ᱯᱩᱥᱠᱤᱱ ᱟᱞᱮᱠᱡᱟᱱᱰᱟᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱯᱩᱥᱠᱤᱱ ᱟᱞᱮᱠᱡᱟᱱᱰᱟᱨ

ᱟᱞᱮᱠᱡᱟᱱᱰᱟᱨ ᱯᱩᱥᱠᱤᱱ (ᱨᱩᱥᱤᱭᱟᱱ : (6 June [OS May 26] 1799 - February 10 [OS January 29] 1837) ᱨᱩᱥᱤᱭᱟᱱ ᱯᱟᱹᱨᱥᱤ ᱨᱤᱱᱤᱡ ᱪᱷᱟᱭᱟᱵᱟᱫᱤ ᱚᱱᱚᱬᱦᱤᱭᱟᱹ ᱠᱷᱚᱱ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱨᱩᱥᱤᱭᱟ ᱨᱤᱱᱤᱡ ᱡᱚᱛᱚ ᱠᱷᱚᱱ ᱢᱟᱨᱟᱝ ᱚᱱᱚᱬᱦᱤᱭᱟᱹ ᱞᱮᱠᱟᱛᱮ ᱠᱚ ᱢᱟᱱᱟᱣ ᱵᱟᱛᱟᱣ ᱮᱭᱟ ᱾ ᱩᱱᱤ ᱦᱟᱹᱞᱤᱭᱟᱜ ᱨᱩᱥᱤᱭᱟᱱ ᱚᱱᱚᱬᱦᱮ ᱨᱤᱱᱤᱡ ᱵᱤᱱᱤᱭᱟᱹᱫᱤᱭᱟᱹ ᱢᱮᱱᱛᱮ ᱦᱚᱸᱠᱚ ᱢᱮᱛᱟᱭᱟ ᱾ ᱯᱩᱥᱠᱤᱱ ᱟᱜ ᱓᱘ ᱥᱮᱨᱢᱟ ᱨᱮᱭᱟᱜ ᱦᱩᱰᱤᱧ ᱡᱤᱭᱚᱱ ᱵᱚᱭᱚᱥ ᱟᱵᱚ ᱢᱚᱬᱮ ᱠᱮᱪᱟᱜ ᱨᱮ ᱦᱟᱹᱴᱤᱧ ᱠᱟᱛᱮ ᱵᱚᱱ ᱵᱩᱡᱷᱟᱹᱣ ᱫᱟᱲᱮᱭᱟᱜᱼᱟ ᱾ ᱒᱖ ᱢᱮ ᱑᱗᱙᱙ ᱨᱮ ᱩᱱᱤᱭᱟᱜ ᱡᱟᱱᱟᱢ ᱠᱷᱚᱱ ᱑᱘᱒᱐ ᱫᱷᱟᱹᱵᱤᱡᱟᱜ ᱚᱠᱛᱚ ᱜᱤᱫᱽᱨᱟᱹ ᱚᱠᱛᱚ ᱟᱨᱵᱟᱝ ᱮᱛᱚᱦᱚᱵ ᱥᱟᱶᱦᱮᱫ ᱚᱞ ᱛᱚᱞ ᱮ ᱥᱟᱡᱟᱣ ᱥᱟᱯᱲᱟᱣᱟ ᱾ ᱑᱘᱒᱐ ᱠᱷᱚᱱ ᱑᱘᱒᱔ ᱫᱷᱟᱹᱵᱤᱡᱟᱜ ᱚᱠᱛᱚ ᱫᱚ ᱱᱤᱨᱵᱟᱥᱚᱱ ᱚᱠᱛᱚ ᱛᱟᱦᱮᱸ ᱠᱟᱱᱟ ᱾ ᱑᱘᱒᱔ ᱠᱷᱚᱱ ᱑᱘᱒᱖ ᱛᱟᱞᱟ ᱨᱮᱭᱟᱜ ᱚᱠᱛᱚ ᱨᱚᱫᱚ ᱩᱱᱤ ᱢᱤᱠᱷᱟᱭᱮᱞᱳᱵᱥᱠᱳᱭᱮ ᱨ ᱛᱟᱦᱮᱸ ᱠᱟᱱᱟ ᱾ ᱑᱘᱒᱖ ᱠᱷᱚᱱ ᱑᱘᱓᱑ ᱨᱮ ᱩᱱᱤ ᱡᱟᱨ ᱥᱩᱨ ᱦᱮᱡ ᱠᱟᱛᱮ ᱡᱤᱛᱠᱟᱹᱨ ᱨᱮᱭᱟᱜ ᱧᱩᱛᱩᱢᱟᱱ ᱞᱟᱯᱷᱟᱝ ᱴᱷᱟᱶ ᱨᱮᱭ ᱥᱮᱴᱮᱨ ᱮᱱᱟ ᱾ ᱑᱘᱓᱑ ᱥᱮ ᱟᱡᱟᱜ ᱜᱩᱨ (᱒᱙ ᱡᱟᱱᱣᱟᱨᱤ ᱑᱘᱓᱗) ᱫᱷᱟᱹᱵᱤᱡᱟᱜ ᱚᱠᱛᱚ ᱫᱚ ᱩᱱᱤ ᱞᱟᱹᱜᱤᱫ ᱟᱹᱰᱤ ᱜᱮ ᱫᱩᱠᱷᱟᱹᱞᱤ ᱛᱟᱦᱮᱸ ᱠᱟᱱᱟ ᱾

