ᱯᱮᱯᱥᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱯᱮᱯᱥᱤ ᱞᱚᱜᱚ

ᱯᱮᱯᱥᱤ ᱫᱚ ᱠᱟᱨᱵᱚᱱᱮᱴᱮᱰ ᱥᱚᱯᱴ ᱰᱨᱤᱸᱠ ᱢᱮᱱᱫᱚ ᱢᱤᱫ ᱧᱩᱭ ᱛᱮᱭᱟᱜ ᱡᱤᱱᱤᱥ ᱠᱟᱱᱟ, ᱡᱟᱦᱟᱸ ᱫᱚ ᱯᱮᱯᱥᱤᱠᱚ ᱠᱚᱢᱯᱟᱹᱱᱤᱭ ᱛᱮᱭᱟᱨᱮᱫᱼᱟ ᱾ ᱮᱛᱚᱦᱚᱵ ᱫᱚ ᱱᱚᱶᱟ ᱑᱘᱙᱓ ᱥᱟᱞᱮ ᱨᱮ ᱠᱟᱞᱤᱵᱽ ᱵᱨᱟᱰᱷᱟᱢ ᱮ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱵᱨᱟᱰᱥ ᱰᱨᱤᱸᱠ ᱧᱩᱛᱩᱢ ᱛᱮ ᱾ [᱑] ᱱᱚᱶᱟ ᱧᱩᱛᱩᱢ ᱫᱚ ᱟᱹᱨᱩ ᱠᱟᱛᱮ ᱯᱮᱯᱥᱤᱼᱠᱚᱞᱟ ᱠᱚ ᱫᱚᱦᱚ ᱞᱮᱫᱼᱟ ᱒᱘ ᱚᱜᱚᱥᱴ ᱑᱘᱙᱘ ᱥᱟᱞᱮ ᱨᱮ ᱟᱨ ᱚᱱᱟ ᱛᱟᱭᱚᱢ ᱑᱙᱖᱑ ᱥᱟᱞᱮ ᱨᱮ ᱯᱮᱯᱥᱤ ᱠᱚ ᱧᱩᱢ ᱟᱹᱨᱩ ᱠᱮᱫᱼᱟ ᱾ [᱒]

ᱱᱚᱶᱟ ᱠᱚᱢᱯᱟᱹᱱᱭ ᱦᱚᱸ ᱢᱤᱢᱤᱫ ᱫᱷᱟᱶ ᱫᱚ ᱠᱚ ᱥᱯᱚᱱᱥᱚᱨ ᱮᱫ ᱛᱟᱦᱮᱸᱫ ᱮᱱᱮᱡ ᱟᱨ ᱥᱮᱨᱮᱧ ᱤᱵᱷᱮᱸᱴᱥ ᱡᱮᱢᱚᱱ ᱥᱩᱯᱚᱨ ᱵᱳᱞ ᱮᱢᱟᱱ ᱞᱮᱠᱟᱱ ᱥᱯᱚᱨᱴᱥ ᱮᱱᱮᱡ ᱤᱵᱷᱮᱸᱴ ᱠᱚᱨᱮ ᱾ ᱯᱮᱯᱥᱤ ᱨᱮᱱᱟᱜ ᱦᱚᱸ ᱟᱹᱰᱤ ᱢᱟᱨᱟᱝ ᱥᱯᱚᱱᱥᱚᱨᱥᱤᱯ ᱢᱮᱱᱟᱜᱼᱟ ᱞᱟᱥ ᱵᱷᱮᱜᱟᱥ ᱱᱮᱵᱟᱫᱟ ᱨᱮᱱᱟᱜ ᱮᱢᱹᱡᱤᱹᱮᱢ ᱢᱤᱨᱮᱡᱽ ᱦᱚᱴᱮᱞ ᱠᱚᱨᱮ ᱾ ᱱᱩᱠᱩ ᱫᱚ ᱯᱮᱯᱥᱤ ᱥᱩᱢᱩᱝ ᱠᱚ ᱮᱢᱟ ᱠᱚᱶᱟ ᱦᱚᱴᱮᱞ ᱨᱮ ᱾

