ᱯᱟ.ᱨᱥᱤ ᱜᱷᱟᱨᱚᱧᱡᱽ
ᱢᱤᱫᱴᱮᱱ ᱯᱟ.ᱨᱥᱤ ᱜᱷᱟᱨᱚᱧᱡᱽ (ᱤᱝᱨᱟ.ᱡᱤ: Language family) ᱢᱮᱱ ᱞᱮᱠᱷᱟᱱ ᱢᱤᱫᱴᱮᱱ ᱫᱟᱨᱮ ᱨᱮᱱᱟᱜ ᱰᱟ.ᱨ ᱞᱮᱠᱟ ᱟᱭᱢᱟ ᱯᱟ.ᱨᱥᱤ ᱵᱩᱡᱷᱟ.ᱣᱜ ᱥᱮ ᱢᱮᱱᱟ ᱚᱠᱟ ᱫᱚ ᱢᱤᱫ ᱴᱟᱝ ᱯᱟ.ᱨᱥᱤ ᱠᱷᱚᱱ ᱜᱮ ᱚᱢᱚᱱ ᱟᱠᱟᱱ। ᱰᱷᱮᱨ ᱯᱟ.ᱨᱥᱤ ᱜᱮ ᱡᱟᱦᱟ ᱴᱟᱜ ᱵᱟᱝ ᱡᱟᱦᱟ ᱴᱟᱜ ᱯᱟ.ᱨᱥᱤ ᱜᱷᱟᱨᱚᱧᱡᱽ ᱨᱮ ᱛᱟᱦᱮᱱᱟ। ᱫᱷᱟ.ᱨᱛᱤ ᱨᱮ ᱟᱢᱫᱟᱡᱽ ᱑00 ᱜᱚᱴᱟᱝ ᱯᱟ.ᱨᱥᱤ ᱜᱷᱟᱨᱚᱧᱡᱽ ᱠᱚ ᱢᱮᱱᱟᱜ-ᱟ। ᱚᱱᱟ ᱠᱚ ᱢᱩᱫᱽ ᱨᱮ ᱑0 ᱜᱚᱴᱟᱝ ᱨᱮᱭᱟᱜ ᱜᱟᱯᱟᱞᱢᱟᱨᱟᱣ ᱦᱩᱰᱤᱧ ᱛᱮ ᱮᱢ ᱦᱩᱭᱮᱱᱟ।
ᱤᱱᱰᱚ-ᱤᱭᱩᱨᱯᱤᱭᱚ ᱯᱟ.ᱨᱥᱤ ᱜᱷᱟᱨᱚᱧᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱯᱟ.ᱨᱥᱤ ᱜᱷᱟᱨᱚᱧᱡᱽ ᱨᱮ ᱢᱮᱱᱟᱜ ᱯᱟ.ᱨᱥᱤ ᱨᱮᱭᱟᱜ ᱞᱮᱠᱷᱟ ᱜᱮ ᱰᱷᱮᱨ ᱩᱛᱟ.ᱨᱟ ᱟᱨ ᱱᱚᱣᱟ ᱯᱟ.ᱨᱥᱤ ᱪᱮᱛᱟᱱ ᱨᱮ ᱜᱮ ᱵᱟ.ᱲᱛᱤ ᱠᱷᱚᱱᱫᱽᱨᱚᱝ ᱦᱩᱭ ᱟᱠᱟᱱᱟ। ᱱᱚᱣᱟ ᱯᱟ.ᱨᱥᱤ ᱜᱷᱟᱨᱚᱧᱡᱽ ᱠᱚ ᱢᱩᱫᱽ ᱨᱮ ᱦᱩᱭᱩᱜ ᱠᱟᱱᱟ : ᱤᱝᱨᱟ.ᱡᱤ, ᱡᱟᱨᱢᱟᱱ,ᱥᱩᱭᱮᱰᱤᱭᱚ,ᱚᱞᱟᱱᱰᱟᱡᱽ, ᱰᱮᱱᱤᱭᱚ, ᱱᱚᱨᱣᱮᱡᱤᱭᱟ., ᱥᱯᱮᱱᱤᱥ,ᱯᱩᱨᱛᱩᱜᱤᱥ, ᱯᱷᱚᱨᱟᱥᱤ, ᱤᱛᱟᱞᱤᱱᱚ, ᱨᱩᱥᱤ, ᱯᱟᱥᱛᱚ, ᱯᱷᱟᱨᱥᱤ, ᱯᱚᱞᱤᱥ, ᱜᱨᱤᱠ, ᱦᱤᱱᱫᱤ, ᱩᱨᱫᱩ, ᱯᱟᱧᱡᱟᱵᱤ, ᱥᱤᱱᱫᱷᱤ, ᱟᱥᱟᱢᱤᱥ ᱩᱲᱤᱭᱟ ᱮᱢᱟᱱ ᱯᱟ.ᱨᱥᱤ ᱠᱚ।
