ᱯᱨᱚᱣᱩᱥᱴ, ᱢᱟᱨᱥᱮᱞ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱢᱟᱨᱥᱮᱞ ᱯᱨᱩᱥᱛ ᱑᱙᱐᱐–᱒

ᱢᱟᱨᱥᱮᱞ ᱯᱨᱩᱥᱴ ᱥᱮ ᱢᱟᱨᱥᱮᱞ ᱯᱨᱩᱥᱛ (Marcel_Proust) (᱑᱐ ᱡᱩᱞᱟᱭ ᱑᱘᱗᱑ – ᱑᱘ ᱱᱚᱵᱷᱮᱢᱵᱚᱨ ᱑᱙᱒᱒) ᱫᱚ ᱯᱷᱚᱨᱟᱥᱤ ᱜᱟᱢᱟᱢᱤᱭᱟᱹ ᱟᱨ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤᱭᱟᱜ ᱡᱟᱱᱟᱢ ᱫᱚ ᱑᱘᱗᱑ ᱥᱮᱨᱢᱟ ᱨᱮᱱᱟᱜ ᱑᱐ ᱡᱩᱞᱟᱭ᱾ ᱩᱱᱤ ᱫᱚ ᱟᱭᱟᱜ In_Search_of_Lost_Time ᱧᱤᱛᱩᱢᱟᱱ ᱜᱟᱢᱟᱢ ᱞᱟᱹᱜᱤᱫ ᱜᱮᱭ ᱧᱤᱛᱩᱢ ᱟᱠᱟᱱᱟ᱾ ᱑᱔ ᱵᱚᱪᱷᱚᱨ ᱫᱷᱟᱹᱵᱤᱡ ᱗ ᱦᱟᱹᱴᱤᱧ ᱛᱮ ᱚᱞ ᱟᱠᱟᱱᱟ ᱚᱱᱟ ᱯᱚᱛᱚᱵ ᱫᱚ᱾ ᱢᱟᱨᱥᱮᱞ ᱯᱨᱩᱥᱴ ᱨᱮᱱ ᱟᱯᱟᱛ ᱫᱚ ᱟᱹᱰᱤ ᱧᱤᱛᱩᱢᱟᱱ ᱰᱟᱠᱛᱚᱨ(ᱯᱮᱛᱷᱚᱞᱚᱤᱥᱴ) ᱮ ᱴᱟᱦᱮ ᱠᱟᱱᱟ᱾ ᱩᱱᱤ ᱦᱚᱸ ᱨᱩᱣᱟᱹ ᱦᱟᱥᱚ ᱨᱮᱱᱟᱜ ᱟᱭᱢᱟ ᱯᱚᱛᱚᱵ ᱮ ᱚᱞ ᱟᱠᱟᱫᱟ᱾ ᱯᱨᱩᱴ ᱫᱚ ᱙ ᱥᱮᱨᱢᱟ ᱩᱢᱮᱞ ᱨᱮ ᱞᱟᱝᱜᱟ ᱨᱩᱣᱟᱹ(Asthma) ᱧᱟᱢ ᱞᱤᱫᱤᱭᱟ᱾ ᱤᱱᱟᱹ ᱛᱟᱭᱚᱢ ᱩᱱᱤᱭᱟᱜ ᱦᱚᱲᱢᱚ ᱫᱚ ᱟᱨ ᱵᱟᱝ ᱢᱚᱡᱽ ᱨᱩᱣᱟᱹᱲ ᱞᱮᱱᱟ᱾ ᱡᱤᱭᱚᱱ ᱵᱷᱚᱨ ᱜᱮ ᱩᱱᱤ ᱫᱚ ᱫᱚᱨᱢᱚᱡᱽ ᱜᱮᱭ ᱛᱟᱦᱮᱭᱮᱱᱟ᱾ ᱨᱩᱣᱟᱹ ᱦᱚᱲᱢᱚ ᱠᱟᱨᱚᱢ ᱛᱮ ᱚᱞᱚᱜ ᱯᱟᱲᱦᱟᱜ ᱦᱚᱸ ᱟᱹᱰᱤ ᱡᱷᱟᱹᱞ ᱫᱚ ᱵᱟᱭ ᱯᱟᱲᱦᱟᱣ ᱫᱟᱲᱮ ᱞᱮᱫᱟ᱾ ᱢᱮᱱᱷᱟᱱ ᱥᱟᱶᱦᱮᱸᱫ ᱨᱮ ᱫᱚ ᱟᱹᱰᱤ ᱛᱷᱚᱲᱟ ᱩᱢᱮᱞ ᱨᱮ ᱜᱤᱭ ᱧᱤᱛᱩᱢ ᱠᱮᱫᱟ᱾ᱱᱤᱣᱥ ᱯᱮᱯᱟᱨ ᱠᱚ ᱨᱮ ᱥᱚᱢᱟᱡᱽ ᱨᱮᱱᱟᱜ ᱵᱮ ᱵᱟᱹᱲᱤᱡ ᱠᱚ ᱤᱫᱤ ᱠᱟᱛᱮᱜ ᱮ ᱚᱞᱮᱜ ᱠᱟᱱ ᱛᱟᱦᱮᱱᱟ᱾ ᱥᱟᱶᱦᱮᱸᱫ ᱥᱟᱠᱟᱢ ᱦᱚᱸᱭ ᱩᱪᱷᱟᱹᱱ ᱞᱮᱫᱟ᱾ ᱑᱘᱙᱕ ᱥᱮᱨᱢᱟ ᱠᱷᱚᱱ ᱩᱱᱤ ᱫᱚ ᱠᱟᱨᱞᱟᱭ, ᱮᱢᱟᱨᱥᱚᱱ ᱟᱨ ᱡᱚᱱ ᱨᱟᱥᱠᱤᱱ ᱛᱟᱠᱚᱣᱟᱜ ᱚᱞᱮ ᱯᱟᱲᱦᱟᱜ ᱠᱟᱱ ᱛᱟᱦᱮᱱᱟ᱾