ᱯᱮᱥᱤ ᱫᱚ ᱟᱹᱰᱤ ᱞᱮᱠᱟᱱ ᱦᱟᱹᱴᱤᱧ ᱟᱨ ᱥᱤᱵᱤᱞ ᱛᱮ ᱦᱤᱡᱩᱜᱼᱟ ᱾ ᱛᱤᱢᱤᱱ ᱜᱟᱱ ᱵᱷᱮᱯᱮᱫ ᱯᱮᱯᱥᱤ ᱠᱚᱫᱚ ᱠᱚ ᱦᱩᱭᱩᱜ ᱠᱟᱱᱟ ᱰᱟᱭᱮᱴ ᱯᱮᱯᱥᱤ, ᱯᱮᱯᱥᱤ ᱢᱟᱠᱥ, ᱯᱮᱯᱥᱤ ᱳᱣᱟᱱ, ᱠᱨᱤᱥᱴᱟᱞ ᱯᱮᱥᱤ, ᱯᱮᱥᱤ ᱣᱤᱞᱰ ᱪᱮᱨᱤ ᱮᱢᱟᱱ ᱮᱢᱟᱱ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱮᱯᱥᱤ ᱵᱚᱛᱚᱞ

ᱯᱮᱯᱥᱤ ᱫᱚ ᱯᱩᱭᱞᱩ ᱮᱛᱚᱢ ᱠᱟᱨᱚᱞᱤᱱᱟ ᱨᱮᱱᱟᱜ ᱱᱤᱣ ᱵᱮᱨᱱ ᱨᱮ ᱑᱘᱙᱘ ᱥᱟᱞᱮ ᱨᱮ ᱠᱟᱞᱤᱵᱲ ᱵᱨᱟᱫᱷᱟᱢ ᱮ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱡᱟᱦᱟᱸᱭ ᱫᱚ ᱯᱩᱭᱞᱩ ᱟᱡᱟᱜ ᱨᱟᱱ ᱫᱚᱠᱟᱱ (pharmacy) ᱨᱮ ᱛᱮᱭᱟᱨ ᱠᱟᱛᱮᱭ ᱟᱹᱠᱷᱨᱤᱧᱮᱫ ᱛᱟᱦᱮᱸᱫ ᱾ ᱩᱱ ᱚᱠᱛᱚ ᱫᱚ ᱱᱚᱶᱟ ᱵᱨᱟᱰᱥ ᱰᱨᱤᱸᱠ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱢᱮᱱᱠᱷᱟᱱ ᱚᱱᱟ ᱧᱩᱛᱩᱢ ᱫᱚ ᱛᱟᱭᱚᱢ ᱛᱮ ᱟᱹᱨᱩ ᱠᱟᱛᱮ ᱯᱮᱯᱥᱤ ᱠᱚᱞᱟ ᱠᱚ ᱫᱚᱦᱚ ᱞᱮᱫᱼᱟ ᱾ ᱡᱟᱹᱱᱤᱡ ᱱᱚᱶᱟ ᱧᱩᱛᱩᱢ ᱫᱚ ᱡᱚᱢᱟᱜ ᱦᱚᱡᱚᱢ ᱮᱱᱡᱟᱭᱤᱢ ᱯᱮᱯᱥᱤᱱ ᱟᱨ ᱠᱚᱞᱟ ᱡᱚ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱛᱮᱭᱟᱨ ᱞᱟᱹᱜᱤᱫ, ᱟᱫᱚ ᱱᱩᱠᱤᱱ ᱟᱹᱲᱟᱹ ᱜᱮ ᱯᱟᱞᱮ ᱢᱮᱥᱟ ᱠᱟᱛᱮ ᱠᱚ ᱧᱩᱢ ᱞᱮᱫ ᱛᱟᱦᱮᱸᱫ ᱾ [᱓] ᱵᱨᱟᱫᱷᱟᱢ ᱫᱚ ᱥᱤᱵᱤᱞᱟᱱᱟᱜ ᱧᱩᱭ ᱛᱮᱭᱟᱜ ᱛᱮᱭᱟᱨ ᱞᱮᱫ ᱛᱟᱦᱮᱸᱫ ᱟᱨ ᱡᱚᱢᱟᱜ ᱦᱚᱡᱚᱢ ᱥᱟᱶᱛᱮ ᱫᱟᱲᱮ ᱥᱟᱨᱥᱟᱶ ᱚᱪᱚᱭᱟ ᱦᱚᱲᱢᱚ ᱨᱮ ᱾ [᱔]

