ᱯᱩᱡᱟ ᱠᱷᱟᱱᱱᱟ

Pooja Khanna
ᱟᱯᱱᱟᱨᱟᱜ ᱠᱟᱛᱷᱟ
ᱡᱟᱱᱟᱢ ᱧᱩᱢ	Pooja Khanna
ᱡᱟᱹᱛᱤᱭᱟᱹ	Indian
ᱡᱟᱱᱟᱢ	᱑᱙ ᱱᱚᱵᱷᱮᱢᱵᱚᱨ ᱑᱙᱙᱐ (᱓᱓ ᱥᱮᱨᱢᱟ); Rohtak, Harayana, India
ᱠᱷᱮᱞᱚᱸᱰ
ᱫᱤᱥᱚᱢ	India
ᱠᱷᱮᱞ	Archery,
Disability	Poliomyelitis (Right Leg)
ᱢᱟᱹᱱ ᱟᱨ ᱥᱤᱨᱯᱷᱟᱹ
ᱯᱮᱨᱟᱞᱤᱢᱯᱤᱠ ᱜᱮᱢᱥ	Represented (2016)
ᱩᱥᱩᱞ ᱡᱮᱜᱮᱛ ᱨᱮᱸᱠ	41 (2018)
ᱥᱤᱨᱯᱷᱟᱹ ᱨᱮᱭᱟᱜ ᱠᱟᱛᱷᱟ
Women's Archery
ᱦᱮᱯᱨᱟᱣᱤᱭᱟᱹ India ᱞᱟᱹᱜᱤᱫ
Para National Archery Championship 2016

ᱯᱩᱡᱟ ᱠᱷᱟᱱᱱᱟ ᱫᱚ ᱯᱟᱨᱟ ᱚᱞᱤᱢᱯᱤᱠ ᱨᱮ ᱯᱩᱭᱞᱩ ᱥᱤᱧᱚᱛᱤᱭᱟ. ᱛᱩᱧ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱒᱕ ᱥᱮᱨᱢᱟ ᱩᱢᱮᱨ ᱨᱮ ᱒᱐᱑᱖ ᱨᱤᱭᱳ ᱚᱞᱤᱢᱯᱤᱠ ᱨᱮ ᱮᱛᱚᱦᱚᱵ ᱞᱮᱫᱟᱭ ᱟᱨ ᱑᱙ ᱜᱚᱴᱟᱝ ᱠᱷᱮᱞᱚᱸᱰᱤᱭᱟ ᱠᱚ ᱢᱩᱫᱽ ᱨᱮ ᱥᱤᱧᱚᱛ ᱠᱷᱚᱱ ᱢᱤᱫᱴᱟᱹᱝ ᱛᱩᱧ ᱠᱷᱮᱞᱚᱸᱰᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾ ᱒᱐᱑᱖ ᱥᱮᱨᱢᱟ ᱨᱮ ᱡᱮᱜᱮᱛ ᱠᱳᱴᱟ ᱨᱤᱠᱚᱨᱵᱷ ᱣᱤᱢᱮᱱ ᱚᱯᱮᱱ ᱨᱮ ᱪᱮᱠ ᱨᱤᱯᱚᱵᱞᱤᱠ ᱒᱐᱑᱖ ᱥᱮᱨᱢᱟ ᱨᱮ ᱥᱤᱧᱚᱛ ᱨᱮᱱᱟᱜ ᱚᱞᱚᱢᱯᱤᱠ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱩᱱᱤ ᱫᱚ ᱯᱩᱱᱭᱟᱹ ᱴᱷᱟᱶ ᱮ ᱟᱢᱮᱴ ᱞᱮᱫᱟ᱾ ᱟᱡᱟᱜ ᱚᱞᱤᱢᱯᱤᱠ ᱦᱮᱯᱨᱟᱣ ᱫᱚ ᱓᱒ ᱟᱱᱟᱜ ᱨᱟᱣᱩᱱᱰ ᱨᱮ ᱢᱤᱞᱮᱱᱟ ᱚᱞᱥᱮᱣᱥᱠᱟ (Poland) ᱒-᱖ ᱛᱮ ᱵᱟᱭ ᱫᱟᱲᱮ ᱞᱮᱱ ᱛᱟᱭᱟ ᱾ ᱩᱱᱤ ᱫᱚ ᱓᱒ ᱜᱚᱴᱟᱝ ᱛᱤᱨᱞᱟᱹ ᱠᱚ ᱢᱩᱫᱽ ᱨᱮ ᱒᱙ ᱟᱱᱟᱜ ᱴᱷᱟᱶ ᱮ ᱟᱢᱮᱴ ᱞᱮᱫ-ᱟ ᱾^[᱓]

ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱩᱡᱟ ᱠᱷᱟᱱᱱᱟ ᱫᱚ ᱨᱳᱦᱛᱟᱠ, ᱦᱚᱨᱤᱭᱟᱬᱟ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ-ᱟᱵᱟ ᱫᱚ ᱡᱤᱣᱤ ᱵᱟᱧᱪᱟᱣ ᱞᱟᱹᱜᱤᱫ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱟᱡ ᱵᱟᱵᱟ ᱫᱚ ᱢᱤᱫᱴᱟᱹᱝ ᱵᱤᱱ ᱟᱨ ᱥᱠᱨᱟᱯᱴ ᱠᱚᱞᱮᱠᱴᱚᱨ ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱵᱟᱵᱟ ᱟᱜ ᱵᱷᱤᱛᱨᱤ ᱟᱨ ᱠᱟᱹᱣᱰᱤ ᱵᱟᱭ ᱦᱟᱛᱟᱣ ᱫᱟᱲᱮᱭᱟᱜ ᱛᱮ, ᱩᱱᱤ ᱫᱚ ᱠᱷᱮᱞᱚᱸᱰ ᱨᱮ ᱥᱮᱞᱮᱫᱚᱜ ᱨᱮᱭᱟᱜ ᱜᱚᱴᱟ ᱠᱮᱫᱼᱟ ᱾ ᱜᱤᱫᱨᱟᱹ ᱚᱠᱛᱚ ᱨᱮ ᱜᱮ ᱩᱱᱤ ᱫᱚ ᱯᱳᱞᱤᱭᱚᱢᱟᱭᱤᱞᱤᱴᱤᱥ (Polio) ᱛᱮ ᱟᱬᱜᱚ ᱞᱮᱱᱟᱭ ᱾ ᱟᱡᱟᱜ ᱮᱛᱚᱦᱚᱵ ᱫᱚ ᱥᱩᱴᱤᱝ ᱨᱮ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱒᱐᱑᱔ ᱥᱮᱨᱢᱟ ᱦᱟᱹᱵᱤᱡ ᱰᱤᱥᱠᱚᱥ ᱛᱷᱳ ᱨᱮ ᱟᱡᱟᱜ ᱠᱮᱨᱤᱭᱚᱨ ᱮ ᱯᱟᱥᱱᱟᱣ ᱞᱮᱫ-ᱟ, ᱚᱠᱛᱚ ᱩᱱᱤ ᱫᱚ ᱟᱨᱪᱮᱨᱤ (archery) ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱟᱡᱟᱜ ᱦᱚᱲᱢᱚ ᱵᱚᱫᱚᱞ ᱟᱨ ᱟᱡᱟᱜ ᱠᱟᱹᱣᱰᱤ ᱫᱟᱲᱮ ᱠᱷᱟᱹᱛᱤᱨ ᱟᱡ ᱵᱟᱵᱟ ᱫᱚ ᱟᱡᱟᱜ ᱠᱩᱲᱤ ᱜᱤᱫᱽᱨᱟ. ᱛᱩᱞᱩᱡ ᱟᱨᱪᱚᱨᱤ ᱨᱮ ᱥᱮᱞᱮᱫᱚᱜ ᱨᱮ ᱵᱟᱠᱚ ᱜᱚᱲᱚ ᱟᱫᱮᱭᱟ, ᱢᱮᱱᱠᱷᱟᱱ ᱢᱩᱪᱟᱹᱫ ᱨᱮ ᱩᱱᱠᱩ ᱫᱚ ᱟᱡᱟᱜ ᱜᱚᱲᱚ ᱮ ᱮᱛᱚᱦᱚᱵ ᱠᱮᱫᱼᱟ ᱾^[᱔] ᱩᱱᱤ ᱫᱚ ᱢᱤᱫ ᱫᱟᱞᱤᱛ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱟᱡᱟᱜ ᱥᱮᱪᱮᱫ ᱚᱠᱛᱚ ᱨᱮ ᱩᱱᱤ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱟᱨ ᱵᱟᱹᱲᱤᱡ ᱵᱷᱮᱜᱟᱨ ᱜᱮᱭ ᱛᱟᱦᱮᱸ ᱠᱟᱱᱟ ᱾ ᱨᱳᱦᱛᱟᱠ ᱨᱮᱭᱟᱜ ᱵᱟᱵᱟ ᱢᱟᱥᱛᱱᱟᱛᱷ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱞᱟᱭᱵᱨᱮᱨᱤ ᱥᱟᱬᱮᱥ ᱨᱮ ᱢᱟᱥᱴᱟᱨ ᱰᱤᱜᱽᱨᱤ ᱦᱚᱸᱭ ᱯᱩᱨᱟᱹᱣ ᱟᱠᱟᱫ-ᱟ ᱾ ᱔ ᱜᱚᱴᱟᱝ ᱜᱤᱫᱽᱨᱟᱹ ᱢᱩᱸᱫᱽ ᱨᱮ ᱩᱱᱤ ᱜᱮ ᱢᱟᱨᱟᱝ ᱜᱤᱫᱽᱨᱟ. ᱠᱟᱱᱟᱭ ᱾

ᱠᱮᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱤᱫᱽᱨᱟᱹ ᱚᱠᱛᱚ ᱠᱷᱚᱱ ᱜᱮ ᱥᱩᱴᱤᱝ ᱨᱮ ᱟᱡᱟᱜ ᱢᱚᱱᱮ ᱟᱨ ᱦᱩᱫᱤᱥ ᱛᱮ ᱟᱡᱟᱜ ᱠᱷᱮᱞ ᱡᱤᱭᱚᱱ ᱮᱛᱚᱦᱚᱵ ᱞᱮᱱᱟ ᱾ ᱟᱡᱟᱜ ᱯᱩᱭᱞᱩ ᱡᱚᱥ ᱫᱚ ᱥᱩᱴᱤᱝ ᱨᱮ ᱡᱚᱛᱚ ᱠᱷᱚᱱ ᱪᱮᱛᱟᱱ ᱨᱮ ᱦᱮᱯᱨᱟᱣ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱨᱳᱦᱛᱟᱠ ᱨᱮ ᱨᱟᱡᱤᱵᱽ ᱜᱟᱱᱫᱷᱤ ᱥᱴᱮᱰᱤᱭᱟᱢ ᱨᱮ ᱥᱩᱴᱤᱝ ᱨᱮ ᱥᱮᱪᱮᱫ ᱮ ᱦᱟᱛᱟᱣ ᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱟᱡᱟᱜ ᱥᱚᱢᱯᱚᱛᱤ ᱫᱚ ᱪᱮᱛᱟᱱ ᱨᱮ ᱦᱮᱯᱨᱟᱣ ᱞᱟᱹᱜᱤᱫ ᱮ ᱮᱢᱟᱫᱮ ᱛᱟᱦᱮᱸᱫ, ᱪᱮᱫᱟᱜ ᱥᱮ ᱟᱡᱟᱜ ᱥᱚᱢᱯᱚᱛᱤ ᱫᱚ ᱠᱚᱢ ᱜᱮ ᱛᱟᱦᱮᱸ ᱠᱟᱱᱟ ᱟᱨ ᱰᱷᱮᱨ ᱠᱚᱢ ᱜᱮ ᱛᱟᱦᱮᱸ ᱠᱟᱱᱟ ᱾ ᱥᱩᱴᱤᱝ ᱠᱷᱚᱱ ᱵᱟᱧᱪᱟᱣ ᱮᱱ ᱛᱟᱭᱚᱢ, ᱩᱱᱤ ᱫᱚ ᱰᱤᱥᱠᱚᱥ ᱛᱷᱳᱨ ᱨᱮ ᱟᱡᱟᱜ ᱠᱮᱨᱤᱭᱚᱨ ᱮ ᱮᱛᱚᱦᱚᱵ ᱞᱮᱫ-ᱟ ᱟᱨ ᱓ ᱥᱮᱨᱢᱟ ᱦᱟᱹᱵᱤᱡ ᱱᱚᱶᱟ ᱠᱷᱮᱞ ᱫᱚᱭ ᱯᱩᱨᱟᱹᱣ ᱞᱮᱫ-ᱟ ᱟᱨ ᱱᱚᱶᱟ ᱨᱮ ᱪᱮᱛᱟᱱ ᱨᱮ ᱦᱚᱸᱭ ᱠᱷᱮᱞ ᱟᱠᱟᱫ-ᱟ ᱾ ᱒᱐᱑᱔ ᱥᱮᱨᱢᱟ ᱦᱟᱹᱵᱤᱡ ᱩᱱᱤ ᱫᱚ ᱟᱡᱟᱜ ᱥᱚᱢᱟᱱ ᱟᱨ ᱟᱨᱪᱮᱨᱤ (archery) ᱨᱮ ᱦᱟᱹᱥᱩ ᱧᱟᱢ ᱞᱮᱫᱟᱭ, ᱩᱱ ᱡᱚᱦᱚᱜ ᱩᱱᱤ ᱫᱚ ᱰᱤᱥᱠᱩᱥ ᱛᱷᱳᱨ (discus throw) ᱠᱷᱚᱱ ᱵᱟᱦᱨᱮ ᱞᱮᱱᱟᱭ ᱾ ᱩᱱᱤ ᱫᱚ ᱵᱟᱨ ᱥᱮᱨᱢᱟ ᱟᱨᱮ ᱪᱟᱱᱫᱚ ᱨᱮ ᱛᱩᱞᱩᱡ ᱪᱮᱪᱮᱫ ᱞᱮᱱᱟᱭ ᱾^[᱔]