ᱡᱟᱱᱟᱢ : ᱖ ᱡᱩᱱ, ᱑᱗᱙᱙ ᱢᱟᱥᱠᱚ, ᱨᱩᱥ

ᱜᱩᱨ : ᱑᱐ ᱯᱷᱮᱵᱨᱩᱣᱟᱨᱤ, ᱑᱘᱓᱗ ᱥᱮᱸᱴ ᱯᱤᱴᱚᱨᱥᱵᱚᱨᱜᱽ, ᱨᱩᱥ

ᱠᱟᱢᱠᱟᱡᱽ : ᱚᱱᱚᱬᱦᱤᱭᱟᱹ ᱟᱨ ᱚᱱᱚᱞᱤᱭᱟᱹ

ᱡᱟᱹᱛᱤ : ᱨᱩᱥᱤᱭᱟᱱ

ᱯᱟᱹᱨᱥᱤ : ᱨᱩᱥᱤᱭᱟᱱ ᱯᱟᱹᱨᱥᱤ

ᱥᱟᱛᱟᱢ : ᱚᱱᱚᱬᱦᱮ

ᱚᱱᱚᱬᱦᱮ ᱮᱛᱚᱦᱚᱵ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱮᱵᱟᱨ ᱵᱚᱪᱷᱚᱨ ᱵᱚᱭᱚᱥ ᱨᱮ ᱯᱩᱥᱠᱤᱱ ᱫᱚ Tsarskoye Selo ᱨᱮᱭᱟᱜ ᱵᱳᱰᱤᱝ ᱟᱥᱲᱟ ᱨᱮ ᱯᱟᱲᱦᱟᱣᱜ ᱞᱟᱹᱜᱤᱫ ᱠᱚ ᱵᱷᱮᱡᱟ ᱠᱮᱫᱮᱭᱟ ᱾ ᱑᱘᱑᱗ ᱥᱟᱞᱮᱨᱮ ᱯᱩᱥᱠᱤᱱ ᱫᱚ ᱯᱟᱲᱦᱟᱣ ᱮ ᱯᱩᱨᱟᱹ ᱠᱮᱫᱛᱮ ᱥᱮᱸᱴ ᱯᱤᱴᱚᱨᱥᱵᱚᱨᱜᱽ ᱮ ᱨᱩᱣᱟᱹᱲ ᱦᱮᱡ ᱮᱱᱟ ᱾ ᱟᱨ ᱵᱤᱫᱮᱥ ᱢᱚᱱᱛᱨᱟᱲᱚᱭ ᱨᱮᱭᱟᱜ ᱠᱟᱹᱢᱤ ᱠᱚ ᱥᱟᱶ ᱥᱟᱶ ᱛᱮ ᱩᱱᱤᱭᱟᱜ ᱯᱩᱨᱟᱹ ᱚᱠᱛᱚ ᱚᱱᱚᱬᱦᱮ ᱟᱨ ᱨᱟᱹᱥᱨᱟᱹ ᱨᱚᱢᱚᱡᱽ ᱛᱮ ᱚᱠᱛᱚ ᱛᱟᱭ ᱠᱷᱮᱢᱟᱣ ᱮᱱᱟ ᱾ ᱱᱤᱭᱟᱹ ᱚᱠᱛᱚ ᱨᱮ ᱥᱮᱱᱟ ᱨᱤᱱ ᱡᱩᱣᱟᱹᱱ ᱚᱯᱷᱤᱥᱚᱨ ᱠᱚ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱥᱟᱶᱦᱮᱫ ᱜᱟᱶᱛᱟ ᱜᱨᱤᱱᱞᱮᱸᱯ ᱨᱮᱦᱚᱸ ᱩᱱᱤ ᱥᱮᱱᱚᱜ ᱮ ᱮᱛᱚᱦᱚᱵ ᱠᱮᱜᱼᱟ ᱾ ᱡᱟᱦᱟᱸᱨᱮ ᱩᱱᱤᱭᱟᱜ ᱚᱱᱚᱬᱦᱮ ᱥᱟᱹᱜᱩᱱ ᱫᱟᱨᱟᱢ ᱮᱱᱟ ᱾ ᱢᱮᱞᱟᱱ ᱦᱚᱭ ᱦᱤᱥᱤᱫ ᱨᱮ ᱟᱡᱟᱜ ᱩᱭᱦᱟᱹᱨ ᱮ ᱥᱚᱫᱚᱨ ᱫᱟᱲᱮᱭᱟᱜ ᱨᱮᱭᱟᱜ ᱯᱷᱩᱨᱜᱟᱹᱞ ᱨᱮᱭᱟᱜ ᱛᱟᱠ ᱮ ᱵᱮᱵᱷᱟᱨ ᱠᱮᱫ ᱥᱟᱶ ᱥᱟᱶᱛᱮ ᱯᱩᱥᱠᱤᱱ ᱫᱚ ᱳᱰ ᱴᱩ ᱞᱤᱵᱚᱨᱴᱤ (ᱨᱟᱲᱟ ᱫᱩᱜᱚᱜ ᱞᱟᱹᱜᱤᱫ ᱥᱮᱨᱮᱧ, ᱑᱘᱑᱗), ᱪᱟᱫᱟᱭᱮᱵ ᱞᱟᱹᱜᱤᱫ (᱑᱘᱑᱘), ᱟᱨ ᱫᱤᱥᱚᱢ (᱑᱘᱑᱙), ᱞᱮᱠᱟᱱ ᱚᱱᱚᱬᱦᱮᱭ ᱚᱞ ᱞᱮᱜᱼᱟ ᱾ ᱫᱩᱠᱷᱤᱱ ᱨᱮ ᱭᱮᱠᱟᱛᱮᱨᱤᱱᱳᱥᱞᱟᱵ, ᱠᱟᱠᱮᱥᱚᱥ, ᱟᱨ ᱠᱨᱤᱢᱤᱭᱟ ᱨᱮᱭᱟᱜ ᱟᱡᱟᱜ ᱥᱟᱸᱜᱷᱟᱨ ᱚᱠᱛᱚ ᱨᱮ ᱩᱱᱤ ᱟᱹᱰᱤ ᱡᱩᱨ ᱮ ᱯᱟᱲᱦᱟᱣ ᱮᱱᱟ ᱟᱨ ᱫᱚᱢᱮᱭ ᱚᱞ ᱠᱮᱜᱼᱟ ᱾ ᱱᱤᱭᱟᱹ ᱚᱠᱛᱚ ᱨᱮ ᱩᱱᱤ ᱟᱡᱨ ᱦᱚᱸᱭ ᱟᱡᱟᱨ ᱮᱱᱟ ᱾ ᱟᱨ General Rievesky ᱭᱟᱜ ᱜᱷᱟᱨᱚᱸᱡᱽ ᱥᱟᱶᱛᱮ ᱠᱟᱠᱮᱥᱚᱥ ᱟᱨ ᱠᱨᱤᱢᱤᱭᱟᱭ ᱪᱟᱞᱟᱣ ᱮᱱᱟ ᱾ ᱯᱩᱥᱠᱤᱱᱟᱜ ᱡᱤᱭᱚᱱ ᱨᱮ ᱱᱚᱶᱟ ᱥᱟᱺᱜᱷᱟᱨ ᱫᱚ ᱩᱱᱩᱭᱦᱟᱹᱨ ᱞᱮᱠᱟᱛᱮ ᱛᱟᱦᱮᱸ ᱫᱚᱦᱚ ᱮᱱᱟ ᱾

