ᱯᱨᱤᱛᱷᱤᱵᱤ ᱢᱟᱹᱡᱷᱤ

ᱯᱨᱤᱛᱷᱤᱵᱤ ᱢᱟᱹᱡᱷᱤ
ᱯᱨᱤᱛᱷᱤᱵᱤ ᱢᱟᱹᱡᱷᱤ
	ᱢᱟᱹᱡᱷᱤ (ᱞᱮᱸᱜᱟ) ᱒᱐᱑᱔ ᱨᱮ
ᱥᱯᱤᱠᱚᱨ ᱟᱥᱟᱢ ᱞᱮᱡᱤᱥᱞᱮᱴᱤᱵᱽ ᱟᱥᱮᱢᱵᱽᱞᱤ
	ᱟᱹᱢᱟᱹᱞᱤ ᱨᱮ; ᱓᱐ ᱢᱮ ᱒᱐᱐᱑ – ᱑᱙ ᱢᱮ ᱒᱐᱐᱖
Deputy	ᱴᱟᱝᱠᱟ ᱵᱟᱦᱟᱫᱩᱨ ᱨᱟᱭ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱜᱚᱱᱮᱥ ᱠᱩᱛᱩᱢ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱴᱟᱝᱠᱟ ᱵᱟᱦᱟᱫᱩᱨ ᱨᱟᱭ
ᱠᱮᱵᱤᱱᱮᱴ ᱢᱚᱱᱛᱨᱤ, ᱟᱥᱟᱢ ᱥᱚᱨᱠᱟᱨ
	ᱟᱹᱢᱟᱹᱞᱤ ᱨᱮ; ᱒᱑ ᱢᱮ ᱒᱐᱐᱖ – ᱒᱖ ᱡᱟᱱᱩᱣᱟᱨᱤ ᱒᱐᱑᱕
ᱥᱤᱨᱟᱹ ᱢᱚᱱᱛᱨᱤ	ᱛᱚᱨᱩᱱ ᱜᱚᱜᱚᱭᱤ
Portfolios	ᱯᱚᱨᱛᱚᱱ ᱟᱨ ᱩᱛᱱᱟᱹᱣ (᱒᱐᱐᱖–᱒᱐᱑᱑); ᱠᱟᱹᱢᱤ ᱟᱨ ᱪᱟᱹᱠᱨᱤ, ᱴᱤ ᱴᱨᱟᱭᱤᱵᱽᱥ ᱣᱮᱞᱯᱷᱮᱭᱟᱨ (᱒᱐᱐᱖–᱒᱐᱑᱕); ᱫᱟᱜ ᱰᱟᱦᱟᱨ (Water Resources) (᱒᱐᱐᱘–᱒᱐᱑᱑); Revenue and Disaster Management, Relief and Rehabilitation (᱒᱐᱑᱑–᱒᱐᱑᱕);
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱛᱚᱨᱩᱱ ᱜᱚᱜᱚᱭᱤ (Planning); ᱨᱟᱢᱮᱥᱣᱚᱨ ᱫᱷᱟᱱᱳᱣᱟᱨ (Labour, Tea Tribes Welfare); ᱵᱷᱟᱨᱚᱛ ᱱᱟᱨᱟᱦ (WR); ᱵᱷᱩᱢᱤᱫᱷᱚᱨ ᱵᱚᱨᱢᱟᱱ (R&DM, Relief & Rehab.)
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱴᱟᱝᱠᱟ ᱵᱟᱦᱟᱫᱩᱨ ᱨᱟᱭ (Planning); ᱛᱚᱨᱩᱱ ᱜᱚᱜᱚᱭᱤ(Labour); ᱟᱛᱩᱣᱟ ᱢᱩᱱᱰᱟ (Tea Tribes Welfare); ᱨᱟᱡᱤᱵᱽ ᱞᱚᱛᱚᱱ ᱯᱮᱜᱩ (WR); ᱵᱷᱩᱢᱤᱫᱷᱚᱨ ᱵᱚᱨᱢᱟᱱ (R&DM); ᱛᱚᱨᱩᱱ ᱜᱚᱜᱚᱭᱤ (Relief & Rehab.)