ᱩᱨᱟᱞ ᱯᱟ.ᱨᱥᱤ ᱜᱷᱟᱨᱚᱧᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱤᱭᱩᱨᱚᱯ ᱟᱨ ᱥᱟᱭᱵᱮᱨᱤᱭᱟ ᱠᱚ ᱨᱮ ᱢᱮᱱᱟᱜ ᱢᱤᱫᱴᱮᱱ ᱯᱟ.ᱨᱥᱤ ᱜᱷᱟᱨᱚᱧᱡᱽ ᱚᱠᱟ ᱠᱚ ᱨᱮ ᱧᱩᱱᱩᱢ ᱟ.ᱲᱟ. ᱨᱮ ᱦᱟᱨᱚᱱ ᱠᱚ ᱢᱮᱱᱟᱜ। ᱱᱚᱣᱟ ᱜᱜᱽᱨᱚᱧᱡᱽ ᱨᱮ ᱥᱮᱞᱮᱫ ᱢᱮᱱᱟᱜ ᱯᱟ.ᱨᱥᱤ ᱠᱚ ᱫᱚ ᱦᱩᱭᱩᱜ ᱠᱟᱵᱟ : ᱦᱟᱨᱮᱝᱜᱤᱭᱟ, ᱯᱷᱮᱱᱤᱥ, ᱢᱚᱨᱫᱚᱵᱷᱤᱱ ᱮᱢᱟᱱ ।
ᱫᱨᱟᱵᱤᱲ ᱯᱟ.ᱨᱥᱤ ᱜᱷᱟᱨᱚᱧᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱠᱚ ᱫᱚ ᱫᱟ.ᱠᱷᱤᱱ ᱥᱤᱧᱚᱛ ᱨᱮᱱᱟᱜ ᱯᱟ.ᱨᱥᱤ ᱠᱚ ᱠᱟᱱᱟ। ᱛᱟᱢᱤᱞ, ᱛᱮᱞᱜᱩ, ᱠᱚᱱᱱᱟᱲ ᱟᱨ ᱢᱟᱞᱟᱭᱟᱞᱟᱢ ᱱᱚᱣᱟ ᱯᱚᱱᱭᱟ ᱜᱮ ᱫᱨᱟᱵᱤᱲ ᱯᱟ.ᱨᱥᱤ ᱢᱩᱫᱽ ᱨᱮ ᱵᱟ.ᱲᱛᱤ ᱨᱚᱲᱚᱜᱚᱜ-ᱟ। ᱱᱚᱣᱟ ᱵᱮᱜᱚᱨ ᱦᱚ ᱯᱟᱠᱤᱥᱛᱟᱱ ᱨᱮᱭᱟᱜ ᱵᱮᱞᱩᱪᱤᱥᱛᱟᱱ ᱨᱮ ᱵᱨᱟᱦᱩᱭ ᱧᱩᱛᱩᱢ ᱟᱱ ᱫᱨᱟᱵᱤᱲ ᱜᱷᱽᱨᱚᱧᱡᱽ ᱯᱟ.ᱨᱥᱤ ᱢᱮᱱᱟᱜ-ᱟ।
ᱮᱥᱴᱨᱚ-ᱮᱥᱤᱭᱮᱴᱤᱠ ᱯᱟ.ᱨᱥᱤ ᱜᱷᱟᱨᱚᱧᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱤᱥᱤᱭᱟ ᱨᱮᱭᱟᱜ ᱟᱭᱢᱟ ᱴᱚᱴᱷᱟ ᱨᱮ ᱯᱟᱥᱱᱟᱣ ᱱᱯᱣᱟ ᱯᱟ.ᱨᱥᱤ ᱜᱷᱟᱨᱚᱧᱡᱽ ᱨᱮᱱᱟᱜ ᱯᱟ.ᱨᱥᱤ ᱠᱚᱫᱚ ᱯᱟᱥᱱᱟᱣ ᱟᱠᱟᱱᱟ। ᱥᱟᱢᱟᱝ ᱥᱤᱧᱚᱛ ᱠᱷᱚᱱ ᱮᱦᱚᱵ ᱠᱟᱛᱮ ᱵᱷᱤᱭᱮᱛᱱᱟᱢ ᱫᱷᱟ.ᱵᱤᱡ ᱱᱚᱣᱟ ᱜᱷᱟᱨᱚᱧᱡᱽ ᱨᱮᱭᱟᱜ ᱯᱟ.ᱨᱥᱤ ᱠᱚ ᱫᱚ ᱯᱟᱥᱱᱟᱣ ᱟᱠᱟᱱᱟ। ᱱᱚᱟᱣ ᱯᱟ.ᱨᱥᱤ ᱜᱷᱟᱨᱚᱧᱡᱽ ᱨᱮᱭᱟᱜ ᱥᱮᱬᱟ ᱯᱟ.ᱨᱥᱤ ᱠᱚ ᱫᱚ ᱡᱩᱭᱩᱜ ᱠᱟᱱᱟ: ᱵᱷᱤᱭᱮᱛᱱᱟᱢᱤᱥ, ᱠᱟᱢᱵᱚᱰᱤᱭᱟᱱ, ᱥᱟᱱᱛᱟᱞᱤ, ᱢᱩᱱᱰᱟᱨᱤ, ᱦᱚ, ᱵᱷᱩᱢᱤᱡᱽ, ᱠᱷᱟᱲᱤᱭᱟ, ᱠᱚᱲᱠᱩ, ᱵᱤᱨᱦᱚᱲ, ᱟᱥᱩᱨᱤ, ᱠᱷᱟᱥᱤ, ᱡᱚᱭᱮᱱᱛᱤᱭᱟ, ᱱᱤᱠᱚᱵᱚᱨᱤᱥ ᱮᱢᱟᱱ ᱯᱟ.ᱨᱥᱤ ᱠᱚ।