᱑᱘᱒᱓ ᱥᱟᱞᱮᱨᱮ ᱩᱱᱤ ᱫᱚ ᱳᱫᱮᱥᱥᱟ ᱛᱮᱠᱚ ᱠᱩᱞ ᱠᱮᱫᱮᱭᱟ ᱾ ᱳᱫᱮᱥᱥᱟ ᱨᱮ ᱡᱟᱦᱟᱸᱭ ᱵᱟᱨᱮᱭᱟ ᱠᱩᱲᱤ ᱦᱚᱯᱚᱱ ᱥᱟᱞᱟᱜ ᱟᱡᱟᱜ ᱥᱩᱨ ᱥᱟᱹᱜᱟᱹᱭ ᱡᱚᱲᱟᱣ ᱮᱱᱟ ᱾ ᱩᱱᱠᱤᱱ ᱵᱷᱤᱛᱨᱤ ᱨᱮ ᱢᱤᱫ ᱫᱚ ᱥᱟᱨᱵᱤᱭᱟᱱ ᱵᱮᱯᱟᱨᱤᱭᱟᱹ ᱭᱤᱡ ᱤᱴᱟᱞᱤᱭᱚᱱ ᱮᱨᱟ ᱮᱢᱤᱞᱤᱭᱟ ᱨᱤᱡᱽᱢᱤᱪ ᱟᱨ ᱫᱩᱥᱨᱟᱹᱭᱤᱡ ᱫᱚᱭ ᱛᱟᱦᱮᱸ ᱠᱟᱱᱟ ᱚᱸᱰᱮᱱᱤᱡ ᱜᱚᱵᱷᱚᱨᱱᱚᱨ ᱡᱮᱱᱮᱨᱟᱞ ᱤᱡ ᱮᱨᱟ ᱠᱟᱶᱱᱴᱮᱥ ᱵᱳᱨᱳᱱᱥᱛᱥᱳᱵᱽ ᱾ ᱱᱩᱠᱤᱱ ᱵᱟᱱᱟᱨ ᱠᱩᱲᱤ ᱦᱚᱯᱚᱱ ᱜᱮ ᱯᱩᱥᱠᱤᱱ ᱟᱜ ᱡᱤᱭᱚᱱ ᱨᱮ ᱟᱹᱰᱤ ᱜᱟᱺᱦᱤᱨ ᱪᱷᱟᱯᱟ ᱠᱤᱱ ᱵᱟᱹᱜᱤᱭᱟᱫᱼᱟ ᱾ ᱯᱩᱥᱠᱤᱱ ᱦᱚᱸ ᱵᱟᱱᱟ ᱦᱚᱲ ᱜᱮ ᱢᱤᱫ ᱥᱚᱢᱟᱱ ᱮ ᱫᱩᱞᱟᱹᱲ ᱠᱮᱫ ᱠᱤᱱᱟ ᱾ ᱟᱨ ᱵᱟᱱᱟ ᱦᱚᱲ ᱞᱟᱹᱜᱤᱫ ᱟᱡᱟᱜ ᱚᱱᱚᱬᱦᱮᱭ ᱟᱞᱟᱭ ᱠᱮᱜᱼᱟ ᱾

