮ ᱢᱟ.ᱱ ᱫᱚᱦᱚᱭ ᱞᱟ.ᱠᱛᱤ ᱠᱟᱱᱟ ᱾ ᱱᱩᱭᱟᱜ ᱢᱚᱦᱚᱛ ᱦᱚᱸ ᱟᱞᱚ ᱠᱷᱟᱴᱚᱜ ᱢᱟ ᱾ ᱱᱩᱠᱤᱱ ᱦᱚᱸ ᱢᱟᱺᱡᱷᱤ ᱟᱨ ᱢᱟᱺᱡᱷᱤ ᱮᱨᱟ ᱛᱤᱠᱤᱱ ᱞᱮᱠᱟ ᱥᱚᱢᱟᱱ ᱜᱮᱭᱟ ᱠᱤᱱ ᱱᱩᱠᱤᱱ ᱦᱚᱸ ᱢᱟᱺᱡᱷᱤ ᱟᱨ ᱢᱟᱺᱡᱷᱤ ᱮᱨᱟ ᱞᱮᱠᱟ ᱛᱟᱦᱮᱱ ᱫᱚᱨᱠᱟᱨ ᱾