ᱨᱤᱭᱳ ᱚᱞᱚᱢᱯᱤᱠ, ᱒᱐᱑᱖

ᱨᱤᱭᱳ ᱒᱐᱑᱖ ᱯᱟᱨᱟ ᱚᱞᱤᱢᱯᱤᱠ ᱫᱚ ᱱᱟᱜᱟᱢ ᱨᱮ ᱯᱩᱭᱞᱩ ᱫᱷᱟᱣ ᱢᱤᱫ ᱥᱤᱧᱚᱛᱤᱭᱟᱹ ᱠᱷᱮᱞᱚᱱᱰᱤᱭᱟᱹ ᱯᱟᱨᱟ-ᱟᱨᱪᱚᱨᱤ ᱦᱮᱯᱨᱟᱣ ᱨᱮ ᱠᱚ ᱦᱮᱯᱨᱟᱣ ᱞᱮᱫ ᱛᱟᱦᱮᱸᱫ ᱾ ᱨᱤᱭᱳ ᱨᱮ ᱟᱡᱟᱜ ᱥᱮᱱᱚᱜ ᱫᱚ ᱟᱹᱰᱤ ᱟᱭᱢᱟ ᱟᱹᱠᱤᱞ ᱛᱮ ᱮᱛᱚᱦᱚᱵ ᱞᱮᱱᱟ ᱾ ᱱᱩᱭ ᱫᱚ ᱟᱡᱟᱜ ᱵᱟᱹᱲᱤᱡ ᱥᱮ ᱟᱡᱟᱜ ᱡᱟᱹᱛᱤ ᱵᱷᱤᱛᱨᱤ ᱨᱮ ᱵᱟᱭ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱠᱷᱮᱞ ᱨᱮᱭᱟᱜ ᱩᱥᱩᱞ ᱠᱷᱟᱛᱟ ᱦᱚᱸ ᱛᱟᱦᱮᱸ ᱠᱟᱱᱟ ᱾ ᱚᱞᱤᱢᱯᱤᱠ ᱠᱷᱮᱞᱚᱸᱰ ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱠᱷᱮᱞᱚᱸᱰ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱟᱡᱟᱜ ᱥᱮᱪᱮᱫ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱮᱞᱟᱭᱴ ᱞᱮᱵᱚᱞ ᱨᱮ ᱢᱤᱫ ᱠᱳᱪ ᱟᱨ ᱟᱹᱰᱤ ᱜᱟᱱ ᱮᱠᱩᱯᱢᱮᱱᱴ ᱨᱮᱭᱟᱜ ᱦᱚᱸ ᱞᱟᱹᱠᱛᱤ ᱛᱟᱦᱮᱸ ᱠᱟᱱᱟ ᱾ᱩᱱᱤ ᱫᱚ ᱟᱡᱟᱜ ᱚᱲᱟᱜ, ᱡᱚᱢᱟᱜ, ᱦᱤᱡᱩᱜ ᱥᱮᱱᱚᱜ ᱨᱮᱭᱟᱜ ᱠᱟᱹᱣᱰᱤ, ᱫᱤᱥᱚᱢ ᱟᱨ ᱡᱮᱜᱮᱛ ᱵᱷᱤᱛᱨᱤ ᱵᱟᱱᱟᱨ ᱨᱮᱜᱮᱭ ᱦᱟᱛᱟᱣ ᱞᱮᱫ ᱛᱟᱦᱮᱸᱫ ᱾