ᱢᱩᱪᱟᱹᱫ ᱚᱠᱛᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱩᱥᱠᱤᱱᱟᱜ ᱵᱟᱯᱞᱟ ᱡᱤᱭᱚᱱᱨᱮ ᱨᱟᱹᱥᱠᱟᱹ ᱫᱚ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱨᱮᱭᱟᱜ ᱡᱷᱚᱞᱚᱠ ᱫᱚ ᱟᱡᱟᱜ ᱚᱱᱚᱞ ᱥᱟᱛᱟᱢ ᱠᱷᱚᱱ ᱜᱮ ᱵᱟᱰᱟᱭᱚᱜᱼᱟ ᱾ ᱯᱩᱥᱠᱤᱱ ᱫᱚ ᱱᱟᱛᱟᱞᱭᱟ ᱜᱳᱸᱪᱟᱨᱳᱣᱟ ᱫᱚ ᱢᱤᱫ ᱯᱷᱨᱟᱱᱥᱤᱥᱤ ᱫᱤ ᱟᱸᱛᱮᱥ ᱥᱟᱶ ᱮ ᱨᱚᱯᱚᱜ ᱧᱟᱯᱟᱢ ᱮᱱᱟ ᱡᱟᱦᱟᱸᱭ ᱫᱚ ᱡᱟᱨ ᱱᱤᱠᱳᱞᱳᱥ ᱤᱡ ᱫᱚᱨᱵᱟᱹᱨᱤᱭ ᱛᱟᱦᱮᱸ ᱠᱟᱱᱟ ᱾ ᱢᱮᱱ ᱟᱠᱚ ᱫᱚ ᱟᱸᱛᱮᱥ ᱫᱚ ᱱᱟᱛᱟᱞᱭᱟᱭ ᱫᱩᱞᱟᱹᱲ ᱮ ᱠᱟᱱ ᱛᱟᱦᱮᱸᱱ ᱾ ᱟᱸᱛᱮᱥ ᱫᱚ ᱱᱟᱛᱟᱞᱭᱟ ᱭᱤᱡ ᱵᱚᱭᱦᱟ ᱠᱩᱲᱤ ᱵᱟᱯᱞᱟᱜ ᱨᱮᱭᱟᱜ ᱠᱟᱛᱷᱟᱭ ᱮᱢ ᱞᱮᱫ ᱛᱟᱦᱮᱸᱫ ᱾ ᱤᱠᱷᱟᱹᱱ ᱟᱡ ᱟᱨ ᱱᱟᱛᱟᱞᱭᱟ ᱩᱠᱩ ᱩᱠᱩ ᱛᱮᱠᱤᱱ ᱧᱟᱯᱟᱢ ᱮᱱᱟ ᱾ ᱦᱟᱞᱟᱛ ᱟᱨ ᱦᱚᱸ ᱵᱟᱹᱲᱤᱡ ᱮᱱᱟ ᱾ ᱱᱚᱣᱟ ᱯᱩᱥᱠᱤᱱ ᱫᱚ ᱵᱟᱭ ᱥᱟᱦᱟᱣ ᱫᱟᱲᱮᱭᱟᱫᱼᱟ ᱟᱨ ᱩᱱᱤ ᱫᱚ ᱟᱸᱛᱮᱥ ᱴᱷᱮᱱ ᱦᱮᱯᱨᱟᱣ ᱦᱩᱞ ᱞᱟᱹᱜᱤᱫ ᱱᱮᱣᱛᱟᱭ ᱵᱷᱮᱡᱟ ᱠᱮᱜᱼᱟ ᱾ ᱒᱗ ᱡᱟᱱᱩᱣᱟᱨᱤ ᱑᱘᱓᱗ ᱨᱮ ᱦᱩᱭ ᱮᱱ ᱦᱮᱯᱨᱟᱣ ᱞᱟᱹᱲᱦᱟᱹᱭ ᱨᱮ ᱯᱩᱥᱠᱤᱱ ᱫᱚ ᱟᱸᱛᱮᱥ ᱟᱜ ᱜᱩᱞᱤ ᱛᱮ ᱯᱩᱨᱟᱹ ᱞᱮᱠᱟᱭ ᱜᱷᱟᱹᱞ ᱩᱛᱟᱹᱨ ᱮᱱᱟ ᱟᱨ ᱵᱟᱹᱨᱥᱤᱧ ᱛᱟᱭᱚᱢ ᱒᱙ ᱡᱟᱱᱩᱣᱟᱨᱤ ᱑᱘᱓᱗ ᱦᱤᱞᱚᱜ ᱢᱚᱴᱷᱮ ᱓᱘ ᱥᱮᱨᱢᱟ ᱩᱢᱮᱨ ᱨᱮ ᱩᱱᱤ ᱫᱚᱭ ᱵᱚᱸᱜᱟ ᱫᱤᱥᱚᱢ ᱮᱱᱟ ᱾ ᱯᱩᱥᱠᱤᱱᱟᱜ ᱴᱟᱴᱠᱟ ᱜᱩᱨ ᱵᱮᱣᱨᱟ ᱧᱟᱢ ᱠᱟᱛᱮ ᱜᱚᱴᱟᱯᱟᱲᱟ ᱵᱚᱛᱚᱨ ᱪᱟᱢᱯᱟᱴᱟᱣ ᱮᱱᱟ ᱾ ᱟᱹᱰᱤ ᱩᱥᱟᱹᱨᱟ ᱜᱮ ᱨᱩᱥᱤᱭᱟ ᱨᱤᱱ ᱢᱚᱬᱮ ᱜᱮᱞ ᱜᱮᱥᱟᱭ ᱦᱚᱲ ᱠᱷᱚᱱ ᱦᱚᱸ ᱵᱟᱹᱲᱛᱤ ᱡᱟᱣᱨᱟ ᱠᱟᱛᱮ ᱢᱩᱪᱟᱹᱫ ᱵᱤᱫᱟᱹᱭ ᱠᱚ ᱪᱟᱞ ᱟᱫᱮᱭᱟ ᱾

ᱢᱚᱴᱷᱮ ᱓᱗ ᱵᱚᱨᱥᱚ ᱵᱚᱭᱚᱥ ᱡᱤᱭᱚᱱ ᱡᱤᱣᱤᱫ ᱠᱟᱛᱮ ᱯᱩᱥᱠᱤᱱ ᱫᱚ ᱥᱚᱝᱥᱟᱨ ᱨᱮ ᱚᱱᱠᱟᱱ ᱴᱷᱟᱶ ᱮ ᱛᱷᱟᱯᱚᱱ ᱦᱚᱴᱚ ᱠᱟᱫᱼᱟ, ᱡᱟᱦᱟᱸ ᱫᱚ ᱮᱴᱟᱜ ᱦᱚᱲ ᱞᱟᱹᱜᱤᱫ ᱢᱩᱥᱠᱤᱞ ᱜᱮᱭᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]