᱑᱙᱐᱙ ᱥᱮᱨᱢᱟ ᱨᱮᱭ ᱚᱞ ᱠᱮᱫᱟ ᱟᱭᱟᱜ ᱡᱚᱛᱚ ᱠᱷᱚᱱ ᱧᱤᱛᱩᱢᱟᱱ ᱚᱞ In Search ofLost Time ᱥᱮ ᱟᱫ ᱟᱠᱟᱱ ᱫᱤᱱ ᱨᱮᱱᱟᱜ ᱛᱚᱞᱟᱭ ᱨᱮ᱾ ᱮᱭᱟᱭ ᱜᱚᱴᱮᱡ ᱦᱟᱹᱴᱤᱧ ᱨᱮ ᱚᱞ ᱟᱠᱟᱱ ᱚᱱᱟ ᱯᱚᱛᱚᱵ ᱨᱮᱱᱟ ᱥᱟᱠᱟᱢ ᱓᱒᱐᱐ ᱜᱟᱱ᱾ ᱵᱟᱜᱮ ᱥᱟᱭ(᱒᱐᱐᱐) ᱠᱷᱚᱱ ᱰᱷᱤᱨ ᱠᱟᱨᱮᱠᱴᱟ ᱮ ᱛᱮᱭᱟᱨ ᱞᱮᱫ ᱠᱚᱣᱟ᱾ ᱜᱨᱟᱦᱟᱢ ᱜᱨᱤᱱ ᱒᱐ ᱥᱟᱭ ᱨᱮᱱ ᱥᱚᱨᱮᱥ ᱜᱟᱢᱟᱢᱤᱭᱟᱹ ᱢᱮ ᱛᱮ ᱯᱨᱩᱛ ᱮ ᱧᱩᱢ ᱟᱠᱟᱫᱤᱭᱟ᱾ ᱥᱚᱢᱟᱨᱥᱮᱴ In Search ofLost Time ᱫᱚ ᱚᱱᱟ ᱚᱠᱛᱮ ᱨᱮᱱᱟᱜ ᱥᱚᱨᱮᱥ ᱜᱟᱢᱟᱢ ᱮ ᱢᱮᱱ ᱟᱠᱟᱫᱟ᱾ ᱢᱟᱨᱥᱮᱞ ᱯᱨᱩᱥᱛ ᱣᱟᱜ ᱡᱤᱭᱚᱱ ᱫᱚ ᱑᱙᱐᱐ ᱠᱷᱚᱱ ᱑᱙᱐᱕ ᱥᱮᱨᱢᱟ ᱨᱮ ᱵᱚᱫᱚᱞ ᱟᱠᱟᱱᱟ᱾ ᱟᱡ ᱵᱚᱭᱦᱟ ᱵᱟᱯᱞᱟ ᱠᱟᱛᱮᱜ ᱮ ᱡᱩᱫᱟᱹᱭᱮᱱᱟ᱾ ᱛᱷᱚᱲᱟ ᱢᱟᱦᱟ ᱛᱟᱭᱚᱢ ᱜᱮ ᱟᱡ ᱵᱟᱵᱟ ᱭᱮ ᱜᱚᱡ ᱮᱱᱟ᱾ ᱡᱚᱛᱚᱠᱷᱚᱱ ᱰᱷᱤᱨ ᱵᱚᱫᱚᱞ ᱫᱚ ᱦᱮᱡ ᱮᱱᱟ ᱑᱙᱐᱕ ᱥᱮᱨᱢᱟ ᱨᱮ ᱟᱡ ᱨᱮᱱ ᱛᱚᱣᱟ ᱫᱟᱨᱮ ᱜᱚᱜᱚ ᱭᱮ ᱜᱚᱡ ᱮᱱ ᱠᱷᱚᱱ᱾ ᱯᱨᱩᱛ ᱫᱚ ᱑᱘ ᱱᱚᱵᱷᱮᱢᱵᱚᱨ ᱑᱙᱒᱒ ᱥᱮᱨᱢᱟ ᱨᱮ ᱵᱚᱸᱜᱟ ᱛᱟᱞᱟᱭᱮᱱᱟ᱾

ᱯᱷᱮᱰᱮᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]