ᱡᱚᱛᱚ ᱫᱟᱲᱮᱭᱟᱜ ᱵᱤᱨᱩᱫᱷ ᱠᱷᱚᱱ ᱵᱟᱧᱪᱟᱣ ᱛᱟᱭᱚᱢ, ᱩᱱᱤ ᱫᱚ ᱨᱤᱳ ᱨᱮ ᱨᱤᱠᱚᱨᱵᱷᱤ ᱤᱱᱰᱤᱵᱷᱤᱡᱩᱞ ᱚᱯᱮᱱ ᱞᱟᱹᱜᱤᱫ ᱮ ᱥᱮᱴᱮᱨ ᱞᱮᱱᱟ ᱾ ᱩᱱᱤ ᱫᱚ ᱱᱚᱶᱟ ᱦᱮᱯᱨᱟᱣ ᱨᱮ ᱨᱟᱣᱩᱱᱰ ᱓᱒ ᱦᱟᱹᱵᱤᱡ ᱥᱮᱴᱮᱨ ᱞᱮᱱᱟᱭ ᱡᱟᱦᱟᱸᱨᱮ ᱩᱱᱤ ᱫᱚ ᱯᱳᱞᱮᱱᱰ ᱨᱤᱱᱤᱡ ᱢᱤᱞᱮᱱᱟ ᱳᱞᱥᱡᱮᱣᱥᱠᱟ (Milena Olszewska) ᱥᱟᱶᱮ ᱡᱩᱲᱟᱹᱣ ᱮᱱᱟᱭ ᱾ ᱢᱤᱞᱮᱱᱟ ᱫᱚ ᱒᱕ ᱜᱚᱴᱟᱝ ᱟᱨ ᱯᱩᱡᱟ ᱫᱚ ᱒᱒ ᱜᱚᱴᱟᱝ ᱜᱟᱛᱮ ᱛᱮ ᱮᱛᱚᱦᱚᱵ ᱞᱮᱱᱟ ᱾ ᱫᱚᱥᱟᱨ ᱥᱮᱴ ᱫᱚ ᱢᱤᱞᱮᱱᱟ ᱒᱓ ᱠᱷᱚᱱ ᱯᱩᱡᱟ ᱒᱑ ᱥᱟᱞ ᱦᱟ.ᱵᱤᱡ ᱢᱩᱪᱟ.ᱫ ᱞᱮᱱᱟ । ᱯᱩᱱᱟᱜ ᱥᱮᱴ ᱨᱮ ᱯᱩᱡᱟ ᱫᱚ ᱢᱤᱞᱮᱱᱟ ᱠᱷᱚᱱ ᱵᱟᱹᱲᱛᱤ ᱥᱳᱨ ᱞᱮᱫᱟᱭ ᱡᱟᱦᱟᱸ ᱫᱚ ᱒᱕ᱹ᱒᱔ ᱛᱟᱦᱮᱸ ᱠᱟᱱᱟ ᱾ ᱯᱩᱱᱭᱟᱹ ᱥᱮᱴ ᱨᱮ ᱢᱤᱞᱮᱱᱟ ᱒᱓ᱹ᱒᱒ ᱜᱟᱛᱮ ᱛᱮ ᱯᱩᱡᱟ ᱟᱜ ᱫᱟᱬᱟ ᱫᱚᱦᱚ ᱠᱮᱫ-ᱟ ᱾^[᱓]ᱯᱩᱡᱟ ᱟᱜ ᱡᱚᱛᱚ ᱥᱠᱳᱨ ᱫᱚ ᱟᱡᱟᱜ ᱚᱞᱤᱢᱯᱤᱠ ᱡᱤᱭᱚᱱ ᱠᱷᱚᱱ ᱵᱟᱦᱨᱮ ᱞᱮᱱᱟᱭ ᱾