Deputy Speaker of the ᱟᱥᱟᱢ ᱞᱮᱡᱤᱥᱞᱮᱴᱤᱵᱽ ᱟᱥᱮᱢᱵᱽᱞᱤ
	ᱟᱹᱢᱟᱹᱞᱤ ᱨᱮ; ᱒᱓ ᱢᱟᱨᱪ ᱑᱙᱙᱓ – ᱑᱑ ᱢᱮ ᱑᱙᱙᱖
ᱥᱯᱤᱠᱚᱨ	ᱫᱮᱵᱮᱥ ᱪᱚᱸᱫᱽᱨᱚ ᱪᱚᱠᱨᱚᱵᱚᱨᱛᱤ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱫᱮᱵᱮᱥ ᱪᱚᱸᱫᱽᱨᱚ ᱪᱚᱠᱨᱚᱵᱚᱨᱛᱤ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱱᱩᱨᱩᱞ ᱦᱩᱥᱮᱸᱱ
ᱯᱟᱨᱞᱤᱭᱟᱢᱮᱴ ᱥᱚᱦᱮᱫ, ᱨᱟᱡᱽᱭᱚ ᱥᱚᱵᱷᱟ
	ᱟᱹᱢᱟᱹᱞᱤ ᱨᱮ; ᱑᱐ᱮᱯᱨᱤᱞ ᱑᱙᱘᱔ – ᱙ ᱮᱯᱨᱤᱞ ᱑᱙᱙᱐
ᱵᱟᱪᱷᱱᱟᱣ ᱮᱞᱟᱠᱟ	ᱟᱥᱟᱢ
ᱥᱚᱦᱮᱫ, ᱟᱥᱟᱢ ᱞᱮᱡᱤᱥᱞᱮᱴᱤᱵᱽ ᱟᱥᱮᱢᱵᱽᱞᱤ
	ᱟᱹᱢᱟᱹᱞᱤ ᱨᱮ; ᱑᱙᱙᱑ – ᱑᱙᱙᱖
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱟᱛᱩᱞ ᱪᱚᱸᱫᱽᱨᱚ ᱠᱳᱪ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱟᱛᱩᱣᱟ ᱢᱩᱱᱰᱟ
ᱵᱟᱪᱷᱱᱟᱣ ᱮᱞᱟᱠᱟ	ᱛᱤᱝᱠᱷᱳᱝ
	ᱟᱹᱢᱟᱹᱞᱤ ᱨᱮ; ᱑᱙᱙᱖ – ᱒᱐᱑᱖
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	ᱦᱚᱨᱮᱱ ᱵᱷᱩᱢᱤᱡᱽ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	ᱨᱤᱛᱩᱯᱚᱨᱱᱚ ᱵᱟᱨᱩᱣᱟᱦ
ᱵᱟᱪᱷᱱᱟᱣ ᱮᱞᱟᱠᱟ	ᱞᱟᱦᱳᱣᱟᱞ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	᱒᱔ ᱡᱟᱱᱩᱣᱟᱨᱤ ᱑᱙᱕᱑ (᱗᱕ ᱥᱮᱨᱢᱟ); ᱰᱤᱵᱽᱨᱩᱜᱟᱲ, ᱟᱥᱟᱢ, ᱥᱤᱧᱚᱛ
ᱡᱤᱭᱚᱱ ᱥᱚᱦᱮᱫ	ᱚᱱᱤᱛᱟ ᱢᱟᱹᱡᱷᱤ; (m. 1978, d.) ; ᱛᱚᱨᱩᱞᱚᱛᱟ ᱠᱟᱠᱳᱛᱤ ᱢᱟᱹᱡᱷᱤ ; (m. ᱑᱙᱙᱗)
ᱦᱚᱯᱚᱱ	᱔
ᱜᱳ/ᱵᱟᱵᱟ	ᱵᱤᱨᱥᱤᱝ ᱢᱟᱹᱡᱷᱤ (ᱵᱟᱵᱟ) ; ᱥᱤᱛᱟ ᱢᱟᱹᱡᱷᱤ (ᱟᱭᱳ)