ᱱᱟᱭᱡᱮᱨ ᱠᱚᱝᱜᱚ ᱯᱟ.ᱨᱥᱤ ᱜᱷᱟᱨᱚᱧᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱯᱟ.ᱨᱥᱤ ᱜᱷᱟᱨᱚᱧᱡᱽ ᱫᱚ ᱟᱥᱚᱠᱟᱭ ᱛᱮ ᱥᱟᱦᱟᱨᱟ ᱦᱟᱦᱟᱝᱠᱟᱨ ᱨᱮᱭᱟᱜ ᱮᱛᱚᱢ ᱯᱟᱥᱴᱟ ᱨᱮ ᱢᱮᱱᱟᱜ ᱟᱯᱷᱨᱤᱠᱟᱱ ᱯᱟ.ᱨᱥᱤ ᱠᱚ ᱤᱫᱤ ᱠᱟᱛᱮ ᱵᱮᱱᱟᱣ ᱟᱠᱟᱱᱟ। ᱥᱚᱣᱟᱦᱟᱞᱤ, ᱥᱚᱦᱟᱱᱟ, ᱠᱷᱚᱥᱟ ᱟᱨ ᱡᱩᱞᱩ ᱱᱚᱣᱟ ᱜᱷᱟᱨᱚᱧᱡᱽ ᱨᱮᱭᱟᱜ ᱱᱟᱢᱩᱱᱟ।
ᱠᱚᱡᱮᱥᱤᱭᱟᱱ ᱯᱟ.ᱨᱥᱤ ᱜᱷᱟᱨᱚᱧᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱮᱱᱫᱮ ᱫᱚᱨᱭᱟ ᱟᱨ ᱠᱟᱥᱯᱤᱭᱟᱱ ᱫᱚᱨᱭᱟ ᱛᱟᱞᱟ ᱢᱟᱞᱟ ᱨᱮ ᱠᱚᱠᱮᱥᱤᱭᱟᱱ ᱵᱩᱮᱩᱢᱟᱞᱟ ᱴᱚᱴᱷᱟ ᱨᱮ ᱱᱚᱣᱟ ᱯᱟ.ᱨᱥᱤ ᱜᱷᱟᱨᱚᱧᱡᱽ ᱫᱚ ᱨᱚᱲᱚᱜᱚᱜ ᱠᱟᱱᱟ। ᱡᱚᱨᱡᱤᱭᱟ ᱟᱨ ᱥᱮᱥᱚᱱ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱢᱩᱞ ᱯᱟ.ᱨᱥᱤ ᱠᱟᱱᱟ।
ᱥᱮᱢ ᱦᱮᱢ ᱯᱟ.ᱨᱥᱤ ᱜᱷᱟᱨᱚᱧᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱜᱷᱟᱨᱚᱧᱡᱽ ᱨᱮᱱᱽᱜ ᱯᱟ.ᱨᱥᱤ ᱠᱚ ᱫᱚ ᱢᱤᱰᱮᱞ ᱤᱥᱴ ᱟᱨ ᱠᱚᱭᱮ ᱟᱯᱷᱨᱤᱠᱟ ᱠᱚᱨᱮ ᱯᱟᱥᱱᱟᱣ ᱟᱠᱟᱱᱟ। ᱱᱯᱣᱟ ᱠᱚ ᱢᱩᱫᱽ ᱨᱮ ᱮᱨᱟᱵᱤᱠ ᱟᱨ ᱦᱤᱵᱽᱨᱩ ᱜᱮ ᱧᱩᱢᱚᱜᱚᱜ ᱞᱮᱠ ᱠᱟᱱᱟ।