ᱯᱩᱡᱟ ᱫᱚ ᱓᱒ ᱦᱚᱲ ᱠᱚ ᱢᱩᱫᱽ ᱨᱮ ᱒᱙ ᱟᱱᱟᱜ ᱴᱷᱟᱶ ᱮ ᱟᱢᱮᱴ ᱞᱮᱫ-ᱟ, ᱡᱚᱠᱷᱚᱱ ᱢᱤᱞᱮᱱᱟ ᱫᱚ ᱯᱩᱱ ᱟᱱᱟᱜ ᱴᱷᱟᱶ ᱮ ᱟᱢᱮᱴ ᱞᱮᱫ-ᱟ ᱾^[᱓]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

↑ Wells, Chris (9 ᱥᱮᱯᱴᱮᱢᱵᱚᱨ 2016). "Meet Pooja: India's 1st Paralympic archer". worldarchery.org. Retrieved 27 ᱡᱩᱱ 2018.
↑ "Pooja". World Archery. Retrieved 27 ᱡᱩᱱ 2018.
↑ ^᱓.᱐ ^᱓.᱑ ^᱓.᱒ "Rio Paralympics 2016, India Archery: Pooja Khanna loses to Poland's Milena Olszewska 6-2 in Women's Individual Recurve Round of 32 match". www.sportskeeda.com (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 15 ᱥᱮᱯᱴᱮᱢᱵᱚᱨ 2016. Retrieved 19 ᱚᱠᱴᱚᱵᱚᱨ 2019.
↑ ^᱔.᱐ ^᱔.᱑ "Discrimination, Disability, and Dreams: Pooja Khanna Overcame All Odds To Win". The Logical Indian (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 18 ᱰᱤᱥᱮᱢᱵᱚᱨ 2016. Retrieved 19 ᱚᱠᱴᱚᱵᱚᱨ 2019.

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Pooja Khanna on WorldArchery

[auto-1] Wells, Chris (9 ᱥᱮᱯᱴᱮᱢᱵᱚᱨ 2016). "Meet Pooja: India's 1st Paralympic archer". worldarchery.org. Retrieved 27 ᱡᱩᱱ 2018.

[worldarchery.org-2] "Pooja". World Archery. Retrieved 27 ᱡᱩᱱ 2018.

[losesto-3] ᱓.᱐ ^᱓.᱑ ^᱓.᱒ "Rio Paralympics 2016, India Archery: Pooja Khanna loses to Poland's Milena Olszewska 6-2 in Women's Individual Recurve Round of 32 match". www.sportskeeda.com (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 15 ᱥᱮᱯᱴᱮᱢᱵᱚᱨ 2016. Retrieved 19 ᱚᱠᱴᱚᱵᱚᱨ 2019.

[odds-4] ᱔.᱐ ^᱔.᱑ "Discrimination, Disability, and Dreams: Pooja Khanna Overcame All Odds To Win". The Logical Indian (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 18 ᱰᱤᱥᱮᱢᱵᱚᱨ 2016. Retrieved 19 ᱚᱠᱴᱚᱵᱚᱨ 2019.

[᱑]

[᱒]

[᱓]

[᱔]