ᱯᱨᱤᱛᱷᱤᱵᱤ ᱢᱟᱹᱡᱷᱤ ᱫᱚ ᱢᱤᱫ ᱨᱟᱡᱽᱼᱟᱹᱨᱤᱭᱟᱹ ᱠᱟᱱᱟᱭ ᱾ ᱱᱩᱭ ᱫᱚ ᱟᱥᱟᱢ ᱯᱚᱱᱚᱛ ᱠᱷᱚᱱ ᱠᱚᱝᱨᱮᱥ ᱫᱚᱞ ᱥᱟᱶ ᱡᱚᱲᱟᱣ ᱢᱮᱱᱟᱭᱟ ᱾ ᱴᱤᱝᱠᱷᱚᱝ ᱵᱤᱫᱷᱟᱱ ᱥᱚᱵᱷᱟ ᱢᱟᱹᱪᱤ ᱠᱷᱚᱱ ᱢᱤᱫ ᱫᱷᱟᱣ ᱟᱨ ᱞᱟᱦᱚᱣᱟᱞ ᱵᱤᱫᱷᱟᱱ ᱥᱚᱵᱷᱟ ᱢᱟᱹᱪᱤ ᱠᱷᱚᱱ ᱯᱩᱱ ᱫᱷᱟᱣ ᱵᱤᱫᱷᱟᱭᱚᱠ ᱪᱷᱟᱰᱟ ᱢᱤᱫ ᱫᱷᱟᱣ ᱨᱟᱡᱽᱭᱚ ᱥᱚᱵᱷᱟ ᱥᱟᱝᱥᱚᱫᱮ ᱛᱟᱸᱦᱮᱭᱟ ᱾ ᱩᱱᱤᱫᱚ ᱞᱮᱛᱟᱲ ᱜᱮ ᱪᱟ ᱵᱟᱜᱟᱱ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱩᱛᱱᱟᱹᱣ ᱞᱟᱹᱜᱤᱫ ᱞᱟᱹᱲᱦᱟᱹᱭ ᱟᱠᱟ ᱢᱮᱱᱟᱭᱟ ᱾

ᱡᱟᱱᱟᱢ ᱟᱨ ᱥᱮᱪᱮᱫ

ᱯᱨᱤᱛᱷᱤᱵᱤ ᱢᱟᱹᱡᱷᱤ ᱟᱜ ᱡᱟᱱᱟᱢ ᱫᱚ ᱢᱟᱹ ᱒᱔.᱐᱑.᱑᱙᱕᱑ ᱦᱤᱛ ᱨᱮ ᱟᱥᱟᱢ ᱯᱚᱱᱚᱛ ᱨᱮᱱᱟᱜ ᱰᱤᱵᱽᱨᱩᱜᱚᱲ ᱡᱤᱞᱟᱹ ᱞᱮᱠᱟᱭᱼᱱᱟᱜᱟᱶ ᱟᱹᱛᱩ ᱨᱮ ᱦᱩᱭ ᱞᱮᱱᱟ ᱾ ᱟᱯᱟᱛ ᱧᱩᱛᱩᱢ ᱫᱚ ᱵᱤᱨᱥᱤᱝ ᱢᱟᱹᱡᱷᱤ ᱟᱨ ᱮᱸᱜᱟᱛᱟᱜ ᱫᱚ ᱥᱤᱛᱟᱹ ᱢᱟᱹᱡᱷᱤ ᱾ ᱩᱱᱤ ᱫᱚ ᱑᱙᱗᱒ ᱥᱟᱞᱮ ᱨᱮ ᱰᱤᱵᱽᱨᱩᱜᱚᱲ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱵᱤ. ᱮ. ᱟᱨ ᱒᱐᱐᱐ ᱥᱟᱞᱮ ᱨᱮ ᱜᱩᱣᱟᱦᱟᱴᱤ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱮᱞ. ᱮᱞ. ᱵᱤ. ᱫᱚᱭ ᱥᱟᱹᱛ ᱞᱮᱫᱼᱟ ᱾ ᱱᱩᱭ ᱫᱚ ᱵᱟᱨ ᱫᱷᱟᱣ ᱮ ᱵᱟᱯᱞᱟ ᱟᱠᱟᱱᱟ ᱾ ᱮᱛᱚᱦᱚᱵ ᱫᱷᱟᱣ ᱫᱚ ᱚᱱᱤᱛᱟ ᱢᱟᱹᱡᱷᱤ ᱥᱟᱶ ᱑᱙᱗᱘ ᱥᱟᱞᱮ ᱨᱮ ᱟᱨ ᱫᱚᱥᱟᱨ ᱫᱷᱟᱣ ᱫᱚ ᱰᱟᱠᱛᱟᱨ ᱛᱚᱨᱩᱞᱚᱛᱟ ᱢᱟᱹᱡᱷᱤ ᱥᱟᱶ ᱑᱙᱙᱗ ᱥᱟᱞᱮ ᱨᱮ ᱾ ᱜᱤᱫᱟᱹᱨ ᱫᱚ ᱵᱟᱨ ᱠᱚᱲᱟ ᱟᱨ ᱵᱟᱨ ᱠᱩᱲᱤ ᱾