᱑᱙᱐᱓ ᱥᱟᱞᱮ ᱨᱮ ᱵᱨᱫᱷᱟᱢ ᱫᱚ ᱯᱮᱯᱥᱤᱼᱠᱚᱞᱟ ᱠᱚᱢᱯᱟᱹᱱᱤ ᱫᱚ ᱟᱡᱟᱜ ᱨᱟᱱ ᱫᱚᱠᱟᱱ ᱠᱷᱚᱱ ᱟᱨ ᱢᱤᱫ ᱜᱚᱫᱟᱢ ᱚᱲᱟᱜ ᱛᱮᱭ ᱩᱪᱟᱹᱲ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱥᱮᱨᱢᱟ ᱗,᱙᱖᱘ ᱜᱮᱞᱚᱱ (gallons) ᱥᱤᱨᱚᱯ (syrup) ᱮ ᱟᱹᱠᱷᱨᱤᱧ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱨᱮᱱᱟᱜ ᱫᱚᱥᱟᱨ ᱥᱮᱨᱢᱟ ᱛᱩᱨᱩᱭ ᱟᱶᱩᱱᱥ ᱟᱱᱟᱜ ᱵᱚᱛᱚᱞ ᱛᱮᱭ ᱟᱹᱠᱷᱨᱤᱧ ᱞᱮᱫ ᱛᱟᱦᱮᱸᱫ ᱟᱨ ᱟᱹᱠᱨᱤᱧ ᱫᱚ ᱑᱙,᱘᱔᱘ ᱜᱮᱞᱚᱱ ᱨᱟᱠᱟᱵ ᱞᱮᱱ ᱛᱟᱦᱮᱸᱫ ᱾ ᱑᱙᱐᱙ ᱥᱟᱞᱮ ᱨᱮ ᱚᱴᱚᱢᱚᱵᱟᱭᱤᱞ ᱨᱮᱥᱚᱨ ᱯᱤᱭᱚᱱᱟᱨ ᱵᱚᱱᱨᱤ ᱚᱞᱰᱯᱷᱤᱞᱰ, ᱡᱟᱦᱟᱸᱭ ᱮᱛᱚᱦᱚᱵ ᱥᱮᱞᱤᱵᱨᱤᱴᱤ ᱛᱟᱦᱮᱸ ᱠᱟᱱᱟᱭ ᱡᱟᱦᱟᱸᱭ ᱫᱚ ᱯᱮᱯᱥᱤ ᱨᱮᱱᱟᱜ ᱜᱩᱱ ᱮ ᱥᱟᱨᱦᱟᱶ ᱞᱮᱫ ᱛᱟᱦᱮᱸᱫ ᱾

ᱢᱟᱨᱠᱮᱴᱤᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱗᱕ ᱥᱟᱞᱮ ᱨᱮ ᱯᱮᱥᱤ ᱫᱚ ᱯᱮᱯᱥᱤ ᱪᱟᱞᱮᱸᱡᱽ ᱢᱟᱨᱠᱮᱴᱤᱝ ᱠᱟᱹᱢᱤᱦᱚᱨᱟᱭ ᱥᱟᱵ ᱠᱮᱫᱼᱟ, ᱡᱟᱦᱟᱸ ᱨᱮ ᱯᱮᱯᱥᱤᱼᱠᱚᱞᱟ ᱟᱨ ᱨᱤᱵᱷᱟᱞ ᱠᱚᱞᱟᱼᱠᱚᱞᱟ ᱧᱩᱛᱩᱢ ᱛᱮ ᱵᱟᱨᱭᱟ ᱯᱚᱰᱚᱠᱴ ᱮ ᱟᱲᱟᱜ ᱠᱮᱫᱼᱟ ᱵᱤᱱᱤᱰᱟᱹᱣ ᱞᱮᱠᱟᱛᱮ ᱾ ᱱᱚᱶᱟ ᱵᱤᱱᱤᱰᱟᱹᱶ ᱨᱮ ᱥᱮᱞᱮᱫ ᱞᱮᱱ ᱦᱚᱲ ᱠᱚ ᱚᱱᱟ ᱵᱟᱱᱟᱨ ᱢᱩᱸᱫᱽ ᱠᱷᱚᱱ ᱯᱮᱯᱥᱤ ᱜᱮ ᱠᱚ ᱵᱟᱪᱦᱟᱣ ᱠᱮᱫᱼᱟ ᱱᱟᱯᱟᱭᱟ ᱢᱮᱱᱛᱮ ᱾ ᱯᱮᱯᱥᱤᱠᱚ ᱱᱚᱶᱟ ᱨᱮᱱᱟᱜ ᱵᱷᱟᱹᱜᱤ ᱚᱨᱡᱚᱭ ᱧᱟᱢ ᱠᱮᱫᱼᱟ, ᱫᱤᱥᱣᱟᱹ ᱠᱚ ᱞᱟᱹᱜᱤᱫ ᱢᱤᱫ ᱧᱮᱱᱮᱞᱚᱢ (television) ᱨᱮ ᱠᱚᱢᱚᱨᱥᱤᱭᱟᱞ ᱚᱨᱡᱚᱭ ᱥᱚᱫᱚᱴ ᱠᱮᱫᱼᱟ ᱾[᱕]

᱑᱗᱗᱖ ᱥᱟᱞᱮᱨᱮ ᱯᱮᱯᱥᱤ, ᱴᱚᱞᱮᱰᱚ ᱨᱮ ᱟᱨᱹᱠᱮᱹᱳ ᱵᱚᱴᱞᱚᱨ, ᱳᱦᱤᱭᱚ ᱫᱚ ᱟᱢᱮᱨᱤᱠᱟ ᱨᱮᱱᱟᱜ ᱵᱮᱥᱮᱸᱴᱱᱤᱭᱚᱞ ᱯᱟᱨᱟᱵᱽ ᱥᱟᱶᱛᱮ ᱢᱮᱥᱟ ᱠᱟᱛᱮ ᱯᱩᱭᱞᱩ ᱛᱤᱨᱞᱟᱹ ᱯᱮᱯᱥᱤ ᱟᱹᱠᱷᱨᱤᱧᱤᱭᱧᱹ ᱠᱚ ᱫᱚᱦᱚᱠᱮᱫᱮᱭᱟ ᱾ ᱑᱙᱙᱖ ᱥᱟᱞᱮᱨᱮ ᱯᱮᱯᱥᱤ ᱭᱟᱜ ᱵᱮᱯᱟᱨ ᱱᱟᱯᱟᱭ ᱛᱮ ᱪᱟᱞᱟᱶ ᱤᱫᱤᱭᱮᱱ ᱛᱮ ᱯᱮᱯᱥᱤ ᱥᱴᱳᱯᱷ ᱵᱤᱵᱚᱨᱚᱱ ᱠᱟᱹᱢᱤᱦᱚᱨᱟᱭ ᱥᱟᱵ ᱠᱮᱫᱼᱟ ᱾ ᱱᱚᱶᱟ ᱵᱤᱵᱚᱨᱚᱱ ᱫᱚ ᱒᱐᱐᱒ ᱥᱟᱞᱮ ᱨᱮ "ᱮᱡᱽᱞᱮᱥ ᱣᱚᱱᱰᱟᱨᱥ" ᱯᱟᱛᱷᱟᱢ ᱨᱮ ᱩᱪᱷᱟᱹᱱ ᱮᱱᱟ ᱟᱨ ᱟᱨᱦᱚᱸ ᱵᱮᱯᱟᱨ ᱢᱟᱬᱟᱝ ᱥᱮᱫ ᱞᱟᱦᱟᱭ ᱞᱟᱹᱜᱤᱫ ᱠᱚ ᱧᱟᱢ ᱠᱮᱫᱼᱟ ᱾ [᱖]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. The History of the Birthplace of Pepsi-Cola. Pepsistore.com. Retrieved on February 4, 2012.
  2. The History of Pepsi-Cola, Soda Museum, LLC
  3. Soda Museum - The History of Pepsi Cola
  4. The History of the Birthplace of Pepsi-Cola
  5. SODAmuseum.com "The History of Pepsi-Cola", sodamuseum.bigstep.com, paragraph 31
  6. PepsiCo - Company - Honors (2002), Promo Magazine, 2002.