ᱨᱟᱡᱟᱹᱨᱤ ᱡᱤᱭᱚᱱ

ᱩᱱᱤᱭᱟᱜ ᱨᱟᱡᱟᱹᱨᱤ ᱡᱤᱭᱚᱱ ᱫᱚ ᱠᱚᱞᱮᱡᱽ ᱵᱮᱲᱟ ᱨᱮ ᱜᱮ ᱮᱦᱚᱵ ᱞᱮᱱᱟ ᱑᱙᱖᱘ ᱥᱟᱞᱮ ᱨᱮ ᱟᱥᱟᱢ ᱯᱚᱱᱚᱛ ᱪᱟ ᱵᱟᱜᱟᱱ ᱟᱹᱫᱤᱵᱟᱹᱥᱤ ᱯᱟᱹᱴᱷᱩᱣᱟᱹ ᱜᱟᱶᱛᱟ ᱨᱮᱱ ᱥᱩᱛᱨᱮᱫ ᱞᱮᱠᱟ ᱛᱮ ᱾ ᱑᱙᱗᱘ ᱥᱟᱞᱮ ᱫᱷᱟᱹᱵᱤᱡ ᱚᱱᱟ ᱜᱟᱶᱛᱟ ᱨᱮ ᱥᱩᱛᱨᱮᱫ ᱮ ᱛᱟᱸᱦᱮ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱟᱥᱟᱢ ᱪᱟ ᱵᱟᱜᱟᱱ ᱠᱟᱹᱢᱤᱭᱟ ᱜᱟᱶᱛᱟ ᱨᱮ ᱢᱟᱬᱛᱮ ᱥᱩᱛᱨᱮᱫ ᱞᱮᱠᱟᱛᱮ ᱑᱙᱘᱓ ᱥᱟᱞᱮ ᱫᱷᱟᱹᱵᱤᱡ ᱮ ᱛᱟᱸᱦᱮ ᱠᱟᱱᱟ ᱾ ᱚᱱᱟ ᱠᱟᱛᱮ ᱨᱟᱡᱽᱭᱚ ᱥᱚᱵᱷᱟ ᱥᱟᱝᱥᱚᱫᱽ (᱑᱙᱘᱔ᱼ᱑᱙᱙᱐) ᱟᱨ ᱢᱚᱬᱮ ᱫᱷᱟᱣ ᱵᱤᱫᱷᱟᱭᱚᱠ (᱑᱙᱙᱑ᱼ᱒᱐᱑᱖) ᱮ ᱛᱟᱸᱦᱮᱭᱟ ᱾ ᱚᱱᱟ ᱛᱟᱞᱟ ᱡᱚᱜᱚ ᱥᱯᱤᱠᱟᱨ, ᱥᱯᱤᱠᱟᱨ ᱟᱨ ᱪᱟ ᱟᱹᱫᱤᱵᱟᱹᱥᱤ ᱵᱷᱟᱹᱞᱟᱹᱭ ᱢᱚᱱᱛᱨᱤ ᱞᱮᱠᱟᱛᱮ ᱦᱚᱸᱭ ᱛᱟᱸᱦᱮ ᱠᱟᱱᱟ ᱾

ᱥᱟᱶᱦᱮᱫ ᱡᱚᱱᱚᱲᱟᱣ

ᱩᱱᱤ ᱫᱚ ᱟᱹᱫᱤᱵᱟᱹᱥᱤ ᱥᱟᱶᱛᱟ ᱥᱮᱪᱮᱫ ᱞᱟᱠᱪᱟᱨ ᱥᱮᱢᱞᱮᱫ, ᱟᱥᱟᱢ ᱯᱚᱱᱚᱛ ᱨᱮᱱ ᱫᱤᱥᱼᱦᱩᱫᱤᱥ ᱪᱟᱞᱤᱡ ᱟᱨ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱨᱮᱱ ᱢᱟᱹᱱ ᱥᱚᱦᱮᱫ ᱠᱟᱱᱟᱭ ᱾ ᱩᱱᱤ ᱫᱚ ᱤᱱᱴᱟᱨᱱᱮᱥᱚᱱᱟᱞ ᱥᱟᱱᱛᱟᱞ ᱠᱟᱣᱩᱱᱥᱤᱞ ᱨᱮᱱ ᱯᱟᱨᱥᱮᱫ ᱦᱚᱸᱭ ᱛᱟᱦᱮ ᱠᱟᱱᱟ ᱾ ᱩᱱᱤᱭᱟᱜ ᱚᱞ ᱵᱮᱞ ᱠᱚ ᱢᱩᱫᱽ ᱨᱮ ᱯᱮ ᱯᱟᱹᱨᱥᱤ ᱟᱹᱲᱟᱹ ᱵᱟᱺᱫᱤ (ᱥᱟᱱᱛᱟᱲᱤᱼᱚᱥᱚᱢᱤᱭᱟᱼᱤᱝᱞᱤᱥ) ᱥᱟᱯᱲᱟᱣ, ᱚᱥᱚᱢᱤᱭᱟ ᱯᱟᱹᱨᱥᱤ ᱛᱮ ᱚᱱᱚᱲᱦᱮ ᱯᱩᱛᱷᱤ 'ᱥᱨᱚᱢᱤᱠ', ᱥᱯᱤᱠᱟᱨ ᱞᱮᱠᱟᱛᱮ ᱵᱟᱪᱷᱟᱣ ᱥᱤᱫ ᱨᱚᱲ (ᱥᱯᱤᱪ) ᱤᱝᱞᱤᱥ ᱟᱨ ᱚᱥᱚᱢᱤᱭᱟ ᱯᱟᱹᱨᱥᱤ ᱛᱮ ᱩᱪᱷᱟᱹᱱ ᱮᱢᱟᱱ ᱧᱩᱢ ᱜᱟᱱᱚᱜᱼᱟ ᱾

ᱵᱤᱞᱟᱹᱛ ᱥᱟᱸᱜᱷᱟᱨ

ᱩᱱᱤ ᱫᱚ ᱵᱤᱞᱟᱹᱛ ᱫᱤᱥᱚᱢ ᱥᱟᱸᱜᱷᱟᱨ ᱨᱮᱱᱟᱜ ᱟᱹᱰᱤ ᱥᱚᱠᱷ ᱛᱟᱭ ᱾ ᱛᱷᱟᱭᱞᱮᱸᱰ, ᱦᱚᱝᱠᱚᱝ, ᱡᱮᱱᱮᱵᱷᱟ, ᱚᱥᱴᱨᱮᱞᱤᱭᱟ, ᱡᱟᱯᱟᱱ, ᱥᱤᱝᱜᱟᱯᱩᱨ, ᱢᱚᱨᱤᱥᱟᱥ, ᱠᱟᱱᱟᱰᱟ, ᱫᱩᱵᱟᱭ, ᱤᱴᱟᱞᱤ, ᱡᱟᱨᱢᱟᱱᱤ ᱮᱢᱟᱱ ᱫᱤᱥᱚᱢ ᱠᱚᱭ ᱥᱟᱸᱜᱷᱟᱨ ᱟᱠᱟᱫᱟ ᱾

ᱵᱟᱦᱨᱮ ᱡᱚᱱᱚᱲ

1. http://assamassembly.gov.in/prithibi-majhi:html 2. http://assamassembly.nic.in